Post: #1
Title: قنواتنا الفضائية والاعلانات المخجلة
Author: صالح عبده
Date: 05-11-2014, 08:49 AM
ياهو يا بيت ابوي
والعدس التركي
واخيرا عجينة الطعمية
شئ غير منطقي دعاية لمأكولات شعبية باسلوب تجاري رخيص
اصابنا بالغثيان وترك انطباع سئ في نفس المشاهد السوداني
والاجنبي والهدف جني الارباح بتلك الاساليب والالفاظ السوقية
|
Post: #2
Title: Re: قنواتنا الفضائية والاعلانات المخجلة
Author: صالح عبده
Date: 05-11-2014, 08:50 AM
Parent: #1
هل هذه السلع لها علاقة بدعم اقتصاد البلد؟؟
|
Post: #3
Title: Re: قنواتنا الفضائية والاعلانات المخجلة
Author: صالح عبده
Date: 05-11-2014, 08:53 AM
Parent: #2
الاعلان التجاري اصبح تخصصا له معلمون وفنيون وخبراء
|
Post: #4
Title: Re: قنواتنا الفضائية والاعلانات المخجلة
Author: Mohd Ibrahim
Date: 05-11-2014, 09:50 AM
Parent: #3
هذة الاعلانات تلقي رواجا من المشاهدين والدليل علي ذلك ان شاكلة هذة الاعلانات مستمرة من زمن طويل ....الاعلان التجاري ليس مسؤولا عن ترقية ذوق المشاهد او المتلقي
هو ببساطة يقدم الشئ الذي يخاطب عقل وهوي المتلقي وذلك بهدف تجاري بحت وهو بيع السلعة ....التلفزيون والاعلام هم المسؤلين من تقديم هذة الرسالة وترقية ذوق المجتمع ...
وياهو دا "حاليا" مستوي الاغلبية من الناس التي تشاهد تلفازنا القومي !!!!! واليي اشعار اخر
|
Post: #5
Title: Re: قنواتنا الفضائية والاعلانات المخجلة
Author: othman mohmmadien
Date: 05-11-2014, 10:37 AM
Parent: #4
Quote:
خديجه زعلت من راجلا وقالت ليهو (يا الوابل يا بيت ابوي ) م صدق راح طوااالي موديها بيت ناس ابوها ... وصلت البيت لقت ناس البيت ميتين من الجوع ويكوركوا ( دايرين تونا ... وين التونا ... جوعتونا ) قالت ليهم خلاص انسوا التونه انا حأعمل ليكم عدس ( اطعم عدس ... ما تقولوا لي ... ما تحكوا لي ) وظبطت ليهم داك يا العدس لحدي م اختها الصغيره قالت ( ياسلااام اكل شنو الحلو دا ) ولانو كان ( عشره علي عشره ) وكمان معمول ( بزيت الطيب ) قامت قالت ليهم الاكل برانا م بنفعنا اعزموا ( عشره من اصحابكم ) قاموا ضربوا لي ( عمو كمال .. وخالتو اقبال .. واحمد ودا الجيران .. وعثمان سيد الدكان ) . بعد يومين خديجه اذكرت انو راجلا ما سأل فيها ولا اشتغل بيها ( قامت وقعت من البلكونه ) بس لانو كانت شاربه ( شامبيون) الوقعه م عملت ليها حاجه . راجلا لمن سمع بي وقعتا قام ( ضرب ليها وصالحا ) وجا البيت ( لقاها فرحااانه ) قاليها خلاص م تزعلي انا جبت ليك (صندلية العنود ) خديجه م صدقت راحت جري علي المطبخ ولما اتأخرت راجلا ناداها ياوليه وين الشاي قالت ليهو ياراجل ( سمحه المهله ) بس ظبطت ليه و داك يا الشاي قاليها الشاي الخطير دا من وين ؟ قالت ليهو ( دا الاغلي من الدهب ابوي وصاني وانت وصي اولادك ) ( ونحنا حكينا القصه دي ليييه ؟ )
عشان تشوفوا قنواتنا معذبننا بالدعايات كيييف |
|
Post: #6
Title: Re: قنواتنا الفضائية والاعلانات المخجلة
Author: مهدي صلاح
Date: 05-11-2014, 11:33 AM
Parent: #5
عليكم بالاعلانات الاذاعية في امدرمان والبيت السوداني وباقي اذاعات الاف ام التي يمكن التقاط بثها فضائيا
فيها ما يناطح عيون اغاني الحقيبة
اليومين ديل واقعين في (تافي) بوابير من دال ... اعلان تافي يتميز بتطريب عالي جدا
|
Post: #9
Title: Re: قنواتنا الفضائية والاعلانات المخجلة
Author: صالح عبده
Date: 05-22-2014, 06:45 AM
Parent: #6
اخوي مهدي صلاح انت عارف الاذاعات ارحم شوية لانها صوت
بس وكمان مافي جهات اجنبية بتشوفها
|
Post: #8
Title: Re: قنواتنا الفضائية والاعلانات المخجلة
Author: صالح عبده
Date: 05-11-2014, 12:08 PM
Parent: #5
Quote: خديجه زعلت من راجلا وقالت ليهو (يا الوابل يا بيت ابوي ) م صدق راح طوااالي موديها بيت ناس ابوها ... وصلت البيت لقت ناس البيت ميتين من الجوع ويكوركوا ( دايرين تونا ... وين التونا ... جوعتونا ) قالت ليهم خلاص انسوا التونه انا حأعمل ليكم عدس ( اطعم عدس ... ما تقولوا لي ... ما تحكوا لي ) وظبطت ليهم داك يا العدس لحدي م اختها الصغيره قالت ( ياسلااام اكل شنو الحلو دا ) ولانو كان ( عشره علي عشره ) وكمان معمول ( بزيت الطيب ) قامت قالت ليهم الاكل برانا م بنفعنا اعزموا ( عشره من اصحابكم ) قاموا ضربوا لي ( عمو كمال .. وخالتو اقبال .. واحمد ودا الجيران .. وعثمان سيد الدكان ) . بعد يومين خديجه اذكرت انو راجلا ما سأل فيها ولا اشتغل بيها ( قامت وقعت من البلكونه ) بس لانو كانت شاربه ( شامبيون) الوقعه م عملت ليها حاجه . راجلا لمن سمع بي وقعتا قام ( ضرب ليها وصالحا ) وجا البيت ( لقاها فرحااانه ) قاليها خلاص م تزعلي انا جبت ليك (صندلية العنود ) خديجه م صدقت راحت جري علي المطبخ ولما اتأخرت راجلا ناداها ياوليه وين الشاي قالت ليهو ياراجل ( سمحه المهله ) بس ظبطت ليه و داك يا الشاي قاليها الشاي الخطير دا من وين ؟ قالت ليهو ( دا الاغلي من الدهب ابوي وصاني وانت وصي اولادك ) ( ونحنا حكينا القصه دي ليييه ؟ )
عشان تشوفوا قنواتنا معذبننا بالدعايات كيييف |
اخي othman mohmmadien
يعني اي دعاية لو مادخلوا فيها الام والاب وكمان الجيران البضاعة بتبور؟؟؟؟؟؟
|
Post: #7
Title: Re: قنواتنا الفضائية والاعلانات المخجلة
Author: صالح عبده
Date: 05-11-2014, 11:59 AM
Parent: #4
اخوي Mohd Ibrahim
المشاهد ليس بهذه السزاجة لكنه مرغم علي قبول هذه الاشياء
الغير حضاريه لاسباب عدة اولها الربح دون الانظر الي النتائج
تحياتي
|
Post: #10
Title: Re: قنواتنا الفضائية والاعلانات المخجلة
Author: صالح عبده
Date: 06-11-2014, 07:09 AM
Parent: #7
التلفاز من المؤسسات الاعلامية الهامة لذا لابد من اختيار المادة التي
تعرض علي المشاهد بعناية فائقة بدلا من عرض الاعلان كما هو
دون النظر الي تبعاته
|
Post: #11
Title: Re: قنواتنا الفضائية والاعلانات المخجلة
Author: صالح عبده
Date: 07-08-2014, 10:00 AM
Parent: #10
نفس المشهد المزري تكرر في رمضان لا نعرف من مؤلف
هذه الكلمات السوقية الرخيصة التي تطل علينا من حين لاخر
يجب ان تنتقوا الصحيح المفيد يا اهل التلفزيونات
|
|