Post: #1
Title: طلبات إلى : الرئيس عمر البشير
Author: حمد عبد الغفار عمر
Date: 05-11-2014, 06:48 PM
تحية طيبة وبعد
لا يخفى عليك ما وصل إليه حال الفساد في بلدنا العزيز السودان وأنت تقف على رئاسة هذا البلد ، بل لقد أشرت وأكدت مرارا على استفحال الفساد ولم نرى منك قرارا سياديا يعيد الأمور إلى نصابها
وإنما دائما تحيل الأمر إلى الجهات العدلية وانت تعلم تماما ضعفها أمام صقور وشبكات الفساد النافذة . هذا لعمري فساد تتقزم أمامه كافة مساوئ الإنقاذ من عزل وإقصاء وإفقار وقتل وهو يدمي القلب ويحزن النفس
فكيف تُسرق هذه المليارات والناس مرضى لا يجدون العلاج والشعب جائع لا يجد ما يسد به رمقه وأطفال السودان يشيحون بوجوه يعتريها البؤس والمسكنة وشظف العيش
لا أطيل فالحال لا يحتاج إلى شرح مطول وانت سيد العارفين
فإذا كنت تريد محاربة الفساد فإنني اتقدم إليك بهذا الإقتراح
أولا تكوين هيئة عدلية من القضاة والمحاميين المفصولين للصالح العام (من غير حزب المؤتمر والجبهة الإسلامية سابقا)
ثانيا : تكوين لجنة محاسبية من المراجعين والمحاسبين المفصولين للصالح العام (من غير حزب المؤتمر والجبهة الإسلامية سابقا)
ثالثا : تكوين قوة أمنية من الضباط والعساكر المفصولين للصالح العام تكون مهمتها حماية سير التحقيقات وأعضاء اللجان
على أن تتولى هذه الهيئات مراجعة جميع الوزارات والبنوك والشركات والهيئات الحكومية وتتميز بصلاحيات غير محدودة وتتبع مباشرة لرئاسة الجمهورية
وبعدها تتم المحاسبة وتطبيق القانون على من تثبت عليه تهمة الفساد بدون حلول وسطية .
هذا إذا كنت جادا في محاربة الفساد
|
Post: #2
Title: Re: إلى: الرئيس عمر البشير
Author: محمد البشرى الخضر
Date: 05-11-2014, 08:19 PM
Parent: #1
يا حمدنا ما تعصر على الريّس
فساد شنو البحاربو وهو الحامي الأوّل للفساد
خلينا نطلب منو حاجة في قدرته:
يا ريّس شوف لينا طريقة للتحكيم العواليق دا يا تاني هلال مريخ ما بنلعبها إلاّ بحكام أجانب !
|
Post: #3
Title: Re: إلى: الرئيس عمر البشير
Author: حمد عبد الغفار عمر
Date: 05-12-2014, 05:57 AM
Parent: #2
هلا يا كابتن محمد البشرى
أنا يا دوب فتحت البوست كدي أول حاجة خليني ناخد لي ضحكة 
[IMG]فساد شنو البحاربو وهو الحامي الأوّل للفساد
خلينا نطلب منو حاجة في قدرته:
يا ريّس شوف لينا طريقة للتحكيم العواليق دا يا تاني هلال مريخ ما بنلعبها إلاّ بحكام أجانب ![/IMG]
ياخ ما عندي مانع خلي يحل أي حاجة الرئيس دا 25 سنة ما حل ليهو مشكلة كل يوم يقول سوف نعمل كدا، يعني كل يوم الشغل عندو ببدأ من بكرة
حتى مشكلة الجنوب اريتو لو ما حلاها أفقرت الشمال ودورت الحرب في الجنوب
فانا قلت أساعدو يمكن مافي زول قاعد يقدم ليهو حلول
ياخ الفساد دا أنا بقى يزعلني أكتر من الموت
معقول زول يسرق يقولوا ليهو رجع القروش وأمشي شغلك عادي إمكن سارق قبلها مليارات تانية كيف يمشي ؟
في الدول التانية المسئول لو حامت حولو شبهة بس ببحتوا ليهو لي جد جدو
|
Post: #4
Title: Re: إلى: الرئيس عمر البشير
Author: حمد عبد الغفار عمر
Date: 05-12-2014, 04:09 PM
Parent: #3
أها يا جماعة غيرنا العنوان إلى طلبات عشان نشوف عينة طلبات إلى السيد الرئيس
ولو إني زي جاتني قناعة إنو الشعب السوداني (القاعد في السودان) بقى يتلذذ بوجود الإنقاذ على الأقل فاتحة ليهو باب شمارات وونسة
بالفساد الحاصل دا طبعا الناس في السودان عدمت الموضوع
|
Post: #5
Title: Re: إلى: الرئيس عمر البشير
Author: Hisham Ibrahim
Date: 05-13-2014, 06:45 AM
Parent: #4
واحد من رؤساء الدول القدماء طبعاً
جابو ليهو قضية فساد عشان يصادق علي الحكم كتب في آخر الصفحة ووقع إسمو
كتب : يُعاد الختان مره أُخرى .....
هسع دي كان سواها للخدر دا ..!! ما كان حشانا برد وإنتبه الغافلون ....
|
Post: #6
Title: Re: إلى: الرئيس عمر البشير
Author: حمد عبد الغفار عمر
Date: 05-13-2014, 06:43 PM
Parent: #5
مرحب هشام إبراهيم
| Quote: يُعاد الختان مره أُخرى ..... |
والله حرامية السودان ديل دايرين ليهم كم إعادة للختان
أو قطع من القاعدة
|
|