Post: #1 Title: العبار بريمة بلل.. Happy Cinco de Mayo Author: Deng Date: 05-06-2014, 08:14 PM Parent: #0
العبار بريمة .
أتمنى لك Happy Cinco de Mayo
وإنشالله السنة الجاية زي ما عاوز.
طبعا العبار معروف بأنه يحتفل سنويا بهذه المناسبة الهامة.
Post: #2 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:16 PM Parent: #1
من ويكيبيديا، الموسوعة الحرة
اذهب إلى: تصفح، ابحث
سينكو دي مايوCinco de Mayo (الأسبانية عن "الخامس من ايار / مايو") هو يوم العطلة الإقليمية في المكسيك ، ويحتفل به في المقام الأول في ولاية بويبلا ، مع بعض اعتراف محدود في أجزاء أخرى من المكسيك. [1] [2] العطلة بمناسبة ذكرى انتصار الجيش المكسيكي (غير الكامل) على القوات الفرنسية في معركة بويبلاPuebla يوم 5 مايو 1862 ، تحت قيادة الجنرال المكسيكي اغناسيو سرقسطة سيغان. [3] [
Post: #3 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:38 PM Parent: #2
طبعا العبار بريمة بلل، ح يكون محتفل بأرقى وأفضل أنواع المشروبات المشهورة في هذه المناسبة.
Post: #4 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:44 PM Parent: #3
Watermelon Sangria
Feisty Fiesta
Post: #5 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:47 PM Parent: #4
Kiwi Margarita
Rita Rioja
Post: #6 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:50 PM Parent: #5
Aviandoacute;n Lemonade
La Cenita Steak’s Sirenita Recipe
Post: #7 Title: Re: العبار بريمة بلل.. Happy Cinco de Mayo Author: Deng Date: 05-06-2014, 08:52 PM Parent: #6
هذا هي المشروبات التي يشتهر بها هذا الأحتفال.
وأكيد العبار بريمة بلل بكون ما قصر في نفسو.
وشايفو من يوم الاحد مختفي من البورد.
Post: #8 Title: Re: العبار بريمة بلل.. Happy Cinco de Mayo Author: بريمة محمد Date: 05-06-2014, 10:59 PM Parent: #7
العبار دينق،
Quote: وشايفو من يوم الاحد مختفي من البورد.
شكراً على السؤال ..
لكن زرة ###### فى طاحونة ..
تصدق هذا اليوم أحتلفت به جارتي ماريا .. ودعتنى والمدام لمنزلها .. لكن حالف بيتها ما نخت فيه رجلى .. منزل وكر !
بريمة
Post: #9 Title: Re: العبار بريمة بلل.. Happy Cinco de Mayo Author: Kostawi Date: 05-06-2014, 11:01 PM Parent: #7
كل 5 مايو و أنت طيب يا سعادة الكابوي الجهيني أرقد يا عيش أنا جرابك
يا دينق ياخ العبار دا تلقاه مجدوع في زقاق من أزقة se
Post: #10 Title: Re: العبار بريمة بلل.. Happy Cinco de Mayo Author: بريمة محمد Date: 05-06-2014, 11:27 PM Parent: #9
كوستا،
Quote: أرقد يا عيش أنا جرابك
عااااااع .. أرقد يا غُلب .. علي اليمين .. دى سى .. مولعة نار .. ! .. يا زول أهه .. نحن الشيوخ اليومين ديل لابسين نظارات شمس تقيلة .. لزوم ضرورة سخانة الطقس.
بريمة
Post: #11 Title: Re: العبار بريمة بلل.. Happy Cinco de Mayo Author: ABDALLAH ABDALLAH Date: 05-07-2014, 05:04 AM Parent: #10
Quote: تصدق هذا اليوم أحتلفت به جارتي ماريا .. ودعتنى والمدام لمنزلها .. لكن حالف بيتها ما نخت فيه رجلى .. منزل وكر !
بريمة
الحبيب بريمه (إذا دعيتم فاجبوا) جارك القريب ولا ود أمك البعيد وزى ما بقولوا الرسول وصى لى سابع جار والإسبان ديل ناس مساكين زينا ما ناس شر. ......................................... بتمنى البوست دا يلم كل أصحابى الفى واشنطن بمناسبة هذا العيد المكسيكى .
Post: #12 Title: Re: العبار بريمة بلل.. Happy Cinco de Mayo Author: Kostawi Date: 05-07-2014, 05:49 AM Parent: #11
Quote: منزل وكر
ياخ إنتا لغاية هسة ما عرفت الوكر? الوكر إنتا زاتك! أصحى يا بريش (طبعا دي ما بتعرفا...يعني ما تصغير لي برش) ياخ أنت متخلف قلبة و عدلة-- كيف جيران يعزموك ما تمشي ليهم? أها في عيدالأضحى لو عزمتهم حا يطلعوا ليك الأصبع داك..
متخلف ليس إلا
و جعلناكم شعوبا دي راحت في مرقة? أقصد في عبار?
عبابيرو غلطان يا دينق...دا كلو من عشقو مع المريسة و المشك و ما داير يجرب الحاجات الراقية بتاعة الكابويات المكاسيك و هو عامل نفسو كابوي بدون (تكيلا) فضحتنا يا العبار
أقدم نيابة عن أعضاء سودانيزأون لاين للأسرة المكسيكة التي جاورت هذا العبار المتخلف إعتذارونا و أسفنا.
و العيد الجاي أكيد حا نزوركم و نعتذر ليكم ما أي سوداني, سوداني!
Post: #13 Title: Re: العبار بريمة بلل.. Happy Cinco de Mayo Author: Kabar Date: 05-07-2014, 07:53 AM Parent: #12
Quote: وأكيد العبار بريمة بلل بكون ما قصر في نفسو.
مرمي البهجة ما بترفع يا دينق..!!! يازول هوي لم العدة.. تقوم تقع فيها عين ساكت..!! ده زول قرعة و في القرعة مشرومة بالجنبا..!!!!
صاحبك بكرة يجي يقول ليك بطيخاية... انقارا.. ليموناية.. جوافاية.. ام ريحاناية..! و كمان قرن شطة..!!
و لن يعتر لسانو على مارقريتا..!!!!
لعناية كوستاوي.. عارف يا قريبي... هي شجرة طيبة بين بين... شكلها نخلة لأ.. شكلها دليب.. لأ.. شكلها دوم لأ.. عندنا في كردفان ..تحديدا في جبال النوبة.. قاعدة تنمو هناك بكثرة..و اسمها المحلي شدرة الدندور..و ناس بريمة قاعدين يصنعوا منها كشكوش ( باركشن) يلعبوا بيهو المردوم.. غير كدا ما في زول عارف سرها الإ انا و المكاسيك...!! في المسكيك قاعدين يزرعوها..و من جذعها... أي و الله الجذع الواحد ده.. قاعدين يحلبوا العصير.. فيكون (تكيــــــــلا)..!!!!! عندهم مقاطعة كاملة شغالة في انتاج الشئ ذاتا..و عندهم قطر أي ضلعة فيهو مكتوب (تكيلا)..!!!!!!
دينق لم العدة ياااااااخ.. قبال ما نتعفرت ساكت..!!!!
صدق من قال (مرمي البهجة ما بترفع كلو كلو..)...
كبر
Post: #14 Title: Re: العبار بريمة بلل.. Happy Cinco de Mayo Author: بريمة محمد Date: 05-07-2014, 11:00 AM Parent: #11
الحبيب عبد الله، سلامات ..
Quote: الحبيب بريمه (إذا دعيتم فاجبوا) جارك القريب ولا ود أمك البعيد وزى ما بقولوا الرسول وصى لى سابع جار والإسبان ديل ناس مساكين زينا ما ناس شر.
نعم الرسول وصى بالجار .. لكن ما أظن مثل هذا االجار .. ديل تحلف تقول شيطان أمريكا ساكن معاهم .. ما يحصل فى وكرهم شيئ غير مقبول نهائياً بالنسبة لموروثونا الثقافى.
زمان كان ساكنين جوارى رجل أفريقى من ليبريا وزوجه وأطفاله وكذلك إمرأه من اللاتين وزوجها .. إلى اليوم أصحابى اللابيرين بجونا زيارة .. أما اللاتين المرأة لها ست أطفال كل واحد من أب مختلف .. وحينما سنكت جوارى معاها زول مختلف غير أب أى من الأطفال .. ولم يكن لها أى علاقة شرعية مع أى أبوات الأطفال .. وبعد كم سنة وهى ساكنة جوارى وتمارس فى سواطتها جاءوا ناس الجوازات والهجرة قبضوا عليها وراجلها .. لم يكن لها حتى أوراوق ثبوتيه .. وبعد داك كانت مديرة فى إحد شركات مطار دالاس!! .. أنا حمدت الحى القيوم يوم قبضوا عليها .. حسع أنا فى ورطة جديدة لنج .. الله يجب العواقب سليمة ..
بريمة
Post: #15 Title: Re: العبار بريمة بلل.. Happy Cinco de Mayo Author: بريمة محمد Date: 05-07-2014, 11:18 AM
كوستا، سلام ..
Quote: عبابيرو غلطان يا دينق...دا كلو من عشقو مع المريسة و المشك و ما داير يجرب الحاجات الراقية بتاعة الكابويات المكاسيك و هو عامل نفسو كابوي بدون (تكيلا) فضحتنا يا العبار
لا أنت ولا العبار دينق لو قلت ليهو يدخل فى الوكر دا ما يقدر .. يا أخى بيت العنكبوت الذكروه فى القرآن .. القالوا المرأة العنكبوته أول ما تحمل تقل الذكر .. وأول طفل يتغذى على الذين يفقسون من بعده .. لم يصل سوء هذا الوكر .. لو القصة عبابير .. كان ممكن يكون أخذت عبابير وشاركتهم .. دا وكر يقود لمضبات وجخانين مثل لعبة التوهان "بازل" .. لو دخلت فى هذا الوكر أقلها ناس حلتنا بختوا فيك رأي .. ولا تنجوا من أسئلة وأستجواب ناس حلتنا الشيوخ الكبار الذين يراقبوا الداخل والمارق من هذا الوكر خوفاً على فلذات أكبادهم وسمعتهم .. وما تنسى يا كوستا نحن عندنا شجرة ضرة خارج بوابة حلتنا .. نجتمع فيها كلنا فى بعض الأوقات للسمر .. ونجيبوا الشاى والزلابية .. وهناك ح يظهر المدسوس يقولوا بريمة شفناه دخل الوكر داك .. بعداك إلا نرحل.
يوم من الأيام المرأة الجارة جابت لى طبق مكسيكى بالرز .. حاجة ما تتخيلها .. قلت ليها أنا صايم لكن بعد ساعتين ح أفطر .. تونست معانا وخلت صحنا ومرقت .. شلت الصحن وعنيت به التراش .. رجعناه لها صحنها بوجبة سودانية وشكرناها على حسن صنيعها.
غايتو الغربة ورتنا نجوم القايلة ..
بريمة
Post: #16 Title: Re: العبار بريمة بلل.. Happy Cinco de Mayo Author: Zakaria Joseph Date: 05-07-2014, 03:40 PM Parent: #15
La celebré en Chicago con unos amigos mios. Me encanta la Taquila. Gracias Deng and Belal, Kostawi y Kabar.
Post: #17 Title: Re: العبار بريمة بلل.. Happy Cinco de Mayo Author: Deng Date: 05-07-2014, 04:39 PM Parent: #16
Quote: تصدق هذا اليوم أحتلفت به جارتي ماريا .. ودعتنى والمدام لمنزلها .. لكن حالف بيتها ما نخت فيه رجلى .. منزل وكر !
بريمة
العبار بريمة بلل.
كان لازم تقبل الدعوة دي، لأنها من جيرانك. وعندما تقبل دعوتهم على الأقل بيعطوك أحترام أكبر. لو كنت بتخاف كان تسوف معاك جارك العزيز As a backup.
بس أوع تكون خايف من الجمال المكسيكي، اصلن المكسيكيات ديل فيهن الجميلات جمال مبالغ فيه.
Post: #18 Title: Re: العبار بريمة بلل.. Happy Cinco de Mayo Author: بريمة محمد Date: 05-07-2014, 09:52 PM Parent: #17
ول أبا كبر، سلامات ..
Quote: عارف يا قريبي... هي شجرة طيبة بين بين... شكلها نخلة لأ.. شكلها دليب.. لأ.. شكلها دوم لأ.. عندنا في كردفان ..تحديدا في جبال النوبة.. قاعدة تنمو هناك بكثرة..و اسمها المحلي شدرة الدندور..و ناس بريمة قاعدين يصنعوا منها كشكوش ( باركشن) يلعبوا بيهو المردوم.. غير كدا ما في زول عارف سرها الإ انا و المكاسيك...!! في المسكيك قاعدين يزرعوها..و من جذعها... أي و الله الجذع الواحد ده.. قاعدين يحلبوا العصير.. فيكون (تكيــــــــلا)..!!!!! عندهم مقاطعة كاملة شغالة في انتاج الشئ ذاتا..و عندهم قطر أي ضلعة فيهو مكتوب (تكيلا)..!!!!!!
ول أبا أنت ذاتك زول ما ساهل .. الكلمة دى ما سمعت بيها إلا عندكم هنا .. كن كده بدق لجارتى الباب حتى لو بالسرقة ..
بريمة
Post: #19 Title: Re: العبار بريمة بلل.. Happy Cinco de Mayo Author: Kostawi Date: 05-07-2014, 09:59 PM Parent: #18
Quote: كن كده بدق لجارتى الباب حتى لو بالسرقة
أوعك تمشي براك لأنو الشيطان حا يتلتكم
Post: #20 Title: Re: العبار بريمة بلل.. Happy Cinco de Mayo Author: Kostawi Date: 05-07-2014, 09:59 PM Parent: #18
Duplicate
Post: #21 Title: Re: العبار بريمة بلل.. Happy Cinco de Mayo Author: أيمن محمود Date: 05-07-2014, 10:32 PM Parent: #20
يا جماعة بريمة ده مرة ينكر تب ،،، ومرات ينداح ... الحاصل شنو ؟
Post: #22 Title: Re: العبار بريمة بلل.. Happy Cinco de Mayo Author: ABDALLAH ABDALLAH Date: 05-08-2014, 00:32 AM Parent: #21
Quote: زمان كان ساكنين جوارى رجل أفريقى من ليبريا وزوجه وأطفاله وكذلك إمرأه من اللاتين وزوجها .. إلى اليوم أصحابى اللابيرين بجونا زيارة .. أما اللاتين المرأة لها ست أطفال كل واحد من أب مختلف .. وحينما سنكت جوارى معاها زول مختلف غير أب أى من الأطفال .. ولم يكن لها أى علاقة شرعية مع أى أبوات الأطفال .. وبعد كم سنة وهى ساكنة جوارى
الحبيب بريمـه بالتأكيد ستتم مساءلتنا عن الإحسان إلى الجار وليس عن فجوره. ومن الإنسانية بمكان أن نبدى للجار الفرح لفرحه ونواسيه فى مأساته حتى وإن إختلفت المعتقدات . ........................... وما دام جارتك الإسبانيه بقت مديره فى مطار دالاس , عيد سينكو أفضل فرصه لتعبر لها عن المشاعر الطيبه وبارك ليها عيدهم Happy Cinco de Mayo .
Post: #23 Title: Re: العبار بريمة بلل.. Happy Cinco de Mayo Author: بريمة محمد Date: 05-08-2014, 02:42 AM Parent: #22
يا كوستا،
Quote: أوعك تمشي براك لأنو الشيطان حا يتلتكم
أنتظروا لما نلقى وصلة الكميرة .. أنا عندى صحبتى ليبيرية عمرها حوالى 80 سنة .. تسوى لى كل أكولات غرب أفريقيا .. أقسم بالله مرات الأكل أعفن من التركينج .. لما ندخل البيت المدام لما قاعدة تودينى الحمام أستحمى من العفانة اللاصقة فى ملابسى .. وبعد تلك العفانة I enjoy it very much
بس أنتظروا والله إلا الضحك يشرطكم.
لكن بالجد، اللاتين غلبونى .. ما بقدر عليهم .. صعبين فى كل طبائعهم ..
بريمة
Post: #24 Title: Re: العبار بريمة بلل.. Happy Cinco de Mayo Author: بريمة محمد Date: 05-08-2014, 03:07 AM Parent: #23
مولانا عبد الله سلام .. أخر الشريط يقول نفس كلامك .. أستمع ..
بريمة
Post: #25 Title: Re: العبار بريمة بلل.. Happy Cinco de Mayo Author: ABDALLAH ABDALLAH Date: 05-08-2014, 03:53 AM Parent: #24
Quote: مولانا عبد الله سلام .. أخر الشريط يقول نفس كلامك .. أستمع ..
تعرف يا بريمه والله عمك دا ذكرنى عمنا محمد ودالرضى , الله يرحمه كان درة المجالس , أينما حلَ إلْتَفَ الناس حوله .
