Post: #1
Title: شنو يا صحيفة الحوش الإلكترونية ...
Author: محمد البشرى الخضر
Date: 05-01-2014, 09:33 AM
Parent: #0
ههههههههههههههههههههههههههههه
أمس كتب الخبير بوست عن تفاصيل جديدة في قضية السوداني و أسرته و ان في الأمر جريمة و التحريات وضحّت انه تم طعنه من الخلف و الجانيان مصري واثيوبي و الأثيوبي اعترف ومثل الجريمة وقد سرقا مبلغ 600 ألف وتقاسماها ومزيد من التفاصيل عن انهما حاولا تعليق المرحوم على المروحة وتفاصيل أخرى دقيقة
ود الفكي قال ليه الخبر ملفوح من مواقع تعبانة ومافي مصدر موثوق
قام الخبير رد بكل ثقة انه اتصّل على جيران الراحل واتأكد بنفسه :)
يا مؤمن يا مصدّق قلنا خير مراسل ومصادر صحيفة الحوش ديل ناس خبراء أكيد و ما ساهلين وما بلفحوا اي خبر ساكت كدي
أها أمس الوكت كان متأخر فا شنو .. جيت الصباح كايس البوست سما ارض ما لقيته, قلنا ما مشكلة مشيت صحيفة الحوش زاتها لقيت الخبر مافي
يا ربي الحصل شنو الإثيوبي تراجع عن اعترافه ولا ليكون النيابة منعت النشر عشان ما تضر بسير التحقيقات مثلا
كدي خلينا مع الكذّاب لين الباب و نفترض حسن النية
النشوف آخرتها
|
Post: #2
Title: Re: شنو يا صحيفة الحوش الإلكترونية ...
Author: Jamal Mustafa
Date: 05-01-2014, 09:39 AM
Parent: #1
منذ أن رايت تفردهم بالخبر قلته الله إستر
مايكون بلغوا ليهم جبادة وطعمها كمان
|
Post: #3
Title: Re: شنو يا صحيفة الحوش الإلكترونية ...
Author: ABUHUSSEIN
Date: 05-01-2014, 10:40 AM
Parent: #2
.
| Quote: قام الخبير رد بكل ثقة انه اتصّل على جيران الراحل واتأكد بنفسه :) |
أوع تكون مشت عليك حكاية إنو الكبشرة حرام ....
|
Post: #4
Title: Re: شنو يا صحيفة الحوش الإلكترونية ...
Author: محمد عمر الفكي
Date: 05-01-2014, 10:41 AM
Parent: #2
يا ود البشرى
سلام عليكم
ياخي الامين لديه صحيفة الكترونية جديدة وكل تجربة صحفية ناشئة تصاحبها الاخطاء واعتقد ان محاولة كسب السبق الصحفي هي وراء تسرع الامين في نشر الخبر دون التثبت منه والتاكد من دقته.
(بالمناسبة يا الامين والله وما طالبني حليفة انا لو كنت محرر عندك ووصلني الخبر بالصياغة الشافتها عيني في الانترنت والله الا اشوف اقرب سلة مهملات وارميهو فيها) واضح جداً فيهو السهبللية وعدم المصداقية.
المهم
اختفاء البوست سواء تم سحبه بواسطة الامين او من طرف ادارة المنبر يشبه الاعتذار وارجو ان يتثبت البشاري في المرات القادمة حتى لا يتكرر هذا الموقف الذي يقلل من مصداقية صحيفته بدلاً من ان يزيدها.
تحياتي وتمنياتي لك ولصحيفتك بالتوفيق.
فرفور ازيك 
ابو حسين كيفك ياخي وكيف الاولاد ؟
التعديل للسلام على الكوز الامنجي دا، حيث انه مداخلته سبقت مداخلتي اثناء كتابتي لها
|
Post: #5
Title: Re: شنو يا صحيفة الحوش الإلكترونية ...
Author: عبدالعزيز حسين عبدالرحيم
Date: 05-01-2014, 10:59 AM
Parent: #2
ههههههه
شفته وطنشته بي مزاجي والله صحي
بعد دا كله الخبير يجي يفتكر أنه ممكن تنخفي وتنطربد عليه
طيب أنت مش خبير مش انت زول خطير أعمل ليه تراك وشوف الاي بيه بتاعه وين وفك البلوك واعمل لي تراك وشوف الايبي بتاعي وين أمال الدرويشة العويرة قبضوها كيف ثم مش أنت مدير أي تي
ما محتاج اتخفي يا بشاري واجيك لانه بسهول بجي القاك مقنطر نفسك بي فوق أو اجي القى زول منقطرك وهسع مدام ودالبشرى قنطرك نشوت بس والله صحي
يا بشاري شوف بدل أتعاور واتخفي ممكن أجي أ######## بي بلاويك الما ممارشفة يعني ممكن أرفع البوست دا واتعولق فيك زي ما عاوز
الراعي السوداني يواصل الإبهار ويرفض الجائزة السعودية
أو أرفع فضيحتك دي وأجرك خمسين وأرمي الجوكر بايظ
Re: الشرطة تلقي القبض على شباب فيديو الاغتصاب الجماعي
البلاوي كتيرة وأنت لابد منتظر الأرشفة تحلك
شفت يا البشاري نحنا قاعدين نطنش بس بي مزاجنا والله صحي
كبر وبريمة أصدقاء عزاز ما حبيت اخرب البوست عشانهم خجلت منهم
نحنا بنخجل لكن ما بنخاف يا البشاري وعشان كدا لو شتمك زول متخفي ما تظن دا أنا أنا بجيك عديل وبي وشي وأنت قاعد تعرد
|
Post: #7
Title: Re: شنو يا صحيفة الحوش الإلكترونية ...
Author: ناصر حسين محمد
Date: 05-01-2014, 11:27 AM
Parent: #5
حظك يا هندسة
الشغلة جابت حقها محل ماتشمي صحيف الحوش صحيفة الحوش
اسه في الفيس بوك لقيت واحد يتسأل عن رابط صحيفة الحوش
كدي الننجر لينا واحد ,, ونعتذر منو ونرفع الباك لينك شوية
|
Post: #8
Title: Re: شنو يا صحيفة الحوش الإلكترونية ...
Author: Maawya Hussein
Date: 05-01-2014, 12:00 PM
Parent: #7
شكرا ود البشري لاجبارك ادارة الموقع الالكتروني بالاعتذار عن نشر الاكاذيب
|
Post: #9
Title: Re: شنو يا صحيفة الحوش الإلكترونية ...
Author: محمد البشرى الخضر
Date: 05-01-2014, 12:07 PM
Parent: #8
اعتذرت الصحيفة لقرائها السبعة ولاّ التمانية ما عارف في موقعها كتّر خيرها برضو, شكرا علم الهدى على الرابط انا ما شفتو بصراحة لمن مشيت فتشت الخبر على موقعها
هي نان الخبير الجاب البوست هنا محل الزحمة الفيها الرحمة ما لو مطنّش من الإعتذار هنا
يا معاوية حسين كيفك
من تاريخ نشر خبر الإعتذار واضح انو سابق للبوست دا زي الساعة واحدة إلاّ عشرة صباحا بتوقيتنا
واحنا طبعا مانا شرفاء (أسافير ) ساي عشان ندّعي فضلا ليس لنا أو نلفح أو نتبوبر
فلا علاقة للبوست دا بإعتذار الصحيفة
مشكورين يا شباب
مزنوق أسي لكن بنجي برواقة نكمّل الونسة و الجمجرة في لفحي الـ (طراطيش) اللبلا فهم دا ومعاه كمان قصّة الإتصال على الجيران خخخخخخخخخخ
|
Post: #10
Title: Re: شنو يا صحيفة الحوش الإلكترونية ...
Author: محمد البشرى الخضر
Date: 05-02-2014, 00:13 AM
Parent: #9
شنو يا خبير ... ألا يستحق قراء المنبر الهريتهم هري بطراطيش الحوش الملفوحة من الواتس أب و غيرها من جخانين النت وتسميها مصادر و مراسلين - دي ح نقرقز بيها باقي الربع دا بالمناسبة - ألا يستحقون اعتذار وكدا
دي واحدة أما التانية بتاعة اتصالك على الجيران الكتبتها في البوست وصارت بقدرة قادر "عدد من السودانيين كنا نظنهم ممن نثق في مصداقيتهم"- ودي ح نقرقر بيها الربع الجاي بإذن الله :) - دي عايزة ليها اعتذار براها
آكشوالي هي عايزة خجالة أكثر منها اعتذار
كتب ناصر Quote: الشغلة جابت حقها محل ماتشمي صحيف الحوش صحيفة الحوش
اسه في الفيس بوك لقيت واحد يتسأل عن رابط صحيفة الحوش
كدي الننجر لينا واحد ,, ونعتذر منو ونرفع الباك لينك شوية |
اتلومت يا قريبك, هي كان الشغلة شغلة كليكات و زوار ورفع باك لينكات تاعبين روحكم ليه مصادر و مراسلين ونجر ولفحي, خت رابط ليوتيوبات علياء المهدي مثلا و شهرتك بتطير السما زي ما هي عملت
|
Post: #11
Title: Re: شنو يا صحيفة الحوش الإلكترونية ...
Author: عبدالعزيز حسين عبدالرحيم
Date: 05-02-2014, 07:27 PM
Parent: #10
طرطشة ورقاد واطة
جاموسة سوت منتدى رحنا نقرى لقيناه بقرة يا عيني يا ليلي يا جاموسة
يارب خلي خبيرنا وطول صحته وأديه دايما على حسب نيته
|
Post: #12
Title: Re: شنو يا صحيفة الحوش الإلكترونية ...
Author: ABUHUSSEIN
Date: 05-04-2014, 06:37 AM
Parent: #11
Quote: ابو حسين كيفك ياخي وكيف الاولاد ؟
التعديل للسلام على الكوز الامنجي دا، حيث انه مداخلته سبقت مداخلتي اثناء كتابتي لها |
و ليه التعب دا كلو ما تسلم علي في مداخلة جديدة ....!!!!!
و عليكم السلام .....
|
Post: #13
Title: Re: شنو يا صحيفة الحوش الإلكترونية ...
Author: حسين ديقول
Date: 05-04-2014, 07:13 AM
Parent: #12
| Quote: ومن هنا نتقدم بابلغ عبارات الاعتذار والندم لكل من تضرر من نشر الخبر ونود أن نؤكد لكل القراء أننا سوف نتحرى الدقة في نشر الاخبار بقدر المستطاع .. ندرك حجم الضرر الذي قد تلحقه مثل هذه الاخبار بالصحيفة التي بدأت بداية قوية واكتسبت ثقة القراء عبر نشرها للعديد من الاخبار حيث كنا السباقين في نشرها ونشرها غيرنا بعد أن نشرناها بيوم أو يومين .. |
باقي التوبة من اللفح
|
Post: #14
Title: Re: شنو يا صحيفة الحوش الإلكترونية ...
Author: محمد البشرى الخضر
Date: 05-07-2014, 08:18 PM
Parent: #13
طلبت نقل البوست للربع الجاي إن شاء الله عشان ما تقولوا ات######ناكم يا قول البروف حياه الغمام
يا خضر يا واطي يا حشرة يا قذر
انت ما عايز تقتنع انك تــافه ونكرة و ما محسوب مع الناس المحترمين!! ودي قدرتك وامكانياتك كدا يا حقير
فا شنو روق في علبك و اقتنع بي قسمتك
|
|