فضيحة دولية في مباراة الهلال الذي احرز هدفين في المبارة واحد للهلال وواحد للمريخ

وروني رايكم في سليمان عبدالقادار موديل 2014 والقرش الكورة واستلمها الحارس
فضيييييييييييييييييييييييييحة كروية في زمن الديجيتا ل

الحكم عمل نايم لانو ما في محل تقيف فيه الحيطة
ههههههههههههههههههههههه

المذيع اتخلع
ولكن شكلو مريخابي عمل رايح

يعني الحيطة تقيف ورا الشبكة
وبما انها ضربة حرة غير مباشرة

القون يجري طواي يخمش الحيلعبو ليه الكورة
بلنتي بلنتي
يمكن المهاجم يطفشها

واحد قال لي
لوما قرشها
كا ن حيقرشها

الليلة المريخاب كلكم اعملوا رايحين
ود الموج خلينا من اليهود الفي الامن
وريني رايك في الصهاينة البقرشو

وبرضو يقولوا ليك الحكم عصر علينا

ده عصر ليمونة

خليك من ديل كلهم ، إبني الصغير إندهش من تلك التقريشة وأصابه الوجوم حينما تقاضى الحكم وصرف النظر .

ولياب يا حليب قلبي
ولدك مثقف كرويا احسن من صديق الموج

مدرب المريخ يشيد بالحكم
لا احسن ما يشيد بيه!

اللمين البشاري وين؟

الغريبه الحكم كان جنب الكوره وما بعيد منها؟

تعرف يا محمد دودي
صديقي الجميل ود الناظر وكبير وزراء الري بالمنطقة العربية قبل الاعتزال قال لي
الحكم تعامل بروح القانون وفقه الضرور
فمن اضطر غير باغ

Quote: يا دكتور ماليك في الكورة يا اخوي خليك في الكنت فيهو احسن . . متأكد من يوم السبت تاني ما بنسمع ليك كلام في الكورة . . بترجع تعمله سياسه وثقافه . .

يا خالد من مريخاب تحت
انا مالي في الكورة
بس انت وريني رايك في التقريشة؟

يا دكترة
سلام مش مربع ده سلام الوف
احسن تخلي الكورة و نرجع مع الفن و الحب و الادب
انت ما بتشوف كور اوربية ولا حتي عربية
بكرة يجيك ضغط و سكري
اسمع طه سليمان في عوض دكام

عزيزى د. محمد حسن
تحية طيبة

أولاً باسكال لعبته تحتمل إما كان فى نيته تمرير الكرة لحارسه أو أنه قلش.
الإحتمال الأول يعنى مخالفة من زغبير تستحق ضربة حرة غير مباشرة،
والإحتمال الثانى (القلشة)، يتيح قانون اللعبة للحارس إستلام الكرة. وهى
حالة يقدرها الحكم.

ولكن كتمريرة فهى خطرة من باسكال لأنها تمريرة بين الخشبات للحارس
الواقف قرب خط المرمى. وعادة المدافعون يتجنبون مثل هذه التمريرة وحتى
الخبير سليمان عبد القادر لن يفعل ذلك. وما قبل وما بعد تعديل القانون لم يمنع
أبوداؤود من إرجاع الكرة لحارسه وتختلف أوضاع وسيناريوهات الترجيع
وليست من بينها الحالة موضوع البوست. ولو فرضنا باسكال رجعها فالخطأ
هو خطأ الحارس الذى إستلم باليد و وليس من أسميته أبوداؤد 2014 ،
فى هذه السانحة أحييى صخرة الدفاع أبودؤد.
.
كما أن باسكال لم تأتيه الكرة تمريرة من زميل، و لم يكن مسيطراً على الكرة
إستلمها ثم إختار إرجاعها لحارسه، بل كانت هجمة خطرة من تمريرة طويلة
من منافسه، وكان هو متقدماً خطوة عن بكرى المدينة ، والمطلوب منه إبطال
خطورة الهجمة، والمجال متاح له لإبطالها بإبعاد الكرة ركنية أو عرضية يمين
ملعبه حيث يتواجد زميل له أو تخرج تماس.

باسكال تعامل مع الكرة حال وصولها بلمسة واحدة على مشارف خط ال 18 وحارسه
زغبير قرب خط المرمى وبكرى خلفه مباشرة ولا يوجد أى لاعب أخر قريب من الهلال.
زغبير كان متاح له التعامل مع الكرة بقدمه وتشتيتها ، إمساكه لها بيديه الإ إذا إعتبرها قلشة
وتشكل خطورة على مرماه، وإما أنه سهى. إمساكه لها يوحى للحكم ومساعده أنها قلشة.
مع ملاحظة أنه لحظة بدأ الهجمة تمريرة الباص الطويل للهلال كان الحكم قرب دائرة السنتر
وكان محجوب عنه رؤية الحالة لأنه مغطى ببكرى المدينة وربما لاعبين أخرين،
ومغطى بباسكال نفسه المديهو ظهره. ومساعد الحكم الأقرب للحالة لم يرفع رايته
(نفس المساعد الذى لم يرفع الراية فى تسلل بكرى المدينة فى حالة هدف الهلال)

بإعتبار كل ما تقدم تصيح الحالة تقديرية ومعرفة نية باسكال، والقلشة إحتمالها قائم
ولكم أسوة حسنة فى المبدع أثير توماس .. يعنى باسكال إلا يختها فى التمنيات !
والحكم ما شاف حتى ليحكم ويقدر الحالة.

بجيك راجع فيما يخص لو أحتسب الحكم مخالفة على زغبير ... يتبع

ثانياً: لنفرض جدلاً المفروض أن تحسب الحالة المعنية مخالفة على زغبير
ضربة حرة غير مباشرة داخل منطقة المرمى (منطقة ال 6 ياردات).
فلنرجع لقوانين اللعبة:

كلامك غير صحيح فى أنه مافى مكان للحيطة، فهذه الحالة إستثناها القانون
ولا ينطبق عليها شرط مسافة ال 10 يارادات ومسموح للاعبى الفريق
المدافع الوقوف على خط المرمى. كما أن أى ضربة حرة غير مباشرة
تحسب داخل منطقة المرمى تنفذ من أقرب نقطة على خط ال 6 ياردات.

أيضاً كلامك بأن الحارس حيخمش اللاعب المهاجم الذى ستمرر له الكرة
يوحى بأنك تستثنى حارس المرمى من شرط إبتعاده مسافة ال 10 ياردات
وهذا غير صحيح، فالشرط يسرى عليه وزملائه، وإن كانت وظيفته تحتم
علية أن يكون آخر لاعب خلف زملائه، ولا يتقدم للوقوف فى حايط الصد.
وكما أسلفت هذه الحالة الخاصة بإستحالة تطبيق شرط مسافة ال 10 ياردات
تسمح له ولزملائة بالإصطفاف على خط المرمى.

ففى هذه الحالة الإستثنائية يمكن للاعبى الفريق المدافع الإصطفاف على
خط المرمى. كما ليس هنالك ما يمنع تواجد بعضهم فى ممواقع على الخط
العرضى لموضع الكرة على خط ال 6 ياردات يمين ويسار اللاعب
المنافس المنفذ للضربة الحرة الغير مباشرة (بجواره) ... فغابة سيقان
وأجسام الفريق المدافع ستجعل مهمة التهديف صعبة، وتشتيت الكرة أسهل،
وإرتفاع إحتمالات إحتساب مخالفة لصالح حارس المرمى وليس ضده.

مع تقديرى.

اخي حسن الطيب
الكورة النحن بنعرفها فن وادب
نحن عشنا زمن كسلا وكمال الدكتور
ومساجلات حاج حسن عثمان من المريح
وحسن عمر من الهلال لغة ادبية رصينة وابهار في البلاغة

يا دكتور
سلام تاني و تالت
و الله ما قصدت إنك ما بتعرف الكورة
لكن الكورة وين في سودان العزة اليوم و الله الدافوري اجمل
من مباراة هلال مريخ
وحضرت اجمل ايام الفن الكروي في السودان الجميل في الزمن الجميل
و افتتاح دار الرياضة الخرطوم اخوك كان حاضر اخر 10 دقائق
مش احسن الفن

الليله بكري المدينه ضيع له قون ما بضيع ,,,شات في السما .. غايتو جنس غايتو .. تبكو ساي في الرد الا تعوضها يا بكري وما تقول ما ذنبي