مع حسين خوجلي .. والفكر الذي فقد ظله

لما اشوف حسين خوجلي بتذكر الكاتب كولون ويلسون وكتابه الشهير ( الحالم)
محاور الامس
1- اطفال الشوارع
2- مجموعة القصص الهدايا
3- الشريف حسين الهندي
4- الزواج والعنوسة
بالنسبة لاطفال الشوارع ولانها هي لله لا للسلطة ولا للجاه تذكرت دخول سيدنا محمد صلى الله عليه وسلم لمكة فاتحا فقال هل مكة اذهبو فانتم الطلقاءوجاءنا البشير ورهطه من انبياء الانقاذ وقالوا للشعب السوداني
اذهبوا فانتم اللقطاء يا حسين خوجلي اللقطاء نتيجة وليسوا سبب فلنفتح الملفات ولنرى من هم الذين افسدو في الارض
في غرب امدرمان من الناخية الجنوبية توجد منطقة اسمها انقولا سمعت بيها ؟ لو ماسمعت بيها اسال وشوف من من الذين يسكنونها من راكبي المواتر
وهانت تقارن بطيب المكسب وطيب المآكل وضربت لنا مثلا بعمر بن عبد العزيز ولم تذكر شيئا عن عمر ساكن كافوري
من من رجال الانقاذ يا حسين منذ 89 طيب المكسب؟
الشريف حسين الهندي هو احد رجالات الاتحادي الديمقراطية اذين انت وصفتهم بانهم ناس ونسة
ترى كم شريف حسين هندي اطاحت بهم الانقاذ من مواقعهم بدعوى الصالح الخاص وكم من صبية الانقاذ الذين لم يكملو دراستهم الجامعية وتبواو مناصب في الدولة يترأسون اهل الكفاءة والخبرة والذين في غمضة عين تم تجريدهم للصالح الخاص والكلام ده ليه 24 سنة يا حسين
تم تجفيف الخدمة المدنية تماما من كل الكفاءات والان انت وغندور تتباكون على اللبن الذي سكبتموهو منذ 25 عام
ياحسين ياضمير الاعلام الانقاذي الذي استيقظ في عهد الغيبوبة .. ببتلعب في الزمن الضايع
اماقصة الزواج والعنوسة احكي ليك حاجة حصلت لي سنة 91 وكنت اياميها مجند في معسكر عيسى بشارة للدفاع الشعبي
ايام الطيب سيخة وقال يغيد الخدمة المدنية سيرتها الاولي وكان الشعار خير من استاجرت القوي الامين والذي تحول
الى الغوي السمين
المهم واحد من الكوادر الاسلامية هو قاضي ورجل له وضعه عمل جمعية لتسيير الزواج ودعانا الاجتماع الاول تنويري
الجتماع الثاني قال حندي كل واحد غرفة وغرفة جلوس وحندي كل واحد 10الف جنيه لتسهيل الزواج وكم مرة حاولت اخد الفرصة واتكلم ومع الحاحي اداني الفرصة ، قلت ليه يا شيخنا انا شخصيا ما عايز غرفة نوم ولا غرفة جلوس ولو مشيت لاي اسرة من العائلة او من معارفي بدوني من غير اي مطالبات بس اضمن لي حاجة واحدة
قال لي شنو ؟
قلت ليه انو مرتبي يكفيني كأسرة واني القى فرص الترقى والتدريب وزيادة دخل
قال لي نحن ناس غرفة نوم وجلوس وبس
البعجبني في الاسلاميين انهم بحبو النوم
واول ما بفوا في الحكومة استمتعو بالتعدد
وشايفك في خبر مريت عليه حوفا
خبر انو المؤتمر الوطني يدعو الاحزاب لقيام الليالي السياسية
عرفتك حتجلي الخبر ده
ليالي سياسية ؟
المؤتمر الوطني ده جن؟

لما اشوف حسين خوجلي بتذكر الكاتب كولون ويلسون وكتابه الشهير ( الحالم)
محاور الامس
1- اطفال الشوارع
2- مجموعة القصص الهدايا
3- الشريف حسين الهندي
4- الزواج والعنوسة
بالنسبة لاطفال الشوارع ولانها هي لله لا للسلطة ولا للجاه تذكرت دخول سيدنا محمد صلى الله عليه وسلم لمكة فاتحا فقال هل مكة اذهبو فانتم الطلقاءوجاءنا البشير ورهطه من انبياء الانقاذ وقالوا للشعب السوداني
اذهبوا فانتم اللقطاء يا حسين خوجلي اللقطاء نتيجة وليسوا سبب فلنفتح الملفات ولنرى من هم الذين افسدو في الارض
في غرب امدرمان من الناخية الجنوبية توجد منطقة اسمها انقولا سمعت بيها ؟ لو ماسمعت بيها اسال وشوف من من الذين يسكنونها من راكبي المواتر
وهانت تقارن بطيب المكسب وطيب المآكل وضربت لنا مثلا بعمر بن عبد العزيز ولم تذكر شيئا عن عمر ساكن كافوري
من من رجال الانقاذ يا حسين منذ 89 طيب المكسب؟
الشريف حسين الهندي هو احد رجالات الاتحادي الديمقراطية اذين انت وصفتهم بانهم ناس ونسة
ترى كم شريف حسين هندي اطاحت بهم الانقاذ من مواقعهم بدعوى الصالح الخاص وكم من صبية الانقاذ الذين لم يكملو دراستهم الجامعية وتبواو مناصب في الدولة يترأسون اهل الكفاءة والخبرة والذين في غمضة عين تم تجريدهم للصالح الخاص والكلام ده ليه 24 سنة يا حسين
تم تجفيف الخدمة المدنية تماما من كل الكفاءات والان انت وغندور تتباكون على اللبن الذي سكبتموهو منذ 25 عام
ياحسين ياضمير الاعلام الانقاذي الذي استيقظ في عهد الغيبوبة .. ببتلعب في الزمن الضايع
اماقصة الزواج والعنوسة احكي ليك حاجة حصلت لي سنة 91 وكنت اياميها مجند في معسكر عيسى بشارة للدفاع الشعبي
ايام الطيب سيخة وقال يغيد الخدمة المدنية سيرتها الاولي وكان الشعار خير من استاجرت القوي الامين والذي تحول
الى الغوي السمين
المهم واحد من الكوادر الاسلامية هو قاضي ورجل له وضعه عمل جمعية لتسيير الزواج ودعانا الاجتماع الاول تنويري
الجتماع الثاني قال حندي كل واحد غرفة وغرفة جلوس وحندي كل واحد 10الف جنيه لتسهيل الزواج وكم مرة حاولت اخد الفرصة واتكلم ومع الحاحي اداني الفرصة ، قلت ليه يا شيخنا انا شخصيا ما عايز غرفة نوم ولا غرفة جلوس ولو مشيت لاي اسرة من العائلة او من معارفي بدوني من غير اي مطالبات بس اضمن لي حاجة واحدة
قال لي شنو ؟
قلت ليه انو مرتبي يكفيني كأسرة واني القى فرص الترقى والتدريب وزيادة دخل
قال لي نحن ناس غرفة نوم وجلوس وبس
البعجبني في الاسلاميين انهم بحبو النوم
واول ما بفوا في الحكومة استمتعو بالتعدد
وشايفك في خبر مريت عليه حوفا
خبر انو المؤتمر الوطني يدعو الاحزاب لقيام الليالي السياسية
عرفتك حتجلي الخبر ده
ليالي سياسية ؟
المؤتمر الوطني ده جن؟

اجمل ما قيل في مقدة حلقة الامس المؤانسة
جميل تعال نتآنس يا حسين
مخاور الامس
1- دولة الافندية
2- الشلاقة
3- الانتقال الطبقي
4- رئيس لكل السودانيين
5- محمد هثمان الميرغني
حقو لما نجي نتكلم عن حراك شعب سلبا او ايجابا يجب ان نستصحب معنا التاريخ والحقائق . فمن ضمن ماذكرته ان كل الاحزاب يجب ان تجلس وتعتذر وتحاسب .. ياخ انت لذيذ..... الاحزاب التقليدية والتي تمثلت في برلمانات السودان عمرها في الحكم يا حسين 9 سنين هل بتصدق والتزعة ( تسعة) سنين دي مفرقة 2+4+3 ما اتهنت تلولح كرعيها
حزب الاسلاميين يا حسين حكم 32 سنة 8 مع نميري و25 براااااااااااااااهم وهي اخطر ربع قرن حيث استشرى الفساد ما استشرى .. الشعب السوداني والاحزاب بريئة جدا من فسادكم يا حسين لمن انتو جيتو كانت عندنا احسن هيئات بحوث زراعية فيها كفاءات نادرة وبيشتغلو باخلاص .. كشيتوهم برة وجبتو الفاقد الاجتماعي
معامل الابحثا البيطرية التي كانت منتشرة في السودان ومرزها سوبا ( لم يكن في كل افريقيا مراكز بحث بيطري متقدمة جدا الا في كينيا وسوبا) كانا ننتج معظم اللقاحات محليا لتطهيم ملايين الماشية السودانية ومواشي الدول المجاورة ثم جاء الهكسوس عتمرين عمامة الاسلام بالله يا حسين امشي شارع الخور واسال من د. ناصر احمد الحاج ده بروفسور سوداني وخبير امم متحدة وعالم عنده محل صغير ببيع فيه ربر الكركبة واذا لقيتو قفل المحا بيتهم في الجلفايا كبير ما شاء الله بناه من حر ماله وعرق جبينه وعقله واقعد اتآنس معاه حيوريك كم من العلما ممن لم يهاجرو بعد طوفان الانقاذ ماحالهم!!
السكة حديد ( سودان ريلويز ) تم تدميرها بمنهجية عالية عارف ليه لانو عطبرة كانت معقل الخركة العمالية واليسار
فاول معول حملتموه لم يكن لتفتيت الحركة العمالية بل كان تدميرا لاهم ناقل وطني وجا صاحبك يوسف عبد الفتاح صواني تم الباقية .. وبماسبة صواني رامبو .. قال ليك تلاتة طاشمين بالليل جو جمب صينية الطيارة العملها رامبو .. حسب الطشمة طلعو في الطيارة ونامو .. الصباح ضربتهم الشمس صحو لما نزلوا كان بليس الحركة واقف بنظم في المرو لمن شافهم اتخلع قاليهم هي انتو جايين من وين .. قالوا ليه من ابوظبي .. ما علينا
التعليم وسبدرات لما كن الوزير المتيس ولما صدر القرار ياحسين خبراء التربية ملو الجرايد بالمقالات عن انو لايمكن تخت ليك طفل مع مراهق .. ولكن الانقاذ ياحسين سادرة في غيها .. فعليك الله خفف شوية عن الافندية وسمي الاشياء بمسمياتها لان مفاصل الدولة جلها ان لم تكن كلها ( حيث القرار) هم الاسلاميين الفاسدين نكون واضحين والا رايك شنو
اما عن الشلاقة فقصتك بتاعة شيخ العرب ذكرتني قصة الاتحاد العام للطلاب السودانيين بعد فترة من المصالحة واستمتاعكم بكراسي الاتحاد الاشتراكي الوثيرة لما كان عندهم لقاء مع النميري في القصر
طبعا دخلو على الرئيس وكلهم مطقمين بدل تقول يا غربتي نميري اول ما شافهم مسك بدلة رئيس الاتحاد العام من طرفها وهزازها براحة وقال ليه ( والله شايفين شغلكم)
غديل بعد كل مؤتمر بركبو الاندكروزر وما بمشو امبدة .. عارف ليه؟ لانهم جبتوهم (من تك للمفك) انت مجنون يا حسين فتحتو ليهم البنوك توظيف ولهف والوزارات توظيف ولهف ..الغنائم يا حسين نحن ما كفار قريش استباحونا ليل نهار .. تقولي يرجعو كاب الجداد .. جداد نحن البقينا نلقط الحب ويجري وهو عطشان انهم اناسكم اذين تربو على الغاية تبرر الوسيلة وكانت شعاركم حين تصالحتم مع النميري وطلعتو كمية من الفتاوي ما انزل الله بها .. هسة عليك الله يا حسين شوف علماء اسلطان الترزية ديل ياخي ديل فاتو ترزية الجلاليب في سوق امدرما تفصيل لكل المقاسات .. قال انسلاخ طبقي قال.. حسين ناس ودنوباوي يا هم ناس ودنوباوي ما اتغيرو ما زالو رغم الفقر الضاربهم اغنياء بالتعفف جميلين تتجذر وطنيتهم ساعة بعد ساعة عايشين طبقتهم .. لكن شوف لي ناس كافوري وربيع عبد العاطي
كتبت قبل كدة قلت لن يكون هناك تشكيل وزاري
وعمر احمد البشير من الصعب جدا يكون رئيس لكل السودانيين مش لانه هو ما داير لكن ما قادر .. يا حسين منظزمة وحلقة الفساد اكبر من مقدرة عمر على كسرها هل تفتكر انو نافع حيمشي بيتهم رجل عادي وفي العصر لما يكون ما عنده برنامج يطلع كرسي يقعد في الشارع يتونس مع العامة .. استحالة ، اوشيخ على كما يحلو لكم ما يكون شغال سياسة ونائب رئيس او رئيس .. ماممكن فديل اثافي يا حسين ناس عبد الرحيم وبكري والمتعافي وكل هذا الرهط وما اتصق بها من رهوط طفيلية لن يسمحو للبشير ان يجري اي تغيير فما تغش روحك وتغشنا
المراغنة... شايفك ذكرتهم هلى مدى 3 حلقات متتالية فاتذكرت قصة حصلت لي مع صالح ود بت صالح بتعرفو يا حسين اسمو صالح دانس ابوهو عمك عصمان رحمه الله كان تاجر عتاقريب في سوق امدرمان. الحمدلله هذا الرجل كان كارثة في ودنوباوي ولكن الله يهدي من يشا جلس في امريكا ردح من الزمان وزهج منها وعاد تقيا نقيا ناصعا ويتمتع بروحه الجميلة المهم .. قال لي واحدة من الحاجات الخلتني افكر اسيب المجتمع الامريكي كان عندي صديق امريكي فصادف ركبنا يوم مواصلات فبي اريحية اسودان دفعت لينا الاتنين .. بعدها بكم يوم مشينا اتعشينا سوا وكنت جمب الكاشير فدفعت ... بعدها بفترة مشينا السينما وصادف اني كنت جمب شباك التذاكر فبتلقائية قطعت تذكرتين .. هنا انتفض فيني الامريكي وقال لي
ياشاب دي تالت مرة تدفع لي .. انت عايز مني شنو؟
اها انا بلسان المراغنة بقول ليك انت عايز مننا شنو؟

وعكة المت بي في الايام الفائتة فانقطع تواصلي
وعدت امس
لم يكن هناك ما يستحق سوى الامعان في الرومانسية ومحاولة ابعاد الناس من التفكير في الحكومة
ويتفق الناس او يختلفو هذا ليس بالشيء ولكن
اين هي العلة التي تقدم او تؤخر العمل الجماهيري
انها لحكومة
ويعيد كثير ان مشاريع الاحزاب جميعها فشلت
لا يا حسين
المشروع الاسلامي هو الذي فشل
واكرر المشروع الاسلامي كان الاكبر حظا
7 مع نميري + 25 حكم مطلق
32 عام
هل تقارنه بحزب الا مة او الاتحادي
ياراجل؟

في حلقة امس اهم شي اتكلمت عنه الكفاءات المهاجرة
ياخ انت زول لذيذ
فعالون لا قوالون
ده شعار حزب السودانيين
لكن حكومة الكيزانعندها راي تاني يا حسين
طفاشون لا قعادون ( يعني ما بنخلي زول غيرنا يقعد فيها )
طبعا انت بتذكرني بي حاجات .. بقوم انا بذكرك ليها
عشان نصل لقاسم مشترك
فيا انت بقيت معانا والا رجعت لقواعدك سالما
بداية الانقاذ 89 مؤتمر الحوار الوطني وجاءكم فيه كل من يتمسح العسكر حتى محمد المكي ابراهيم
في وقت كانت موس التطهير تحش في اعضاء الخدمة المدنية حشا
ودخلنا عهد بيوت الاشباح وترويع الكفاءات وقتلهم
ثم ترويع المواطنين
من لم يقبل
خرج فبدأت الهجرات الجماعية ( Exodus) زبدأ افراغ الوطن من كل المشاغبين
وكان التمكين فتحولت الخدمة المدنية كلها لجهاز امن
فقنع القانعون رغم وجود بذرة ابداع في دواخلهم
واستشرت مقولة السمع والطاعة
نفذ ثم ناقش
فتم تنغيذ الكثير من المشاريع مثل الطرق بارتفاع 5سم
تعرف لما كان صاحبك المتعافي والي غمل ليه طريق
الطريق ده بعد شهرين انتهى
قام اتهم المهندسين بانهم فاشلين
رد عليه المهندسون قالوا ليه شوف انت اديت الطريق لي منو
فسكت المتعالي

وحتى في المهاجر بدأ التضييق على الكوادر واصبحت السفارات مرتعا للمتطفلين والذين يبحقون عن قطع اراضي او اكشاك او يقبلون ببفتات الاحتفالات
واصبح للسفارات متعهدين زي كزام جاهزين بي فواتيرهم
بعدين انت عايز العلماء ديل يجوك ويدو علمهم
والمتبطلين السياسيين ديل قاعدين في كندشة الوزارات ؟
ياخ جد انت حالم
ياحسين كلنا عايزين نرجع ونفيد بلدنا
لكن في وجود هذه الفئة الاطفيلية لا تحلم بعالم سعيد

اما موضوع المراكز الملاحيء
هل تصدق انو حكومة الانقاذ بتقطع الكهربا من المساجد لو ما سددو؟
وقالت الببني الجامع يتلزم بي كهربته
يعني الجاب الجداد يجيب الديك ونحن زاتو ما عارفين الديك منو
حارجع ليك لموضوع المراكز الملاجي بي مهلة
والسلام عليكم ورحمة الله

Quote: ظننت يا حسين أنك، ومثل باقي الشعب، لن تخدعك من جديد الشعارات ولا الدموع التي تسيل والأصوات التي تتحشرج بادعاء التقوى ومخافة الله، وإنما ستنظر لقيم ومبادئ العدالة والمساواة والنزاهة وعفة اليد والإحسان واحترام كرامة البشر، والتي هي جوهر كل دين ورأس كل ممارسة سياسية راشدة. أما سمعت يا حسين بأن الله ينصر الدولة العادلة ولو كانت كافرة، ولا ينصر الدولة الظالمة ولو كانت مسلمة؟

فيصل محمد صالح

يادكتور تحية وإحتراما
وسلام

أحب أضيف شوية لما إختتمت بيهو كلامك الأخير
فقد تحدث عن الاستاذ محمود وإعتذر بشدة عن ما حدث للاستاذ "حينها"
وبعدها تحث عن فتوى الترابي بشأن إغتيال أصحاب الفكر "على ما أذكر"
وساورني شك بأنو بعمل في مقدمات لتبني فكرة الاستاذ "مجرد تخمين مني"
والهداني للتخمين إمكن حكاية الامريكي برضو لكن مش عن السادة المراغنة
لا
إنما كلامو عن لزوم وجود فكرة "لتجمع شمل أهل الحزب الجديد من السودانيين"
ومن بداية الحلقات هو يشيل ويردد فيها "الفكرة الفكرة الفكرة"

دا طبعا مع تقديري وشكري

تعرف يا لمحبوب
حسين نفسه ما عارف عايز شنو
لانه في حياته في تقاطعات كتيرة
الجبهة الاسلامية
البشير
الحركة الاسلامية العالمية
السوق
فهو على كل حال بطلع كل يوم يتونس بيننا

امس سيدنا حسين قدس الله سره اتناول الاتي
- التوثيق وكتابة التجارب بنجاخاتها واخفاقاتها
- احمد خيير المحامي والقيم
- دارفور
- وداع الوزراء
- معاداة الانقاذ في بواكيرها
التوثيق رايك شنو تبدا انت بالوان في فترة الديمقراطية وكيف كان اداؤها
وانت كعضو فاعل في الانقاذ الاولى التي اعدمت 28 صباط في ليلة العيد فعم الحزن 28 قبيلة وكان صباح عيدهم اسودا
وبرضو وثق لينا عن اعدام مجدي وجرجس وشايفك اشدت بي شيخ حسن بانه ضد اعدام الناس لافكارها
وهل يجوز اعدام اناس لحيازتها اموال اكتسبتها جهارا؟ والغريبة قتلو مجدي وفتحو صرافات وبما انك كنت شاهدعصر لصيق بهذه الفترة
فبالله جيب مسجل واقعد مع اولادك ووثق الاشياء دي للاجيال القادمة .. وممكن تقرا سيرة بابكر بدري اصدق اعترافات سودانية

احمد خير والقيم وحزب السودانيين مش ملاحظ يا حسين انو الرعيل الاول رغم قصر فترتهم في العمل السياسي من كل الاحزاب السودانية وضعو لبنة وقيم في العمل باستثناء الاسلاميين
لم يضعوا الا حسابات في البنوك رغم انهم بقو على سدة الحكم ربع قرن عارف ليه يا حسين لانو مدرستين مختلفتين مدرسة الاحزاب العقدية والطائفية
وديل رغم ولاءهم لكن كان عندهم الحرية الفكرية والحركة الذاتية الواسعة اما مدرسة الاسلاميين فدي بتعتمد على السمع والطاعة والخوف من الامراء فتعطلت عقولهم
والنتيجة دمار لكل البني التحيتة والاخلاق وكل شي خلال فترة توليهم الحكم .. ربع قرن من الظلام و الاظلام والجهل والتجهيل
وتحدثت عن فترة سجنك واقتناعك وانت في بواكير صباك بان السودانين لحمة واحدة .. عارف ما قدرت تعكس هذه السودانوية في حياتك ليه يا حسين ؟ لانوالمدرسة الاسلامية اقصائية
لا تقبل وجود الاخر وذلك لرخاوة بنيانها الفكري وهشاشته فاذا كانت المسالة اسلام فكلنا مسلمين
ولكن المحك هو في التفكير الواقعي لاحداث حراك اقتصادي سياسي واجتماعي .. الاسلاميين كانو يخشون الاخر القوي الفكر المتمرس سياسة .. ودي كانت عقدة الاسلاميين من الجمهوريين
وما حادثة الدالي في جامعة الخرطوم ببعيدة عن ذهنك يا حسين
حزب السودانيين مجتمع والدي عليه الرحمة كان يتكون من شخصيات انت تعرفها
محمود محمد طه رحمه الله - علما بان والدي عليه رحمة الله وطني اتحادي
محمد السراج صاحب مدارس المستقبل
الحاج على نميري ( ابوطراف) عم مطرف وعلى صديق
استاذ الصادق والد لاعب ودنوباوي الشهير يحي الصادق ( هذا الرجل رحمه الله رحمة واسعة كان لايتحدث الا العربية حتى في ونسته العادية )
عباس ابو عجلة او عباس الشيوعي كما كانو يطلقون عليه
نور الدايم احد حيران محمود محمد طه رحمه الله
هذه الفسيفساء الجميلة تتنوع من اتحادي الى امة الى يساري الى مستقل الى جمهوري
ظلو على مدى اكثر من 30 عاما في منتهى الحميمية والوفاء يجتمعون كل ليلة في منزلنا يسمرون من بعد المغرب الى ما بعد الثانية عشر منتصف الليل
هذه هو حزب السودانيين وجئتم انتم والدهماء من الملتحين فارغي الذهن كجيوش المغول دمرتم هذه الثقافة التسامحية الجميلة
وداع الوزراء
بتشكرهم على شنو على خيبتهم؟ وينو انجازهم ياخ خلينا من الجاز او نافع الزراعي الذي تحول الى معادي للشعب او الطبيب الذي قضى على البقية الباقية من الزراعة
او علي عثمان الذي بدا بالرعاية الاجتماعية وانتهى بتسمية اطفال المايقوما بمجهولي النسب ( البدون الجدد) او طبيب الاسنان الذي ظن ان رئاسة مجلس وهمي اسمه الصداقة العالمية تؤهله لان يصبح وزير خارجية ثم مستشار ثم وزيرا للاستحمار
ماهو انجازهم الذي نشكرهم عليه على مدى ربع قرن؟ استشراء الفقر فصرنا واحدة من افقر 3 دول
كيفتني لمن قلت انو الانقاذ تكالبت عليها الاعداء وهي لسة جديدة .. ياقول سكان نجد ( حسين انت مو بصاحي ) الم ترفع الانقاذ وهي طفل وليد ( امريكيا روسيا قد دنا عذابها؟) يعني انت بدبت بعداوة العالم شرقي وغربي
وعاديت السودانيين جوة وبرة ياحسين ما تشكر لينا الركوبة في الخريف انت عارف انقاذك ونحن عارفين انقاذكم قال كان عندها مشروع ثقافي
والله غير الزواج الجماعي ما عندكم اي ثقافة زي ما قال لي صاحبي ( الكيزان يحبون النساء والحلوى لانو المؤمن حلوي)
دارفور
الحرب اولها دماء
والحرب آخرها هواء
خليل بن الحركة الاسلامية .. بولاد بن الحركة الاسلامية .. ابراهيم شمس الدين ابن الحركة الاسلامية .. الزبير ابن الانقاذ .. الانقاذ تتامر على السودان يا حسين ..
دارفور كان يمكن حلها في جلسة شاي وفنجان قهوة ولكن تجار الحروب في الانقاذ يريدوها مشتعلة ليضمنو بقاءهام
استحلفك بالله ان تتقصى
لماذا اهملت وثيقة مبادرة اهل السودان والتي اجمعت عليها كل القوى السياسية وحتى الشعبي والشيوعي والحركات المسلحة التي رفضت في البدء ان تشارك فيها .. وافقت وايدت توصياتها
يعني مبادرة يمكن ان تقول انها حظيت بالاجماع الشعبي لحل اشكال درفور وتم تقديمها باثنين من فضلاء هذا الشعب
سوار الدهب والصادق المهدي
ماذا كان مصيرها؟ بعد الاحتفال رميت في اقرب سلة مهملات
الانقاذ هي التي تصنع الازمات ياحسين وانت اول العارفين

والمعوقين بدنيا خيرا لنا مليون مرة من المعوقين ذهنيا من الاسلاميين لانهم منتجين

شكرا د محمد حسن

حسين خوجلي ابن الحركة الاسلامية (بكل مسمياتها) البار وأحد واضعي سياساتها الإعلامية والأمنية,

وهو مسموح له هذا الكلام ومخطط له أن ينفذ هذا الكلام وإلا لجرى إيقافه في اليوم الأول الذي تحدث فيه

وهذا ما حدث مع عبد الباقي الظافر رغم أن حسين خوجلي يتناول الأمور بجرأة كبيرة جداً لم يبلغ عبد الباقي

الظافر عشر معشارها,

هذا البرنامج مقصود منه التنفيس عن الشعب السوداني وتناول قضاياه ويتزامن مع تغييرات حكومية في الوزارة الإنقاذية بوجوه جديدة ليفهم الشعب ويوحى إليه أن هذه بداية جديدة وانطلاقة جديدة وربما يأتي منها الجديد المنتظر

ومع النقد اللاذع لحسين خوجلي يجري توديع التشكيل الوزاري الفاشل ويتم إفهام الناس بأن هناك عثرات ومع ذلك فالانقاذ افضل
من أي خيارات أخرى وهاهي تجدد دماءها وتأتي بشباب (متوضئ وطاهر وأصلب العناصر وقوي وأمين ...) وما إلى
ذلك من البضاعة الكاسدة ...

إذا كان هناك من الشعب السوداني من يصدق حسين خوجلي الذي شارك في تدمير الديمقراطية بصحيفة ألوان التي أساءت
للزعماء السياسيين في الديمقراطية الثالثة وأساءت للبرلمان وحملت رسائل التوجيه للعناصر الإسلاموية لتنفيذ الإنقلاب على الديمقراطية وإذا بقي هناك من يصدق حسين خوجلي بعد سيره في ركاب الدكتاتورية وتأييده فصل مئات الألاف من السودانيين للصالح العام وتدمير قوى الدولة السودانية الفاعلة وبنيتها الحيوية فلا أصاب عقلاً و(قل من كان في الضلالة فليمدد له الرحمن مداً)
صدق الله العظيم

أحمد الشايقي

كولون ويلسون الانقاذ والذي مازال يتغنى باشواقها وبدء طهرها ونهاية عهرها استخلص من حلقة الامس نقطتين هما
زبدة هذه الخلقة متجاوزا حالة الطالب الشهم لانك تجاوزت استعرضا الامن الوطني ل 7 الاف مجند يشقون قلوب الاميني رعبا نهم
امن للانقاذ في نهاية عهرها
1- التدوين .. واتفق معك في مسالة التدوين لان الذين دونو في السودان قلائل ( محمد احمد محجوب في كتابه الديمقراطية في الميزان وجمال محمد احمد ولو اخنا مثلا واحدا وهو في الدبلوماسية السودنية
لاكتفينا ومنصور خال في عدد من اسفاره المؤلمة عن واقع الحراك السوداني وعدد من مقالات ابوالقاسم حاج حمد ومن الانقاذيين هبد الوهاب الافندي وبعض من مقالات المحبوب عبد السلام)
فلماذا لا تبادر انت وغازي صلاح الدين لتدوين هذه ال 25 عاما من البؤس الانقاذي ونقد ليس التجربة ولكن السلوك الفكري والعملي للحركة الاسلامية عامة وللحركة الاسلامية السودانية على وجه الخصوص
ومن المؤكد ان الزلزال الذي اصاب حركة الاخوان في مصر قد قضي على البقية الباقية من تصدع الحركة الاسلامية في السودان بدليل توقف مد العون الاقتصادي لاسلاميي السودان من الحركة الاسلامية العالمية
حتى وصلت هذا الدرك من الفقر المدقع في وقت تصرف فيه ملايين الدولارات بشكل يومي في مصر لزعزعة السيسي ورفاقه في رسالة واضحة لاسلاميي السودان ( يا خلف الله عذبتنا)
2- تصريح احمد الطاهر بترجل رجالات عملو 25 عام واستقالة شيخ على يجب الا تقرأ بعيدا عن تعيين بكري نائبا اول
بمعنى انسحاب الحركة الاسلامية من الانقاذ في شكلها المدني والابفاء على الانقاذ بشقها العسكري
وهذا يفرض عدد من التكهنات هل سيبقى نافع كاحد رجالات الحرس القديم في التشكيلة الانقاذية العسكرية
لانك ياحسين مازلت مؤمن ببقاء الانقاذ العسكرية كانك ترجوها
الانقاذ يا حسين ليست بصالح ثمود وليس لها من امكانية جلب ناقة لانها لم تتمكن من حلب بقرة او تسوية طريق لبغلة
ويبقى الباب مفتوح من الذي سيتقدم لحمل هذا الارث المتعافن لربع قرن من الفساد والافساد الذي ملاء الشوارع واصاب كل الدور بالمسغبة
وكان الاسلاميين يريدون ان يقولوا للبشير ( اها نحن الاسلاميين الفاسدين ديل سبناها ليكم تعالوا سوقوها)
كيف يمكن ان تساق ووقود الدولة هو المال وانتم حولتم كل المال لماليزيا استثمار وعقارا وادخارا والان حان الوقت ان تتنعموا بما غنمتم من بدر السودانيين البسطاء
رجعو لينا قروشنا وبعدها اتصوروا مع الرئيس الصورة التذكارية والتي اطلقت عليها بعد اذنك يا حسين
( الاتحاد العام للحرامية السودانيين)

لقد كان خميسك حزينا يا حسين وان تنعي الحركة الاسلامية
كل هذه العقود من النضال والسجون انتهت بالسالب
والذي لا تعلمه يا حسين انه الحركة الاسلامية انتهت بدخول الترابي للحركة وتحريكها بفاعلية اكبر
حتى اصبحت الجبهة الاسلامية القومية والتي انضم اليها كل انتهازي من اقصى اليمين الى اقصى اليسار
تجذبهم الى الجبهة المال والسلطة فاغدقتم عليهم ولم تربوهم
وهاقد ارتحل نيلسون مانديلا فقيرا ولكن ترك وطنا غنيا
وهاهم البدريين يغادروا سفينة الانقاذ وهم اغنيا والوطن فقيلا يحتضر
فافكر ايهم اكثر صلاحا
نيلسون مانديلا المسيحي الفقير
ام البدريين الاسلاميين الاغنياء
وها انت تقف في مفترق الطريق وتتحدث عن انقلابات ثلاثة
لا ياحسين انها ليست انقلابات ثلاثة
انها انقسامات ثلاثة
المؤتمر الشعبي
الاصلاح الان
ومجموعة علي عثمان والتي لا تدري بما تسمي نفسها ( اقترح عليها ان تسمي مجموعتهم المهاجرية)
انتهت الحركة الاسلامية بلا شي
بل ترطكت لنا وطن يعاني من كل سوءات الحكم على امتداد التاريخ الانساني .. الحركة الاسلامية يا حسين ارجعتنا الى القبلية والجهوية والحرب
الحرب هي لغة البدائيين
انت عارف العالم الغربي بيحترب بي شنو؟
بالرياضة ..كرة القدم ، السلة وحتى الالعاب الفردية
ما بهدرو الدم الانساني الغربي لانه دم غالي
يهدرو دمنا المسلم بواسطة الحركات الاسلامية ( اكبر فصيل محارب في دارفور حركة العدل والمساواة خرجت من رحم الحركة الاسلامية)
شفت انتو كعبين كيف يا حسين
عرفت ليه الفصائل الوطنية والمثقفين كانو بحاربوكم؟
لانو ما عندكم وطنية
تحبون المال والنساء وما طاب من الاكل
كان هذا اههم ما تناولته ظاهريا وانت تتمزق داخليا ان كل ما كنت تفكر فيه طيلة سنوات صباك وانت تخطو نحو الكهولة اتضح انه قيمة سالبة
ورغن انك تدعي الشجاعة في المواجهة
ولكنك جبنت ان تواجه نفسك بحقيقة البدريين وهدر دم الشباب السوداني باسم جهاد لم ينتج عنه الا تمزيق الوطن واهدار الموارد وهلك النسل
وها انت تتمنى من الاخ الرئيس ان ياتي بالكفاءات
عارف ده زي شنو
زي انك تجيب امهر ميكانيكي لاصلاح عربتك بعد ان فشل كل الجربندية الذين جئت بهم من قبل
فيجد ان سيارتك بدون ماكينة
حسين اي تكنوقراط؟
وحكمك م على مدى نصف قرن افرغ البلاد من خيرة رجالها وشبابها ونساءها
انظر لدول الخليج
اطباء
مهندسين
محامون من خيرة الرجال
زراعيين
بياطرة
ادارة اعمال
محاسبة
وكل ضروب الحياة .. رجالا ونساءا اطهار انقياء
اتقياء ضحيستم بهم لاقامة مشروع وهم هو المشروع الحضاري والذي كان فعلا لا قولا مشروع احتضاري للوطن
تركتم السلطة المدنية ةترك اثرياء الانقاذ الحكم المدني وتركو العساكر
لان كل الجيش والقوى النظامية يا حسين افرغتموها من كل الكوادر الوطنية المخلصة واحللتم بدلا عنها كوادركم الرخوة التي لاترى الا مصالحها
فاصبح الجيش يتلقى الهزيمة تلو الهزيمة
ولا تنسى ان هذه الحكومة قبل اتترجل قامت بطابور عرض للقوة من قوات الامن
7الاف يا حسين في قلب الخرطوم والاطراف تتآكل
اهو كويس عند جمعة اجازة تخلو فيها بنفسك وتقرأ كتاب الحركة الاسلامية لا بقلب المشفق ةولكن بعقل الذي استفاق بعد اكثر من 40 عاما
انها كوما الحركة الاسلامية

لخي مولانا الشايقي

شكرا لمرورك الثر
ودمت

سبت اخصر
1- الشاش والشباب
\2- الكفاءات وبناء سودان حزب السودانيين

رحم الله وناس شيخ الكباشي

الخطاب المؤثر ةالتهريب من البوابة الشرقية

تعرف يا حسين انت ذكرت مثل ود ناس الكباشي بانه بياخد الامور بكلياتها
فعليك الله في كل حلقة ماتنسى انو الانقاذ جاثمة على صدور الناس ربع قرن فعلت ما فعلت في البشر والقوانين
كونو اللوري يدخل من الحدود الحبشية لحد القضارف زول يساله مافي في حين انو المغترب البجي يقضي اجازة بي عربيته ن بورسودان لحد ما يوصل نقاط التفتيش تدفعه دم قلبه
معناها الخلل في الجسم الحاكم ما في القوانين نكون واضحين ورغم انك ضربت مثل بي واحد نافذ دخل ولده السجن عشان شيك طيب نحن عندنا على الاقل اكتر من الف نافذ انقاذي
يعني بحسبتك 1/1000 ما شاء الله
ربع قرن يا حسين وكل الذين تم تعيينهم من مؤيدي المؤتمر الوطني بدءأ من لجنة استيعاب الخريجين وانتهاءا بالافراد الشرطيين... ربع قرن من زراعة الفساد والافساد يا حسين
فمن الطبيعي يدخل لوري الشاش لانو وراه حكومة بتحميه اما ناس قريعتي راحت ديل البجيبو ليهم بن من الحبشة فنقاط التفتيش بتطلع زيتهم
ما في مؤامرة على السودان ولا تغش روحك وتفكر تغشنا .. المؤامرة نظرية العاجز .. الفشل والاجرام بتقوم بيه حكومة وافراد المؤتمر الوطني
تجار الحروب 25 سنة وحروب في كل بقاع السودان زز ناس بتموت يا حسين وناس بتتطاول في البنيان وتتعامل بالدولا ر كلهم بتعرفهم ياحسين حق المعرفة
وبتعرف انهم كانو شنو وبقوا شنو
وبتعرف منو البجيب الشاش ومنو البجيب البنقو ومن البجيب الوسكي ومنو البتاجر في السلاح
وناس غسيل الاموال ما بغبو عليك
ياحسين البغسل اموال بدخل المخدرات دي حاجة بدهية
والسودان اكبر طشت في العالم لفسيل الاموال وانت عارف
عايز الكفاءات تشتغل يا حسين وتدخل للبلد
والله انت لذيذ ويا حالم شديد يا ما خد شاش
طيب يا حسين يا خوجلي
نحن في الرياض قبل بضعة سنين مجموعة سودانيزاونلاين في الرياض قمنا بحملة اسمها ( وليد دارفور) وكانت على دفعتين وجمهعنا فيها ما جمعنا من ملابس وبطاطين وخيام ومعدات طبية وادوية
واشياء كلها ذات قيمة عالية ومن ضمنها يا حسين مرشحات خاصة بماكينات غسيل الكلى
اسطوانات اوكسيجين محمولة صغيرة واشياء وزمن وجهد ذهني وبدني واجتماعي .. اين ذهبت ؟ لم تذهب لمستحقيها
لان اي عمل لابد له ان يمر عبر بوابة دولة الانقاذ . ربع قرن يا حسين وكل مسئول كبير او صغير معلق عبارة ( حقي برة) في حيطة المكتب بتاعو
فما تتوقع انو الكفاءات دي تقدر تعمل حاجة
ياحسين ناس السفارات في العالم لما يجي مسئول بدسوهو وبجيبو ليه مطبلاتية المؤتمر الوطني والله اكبر ويرفعو الاصابع ويتسابقو للتصوير مع المسئول
ياخ عليك الله يا حسين ما تملانا فقر
25 سنة السنة تحك السنة امعان في الكذب والتضليل
ياخ وزانت بتتصفح الجرايد مريت على خبر نافع ومهاجمته للشعب السوداني عادي
اقلاه قول ليه يا نافع كده اهدا شوية
رحم الله الانقاذ

امس حنيت عليك يا حسين
لانك قدمت عرض ممتاز وخسرت النتيجة
عارف ليه؟
لانك استهنت بالفريق التاني ، مع انك بتعرفو
المؤتمر الوطني ما بفك الحكومة
تقاطعات كتيرة يا حسين ياود خوجلي
مصالح داخلية ومخاوف خارجية
والقرار الشجاع يحتاج لرجل شجاع
انظر للحالة الاجتماعية لكل فرد من القوة الباقية على الحكم حتعرف
والان انظر لهذه التشكيلة .. في معظمها يغلب عليها الطابع الامني او الذي لديهم خلفيات امنية
فعليه سيكون جل اهتمامهم تأمين الانتخابات القادمة لصالح الوؤتمر الوطني وتأمين النظام
عشان كدة لا تحلمو بغد سعيد
اما لنساء البائعات وستات الشاي
وتجي تضرب لي مثل بي عمر بن عبد العزيز؟
يا حسين عمر لمن جا الحكم كان من اغنياء الدولة الاسلامية وذهب الى ربه من فقراء الدولة الاسلامية
يعني عينو ملاااااااانة وشبع من نعيم الدنيا
لكن ناس قريعتي راحات
كانو من فقرأء الحركة الاسلامية والان من اغنى اغنياء الحركة الاسلامية
وزي ديل بيهربوا من الفقراء وستات الشاي لانه بذكروهم بماضي هم هربانين منه
هل تعلم انو اول ناس بيهربوا من الفقراء منه؟
ناس الزكاة . ما بحبو يزورو الاسر الفقيرة
عشان كده كل شغلهم اعلامي ومصور وناسين المصور الباري
اما خالك نافع شايفو جاب كثافتك .. عندنا حبوبة الله يرحمها كانت دايما بتقول ( الملافط سعد ) ويبدو انو خالك بعيد من السعادة
غايتو كلما اشوفو يتغوط في الشعب المسكين بفمه اتذكر قول مظفر النواب ( لماذا يحمل هذا السيد وطني في جيبه الخلفي )
على كل حال
بطنك كانت طامة شديد فما حبيت اطممها ليك زيادة

اختنا د. المشرف من الفيس كتبت

Quote: سميه ابوكشوة , مكاوي وغندور ما فيهم كلام نجي للكلام

يا دوك دي راكوبة في عز خريفا ماهل

(*)

ربنا يديني عشر طولة بالك

ود الناطر هباني حبابك الف
نحن صبرنا ليهم ربع قرن كتيرة عليهم الساعة دي يآنسنا فيها ود خوجلي
يلا نشوف امس قال شنو
1- معهد سكينة\
2- انتماؤه
3- الطبطبة على الحكومة الجديدة
4- الجامعات خارج المدينة

اليوتويبيا او حزب السودانيين او احلام زلوطايا كان فهي مسميات لحالة جديدة يبشنا بها كولون ويلسون السودان
تعرف كنت بتناقش مع كوز وفي الاخر تداخل معانا واحد رمادي وقال ربنا يولي من يصلح نط ليه الكوز وقال ليه هو خلاص ولى وانتهى وقلت لصاحبنا الرمادي صدقك وهو كذوب
تعرف يا حسين زوج اختي استاذ جامعي وهو رجل نزيه عفيف ومتدين بطبعه .. ورغم انهم انصار ( من جيرانك الجبلاب) الا انه اسلامي ما بقدر اقول عليه كوز لانه راجل نضيف
كنا كثيرا ما نتناقش واقول ليه ناسك ديل حرامية واحسن تشيل ليك منهم شلية فكان يغضب ويقول لي ديل ما ناس دنيا ولا سميرة دنيا ديل ناس شريعة وينعتني بنعوت اليسارية والعلمانية والشيوعية التي تجاوزها كثير من الاسلاميين المستنيرين وتمسك
بها الذين مازالت بهم جاهلية .. المهم يوم من ايام رمادة الانقاذ التي بدأت في 89 وما زالت مستمرة كنا جالسين جلسة عصرية انا ونسيبي ده في الشارع فبهدوء قال لي والله يا محمد كلامك طلع صاح قلت ليه كيف
قال لي جاني فلان وهو رجل انا اعرفه تماما وانت كذلك يا حسين وقال لي يا استاذ شايفين حالك تعبان فامشي للزول ده واداني اسمه حيديك زيت بكذا مليون ( كان مرتبي في ذلك الوقت في الحكومة في القطاع 680-720 جنيه) وتبيعه للشركة الفلانية بمبلع كذا مليون ، تدفع لجمعية القران مبلغ كذا وتشيل الباقي فقلت ليه يا شيخنا انت بتكلمني بالملايين وانا جيبي عدمان الملانين ( المليم يا ناس الديجتال وحدة نقدية كل 10 مليم بتساوي قرش والقرش ده كانو بدوهو للاظفال في المدارس الابتدائية
للفطور والنغتغين بدوه فريني يعني قرشين ونص) فضحك الشيخ وقال لي هو في زول قال ليك اشتري بقروشك ، فقلت ليه كيف ؟ قال لي هو حيديك ورقة انت تودي الورقة دي لفلان بتاع الشركة حيديك القروش تمشي تسدد لبتاع الزيت تدي منه الجمعية
والباقي حلالك فقلت ليه انا استاذ طبشيرة خليني في طبشيرتي
فهسة الراجل قال ليك بديك شيك ب100 مليون وفي غيرهم كتيرين لكن ياحسين ناسم الاسلاميين ما خلو لاولاد الحلال حاجة
فقدنا الثقة ببعضنا البعض .. امشي اسال ناس الجمارك عن المعدات الطبية التي قيمتها ملايين الدولارات مهملة في احواش الجمارك تبرع بها خيرين سودانيين وغيرهم وطالبتهم دولتك بالجمارك وغيرها من الرسوم
يا حسين انت عايز تعمل دولة خارج دولة الانقاذ ودي استحالة الانقاذ اخطبوط فساد اذرعه تصل كل ركن في دولة الانقاذ فصدقني لن تقوم لمؤسسة صالحة قومة في عهد الانقاذ هذا

اما عن انتماءك او الخطابات البتجيك وتقول ليك يا حسين انت شايت وين؟
شايفك لونتها وجمعت كل امة لا اله الا الله من انصار وختمية وابتثرت الباقين انت يا حسين خوجلي بغة الصحافة اسلامي تبع ناس البنا لكن بفيرشن جديد اما عند السابلة امثالي فانت كوز والعياذ بالله
لانك في برنامجك ده قبل كم يوم استنكرت على د. حسن مكي تنكره للحركة الاسلامية فنكون واضحين وانت بتقر ا في صحف الخرطوم همزت نافع لمن قال نحن الانقاذ دي ما بنخلي زول يقرب منها فاردفت انت بقولك ( الانقاذ دي ما بنخلي
زول يتكلم عنها لكن حكاية ما يقرب منها دي كتيرة شوية يا نافع) رفعت الاقلام وجفت الصحف
شايفك اتكلمت كويس عن مكاوي والقطارات ن اقول ليك وانت شيخ العارفين دي حكومة انقلاب قام به جهاز الامن لانه الدولة انهارت فما تتوقع من امنجية ان يرتفعو بالبلد
وانت بتتكلم عن انو الجامعات تكون في الخلا زي ما عمل الانجليز .. ذكرتني معتصم عبد الرحيم ديناصور المؤتمر الوطني 25 سنة وزير تربية وتعليم ولا شفنا منه تربية والا اده اولادنا تعليم
كان بتكلم يوم في التلفزيون عشان يحفز الشباب للعمل في الارياف والاقاليم وكان الايام ديك الانقاذيون منتشون بتصدير اول شحنات البترول فقال ( نحن ما عايزين لاشباب يتكدسوا لينا في العاصمة عايزين كل شاب وشابة يتزوجوا ويمشو يعملوا مشاريع في الخلا في الاقاليم وهناك ك حاجة متوفرة يلقو الخدار قايم والبترول قايم والبهايم ) ولا تعليق لانو يا حسين عقليتكم واحدة
والسلام عليكم ورحمة الله

يبدو ان نبيينا يعاني من الفصام السياسي فقد اصبح يهرف بما يظن انه يعرف
حلقة الامس تناول فيها
1- الاهتمام بعمل الفرد وافكاره اما التدين فهو له
2- اللهلهة
3- ضعف الاحزاب وتمسك الانقاذ بالسلطة
وزي شكلك نسيت يا حسين
لكن قبل ما اذكرك احكي ليك الطرفة دي يمكن تنفعك لمقبل حلقاتك
امام الجامع جا لي صلاة العشا وقبل ما يقيم الصلاة قال للمصلين يا جماعة جاني خبر انو المرة وضعت ولازم اسافر البلد اشوف المولود واسمى والحال متعسر فيدك معي والله لا يضيع اجر من احسن عملا واقام الصلاة لمن سلم لقى نص المصلين مافي ، قام اوتر بعد الوتر اتلفت لقى الجامع فاااااااااضي نرق يكلم في روحه .. في واحد بيتهم قريب للمسجد بعد الناس يصلوا بمرق كرسيه وقزازته وبقعد يونس في روحو .. شاف الامام بتكلم براه قال ليه يا شيخنا بتنضم براك مالك .. الامام من غلبه حكى ليه قصته اخونا السكران دخل يده في جيبو وقال ليه يا شيخنا الله لا كربها هاك ده حق الخروف وده حق العزومة ودي مصاريف تذكرتك ماشي وجاي .. الامام شكره ومشى لسة ما مشى بعيد السكران كورك ليه يا شيخنا الامام اتلفت عليه وقال ليه : في شنو تاني ؟ السكران قال ليه : عليك الله يا شيخنا ادعي لي الله يهديني
الامام قال ليه يهديك عشان تبقى لي زي الضلالية الكانو في الجامع ديل؟!!!
اها انت اظنك بقيت زي الامام ده قنعت من خير الضلالية . يلا اذكرك انت اول امس قلت انك مع الاسلام ومع اي زول اسلامي وعددتهم وامس قلت ما عايز شعارات ( يعني شاكلة هي لله والتكبيرات والتهليلات ) غايتو يا حسين بقيت تشفق
اما قصة نتكلم كتير وضربت مثل بالسودانية الجات من امريكا .. انت ما جبت جديد الانقاذ دي من يومها العملت الجرايد التلاثة الانقاذ والسودان الحديث والقوات المسلحة واردفتهم بدارفور الجديدة لسان حالها بقول للشعب اسوداني اتكلمو
اها نحن لينا ربع قرن بنلهله والصادق المهدي الله يجزيه خير لهله من تهتدون الى تنبطحون وما جاب نتيجة .. انت ذاتك لهلهت لمن سجنوك وخلوك تلهله جوة السجن سته شهور ومرقوك منه ووقفه اياك التي لها ياقاع وحرموك الهلهة المسوعة والمرئية وخلوك في الوانك
القصة مالهلهة ولا كلام .. في سبتمبر الشباب مرق صامت ضربو رصاص حي القصة انو الانقاذ طغمة وانت عارفة فما تحاول تمسحقها لكي تكون جميلة
اما ضعف الاحزاب انت واحد من اسباب تضعيفها فجريدتك الوان عملت ما عملت لتمزيق النسيج الحزبي والاجتماعي مش عند عمود ثابت اسمه ( قال سقراط)؟
بالله عليك ارجع ليه وجيب منه مقتطفات في حلقاتك دي وورينا رأيك
والسلام عليك ورحمة الله

محاور حلقة الامس
1- الفساد والمشاريع لضائعة وبدل السفريات
2- عدم وطنية لاكيزان
3- وصال المهدي
يا حسين ما تزيف لتاريخ وتقول الفساد منذ الاستقلال يكفي انك تستشهد برجالات ما قبل الانقاذ في الظهر والعفاف .. اتحداك طلع لي انقاذي ما فاسد
بدءأ من عبود وانتهاء بسيد الصادق المهدي الذي كان برجع بدل السفرية .. عبود من اساه ما استلم بدل السفرية وطلب من الوزراء يرجعوا المبالغ الاخدوها .. خطاب الازهري لاحد تجار امدرمان وغيرهم كثر
ولان الكيزان يهتمون للكوز في طفشستان ولا يعرفون شي عن انسان كردفان .. الوطنية يا حسين عند الكيزان سينما لذا فهي تعتبر رجس من عمل الشيطان
وزراء ومسئولي الانقاذ بيعتبرو انهم غنموا لادولة السودانية كأننا يهود خيبر فاستباحوا نسائنا بالتعدد
وسبوا الرجال سخرة ( ارجع لكلام معتصم عبد الرحيم للمعلمين لمن قالوا عايزين مرتبات والا حنضرب .. قال ليهم تضربو نجيبكم من اضانكم ونشغلكم سخرة)
واكبر دليل على الاستثمار الوزاري جعير كمال عبد اللطيف الذي ذكرني بحكاية واحد جا السعودية في اوائل التسعينات والطيارة جات بالليل نزل عند جماعة عزابة قالوا ليه تتعشى
اعتذر انو ستفها في الطيارة اها اتونس بعد الشوية الشباب استأذنو للنوم عشان الدوام الصباحي وجابوا ليه صحن مليان عنب ومسكوه الريموت ووروه كيف يقلب في القنوات ومشوا نامو صاحبنا شغال يقلب في
القنوات ويبلع في العنب لمن اذان الصبح اذن قام صلي ونام ، الجماعة مشوا دوام الصباح ورجعو الضهر عندهم حلة بامية كاربة فرشو الجرايد وجدعو العيش وجابو صحن البامية الكبير وصحو ضيفهم للغدا اخونا صحى غسل وشو
وجا للغدا شاف الرغيف المجدع وصحن البامية قام قاليهم
( انتو العنب كمل والا شنو؟!!!!
والظاهر يا كمال عبد اللطيف انو العنب خلص
ما علينا .. قبل 9 سنوات في الرياض كان في عرض زراعي والسودان كان مشارك فيه قابلنا واحد مسئول وعرضنا عليه سلعة بتسهيلات عالية جدا وفترة سماح طلب مننا عينة .. مشينا للمصنع وجبنا العينة وجهزنا باحسن
ما يكون وجينا المعرض بالمسا مشينا الاتاند بتاع السودان ياجماعة دكتور فلان وين .. قالوا لينا مشى البطحا ... ديل الرساليين بتاعنكم يا حسين ما فاضين من الغنائم زي المريخ خنائمهم محمولة جوا
وزير الثروة الحيوانية في 2004 التقيته في مكتبه حيث كنت اعمل بشركة لها علاقات مع بيوتات تمويل عربية وغربية وجئت مندوبا لتمويل مشاريع سودانية بقروض طويلة الاجل وميسرة وبنسبة فائدة لا تتجاوز 2% تقريبا
وتسهيلات دفع وفترة سماح جلست مع السيد لاوزير الملتحي ذو الغرة الناصعة السواد وعرفته بطبيعة عملنا .. انشرحت اساريره واخرج لي مجموعة دراسات جدوى قامت بها شركات استشارية ايطالية
وقال لي ( شوف انا منتظر شيخ علي يوقع الاتفاقية وبعدها ساعة ما حأقعد في المكتب ده امشي اتفرغ لاعمالي الخاصة ، هو انا عمري كله اديه الانقاذ( لا حظ فرق الرجل بين الانقاذ والوطن) ) قلت ليه طيب والمشاريع دي
قال لي دي ننفذها عبر شركتي الخاصة . انتهى
وزي ده كتير يا حسين اصحابك وانت بتعرفهم ولو عايز نحكي ليك مآسيهم مع المستثمرين السعوديين نملا ليك صحائف
اما حكاية الوطنية بحري والوطنية امدرمان دي قصتها قصة
الم تستبيح الحركات الاسلامية السودان من افغانستان وحتى تونستان ؟! حتى بتنا اغرابا في وطننا؟ والله يا حسين انت لو فيك حس وطني بس لانك هدت فيك امدرمان لكن لو نشات في الشرفة كنت هسة بقيت زي نافع
تمرق برة وتطلق مدافع .. فعليك الله ياحسين ناسكم بتاعين التقاوي الفاسدة والمبيد الفاسد والوزير الفاسد ديل اي ست شاي في الخرطوم وامدرمان وبحري عارفة تاريخهم لو عندهم وطنية بهربو قروشهم برة؟ ما اهي دي منشات
رجال الاعمال الزمان ( زي ناس عثمان صالح الاستشهدت بيهم في برنامجك ده ) الى الان قائم ما سمعت المجذوب بلسان كابلي قال شنو
( وزها ميدان عبد المنعم
ذلك المحسن حياه الغمام)
ناس زمان الوطنيين يا حسين غشان ما تقول من الاستقلال بنو المستشفيات والمدارس الاهلية
والشفخانا
والماعندو بنى عنبر ( عنبر قصار في مستشفى امدرمان) ووهبوها للدولة .. ناسك يا حسين عملوها مستشفيات خاصة ومدارس خاصة انتو كيزان يا حسين ونحن سودانيين بنحب وطنا ده الفرق بيننا وبينكم
نجي للسيدة الفضلى وصال المهدي وما عندي فيها قول لانها امدرمانية وزولة واجب واصول وزيها كتيرات اديك جارتها وما بعيدة منها السيدة آمنة الرفاعي زوجة المرحوم علي التوم في ودنوباوي يا حسين
بيتهم 24 ساعة بابهم ما بتقفل وبيت ضيفان على مدار الساعة ولا تريد من الدنيا جزاءا ولا شكورا
ونمشي للسياسيات بت شيخ احمد ابراهيم الانت استضفت اخوها على مدى كذا حلقة ما شكرتها مالك اول سيدة دخلت البرلمان والا زي مال قال ابو داوود ( بتبعر؟!!)
والسلام عليكم ورحمة الله

محاورنا كانت
1 الفشل الاسلاموي
2- العنف اللفظي
3- بزنس مؤتمرات المرأة

تاخر كثيرا اعترافك بفشل الاسلاميين ذكره لي عا96 احد اعضاء ما مكان يعرف بالمجلس الاربعين او من المقربين للجسم الحكم ومن اصدقاء المرحوم الزبير ( نحن كحركة اسلامية فشلنا في ادارة الدولة)
وكان من الممكن تدارك الخطأ قبل ان يصبح خطيئة وكبيرة من الكبائر ولكنه الاستكبار
وقد كتبت مقالات وكتب في فشل الاسلامويين واحيلك لاسفار منصور خالد فهي صادقة وحارقة
اما العنف اللفظي فانتم لكم القدح المعلى بدأتم بالاجابات الدائرية اي لا تدخلون في صلب الموضوع لكن تلفو وتدورو زي شيخ حسن ما بتدو اجاب مباشرة تتوهو السؤال وتطورتم الى التراشق اللفظي بدءا بنعت محاوريكم بالعلمانية او الشيوعية
وتطورت الى اهانات وعمالة بالاضاف لكتائب الجهاد في الطلاب والسيخ وادناه اطواق العجلات .. حسين الكيزان ادخلو كل الموبقات في الحياة الاجتماعية والسياسية والاقتصاد
ية انهم شر مستطير وانتقل العنف من الجامعة الى الوزارات وما نافع عنك ببعيد وشوف زي الطراش البطرشو ربيع عبد العاطي ده ياخ انت مؤلمين
اما بزنس المؤتمرات فجد احترت اقول ليك فيه شنو
لكن احكي ليك في بدايت الانقاذ عندي شقيقتي الاكبر مني لا ليها في السياسة ولا غير السياسة زولة اكاديمية وكانت معلمة تربوية اخدوها في جامعة القرآن الكريم مشرف طالبات التحقت بداراسات عليا ماجستير على نفقتها
طلبت من الجامعة يفرغوها الجامعة رفضت ، طلبت اجازة بدون مرتب الجامعة رفضت ، طلبت اجازتها السنوية الجامعة رفضت
ادتهم حل انو ايام المحاضرات حتجي تداوم المسا
كافؤها بالرفد وانهاء خدماتها
يا حسين الكيزان شالوا اي زول ما منظم بغض النظر عن الكفاءة فتشردت النساء فلما تجيهم فرصة مؤتمر وسفرة وامكانية تكسب يرفضوها؟ ما معقول لا ترحموا لا تخلو رحمة الله تنزل ؟ ما تقول لي انو المؤتمرات دي مشبوهة .. يازول مشبوهة مشبوهة يعني الناس تموت من الجوع؟
الازمة ازمة اخلاق النظام الذي احتكر كل شيئ له ولافراد التنظيم فاختنق الوطن وبدأ يلفظ انفاسه

د. اخلاص المشرف

Quote: حسين خوجلي والانبهار بالترابي اذكر في احدي المرات وقد كنت مع اخرين برفقة احد شيوخ الطريقة التجانيه = وله عربه مميزة = عند ملف محطة البنزين بداية شارع اوماك واتت عربة شيخ حسن و رفع يده بالتحيه وسألت شيخ مدثر الحجازعليه رحمة من الله وبركات كيف عرفك قال لي العربيه وهكذا ناسنا عربيه ما بتغيرها , شيخ حسن سبب في تأخر نهضة السودان وليس السيدان فقد كان لدينا جهاز دوله علي رأسه تكنوقراط دفع السودان من عرق الكادحين ولقمة المساكين حتي يوفر لهم التعليم الاكمل في جامعة الخرطوم = وساعدونا ال مقتدرين ودرسو اولادهم علي حسابهم = وجاء شيخ حسن وعلمهم السرقة والانتهازيه واستغل اسوأ ما في الطبقة الوسطي وجغل ما كنزناه وادخرناه لرفع السودان مجرد طفيليين علي موائد العالم , شيخ حسن وشيخ علي سبب في افقار الرأسماليه الوطنيه و جعلوا التنظيم وناس الامن هم المتحكمين في السوق وليس التجار , تعرف سين للغلال يا استاذ حسين خوجلي صاحبها البنك قلعها منو = من دون تفاصيل = المحيرني ايه صلة البنك ب ناس الامن الغذائي = البنك ده ما فيه قروش ناس ومفروض يدوهم ارباح كيف اتحولت ممتلكات البنك للامن الغذائي ولناس عبد الباسط حمزه وعماد حسين وباقي الظباط , يا حسين دايرنا نسكن شيخ علي يا اخ ما يسكنو ظباط الامن ده الملف الاقتصادي كان ماسكو هو واقول لك شئ لي يوم الدين الشعب السوداني ما ح يرضي واظن هو يسكن في السودان ذاتها دي في ناس شايفينو ما بستاهلها , يقعد مع اهلنا الطيبين ومتسامحين = ما عوره لكن عارفين ومتاكدين في اخره وفي حساب والديان لا يموت = يا اخ ديل المغتربين كلهم بتمنو مني القعاد في السودان , تعرف احسن ما في ناس الديش شنو ؟ انهم براقبو وحتي السرقه عندهم =وهي ما كتيره = بالرتب مش زي ناس الامن والتنظيم يا اخ ديل ما بشبعو كلو كلو , التنظيم ايام السكر ماسكينو في السوق العربي وزعو لي ناسم زول ادو ما في ولما جاء البترول سمعنا به سمع

في حلقة امس استوقفتني نقطتين
وقلت ياربي حسين خوجلي ده جن؟ والا فقد المحنه
1- مسيحية البت الاسلمت
2- كنوا بقى اعلامي بيلمع في ناس ما بتستحق التلميع
وانت بتتكلم عن قضية البنت التي اعتنقت المسيحية وبكل بساطة بتقول ما خبر بستحق ، اتفق معاك انو ما بستحق
طيب 40 سنة بتكفروا في المجتمع ده وهو اكثر اسلاما منكم الان فقط يا حسين اكتشفت انو المجتمع صاح والحركة غلط
اصحابك الشيوعين والناصريين واليساريين تناكفهم وتضرب معاهم الفته وتصلوا جماعة وتجي في المنابر تكفرهم ياخ انعل ابو السياسة
نجي لكونك بقيت اعلامي وشايفك زعلت وانت بتقرا خبر وثيقة المؤتمر الوطني لمحاربة الفساد
ونعلت سنسفيل ابو اليوم الخلاك اعلامي وما بقيت وزير
ناس الضانقيل مرضوك فكدي تخيل اذا كنت انت ود حركتهم اتمرضت بااقي الشعب السوداني افضل يكون حصل ليه شنو؟
انهم يا حسين فاقد اجتماعي
اما شهادات الدكتوراه والماجستير بتاعة امدرمان الاسلامية والله دي اخير منها شهادة ست فلة على الاقل الجابوها بذلو جهد وست فلة صححتها بضمير وجهد
( ولمن لا يعرف فست فلة راهبة قبطية كان عندها روضة في حي المسالمة)
وما في داعي امرض نفسي وامرضك مع جيش التمكين الطلع دين البلد

تحدثت عن
_ حاضنة امل
- هجرة العلماء
- البشير رئيس لكل السودانيين

اول حاجة نضف الجمارك من الجهلة الفاسدين لانو الدكتور الحيرسل الحاضنة
حتترمي في المطار لانو مفروض يدفعو عليها جمارك وبالله يا حسين امشي لمدير الجمارك خليه يسوقك حوش الحوامل ( الهوامل) لكي ترى بام عينك
كم الاجهزة الطبية التي طلب من المتبرعين بها دفع الجمارك .. انها سياسة التمكين
يمكن الشراء من الشركة الهندية ادناه
http://www.phoenixmedicalsystems.com/products/infant-care-products/incubators
اجهزتها جيدة واسعارها معقولة
وليست العبرة في الشراء ولكن في الصيانة وتوفير قطع الغيار من الشركة البائعة والضمان يجب ان يكون في حدود 3 سنوات هذا هو الشيء المتعارف عليه
اما عن هجرة العلماء لعن الله كل من تسبب وايد مجزرة الصالح العام بدعوى التمكيين
ولعن الله كل من اخذ مال هذه الشعب ودفع به لمن يدعون السياسة وترك العلماء يواجهون الفاقة
كتبت قبل حوالي 8 سنوات هذا الموضوع
للنهوض بالوطن (8) الكفاءات المهاجرة

اما كون الرئيس البشير يكون رئيس لكل السودانيين
فهذه تمنها غالي يا حسين فاذا كنت بتتكلم عن التعافي العام فهذا لابد ان يسبقه اعتراف بخطأ قتل الناس والشباب لامر سياسي والاعتذار لذوي المقتولين

اشك كثيرا ان تتحقق دعوتك ( نافع قال نحن قاعدين لي يوم القيامة ) جاه صك رباني بتحديد دوام الانقاذ

نتكلم عن لسودانيين الوطن
الابدال والكفاءات

يا حسين ان تاتي متاخرا ب25 سنة فدي كارثة
تعرف يا حسين الجالية هنا السفارات بتختارها بعناية انها تكون بتاعة تكبير وتهليل ، ياخ ديل بدسو المسئولين
هل تصدق ديل دسو الرئيس وتقول لي رئيس لي كل السودانيين 25 سنة ياحسين بمشي وفد من الموالين وبقول نحن بنمثل لامغتربين يقعدو في قاعة الصداقة
يضربوا البارد والكيك ويهللو ويكبرو والمحظوظ يتصور مع الرئيس
يسمعو شنو ناسكم ديل
ايام هوجة الوحدة الطوعية واحتفال لسفارات اتصل بي احدهم وقال لي تعال شاركنا في حملة الوحدة الطوعية
رديت عليه وقلت ليه الوحدة الطوعية في القصر الجمهوري في الخرطوم ما في استراحة احتفالات في الرياض والقروش العايزين تبعزقوها عصاير وكيك وايجار مرضى افشل الكلوي اولى بيها
25 سنة من التطبيل الاجوف
خليك ممن السمع قراية ما بقرو
في 2009 كتبت الموضوع ده
نصيحة لوجه الله يا حكومة لكي اتنجح النهضة الزراعية
اتصل علي طارق عمر مكاوي وعرفني بانه عنده ماجستير وقرب يتحصل على الدكتوراه وانه منسق في برنامج النهضة الزراعية
وطلب مني اكتب ليه بروبوسال قلت ليه ما عندي ما نع بس عندي كم سؤال وجاوبني عليهم قال لي كويس
قلت ليه انتو عايزين تزرعو شنو ووين وليه وكيف ؟
قال لي دي لسة ما حددناها
قلت ليه طيب الزراعة حتقوم بيها الدولة في مشاريعها والا مشاركة مع القطاع الخاص والا حتفتح الباب للشركات العالمية
قال لي لسة ما اتحددت
قلت ليه طيب راس المال محلي والا قروض
قال لي لسة ما اتحدد
قلت ليه انتو كضابين
يا حسين انتو وجرايدكم ما سكيتو الكضب ليه ؟
قال نكلم الحكومة هو في حكومة ياخ انت جد زول حالم ياخ الحكومة دي رمت مقررات وتوصيات مبادرة اهل السودان بعد تسلمها بساعتين في سلة المهملات واسال اصادق المهدي
ناسكم يا حسين غنمو السودان لمن نشفو دمه
وبعد 25 سنة يا حسين تقول ابدال
وين انت كنت لمن جزرو الخدمة المدنية وسحلوها حية وجابو انصاف الخريجين وبواوهم المناصب
الحركة امتاسلمة يا حسين سرطان تفشى في الجسد السوداني وعلااجو وااااااااحد
الكيماوي
يكنسهم في المزابل عشان الوطن يتعافي
ديل ياحسين بنطبق عليهم المثل البقول
الما بتشوفو في بيت ابوك بخلعك

تعرف يا حسين خوجلي جيت متاخر كتير
فما عارف هل احمد ليك العودة ام اتاسف ان فاتك شرف مؤازرة الحق ومنافحة الباطل
وخلينا من صدقية الحركة الاسلامية يكفي انها استفادت من مؤسسات مايو ومنح بنك فيصل الاسلامي فاصبحت تدير الاموال وده تاريخ انت عارفه ونحن عارفينو
وهذا لا ينفي ذكاء د. الترابي التنظيمي ولكنه افتقد لتربية كوادره ويكفي انها كانت متصدرة جرائد الاتجاه الاسلامي الحائطية في عريشة جماعة القاهرة فرع الخرطوم و
( الغاية تبرر الوسيلة ) منتهى الميكافيللية
نتكلم شوية عن الرجل المناسب في المكان المناسب ونتونس في السهلة زي ما انت قلت
بعد الانقلاب مباشرة تم تجميد كافة التعيينات في الخدمة المدنية في تلك الايام وانا في الخرطوم وكنت خريج جديد التقيت احد اعضاءالتنظيم خريج هندسة يادوب اتخرج حاااااااااار من الفرن او باقي ليه سمستر الله اعلم
واتسالمنا حق الله بق الله وكنت اعرف انه في امن التنظيم
المهم بعفوية سالته اها عملت شنو وبعفوية اجابني
والله اتعينت في الهيئة المركزية قام استدرك انو اتعيينات واقفة فقال لي لا تدريب ساي
ما علينا
حأذكر ليك واحد تاني ولازم اذكر اسمه لانو جد حكاية تحير
اخونا بدر الدين عبد الله خريج كلية الزراعة جامعة فيصل اباد رجل اخلاقه حميدة وزول ممتاز اخلاقيا
ممكن يكون جيد اكاديميا
لاعب كرة قدم ماهر
وجيه وقيافة
معلوماته العامة ضئيلة
اجتماعيا ضعيف جدا
ثقافيا لم نشهد له شيئا لا كتابة ولا مشاركة شفاهية ولا شي طيلة وجوده في المجتمع الطلابي
سياسيا يخشى ضله يتجنب الاحتكاك النقاشي يعني مش ماشي جمب الحيط ده كان ماشي تحت الحيط
تم تعيينه في الخارجية انا افتكرت يكون مسئول الحدائق في الخارجية والسفارات السودانية في الخارج
فاذا به متحدث في المفاوضات التي تجري في اديس ابابا
يفاوض شنو يا حسين هو زول طلاب زملاه في الجامعة بخاف يفاوضهم يفاوض ناس وراهم سفارات ؟
اما حيثك عن الخبراء الاجانب
ياخ الخليج ودول اوروبا وامريكا بتذخر بالخبراء السودانيين
استعينو بيهم بصدق بجوكم ومجاني
احسن من الهتيفة البتلموهم في المؤتمرات الفارغة وتدفعو ليهم
شخصي الضعيف يا حسين في ي 2003 جانا طلب لتقديم عرض سعر لشراء طائرات هليوكوبتر لمراقبة خط البترول عايزين عدد 4 طائرات بمواصفات معينة
وكان شخصي الضعيف هو المسئول عن اتفاوض مع الخواجات ابين عيونا خضر وكانت اجتماعات تعلمت منها الكثير واعطوني عروض ولا اروع وتسهيلا ت ولا اجمل وكنت بجد سعيد اني ممكن انجز شي
وكانت المفاجأة هدية لحكومة السودان طائرة مجانية تستكشف كنوز باطن الارض مع التدريب المجاني للكوادر المناط بيها استخدام الطائرات
بعد انتهاء الاجتماع الاخير
مدير المكتب وامكتب يتبع لاحد الامراء قال لي بعد تنتهي الصفقة دي نحن مستعدين نحدث ليكم اسطول طائرات الخطوط الجوية السودانية ووعدته خير وخرجت وانا احس بشيء من نشوة نجاح
وقمت ورسلت عروض الاسعار والتي تتراوح ما بين شراء بالنقد او شراء بالاقساط ا وايجار اوايجار ينتهي بالتمليك
وحتى هذه اللحظة لم ياتينا رد لانو الناس قالو عايزين حقهم برة
قلت ليك واكرر يا حسين
ناس الحركة الاسلامية بتاعنكم ديل اعتبرونا يهود وغنمونا
انها ازمة حكم ايديولوجي
وزي ما قلت نافع بتاع عزرائيل
اما مسالة انعدام الامن عند رجل الامن والشرطة وانو في دورية كاملة بتمشط بحري
ديل لا يختلفو عن دوريات الصواني بس ديل بنهبوا بالليل وديل بنهبوا بالصباح
الفساد العندكم من ناسكم ديل يا حسين فساد منظم من قمة الجهاز التنفيذي وحتى رجل الشرطة والمرور ةوووو
وللتذكير امشي اتفق مع مدير الجمارك قبل الحاضنات دي ما تجي واستخرج الاعفاء لانها لو جات حتتباع للمستشفيات الخاصة قبل ما تجيكم البوليصة

ندمج حلقتين مع بعض حلقة الخميس وحلقة السبت
ناخد موضوع الضرايب

طبعا اكبر كارثة حلت بالسودان مع الانقاذ الكارثة ما يسمى عبد الرحيم حمدي
وارتكب فينا اكبر خطيئة عندما حلل ما يعرف بالنسبة المستحقة للمحصلين
فتحول موظف الضرائب من خادم حكومة لمستثمر
يعني زمان بتاع الضرائب لانه موظف خدمي فيه الجانب الانساني وبتعامل مع دافع الضارئب بانسانية
وفي بعض الاحيان لو نفسه دنية بشيل الفيها النصيب وغالبا تقديراتهم بتكون معقولة
اها جانا بتاعكم حمدي والذي استضفته انت في ايام لها ايقاع ومن ضمن ما ذكره ان احسن عهد ضريب واحسن نظام ضرايب كان في التركية السابقة
مع انه التركية السابقة دي كانت سبب في قيام الثورة المهدية
المهم جانا بنظام غريب انو متحصل الضرائب عنده نسبة
وعينك ماتشوف الا النور
ياخ نحن الشعب الوحيد في الدنيا الربط الضريب بتاعه في كل اشكاله بيتجاوز 100%
والشي المتعارف عليه انو بما انو الربط تقديري فيجب الا يتجاوز 80% والا بتكون هلكت دافع الضريبة
لكن تعال شوف ناسك وبكتبوها في الجرايد تجاوز الربط المقدر 120%
ياعالم انتو جاوكم من وين؟
والمشكلة الضريبة ذاتها بقت وسلية اخراج للناس من السوق عشان يصفى للكيزان
والقصص كتيرة اسال ناس كركساوي
اما ناس الائمة و حفلة راس السنة
ديل منافقين
ما نحن من 56 بنحتفل بي راس السنة
ده دجل ما باكل السودان عيش لكن هم باكلهم
انتخابات المحامين يا حسين خوجلي لا تحلم بعالم سعيد
تشكيلة الحكومة الامنية الاخيرة دي لتامين الانتخابات لصالح المؤتمر الوطني
وفي حالة قبول الاحزاب المشاركة حيسمحو ليهم يفوزوا في بعض الدوائر عشان الشكل الديمقراطي
ونصبح على الف خير

محاورنا كانت
المراجعات لاشياءنا
السرطان
والفريق بكري يكنس اعفن
وعشان تكون المراجعات دقيقة اديك واحد من الفواتير المهمة جدا ومهملة

Quote: البيان رقم (1) بسم الله الرحمن الرحيم أيها الشعب السوداني الكريم : إن قواتكم المسلحة المنتشرة في طول البلاد وعرضها ظلت تقدم النفس والنفيس حماية للتراب السوداني وصونا للعرض والكرامة وتترقب بكل أسى وحرقة التدهور المريع الذي تعيشه البلاد في شتى أوجه الحياة وقد كان من ابرز صوره فشل الأحزاب السياسية بقيادة الأمة لتحقيق أدنى تطلعاتها في الأرض والعيش الكريم والاستقرار السياسي حيث عبرت على البلاد عدة حكومات خلال فترة وجيز ة وما يكاد وزراء الحكومة يؤدون القسم حتى تهتز وتسقط من شدة ضعفها وهكذا تعرضت البلاد لمسلسل من الهزات السياسية زلزل الاستقرار ######## هيبة الحكم والقانون والنظام . أيها المواطنون الكرام : لقد عايشنا في الفترة السابقة ديمقراطية مزيفة ومؤسسات دستورية فاشلة وإرادة المواطنين قد تم تزييفها بشعارات براقة مضللة وبشراء الذمم والتهريج السياسي ومؤسسات الحكم الرسمية لم تكن إلا مسرحا لإخراج قرارات السادة ومشهدا للصراعات والفوضى الحزبية وحتى مجلس رأس الدولة لم يكن إلا مسخا مشوها أما رئيس الوزراء قد أضاع وقت البلاد وبدد طاقاتها في كثرة الكلام والتردد في السياسات والتغلب في المواقف حتى فقد مصداقيته . أيها المواطنون الشرفاء : إن الشعب مسنود بإنحياز قواته المسلحة قد أسس ديمقراطية بنضال ثورته في سبيل الوحدة والحرية ولكن العبث السياسي قد افشل التجربة الديمقراطية وأضاع الوحدة الوطنية بإثارة النعرات العنصرية والقبلية حتى حمل أبناء الوطن الواحد السلاح ضد إخوانهم في دارفور وجنوب كردفان علاوة على ما يجرى في الجنوب من مأساة وطنية وإنسانية . مواطني الأوفياء : إن عداوات القائمين علي الأمر في البلاد في الفترة المنصرمة ضد القوات المسلحة جعلتهم يهملون عن قصد إعدادها لكي تقوم بواجبها في حماية البلاد ظلت قواتكم المسلحة تقدم أرتال من الشهداء كل يوم دون أن تجد من هؤلاء المسؤولين أدنى الاهتمام في الإحتياجات أو حتى الدعم المعنوي لتضحياتها مما أدى إلى فقدان العديد من المواقع والأرواح حتى أضحت البلاد عرضة للإختراقات والإنسلاب من أ طرافها العزيزة هذا في الوقت الذي نشهد فيه اهتماما ملحوظا بالمليشيات الحزبية . أيها المواطنون الكرام : وكما فشلت حكومات الأحزاب السياسية في تجهيز القوات المسلحة لمواجهة التمرد فقد فشلت أيضا في تحقيق السلام الذي رفعته الأحزاب شعارا للكيد والكسب الحزبي الرخيص حتى أختلط حابل المخلصين بنابل المنافقين والخونة وكل ذلك يؤثر سلبا على قواتكم المسلحة في مواقع القتال وهى تقوم بأشرف المعارك ضد المتمردين ولا تجد من الحكومة عونا على الحرب أو السلام هذا وقد لعبت الحكومة بشعارات التعبئة العامة دون جد أو فعالية . مواطني الشرفاء :- لقد تدهور الوضع الإقتصادي بصورة مزرية وفشلت كل السياسات الرعناء في إيقاف هذا التدهور ناهيك عن تحقيق أى قدر من التنمية فإزدادت حدة التضخم وارتفعت الأسعار بصورة لم يسبق لها مثيل واستحال على المواطنين الحصول على ضرورياتهم إما لانعدامها أو لإرتفاع أسعارها مما جعل كثيرا من أبناء الوطن يعيشون على حافة المجاعة وقد أدي هذا التدهور الإقتصادي إلى خراب المؤسسات العامة وانهيار الخدمات الصحية والتعليمية وتعطل الإنتاج وبعد أن كنا نطمح أن تكون بلادنا سلة غذاء العالم أصبحنا أمة متسولة تستجدى غذائها وضرورياتها من خارج الحدود وإنشغل المسؤولين بجمع المال الحرام حتى عم الفساد كل مرافق الدولة وكل هذا مع استشراء الفساد والتهريب والسوق الأسود مما جعل الطبقات الاجتماعية من الطفيليين تزداد ثراء يوما بعد يوم بسبب فساد المسؤولين وتهاونهم في ضبط الحياة والنظام . أيها المواطنين الشرفاء : قد امتدت يد الحزبية والفساد السياسي إلى الشرفاء فشردتهم تحت مظلة الصالح العام مما أدى إلى إنهيار الخدمة المدنية وقد أصبح الولاء الحزبي والمحسوبية والفساد سببا في تقدم الفاشلين في قيادة الخدمة المدنية وأفسدوا العمل الإداري وضاعت على أيديهم هيبة الحكم وسلطات الدولة ومصالح القطاع العام. مواطني الكرام : إن إهمال الحكومات المتعاقبة على الأقاليم أدى إلى عزلها عن العاصمة القومية وعن بعضها في إنهيار المواصلات وغياب السياسات القومية وانفراط عقد الأمن حتى افتقد المواطنون ما يحميهم ولجأوا إلى تكوين المليشيات وكما انعدمت المواد التموينية في الأقاليم إلا في السوق الأسود وبأسعار خرافية . أيها المواطنون :- لقد كان السودان دائما محل احترام وتأييد كل الشعوب والدول الصديقة لكن اليوم أصبح في عزلة تامة، والعلاقات مع الدول العربية أضحت مجالا للصراع الحزبي وكادت البلاد تفقد كل أصدقائها على الساحة الأفريقية وقد فرطت الحكومات في بلاد الجوار الأفريقي حتى تضررت العلاقات مع اغلبها وتركت الجو لحركة التمرد تتحرك فيه بحرية مكنتها من إيجاد وضع متميز أتاح لها عمقا استراتيجيا لضرب الأمن والاستقرار في البلاد حتى إنها أصبحت تتطلع إلى احتلال وضع السودان في المنظمات الإقليمية والعالمية وهكذا انتهت علاقات السودان من العزلة مع العرب والتوتر مع أفريقيا إزاء الدولة الأخرى . أيها المواطنون الأوفياء :- إن قواتكم المسلحة ظلت تراقب كل هذه التطورات بصبر وانضباط ولكن شرفها الوطني دفعها لاتخاذ موقف إيجابي إزاء هذا التدهور الشديد الذي يهدد الوطن واجتمعت كلمتها خلف مذكرتها الشهيرة التي رفعتها منبهة من المخاطر ومطالبه بتكوين الحكم وتجهيز المقاتلين للقيام بواجبهم ولكن هيئة القيادة السابقة فشلت في حمل الحكومة على توفير الحد الأدنى لتجهيز المقاتلين واليوم يخاطبكم أبناؤكم في القوات المسلحة وهم الذين أدوا قسم الجندية الشريفة ألا يفرطوا في شبر من ارض الوطن وان يصونوا عزته وكرامته وان يحفظوا للبلاد مكانتها واستقلالها المجيد وقد تحركت قواتكم المسلحة اليوم لإنقاذ بلادنا العزيزة من أيدي الخونة والمفسدين لا طمعا في مكاسب السلطة بل تلبية لنداء الواجب الوطني الأكبر في إيقاف التدهور المدمر ولصون الوحدة الوطنية من الفتنه السياسية وتامين الوطن وانهيار كيانه وتمزق أرضه ومن اجل إبعاد المواطنين من الخوف والتشرد والشقاء والمرض أيها المواطنون الشرفاء:- إن قواتكم المسلحة ترجوكم للإلتفاف حول رايتها القومية ونبذ الخلافات الحزبية والإقليمية وتدعوكم للثورة معها ضد الفوضى والفساد واليأس من اجل إنقاذ الوطن و من اجل استمراره وطنا موحدا حرا كريما عاشت القوات المسلحة حامية لكرامة البلاد وعاشت ثورة الإنقاذ الوطني وعاش السودان حرا مستقلا والله اكبر والعزة للشعب السوداني الأبي والسلام عليكم ورحمة الله تعالى وبركاته .

وما عندي تعليق

السرطانات
مقبرة الحصاحيصا
مقابر النايات المشعة الخطرة في عهد الانقاذ ودي ما معروف مكانها وين حول المدن الكبرى في السودان
البلاستيك جزء ضئيل منخا

Quote: Potassium Bromate Termed a Cancer Threat WASHINGTON - The Center for Science in the Public Interest today petitioned the Food and Drug Administration (FDA) to prohibit the use of potassium bromate, which is used to strengthen bread dough. CSPI charged that the FDA has known for years that bromate causes cancers in laboratory animals, but has failed to ban it. Bromate was first found to cause tumors in rats in 1982. Subsequent studies on rats and mice confirmed that it causes tumors of the kidney, thyroid, and other organs. Instead of banning bromate, since 1991 the FDA — with only partial success — has urged bakers to voluntarily stop using it. “The FDA should fulfill its responsibility to protect the public’s health,” said Michael F. Jacobson, Ph.D., executive director of CSPI. “Instead of meeting privately with industry, the FDA should ban bromate immediately.” “In 1992-93 and again in 1998-99, the FDA tested several dozen baked goods and found that many contained bromate at levels considered unsafe by the agency,” said Darren Mitchell, a CSPI attorney. “One sample tested recently had almost 1,000 times the detection limit. The FDA’s inaction needlessly exposes consumers to this harmful additive.” Food additives that cause cancer usually can be banned under the Delaney clause of the Food, Drug, and Cosmetic Act. However, because the FDA sanctioned the use of bromate before the Delaney clause went into effect in 1958, it is harder for the agency to ban the substance. Bromates have been banned in numerous countries, including the United Kingdom in 1990 and Canada in 1994. In addition, in 1991, California declared bromate a carcinogen under the state’s Proposition 65. Baked goods sold in California would have to bear a cancer warning if they contained more than a certain level of bromate. As a result, most California bakers have switched to bromate-free processes. Many bakers, including Best Foods, Inc. (maker of Arnold, Entenmann’s, and Orowheat brand breads and rolls), Pepperidge Farm, and Pillsbury, have switched to bromate-free processes. Also, some supermarket chains, including Giant, Jewel, Ralph’s, and Von’s, do not use bromate. In contrast, Interstate Brands Corp. (Wonder, Home Pride), Schmidt Baking Co. (Schmidt, Sunbeam), Tasty Baking Co. (TastyKake), and Martin’s still use potassium bromate in some of their products. Among fast-food chains, Burger King, Arby’s, and Wendy’s use bromate in buns, and Boston Market uses it in its french sandwich bread. CSPI advises consumers to avoid bread, rolls, doughnuts, and cakes that list “potassium bromate” or “bromated flour” among their ingredients. FDA’s limited surveys found that rolls and buns are especially likely to contain high levels of bromate. http://www.cspinet.org/new/bromate.html

اما قصة الفريق بكري حسن صالح يحارب ليك الفساد فانت بجد رجل حالم
كدي خليهم يردو على اخونا الفاتح جبرا في خط هيثرو

وبعدي اول امس السيد الرئيس جمع اعضاء الاتحاد العام لوزراء السودان واحتفل بيهم في القصر على انجازاتهم
مع انو موسم القمح ضارب والسيد الوزير ضاربفي مائدة السيد الرئيس
حسين ياخ خلينا في تواشيح انهر الخالد

حلقة الامس اهم محورين فيها
1- التالف في الاختلاف ( صحيفة الوان نموذجا) وسرقة الاحزاب للمثقفين وتحويلهم للسياسة \

-2- المخدرات

تحدث حسين الرومانسي عن مجموعة الوان المتآلفةرغم اختلاف الاماكن .. بس في حاحة يا حسين الكانو بكتبو عندك كلهم كيزان يعني زي حزب الامة والاتحادي ولشيوعي
من مختلف تحاء السودان وقبائله
يعني مثالك ما عنده علاقة بالاختلاف في داخل مجموعة العمل الواحدة ويكون بينها تآلف
يعني لو كان في جريدة الوان يساري وكوز واتحادي وامة ومساقل كنا يمكن نتخذها للتالف بين فسيفساء ( حلوة فسيفساء انا ذاتي عجبتيني) الوطن
با حسين 25 عام والاعلام صوت واحد هو صوت الانقاذ ، المنهج الاكاديمي واحد مه منهج الانقاذ
السياسة السينة دي ذاتها واحد هي سياسة الانقاذ فكيف تتوقع ان يكون هناك حراك ثقافي منتج التغيير هو بتغيير هذه العصبة
اما قصة المخدرات فدي صناعة انقاذية بحتة
لانو ليها علاقة قوية جدا بغسيل الاموال
يا حسين غسيل الاموال القذرة والمعروف انها اموال المخدرات ، الرقيق الابيض ، تجارة السلاح غير المشروعة ، الخلذا فمن يجرؤ على ادخال المال القذر
هو ايضا الذي يدخل مخدرات عصابات هذه الاموال
الاشياء لا تنفصل شوف الناس الاغتنو من الاموال القذرة هم نفسهم الذين ادخلوا هذه المخدرات بنفس ادخال هذه الاموال
يعني ما تهريب دخلوها بالمنافذ الرسمية وعلى عينك يا تاجر وتحت سمع وبصر الاجهزة الامنية وشرطة الجمارك وادارة منافذ الدخول
وانت سيد العارفين لو عنديك شي قولو عديل
الرومانسية في مواضيع زي دي ما بتنفع
والسلام عليكم ورحمة الله

بالله يا حسين اول حاجة رتب ورقك وسوي ليه ارقام
عشان كورتك ما تتشتت
زراعة الحب والحيوب
ثم شذرات متفرقة عن حزب السودانيين كانت هي حلقة الامس

من الذي غرس ثقفة الكراهية والعنف .. شوف يا حسين ما تقفز بينا فوق الاحداث والتاريخ
وطالما انت فتحت باب للسودان لقادم خليك شجاع بمافيه كفاية
وعشان زي ما قلت نفتح حفر الحب ونقفل حفر الكراهية اعمل نقد للتجربة الاسلامية
بدات الكراهية بخطاب اخيك البشير حيث قال اننا لا نفاوض الا من حمل السلاح .. هل تفتكر الكلمة دي ساهلة ؟
ثمن هذه الكلمة التي اطلقها البشير ملايين القتلى
وفتحت المجال للموت الغالي يا حسين ليس الموت الرخيص ثم كان منفستو تقنين الكراهية الكتاب الاسود
وكانت الطامة الكبرى حينما تحدث البشير مباشرة في التلفزيون وقال انو الكتاب اعدته رئاسة الجمهورية
انتو كنت وين يا حسين
وليه ما اتصديتو للكتاب ده وليه خليتوهو ينتشر ؟
ولما صدرت الانتباهة بكل سمومها الحاقدة ماذا كان دوركم ؟
لقد مكنتم لثقافة بغض الاخر
بالله يا حسين رسل بنات واولاد الوان خليهم يدخلو الحواري والازقة المشبعة بالفقر ويعملو ليك استبينان عن مشاعر الناس دي تجاه الحاصل في البلد
وخليهم يسالوهم عن الكيزان
نظام الانقاذ وانت احد اركانه يا حسين هو من بث في الناس روح الكراهية على كافة الاصعدة نظام قتل الناس افرادا وجماعات في لا شيء
ضباط رمضان
قتل في المعتقلات
قتل مجدي وجرجس في مالهم ومن بعدها تم تقنين الصرافات لانفسهم
المفقودين والمغتالون في سجون الامن ....الخ
ثم تلى التمكين الاستئثار بما كان من خير في هذا البلد لانفسهم احتكارا حتى اختنق وهاهو يلفظ الانفاس ولا بادرة امل في ان تغير الانقاذ جلدها
الحفر كتيرة يا حسيان 25 سنة بتحفروا
عايز تردم الحفر دي برومانسيتك براك؟
لا يا حسين كل يوم بنسمعك وكل يوم بنذكرك طالم بقت الانقاذ دي قاعدة
قلمنا ده ما حيتوقف مداده لانه من ضمير شعب صابر
والسلام عليكم ورحمة الله

حلقة الامس تناولت فيها برومانسية جميلة احلامك عن 10 مليار من الامارات و10 مليار من السعودية
و3 الف كرتونة ويسكي وما شابهها
وتباكي ثقافي
قد تكون يا حسين ناسي او متناسي
لانه بعد ضرب مصنع الشفاء رحمه الله الزبير قام بجولة سعودية اماراتية والتقي في السعودية بولي العهد وقتها الملك عبدالله وكان ايضا سيد الصادق المهدي موجود في الرياض، بعدها المرحوم الزبير سافر للامارات والتقى الشيخ زايد وطلع منه بمبادرة الشيخ زايد المعروفة والتي وافقت عليها كل القوى السياسية بما فيها الحركة الشعبية
وكان من ضمن هباتها ان يتكفل الشيخ زايد بدفع 10 مليار دولار ( حسبما تناهى الى علمي المتواضع) وانقسمت الانقاذ الى مؤيد للمبادرة ورافض للمبادرة وكان من ضمن الرافضين شيخ حسن .. كدي بالله يا حسين ارجع للاراشيف بتاعة الصحف في ذلك الزمان .. تابوها مملحة وتكوسوها احلام ز########ة
اما 10 مليار من السعودية للزراعة .. وسبق ان ذكرتها لك انني كنت ضمن طاقم جذب السعوديين للزراعة في السودان وكانو متحمسين اكتر مننا للزراعة في السودان وباضعاف مليارات العشرة واسهام في البني التحتية اكلام ده يا حسين في الفترة من 2003-2004 وحضرت مختلف لاوفود لكبريات الشركات الزراعية ومن ضمنها شركة البان المراعي والتي الان تزرع في الارجنتين لان الزراعة هناك اقل كلفة وغير كدة
كيزانكم الوهم ديل ساقوهم لمشروع سندس وقالوا ليهم نديكم عشرين فدان وممكن تعملوا فيها فلل
فقال لي احد مدراء شركات الالبان عندما التقيته ( وش هادول الناس .. حنا عايوين نستثمر مئات الالف من الافدنة يقولو لنا 20 فدان ونسوي فيها فيلا ؟!! ليش اسوي فيلا في السودان ؟!!! اسويها بلدي او في الاردن او في بيروت) هذا غير الكلمة الحارقة التي قالها لنا كل من كنا نتعامل معه من المستثمرين الذين حضرو للخرطوم والتقوا الوزراء والتنفيذيين ( ناسكم حرامية)
واحد من السعوديين جا السودان ورجع بطنه تامه لانو التنفيذي قال ليه حقي وين فقال كم تبي التنفيذي قال ليه اكون شريك معاك بنسبة 25% السعودي قال ليه على اي اساس قال ليه على اساس توقيعي
فغضب اخونا السعودي والكلمة القالها لي ( يبون يشاركونا في حلالنا) ديل ياحسين ناسكم ناس الغوي السمين..فعليك الله ما تملانا احلام رومانسية
اماحكاية ال33333 كرتونة خمرة فدي يا حسين بي حسبة بسيطة حمولة حاوية 48 قدم سعة 40 طن يعني جات بالميانء البحري
او جات من الحبشة
يعني على عينك يا تاجر واتفتحت في سوبا واتكشفت واتقفلت
ده ما شغل تجار تهريب ده شغل عصابات شغالة في غسيل الاموال والخمور والمخدرات ولو مشيت بحبت حتعرف الجابها منو
اما عن المثاقفة
دخلت يوم احد المكاتب في الرياض التقيت شخص سماته امدرمانية دردشنا وسالته انت من وين قال لي امدرمان وسالته تاني
عندها اكتشفت انه ابن صاحب مكتبة الحرية
بدأنا نعيد ذكريات رائحة الكتب فانتهى بنا المطاف انو الاتنين قعدنا نبكي
وتصبحون على خير

حلقة الامس ليس فيها من شيء يذكر سوى الحديث عن السعادة والذي فيه تم تغليف الاشواق للحكم الاسلامي
مشكلتك يا حسين انك قدر ما تحاول تسوق نفسك كرجل وسطي تلقى انك ترجع تاني لمربع الحركة الاسلامية
تحدثت عن كل المشاريع التي مرت على التجربة السودانية ووسميتها باسمائها
المشروع المهدوي
ومشروع حزب الامة
وزالمشروع الودانوي وتجاهلت عمدا ان تذكر المشروع الحضاري لانه افشل هذه المشاريع
ثم تحدث عن اشواق السودانيين للحكم الاسلامي وذكرت عدد من التجارب ولكن لم تقل ان تجربة الانقاذ هي الاسوا في كل هذه التجارب
يجب سمية الاشياء بحقيقتها ياحسين
ليس للحركة الاسلامية فكر او مشروع يمكن ان يقدم بدليل رجوعك للحديث عن الدستور الذي كنتم تسمونه علماني
ولكن الانقاذ لن تتنازل عن الحكم يا حسين
لان الحركة الاسلامية ماتت بعد المفاصلة الاولى
والمؤتمر الوطني هو مجموعة الانتهازيين او كما اسميهم جرذان السفن اول القافزين من السفن الغارقة

وعدنا ونسال الله ان يكون العود احمد
حلقة الخميس الماض والتي خاطب فيها حزب السودانين وتحدث عن انتخابات نميري
وخج الصناديق وعن وجوبية استقالة مدير الطيران المدني وطاقم مطار الخرطوم الذي يعاني من انعدام الوقود للطائرات والكهرباء للمطاار
ولكن استوقفني مناشدتك يا حسين للوزراء ان يخرجوا اليك
بتحيرني جد يا حسين
فغالبية وزراء المؤتمر الوطني من خلفيات امنية انهم لم يتعلموا العمل العام في الضوء بل جل عملهم ليلي وتقارير استخباراتية
اما البقية الباقية فهم وزراء احزاب الفكه
وانت قبل غيرك تعرف ان هذه الحكومة من قبل تكوينها فاشلة وبعد ان اعلنت اعلن عجزها جهارا
لا تتوقع منهم اي خطوة تنفيذية
يعني يا حسين اهم قطاع اقتصادي وهو الزراعة جابو ليه وزير داخليه سابق يعني امن في امن
فبالله يا حسين يا اما تدي الحكومة في التنك والا ما تحاول تجمل لينا الراكوبة في عز الخريف
والسلام عليكم ورحمة الله

حلقة السبت امس
حزب السودانيين والعمل بعيدا عن الحكومة
خروف الفكي البقى ك ل ب

كيف ننسى الحكومة يا حسين .. لو نحن نسيناها هي ما بتنسانا .. لانها زي السرطان عايزة تاكل من كل الخلايا ..لو عايز تعمل اي حاجة بعيد من الحكومة بجيك ناطي رئيس اللجنه الشعبيه اللي هو عضو في المؤتمر الوثني وقطع شك قيادي
في قطاع الحي او المنطقة او المدينه وباسم القانون عايز حقه .. دي حكومة اخير منها التركيه السابقه وعندنا الكثير من الامثله التي قام بها كثير من ابناء السودان الخيرين لا يبتغون الا خدمه ذويهم ، ودونك جمعيات اهلنا الدناقله والحلفاويين والمحس
اممنتشره بطول المهاجر والتي دفعت اموال طائله لخدمة ذويهم .. المساله يا حسين هي دستور تنبثق منه قوانين صارمة لادارة الدولة والافراد غير كده برنامجك ده زي ما قلت انت طق حنك ومزيد من الاعلانات ويا بختك
كبش الفكي الاملح
ولان الشيء يالشيء يذكر ولان الذي نسى قديمه تاه
نذكرك يا ود خوجلي بان اول من اطلقوا علينا الكلاب هم الكيزان عبر جرائدهم الحائطية في الجامعات مرور بصحفهم اليومية في الديمقراطيه الثالثة وانتهاءا باحمد البلال الطيب في برنامجه في الواجعه
اول ك ل ب كان العلمانيه
ثم الديمقراطيه قلتو عليهاك ل ب والان انت تنادي بالديمقراطيه وجاءت الديمقراطيه واصررتم على انها ك ل ب واستعرتم مقولة الراحل الهندي بانه لو شالها ك ل ب ما في زول يقول ليه جر
وبجأت صحفكم تتكلم عن انعدام الامن في العاصمه والاطراف ( ك ل ب تاني )
اما اكبر كلابكم فقد كان مبادرة الميرغني قرنق والتي حشدتم لها الصحف من كل حدب وصوب ومنها الوانكم وقلتم انها اكبر ك ل ب وك ل ب في ك ل ب الى ان انقلبت واصررتم على انها ك ل ب .. والمعارضة ك ل ب ك ل ب ورموز المعرضة الطائفية ك ل ب فيك ل ب
التجمع الوطني #ك ل ب
اما في الداخل
الزراعة ك ل ب والرأس مالية الوطنيه والتي شيدت المعهد العلمي عشان الناس ما تدخل مدرسة المبشر ك ل ب ، والمنهج التعليمي 6+3+3 ك ل ب والمخرج في البترول وظهر البترول واصبح الانتاج ك ل ب وتطاول لبنيان لا بفعل اموال البترول ولكن بفعل تبييض المال المغسول ، ولسه اعلام الانقاذ يرى كل فعل وطني ك ل ب # .. الثروة الحيوانية ك ل ب ، التقارب مع السعودية ودول الخليج العربيك ل ب ، العمل في السودان اكبر ك ل ب وفتحت الباب للشباب المستنير الطموح للهجرة باي اسلوب عشان ما يعمل للانقاذ خميرة عكننة. ياحسين الانقاذ ومن شايعها ومن يدعي انه يعارضها من المتاسلمين النواعم هم الذين قالوا لمجمل السودانيين ان انو السودان ك ل ب . فاكتظت المنافي بالكفاءات وذوي الاخلاق والضمير من السودانيين النوابغ يقتاتون بقايا الموائد على الارصفة
والسلام عليكم ورحمة الله

حلقتين في حلقة
حلقة اسحق فضل الله والخمسية الف بتاعة السجين
وحلقة الامس الخاصة بالمولد كل عام والسودان بالف خير
اسحق فضل الله الرجل الذي يعرف اكثر من غيره
علي عثمان ، نافع وغوش واسامه صانع الملوك
تلخصت الحركة الاسلاميه في مقال اسحق فضل الله فيمن سيكون الملك القادم
هل هو صنيعة اسيوية ام صنسعة اوروبيه ام انقلاب غوش
وبعدين الاسيوي ده هل هو ماليزي ام ايراني
لايهم الهم اننا محكومون بعصابه طامعة في الحكم ورئيس يعاني ارهاب لاهاي بالله عليك الله يا حسين ده يقولو عليه شنو؟
اما قصة الخمسمسة جنيه المفروض تندفع للمسجون عشان يشوف اولاده .. طيب لما انت قلبك حنين وفيك كل هذا القدر من الانسانية
ونحن شعب رحيم ونجيب للمساجين زوجاتهم ونديهم خلوة شرعيه لانهم كتبو شيكات بدون رصيد ليه اعدمنا مجدي ؟
مش كان الحكومة تصادر امواله؟
لكن الحكومة صادرت روحه .. هل ياربي حتكون عندك الجرأة تطرح الموضوع ده ... اشك كثيرا يا حسين
اما فيما ذكرنه عن الاحتفال بالمولد اتفق معاك
ان كثير من المتاسلمين قرأو سيرة سيدنا محمد النبي ولكن لم يقروا سيرة سيدنا محمد القائد الانسان رجل الدولة العفيف والذين اتوا من بعده
اشهد لك ان حلقة الامس كانت بالنسبة لي مميزة
وصلى الله على النبي المصطفى

توقفت عن الكتابة وعن متابعة البرنامج
لان هذا النبي تمادى في رومانسيته اذ كيف يطلب من ما يسميه حزب السودانيين ان يتجاهل الحكومة
كيف يا حسين وهي اس البلاء
لانه ببساطة اي عمل عايز حرية
والحكومة مقيدة للحريات
لانو لسه في صحفيين مسجونين
وفي صحف معطله
فما تنادي بشي غير الممكن
اما ما يمكن ان يقوم به الافراد فهو محاولات كمحاولات ماري انطوانيت
اهتماي يا حسين خوجلي يختلف عن اهتمامك
ما يهمني هو الحرية الفعلية للانسان بحيث تمكنه من الحركة وكسب عيشه دونما خوف من ضرائب وتسلط الباشبزق
وعليه تكون التمنية فعل تلقائي والهعمل الطوعي فعل تلقائي وعندها يمكن لحزب السودانين من اداء فعله
ولكن مع كل هذا الجيش من رجالات الامن بمختلف مسمياتهم وحكومة جائرة تخاف من ضلها
فانت زي ما قال ابراهيم عوض( واهم)
وتعال لينا بالجديد زي مناقشة الدستور اعمل لقاءات مع القوى السياسية عبر قناتك خليهم يتكلمو عن رايهم في الانتخابات وفي قانون الانتخابات وفي مفوضية الانتخابات وفي قانون الصحافة
عشان يبقى طق حنك ايجابي مش ونسة سهلة

تعودت يا حسين في كل حلقة تقرا الرسائل التي تمدح لكن الكلام المر بتعمل فيه اضان جلد
ما مشكلة عندك الحق في ان تروج لقناتك لان المسالة لاتخلو في ان تشهد منافع لك
ولكن لكي تعلو مصداقيتك لحزب السودانيين وجه كل حلقاتك للكلام عن الدستور
افتح القناة لكل الاصوات لكي تعبر عن نفسها
والا فانت تتحدث في زمن الحرية المنقوصة
لن اناقش معك شي فيما تقول لانه لا يسوى شيئا اما شعب يبحث عن حرية
حرية كسب العيش في المقام الاول لانها الحرية التي تنبثق منها الممارسات الحرة لاحقا
اما ما عدا ذلك
فهو هرج ومرج وضوضاء لا ينتج منها اي طحين
البطون خاوية ي حسين
المدارس الحكومية خاوية يا حسين لا معلم ولا ادوات ولا مباني وبالتالي ولا عقول
الاسواق خالية يا حسين الا من المرابين واصحاب الدقن الشياطانية
البلد خاوية يا حسين الا من الامنتفعين وحراسهم من رجالات الامن
ازيدك؟

رحم الله ظريف العباسية الجميل عبد العظيم حركة
احب دوما عبارته المشهور ’ ( خميني... فك الرهائن) ودي يا حسين عندها قصة
كنا في حفلة ايام مشكلة السفارة الامريكية في طهران ( وده بوريك انو السودانيين ديل بتابعوا شديد) واحتجاز الرهائن الامريكان في عهد الخميني . وفي الحفلة كان في شاب ملتحي بكثافة وخالط ليه كم بت ناااااااااااااااااار وقاعد بيهم ركن في الحفلة وباقي الشباب منجض .. وطبعا مسرح الفنان عالي وكان الفنان الرحل عبد العظيم حركة فجأة في نص الفاصل التاني صاح ( خميني ........ فك الرهائن )
نجي نتكلم عن الدبارة
تعرف يا حسين انت اظنك زهمرتا لان وانت اليوم بتتكلم عن الضرائب نسيت انك عملت حوار مطول مع عبد الرحيم حمدي بالله عليك الله ارجع ليه وشوف الراجل ده كان بيقول في شنو وكيف انو كان بيدمر في النسيج الاجتماعي قبل الاقتصادي .. لكن انتم كنت في سكرتكم تعمهون وتظنون انه طالوت وقو اداتكم بالتابوت فيه سكينة .. اسوأ ما فعله عبد الرحيم انه اطلق حوافز النسبة في التحصيل .. ومن هم المحصلين انهم اعضاء الحركة الاسلامية .. يا حسين ما في سوداني غير منتمى للمؤتمر الوظني اتوظف ه
خلال ربع قرن
والكيزان لانه لا وطن لهم ولا انتماء الا للتنظيم ولا ضمير .. فانه لا يهمهم ان تفتقر لدولة او يفتقر صاحب المال طالما ان نسبته من التحصيل ستاتيه مع الماهية . ده من ناحية
من الناحية التانية يا حسين الانقاذ اخرجت كل الراسمالية الوطنية من السوق واستبدلتهم بطواغيت المال الجدد من الاسلاميين والمنظمات الخيرية الاسمية وكلهم لديها اعفاءات ضريبية وجمركية ومن كافة الرسوم او البنود التي ذكرتها
وانت تعلم ذلك جيدا
تعرف فجأة اتذكرت حادثة .. لما كنا طلبه الكيزان دقوا جماعة من المعارضين ليهم وفيهم وحد لولا عناية الله ولطفه لكان اتوفى حيث وجده بعض من الطلبة المواطنين بين الموت والحياة فهرعوا به الى الطواريء في المستشفى الجامعي
المهم اجتمعنا مع كل الطلاب من القوى المختلفة ومن ضمنهم طلاب المستقلين وكان في جزء منهم رافض اللقاء . المهم اللقاء انتهى بخير واختتم باصدر بيان وزعناه فياليوم التاني في الجامعة وانا بوزع التقيت باحد الرافضين من امستقلين فقال لي
( خلاص يا محمد غشي الاولاد !) فقلت ليه انا ما غشيتهم لكن اتبصرنا طريق جديد
المهم فبالله عليك الله يا حسين مت تغش الاولاد
لانو الدبارة قلتها ليك وانت مطنش منها
افتح قناتك لكافة القوى السياسية با ستثناء الكيزان لانو ديل عندهم كل وسائل الاعلام عندها نكون فعلا اتبصرننا طريق جديد

حلقة الامس تناولت الاتي

المعلمين ودورهم
التعليم وتغيير المناهج
كنكشة الولاة والوزراء والسياسيين
عارف يا حسين اجمل حاجة في كلامك ده انت بتتمنى اشياء عفا عليها الزمن وزي ما انت بتتمنى انا بذاكرتي التي مر عليها صيف ذلك الزمان فاعطبها بحاول اذكر
في بداية السعينات واخونا د. المعتصم عبد الرحيم وزير تعليم ولحد هسة هو وزير تأليم في لقاء مباشر مع المغليني في تلفزيون السجمان احتج المعلمون على عدم صرف رواتبهم لاشهر طويلة وتحدث احدهم بانهم قد يلجأون
للاضراب ، فما كان من اخونا الوزير الا وان انبرى لهم قائلا ( والله البيضرب نجيبو ونجرو من اضانو ونشغلو سخرة )
ولحد هسة الزول ده وزير
يعني يا حجسين انت زول حالم لانه خلال 25 سنة العقلية الحاكمة السودان ما اتغيرت 25 سنة والمعتصم عبد الرحيم وزير تأليم ، تقول لي ندي المؤلمين في الارض حقهم عشان يربوا اجيال ..
القصة ما تغيير وزراء وحكومة جديدة القصة في الانقاذ العضم يا حسين
اما قصة تغيير المنهج
25 سنة الحكومة الانقاذية شغالة بسياسة نفذ ثم ناقش .. فايام سيء الذكر عبد الباسط سبدرات وعندما اعلن السلم التعليمي الجدي كثير من العلماء التربويين غير السياسيين كتبو وباخلاص عن خطأ وخطر هذا السلم وامتلات الصحف بالحديث الجميل عن التربية ولابد من التراجع عن هذا االسلم التعليمي لكن وحياتك يا حسين زول اشتغل بيهم ما في
واخوانا سبدرات الرجل الذي لا يعرف ان يقول لا للخطأ تمادى في غيه مستمتعا بالوزارة والعربات الفراهة والكسب السهل ودارت دورة الايام ونحن مع الزمن اغراب ( رائعة البلابل) وتاني عايزين يغيروا السلم في زمن المسغبة
نفذ ثم ناقش
اما عن الساسة المكنكشين اسمح لي اقول ليك اني سبقتك زمان سنة 2006 كتبت القصة القصيرة جدا التالية
( ساله ابنه الصغير ذي الاربعة سنوات : بابا ماشي وين فاجابه ماشي الشغل . فساله الابن بابا انت شغال شنو ، فاجابه الاب : انا شغال وزير . كبر الابن وتخرج من الجامعة وفورا توظف وبعد سنتين تزوج وانجب ، وفي ذات صباح والجد يتاهب للخروج ساله حفيده ذي الاربع سنوات : جدو انت ماشي وين ، فاجابه الجد ماشي الشغل ،فساله الحفيد يا جدو انت شغال شنو فجابه الجد : انا شغال وزير)

تخريمة زي بتاعة الفاتح جبرا :
عملت شنو في موضوع انك تفتح قناة امدرمان للقوى المعارضة؟

لم تكن حلقة الخميس الا مؤانسة وقضاء امسية
ليس فيها ما يسحق التناول الا انها حفلت بخبر غريب
انت مررت به سريعا وكانه شيء عادي
الا وهو تهريب 58 طن من الذهب
يلا نحسب
سعر الكيلو 35000 ( خمسة وتلاثون الف دولار) يعني سعر الطن خمسة وثلاثون مليون دولار في 10 يعني ثلاثمائة وخمسون دولار في خمسة يعني وسبعمائة وخمسون مليار دولار ودقداق . يعني ما يغطي ثلاثة ارباع ميزانية السودان وربما اكثر .دون شك ان من قامو بالتهريب ليس ناس قريعتي راحت . ده شغل منظم على اعلى مستويات الدولة الامنية
بالضبط زي ماحصل للبترول والذي حتى هذه اللحظة غير معروفة منصرفاته . فاعجب انك مررت على الخبر مرورا عابرا . وال اده من المسكوت عنه مثل كثير من المسكوت عنه
يعني وزير الطاقة لمن بكى وجعر وصاح باعلى صوته كان عارف بس الظاهر ابو القاسم ما حب يكون قاسم ، عايز يلمهط براه . على كل البلد كلها منهوبة


تخريمة ثابتة

عملت شنو في موضوع انك تفتح قناتك للمعارضة؟

الأخ د. محمد

التحيات الطيبات

أقرأ تحليلك بعناية وللحق لم تترك لحسين جنبة يرقد عليها!!!

ياأخ محمد لك جزيل شكرى وتقديرى على هذه المتابعة الفاهمة لهراء الحسين.

حسين ضاق زرة ناس الإنقاذ فى ذات نفسه فهل يا ترى سيفتح القناة للمعارضة.؟

يخى سيبك من المعارضة كلها بس خليه يدينى حلقة واحدة بس وأنا مستعد أسافر ليه من أمريكا على حسابى وأتكلم فى الحلقة لمدة ساعة واحدة على الهواء وأرجع ده لو ما إغتالونى وأنا خارج من الأستديو

وهو معاى!!!!

اخي الكريم محمد احمد لريح
لك شكري وامتناني لمتابعتك لما اخطه من حرف اسال الله ان يكون فيه منفعة للناس
وكلنا فيانتظار ان يصدق حديثه وينحاز لحزب السودانيين ويديهم فرصة في قناة امدرمان

حلقة امس السبت حفلت بالعديد وكشفت بحزئية واضحة عن توجه السيد حسين خوجلي
اهم المحور
البلال
قاضي بني امية
ملامح الدستور القائم
الازمة الاقتصادية والاخلاقية والسياسية

البلال او الفنجري الذي اضاع ماله في اطرب الرخيص والصيت الكاذب
والبلال هنا ياجسين هو الانقاذ التي بددت مالها ومال الشعب فنجرة وفتحت الباب للاعلام والاعلاميين يتحدثون بحمدها ويغنون بالبلال تعال لي
ويكفي الانقاذ سفاهة ذلك التبرع السخي للاعبي الفريق القومي المصري بسيارة جديدة لكل لاعب عدا النقدية
ويتغني الاعلام عن كرم الانقاذ الى انتهى كل المال فانبرت قناة امدرمان تقول لي البلال اها عايز تمرقنا من الجنة وصقطها؟!!!
طبعا بسلاسة يا حسين عايز تزلق لينا انو الانقاذ دي اي كعبة لكن فيها عدل بايرادك قصة قاضي بين امية وانو مهما كان من سوء فللانقاذ حسانت .. والله يا حسين حسنات الانقاذ دي شافوها ناس التمكين لكن ناس التركين حتى الميلوحة عدموها
فما عندها حسنات اطلاقا عن عامة الشعب
الم تقتل الانقاذ ابناء الشعب في مالهم ( قصة مجدي )
الم تقتل الانقاذ شبابها وابناء هذا الشعب عسان قالوا لا للغلاء فياحسين انت ومن شايعك ترون للانقاذ حسنات لكن حزب السودانيين ما شاف ليهم اي حسنات
اتفاق اهل القبل على الثوابت والاسلام ووو الخ
شوف يا حسين افتح القناة لكل اهل الدربة والدراية والسياسيين الذين لا منبر لهم حتى يكون النقاش على الدستور في السهلة وفي الهواء الطلف
وحتى العلمانيين الايجابيين او النقيين او ما تسميه لديهم رؤية في تشكيل الدين في حياة الناس
ما تحتكر المكعرفة الاسمية والدينية لك وللانقاذيين
لكل من السودانيين راي
الا تكفي مقولتكم المخرقة ( من خدعنا بالدين انخدعنا له) والتي كانت نتائجية كارثية لكل السودانيين الا اهل التمكين والذين ما عادو يتذكرون كطيف تكون المساجد من الداخل ولكنهم خبرو تصميم البنوك الداخلي وعرفو المولات بعد ا كانو يتمرغون في تراب الخلاوي
بالونة الاختبار التي اطلقتها جهات معينة فيما عرف بمفاجأة الرئيس
وتحدثت بكل صراحة ( اي نعم الوضع الاقتصادي خانق ومميت ولكن لن ندع ابناءنا يموتون برصا ص الحكومة) انها دعوة للتحريض ضد التظاهر
انه التخزيل يا حسين ان نذعن للظلم ولثلة اللصوص تنب مالنا وتمص دمنا بدعى ان نتركها تلاقي حتفها
الحكومات الديكتاتورية يا حسين لا تموت لانها ديدان طفيلية تقتات من جسم العائل حتى يموت وبعدها تتركه وتدخل في جسم عائل اخر
الحكومات الديكتاتورية تقتله وبشتى السبل
وتخريمة ثابتة
متين حتفتح قناة امدرمان للمعارضة؟

لم يكن من شي يذكر سوى زواج الرجل السبعيني
فزوجة العم هي الانقاذ
بددت ثروة العم
وعنست البنات
هل السبعيني هو الصادق المهدي
ام الترابي ؟

حلقة الامس اجمل ما فيها
الشال ابو لونين الاخضر والازرق .. شعار الفناة
ما بطال لانو الاتقان مطلوب
القصة ما اتقان بس
نحن ما بنعرف نسوق انفسنا للاخرين
يعني واحد ماشي يقدم لي وظيفة تلقاه لافي شهادات او ورقة مطبوعة يسميها سيرة ذاتية وقميصه برة البنطلون
ويقول ليك المظهر م مهم انا راسي مليان
على كل احييك في اللبسة
نفس الاسئلة التي تدور في رأسك تدور في اذهان كل السودانيين ويكفي ان هذا المنبر ممتليء سخرية
ولكن يبقى السؤال الاهم والذي لم تشير اليه ليس من الذي كتب هذا الهراء
ولكم
من الذي سحب خطاب البشير الاصلي

حلقتي الاربعاء والخميس كان القاسم المشترك بينهما امعان في الفصامية الفكرية التي تعانيها يا حسين
كان ابرز ما في يوم الاربعاء خطاب البروفسور عن العلمانية
وتفسير المصطلح وو الخ
وتحدثت يوم الامس عن الدستور الجديد وانك ضد الشيوعيين لكن ترتضي بهم وفق الارتضاء العالم
عارف يا حسين فصاميتك وين
انك لسة ما قادر تطلع من جو اركان النقاش والجامعات في الفهم السياسي
خلينا من اسلامي
ومن علماني
لماذا لا نبتدع مفهوما سودانيا خالص
اتنت استشهدت بصديقك الماركسي الذي اصبح يؤم المصلين
ياحذ بروح الدين وليس بالظاهر من الايات
لان الدين كله منذ ادم وحتى محمد صلى الله عليه وسلم هو الاسلام
وهذا لا اختلاف فيه فانت يقينا تعلم ان الماركسي السوداني ينادي بقيم هي من صميم الدين
العدل والمساواة والمشاركة فهناك ماركسيون اطهر وانقى من اسلاميين
والتجربة كانت خير برهان
فما تتحسس من اي اخر ينافخ الاسلاميين
فشخصي الضعيف لي راي في الماركسي والاسلامي والاحزاب الاخر
لكن اتفق مع الاحزاب الاخرة كلها يمينها ويسارها ان الاسلاميين اردأ من تولى الحكم في السوداني
اخلاقيا ودينيا وسياسيا واقتصاديا واجتماعيا
وانت شيخ العارفين
المرحلة يا حسين ليست مرحلة علماني او تحكيم شريعة
\المرحلة مرحلة تسيج اجتماعي طلع دينه وزيته
ولكي تكون اكثر مصداقية اكرر
افتح قناة امدرمان للجميع
على الاقل حتى يردو على غندور الذي ثال
نجن الحكومة دي ما حنفكها ليهم
يعني ط ظ في خطاب البشير وفي جيتكم وفي ما تسمونه اجماع وطني

والسلام عليكم ورجحمة الله

ا

تعرف يا حسين انا مسمسك رهين المحبسين
والمحبسين ديل
العلامانية والاسلامانية
ما قادر تطلع منهم
امس في قناة الجزيرة كان في نائب رئيس حزب النهضة
الراجل ده جد تقدمي في كلامه
لانو حزب النهضة عاين للمستقبل ما رجع للخلافة الراشدة
فجرب مرة تنظر للمستقبل

حلقة الامس السبت
اثبتت بما لا يدع مجالا للشك ان بقيت قاعد في السهلة
نبد بي قصة المكفوفين الثلاثة وسوء استخدام الشلطة والكبر والغرور ومعاملة الادنى
تعرف يا حسين نحن من قمنا في امدرمان دي وشفنا الناس البتخدم في البيوت
وانو كيف المعاملة كانت جميلة وفي كتير من الاسر ساعدت بعض من هؤلاء النفر في اكمال تعليمهم ومعاملتهم كانهم جزء من العائلة ولم نشهد اي تفلتات اخلاقية
اذن مال الذي استجد
امهم يا حسين الفاشيون الجدد
الذين وجدوا انفسهم في غفلة من الزمان وفجأة اصحاب سلطة ونفوذ ومال
فاصبحت معاملتهم لكل من سواهم دون
وانت تسرد وانا احلل
الى ان دلفت الى انك ستفتح في جريدة الوان وفي اذاعة امدرمان
وفي القناة شريط تديره شركة متخصصة لعرض القضايا العامة للمواطنين
وان القناة وكل اخواتها تعتبرهم منبر لحزب السودانيين غير الطامعين في السلطة
ياخ انت لذيذ
ما هو انت كل يوم بتقر في صحف الخرطوم المركزة على اخبار السلطة الفاسدة
وانت ليل نهار بتتكلم عن لابد من تغيير الوضع الحالي لوضع افضل
لان حسب قولك الشعب السوداني ده ما بستاهل
جدا معا ما اختلفنا افتح القناة وتوابعها لحزب السودانيين غير الطامغعين في السلطة
لكن كمان ادي احزاب السودانيين المحتلفة من امة واتحادي وشيوعي وناصري ومستقل وحق الفرصة في ان يعبروا لحزب السودانيين
غير الطامعين في السلطة عن مثالب السلطة الحالية
وكيف يمكن ان يحكم السودان حتى ينعم حزب السودادنيين غير الطامعين في السلطة بانتجهم الفكري والادبي
وحتى نتمكن من زراعة شجرة
وتحويل خور ابو حبل الى نهر جار واستزراع كل الاراضي القابلة للزراعة
وبما انك يا اياها النبي مهتم با لاستثمار
ولان الزراعة هي راس الرمح في الانطلاق نحو المستقبل اديك حقايق قد تكون غايبة عنك
تقسم الاراصس الى
اراضي زراعية
واراضي قابلة للاستصلاح
واراضي عغير زراعية ( قديما الان جل الاراضي تزرع)
وهل تعلم انو نحن منجملة الاراضي الزراعية فقط بنزرع حوالي من 23-27%
وان من جملة حصتنا من مياه النيل نستهلك فقط اقل من 30% وما تبقى من حصتنا تستفيد منه مصر
وان من جملة المياه الجوفية نحن لم نستغل تقريبا 1%
وازيدك من الشعر بيت
مشروع الرهد الزراعي
او مشروع الفاو
والمفروض ان يكون 3 مراحل
ما انجز منه ومانراه الان وهو مشروع الرهد يمثل فقط المرحلة الاولي
ومن المرحلة الاولي هذا فقط 10%
يعني 90% من المرحلة الاولى لم يكتمل
فما تحاول تزوغ من ان تفتح قناتك لمعارضي هذه الانقاذ للتحدث بكل حرية
هذه الحرية التي حرمتنا منها الانقاذ واكده الدرديري
يلا نجي للاثيوبي والذي ارتقى بخطوط طيران بلاده

شكلك يا حسين نسيت حاجة انكم زرعتم الاسلامانين حاملي جين سرطان الفساد في كل اركان ومفاصل الدولة
فتسرطنت كلها واصبحت لا تجد موضع راس دبوس في الدولة الا ومعتل
عارف التقيت باحد الكوادر الاقتصادية الهامة بعد مؤتمر الحوار الاقتصادي ( بتتذكر الحاجة دي يا حسين والا طاشي شبكة) فسالته
قال لي جينا متحمسين عشان ندي خبراتنا مع انو كنا عارفين انهم كيزان اكتشفنا انهم جابونا ديكور
فياحسين كثيرون من ابناء هذا الوطن يمتلكون خبرات ورؤى يمكنها ان تهسم في رفع هذا ( الواقع) باسرع مما تتخيل ولكنت سرططان الكيزان في كل مكان
والسلام عليكم ورحمة الله

الاستاذ حسين خوجلي ينفـرد بالبرنامج لوحــده دون مشاركــة أو تداخــل
وأنت تنفـــرد بالبوســــت دون مشاركة أو تداخـــــل
حكايتكم شنـــو يا أولاد أمــدرمـــان
صديقـــي دكتور محمــد أوقــــد شمعــة فلـــم يجــــدي لعـــــن الظلام

يا سعادة القمندان عباس فوراوى ( تفرفر ) فى حسين خوجلى أم نفرفر نحنا من الخارج ؟؟!!


لاشك أن تناول الاعلامى صاحب قناة أمدرمان المطبل للنظام حسين خوجلى لاشك أن تناوله لموضوع إحالة ضباط الشرطة للصالح العام ( وتنظيرة) فى الموضوع بالتهم الغير منطقية ولا واقعية فى موضوع يجهل عنه الكثير لاشك قد أثار حفيظة عدد كبير من ضُباط الشرطة ومنهم على وجه الخصوص الاخ سعادة اللواء شرطة معاش الدرديرى جلدة دارفور إبن الدفعة 46 الحمش ، فقد كتب الدرديرى مستنكراً على إتحاد معاشيى الشرطى عدم تصديهم للأمر!!!ّ! ، وأنا من هذا المقام أخاطب صاحب القلم السنيين وعلى مصالح أهل الشرطة هو كالقوى الامين الاخ القمندان عباس فوراوى وأقول له أرجو أن تصل الاخ حسين خوجلى وتطلب منه فقط إستضافة ثلاثة من الضباط الذين تمت إحالتهم للصالح العام وأرشح من عندى الاخ عباس فوراوى نفسه واللواء شرطة معاش الطيب عبدالجليل والعميد شرطة معاش الرشيد على مساعد، لكى يقدّم لهم أى سؤال يخطر فى ذهنه ( أما حكاية يحكى من طرف واحد فى أمر لا ناقة له فيه ولا جمل والله إن لم يتوقف سوف نشن عليه حملات فى المنتديات المعروفه وندبجها بمسادير إن شاء الله ) وعلى العموم ننتظر ماذا هو رد الاخ عباس فوراوى .

العزيز محمد الحسن
انا بق
فرفر براي لنو ما في زول عايز يعلق البوست ده انا فاتحو سبيل
لان نصف راي عند اخي
اما ولدكم حسين خوجلي فكل الراي عنده برااااااااه
لانو قلنا ليه افتح القناة لغير الاسلاميين عمل اضان جلد

اخي ود السقاي
اشكرك جدا على المداخلة والف مرحب بيك

حلقة الاحد الامس احتوت على
1- ارهابية الاخوان
2- دمغ تنظيم الاخوان بمصر بالارهاب
3- الوات الموازية للقوات النظامية
بديت بتحرير افغانستان وكانت القوى الاسلامية تعيش احلا ايام عسلها مع ماما امريكا
وكل البنادق كانت ضد الاتحاد السوفيتي
وكل من هو ضد الاخوان فهو شيوعي
وتهاوى الصنم السوفيتي وتهاوت الماركسية
وانتهى دور المقاتلين المتاسلمين
لانم منذ طفولتهم تم ارضاعهم ثقافة القتال
ومن تثقف قتاليا عليه ان يجد غدو
وحينما تم تحرير افغانستان واصبحت تحت حكم طالبان لم تعرف كيف تدير الدولة
واصبحت الحركات المسلحة عبء على امريكا في تنفيذ اجندتها في افغانستان
وبما ان كل المقاتلين كانو يقاتلون تحت قيادة امريكا
فمن الطبيعي ان تكون الملفات بيدها
وبعدين ياحسين في تلك الايام انا حضرت ندوة وقام واحد من المتحدثين اتهم جماعة الاسلام السياسي بانهم ارهابيين
فانبرى له واحد القيادات وكان سوداني
وقال ليه نحن نعم ارهابيين ونفخر اننا ارهابيين
واستدبالقول الكريم ( ترهبون به عدو الله)
طيب هسة الجقلبة لزومها شنو؟
دمغ مصر بالارهاب
ما تتباكى يا حسين على البحصل في مصر اعمل نقد ذاتي لممارسة الاخوان في مصر منذ تولي مرسي وحتى التماع نجم السيسي
الاخوان بأو العنف في مصر يا حسين وانت ادرى بهم
وما التفجيرات عنك ببعيد
ما علينا من مصر
نجي نشوف القوات الموازية للقوات النظامية
ما شاء الله ما شاء الله عيني باردة
القوات المشلخة تم تشليخها تماما وافرغت من كل ما هو قومي واصبحت قوات خاصة بالانقاذ وشملها سرطان الفساد وبدلا من ان تصبح قوات حماية
اصبحت تحتاج الى حماية
وهاك
قوات دفاع شعبي
وجنجويد
ودبابين ( ما تنسى دورك في الدبابين يا حسين انت وروضة الحاج )
وهسة قوات دعم والا ايه ما عارف
الشرطة
شرطة شعبية
شرطة امن مجتمع
وكلها تصرف من خوينة الدولة بامتيازات خاصة
ده غير تنوع اجهزة الامن
غايتو لو باريت الاجهزة والقوات الجانبية دي برنامجك بفجرو ليك
والسلام عليكم ورحمة الله

ذكرني احد الاخوة وهو محاضر في الجامعا ت السودانية باني لماذا لم اتحدث عن ملهاة ماساة الصمغ العربي
والحقيقة اني في غمرة محاولي استذكارفترة الصراع الامريكي الروسي في افغانستان نسيته وما انسانيه الا الشيطان
هل هي شركة الصمغ العربي وحدها؟
دعونا نعدد منذ قيام الانقاذ ما تم بيعه
1- حديقة الحيوان وارضها
2- اراضي المقرن
3- ماسة شركة الحبوب الزيتية
4- السكة حديد ومحطة السكة حديد في قلب الخرطوم
5- التدمير الممنهج وباحترافية عالية لمشروع الجزيرة
ولماذا لم يخرج د. تاج السر مصطفى بتقريره حتى الان؟
5- خط هيثرو
6- نهاية الخطوط السودانية لصالح الركات الخاصة
فانا استغرب
على ماذا يبكي حسين خوجلي
لانه ببساطة شديدة
كونو العاملين ما لاقين حقهم معناها مجلس الادارة ضرب القروش
يجب ام يكون الكلام كالآتي
ارجاع البيع وناس النفيدي يشيلو قروشهم
ويتم القبض على اعضاء مجلس الادارة وتتم مراجعة الحسابات فاذا وجدت مخالفات مالية
يتم محاسبتهم عليها ويبيوعو املاكهم ويسددو كل الخشائر التي علي الشركة
لانه من غير المعقول انو شركو بتكون بتبيع كل انتاج الدولة من الصمغ العربي وتبقى مفلسة
فشرها لي يا حسين

حلقة يوم الاثنين امس .. لم تحفل بشي جديد يبدو انك حسيت ببعض الرهق ولكن نشوفك كنت بتقول في شنو
1- اللغة الموحدة
2- التمسك بالاسلام
ديل اهم حاجتين اتكلمت عنهم
بديت كلامك عن التعنصر القبلي والاحتكام للقبيلة بدلا من الحزب في الشان العام والشان السياسي
طيب ما انت اول امس كنت بترحب بي علي الحاج وفرحان بيه
مش علي الحاج ده هو القسم السودان لي ولايات ومحافظات على اساس اقني وقبلي
وين انت كنت لما الناس المعارضة احتجت على الكلام ده
انت سادر في غي الانقاذ يا حسين ما نبهت لي الوحدة
وكنا عارفين انها تقسيمة مستندة على الحكمة الديكتاتورية ( فرق تسد) واهو اتفرقنا واتفرتقنا
وما في داعي للكلام الكتير يكفي انو الرئيس قال انو الكتاب الاسود اصدرته رئاسة الجمهورية
اما التمسك بالاسلام وطبعا انت قلت عبارة لذيذة
قلت حتى لو فشل المشروع الحضاري
تتخيل ياحسين ما عرفت اضحك عليك والا ابكي ليك
يعني هو لسة ما فشل؟
ياخي ده الفشل ذاتو
هو فشل وفشل الاسلاميين من الضين وحتى الهندوراس وفشل السودانيين
ياخ ده شدة ما فشل فشل الامريكان الكانو براهنو عليه
قال لو فشل المشروع الحضاري
عشان خاطرك وخاطر السهلة السودانية وعشان خاطر ونستك اللذيذة ( بامانة انا بستمتع بيها )
انا حاغير تسميته من المشروع الحضاري للمشروع الهزاري
انما اسلامية السودان
فهي منذ دخول عبد الله ابي السرح ياهو ده الاسلام البنعرفه
الاميين فينا امثال شيخ الماحي علمو المتعلمين
لحد عهد عمر بن البشير
خرج الدين من السودان
واصبح السودانيين بعد ان كانو متدينين
اصبحو مديونين للبنوك العالمية
ولعصابات غسيل الاموال
واموال الاسلاميين ذوي اللحي المشذبة والمعطرة تقبع في البنوك الاسيوية وغيرها
رجعو لينا قروشنا واطلعو من السودان
الاسلام برجع ليه والمسلمين الحقيقيين موجودين
وباقي حلقتك كانت شعر ولطائف لا بأس بها
والسلام عليكم ورحمة الله

معليش جيتك بعد الفاصل الاعلاني
تعرف ياحسين
دستور 56 المعدل 64 بقول انو اللغة العربية هي اللغة الرسمية للدولة
وان الشريعة الاسلامية هي المصدر الرئيس للتشريع
انا دستور السيد التوالي فبيقول
انو الشريعة والعرف من مصادر التشريع
ولا ذكر للغة الرسمية للدولة

حلقة الثلاثاء والمزيد من الفانتازيا
1- المقابر وذكر الاخرة
2- تعرض عبد الوحد نور للضرب
3- حادثة السيارة لمصابو زبد

تعرف انا رجعت لسنوات عديدة في الوراء حين كان الاسلاميون يدعون للطهر والتطهر ، وانهم لا يعملون لدنيا الى ما قبل 30 يونيو 89
والمناده بتطهير المجتمع من دنس الدنيا
واعتلى الرساليون سدة الحكم على ظهر دبابة
وجلسوا 25 عاما عجافا
اذاقوا فيها السودانيين كل الوان الحرام
استباح الدماء
استباحة الاموال
واستباحة الاعراض
والان بعد ربع قرن من الاذلال باسم الدين يذكرنا حسين بالتطهير والطهارة والتفكر في المقابر وان الانسان ماله الا عمله
تذكر احصائيات الدولة الانقاذية ان حجم الفقر يتجاوز ال 60% وفي روايات 90%
يعني غالبية الشعب فقير
نفترض انهم 60% يعني ثلثي الشعب السوداني
وده يا حسين بنطبق على قول احد متنفذي الانقاذ في بواكيرها اننا مستعدون ان نضحي بثلثي الشعب السوداني عشان يعيش ثلث مرفه
فالرساليون هم المرفهين
على كل حال نحن ذاكرين الاخرة شوف ناسكم الذين نسو اتجاه القبلة الا في مسجد كافوري
اجمل عبارة قلتها في موضوع عبد الواحد انك قلت انكم ما بتقو ولا بتضربو
طبعا قعدت اضحك قلت حسن ده اظنو صاربو الهوا
كتائب الجامعة
اقفال العجلات
السيخ
ياخ تاريخكم النضالي في الشعب السوداني موثق شديد
وهتافاتكم في الداخليات ( هبي هبي ريح الجنة ) ونسيتم ان كل المسلم على المسلم حرام
انا ثالثة الاثافي في حديثك عن اهمال المستشفيات والاطباء
الاهمال بيبدأ من راس هرم الدولة لو راس هرم الدولة عارف مدير مكتبه بعمل شنو
طبيب الامتياز ما حينتظر تلفون من مستشفى الخرطوم
انه الاحلال والتمكين يعني هذا ما صنعت يداكم
اما العودة للمجتمع الرسالي
فيعجبني انك لازلت حالما بعودة التابوت تحمله الملائكة فيه بقية مما ترك حسن البنا
الاخوان المسلمين او الرساليين كان عبارة عن خدعة كبيرة خدعت بها الشعوب الاسلامية اكثر من 80 عاما
واتلحست مع اول سي سي من المصر
وسبق ان كتبت في هذا الموقع
الحركة الاسلامية بدأت في مصر وقبرت في مصر
والسلام عليكم ورحمة الله

امس لم اتمكن من الدخول للمنبر
اهم المحاور
1- تدهور الخدمة المدنية
2- استقالة الولاة
3- رجل العلاقات العامة
تدهورت الخدمة المدنية في كل مرافها منذ بدأت الانقاذ باحلال الكفاءات لكوادر الولاء
يا حسين 25 سنة والانقاذ تعمل على تدمير الخدمة المدنية
وكل عام والجامعات تخرج موالين عاطلي موهبة وليس لهم من مهارة الا انهم افراد في قطيع الحركة الاسلامية الانقاذية
الاجماع السكوتي والذي اصبح اسكات جماعي زي الزوج الجماعي والطهور الجماعي
ياحسين انت الخدمة المدنية منذ عهد الطيب بن محمد خير الشهير بالطيب سيخة
وقس على ذلك
بعدين في فترة الحكومة فتحت الابواب للهروب من السودان بان ضايقت كل الكوادر المهنية والتي كانت تخشاها
فافرغت البلد من الكوادر لانهم خميرة عكننة
اما استقالة الولاة فدي الا تشوف حلمة اضانك
هم جابوها بالساهل
قبل مبكري يعمل علاقات عامة جيدة مع الاخرين
خليهم يعملو علاقات مع المواطن المسكين
والسلام عليكم

تعرف يا حسين العاجبني فيك
انك بتقفز فوف ااحقائق وبتسوق فيها لي ناس السهلة
الحقيقة عندها جذور لو عاينا ليها من فوق بنشوف منظرها بس لكن ما بنعرف هي نشأت كيف
انت بتنتقد المؤتمر الوطني
لانو المؤتمر الوثني خليط من تيارات عدة ومن ضمنها الاسلامويون
وبتنتقد الاغنياء الجدد واباطرة المال الجدد والوزراء
ده كل+و حلو وبيشبع رغبة الانتقاد عند المستمعين
لكن كا بتنتقد سلوك الحركة الاسلامية نفسها
ما بتمارس نقد ذاتي للتنظيم الذي افرز كل هذه الامراض والمرارات
بتنادي بالاصلاح الفوقي
مع بقاء الانقاذيين
عايز كيف يكون عندك علاقات عامة مع دول الخليج والبوارج الايراينية تستبيخ مياهنا الاقليمية
بدون تابليت
ونواصل الحديث مع ونستك اليومية

حلقة الامس كانت عن
1- المواهب المخبوءة
2- توقيعات حزب السودانيين

اجمل ما في حلقة الامس انها وضحت مريخيتك يعني يا حسين اخيرا الواحد اكتشف اننك صهيوني ..ما مشكلة كمال عبد الجليل صهيوني ونميري صهيوني وشيتا صهيوني
وشاخور من وراك يعني الا تطير ما تكون صهيوني . اما ان هناك كثير من الناس موهوبيني في شتى المجلات ولم يجدو فرصة لاظهار مواهبهم لانو السودان محكوم بالعساكر كم واربعين سنة
والدكتاتوريات بتحب البجمل وجهها ويدافع عنها وزي ما قلت انت ما احسن من كتير من الصحفيين والاعلامين زملاءك بس ديك ما لقو زي فرصتك وانت عارف ليه
فكثير من المواهب والمهارات هربت وما زالت تهرب 3 الاف طبيب هاجرو خلال سنتين كيف لا تهرب والملايين تدفع لقوات التدخل السريع ثم ياتي الوالي يعتذر
يا حسين 25 سنة عمر ما ساهل لو كان كلامك قلتو قبل 10 سنوات بس كان بكون ليه اثر
لكن هسة النسا تبحث عن ريحة الخبز
نسو شكل صينية الغدا مع انقطاع الغاز وشح الفحم
المرة جات لبتاع الفحم ( زماااااان لمن كان في فهم) وصاحب الفحم م شرق السودان ، قامت قاليه فحم الياباني
ادروب قال ليها ( الفهم ما يابلني الفهم من سنار لكن اللوري الجابتو ياباني )
اما كونك تالب الناس عشانو يوقعو برفضهم للاحزاب والمؤتمر الوطني .. انت ذكي يا حسين .. الاحزاب حكمت كم؟
يا ها التسعة سنين دي عايز تحاكمها بجريرتكم وانتو حاكمين 32 سنة
انها قسمة ضيزى
خلينا من التوقيعات
افتح القناة للمعارضين تتكلم عن الدستور القادم ورايها في الانتخابات
والسلام عليكم ورحمة الله

حلقة الامس تنبي عن تناقضات حسين خوجلي التي حاول ان يجملها
نشوف المحاور
1- وفاة الصحفي بالوان
2- انعدام الامن في المدينة
3- المعارضة وركوب اصاروخ لكي تلحق
اولا نترحم على الذي مات ونعزيكم وصحيفتكم في الفقد ونسال الله ان ينزله عالي الجنان .
ولكن الذي استوقفني هو وصفك له بالرسالي ونساله ان يجعله منهم
مازلت سادر في غيك الرسالي يا حسين من نعرفهم من الاسلاميين الاطهار انهم هجرو الديار يتفياون هجير الاعتتراب والمهاجر وينظرن الى
من كانو يظنزنهم اخيارا فاذا هم العن الاشرار
تنزل ياحسين من وهمك الرسالي وانظر الى واقع المتاسلمين من فساد وافساد للعباد والبلاد .
انعدام الامن .. اتذكر في الفترة التي سبقت قيام انقلاب الانقاذ حينما اطالع صحف الجبهة ومنسوبيها ومن ضمنها الوان كنت اخاف ان اخرج من بيتي الذي يبعد بضعة امتار من القسم الشمالي
ادخلو في الناس رعب هائل من انعدام الامن مبشرين بثورة . في وقت كانت مشكلتنا واحدة وحلها كان ابسط من بسيط كان كلمة ليست بمعجزة
( دستور ) بغض النظر عن التسمية علماني الماني تلسماني .. هذه الكلمة كانت ستوقف نزيف دماء مازال مستمرا حتى كتابة هذه السطور
وابتدا الطريق لوف النزف باتفاقية الميرغني قرنق
وكانت النتيجة ان وصفت هذه الاتفاقثة بالكفر الباااائني وكانت كل صحف الجبهة الاسلامية تضغط على الصادق المهدي بعدم قبولها
والان تتباكى يا حسين على سلام الاستاذ شيخ علي والذي رفعت له الانخاب بعد ان وصل لمحصلته النهائية بالانفصال .. وكثيرا كتبنا ان هذه الاتفاقية يجب ان تراجع
ولكن
انه الكبر وها انت بلسان الاسلاميين تبكي كانساء على ملك لم تحافظو عليه كالرجال
عايز المعارضة تركب صاروخ عشان تحصل السودان؟
يا حسين في لعبة كبيرة عايزين تلعبوها علينا
ايه بيضير البشير لو اعلن قرار عن تكوين حكومة قومية انتقالية بمهام محددة وكل حزب بما لديه فرحون يشوفوا البيهم والعليهم لانو ماممكن يكون في اي عدل او حوار والمؤتمر الوثني قابضالحكومة وكل اجهزتها ومفاصلها .. انتو عايزين خمارة اسلاميين ماسكة الحكم فما تقول المؤتمر الوطني يفكها قول الحركة الاسلامية ما حتفك الحكومة
نكون واضحين
لكن البتقول فيه ده تخدير وتغبيش للحقائق
الاصلاح طريقه واضح
حكومة انتقتالية
لجنوة قومية لصياغة الدستور
قانون انتخابات واضح
مفوضية انتخابات مستقلة تماما عن اي جسم
وبعدها الحشاش يملا شبكتو
تخريمة
حتفتح قناتك للمعارضة متين؟

حلقة الامس
1- ستات الشاي
2- التنفيذيين الخوافين
3- مدرسة فيها 200 طالبة في الفصل
4- الرياضة وكتاب الرياضة

تحدث نبي العهد الجديد انو يشوفو للنسوان شتات الساي حاجة يبيعوها غير الشاي .ز يعني يا حسين يبيعو جبنة .. القصة ما قصة انهم يشتغلو ولا قصة الرجال القاعدين
متخلقين حواليهم
القصة انو ديل زوجات رجال تمت احالتهم للصالح العام
الانقاذ بدل ما تفتح مجالات عمل جديدة لاصحاب الولاء شالت الخبرات وقطعت ارواقالناس وجابت ناسها ودمرت البني التحتية للاقتصاد
عشان كده ظهرت التشوهات المجتمعية وانعكس ذلك سلوكا سالبا في المجتمع فالعج كلي يا حسين وليس جزئي
اما الامسئولين او الولاة البخافو يقابلو المسئولين الكبارفانت قلتها بتخلعو من العربية والبيت والمكتب
وهو اساسا جابو ليه
ما عشان يكون ربر ستامب
وبعدين ما تنسى انو التولية كانت للقوي الامين
هسة بعد 25 سنة القوي الامين
بقى الغبي السمين
ديل كوادر الحركة الاسلامية عاطلي الموهبة والمتبطلين السياسيين
ما تضارو ورا الدعوات
احكي ليك قصة
دخلت معسكر عيسى بشارة بالقطينة دورة حتمية دفاع شعبي في بواكير الانقاذ ايام المسكين الطيب محمد خير الشهير بسيخة
\وبعد فترة مفروض نحن كل البياطرة نمشي لقرعة الاراضي
اجتمعنا في المعسكر كنا كم وسبعين . ووصلنا انو نكون لجنة عشان تقابل لجنة التسيير بتاعة النقابة
فقوع الاختيار على شخصي ومعي خمسة اخرين واتضح انو نحن الخمسة ابعد ما نكون عن الاسلاميين فاخدت زميل كوزمدنكل على جنبة وقلت ليه
(معقول تختارونا نحن ونحن معارضتنا لا تخفى على النعام آدم . قال لي ايوة انتو معارضة بس بسمعوكم نحن ما بسمعونا)
فديل ناسكم يا حسين كوادركم
الما كنتو بتحاسبوهم ايام الاتحادات
يخمو من المالية زي ما عايزين بس ما في محاسبة
لكن عليهمالسمع والطاعة لمن غطستو البلد في بلاعة
نجي لخطاب الاستاذة وتكدس الطالبات في المدرسة والتي هي بجبل الاولياء
طيب ياحسين دي حلها بسيط ما عايزة درس عصر
حبل الاولياء ي مش منها سبدرات
وسبدرات كان وزير تربية وتعليم
وسبدرات مش من وزير بقى مذيع زيك
خلاص لاقيه في التلفزيون القومي وقول ليه يا سبدرات انت لمن كنت وزير تربية وتأليم كنت بتشتغل شنو؟
وبعدها حيوريك السر في انه الفصل فيه 200 طالبة
ولكن ضاقت اخلاق الرجال
الكورة
يا حسين
ما تحاول تصطاد في الماءالعكر
كورتنا لمن كان بتهز وترز
مرقو منها افذاذالرياضيين باخلاق عالية جدا
علي قاقارين الان سفير بالخارحية
محمد حسين كسلا طبيب وشخصية لامعة بالامارات
قدورة جامعة الخرطوم
مازدا ادابالخرطوم
عثمان الجلال الامم المتحدة
رشيد المهدية خريج المغرب ومقدم ناجح
احمد ادم هندسة
عادل امين اسبانيا
وغيرهم كثير
يعني يا حسين تربيتنا ما بتمنع الابداع في شتى ضروب الحياة
الهزائم الاخيرة سببها وضع سياسي واقتصادي واخلاقي اتت به الانقاذ
والسلام عليكم ورحة الله

حلقة الامس محاورها
1- مقتل الطفل عز الدين
2- انفلات الامن في وضح النهار
3- سرقة الثوراات وعجز الاحزاب في الحكم
4- الثروة الحيوانية
5- الزراعة

من قتل عز الدين ؟ الاجابة الانقاذ
اهتمت الانقاذ بامن النظام اكثر من امن المجتمع وما تغشنا يا حسين انو الانقاذ الناس حبوها في اول ايامها عشان فرضت هيبتها ..
اناس توجست خيفة من هذه الانقاذ التي انت في زلة لسان اول امس ذكرت مقولة الطيب صالح وسحبتها بسرعة
من هؤلاء
ومن اين اتزوا
وماذا يريدون
بدأت الانقاذ اول ما بدأت ببيوت الاشباح
ثم اخذت اموال الناس بدعوى تغيير العملة
لا في شطوة لا هيبة
ظلم وسرقة
ثم تدمير لكل ما يمكن ان يكون وسيبة لكسب العيش
واحتكار الوظيفة العامة والخاصة وجعل الشباب يتسكعون في الشارع
عايز تشتغل ابقى معانا رلابنسالك في حلال ولا في حرم
فانتشر الفساد وافرخ الجريمة
وما ينطبق على على الطفل عز الدين ينطبق على المرأة التي كادو ان يذبحونها
الم تقم الانقاذ بتقسيم الشرطة الى مجموعة شرط
مصل شرطة امن المجتمع؟
اين هي شرطة امن المجتمع ؟
الاشكالية هي اشكالية نظظام احتكر كل شي لنفسه حتى الامن احتكره لنفسه فاصبح خائفا في المدينة يترقب

سرقة الثورات؟
يمكن ان نقول ان ثورة اكتوبر سرقت
وثورة ابريل سرقت
ولكن الانقلاب الاسلامي ليس بثورة
الانقاذ انقلاب عسكري يا حسين ما تشقلب الحقائق قول انقلاب الانقاذ الاسلامي اتسرق
لكن انا بقول ليك الانقلاب مما اتسرق
ياهم ناسكم ... ارجع بالزمان القهقهري وشوف انتو كنتو بتستقطبو منو
بتستقطبو 3 فئات
اولاد الارياف الخائفين وتغشوهم انو اي زول مثقف علماني وشيوعي والما ببراكم بتخوفو بالضرب
محبي المال وانتهازيين وطوالي بتدوه سكرتارية المالية
الصاعاليك والما بخافو الله عشان تخوفو بيهم باقي التنظيمات
اها لمن قلبتوها جبتوهم وزراء وولاة وخلقتو ليهم وظائف من مافي فاصبحوا دولة داخل دولة
ولانهملو خايفين ما بعملو شي بنتظرو السمع والطاعة ولو محبي مال عليك بالصحف وتقارير المراجع العام ولو صعاليك وما بخافو الله شوف عدد عربات الحكومة
المظللة تعرف السبب ليه عزالدين قتل
افرغت كل الوات النظامية من الاشراف ونظيفي اليد وحل محلعهم شذاذ الافاق
الثروة الحيوانية
ولانو ده كارنا ما في حكومة دمرت الثروة الحيوانية زي ما دمرتها الانقاذ طلعت دينها ودين الشعب السوداني
بالله هل بتصدق انو دكتور بروفسور خبير امم متحدة له انجازاته في كثير من بلدان العالم
يجي يبقى بتاع ربر كركبة في شارع الخور؟
وهل يعقل ان خبراء مراكز الابحاث البيطرية الافذاذ فاتحين دكاكين اسبيرات؟
ياخ الانقاذ دي شر مكانا
اول من بدأ تدميرها سيء الذكر عبد الرحيم حمدي
ثم كارثة ما يعرف بطريق الانقاذ الغربي
حيث اجتمع احد قادة الانقاذ ايام صلفها بمصدري الماشية وطلب منهم تمويل طريق الانقاذ الغربي
فاعترض التجار انو ده طريق قومي ومكلف وما عندهم امكانية ليه لكن بساهمو
فما كان الامن احد صغار مربي الماشية والذي كان ياتي لبطري امدرمان يتجدي الردة والامباز يدق صدره ويقول انا بمول الطريق .. فتم قفل التصدير الا لهذا الرجل الذي اصبح بين عشية وضحاها
ملياردير وما منزله من ودنوباوي ببعيد يعني لمن تجي ودنوباوي خفسة ممكن تمشي تسالهم ( بالله دي عملتوها كيف)
ثم جاءت الطامة لمن قفلوا الصادر لذلك الثري العربي
ياخ ماتمرضنا ياحسين بالمواجع اي حاجة عملوها ناسالانقاذ الاسلاميين ديل غلط في غلط
الزراعة وقنيف
قبل قنيف عندي صديقي حاقول اسمه لانك ذكرتني ليه اسمو ابوعبيده الفاضل مهندس زراعي كان يعمل مع المرحوم صالح الراجحي
وجا مع الراجحي السودان والتقوا بد. نافع وكان ايامها وزير زراعة في بواكير الانقاذ
فابو عبيدة بيقول لي دخلنا قعدنا مع الوزير ده ساعة
لمن مرقنا الشيخ قال لي ( وش ده ليش كلامه كله امن وامن هو حنا قابلنا وزير زراعة وظابط امن؟) وصرف صالح الراجحي رحمه الله النظر عن الزراعة فيالسودان
ويبدو انك قريت ما كتبته غن بروف قنيف
بس الانت عارفه وما عايز تقولو في موضوع الاكتفاء الاتي من القمح انو نموسم 91/92 انجح موسم لزراعة القمح في السودان
وقبل الحصاد السيد عبد الرحيم حمدي عرق الاسواق بالقمح والدقيق الاستراليوالكندي فاتخمت مطاحن القمح في السودان بالقمح المستورد واخذ قمح
مزارعي الجزيرة وحلفا الجديدة خشم القربة والشمالية قسرا من المزارعين لتسديد السلم
واحتج بروف قنيف في البرلمان وهاجم عبد الرحيم حمدي هجوم عنيف وعندها طلب زعيم الانقاذ في ذلك الزمان من الصحفيين عدم نقل هذا الكلام في الصحف
هذه الرواية فيما يخص ما حدث في البرلمان بين قنيف وعبدالرحيم نقلها لي صحفي كان حاضرا
وما مشكلة قنيف ما بعيد امشي اساله قول ليه ليه شالوك من وزارة الزراعة وختوك والي في الشمالية
والسلام عليكم ورحمة الله

مع الونسة والحكى والاسترسال

يقول فكرة ويقول نقيضها فى نفس الوقت

وانسياقا مع الطرف والنكات يجوبك الافكار

امس تحدث عن ان اكبر دخل ياتى للسودان بعد البترول هو من الثروة الحيوانية
ويقول يعنى الراعى اهم زول منتج


بعد شوية يسخر من الراعى ويقول
هو الراعى ذاتو ماشى ورا الغنم بس هو ذاتو نعجة سايق نعاج

Quote: اما ولدكم حسين خوجلي فكل الراي عنده برااااااااه لانو قلنا ليه افتح القناة لغير الاسلاميين عمل اضان جلد

إذا عمل كدا، فكيف يسوق لأفكاره؟
دا زي إمام مسجد في خطبة جمعة، يقول كلامو والناس تسمع..زول إقول ليه عينك في راسك مافي ثم ينصرف ويحسب أنه قد غُفر له.
والمُحير..فلان قال لي يا أستاذ، أحد ألأصدقاء قال لي يا أستاذ، يا أستاذ ...دي حدها وين؟

لم اجد حلقة السبت لذا اعيد ما كتبته عنها

حلقة امس السبت
في حلقة امس اهم شي اتكلمت عنه الكفاءات المهاجرة
ياخ انت زول لذيذ
فعالون لا قوالون
ده شعار حزب السودانيين
لكن حكومة الكيزان عندها راي تاني يا حسين
طفاشون لا قعادون ( يعني ما بنخلي زول غيرنا يقعد فيها )
طبعا انت بتذكرني بي حاجات .. بقوم انا بذكرك ليها
عشان نصل لقاسم مشترك
فيا انت بقيت معانا والا رجعت لقواعدك سالما
بداية الانقاذ 89 مؤتمر الحوار الوطني وجاءكم فيه كل من يتمسح العسكر حتى محمد المكي ابراهيم
في وقت كانت موس التطهير تحش في اعضاء الخدمة المدنية حشا
ودخلنا عهد بيوت الاشباح وترويع الكفاءات وقتلهم
ثم ترويع المواطنين
من لم يقبل
خرج فبدأت الهجرات الجماعية ( Exodus) زبدأ افراغ الوطن من كل المشاغبين
وكان التمكين فتحولت الخدمة المدنية كلها لجهاز امن
فقنع القانعون رغم وجود بذرة ابداع في دواخلهم
واستشرت مقولة السمع والطاعة
نفذ ثم ناقش
فتم تنغيذ الكثير من المشاريع مثل الطرق بارتفاع 5سم
تعرف لما كان صاحبك المتعافي والي غمل ليه طريق
الطريق ده بعد شهرين انتهى
قام اتهم المهندسين بانهم فاشلين
رد عليه المهندسون قالوا ليه شوف انت اديت الطريق لي منو
فسكت المتعالي

وحتى في المهاجر بدأ التضييق على الكوادر واصبحت السفارات مرتعا للمتطفلين والذين يبحقون عن قطع اراضي او اكشاك او يقبلون ببفتات الاحتفالات
واصبح للسفارات متعهدين زي كزام جاهزين بي فواتيرهم
بعدين انت عايز العلماء ديل يجوك ويدو علمهم
والمتبطلين السياسيين ديل قاعدين في كندشة الوزارات ؟
ياخ جد انت حالم
ياحسين كلنا عايزين نرجع ونفيد بلدنا
لكن في وجود هذه الفئة الطفيلية لا تحلم بعالم سعيد

اما موضوع المراكز الملاحيء
هل تصدق انو حكومة الانقاذ بتقطع الكهربا من المساجد لو ما سددو؟
وقالت الببني الجامع يتلزم بي كهربته
يعني الجاب الجداد يجيب الديك ونحن زاتو ما عارفين الديك منو
حارجع ليك لموضوع المراكز الملاجي بي مهلة
والسلام عليكم ورحمة الله

اخوتي الكرام المتداخلين
تقديري واحترامي حارجع ليكم
بس عشان الكلام مايطير
حلقة الاحد
استوقفني فيها بعد ما حجانا بي الرومانسيات القديمة حين كان الحوش وسيع موضوع الخدمة المدنية و
ليبرالية عمر
تعرفي يا حسين اس المشكلة
النظام القائم الان
اي تغيير لابد وان يكون مجه لازالة البنية الفاسدة القوية التي ارساتها الانقاذ
فكل المشاكل في السوداني هي التي تسببت فيها
وكل الكوارث الاقتصادية
وحتى تقسيم الولايات رغما عن انه قبلي واثني لو راعت فيه اصحابالكفاءة لكان خيرا
الانقاذ مازالت تمارس نفس سياستها القديمة منذ 25 عاما
تفاوض من جهة وتمارس التمكين من الجهة الاخرى
لان الانقاذ الان تمارس فينا فقه التقية
اطلقت بالونة الاختبار وهي تهيء نفسها للانتخابات بقانونها القديم وباليات الدولة
اي عمل طوعي او محاولة تقديم اي دعم للدولة السودانية فهو حتما مصطدم بصخرة الحكومة
لا تظن انني معارض لما تقوله لا
لان ما تحجينا به كل يوم
نحن ننادي به منذ 25 عاما
اين كنتم يا حسين واين كانت صحفكم وهي تنشر التقارير الكاذبة عن التنمية في كل عام وعن ارتفاع معدل النمو الاقتصادي
اين كنتم حين كانت فرية ناكل مما نزرع
واين كنتم حينما كان مال البترول ينهب علنا
واين كنتم عندما خرج الدو اجو من مطار الخرطوم حاملا حقيبة معباة بالدلارات بغية ان يشتري افراد المعارضة الجنوبية فحول الدولاارات لحسابه الخاص
وحينما رجع قرنق رجع معه وفرشتو ليه البساط الاحمر واديتو منصب جديد
ياحسين
انتو غايبين 25 عام والان تقول لي حزب السودانيين
نجي لي ليبرالية عمر
طيب ما دام هذا الليبرالية العمرية عاجباك
ليه ما نافحت بيها المكاشفي
وليه ما اتصديت لقوانين العدالة الناجزة
وليه تركت القضاء يمزق اعراض الناس بما عرف
( الشروع في الزنا) ودي حاجة غريبة يا حسين
تخيل انو واحد جاب بت ووخلعت كل ملابسها وخلع هو ملابسه وفجأة غشيته رحمة من ربه فلبس ملابسه والبسها خوفا من الله ، يعني انتفت حالة توقيع الوزنا ، وحتما سيغفر له
ربه الغفور الرحيم
لكن الاسلاميين جونا بفرية ان دخلوا في نفوس الناس فعاقبوهم
بما قد يكونو ناوين عليه
قال شروع قال
بكرة نتكلم عن الميري والترغ في ترابه
والسلام عليكم ورحمة الله

حلقة الاثنين
1- مستشفى العامرية
2- ياسر عرمان
3- العطاءات
التقارير
4- السلم التعليمي

تعرف لما اتكلمت عن مستشفى العامرية اتذكرت قصيدة محمد المكي ابراهيم ( في خباء العامرية - والتي حاول ان يمتطي بها صهوة الانتفاضة ولكنه سريعا ترجل وامتطى صهوة الانقاذ وشارك في مؤتمراتها آملا
في تسفير جديد ولكن كان التمكين في ذروته فلم يحسن الركوب كسبدرات وسرعان ما طاح سرجه. المهم اتفق معك فيما قلت كان القصد من المستشفى حاجتين مأكلة سريعة ومحاولة اذلال
اما موضوع قطاع الشمال فده اسمه بالمثل السوداني حفر ايدك وغرق ليك . الم يقل رئيس الجمهورية ( عغلطتنا اننا قوينا الحركة الشعبية) اها خمو وصرو
العطاءات : تعرف يا حسين زماااااان قبل 25 سنة كانت العطاءات بتفتح الساعة 12 واما كل المتنافسين وجأءت الانقاذ بالغبي السمين
واختفت العطاءات وبقت الترسية مباشرة لاصحاب الحظوة فقام كل وزير عمل شركة واي عطاء بيرسى على شركة الوزير
وبعدين انت بتتكلم عن انو يكون في لجان لفرز العطاءات
الكلام ده متين
في الحكومة دي ؟
تبقى انت بتهزر يا حسين
عليك الله قول كلام غير ده
واذا في حكومة جاية خلاص ساهم وافتح قناتك للمعارضين يجو يدلو بي دلوهم واعمل زي بكري ابوبكر قول المواضيع تعبر عن كاتبها او
العفش دخل البوست على مسئولية صاحبه
تقارير الموظفين .. اهو كويس انت بتقرا مواضيعي دي وعرفت انو الخدمة المدنية اصبحت اكبر جهاز امن في الشرق الاوسط
السلم التعليمي
الشي المؤسف يا حسين قبل اجازة السلم ده كثير من رجالات التربية وفقهاء علم النفس اتكلمو عن خطر وضع مراهق مع طفل وحقو تسال المذيع سبدرات قول ليه ليه قبلت تنفذ السلم ده لما كنت وزير تربية
نحن عايزين نكنس آثار هذه الانقاذ لانها اسوأ اثار اجتماعيا واخلاقيا واقتصاديا

حتفتح قناتك للمعارضة؟

حلقة الثلاثاء محاورها
1- زواج الارملة
2= حكومة التكنوقراط
3- قرد زبيدة

تعرف انا اخدت حكايتك بتاعة العرس دي كلها بي رمزية وحقيقة البت ما بتستاهل ود خالها لانها مجيهة ورزينة وفاهمة
وتذكرتي ما كتبته يوما هنا في حوش بكري ده واتمنى نظمي يعجبك اصلك بتعرف سمح القول المقفى
قالوا العروس ابت العريس
بسم الله الرحمن الرحيم
(1)
حكاية الحاج ودبشير
حكاية الزمن الانين
والآهة في الحوش الكبير
في عام كبييس وعقاب شهير
والليل مغادر
الناس نيام
وناس سهرانة في العرس الشهير
تلب فجر حاج ودبشير
وصبح الصباح
الكانو نايمين صحصحوا
يارب حلم؟!
جانا من وين حاج ودبشير؟!
صرصر وشيه
حمر عينيه
نهر النسوان ادخلن
خل العيال قلبن يطير
ناسن تنطط بالفرح
ناسن من الحصل عقلن سرح
( من هسة ياناس السجم
ادوا الفرض
ما في البيوت
فوق االجوامع والحرم
مافيش سهر
مافيش سكر
مافيش
اكل
مافيش شراب
مافيش قروش
ناس اتملت من الشحم
كبرت كروش
فرحانة بالحاج ودبشير
(2)
وباقي العيال
لما النفوس اتضايقت
والحوش صغر رغم الوساع
ومنه اتمسح صافي الضمير.
الاغترب
صوت المغني المكتئب
( لا سراب الصحرا موية...)
لا من نشف منه الغنا
والفي المجاهيل انضرب
المزارعين والدكاترة
الصيادلة
البياطرة
والايادي الماهرة عاملة
وجوك يالحاج ود بشير
الصعاليق
المطليق
والعطالة
وغنو ليك
امشي سير
ديل ما شوية عمالة
خانو دينهم بالعمالة
كاسوا للمال الوفير
يا حاجنا سير
والحول في طيز الحول يصير
والحول قصير
والحال يمحن للبصير
وفي يوم صباح
حاج ود بشير
نادى الوليد المستشار
قال ليه يا فهم الدكاترة
عايزك تشير

(3)
انا داير الم ناس الفريق
البعيدين والقراب
واعزم كمان حتى الخواجات
االعواجيز والشباب
عيزومة جد.
رايك شنو يا زين شباب البيت
و يا اب رايا خبير
اتنحنح الدوك وابتسم
( نعم الفهم
يا راسنا يا حاج ودبشير)
جوهو القلوبهم فيها شي
من حس ومن صاحي الضمير
قالولوا بي صوت مستحي وخجلان شديد:
كيفن بتعزم يا الكبير
والبيت قديم
سقفه البخر من المطر
نوافذه والباب المخلع
صفاية لي ريح الشتا
في الزيفة والبرد الشديد
والادبخانات
والملاريا الساكنه في لحم الوليد
يا شيخنا خليها العزومة
جوهو
ابين جلودا ناعمة والدقن المسبسبة بانتظام
نهرو البقولو الحق بلعنوا في الضلام
وضحكوا للحاج ودبشير
( خليك من ناسا فقر
نضمن كتر
ما بعرفو غير شين الكلام...
نبني في الصالون طوابق
ونجيه الحوش ناحية الباب والشوارع
الجوة سيبه ، ما هو فارق
ونسكن الريسان فنادق.
ونفسحهم
في نيلنا قبال المشارق)
ضحك الكبير
طلقوا المداعي
وجوهو من كل الفريق
الا بس
جارو القريب
والكان عليه الرك والامل القريب
قال ما بجي
منزول وعيان
متمدي فوق العنقريب
والشارع الكان متكسي
بي تراب سنين
###### سنين
بقوه بالنور منكسي
وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآخ
من قايد الاسطول
ومن طعم الحلا
ويا سيدة لا
انت ماشبه التكل والبهدلا
ولا بتسكني في الخلا
والله لا
ما الحنة
والاصبع مقمع
باسطة من دكان سلا
(4)

يوم العزوما الماخمج
اتقيف الحاج ودبشير
صبغ الشعر المصفف
ودقنه والشنب المحفف
وكل الضيوف قاعدين حضور
وقال كلمته عن السلام ونضافة الحوش الكبير
والقول رصين
مليان بلاغة وابتداع
-بس بي تحت
ما فعله شين-
وبالمختصر
ياضييوفنا كايس قربكم
داير العروس
بعض الضيوف من الخجل صوتهم كتم
والباقي بالقول الجهير
قالولو خلينا نمشي ونستشير
وجوك يا لبنية البشتهوك
قبلانة بالحاج ودبشير؟؟
نفخت..
وحدجت بالنظر
عينيها كا ن شر مستطير
اقبلوا به كيف؟!
مازبل البيت للخريف
ما بملى تيبار
وما بشوف كان في الطبق كسرة ورغيف
زولكم بدور المنجهة ولبس البدل والدنيا صيف
شوف حال عيله وشكلتهم
عيال صباح
عيال غرب
وعيال صعيد
لابعرفو خيلا لا جويد
لا بشيلو سيف
السافل المهدود نزيف
اقبل بو كيف؟!
وانا بي وراي اعوج رهيف.

وجوهو الضيوف
والله يا حاج ودبشير
شكرا كتير للضيفة والخير الوفير
علا العروس ابت العريس
والكلمة واحدة ومافي غير
نطلب الله
وانشاء الله عامر
وانفض سامر الناس
وزولنا الكان مامل
صار كسير
جاهو الوليد المستشار
قال ليه بس .. لقيتها ليك
خلي العروس الشينة ام انفا كبير
عشان رضاك
اقطع بحر
امشي الحجاز
ازور امارات الخليج
مصر الكنانة
جبال الارز والشام
والمغرب المليان هجيج
واجيبها ليك احسن عروس
فصيحة ما بتعرف رطانة
وحنينة زي ناعم الحرير
و......
و......و........
وآخ يازمن
والساقية ملت
من قصة الحاج ودبشير


نجي لحكومة التكنوقراط
وانت بتقول الحكومة دي مالها
وحكومة التكنوقراط بتعمل شنو؟
الحكومة دي يا حسين سجم في رماد وانت براك قلتها في برنامج حجاك ده قلت وين الوزرا الجداد ( وممكن تقراها بالفتحة على الجيم او بالكسرة)
نتكلم عن حكومة التكنوقراط وبايجابياتها حنعرف سجم الحكومة الحالية
حكومة التكنوقراط حتكون رسيقة 10-15 وزير فقط ولا مستشارين ولا غيره مع اعفاء كل الوزراء الولايين وتحويل صلاحياتهم للمحافظين والمفتشين
يعني اقتصاديا شلنا عبء من الحكومة الفلسانة تانيا بنضمن فتح باب للعلاقات الجادة مع العالم الخارجي حيث سيدار الامر باحترافية مهنية وليس باحترافية سياسية
مما يعني ان يثق العالم بان الحكومة القادمة ستحظى بانتخابات لجانها خارج قبضة الحكومة
وبالتالي يمكن ان تثق في امكانية تدفق بعض الاموال
وشئنا ام لم نشأ نحن محتاجين لدعم خارجي ومستعجل
لانه ما عندنا انتجا محلي
ولتأكيد ضمان الجودة ما نستعجل للانتخابات
نخلي حكومة التكنوقراط وتساعدها كل الاحزاب والفعاليات في اداء عملها وتتفرغ المجموعات السياسية لصياغة الدستةر
ووضع قانون انتخابات وقانون امن وطني وقانون صحافة متفق عليه
غير كدة يا حسين يكون طق حنك ويبقى دوما الترابي اشجع الجميع واتفق مع طرحه
اما قصة قرد زبيدة زوجة هارون الرشيد
حقيقة عجبتني
ترى كم من ال######## يسلمون على القرد؟
والسلام عليكم ورحمة الله

حلقة امس تعتبر من اخطر حلقات حسين خوجلي
محاورها
1- ايجابية الانقاذ
2- الظلم العام
3- قناة امدرمان قناة حزب السودانيين

قالوا لبثنا يوما او بعض يوم ده لسان حالك يا حسين خوجلي ... انت يادوبك صحيت وما عارف الكان حاصل شنو انها ربع قرن من الاذلال وناخد واحدة واحدة ..
قلت انو من ايجابيات الانقاذ انها تواضعت .. لا يا حسين الانقاذ عمرها ما تتواضع الانقاذ انزنقت وده من عبقرية الشعب السوداني عرف انو الاوباش ديل لا يعرفون الا ولا ذمة
عشان كدة تركوهم ياكلون بعضهم كالنار . في بدايات الانقاذ 89 قابلت احد الشباب المنفوخين والذين اخذتهم العزة بالاثم قال لي عارف نحن جينا ليه
قلت ليه ليه
قال لي عشان نادب الشعب السوداني
قلت ليه الشعب السوداني مفروض يتادب لانه منه امك وابوك الجابوك فسكت
وصدق الطيب صالح حين قال من هؤلاء ومن اين اتو وما ذا يريدون . فلان الانقاذ وانت ادرى بها ما عندها اي ايجابيات قلت ايجابيتها انها تواضعت ولم تقل تآكلت
وانا اجزم ليك يا حسين اس الحكومة ديل يضمنو ليهم خروج امن بدون مساءلة بكرة دي يسلمو الحكومة
فما تغبش الحقائق
المظالم العامة
انا احكي ليك نكتة وانت قس عليها
قال ليك في زيارة امير قطر الاخيرة للسودان تقدم اليه مواطن فقير وساله المساعدة
المهم امير قطر لما سافر حول ليه مليون ريال بواسطة الرئيس
الرئيس نادى النائب الاول وقال ليه شوف الزول ده وين وقول ليه امير قطر رسل ليك 500 الف
نائب الرئيس نادى الوالي وقال ليه شوف الزول ده وين وقول ليه امير قطر رسل ليك 250 الف ريال
الوالي نادى المعتمد وقال ليه شوف الزول ده وين وقول ليه امير قطر رسل ليك 125 الف ريال
المعتمد نادى المحافظ وقال ليه شوف الزول ده وين وقول ليه امير قطر رسل ليك 60 الف ريال
المحافظ نادى رئيس اللجنة الشعبية وقال ليه شوف الزول ده وين وقول ليه امير قطر رسل ليك 30 الف ريال
رئيس اللجنة الشعبية مشى دف بابا المواطن
وقال ليه
امير قطر قال ليك الله يدينا ويديك

عارف المواطن ده هسة وين؟
راعي في السعودية تتكلم عنه وكالات الانباء انه رجل امين
في تاريخ الشعوب لم توجد حكومة غنى ليها ترباس زي الحكومة دي
مش قال
انا شفت ناس ظالمين كتير
بس انت اظلم من ظلم
يا حسين دي حكومة اذلت هذا الشعب اذلال لم يسبق له مثيل
والان تريد ان تخرج بكرامتها
عارف دي بسموها شنو في الحريق؟
نقسم
نادو الاحزاب وعايزين يقسمو
لا
نحن حرقنا من قبل 25 سنة

ما في حاجة اسمها عفا الله عما سلف
المظالم كتيرة ادناها سنوات عمرنا التي اضعناها في المنافي
اما قولك انك تفتح قناة امدرمان للسودانيين
خلاص
ادي المعارضة نفس

حلقة الخميس ما كان فيها شي يبدو انه رهق الاسبوع عشان كدة طالما الموضوع ونسة رايك شنو حلقة الخميس خليها ونسة مع المعارضة
كل خميس استضيف واحد من ناس المعارضة واتونسو ونسة بي فايدة
اهم شي اتكلمت عنه المخدرات
تخيل يا حسين بعد 25 سنة من حكم الاسلاميين تعاني البلاد من الاغتصابات والمخدرات واللقطاء
شي مخجل ومحير في نفس الوقت
الاسلاميين ديل في اجتماعاتهم قبل ما يجو الحكم كانو بفكرو كيف؟
وهل كان في نوعين من التعاطي للشان؟
وهل المشروع الحضاري هو شعار دورة انتخابية للاتحاد العام للوزراء السودانيين؟ انتهى بانتهاء الدورة
لو فقط خلصت النوايا قبل 25 سنة بتطبيق شعار تعظيم شعيرة الصلاة وكانت النفوس صادقة بها لما وصلنا لهذا الحال لكن القصة غير
نجي للمخدرات
اولا المخدرات يا حسين غالية جدا يعني البجيبوها ناس عندهم مال
والناس البتعاطوها ناس عندهم مال
يلا نشوف منو العندو المال
انهم البارونات الجدد
لانه دخول مخدرات بهذا الحجم لابد من ان يكون وراه نفوذ
\وزي ما قلت ايك ا
ولسة بقول
غسيل الاموال
يعني كل الفساد والافساد
لان من يغسل المال على استعداد لبيع شرف امه واخته وزوجه وبناته
فما رايك بانه يدخا مخدرات
القصة يا حسين ليست الظواهر
ولكن في النظام الذي ساعد على انتشار الجريمة

حلقة يوم السبت 22 / فبراير
حنيت عليك
لانك ما عارف تقيف على اية ارضية
فقد احسستك كانك تقف على رمال متحركة وانت تجاهد نفسك للخروج
فانت لست من الذين لبسوا عباءة الحركة الاسلامية للمظهر ولكنك تشبعت بالحركة وفجأة وجدت بعد 25 عاما ان كل اليوتوبيا التي كنت تحلم بها تبخرت
مع القادمين من زقلونا ثم في غمضة عين استوطنو في كافوري وما شابهها
1- التفجيرات
2- الجها د
ديل كانو اهم محاورك
بالاضافة لموضوع البكور بتاع اخونا د. عادل من الامارات .
تخاف ان تنتقد التفجيرات وتدينها يا حسين لانك في داخلك تعلم يقينا ان من قام بها الاسلاميين وتخاف ان تقول ان التفجير فيه
قتل لارواح نهى الاسلام عن قتلها
مهما كانت المسوغات وادب الحرب معروف في الاسلام
على كل خوفك لم يكن على الشعوب العربية ولكن على الحركة الاسلامية
لقد اصبحت الحركة الاسلامية اعصار مدمر لا يمكن كبح جماحه
الجهاد وتجاوزتها سريعا لان اقوى الجهاد هو جهاد النفس وبس
نجي للخطاب بتاع الدكتور عادل
والذي احييه
ورغما عن انني قبل 6 سنوات وفي هذا المنبر قد ذكرت في صياغ حديثي عن صناعة الزراعة وان 80 % من سكان السودان يعيشون على الزراعة و15% عى التجارة و5% موظفي دولة
لكي نرتقي
اول حاجة
نشيل جيوش التمكين دي
لانها بجد طوفان جراد افنى واباد محصول كل السنين
حتى يستقيم العود
الميزانية يا حسين 70% منها للامن والدفاع
الباقي 30% مقسمة على الفصل الاول والتاني
الفصل الول مرتبات
منه زي ما قال نها 70% للتنفيذيين
الفاضل شنو لباقس الموظفين وللتنمية
انها قسمة ضيزى
اما قصة انو والي الخرطوم والحكومة تعمل خارطة استثمارية فده الاستحالة لانو يا حسين ده معناه انهيار الانقاذ
لانو دي اراضي التنفيذيين
والسلام عليكم ورحمة الله

حلقة الاحد 23/2
المقدمة كانت عن المدن والقبلية وسودانية السودانيين في السودان
ثم تحدثت عن مفاوضات الحركة
وختمتها بكمية من هل وهل وهل

بس اكتر حاجة عجبتني لما قلت لي سيد الخطيب انت دقة قديمة
عارف يا حسين كل الوجع الانت بتطرش فيه كل يوم ده سببه الحركة الاسلامية فعليك الله مرة كده مباشرة وجه ليها الكلام بالشي الحاصل ده
ولما تتكلم عن حزب الوسط نحن عندنا احزاب وعندها جماهيرها لكن الاحزاب دي ليها 47 سنة مقموعة
فما تحاول تطمس حقها لانها خي الرفعت علم الاستقلال بمجاهداتها الفكرية والحوارية
ما بالتفجيرات والاعتيالات ووقوع الطائرات
اما مفاوضات الحركة مع المؤتمر الوثني دي اسمها حجوة ام ضبيبينة
الرئيس قال نحن قوينا الحركة الشعبية
اها خم وصر
كانت المفاوضات كرت بتلعب بيه الحكومة عشان تشغل الراي
وهسة بتلعب بيه عشان تشغل الراي
فما تتوقع شس
لانو في فرق بين ان تفاوض حزبا واحدا داخل الوطن وتتركل كل الاحزاب التانية تتفرج
مش قلتو نحن ما بنفاوض الا البشيل السلاح؟
خلاص ننتظر انفصال جنوب آخر
لانه بالطريقة بتاعة المفاوضات دي وتدخل قوى اجنبية
حيكون هناك تقرير مصير تاني
صدقني يا حسين الا تحدث معجزة
واكثر شيء بيكسر العقيدة القتالية للجيوش حينما توجه لقتال ابيناء الوطن
تخيل جيش اكثر من 25 سنة موجه فقط لقتال ابناء الوطن لانهم معارضين لفساد الحكم
شيء مؤسف مش كدة؟
اما سوداية السودانيين في السودان
فدي ايضا من ابداعات الحركة الاسلامية التي قسمت الولايات على اسا اثني وقلبي واعلت من شان القبيل
يعني يا حسين باختصار المرض بتاع القبلية ده جابتو الانقاذ بقيادة الحركة الاسلامية
غعشان كده خليك واضح وقول كل ممارسات الحركة الاسلامية في الحكم كانت كارثة وريح نفسك
ياخ حتى في المركز التوظيف في داخل ابناء الحركة الاسلامية ( لانو ما في زول غيرهم بيوظفو) بقى قبلي شوايقه وجعليين وبطيخ وحاجات تصيب الواحد بالغثيان
اما قصة هل نحلم بممارسة سياسية راشدة ؟ وهل وهل
احيلك لموضوع كتبته هنا قبل سنوات

Quote: مقدمة لابد منها تناولت قبل فترة في اكثر من منتدى موضوع الفقه السياسي السوداني بين التنظير والتنزيل ، ومع تسارع الاحداث ، والمستجدات الغريبة التي طرأت على الساحة السياسية والسفسطة ( على قول اخونا شعيب) والهرطقة التي اودت بالسودان الى مدارك لا نعلم منتهاها ، لا بد من اعمال الفكر الى ايجاد شكل جديد من اشكال الفقه السياسي يتلاءم والمرحلة ، فبعد انتها الفقه الايديولوجي واضمحلال النظريات السابقة في المسالة السوسيوبولتيكا والتي تارجحت بين بعض النجاحات وكثير الاخفاقات ، واخرها ازمة النظام الرأسمالي والالام النزفية الحادة التي اصابته ، ومحاولة ادلجة الاسلام والتي اضرت بالاسلام والمسلمين ، كل هذا وانعكاساته السالبة على السودان وعلى المجتمع تخلفا وفقرا واحترابا. كنت قد ذكرت في اكثر من مجلس وحوار عن معارضتي للمقولة التي تنادي باحداث استقرار لاحداث تنمية ، لان هذا يعني الحرث في البحر ، وذلك لضياع مقدرات الدولة المادية والبشرية في محاولة الوصول الى تسويات ، ويكفينا اكثر من اربعة عقود في محاولة للوصول الى تسويات ، ولم نجني الا الخراب وكثر انتهازيين وطامعين في بقرة الدولة التي لم تعد حلوبا ان النظرية هي احدث تنمية تحقق استقرارا ، ولننظر الى تجربة النمور الاسيوية ن لم تابه للاخلافات العرقية والمذهبية بل ركزت اعمال العقل الفكري لاحداث تنمية حقيقة وليس اعلامية فانتقلت في اربعة عقود من الزمان من دويلات تعتمد على الاستجداء وصناعة السلال ، الى دول راسمالية يعنل لها الف حساب

نحو فقه سياسي جديد

وهذا لايمنع من يكون التحاور للاجابة على اسئلتك في الهواء الطلق باقامة الندوات ومن خلال قناة الحرية والجمال قناة امدرمان
والا رايك شنو؟

حلقة الاثنين ... الدكاكاين
كره السودانيين للاحزاب
الحرب في الجنوب

يبدو ياحسين ورغم حبك للطرفة كنت غايب 25 سنة من الشعب السوداني
عشان كدة فاتت عليك نكتة ( الجماعة ديل بقطعو وبعدين بعدو) وهي قيلت في بدايات الانقاذ ابن حقبة التركي عبد الرحيم حمدي باش بزق الانقاذ
وهذا انغكسا لسياسة الولاء والطاعة
نفذ ثم ناقش فانهارت مشاريع ضخمة كانت افكارا مثمرة ولكن الغباء والولاء والدهاء عصفوا بها
فاصبحت قاعا صفصفا
هي بقت على الدكاكين يا حسين
جيل قفلو البلد كلها وشالو مفاتيحها وشعارهم
( الزارعنا غير الله يجي يقلعنا)
وحينما بدأت تهب رياح رحمة ربي مؤذنة بالاقتلاع بقو يدارو ورا الدعوات
زي ما قال نائب الرئيس انو سلاحهم النووي الدعاء طيب ما في 30 مليون مظلوم بيدعوا عليكم ودعوة المظلوم ليس بينها وبين الله حجاب
يعني 30 مليون فنبلة نووية يا حسين .. بعدين بصراحة زولكم ده ودو الضل

اما ققصة كل الاحزاب جربت الحكم دي ذكرتني زمان في المدارس الابتدائية لما الاستاذ يفاجيء الفصل بي تسميع او جداول ضرب او املاء انجليزية فبعض من الطلاب بيكون جيد جدا
وبعضهم جيد وكثير متوسط وقليل سيء اها يقوم واحد من السيئين ديل لما يمشي البيت ويسالوا يقول ليهم والله الفصل كلو ساقط
ليست كل الاحزاب جربت الانقلاب
حكومة عبود لم تكن انقلاب بل كانت تسليم وتسلم
ولا يفوت على فطنة كثيرين ان عبالله بك خليل لم يكن ليجرؤ على القيام بهذه الخطوة ما لم تكن بموافقة السيدين ولكن بحكم كونه محسوب على حزب الامة العامة يتناقولن ان حزب الامة هو من قام بتسليم الحكم للعساكر
ولكن السيد عبدالرحمن ولحكمته ونبله لم يكن ليقد على هذه الخطة ما لم ينسق مع السيد على الميرغني
الاحزاب الجربت الانقلاب
اليساريين وانتو
نجي لمسالة الحكم ( الفصل كلو ساقط)
الاحزاب لم تكتمل وحتى الان دورة حكم ديمقراطية يعني لا يمكن تقارن لي 3 سنوات لحكومة اتشكلت من الاتحادي والامة ثم من الامة والجبهة ثم من الثلاثة معا
بحكومة من الاسلاميين 25 سنة
عليك الله يا حسين اليست قسمة ضيزى ؟
فما تحاول تغسل هقول النسا بفريات
انتو يا الاسلاميين خايفين الشعب السوداني يلفظكم انتخابيا عشان كدة عايز تجينا باللفة
قال حزب السودانيين قال
ياحسين زمن القنابير ولى
اي نعم نتشاور جميعا ونتحارك جميعا سودانيين في بيوت البكيات وفي بيوت الاعراس لكن لما نجي للسياسة
كل حزب بما لديه فرحون
الحشاش يملا شبكتو ويجديكم ترتيق شباككم
حرب الجنوب
ويسال عن ذلك علي عثمان محمد طه
لا تثقول لي امريكا لا دول الاستكبار
الحركة الاسلامية في ادبياتها ومنذ الخمسينات
( اذا كان الجنوب عائقا لقيام دولة اسلامية يفصل)
وفي ثمانينا ت القرن الماضي في ونحن طلاب اصدر الاتحاد العام للطلاب السودانيين ( الاتجاه الاسلامي ) بيانا ظهرت فيه
صورة السودان مقسومة ولدهائهم اظهروها كانها مقسومة بشكل عفوي . فلاقيت واحد من امرأء الحركة فقلت ليه من هسة قسمتوه فانزعج وسريعا تم سحب البيان واخرجوهو بصورة تظهر الخريطة كاملة
وزي ما قال ظريف امدرمان الهادي الضلالي ( حكمة الله بنعرفهم ويعرفونا )
فكل تبعات فصل الجنوب يتحمل وزرها الاسلاميون بصفة عامة وعلي عثمان بصفة خاصة
وما تخليني اديك امثلة شارع ود البصير في الموضوع ده فكلنا اولاد السوق الجديد
فيا حسين مالك نا قاعد تتذكر الطيب مصطفى وجريدة الانتباهة ودورهم النتن في فصل الجنوب

والسلام عليكم ورحمة الله

حلقة الثلاثاء امس
1- المشكل المصري
2- الفقر في السودان
3- الاستفادة من الكفاءات

في حديثك عن مصر تظهر فصاميتك الفكرية والسياسية مما انعكس على كلامك
فانت قلبك وسيفك مع رابعة العدوية رغما عن اقرارك بفساد الاسلاميين الذي لم يسبق له مثيل على الاقل في التاريخ الحديث
ودونك الان اردوغان الذي كان يمثل القدوة للاسلام السياسي يحاصره الفسادوكان الجين الافسادي مستشري بقوة في اوساط الاسلاميين .
على كل انا عن نفسي لاني ارى بعين المتجرد فما قد حصل بمضر ثورة شعبية نتيجة لغباء الاخوان دعمها الجيش وبذا انقذو مصر من التقسيم
وما علينا ان لم تفهم البقر
الفقر في السودان وانت ترجو من الفقهاء الاقتصاديين في المهاجر ان يعطوك روشتة
شخصي الضعيف ليس بفقيه في علم الاقتصاد ولكن من البديهيات
اذا فتحت لي دكان وكانت مصاريفي الشخصية اكتر من دخلي اليومي فادكان حيخسر وحأفلس
وده البتعمل فيه الانقاذ
مصاريف الامن والدفاع 70% من الميزانية وما جايبة مريسة تامزين
30% من المتبقي
70% منها مرتبات دستوريين حسب كلام السيد نهار
طيب نجي نشوف الموارد
الارض والزراعة : اثقلت الحكومة كاهل المزارع بالضرائب والرسوم التي لاقبل له بها فاحدثت غلائء عام وافتقر من هجر مهنة الزراعةهذا ناهيك عن صيغة المرابحة المهلكة جدا والتي افضت بان
صار المزارع رهين الشيكات في المحابس . وحتى الذين يزرعون من غير تسليف من البنك يجأرون بالشكوى .. من غير مؤتمر افطم الدولة من الايرادات
يعني ارجع للمديريات القديمة واكنس كل المتبطلين السياسيين
وبكدة بتكون وفرت 60% مما كان يصرف كمرتبات ناهيك عن المحروقات والكهارب
الثروة الحيوانية مثلها مثل الزراعة بالاضافة الى رسم متضخم الا وهو ضريبة القطعان التي قطعت ظهر المربي والجزار والمصدر
ونجع لهبئة الامدادات البيطرية مكانتها ( بالله يا حسين رسل واحد من صحفييك ديل يعمل ليك تحقيق عن هيئة الامدادات البيطرية واللي عايزين يشيلو موقعها ويبيعو استثمار ده لو ما فعلا باعوه)
ثم بعد كدة العلاقة ما بين ارض السودان والدولة عشان نحدد للمستثمرين الاجانب اماكن الاستغلال
وتوظف الحكومة في مرافقها اهل الدربة والدرايىة والكفاءة اما الدقون فكفاها ما اغترفت
عجبي من حكومة تفقر شعبها ثم تطلق الروراي

عشان تستفيد من الكفاءات ياحسين البلد
لازم يكون في دستور وقانون يكفل ليها حقها
شغل الجودية ده كان زمان لما البلد لم تتكوزن وتتعفن .. لما كان الاهولية صافية وصادقة ولما كان البكفي نفر بكفي نفرين
هسة لا
الكيزان الفي بطنك يطرشوك ليه
والسلام عليكم
ورحمة الله

لظروف قاهة لم اتمكن من مشاهدة حلقتي الاربعاء والخميس المنصرمين
ونشوف ما حدث في حلقة السبت
لن اتحدث عن البطالة العطالة السياسية والمتبطلين السياسين حيث ان المنابر الورقية والاسفيرية ملأى بها ويكفي اننا دخلنا موسوعة جينيس
للارقام القياسية في عدد التنفيذيين في بلد شحيح الموارد
وشخصي الضعيف قبل كده في حوش بكري ده كتبت الاتي

Quote: الاتحاد العــــــــــــــام للــوزراء الــسودانيين وانا افكر في الحال المايل للسودان ( كيلو الطماطم بي 30 ريال) وكيف ممكن انو الحال ينعدل ، اكتشفت الحقيقة الكانت غايبة علي الا و هي انو كل سنة تتخرج دفعة يشوفوا منو الكان عضو لجنة تنفيذية في الاتحاد العام للطلاب السودانيين طوالي يغزوهو وزير ولائي او وزير دولة . اما المخضرمين فديل طوالي وزراء تحت الكشافات او مستشارين في القصر الجمهوري . يعني عشان تضمن مستقبلك الوظيفي اول ما تدخل الجامعة تووووووووووووووش ادخل الاتحاد واللجنة التنفيذية ، تتخرج بي هنا ، تتوزر بي هنا لا لجنة اختيار لا اسئلة تعسفية المهم لازم في الاول عشان نعدل الحال نعمل اتحادات فرعية لانو حسب الولايات حيكون عندنا 25 اتحاد فرعي بالاضافة للاتحاد العام في المركز وبكدة بالاسليب المعروف يكون الاتحاد ضمن الدورة القادمة براااااااااااااحة ، ولو ما فازو في الاتنخابات كعادتهم يعملو اتحاد موازي ويسموه الاتحاد العام للوزراء السودانيين بس المرة دي حيحصل كالاتي 1- الجنوب حيعمل اتحاد وزرا لوحده 2- الشرق والفشقة حيتحدو مع الحبشة 3- اتحاد دارفور حيتقسم لي 3 اتحاد حينضم مع ليبيا عند منطقة عوينات واتحاد حيمشي لي تشاد واتحاد حيبقى حايص 4- النوبة وحلايب حيتحدو مع مصر اها اتحاد الوسط والجزيرة حيبقى ده الوحيد بتاع الاتحاد العام للوزراء السودانيين وككل عام وانت بخير

الاتحاد العــــــــــــــام للــوزراء الــسودانيين
وقبلها كتبت
الاتحاد العام للوزراء السودانيين يرفع مذكرة للسيد رئيس الجمهورية

Quote: رفع الاتحاد العام للوزراء السودانيين مذكرة احتجاج للسيد رئيس الجمهورية بعد ان صرح سيادته بانه سوف ينظر للدستوريين الماعندهم شغلة وييستغني عنهم لتعيين الاطباء وقد برر الاتحاد العام للوزراء بان هؤلاء الدستوريين في مهام جهادية مقدسة حيث انهم ومنذ ان كانو بالاتحاد العام للطلاب السودانيين ما عندهم شغلة سوى القيام بالمهام الجهادية وتمرير الحسابات والدخول في السوق لمنفعة الاتحاد العام للطلاب والان لمنفعة الاتحاد العام للوزراء ولانها لله فانهم ياملون من السيد رئيس الجمهورية عدم اتخاذ اي اجراء اما بخصوص تعيين الاطباء فقد اقترح الاتحاد العام وضع دمغة على المعاملات تسمى دمغة طبيب يكون عائدها لصالح مرتبات الاطباء وفي الختام شكر الاتحاد العام رئيس الجمهورية واعلنو انهم عضد للانقاذ زنقة زنقة وحارة حارة

الاتحاد العام للوزراء السودانيين يرفع مذكرة للسيد رئيس الجمهورية
الاغرب من كده انو هذه الطفيليات بعد ان مصت ما تبقى من مال الشعب السوداني ليتها استثمرته في الداخل وقللت من نسبة العطالة ولكنهم حولو كل مالهم المكتسب الى خارج السودان
في البنوك الاسيوية
يعني ميته وخراب ديار
لكن عجبتني ايمانك بنظرية المؤامرة
لاني بتفق معاك
بس انت ما حتقدر تقول المتآمر منو
المتآمر على الشعب السوداني يا حسين هو الحركة الاسلامية ومن شياعها من الانتهازيين والمتسلقين وغاسلي الاموال
اي ثالوث الشر
لان هذا التدهور بدأ منذ يوم 30/6/89 حيث بدأنا نتدحرج للاسفل بسرعة الصاروخ
والانقاذ هي التي اجبرت الكوادر للهروب من جحيمهم
ولصالح من يتامرون
لصلح اسرائيل
شئت ام ابيت
تخريمة
هزيمة 67 الناصرية
توجت بانتصار اكتوبر الساداتي بالجيش العربي الناصري
والسلام عليكم ورحمة الله

كل يوم تتاكد فصامية حسين خوجلي الذهنية
محاور حلقة الاحد
- القذف في المراة
- نقد الانقاذ الايجابي ونقد المعارضة السبي
- تخذيل الجماهير في احزابها وفي المعارضة ككل
نعم يا حسين لا يفتى ومالك بالمدينة ولان اصحاب الفتاوى لايحبون مالكا فقد عملوا على نفيه بالامصار فالتحف ارصفة المواني
وخلا الجو لعلماء السلطان يقذفون في الشعب السوداني الفضل يرمونه بكل قبيح ويفصلون الفتاوى وفق الهوى ويكفي انك في برنامجك هذا كنت تسخر منهم وحتى يستقيم العود لابد من جلد النظام الانقاذي كله فهو جسم واحد نتن ولايمكن للكفاءات المهاجرة طوعا والتي تم تهجيرها قسرا ان تعود لمجرد ان حسين خوجلي يبشر بسودان جديد
وزي ما انت بقيت تكرر في الحكايات انا كمان اكرر ليك حكاية المغترب الذي التقيته ونحن مارقين من جهاز المغتربين وكنت اجلس بجواره في الحافلة وهو سارح وشايل كمية من الورق فقلت ليه براحة ( تلتلوك) وكأنه كان ينتظر كبسة زر فانفجر يحكي عن انو الوزير الفلاني جاهم في الامارات وغنى ليهم عن العودة الطوعية وانهم محتاجين للكفاءات وانو مسهلين ليهم كل السبل للعودة قاال يا مصدق قمت قلت مادام بلدي بتسهل لي كسب العيش الجابرني على الغربة شنو وطوالي جمعت اطرافي وعملت خروج نهائي وعندي عربية كورولا قيمتها تعادل 19 الف درهم في ذلك الوقت وجيت السودان لافاجأ بالمعاناة واولها الجمارك لعربتي بما يعادل 20 الف درهم وقدر ما حاولت افهمهم اني جيت نهائي وانو الوزير قال في اعفاءات الخ والخ ولا حياة لمن تنادي المهم في الاخر اصريت اقابل الوزير وبعد لاي ومجاهدة تمكنت من مقابلته وقلت ليه يا سعدة الوزير انت جيت وقلت لينا كذا وكذا واعفاءات وانا على ضو كلامك جيت . تخيل الوزير قال لي شنو ؟ قال لي كلامي القلتو ليكم هناك انا لحستو. اها عايزنا نرجع ونلقى عصابة الانقاذ سلبتنا كل جهدنا ولمن نجيك حتقول لينا كلامي القلتو في القناة لحستو فالشبل من ذاك الاسد .لن تكون هناك عودة وهذا السرطان موجود لابد من بتره وانت شيخ العارفين يا حسين آخر العلاج الكي
اما حديثك عن الانقاذ وانها كانت محاربة من كل الجهات ياخ يا اما انت خفيف الدم او خفيف العقل
بدت الانقاذ اول ما بدت بامريكا روسيا قد دنا عذابها
يا الامريكان ليكم تسلحنا
يعني الانقاذ هي التي بادرت بالعداوة
اما بيوت الاشباح فقد بدت مع بدايات الانقاذ، أي لم تكن نتيجة لما قامت به الحركات المسلحة فيما بعد يعني يا حسين بدءا من مجزرة رمضان وحتى 96 الانقاذ سحلت الشعب السوداني واذاقته الويل في عيشه وفي عافيته وفي ادميته الى ان اعلن الرئيس صراحة نحن لا نتفاوض الا مع من يحمل السلاح
وقال : نحن الحكومة حبناها رجاله والعايز يشيلها يشيلها مننا رجالة . وبالتالي الحكومة هي من اعلنت الحرب على الشعب السوداني والحرب اولها دماء والحرب اخرها هواء ده منطق البارود ومازالت الانقاذ تستمريء الدم السوداني
اما مصر فيكفي يا حسين ان حسني مبارك هو من سوق لحكومة الانقاذ بين الحكومات العربية وبالتالي جلب لها التاييد
وكانت كل الدول العربية تشمل الانقاذ بالتاييد والدعم طيب الحصل ايه
كانت الخطيئة الاولى محاولة اغتيال حسني مبارك والتي قلبت كل موازين التاييد
ثم تلتها بفتح الباب لكل الاسلاميين في العالم بدءا باسامة بن لادن مرورا بالغنوشي وانتهاءا بالافغان العرب
وكانت ثالثة اثافي الخطايا تاييد صدام حسين ولن ينسى لكم الشعب العربي هتافاتكم ( اضرب اضرب يا صدام بالكيماوي يا صدام)
ورغم هذا كانت الدول العربية والخليجية في وفاق معكم والتي توجت بمبادرة شيخ زايد والتي كان رسولها المرحوم الزبير
فتمت مكافاته بحادثة الطائرة المشئومة
ياحسين ده تاريخ نحن معاصرينو فما تحاول تبرر لانو الانقاذ محاربة والعلاقة مع امريكا عسل ويكفي ان وزير خارجية السودان بعد ان سلم امريكا ملفات القاعدة في السودان وفي تصريح له قرأته بالشرق الاوسط قال ( نحن الان اصبحنا عين واضان لامريكا في القرن الافريقي)
وحاولت الدول الخليجية ان تستثمر رساميل ضخمة في السودان ولكنها فوجئت باكبر جسم حكومي فاسد في تاريخ الشعوب
وقبل هذا كان من اول المستثمرين الراجحي والخريف والاخير اضطر في الاخر ان يقوم برفع دعوى قريتها بعيوني البياكلهم الدود في الصحف السودانية وانت تعلم يقينا ماذا حدث لاموال كثير من الخليجيين وكثير من اموال شركة وادي العقيق
فما تحاول ان تجمل للانقاذ وجهها . الانقاذ في فتوتها لما كانت صبي يمكنه ان يتزوج اربع نساء مارست ابشضع انواع التعذيب والاذلال والقهر للشعب السوداني
ثم انت تنتقد المعارضة انها ما عندها فكر
مين قال ؟؟
ارجع اقرا مقالات د. كبج وارجع لما طرحه السيد الصادق المهدي في مبادرة اهل السودان
وارجع لمبادرة الاتحادي في القاهرة بل وحتى مقررات اسمرا للقضايا المصيرية اخدتها الانقاذ وشوهتها باتفاقية نيفاشا الهشة وارجع لمقابلات الراحل فاروق كدودة وارجع للمقابلة الوحيدة التي اجراها التلفزيون القومي مع الراحل النزيه نقد
ورغما عن كل الإعلاميين مدجنين الا ان كثير من الافكار النيرة من المعارضة تسللت الى وسائل الاعلام المرئية والمسموعة والمقروءة ، قل لي بربك يا حسين ماذا فعلت الحكومة والانقاذ حيالها
المعارضة لديها رؤى وحلول لمشاكل السودان
الانقاذيون الاسلاميون اتضح بعد 25 سنة يا حسين وليس 24 انهم ما عندهم التكتح غير الشعارات ويكفي انو خطيب المسجد يوم الجمعة قال الحكومة القومية تعني فصل الدين عن الدولة ياخ هو ذاتو الدين وينو ؟ عليك الله يا حسين مش اكلو الدودو؟
قال الانقاذ محاربه
الانقاذ دي لمن ما لقت تزول تحاربه حاربت نفسها
الشهيد الزبير
مجذوب الخليف
طون اروك طون
ابراهيم شمس الدين
كما تقول الشائعات
وخلي الشعب يمارس حقه الديمقراطي ونشوف هل حيقبل بالاحزاب دي والا لا
عارف يا حسين الشعب السوداني ده ذكي ممكن ينتقد ليك الاحزاب دي ورموزها في سوء ادارتهم
لكن عارف بقول على المتاسلمين شنو؟
حرامية
ما بقولوا الصادق حرامي او اولاده او الميرغني حرامي
لكن بقولو على كل رموز الانقاذ انهم حرامية
وهنا يكمن فرق كبير يا حسين
والسلام عليكم ورحمة الله

كثيرا ما يقول الاستاذ حسين خوجلي انه لا يوجد شعر جديد او ابداع جديد
وبهذا فانه لا يدري ان سودان الخارج ملي بالمبدعين
والفنانين الذيني يقيمون المعرض
والكتب التي تطبع في شتى ضروب الادب والعلوم
ولاتنسى عاطف خيري جاء من المنافي
نانسي عجاج ظهرت في المنافي
د. ياسر مبيوع نتاج المنافي
شروق ابو الناس
وغيرهم كثر
هربو بنفسياتهم وابداعهم من جحيم الكيزان
اقرأ هذه الاسافير
ولكم ستجد فيها تراكما ابداعيا مذهلا

محاور حلقة الاثنين
1- الشباب المتبطل
2- فعالون لا قوالون
3- الحوار مع قطاع الشمال
4- الجيش السوداني
تعرف يا حسين انت رجل جميل وحالم وتبحث عن يوتوبيا يكون قوامها المتاسلمون .. وصدقني يا حسين
ناسك ديل نهائي ما فيهم رقشة ... فاضين لانهم نوعين نوع دخل لاستعمال السلطة فقط في شكليها التسلطي والمالي والنوع التاني هم الخايفين الجبناء الذين يقنعون بالفتات وديل ناس السمع والطاعة
ولانهم عاطلي الموهبة ينطبق عليهم المثل السوداني ارجى سفيه ما ترجى عاطل
عشان كده حولو البلد كلها لضيعة لم يزيدو في اثمارها ولكنهم قضو علة ما فيها من خضرة فتحول كل المجتمع الى عاطل وبالتالي ما نلو الشباب حيث ان كل سبل كسب العيش اغلقت امامهم الا لابناء الطبقة الحاكمة والغريب انهم ما محتاجين للوظيفة
وفي هذا الصدد اذكر صديقي الجميل احد انبياء الالفية الماضية والحاليه د. طارق البارودي صديق الطفولة والصبا هذا الرجل الذي هو انقى من نور الصباح والذين هجرو المتاسلمين ولاذ بدينه الى المنافي لاقيته هنا في رياض الخير في منتصف التسعينات
فتعانقنا سلاما حارا ومازحته ( يا شيخنا انتو ناس الجلد والراس بتغتربوا؟ نغترب نحن الما عندنا بواكي وضحك ضحكته الصفية ومازحته مرة اخرى قائلا لو كنتو استغليتو قروش الحركة الاسلامية بدلا من الصرف على الامن والتمكين في الاستثمار في مشاريع عملاقة ووظفتو كل هذا الشباب العاطل لصرتو كفلا للشعب السوداني الى يوم يبعثون فاجابني : للاسف لما انتبهنا للنقطة دي كان كل شب انتهى
الشباب طاقات انتم قتلتموها اما بالتبطل او بمحرقة الجنوب عايز الشباب يعمل شنو وهو مثق بالاحباط واليأس وامامه جدار قاتم السواد اسمه الانقاذ؟
وشايفك لسة مصر على حكاية انو الناس تشتغل بعيد عن الحكومة .. يازول ات بي صحك؟
كيف يعني يشتغلو بعيد من الحكومة ؟
اها انا احكي ليك قصة اخوانا الحلفاوي وانت قيس عليها
ايام طيب الذكر البروفيسور قنيف ويعد ذلك النجاح الذي لم يتكرر في موسم القمح دخل اخونا الحلفاوي حواشته في حلفا الجديد لقى ليك كمية من البشر في المدخا سال ديل منو قالوا ليه ديل ناس البنك مشى قدام لقى امة من النسا سال ديل منو قالوا ليه ديل ناس المعتمدية
اتقدم شوية لقى بشر زي الجراد سال ديل منو قالو ليه ديل ناس الضرايب اتقدم شوية لقى جراد تاني سال ديل منو قالوا ليه ديل ناس الضرايب مشى كم خطوة لقى بشر بشر سال مين دول قالوا ليه ديل ناس المشروع المهم فيالاخر وصل الدقاقة وعينك ما تشو الاالنور عساكر بوليس وعساكر جيش وكمية من الامنجية ، قام سال مين دول؟ قالوا ليه ديل ناس الامين . قال ليهم الدقاق ده بيطلع شوالات والا منشورات؟!!!!!!
فياحسن لا يمكن ان تعمل دون قوانين والابقت البلد فوضى
القوانين يا ايها الفيلسوف لتنظيم حياة الافراد والمجتمع والدولة وتقنين الانتاج بما يكفل حياة كريمة للمنتجين وتحت حمياة القانون
طيب طالما انت مقتنع بانو الحكومة دي حرامية ما تحرض الناس انو ينتفضوا عليها
شنو كل مرة شابكنا نحن ما بنضحي بي اولادنا ولا بنخليهم يمرقوا الشارع عشان الحكومة تكتلهم
ده اسلوب تخذيل ما جميل يا حسين
اما قصة الحوار مع قطاع الشمال دي شايفها قاطعة قلبك
عارف يا حسين الحكومة الغبية دي لا تتعلم من اخطاءها .. وصدقني بطريقتها دي حتفصل المنطقتين .. لانو شغلها بالقطاعي ورزق اليوم باليوم
وما مستعدين يسيبو الحكومة لو يحكمو الخرطوم .. ياخي نيفاشا كانت اكبر موعظة في انو الحوار الثنائي لايجدي
ولانو قطاع الشمال اذكى من الحكومة وعارف انها في سبيل تمسكها بالحكم بتقبل اي شي من واقع التجربة والخبرة في التحاور مع الحكومة فان الحكومة ستقبل باي شي
انت ليه ما قادر تقول طالما الرئيس دعى للحوار ليه ما يكون الحوار مع جميع القوى السياسية بما فيها قطاع الشمال حول القضايا الكلية للدولة السودانية
اكرم للحكومة وافضل لتماسك السودان ولكن للاسف كرهكم للحركة الشعبية يعميكم لعلمك انا شخصيا عندي راتي في الحركة الشعبية قديم ولكن كونهم يطالبو بمؤتمر دستوري ده شيء لا غبار عليه
الحكومة خايفة تفقد السلطة وانتو خايفين تفقدو الحكومة
الجيش
كان المرحوم رجل شجاع وقوي وشهم اعنيل في 30/6/89
علام تتباكى يا حسين الم يتم تغيير هذا الجيش والثقافة العسكرية المنضبطة النزيعه بالثقافة الكيزانية الانتهازية النتنه فتمددت كروش الجنرالات واصبحت ثقافته القتالية تعتمد على المليشيات المرتزقة من دفاع شعبي وجنجويد وقوات الدعم السريع وغيرها من المليشيات الماجورة
ما تتباكى على الجيش يا حسين فلم يعد هذا جيش
انها قوات مشلخة قياداتها من اولي السمع والطاعة
والسلام عليكم ورحمة الله

.




بعد التحية ..


ألا توافقني يادكتور أن الناس انفضوا عن برنامج الكارثة حسين خوجلي، لأن ترهات حسين غير محتمله، ناهيك عن إستنكاحاته الفطيرة!
فلماذا تعيدنا لهذه الحالة الممعنة في الغثيان، ما الفائدة من ذلك؟!



.

Quote: ألا توافقني يادكتور أن الناس انفضوا عن برنامج الكارثة حسين خوجلي، لأن ترهات حسين غير محتمله، ناهيك عن إستنكاحاته الفطيرة!

اخي الكريم سيف اليزل
اولا تحية واحتراما
ثانيا جزئيا اتفق مع ان الناس بدات تنفض عن هذا السامر
اما لماذا اعيده
انا لا اعيد ما يقول ولكني اقارعه حجة بحجة
على الاقل حتى يعرف ان هناك نفر يستوعبون التاريخ والاحداث جيدا
واكرر شكري وامتناني

حلقة الثلاثاء
المأسة الملهاة
صراحة يا حسين امس حنيت عليك .. بطنك طامة وشكلو ضغطك كان مرتفع .. وحكايتك حكاية لدرجة انو طيلة الحلقة ما ابتسمت او قلت طرفة
والله حال السودان يحنن علينا العدو
غايتو بقت عليك حكاية الراجل السوداني في العمرة .. قال ليك البشير والترابي اثناء ما طايفين بالكعبة
سمعو صوت راجل بيبكي على الحجر الاسود والجعير ياهو جعيرنا وجعير تقيل
بعد ما خلصو الاشواط جو لي السوداني وبدو يقولوا ليه ( يا خونا استغفر هدي من روعك ) اتلفت عاين ليهم وقعد يكورك ( يا الله ياهم ديل )
المهم اهم محاورك كانت
1- الفساد الذي اكل كل حق العباد
2- لعنت سنسفيل ابو كل الدول العربية من المحيط للخليج
3- التفاوض مع الحركة الشعبية
4- الوضع في مصر


فيما يتعلق بالفساد فده فيلم طويل يا حسين عندك خيارين
أ) تخصص اتنين من محرريك يعملو تحقيق من داخل لجنة محاربة الفساد وينشروه في حلقات وبالاسما
ب) تعمل نايم وتسمي قناتك قناة الفن والجمال ( شعارك : طنش عش تنتعش)

وبعدين موضوع البنوك العربية مع البنوك السودانية رفع جازك شديد .. ما تزعل لانو ببساطة ما عندنا عملة صعبة الموضوع ما عنده اي علاقة بامريكا لانو يا لذيذ اليومين ديل امريكا ودول الخليج علاقتهم في اسوأ
حالاتها نسبة لسياسة امريكا المتقاربة مع ايران والحركات الاسلامية .. وما تعمل رايح يعني انتو الاقرب لامريكا اليومين ديل
اما موضوع الحركة الشعبية ده مسالته ساهلة جدا طالم انت اقترحت انو كل الاحزاب تشارك في التفاوض فبكون من غير المعقول انو الامة والاتحادي والشيوعي يكونو في كفة مع الحكومة والحركة في كفة
خليك شجاع وقول مائدة مستديرة وكفا الله المؤمنين شر القتال
ويكون الشرط الوحيد للمائدة المستديرة وقف القتال
للاسف يا حسين ورغم راي في الاحزاب السودانية يمينها ويسارها لكن المؤتمر الوطني لم يوظف حكمة السيدين ايجابيا
الوضع في مصر .. بدل تقعد تهري في نفسك وفي السيسي التاخد منه كل يوم سي سي
ارجع لمقال صاحبك وود حلتك الاستاذ المحبوب عبد السلام في الشان الاخواني في مصر
واسال علي عثمان والسيد الصادق والترابي انهم قالوا شنو لاخوان مصر
والسلام عليكم ورحمة الله

*

حلقة الاربعاء
ابتدرتها بالشجون وانهيتها بالنشيج
تحدثت عن زمن جميل اقبر في ليلة 30/6/89 وتبدل الحال غير الحال فانتقلنا من عثمان حسين والدرب الاخضر وعودة عصافير الخريف
انتقلنا من عقبال لبيك نفرح يا زينة والحنينة السكرة
انتقلنا من حنبنيه البنحلم بيه يوماتي الى
يا الامريكان ليكم تسلحنا و النار ولعت والقيقم ولم تنسى نصيبك من التدمير يا حسين فغمدت الى تشويه الاغاني مثل القبلة السكر وياسقاة الكاس من عهد الرشيد حتى تتواكب مع التوجه الحضاري يا حسين لو انت نسيت انا ما نسيت
واستشرى السرطان الانقاذي في مفاصل الاعلام فطفح بالموت والدمار وتجييش الاطفال فهلك الزرع والضرع والنسل ورغم ذلك كانت رائعة حميد عم عبد الرحيم ورائعة الفرجوني ( عمنا الحاج ودعجبنا) الاخيرة دي قطع شك سمعتها لكن سمعتها باذن انقاذية رافضة لكل معارض بالله ارجع اسمعها تاني لانه صدقني حتحس بي وجع مدكن ليه ربع قرن
وهرب المبدعون يلتحفون ارصفة المنافي يموتون من الصقيع والجوع كبهنس وبلدهم كان مبشرا بان يكون سلة غذاء العالم فاصبح سلة نفايات العالم في زمن التوجه الحضاري والذي ابكاك ياحسين لانه اصبح مشروع احتضاري واحمد الله اننا عشنا معاك زمن تبكي فيه بحرقة زمن كنت تظنه اخضر فوجدته اخطر ومشروع بشرت به حضاريا فعشته مشروعا احتضاريا يجبر الفتيات على البغاء تحت اسم مربيات\ نرجع للابداع هل تصدق انه طيلة 25 عام يا حسين خوجلي ان الفنان ابو عركي البخيت لم تتح له فرصة في اجهزة الاعلام القومية الا مرة واحدة فقط
ولم يستضف في أي قناة خاصة؟
وانت الذي فتحت قناتك للحرية والجمال واتجدعت في تواشيح النهر الخالد لم تكلف نفسك ولا مرة باستضافة هذا المبدع
لانك تخافه ان يغني اضحكي في زمن البكاء
وليس ببعيد عنك مصطفى سيد احمد عاد الى وطنه مصندقا فهرعت الاجهزة الامنية للمقابر لان في عقلخا الباطن يعشعش بيت الشعر الخالد ( يا كبرياء الجرح لو متنا لحاربت المقابر) الانقاذ نخاف الثقافة لانها موسلينية السلوك القائل حينما اسمع كلمة ثقافة اتحسس مسدسي
يا حسين خوجلي يوجد ابداع جميل في السودان الاخر سودان الشتات والمنافي والكفيل ابداع علمي وكتب مطبوعة في مختلف اوجه المعرفة
في الادب في القصة والرواية وفي الشعر غدد من الفنانين يجوب المنافي ينثر الابداع يحملون وطنهم في جنباتهم لانهم ممنوعون في وطنهم وحتى كتبهم لا تدخل السودان تتلقفها المغرض الدولية وتقذف بها الرقابة القبلية في مكبات النفايت في داخل الوطن
ديل ناسك يا حسين وانت بتعرفهم
نرجع لقصة الخادمتين وما الذي جبرهم ان تنتهك ادميتهم وانسانيتهم وكرامتهم لهذا الحد، انه ليس الفقر يا حسين
فالفقر كرامة وشرف ولكنه الافقار
25 سنة وهذه الطغمة تمارس افقار الناس حتى افقرت كل البلد والافقار هو منهج لاينتهجه الا اليهود يمتصون دماء الاخرين حتي يفقدو كرامتهم ويظن الفرد ان امانه في الهروب خارج الوطن فيبتدعون لهم شركات فترمي بهم في اتون محارق الانسان
يا حسين ارجع للسؤال
من هؤلاء ومن اين اتوا؟ وماذا يريدون ؟
اجمل ماقلته حقيقة في حلقة الأمس هو ( لجنة الحصبة)
واحترمت دموعك في قصيدة الحلنقي فقد كانت صادقة لانك كنت على مدى 25 عاما تنظر بعين الرضا وحينما نظرت بعين السخط مرة لم تصدق ما رأت عيناك من هول الفاجعة
والسلام عليكم ورحمة الله

حلقة الخميس نهاية الاسبوع يمكن ان نسميها
حلقة زيدان ابراهيم
وبصراحة كانت حلوة
وغير كدة كانت طق حنك
انا اقترحت عليك تستضيف فيها واحد من المعارضة ما بالضرورة من الاحزاب
من الاغلبية الصاكتة
مش قلت قناتك صوت من لا صوت له؟
اما موضوع انو ابناء الكبار ما اختلطو مع الشعب
عن اي سياسيين تتحدث يا حسين
عموما منذ طفولتي كنت اشاهد السيدين وكثير من السياسيين التنفيذيين في مقابر البكري واحمد شرفي
واولادهم كانو معانا في المدارس الحكومية
واختلطنا بهم
لكن فترة ال25 سنة دي ما شفت فيها ولد وزير في مدرسة حكومية
المدرسة الوحيدة هي التي جرت فيها نكتة الفيل بطير؟
فرفع احدهم يده وقال يا استاذ ايوة الفيل بطير
فقال ليه يابني الفيل بطير ؟
مستنكرا اجابة الطالب
فرد الطاب بحزم ايوة يا استاذ الفيل بطير
فشاله الاستاذ عن اسمه
فقال انا فلان ود فلان ( الحاجة الكبيرة في الحكومة )
فقال الاستاذ نعم يبني الفيل بطير
فاستنكر الطلاب وسالوا الاستاذ
يا استاذ الفيل بطير
فاجابهم الاستاذ
يطير الفيل والا اطير انا

والسلام عليكم ورحمة الله

قناة امدرمان صوت حسين خوجلي يحندك بها من لاصوت لهم
يتجدع فيها براه (ون مان شو)
حلقة السبت
1- الكفاءة المهاجرة
2- تبادل الخبرات بين الاجيال
اقوال الصحف وعلي كرتي

العاجبني فيك انك مصر ترجعنا وبعدين تجي تقولي لينا زي ما قال الوزير انا لحست كلامي
اما الحكوم مهما تقول فنحن درسنا زمان في الابتدائية
( كيف اصدقك وهذا اثر فأسك)
كل الدول في العالم (والدولة التي اقصدها هي الحكومة بكل مؤسساتها ) تحترم العقول ان كانت عقول المواطنين او عقول الوافدين، وامس كنت اتحدث مع زميل في الدوحة
كان في بريطانيا للدراسات العليا قال لي بمجرد ما بديت الدراسة المشروع كان مشابه لمشروع خاص بوزارة الزراعة البريطانية قال لي فورا الوزارة استوعبتني ما قالوا ليه انت سوداني من بلد الارهابيين
ما فحصو سجله القديم
ما قالوا ليه انت من اهل الولاء
ياخ المعايير في حكومة الانقاذ يا حسين مقرفة
ياخي معقول في تنظيم عاقل بجرة قلم يرفض كل السودانيين الا المنظمين الاسلاميين وطوالي يديهم وظائف عليا
بعدين طالما كل الاسلاميين في مفاصل الدولة بكل فشلهم وخوفهم فانهم لن يسمحو على الاطلاق لاي قادم ان يقدم شيء .. ناس الانقاذ ما بحبو الشخص الذي يعطي بيحبو الشخص الذي ياخذ وبفتحو ليه كل الابواب للنهب المصلح والمسلح
لانهم ما اتعلموا العطاء وهم طلبة بياخدو اعانات من التنظيم وهم في الاتحادات الميزانيات مفتوحة .. فخلقو في نفوس العضوية الجشع والهلع .. فاقنع من ناس السودان البرة يجوك في وجود هذه الطفيليات
تبادل الخبرات .. مشكلتك بتنسى او بتتناسى .. بس زي ما قال حسن عطية لو انت نسيت انا ما نسيت
التمكيييييييييييييييييييييييييييييين وما ادراك ما التمكين في لحظة سريعة عملت مقصلة الانقاذ العجب اطاحت بكل قيادات الخدمة المدنية واحلت محلهم عناصر الاسلاميين دون سابق اي خبرة
يا حسين الدفعة الورانا في الجامعة اجبن مخاليق الله اجتماعيا واكاديميا في العام 90 تم تعيينه ونحن لسة بنفتش تم تعيينه مدير عارف يعني شنو مدير يعني بتخذ القرارات الصعبة ونحن نكابس في Q الخبرة تجيه من وين
الا تكون خبرة العلم اللدني
ياحسين انت بتتكلم عن واقع مذري ، عن خدمة مدنية اصبحت هوائية الجذور ده تعفن 25 عام من الانقاذ .. اهو انت بديت شوية شوية تصحصح
شايفك قشيت الجرايد قش سريع وفي عنواين مثرية مشيت فيها حوفا
ووقفت في موضوع كرتي
وزي ما قلت الاشراقات نثمنها او كويس نخت لينا تفاحة في شوال بصل فاسد
عارف مشكلة رئيسنا مع المحكمة الجنائية شنو يا حسين
والله لو ما عارف تكون بالغت
لكن انا افترض انك ما عارف
مشكلة الجنائية دور المعارضة فيها هامشي جدا
والدور الرئيس فيها وللاسف الشديد انو وزارتي الخارجية والعدل ما فيهم مترجمين
تخيل انو السودان الكان بطقطق الانجليزي احسن من الخواجات
الان بقى يتجهجه عشان ما بعرف انجليزي
تكبير
تهليل
وتصبحون على خير

حلقة امس الاحد
يبدو ان بعض الغشاو بدات تزول عن حسين خوجلي - تخريمة صغيرة كده بس ما تزعل مني - عارف يا حسين لو ما كنت كوز كنت تكون زول ما ساهل غايتو بسال الله يشفيك
محاور حلقة الامس
1- خطبة الوداع
2- الانتخابات القادمة

تحدثت عن انو اليوم يوافق ذكرى خطبة حجة الوداع للرسول صلى الله عليه وسلم
وعن ان دم المسلم وماله حرام .. ووجهت الخطاب للحركات المسلحة وعرجت على كل الدول الاسلامية المبتلاة بالملتحين
زي ما قال ترباس وارجع بالزمن مرات
كدي نرجع بالزمن 25 سنة لي ورا وعندما اعتلى الرساليون الحكم
اعدام 28 ضابط في امسية العيد كانو ناسين الخطبة دي ؟
ثم الاعدامات في بيوت الاشباح
عارف يا حسين انا كل يوم بسال نفسي منذ ان بدأت مأساة بيوت الاشباح
بيعذبوهم لحد ما يموتو ليه؟
هل عايزين معلومات
طيب ما كانت كل المعلومات متاحة لانه كان في عهد ديمقراطي واشياء كثيرة كانت في الهواء الطلق
هل رغبة في التخويف للعباد طيب الم يكن اعدام 28 ضابطا كافي لادخال الروع والرعب في قلوب آمنة في وظنها
والله يا حسين ما لقيت تفسير للموضوع ده فرأيك شنو تستضيف واحد من الذين كانو مسئولين عن بيوت الاشباح ويجي ويورينا كانو بعذبوا الناس لحد ما يموتو عايزين منهم شنو؟
والله تعمل العملية دي اشهد انك من الصادقين
وتاني نهائي ما حاقول ليك افتح قناتك للمعارضة
اعدام مجدي واخذ ماله الم يكن في هذا حرمة دم ومال المسلم
ثم فرية تغيير العمل واخذ اموال الناس بالباطل وتمويل كل جربوع لم يعرف المال من قبل وحرمان اصحاب المال الحقيقيين
وانت تذكر جيدا تلك الفترة وكيف كانوا بدو كبار التجار خمسة الف جنيه في اليوم من حر ماله
في حين يمول ابناء التمكين بالملايين كل يوم
ثم كانت ثالثة الاثافي العطاءات واكل اموال الناس بالباطل ( كونك تمنع متناغس شريف من عطاء واعطاءه باطلا لمن لا يستحق هو اكل لاموال الناس بالباطل)
واييييييييك كتير يا حسين
الموت الفي المستشفيات بسبب اهمال الحكام وعدم توفير الدوا بيقع تحت طائلة حرمة دم المسلم
نجي نشوف قصة الانتخابات وانك عايز حزب السودانيين يتعلم
يا حليلك يا حسين
انت قايل حزب السودانيين ده راجيك لحد ما تعمل قناة وتجي وتتجدع فيها
اصحي يا حبيبي
يلا تعال خلي محمد حسم ده يحكي ليك الانت ما متذكره
اخونا المنصرم كمال عبيد قبل الانتخابات الماضية في مقابلة تلفزيونية قال نحن ما خايفين من الانتخابات لانو عضوية المؤتمر الوطني 5 ملايين عضو
طبعا هو قال كلامو ده على اساس انو اخر انتخابات ديمقراطية كان عد د المسجلين للانتخابات 4 مليون ودقداق
طبعا لما عملو السجل الانتخابي فةجئوا بان المسجلين للتصويت اكثر من 16 مليون مواطن
يعني الحسابات يا حسين اتلخبطت
فاستعملو السلطة وابقوا على كل القوانين المقيدة للحريات واجرو الانتخابات
يلا حسني عارف عد الصوتو كم؟
حسب احصاءات الدولة الانقاذية 5 مليون ناخب
يعني اقل من تلث المواطنين الذين يحق لهم التصويت
يعني القاطعوا ياحسن اكتر من 60% من حزب السودانيين الواعي
فكانت انتخابات ذات الخجة
والمأسي الفيها كنت مؤلمة
وانت اول العارفين ليه اتاخر اعلان نتيجة انتخابات رئاسة الجمهورية
على كل انا احكي ليك واحدة من مبكيات ناس المؤتمر الوثني
اتصل علي احد الكوادر معانا هنا وقال لي محمد انت ما جيت صوتت
قلت ليه ايوة
قال تعال وما تدينا صوتك
كاني ان شان ساذج
قلت ليه
التبعملوا انتو فيه ده جريمة واتا ما مستعد اشارك في الجرائم
والسلام عليكم ورحمة الله

د/ محمد حسن كيفك
الانتخابات وخجة الوداع
قال الانتخابات نحرسها !!!!!
وقال ما في رشاوي وشراء ذمم في الانتخابات ولا في سندوتشات ولا بصات ولا فلوس بتندفع ليه كده ياخ ليييييييه ؟؟؟؟ ما تخلو الناس تطلع بحاجة منكم , الرحمة حلوة توب بشجرة سندوتش كبده تشبع جائع ببسي واي
شئ منهم ما بطال , ديل شالو الخزنة وخلو لينا الديون , جهاز الدوله كلو عندهم يا لها من قنابير طويله تلك التي في رؤؤس السودانيين , يا اخ ما قلنا لكم شوفو كيجاب . ما في داعي للوثبات والانتخابات نحن ح نقعد مؤدبين وما في داعي للانتخابات واصلو في ال بتسوو فيهو ووفرو القروش .
الجيران وخنقة الوداع
طيران ما ف تحويل ما ف بضائع ما ف سد النهضة في الله اكبر ( سد النهضة ده انا موافقة عليه )
طيران ما ف تحويل ما ف (علاجات ) وفحوصات ماف ايران في الله اكبر ( ايران ما لنا بيها )
ديمقراطية ما ف نص ديمقراطية ما ف البشير قي الله اكبر يا لها من دكتاتوريه وياله من دكتاتور
http://www.sudaneseonline.com/db/attention/140_News.gif

بت المشرف
حبابك الف بالباب يا دوك
والرئيس قالها مباشرة
انتقالية مافي
قومية ما في
الانقاذ في
والحشاش يملا شبكتو

د/ محمد حسن كيفك
ناس هاشم العطا قامو بانقلابهم العصر (الضحي الاعلي )ولو قامو به الليله كانو ح يقوموا به في وقت مع حسين وذاعو البيان الاول من قناة ام درمان قناة الحب والجمال ولذا اقترح تأجير القناة لاذاعة البيان الاول = غايتو ناس الامن ح يكرهو الاستاذ حسين خوجلي الايام الجايه = اما المعارضة ف انسي .
الرئيس عمر قالو اجتمع مع التاصريين !!!!!! شفت لك ناصري واحد انجرح جرح ساي في مظاهرة = غايتو انا يعميني = واذكر ابو القاسم محمد ابراهيم = ودالشواطين = كان مكره المعارضة , الرئيس ده زول متسلط وغشاش بس فاهم = سيدي والامام = وسيدي ما بجي راجع الا يدوه تلفون بتشكيل الحكومة الجديدة والامام ما بمرق الا لو شعر انو حياتو مهدده , الرئيس عمر ما شاعر البلد علي كف عفريت وتنظيمو ده قطرو صفر وسواق القطر = اللي هو الترابي = رجع وانو لو ما اتفكفك ناسو ح يرمو بشباك القطر . مصر بتخنق فينا عشان سد النهضة ولا احد يستطيع ايقاف السد حتي لو اراد.
الهدوء الذي يسبق العاصفة والانهيار وشيك والبلد = علي كف عفريت = http://www.sudaneseonline.com/db/attention/050_Exclamation.gif

د. ا خلاص حبابك الف
حلقة الامس
طبعا رغم الاحداث الملتهبة في الخرطوم والموت الذي يوزع بدون بطاقة بل رصاصا
استفاد حسين خوجلي من الارث السوداني
في الهروب من المواجهة حين تقول المراة هربا من اللوم ( يطرشني) ويدو ان الاستاذ حسن خوجلي يرطرشو ما سمع بموت طالب كلية الاقتصاد المستوى الثالث
برصاص قناص
فقتل كل محاولات لايجاد سودان آمن
وقتل ما تبقى من انسانية
يمكن ان يحلم ببعض انسانية
فكانت حلقة الامس باهتة كوجه الحكومة التي اصبح لا يعرف لها هوية هل هي اسلامية ام افسادية ام امنية
تحدثت عن عبقرية الترابي
مبروك عليك عودة الشيخ فانت ملت قليلا عنه حينما فقد بريق السلطة ولكن يحمد لك ان لم تهاجمه كما هاجمه من يتملقونه اليوم
الم يوصف بالزنديق من قبل الاسلاميين حينما عقد اتفاقه الاول مع قرنق
ووصف بالخرف
وكثير من النعوت والنعوش
بالنسبة لشخصي الضعيف فلا ازايد في عبقرية الترابي ولكنه سبب كل كوارثنا من اكتوبر وحتى الان
وبالنسبة للوضع الاقليمي والحرب على الاسلاميين من قبل الخليج ومصر
فلا اظن ان الترابي بمقدوره ان يفعل شيئا سوى ان يزيدنا ارتباطا بقطر وايران
محاولة لفك الحصار عن اسلاميي مصر
ما يحدث الان يا حسين اكبر من احلام الاسلاميين الطفولية
الموضوع التاني القمح
ما عايز احبطك
لكن نفس هذا الكلام الذي نفحتنا به ذكره البروفسور الراحل انور عوض سلامة شقيق بطل التاكوندو الراحل كمال عوض سلامة
والذي كان يقطن في منزله المتواضع بحي العمدة زقاق ود ابراهيم ومن هذا المنزل لكل المؤتمرات في القاعات الففخمة ذكر هذا الكلام في بداية التسعينات
.. وتحدث عن التصحر وكيفية مقاومته وقد بذل الراحل جل جهده لانقاذ الزراعة ولكن الانقاذ الاسلامية لاتحب ان يكون هناك انقاذ غيرها
والسلام عليكم ورحمة الله

د/ محمد حسن كيفك
اوديب ملكآ
حسب كلام الاستاذ حسين خوجلي الترابي اب لكل السودانيين وعليه 90% مننا هم الملك اوديب ما علينا نمشي للبعد كده وهو ان الترابي مقبول خارجيآ وده يجعلنا نتسأل ليه ؟؟ هو CIA ونحن ما عارفين ؟!!!!! الحل سهل مائدة مستديرة الجميع فيها متساوون غير كده ما في طريقة , ويحلنا الحل بله من الرئيس عمر , ده الترابي اختارو كيف !! الزول عنيد ومغرور ودانا في داهيه الله يهون بس .
الزراعة تاني وثالث
الكلام ده في واحد خواجة ما ذاكره اسمو قال ما معناه كل تربه منتجها هو نتاج لما مرت به واجساد الناس صارت اكثر ملأمة له لانهم مروا سويآ بنفس الظروف واضاف ان ضعف التربه عوضته الطبيعة بمواد اخري = احاول اطلع البحث مع ان الموضوع صعب لانو ما تخصصي = الزراعة والنيل وسد النهضة تحديات المرحله
اللهم تقبل شهداء الثورة السودانية واجعلهم في عليين اللهم ارحم طالب الاقتصاد الشهيد , اللهم انر قلوب السودانيين لحفظ بلادهم وان يجتمعوا علي كلمة سواء

الحق حسين شاتها وكسر الزير
الجميع يعرف = المشكل المالي وبالتفاصيل الممله = بس كمان ما عصرتو علي الامام شديد كده بكره ح يتفاوض وهو في اضعف حالتو = ذهنيآ ونفسيآ = والزيرين لو انكسرو ما عندنا غيرهم , لا نقابات لا اتحادات لا امشي لا تعال , كم مره الناس منعت نفسها من التصويب في الزيرين , ناس دارفور ديل السيسي ما قدر واخر سلطان علي دينار وناس الحركات كل يوم في حركة جديدة والشمال زمان مرق من العباية وللاسف دخل الجبهة الاسلامية واحسن حاجة التفاوض علي اسس جديدة بالحد الادني = كونفدراليه = غايتو الرأي كمل شوفو ليها حل ويا ناس ودنوباوي الفاتحة http://www.sudaneseonline.com/db/attention/030_Wink.gif

حلقة الامس الاربعاء
بجد ياحسين خوجلي اتمنيت انك تخذلني .. لكن ماخذلتني اتوقعتك تعمل رايح من مقتل الطالب
وفعلا رحت جدا جدا
وبعد الحلقة اتذكرت اخونا طارق ميرغني عنده في الفيس بوك صفحة اسمها الظرفاء فحاقترح عليه يضيفك ليهم
وكبرت اللفة شديد ودخلت لينا في موضوع الفساد الاسيوي في البلد
كده خلينا من الفساد الاسيوي
نحن في الفساد الانقاذي
من قتل طالب جامعة الخرطوم
يا حسين ما انت كل يوم بتتكلم عن انه الموت اصبح رخيص جدا ومجاني في السودان
ليه ما اتحسرت على موت هذا الطالب
وليه طنشت؟
انت من الممكن بمكالمة هاتفية ياحسين تعرف من الذي قتل هذا الطالب ومن امر باطلاق الرصاص على طلاب جامعة الخرطوم
ولكن اختبات خلف المثل السوداني ( الخواف ربى عياله) وكثير من شعارات الانقاذ مات زالت صالحة للاستخدام مثل ( دعوني اعيش)
دعنا نحلحل قضايا القتل اليومي عشان شرطتنا ترجع لسابق عهدها لمطارة وملاحقة كل اشكال الفساد
خلينا نجتث الانقاذ بكل مسميات امنها
امن اقتصادي
امن صناعي
امن عام
قوات امنية خاصة
امن نافع
امن علي
امن قوش
امن الجاز
دغير الامن العسكري
والبلد ما فيها امن
كنت اتوقع منك تحلل تداعيات مقتل الطالب على الحوار بين الفرقاء السياسيين
والان اتعقد الوضع مع قطاع الشمال
وهل يعلم البشير بان استخدام القوة المفرطة مطلوب لتفريق بضعة مئات معتصمين بجامعتهم
ما اهو انت كل يوم شابكنا اخي الرئيس اخي الرئيس
اها اخوك الرئس ده موقفه شنو من الحصل
اما قصة ال######## الاسيوي
لم يعرف السودان غسيل الاموال الا في عهد الانقاذ
وغسيل الاموال يعني السقوط بالكامل في مستنقفع الرذيلة
وانظر حولك من من المسئولين لم يكن ضالعا في غسيل الاموال
ومن يغسل الاموال مستعد يعمل اي حاجة
عشان كدة كل الموبقات اتت بها الانقاذ
ولا استثناء
اما قصة الامام والخمسة مليون تعويضات
وطالما قروش الشعب السوداني دي حارقاك
ما في
45 مليار اتنبهت في عهد الانقاذ
اتخمت مصارف ماليزيا واندونيسيا والامارات واوروبا
ما تتكلم عنها
قروش البترول والتي حتى هذه اللحظة ما في زول عارف حساباتها
قروش الدهب مشت وين
طلعو لينا ديل انا من نصيبي حقي خليتو للسيد الصادق
ووتصبحون على خير

شاهدت الحلقة
حسين خوجلى نص البرنامج يحكى فى قصة
عن شبكة دعارة يدريها اسيوى فى بلد خليجى

وبعدين يتكلم عن الدواء المغشوش الكتل الناس

وبتغابا فى الكلاش الحصد الناس

Quote: وبتغابا فى الكلاش الحصد الناس

اخي محمد سيداحمد

الحق ابلج
ما بحتاج لحسين خوجلي يونسنا بيه
لو كان يحمل مثقال ذرة من صدق لكان تحدث في موضو مقتل الطالب
ولكنه كمال قال الشاعر
قالوا لامهم بولي على النار
فلم تبل الا بمقدار
فاخونا حسين خوجلي يتكلم بمقدار
اكثر من مرة ذكرت له مافيا غسيل الاموال
وطيلة هذه الفترة لم يقل عنها شيئا

ما لم يقال
رئاسة الجمهورية
الجيش
الامن القومي
قبل الازمة الاقتصادية الكبري 1939 بسنة استقال احد اكبر الاقتصاديين الامريكيين ولما سئل قال كنت ذات يوم اجلس قرب ما يعرف الان بالبنك المركزي وسمعت اثنين من ماسحي الاحذية يتحدثان عن الاسهم وايهما سينهار = وقد كان يتحدثان كخبيرين وكل ما يقولانه صحيح = فادركت ان الاقتصاد منهار . الان الامن القومي تتحدث عنه ربات البيوت.
وضح للجميع ان الحديث عن طالب الاقتصاد الشهيد ممنوع .
دارفور تتبع لرئاسة الجمهورية والجيش وصار جيشنا مسئول عن = دفن الطلبة = وتقلص الامن القومي لحدود جامعة الخرطوم . ومنع ود خوجلي عن الكلام .
د/ محمد حسن عساك طيب , الزول قال في فمه ماء اما ود المهدي فطعنه في القلب حتي كاد يؤدي بالحوار = طهارة اليد والذمة دي ال بعتز بيها الصادق = وسنرضي بالحديث عن البنغاله واصدقاء السوء الي ان يدرك الرئيس عمر ان الامن القومي في حلايب والفشقة = الا لو لا سمح الله انفصلت دارفور = , الناس دي متين تصحي . الرئيس عمر مناوي ده كان معاهو في القصر وناس جبريل ابراهيم كانو معاه في التنظيم وطلعو ال يسأل روحو طلعو ليه !!!!!
ويا ناس الامن طلعتو روح البلد ويا الرئيس عمر ما عذبتنا .

حلقة السبت امس
يتحدث حسين خوجلي باسى عن تلاتة اشياء
1- التددهور المريع في الوزارات والمؤسسات الحكومية وغير الحكومية
2- تعامل الحكومة مع حكمة الصادق المهدي
3- المكالبة بكشف من قتل طالب جامعة الخرطوم

عندنا دايما للاهمية وش الملاح من الحلة بغرفو ويقدمو سخن .. لكن يحاسين تخلي الموضوع يصوبن واصحاب الميت يطردو المسئولين من بيت العزا وتجي في آخر الحلقة تقول نطالب بكشف المجرم
ياخ طيب على الاقل خلي في وش الحلقة لاهميته .. على كل حال يا حسين القاتل سيقتل ولو بعد حين وما ربك بظلام للعبيد

يلا نجي نشوف التدهور المريع والخلاك مستغرب لانك يا دوبك صحيت ..يلا انا احكي ليك قصة
في فجر 30 يونيو 89 من القرن الماضي اعتلت مجموعة الرساليين الحكم وقاموا بعملية تسمى التمكين وطهرو كل السودانيين
اول حاجة اوقفوا اي تعيين للخدمة المدنية والمؤسسات العامة .. بعدها احالوا كل الكفاءات الكافرة بلا استثناء لما عرف بالصالح العام والي يعني صالح عام الرساليين
وبدأو في تعيين كل الرساليين الخريجين والذين لم يتخرجو في المناصب القيادية
وابقوا في الخدمة المدنية الضعفاء الذين لا بهشوا ولا بنشوا
وبدأت عجلة برامج الرساليين في الامة الكافرة حيث تم تهجير قسرا كل الكفار الاكفاء والذين كانت فرصة بالنسبة لهم حيث ابدعوا وتفوقوا في المنافي وآخ امثلتهم الراعي السوداني . اما الرساليين فكان همهم
1- جمعيات القران الكريم والتي تأخذ نصيبها من خزينة المؤسسة او الوزارة
2- جمعيل تسهيل الزواج وتاخذ ميزانيتها من خزينة المؤسسة او الوزارة
3- لجنة اعمار المسجد وتاخذ ميزانيتها من الوزارة او المؤسسة
4- جمعية خلافة المجاهد وتاخذ ميزانيتها من الوزارة او المؤسسة
5- جمعية زاد المجهد ودي بتاخد القروش من اي محل
6- النقابة وهي طبعا كلها مؤتمر وطني واحسب
7- لجنة دعم اي مدينة تسقط لتسيير القوافل
ياحسين كل مفاصل الدولة كيزان فاسدين فما تتحسر وما تقول حظزب السودانيين ديل ناسكم الرساليين هم البنو القصور في كافوري بعد ما انتقلو من
من امبدات فبالله عليك ما تغبش الحقائق
حزب السودانيين قاعدين في ازقة امدرمان وشوارع بحري والخرطوم ينظرون لخمجكم . وبعدين كيف يقولوا فلا ن فاسد وكلهم والغ في الحرام
ما كل زول يا حسين عنده ملفات .. عليك الله امشي شوف اللجان التي كونها الرئيس للتحقيق في الفساد لقت شنو
والحصل شنو
الفساد سمة الاتجاهات الاسلامية السياسية وبس
اما قصة انو حكمة السيد الصادق المهدي ما بتقسم مع ناس الحكومة فلسبب واحد يا حسين
ببساطة شديدة الزول الكان ساكن امبدة وانتقل لكافوري مصاريف البيت السمح ده كلها بتدفعها الحكومة الكهربا على التلفون
على بنزين العربات
وهو مرتبه مرتاح بدلات ساي بغطي نفقات المعيشة ده غير السفر والعلاج المجاني خارج السودان هل تفكر زي ده حيسيب السلطة ؟
يازول انت حالم
ما شفت صاحبك الوزير داك لمن شالوهو وقعد بيكي ويجعر ( دي مؤامرة .. دي مؤامرة )
اما حكاية 42 % من النساء هم العائلات للاسر .. مستغرب ليه
الرجال :
- حيلو للصالح العام وما في اي جهة بتعينهم لانو المفاتيح بيد الاسلاميين
2- الشباب ماتو في محارق الجهاد
3- الكثيرين هجرو بسبب سوء الاوضاع المعيشية
والسلام عليكم وتصبحون على خير

من اظرف الاشياء التي يقول بها هذا النبي الانيق
انو نسور السودان؟
ياخ بالغت
ما هو السودان بعد م اتشرتم بقى مسور
الجوة جوة والبرة برة
هسة جوة في الكيزان وشيء من الشعب السوداني الفضل
اها الكيزان المسورين ديل قول ليهم فكوا الاسوار وخلو الناس تبني الخريتو فيه بعد ازالة خراكم
غير كدة يا هو العفن ده

حلقة امس الاحد
الاخ حسين خوجلي بيتكلم عن سودان كاننا لا نعرفه
اعجبتني جدا مقولته
الخوف الحميد
وذلك بعد ان ذكر مجموعة من الرافضة!!
لكن رايك شنو تسمع من شخصي الضعيف تعديل خفيف يغير ليك المعنى نهائي
بدل الخوف لان ما ذكرته يتناقض والقول الالهي في الانتماء العقدي والسياسي حيث ذكر ب العزة لآل قريش يحثهم على الايمان به
فذكرعم انه اطعمهم من جوع وآمنهم من خوف لانه طالما هناك خوف في اي شكل فهناك انتفاء للايمان وانت شيخ العارفين نحن بس لينا اجر التذكير
يلارايك شنو نقول الحرص الحميد
وليه نقول الحرص الحميدي
لانه الغفير زمان ولده بقرا في مدارس حكومية ولو داخلية بدوه مصاريف مع الاعاشة وبدخل جامعة الخرطوم وبياخد مصاريف مع الاعاشة وابوه فخور بالولد والولد فخور بالاب
وعشان الامن الوظيفي الحاسيه الغفير بيكون حريص على وظيفته وعلى المصلحة الشغال فيها وبكدة بيكون اكثر انتماء للوطن يا مواطن
وعلى ذلك قس كل الوظائف والمهن
الى انا اتانا المغول فقضوا على ثقافة الانتماء للوطن ودمروا كل المواريث الجميلة واصبح الانتماء للتنظيم
يعني عايز الطبيب يسمع كلام البروف وهو قاعد 4 سنوات عاطل منتظر التعيين في الوق اللي فيه الدفع الوراه من منسوبي التنظيم اتعينو واخدوا اكتر من امتيازات الوظيف وبدو التحضير وهو يادوب امتياز
لقد عملت الانقاذ على تفريق الناس في الوظائف
كن معنا تكن احسن الناس
وطالما هناك في حرص حميد في حرص خبيث الا وهو حرص الانقاذيين على الوظائف الهم فيها واستباحتها لانها مصدر دخلهم الوحيد اذا سابوا الوظيفة الانقاذي الواحد فيهم بموت ما شايف عمك سبدرات بقى مذيع يكلمنا عن الجرتق والريشة والنقدة
ديل طفيليات لاهوائية
خلينا من امانيك الحالمة في وطن اصبح كنيف
نشوف اخونا كبر وده خير مثال لكوادر الانقاذ
يجوط الدنيا والعالمين شي سوق مواسير وشي انعدام امن واجوطة وما خفي اعظم من اشكال الفساد
وبرضو مكنكش حتى لو اغتالوه واغتالوا كل الولاية
ناس الانقاذ ديل حالفين ما يفكوها باخوي واخوك لانهم خسرانين خسرانين عشان كده يموتو وهم قابضين على الدين ار
بالمناسبة
ليه ما اتطرقت لمنع ندوة جزبي المؤتر والشيوعي
مش فيهم ناس من حزب السودانيين
وبعدين ياخ ديل احزاب صغيرة ما عندها جماهير كلهم ما جيين حبة ميات
جايبين ليهم جيش عرمرم من الامن والشرطة؟
ياخ دي حكومة خوافة خلاص
فبالله عليك بعدين ونسنا بي خوف الحكومة من الاحزاب الصغيرة
والسلام عليكم ورحمة الله

حلقة الامس الاربعاء
جدة لي كان عندها مثل دايما بتقولو ( كلام ما يفيدك ينعسك)
وصراحة نمتي صحيت لقيت اخونا حسين يردح في الاعلان بتاع حزب الامة
وهو يبريء نفسه انه لم يكن سببا في الانقلاب
بس للحقيقة والتاريخ
صحف الجبهة في الديمقراطية الثالثة ومن ضمنها الوان فعلت ما فعلت يف السياسة
ولم تقدم النصح اطلاقا بل كانت تعج بالاخبار الملفقة ع ن عدم الامن والامان
حلقة الاثنين كان يتحدث فيها عن تجفيف مستشفى الخرطوم
وهذا اعلان غير مدفوع الاجر عن ان هذا المستشفى
سوف يتحول الى قطعة استثمارية لمن يدفع اكثر

حلقة السبت امس
وليت حسين خوجلي ظل في ضلاله القديم الامي ملتزم جدا باسلاميته لا يقبل اي شكل من اشكال تداول السلطة
لانه الان يعيش في منزلة بين المنزلتين
لاهو اسلامي
لا هو ديمقراطي ( ما عايز اقول علماني عشان ما يزعل) محاو حلقة الامس
1- زاهدة قبلية المجانين
2- التظاهر للدائرة المستديرة
3- علماء الاسلاميين

تعرف اجمل حاجة في تلك الزاهدة من قبيلة المجانين انها لم تكن يوما عضو في الحركة الاسلامية .. كدي بالله يا حسين خوجلي انظر حولك لكل الاسلاميين الذين تقلدو مناصب في مفاصل الدولة
وطلع لي واااااحد مرق نضيف غير عبد الوهاب عثمان عليه رحمة الله مش حتقد تفتح عينيك
ديل كانهم برضعو الفساد مع دخولهم للحركة
ياخ مبالغة زي ما بتقول علوية جارتي

نجي للمائدة المستديرة
والله تحرض للمظاهرة دي كل يوم الا ينتفو ريشك
تخيل انو غندور قال اجتمعنا مع اكت من 50 ( خمسين حزب) والخمسين حزب ديل كوللللللللهم ما ياساوو شي امام ندوة شمبات
لانو تاثير ندوة شمبات جهجه حركة المؤتمر الوطني والحكومة في كيفية ادارة لعبة الحوار
ولانو السيد الصادق المهدي شعر بانو كان العوية في يد البشير وزمرته عشان
يغطوا على تصالح الاسلاميين
بما يعني امتداد للانقاذ بشكل جديد وما خطاب الرئيس ببورتسودان منكم ببعيد

اما علماء المؤتمر الوطني .. انت كمان يا حسين ما تبالغ
ديل حاجة فريدة في العالم
شخصي الضعيق كتب في بمبر بكري ده قبل كدة موضوع اسمه حكومة الدكاترة
اديك ليه
حـــكــومــــة الدكاترة

Quote: د. علي الحاج د. غازي صلاح الدين د. مجذزب الخليفة ( نسال الله له الرحمة والتخفيف) د. المتعافي د. مصفى عثمان والغريبة الوزارات المسكوها - علي الحاج طريق الانقاذ الغربي وقروش السكر -غازي اعلام وثقافة وبعد كدة مستشار حتى الان مجذوب الخليفة وزارة الزراعة وازمة الخيش واليوريا - المتعافي وزارات كتاااااااااااااار اخرها زراعة البنجر في الجزيرة - مصطفى عثمان ده وزير معجزة من الصداقة العالمية ( جمعية طوعية) لي وزير خارجية لرئيس الهيئة العليا للاستثمار ( عجبي) - الطيب محمد خير الشهير بسيخة ( الزول ده احتفي في ظروف غامضة) الملاحظ انهم كلهم ما فيهم واحد اشتغل وزير صحة كلهم متشبهين بعثمان بن عفان رضي الله عنه ابوذر رضي الله عنه مالو؟

وقام اخونا محمد المصطفى مشكورا بان رد علي بما يالي

Quote: د. محمد حسن سلام الله عليك انا في الحقيقه حسبت لي زي كام وخمسين واحد كده ما بين بروفسير ودكتور منهم الساده: الفريق د. سلفاكير ميار ديت د. نافع علي نافع أ.د إبراهيم أحمد عمر د.رياك قاي كوك أ.د أحمد علي الإمام د.مصطفى عثمان إسماعيل د.غازي صلاح الدين العتباني أ.د بونا ملوال د. احمد بلال عثمان د.الصادق الهادي عبد الرحمن المهدي د. لوكا بيونق الفريق أول ركن/د. عبد الرحيم محمد حسين د. محمد بشارة دوسة د. بيتر ادوك نيابا د. كمال محمد عبيد د. جلال يوسف الدقير د. لوال أشويل دينق د. عبد الباقى الجيلاني د. مهندس أسامة عبد الله محمد الحسن د.عبدالحليم اسماعيل المتعافي د. عوض أحمد الجاز أ.د جورج بورينق نيامي د.فيصل حسن ابراهيم د. عبد الله تيه جمعه د.كمال عبد اللطيف عبد الرحيم د. احمد بابكر نهار د. أزهري التجاني عوض السيد د.امين حسن عمر د.محمد مختار حسن حسين د. الفاتح على صديق أ.د أبوش أجوك أكو د.صلاح يوسف د.محمد على الحاج علوبة د.سامي يس عبدالدائم د. أمنة صالح ضرار د. مطرف صديق د.عمر محمد صالح د. الفاتح علي الصديق د. عمر محمد خير د. محمد عبدالرازق عبد العزيز د. نجم داؤود محمد داؤود أ.د عواطف عبد الباقي العجيمي د. الفاضل علي آدم د. سعيد عبد الله سعيد د.زهير الفاضل الابجر د.عمر أحمد عثمان المقلي د. المعتصم عبد الرحيم د.عبدالله عيسي عبدالله ده غير المابعرفهم .. ضيف علي كده هيئة اسمها هيئة مستشاري مجلس الوزراء وبعدين كمان ما تنسي ناس الولايات ومديرين الجامعات وفي غيرهم كتار ....حمدهم في بطنهم تصور كده في اجتماع مجلس الوزراء والرئيس يقوم يقول يا (دكتور ) اممممممممممممممممممممممم بصراحة كده البلد متنور نحمد الله ده غير الناس المركبين مكنة دكتور الواللا الجماعة الاختشو علي دمهم وشافوا ليهم ورقة شهادة كدة من المحطة الوسطي واللا من ميدان جاكسون لزوم التوثيق سمح العلم ... سمحة الشهادة ......

تخيل يا حسين هذا الكم الهائل من العلماء طلع دين السودان
وخلى دين الفساد هو القائم
هل تتوقع منهم يناقشو ليك سد النهضة
اقول ليك
ورغم انك شايل على اخوانا المصريين كتير وكل مرة تذكرنا بهزيمة 67 وتتناسى انو هزيمة 67 تلاها انتصار 73 بعد مؤتمر اللاءات الثلاثة والذي اقيم في الخرطوم وتمت مصالحة الزعيمين الكبيرين الملك فيصل والرئيس جمال عبد الناصر
في منزل المحجوب المتواضع العامر باللالفة والصدق والوطنية
ما في المنشية والا في كافوري اخوان
المهم ثق بانو عهد اخوان مصر انتهى
فتابع دراسات اعلماء المصريين عن سد النهضة
وانسى علماء الحركة الاسلامية
ديل بتاعين دينار ودرهم
ما بعرفوا للقراية والكتابة
والسلام عليكم ورحمة الله

حلقة امس الاحد
والنحيب على الاطلال .. لقد اصبح اخونا حسين خوجلي صوت الانقاذ للاعتذار المبطن وليس الاعتراف عن ربع قرن من العبث والفوضى واستغلال المنصب واكل
اموال الناس بالباطل
1- تعلية قيم القبيلة والتسامي فوق الجراحات
2- كوستي وحزب السودانيين

حسن عطية ومن بعده ترباس بصوته الندي ومن ثم كابلي بحنجرته واداءه المتيز غنو
لو انت نسيت انا ما نسيت
ولكني وانت تنادينا للتناسي اهديك رائعة الجابري
ما نسيناك
جاي تعمل ايه نعانا
بعد ما عذبتنا
اعمال القانون يا حسين
بعد ربع قرن من تدمير كل المؤسسات التي تحمي القانون من جيش وشرطة ومباحث
بل تحولت كل عضوية الحركة الاسلامية الى افراد في اجهزة الامن ينقلون عن اخوانهم ويغتابونهم ويلفقون ضدهم باسم لاسلام
هذا في بداية التمكين
ثم نظرية فرق تسد
وتم تقسيم السودان اثنيا وجهويا
ثم الكتاب الاسود والذي قال عنه الرئيس انه نشر بواسطة رئاسة الجمهورية ( بلاخجلة) 0594208438
ثم ابتكرت الحكوم ضرب القبائل ببعضها البعض
فكان تسليح الجنجويد هذا من ناحية التعسكر وقتل الانسان السوداني عسكريا
اما قتل الانسان السوداني مدنيا كان بواسطة التوظيف حيث احتكرت كل قبيلة جهاز من اجهزة الدولة . واصبحت سمة لازمة لاي توظيف ان تكتب
اسم قبيلتك في الطلب
واصبح القانون في يد كل فئة تنفذه حسب هواها وبواسطة رجال الشرطة الذين تم تقسيمهم كالغنائم بين جموع المتنفذين
وما حادثة شندي عنك ببعيد
كل موبقة
وكل سنة سيئة في السوودان يا حسين صنيغة انقاذية بحتة
والشعب السوداني كله عايش على هامش الاحداث يراقب
ويرصد
وينتظر
ماله اتنهب واتكدس في ماليزيا
حدثني قريبي الطالب بما ليزيا قائلا
( ما حصل مشيت المطار مودع او مستقبل الا ولاقيت واحد من المتنفذين الكبار ياداخل او طالع من ماليزيا)
فلكي يستقيم الظل لابد من استقامة العود
والعود يا حسين خوجلي بي برنامجك ده ما بستعدل
برنامجك ده عايز عود بشير عباس
نجي لموضوع حزب السودانيين وكوستي الجميلة
يلا احكي ليك لانك مرات كدة زول لذيذ
حقيقي مرات بتكيف ليك
وانا في بواكير الصبا كنت قادم بالقطار ( وما اجمل القطار قبل مجيء قطار الانقاذ) من مدينة واو الجميلة بجنوب السودان الموحد حيث كان لوالدي تجارة هناك يعني ود جلابة
وفي مدينة اويل هاجمني بعوض استوائي قاتل فبعد يوم اصبت بملاريا نشفت دمي
ولما وصل القطار محطة كوستي الجميلة نزلت من القطر ومشيت اقرب مركز صحي وكان جميلا ونظيفا استقبلوني بقدر من الحنان لا ينسى
لم يسالوني عن محليتي او معتمديتي او يطالبونني برسوم الانقاذ الصحي
بل عالجوني وادوني حقنة
وحبوب للطريق
وودعوني بنفس ما استقبلوني
طلعت من المركز الصحي وانا ممتليء بعافية الشكر
دخلت محل مرطبات
شربت منه جوافة عمري ما انساها رغم انني استفرغتها نسبة للمرض
فيا حسين ناس كوستي الانا ما عايزين حزب السودانيين لانهم عايشين حزن السودانيين
الناس هلكتها الملاريا
وعدم الاكل
كدي رسل ليهم اغاثة
وبعدين نظر ليهم عشان يحاربوا ليك الطرشا
اما هديتك الكلها موت
حتخلي جماعتك الاسلاميين كلهم يسبو ليك
والسلام عليكم ورحمة الله

حلقة الثلاثاء بتاعة امس
اول حاجة بالله يا حسين خوجلي غير الثيرمس الاخضر الليموني ده لا نه بشتت الانتباه ويدل على عدم الذوق الفني .. جيب ليك تيرمس رمادي يشبه القناة ويشبه كلامك (االخاتف لونين ) ويمكن ان يسر الناظرين
نرجع لمحاورك
1- الانتباه للاولاد عشان ما يمشو الجهاد
2- العمالة لاسرائيل
3- شكلتك مع السيد الصادق المهدي .

تعرف وانت بتتكلم عن الانتباه للاولاد ما انتبهت لنفسك والتنظيمات السرية .. طبعا يا حسين زي ما انت لايوق انا كمان لايوق .. يعني انت بتجي كل يوم وتعمل رايح من الحركة الاسلامية وانا بجي كل يوم عشان
اذكرك انو نحن حزن السودانيين ما نسين انو كل الموبقات جاتنا من الحركة الاسلامية
الافغان العرب
جواز السفر السوداني لراشد الغنوشي
بيوت الاشباح
عرس الشهيد المشى للجهاد
وانتقلنا بعد مرحلة التمكين الى
غسيل الاموال ( بالله ارجع لصحف الخرطوم قبل 4 او 5 سنوات وشوفها كتبت شنو) وزي ما انت عارف القروش القذرة بتاعة اليهود
ومعاها تجارة السلاح ، والمخدرات بانواعها
لانو يا حسين مفاصل الدولة غير ناس الحركة الاسلامية ما فيها اي زول يعني ال###### الموجود ده كله فضلة خيركم
نجي للولدين المشو للجهاد .. مالو الدهاد؟
ومن بتين بقى يتم عبر منظمات سرية
وين الدباب اخوي
ياخ الحركة الاسمية حكمت السودان كوللللللو وما خلت حتى ما اتمكنت فيها
وبرضو عندهم تنظيم سري ( اسمو السوبر تنظيم)
وما في شي ضيع مصر ومرسي يا مارسي غير التنظيم السري
وزي ما قلت ليك قبل كده راح ليك الدرب في الموية
نجي نشوف العمالة لاسرائيل
ناااااااسكم يا حسين
كان جندتوهم للامن كان فتحتو ليهم الباب يتفيئون من الدولة حيث يشاؤون
عارف ليه ناسكم عملا لاسرائيل؟
لانهم عبدة مال
نعم السودان بلد مفتوح ومفضوح ما فيه اسرار
لكن ناسكم الدخلو قروش اليهود هم المرقو اسرار البلد لليهود
دي حلقة جهنمية
نحن عارفنها وانتو متغابنها
يعني اسرائيل تدخل تدقنا 4 مرات ساااااااي كده؟
والا عارفة قعرنا وقعيعيرنا
واخر حاجة شكلتك مع السيد الامام
ما عارف انا بسمع ليك جاني المثل السوداني اللئيم
( البيتو من قزاز ما بفلق الناس بالحجا وفي رواية اخرى بالطوب )
والسلام عليكم ورحمة الله

حلقة امس الاربعاء
اتكلم عن :
1 الاراضي
2- الشهيد
3- ثورة ضد ثورة الانقاذ

اجمل حاجة اخونا حسين بتكلم بدون ما يسمي الحاجات في زمن المعلومة فيه متوفرة في هذه الاسافير
حقو هو قبل ما يتكلم في اي حلقة يثبت حقيقة اي زول عارفها انو موظفي دولة الانقاذ من اعلى الهرم الى قاعدة الهرم 80% من الاتجاه الاسلامي و20% من الانتهازيين الذين يرضون بفتات فساد الاسلاميين
طبعا نسبة الشيخ د. حسن انو 95% من الاسلاميين فاسدين
اهو نعتبرها تخفيضات بمناسبة الحوار ال ه رار
طبعا لانو في الاسافير راشحة مشكلة بتاعة قتيل شندى والسبب الاراضي
واستفادت مافيا الانقاذ من تهجير الناس قسرا خارج الحدود وبدت تلعب في اي شي
فالقصة يا حسين ما قوانين جديدة
القصة نظام جديد عدييييييل
وبعدين هسة كمنو البستولى على حقوق الناس .. انهم المتنفذين باقي الشعب الفضل ياحسين ناس بسيطين لا حول لهم ولا قوة ، الجيش حقهم
الامن حقهم
البوليص حقهم
القضاء حقهم
يلا نجي نشوف المحور التاني
الشهيد
طبعا يا ذكي انت اول امس كنت ضد فكرة انو اولاد الناس يمشو الجهاد وضد التنظيمات الجهادية السرية
وجيت امس عايز تمجد ما انت مبطله بالامس الاول
يا حسين قبل ان تبدأ محرقة الجنوب ابرم عقلاء هذا الوطن اتفاقية
لم يكن فيها تقرير المصير وتهدف لحفظ ابناء السودان
انها اتفاقية الميرغني قرنق .. ماذا كان رد فعل صحف الجبهة القومية ومن ضمنها الوان
لقد حاربت هذه الاتفاقية ايما حرب ووصفتها بالاستسلام ووو الخ ومهدت لانقلاب 30 يونيو 89 واعلنت ضمنا وصراحة انها اتت لتوقف اتفاق الميرغني قرنق
وبدأت محرقة الجنوب
بالمناسبة ( والعهدة على الرواة الكثر ) ان معظم شهداء الجهاد في الجنوب وعلى راسهم كثثير من القيادات امثال محمود شريف ، قتلوا بنيران صديقة ن بالله اتحقق
من الكلام ده من الناس المشو الجنوب ، وخليهم يوروك اولاد التنفيذيين كانو بكونوا وين في ساحات المعارك لانك مش تقدر تغمض عينيك
فما تضارى ور الدعوات
وما تتلبس الفرح الفات
اما موضوع اننا عايزين ثورة
كدي في الاول انت جاوبنا
الانقاذ ما ثورة؟
والله حكاية غريبة يا حسين
تقلبوا الحكومة وتقولوا على الانقلاب ثورة
وتعيثوا في الارض فسادا على مدى ربع قرن
وفجأة تجي تقول لينا عايزين نعمل ثورة بي حزن السودانيين
ياخ انت لذيذ
بعدين يا حسين انت لح 2004 مع ناس البشير ديل احو واسو عسل على لبن
يوم واحد ما وقفوا جرديتك او صادروك
لحد ما حصل الانقلاب الفاشل في 2004 وواعتقلوك انت وصاحبك محمد الحسن الامين لبد لما هددوه بالمصدرات واعترف بالانقلاب وساعة الصفر
وجا في التلفزيون واعلن بيانه المشهور وقال انو الايام القادمات هي الاخطر وفشل تنفيذ الانقلاب الذي كان مخطط له نهار الجمعة مواعيد الصلاة
ورغم ذلك كانت الوان بتصدر وانت في السجن الى ان ارسلت عبرها في عمودك خطابك الاعتذاري المشهور للسيد رئيس الجمهورية
المهم بعدها وقفوا برنامجك ايام لها ايقاع
وانتظرت قليلا الى ان كانت زيارة البشير للشرفة ويومها القيت خطابك المشهور واصفا فيه البشير با########ة وكانت بداية الايذان لك بالظهور الاعلامي مرة اخرى
ولكن هذه المرة عبر تواشيح النهر الخالد بعيدا عن السياسة ( زي صاحبك سبدرات بتاع الجرتق والزغاريد )
فيا حسين تاريخك النضالي مع النقاذ فطير
كل العملو منعو منك الاعلانات في الوان
فما تشبكنا صادروها ووقفواها ووو الخ
انت ابن الانقاذ يزعلوك شوية ويرضوك كتير
والسلام عليكم ورحمة الله

ليلة خميس
اختفاء الطالب
مشكلة دارفور
الغذاء الفاسد
يبدو ان الاستاذ حسين خوجلي اصيب بفقدان ذاكرة
فقد استرجعت المآسي الكثيرة التي ظل يرفدنا بها في ونسته اليومية من اختفاء طلاب واغتصاب اطفال ونساء
في واضحة النهار وبدأت اقارن
هل عهد الانقاذ الرسالي اكثر امانا من عهد حكومة الصادقة غير الرسالية
ووجدت ان البون واسع جدا فعلى الرغم من الضجيج الاعلامي الذي قامت به صحف الجبهة ومن ضمنها الوان لم تكن هناك حوادث شنيعة مثلما يتفضل حسين خوجلي بابرازه لنا
الم تاتي الانقاذ باطهر الرساليين
العفيفين
الطاهرين
الانقياء
الاتقياء
لترسيخ المشروع الحضاري والامن؟
اين هم هؤلاء الانبياء الاطهار؟
ولماذا لم تقد هذه الروح الوطنية الجميلة للسودانيين في الديمقراطية الموؤدة وان يثبتو وطنيتهم بقهر العصابات المنظمة
الم تحمل ما كنتم تدعونه بعدم الامان للحكومة الوليدة؟
والان وبعد ربع قرن تتجاهل دور الحكومة في تفشي الجريمة وتطالب حزن السودانيين
بالقضاء على الجريمة؟
ياحسين الحكومة هي سبب كل البلاوي
ركز معاي
مشكلة دارفور وبتقول انو انت ما عندك معاهم مشكلة .. هم زاتهم يا حسين ما عندهم معاك مشكلة مشكلتهم مع الحكومة الا انت تكون ناطق باسم الحكومة وزي ما قلت منهم رؤساء الاتحادات وزملاء ووو الخ
طيب يا حسين يا خوجلي
اول بدايات مشكلة دارفور في 2004 استضاف تلفزيون لا اله الا الله السيد امين بناني وكان حاجة كدة في لجنة الحسبة ( دي هسة اتلحست) فقال نحن قعدنا مع هذه القيادات المتمردة وبدأ يذكر فيهم واحد واحد ومناصبهم في الاتحاد العام للطلاب السودانيين وكلهم ناسهم
يبقى المشكلة انشقاق في الحركة الاسلامية ( انت نسيت بولاد يا حسين)
وكان من الممكن لحكومة الانقاذ انها تنهي المسالة مع خليل ابراهيم في مهدها
لكن الحكومة كلفت اب فلجة وانت عارف اب فلجة ده والحكامات كانو يغنو ليه شنو . هنا في الخرطوم اسمة الطيب سيخة
وهو الذي قام بتسليح الجنجويد
وبعدها حدث ولا حرج وانت شيخ العارفين اسلوب الحكومة في حل الازمات
وبعدين انظر لاسلوب قيادات الانقاذ وكلامهم في الاعلام ياخ شي يخجل
المهم ازمة دارفور صنعتها الحكومة وهي التي ستكون سببا في كنس الانقاذ
وانت بتطالب حزن السودانيين انهم ينظرو لمشكلة دارفور باعطف انساني وووجداني
طيب وين مبادرة اهل السودان التي قدمها المشير سوار الدهب والسيد الصادق المهدي
اترمت في الزبالة بعد ساعة من انفضاض المؤتمر الاعلامي الكبير
وبقت الحكومة لابدة مع قطر عشان الاتني مليار ونص
الحكومة تشمها قدحة .. قطر بتدي القروش لدارفور لما تضمن الانفصال بتاع دارفور غير كدة اهو تديكم 150 مليون تمن
الاثار
نجي للاغذية الفاسدة
مشكلتي زول لايوق بكنكش في حاجة واحدة
اول ما قامت الانقاذ شالت قروش الراسمالية الوطنية
وادتها للقوي الامين عشان يكون الاقتصاد اسلامي
يلا بقو هم يستوردوا ولا عن طريق الجمعيات الخيرية ودخلو كمية من البنسلين من غير تسجيل واسال امين بناني
والجمارك حقتكم
يعني الدوا الفاسد
والغذاء الفاسد يا حسين فضلة خيركم
البنوك البتفتح الاعتمادات الموظفين الفيها بعد مجازر الصالح العام هم ناسكم ناس الولاء
الصرافات حقتكم
المنافذ البحرية والبرية والجوية ناسكم
يعني ناس حزن السودانيين ما عندهم فيها التكتح
الرساليين يا حسين يستجلبون لنا الموت باموالنا
اما كونو التنفيذيين عندهم شركات باسماء اخوانهم او ابناءهم او ايا كانت قرابتهم ده شغلكم
الامم المتحدة ما عندها علاقة
ولو عايز تشكك في الكفاءات السودانية الاستقطبتها هذه المنظمات عشان توحي بانهم ملوثين بثقافة الامم المتحدة
وانو الرساليين براءاء من ###### هذه المنظمات .. لا يا حسين لان برنامج الامم المتحدة الانمائي والذي تشرفت يوما بالعمل فيه كمنسق كان كله لصالح السودان
وكنا نعمل بكل جهدنا لترقية الاداء لصالح السودان ويمكنك ان تسال د. حبيب مختوم عن هذا البرنامج فبالله عليك يا حسين لا تطلق الحديث على عواهنه.
الجزئية البسيطة جدا هي الخاصة بالاغاثات واللاجئين وده فشل داخلي للحكومة وبعدين القانون لا يحمي المغفلين حكومة الانقاذ فشلت في توفير الامان والاستقرار لمواطنيها
وهم ذاتهم الرساليين الببيعو العيش من صوامع الغلال لبرنامج الغذاء العالمي وفيهم البستوردو من الصين بقروش الشعب السوداني من الصرافات .. ما ترمي أي حاجة على الخواجات الكفرة ديل لانو الرساليين بتاعنك اثر كفرا من الخواجات
واذا عايز تقول انو البشتغلو في منظمات الامم المتحدة ديل طابور خامس فده بياكد انو ثقافة الطابور الخامس والمؤامرة ما زالت مسيطرة عليك
يا حسين الكيزان اكبر طابور خامس في السودان
والسلام عليكم ورحمة الله

حلقة السبت
1- عودة احمد
2- رمانسيات التناول لصحفة السبت

اهنئك واهني قناتك بانها ساهمت في ارجع احمد .. والتهنئة موضولة للشرطة السودانية
ولكن
لو لم تبث هذه القصة في قناة امدرمان هل كانت ستقوم الشرطة بنفس الدور الذي قامت به؟
واثناء سرد القصة احسست ان هناك حلقة مفقودة
على كل حال
حمد الله على السلامة
اما تناول عناوين صحف الخرطوم فقد كان يتسم بالرومانسية والشاعرية
هل اختفت الاحداث الساخنة من الساحة
ام ان سفر الترابي وعمر البشير في طائرة واحدة لام جرس
يعني بداية الانقاذ الثالثة؟

حلقة الاحد
ما كان فيها كثير شيء يستحق
ولكن اعجبتني فكرة الشراكة
تعرف يا حسين
اسوأ ما فيك انك كوز ولو كنت ماكوز كان تكون حاجة ما ساهلة اقل شي حيرانك كانو بكونا اكتر من حيران شيخ اللمين
انت كان مفروض تكون واحد من اتنين يا جمهوري يا شيوعي
والله كان هريت الكيزان ديل هري
المهم زي ما بتقول علوية جارتي
طبعا انت قنعت من عودة الخلافة الراشدة ، والدولة الاسلامية ، والاتحاد العربي .. وبقيت منتظر القيامة
تعرف قصتك بتاعة الشراكة مع الدول العربي و فيفتي فيفتي ( طبعا الكيزان كلهم ابو القاسم) ذكرتني قصة حكاها لي الوالد وانا لسة طفل اتهجأ المعرفة
الارنب قال للثعلب ياخ انا فترت كل يوم ان تسك فيني ما نبطل السك سك ده تعال نتشارك ونزرع عيش انت تبيع نصيبك وتعمل ليك مزرعة دواجن وتفكني منك
الثعلب وافق وزرعو الحيش وحصدو
بعد ما حصدوا الثعلب قال للارنب
يا تشيل البتاب وتديني العيش
والا اشيل العيش واديك البتاب
وشكلنا نحن في النهاية حنقتنع ونشيل البتاب
شراكة كيف وانت في اضعف حالاتك
نظامك السياسي مهتريء
حزبك الحاكم اكثر اهتراءا
رئيسك بيدور في حلقة مفرغة
ما عندك جيش
الفقر خلى نائب الرئيس يقول المواطن ما قادر يشتري الدوا
يا حسين
نحن ما محتاجين شراكة
نحن عايزين كراكة

تسلم د. محمد حسن
هو في نفس الحلقة يأتي بالشيء وضده ولا ينتظر لغدٍ.
هو (يتلون) في ثلاث ثواني، فمرة سلفي ومرة صوفي وأخرى إشتراكي ورأسمالي في وكت واحد.
جاء في البدء ليكوٍن مشاهدين، فبدأ يهاجم المؤتمر الوطني لكنه لا يهاجم القيادات. ويتحدث عن المشاكل التي تواجه الناس مباشرة فكسب ود العامة.
شوية...شوية..شوية جاء ليقول لنا أن الترابي هو أبو السودانيين مرة واحدة كِدا!!!!
دي لعبة خبيثة، لكنها مكشوفة يا اخوي....

اخي عبد الحي
الف شكر ليك على مداخلتك
واتفق معاك فيما ذكرت
وهو يتونس ونحن نتونس

حلقة الاثنين الامس اهم محاورها
1- التساؤلات والعصف الذهني
2- عمل علي بن ابي طالب بثلاثة دراهم


احي فيك تساؤلاتك الجميلة وكلها بهل
بس يا حسين في هلات عملت منها رايح ولانو التاريخ سلسلة لا تنقطع وكل حلقة ليها صلة قوية بالحلقة القبلها والبعدها وهكذا
قبل طرد الحزب الشيوعي من البرلمان في اسباب
يعني ناس الازهري ديل مجانين طوالي كده يقومو يطردو حزب عنده ثقل جماهيري من البرلمان؟
السبب حادثة معهد المعلمين فكان مفروض تساؤلك يتسلسل
ويكون
هل حادثة معهد المعلمين حقيقية والا افتعلوها الاسلاميين؟

نجي لنميري وعهده
هل تحالف الاسلاميين مع نميري كان صحيحا؟
وهل اثناء تحالفهم اوجدو فكرا قابل للتطبيق اذا ما قدر لهم واستلمو الحكم ؟
اثناء الديمقراطية
هل كان الاعلام الاسلامي راشدا؟
وهل كان يتحرك بضمير واخلاق مهنية ام كانت تحركه المكايدة السياسية؟
وهل كان الانقلاب لقطع الطريق للانقلابات ام كان لقطع الطريق لاتفاقية الميرغني قرنق ليس لاي سبب سوى المكابرة السياسية؟
وهل كان اعدام شهداء رمضان ضرورة؟
وان كان ضرورة ما هي هذه الضرورة؟
هل كان تغيير العمل ضرورة في بلد منهك اقتصاديا؟
هل كان اعدام مجدي وجرجس ضرورة؟
هل كانت اتفاقية نبفاشا ون مان شو؟؟
لماذا لما يصطحب علي عصمان معها بقية الاحزاب؟
ولماذا لم تعمل حكومة الانقاذ على جعل الوحدة جاذبة ؟
ولماذا سمحت لتيار بعينه بقيادة الطيب مصطفى نشر كيمياء الحقد والاقصاء؟
وهل حكومة الانقاذ هي التي تدير الدولة ام يديرها السوبر تنظيم؟
وهل الفساد فعلا من اعلى الهرم وحتى القاعدة؟
وهل الحكومة جادة في التداول السلمي للسلطة؟
دي الاسئلة يا حسين الانية مجليها مالها ؟ زي ما قال ابو دواود بتبعر؟
طيب نجي لموضوع الرومانسي الجميل بتاع الولاة يشغلو الشباب وياخدوم لمعسكرا عمل وانو العمل ما عيب
وضربت لينا مثلا ونسيت نفسك قلت انو علي بن ابي طالب كرم الله وجهه اشتغل مع يهودي بي تلاتة درهم
يعني اليهودي ما ظالم
وامواله مستثمرة في موطن علي
عشان كده سيدنا علي وجد عمل
لكن ناسكم اردأ من اليهود
شالوا القروش بتاعة الموطن وكدسوها في البنوك الخارجية
انت قايل ابوذر ده الموتو بي غبينته شنو؟
ما ياهو زي الملتجين ديل
الذيني يكنزون الذهب والفضة ولاينفقونها في سبيل الله
عارف فهم ابوذر شنو
ما عايز صدقة
عايز القروش دي تشتغل
عشان ما يكون في بئر معطلة وقصر مشيد
عشان الشباب يلقى فرص عمل
ده هو الانفاق
الانفاق في العمل المثمر الجاري
مش جمعيات القرآن الكريم والتي تتحول اموالها الى مواد تموينية مخزنة تباع باضعاف الثمن
تتخيل اول ايام الانقاذ قامت مؤسسة اسمها اقرأ بتاعة الفاتح عروة على ما اظن
انا قلت ماشاء الله الكيزان بدو مشروعهم الثقافي
ولكن فرحتي ما تمت لانو اكتشفت انو اقرأ مؤسسة لتوزيع الفراخ والبيض ، وتم اصدار مرسوم
انو كل البيض والفراخ يتم عبر مؤسسة اقرأ
وما كدة يا حسين
تتخيبل في بداية التسعينات
مؤسسة اقرأ شالت امنية من اي بقالة في العاصمة المثلثة وما جاورها مبلغ ( خمسين الف جنيه امنية) عشان يوردوا ليه البيض والدجاج
طيب هسة وين اقرأ؟
ووين امنيات الناس
هو الربى ده كيف
تخيل يا حسين في بداية عهد الرساليين كان التعامل بالربى
وتقول لي سيدنا علي كان شغال مع يهودي
انا عندي صديقي من ابناء الشيخ قريب
التقيه يوما مصادفة بعد سنوات طوال
وين يا زول قال لي والله كنت في امريكا
وبدي يحكي لي انو كان شغال مع يهودي قال لي كان احرص علي جدا من القيام بواجباتي الدينية وبيديني حقي بالكامل
هسة عليك الله يا حسين
يهود اولا يعقوب والا يهود اولاد الترابي
والسلام عليكم ورحمة الله

حلقة الثلاثاء امس
1- التوثيق والسيرة الذاتية
2- الحيشان والتعارف بين الاقارب


يبدو انو اخونا حسين حوجلي مروتو بدت تقل .. يا حسين انت دخلت مارثون صعب
فيه جكة وسباحة وركوب دراجات حكاية دايرة ليها نفس طويل وقوة تحمل .. لانو شايف م########ك نارها بردت .. وبقت ونسة لقيمات
الغريبة انا لي يومين بفكر في نفس موضوعك ده بتاع التوثيق ولانه عندنا حقبتين من اطول الحقب
حقبة مايو بشقيها الشيوعي والاسلامي
وحقبة الانقاذ
قلت افتح موضوع في بنبر بكري ده اسميه جرد حساب
الناس المارست العمل السياسي واستباحت اموال السودانين قرابة اربعة عقود ماذا انجزو؟
ما اسهامهم الفعلي المباشر لهذا البلد المنكوب
ما علينا طالما بدينا خليك زي جدك بابكر بدري اصدق من وثق لحياته في كتاب
.. فرايك شنو تحذو حذوه وتوثق تجربتك في كتاب .. انا غايون مشتري نسخة من هسة .. عشان اقراك بقروشي
وبعدين الكز شيخك د. الترابي قول ليه ياخ اكتب لينا مذكراتك

وتاني اتكلمت عن انو الاجيال بقت ما بتتعارف .. يا حسين انت اتربيت بين سوقين
السوق الجديد وسوق امدرمان وكانت كل الناس بتتعارف
والنسوان البجو السوقين ديل بتعارفوا وبتبادلو الاخبار والحكايات وصلة الرحم لانو الحياة كانت سهلة وكسب العيش كان متاح للجميع
الى جأؤت جحافل الهكسوس والتي قال عنها المرحوم الطيب صالح
من هؤلاء
مني اين اتو
وماذا يريدون
فكان اول فعلهم لدك حضارة صلة الرحم
اعتقالات بيوت الاشباح ففقدت الاسر من يعولها واكتسبت الرعب
التشريد من اماكن العمل بدعوى الصالح العام فافقر الناس .. لانو يا حسين النا شردوهم اول حاجة من السووق لمن عبد الرحيم حمدي غير العملة .. ودخلو ناس كيزان لا يعفون كانو الفرق بين الجنيه والطرادة
وباللي كل من فقد وظيفة في الحكومة او القطاع العام او الخاص لن يجد وظيفة تانية
فتشتت الموظفين في ممرات عمارة الضرائب يوهمون انفسهم بانهم سماسرة
وبدأت الهجرة من الديار والعائلة والوطن
وللتدمير في كل الشعوب
يد سلفت و حكم مستبد
حسين يا ود خوجلي نحن بنقول البقرة في الابريق .. انت شايفها والا عامل رايح ؟
والسلام عليكم ورحمة الله

حلقة الاربعاء الحزينة ووداع قنديل الغناء محمجوب شريف
اولا اثمن عاليا افرادك لهذه المساحة للحديث عن الراحل المقيم في حين غابت القنوات الاخرى والرسمية
ولكن يا حسين خوجلي اعجابك بنحجوب شريف زي تشجيعك للكورة من منازلهم
اتمنى تكون مشيت المقابر لكي تسمع الهتاف النبيل
ماك الوليد العاق لاخنت لا سراق
وتحدثت عن كوادر اليسار وارتباطها بالجماهير وكعهدي بك تفذلك الكلام ورغم انك ذكرت عددا من خطباء كوادر الاسلاميين ولكنك لم تستطيع ان تقنعنا بفعلهم الجماهيري
كانت كوادر الحركة الاسلامية تجنح الى دغدغة المشار الدينية
في حين كوادر الاحزاب الاخرى واليسار تعمد الى ايقاظ المشاعر الانسانية والعواطف الحياتية للفرد المسلم
فملكوا الوجدان
ارتباط الاسلاميين يا حسين بالتظيم وفكرة عالمية الانسان
كوادر الاحزاب الاخرى تعمد الى تجذير الانتماء الوطني
عشان كده هم اقرب للجماهير
والاسلاميين اقرب الى قياداتهم تحت اسر السمع والطاعة
ثم تحدثت عن
وهذا اخطر ما تتاوله دائما عن رؤية الجمواعت حول الانقاذ بين الازالة من قبل معارضيها و تشبث بعض الانقاذيين بالحكم ولو على حساب كل السودان
ودلفت الى ان الشارع لن يخرج لمصادمة الحكومة حتى لا يتعرض للقتل ثم طالبت الحكومة ان تتنازل عن استبدادها حتى لا يحدث الصدام
يا حسين القصة ما في الاستبداد ، خليهم يستبدو بسو يوفرو حاجيا ت الانسان الاساسية
ديل جمعو بين الاختين الاستبداد والفساد
يعني لا خلو المواطن يعيش
وما يمكن ان يعينه على العيش سرقو
ده اغرب حكم في التاريخ
والله يا حسين كلما اقرأ سورة الكهف واصل ايات اعابة السفينة اتذكر الانقاذ وطاقمها
ياخ ديل ما بشر
ممكن يكونو اي شي
غير انه فيهم بقايا ذرات انسانية
والسلام عليكم ورحمة الله

حلقة الاربعاء الحزينة ووداع قنديل الغناء محمجوب شريف
اولا اثمن عاليا افرادك لهذه المساحة للحديث عن الراحل المقيم في حين غابت القنوات الاخرى والرسمية
ولكن يا حسين خوجلي اعجابك بنحجوب شريف زي تشجيعك للكورة من منازلهم
اتمنى تكون مشيت المقابر لكي تسمع الهتاف النبيل
ماك الوليد العاق لاخنت لا سراق
وتحدثت عن كوادر اليسار وارتباطها بالجماهير وكعهدي بك تفذلك الكلام ورغم انك ذكرت عددا من خطباء كوادر الاسلاميين ولكنك لم تستطيع ان تقنعنا بفعلهم الجماهيري
كانت كوادر الحركة الاسلامية تجنح الى دغدغة المشار الدينية
في حين كوادر الاحزاب الاخرى واليسار تعمد الى ايقاظ المشاعر الانسانية والعواطف الحياتية للفرد المسلم
فملكوا الوجدان
ارتباط الاسلاميين يا حسين بالتظيم وفكرة عالمية الانسان
كوادر الاحزاب الاخرى تعمد الى تجذير الانتماء الوطني
عشان كده هم اقرب للجماهير
والاسلاميين اقرب الى قياداتهم تحت اسر السمع والطاعة
ثم تحدثت عن
وهذا اخطر ما تتاوله دائما عن رؤية الجمواعت حول الانقاذ بين الازالة من قبل معارضيها و تشبث بعض الانقاذيين بالحكم ولو على حساب كل السودان
ودلفت الى ان الشارع لن يخرج لمصادمة الحكومة حتى لا يتعرض للقتل ثم طالبت الحكومة ان تتنازل عن استبدادها حتى لا يحدث الصدام
يا حسين القصة ما في الاستبداد ، خليهم يستبدو بسو يوفرو حاجيا ت الانسان الاساسية
ديل جمعو بين الاختين الاستبداد والفساد
يعني لا خلو المواطن يعيش
وما يمكن ان يعينه على العيش سرقو
ده اغرب حكم في التاريخ
والله يا حسين كلما اقرأ سورة الكهف واصل ايات اعابة السفينة اتذكر الانقاذ وطاقمها
ياخ ديل ما بشر
ممكن يكونو اي شي
غير انه فيهم بقايا ذرات انسانية
والسلام عليكم ورحمة الله

البلد فضت
وترجف انت في قصرك ما حيلة زنازينك
ودانا شالا بس عزتنا ما شالا
ماك الوليد العاق
رخل وردي , رحل محجوب شريف وسقطت قناة النيل الازرق , لو كنت معلنآ لسحبت اعلاناتي من النيل الازرق اما ود خوجلي ف ياها المحريه فيك وماك الوليد العوقه وعدو عاقل مرجو صداقته .
انصف حسين محجوب وجعلنا نترحم حتي علي مايو , مايو خاصمت حزب اما الانقاذ ف خاصمت شعب وبهدلتو وذلتو و = غيرتو فعلآ ومجازآ =

يحكي ان
اغلق الموبايل وتمتم = دي جهنم =سأله صاحبه = مالك = رد يا خ الجماعة في السودان كل ما ارسل قروش واتصل منتظر كلمة حلوة يقولو لي القروش ما كفت رسل تاني . زي خزنة جهنم كلما القوا بها فوج قال خزنتها هل من مزيد , امير قطر دفع زماااان مليار وده المليار التاني اها يا الامير هل من مزيد , انت في جهنم المسمي السودان ابتسم تبسم لا تتعحب .

حلقة امس السبت
بفكر هل ياترة نضب معين حسين خوجلي
ام ان تغير الاحوال بعد نداء امير قطر ( يا اخوان العالم اتحدوا) جعلته يغير اتجاه البوصلة لحيث يوجد د. حسن الترابي والبتالي تهدئة اللعب
ما علينا نتنوس
اهم محاور حلقة امس الفارغة جدا من كل مضمون
1- رسالة ضاط الصف عن ال 9 مليار اختلاسا
2- مطالبة العاطلين في حزن السودانيين بالتشجير

الغريبة لما جاتك الرسالة بتاعة ابو احمد الولد الراح ردحت يا حسين 45 دقيقة ولعنت سنسفيل ابو قوى الشر والبغي والعدوان على السودان
وناشدت الجميع القوات النظامية وستات الشاي
واي زول ماشي او راكب وانو وانو
وبصراحة شي جميل اثمنه ليك
لكن لما جيت في الاختلاسات والمليارات مريت على الرسالة حوبا وضحكت خجلا وقلت حنتابع مع الزول مستخفا
حسين الموضوع ده كبير جدا
كونو انسان يصل للمحكمة الدستورية عشان يبلغ فقط عن اختلاسات يعني يبلغ عن سرقة
ولا جهة عدلية واحدة تقبل بلاغو
معناها في علامة استفهام كبيرة جدا
من يحكم البلاد ويتحكم في محكمتها الدستورية؟
ده يا حسين كان بيستدعي انك توجه كل الحلقة للموضوع ده وطالما انك قريت الرسالة يوم الجمعة كان مفروض تتغرق نهار السبت كله تتقصى ورا الموضوع ده .. لكن يا صحبي انت عملت حميل
نجي لموضوع التشجير ومطالبتك لعطالة حزن السودانيين انهم يشجروا قراهم
الدعوة جميلة ولكن آليات التنفيذ
حدث ولا حرج .. لانو شخصي الضعيف عمل يوما في هذا المجال في السودان لما كان السودان بخيره
قبل ما يصل مرحلة انو المحكمة الدستورية ترفض فتح بلاغ لاحد منسوبي القوات النظامية الامنية في موضوع سرقة
عشان تشجر لازم تجيب الشتلات من مصلحة الغابات او ادارة البساتين
يلا بعد كده شغل خيالك او استعين بصديق من اصحاب الخيال الواسع
انت قايلها هااملة كده يدوك شتلات والله لو داير تعمل السودان ده جنة ما يدوك شتلة الا تكون مدعوم زي تراخيص عربات المغتربين في وزارة التجارة
ما تلقاها في الوزارة لانو مافي ومافي يا حسين كلمة مقدسة عن المسئولين التنفيذيين ( مافي ) وبس
لكن تلقاها في السوق العربي
اها عطالة حزن السودانيين البديهم قروش منو يشترة شتلات من السوق العربي ؟
والسلام عليكم ورحمة الله

زى ركوب العجلة المابتنسى

حسين لازم يوجه سخريتو للحزب الشيوعى

قرا خبر الشيوعى يرفض دعوة الوطنى للحوار

وعلق

ما مشكلة ميتن واحد يرفضو الحوار

خلى الناس الشوية ديل وكدى نشوف الوافقو على الحوار حتعملو معاهم شنو

Quote: قرا خبر الشيوعى يرفض دعوة الوطنى للحوار وعلق ما مشكلة ميتن واحد يرفضو الحوار

اخي محمد مليون سلام وتحية
الغريبة في نفس التوقيت كان في برنامج مع الواجهة واحمد الببلاع قال انو اتصل قبل دقايق على فاروق ابوعيسى واكد رفضه وسال ضيفه غازي صلاح الدين عن رايه
في رفض ابوعيسى
فكان رد د. غازي صلاح الدين ( ده رفض مشروع لان مطالبهم هي ما تطالب به كل القوى السياسية وتنفيذها يوضح جدية الحكومة في الحوار
لان مطالب كل الرافضين هي حرية التعبير واطلاق سراح المسجونين

90 حزب سبحان الله

بالغوا

وكلهم ذكروني بي قصة صاحبنا الشيخ محمد حامد
الشيخ ده في ولى جامعة قرا علوم
وكان راجل بتاع بهجة
عازف اورغ
وفلوت
بحب الشعر
يعني راجل موهوب ما موهوم
ولا دخل محاضرة ولا دخل عملي
يوم الامتحان العملي دخل المعمل لقى راصين ليه كمية من الحجارة
عشان يتعرف عليها
بد يكتب
ده كوارتز ، وده اعتقد كوارتز ، وده يتخيل لي كوارتز ، وعندي احساس انو ده كوارتز وهكذا
وفلسفته انو واحد من الاحجار دي قطع شك كوارتز
فامس انا بعاين
وبقول
الحزب ده مؤتمر وطني ، والحزب ده اعتقد مؤتمر وطني ، والحزب ده اظن مؤتمر وطني ، والحزب ده قطع شك مؤتمر وطني
يا ريس
بامانة النقة عندكم

معليش الكلام القبيل نزل بالغلط لكن برضو محصل بعضو
حلقة الاحد
كنت متخيل انو اخونا حسين خوجلي حيبث الجلسة مباشرة
لكنه فضل عائد الاعلانات على مناجاة حزن السودانيين
لا باساهو يشهد منافع له
كان بحكي عن قضة الولد باع الوسطى العرس البت
وتاني اتكلم عن عبد الرحمن الخضر والنفوذ
وتاني اتكلم عن 6 ابريل وبطولاته وفشل الديمقراطية
ومع صابون اصيل ما حنشيل هم الغسيل
تعرف رمزية القصة بتاعتك لولد الوسطى عارف ولد الوسطة ده منو ؟
دي الاحزاب ي احسين
هل بتصدق انو الاحزاب طول الفترة الحكتها في السودان تسع (9) سنوات مقطعة؟
والعساكر باقي عمر السودان
والااسلاميين براهم بيدمرو في السودان طيلة ربع قرن
وانت كل مرة تتبجح لينا انو الاحزاب ما قدمت شي
هو انتو اديتوها فرصة؟
سبعة سنوات مشاركة مع النميري و25 سنة براكم
شايفك اثنيت على عبد الرحمن الخضر وجليت والي الجزيرة
بعدين يعني موظفين عبد الرحمن الخضر يساوو شنو مع النفوذ الكبييييييييييييييير والهوامير والتماسيح التانية وجوكية التماسيح الكبار .. حسين انظر حولك
ما عندي شك في بطولاتك قبل الانتفاضة وسجنك
بس لما طلعت من السجن
وهل حافظت على الديمقراطية ودافعت عنها؟
وبعدين شايفك اتناسيت اتفاقية الميرغني قرنق
والتي كانت الهدف الرئيس لانقلاب الكيزان
كنت اتوقع منك تعقد مقارنة بين اتفاقية قرنق واتفاقية نيفاشا
عشان نعرف انتو رفضتوها ليه وجيتو وقعتوا اسوأ منها
من الهدايا
زار سيدنا عمر بن الخطاب احد الامصار
فاستقبله خارج المدينة وعرضو عليه بغلة ميلة عليها سرج مطعم بالعاج والذهب .. يعني بغلة اخر موديل فول اوبشن .. فسالهم لمن هذه الدابة الجميلة
فقالوا انها لك يا امير المؤمنين لتدخل بها المدينه
فاجابهم ابن الخطاب : ابعدو عني هذا الشيطان
ولسلام عليكم ورحمة

حلقة الامس الاثنين
اخونا حسين
بصرااااحة قسمتك ضيزى
شايفك بتحرض حزن السودانيين على الصادق المهدي وباستحياء على الترابي
وعلى بقية الاحزاب
لكن مريت على عجالة شديدة على البشير
ياحسين جدا ا عيزين الصادق
والا البشير
ولا الترابي
لكن بي فهم
نمسك السيد الصادق المهدي ونشوف حكمو بتاع السنوات الثلاثة ونقيم
ونشوف الترابي وفترة المصالحة مع نميري
وفترة الحكم المطلق في سني الانقاذ التسعينية
ونشوف الحركة الاسلامية كلها وحكمها المشترك في المصالحة وحكمها المطلق على مدة ربع قرن
وبعدين نحكم
لكن بس كده سااي عشان انت ما بتريد السيد الصادق المهدي توجه حزن السودانيين انهم يخلو؟
بتبالغ والله يا حسين من العين الا الجبهة الاسلامية تخت ليك كمون
وحكم البشير
ما هي ايجابياته؟
مش حتقدر تفتح عينيك
ياسيد حسين خوجلي الاوطان لا تبنى بالنوايا
ولكن باعمال الفكر والايدي
الر كان يكره احد الكوادر الفرنسية جدا وفوجيء المجتمع السياسي الفرنسي بان الرئيس ميتران يعينه وزيرا
وعند اداء القسم
خاطبه الرئيس قائلا
انت تعلم اني اكرهك ولكني مصلحة فرنسا العليا فوق عواطفي
فانت كده مرة اتناسى عواطفك تجاه الاحزاب التقليدية وغلب مصلحة السودان العليا
فشلت الحركة الاسلامية في كل شي
خلينا من حافظ 3 اجزاء ما اهو انتو عندكم ناس حافظين المصحف
وطلعوا دين البلد والمواطنين
كفرونا عديييييييييييييييييل
والسلام عليكم ورحمة الله

.



يا دكتور ..

يمين الله هريتنا بــ مع حسين خوجلي!
ياخي أنا أتعجب ما الذي يجبرك على ذلك أيها البطل؟


.

حلقة الثلاثاي كانت العجب العجب في سوق حجاب وسوق حجاب ده يا حسين سوق بضواحي الرياض
لانةو ذكرتني القول السوداني المشهور
لما الواحد يسالوه هل بعيدة مدني يقول جراي الحصان ( كانت زمان حلو السكر)
قلت جاك خبر عن اعتقال احد اعضاء حركة الاصلاح الان وكانن المأمول منك يا ظريف ان تتحدث كيف وصلك الخبر وليه تم الاعتقال
طيب يا حلو الاعتقال تم في ندوة بالجامعة الاهلية ( يعني داخل الحرم الجامعي وانت ادرى بما يعني الحرم الجامعي) وندوة كانت ماخدة الشكل القانوني ومصرح بيها يعني ما في هرج وممرج وسكاكين كما حاولت ان توحي ل
للمشاهدين
لا يا حسين
وبعدين بتقدح لينا في وطنية الاجهزة النظامية ووطنيتها
انت بتحاول تقنع نفسك بقومية الاجهزة النظامية مع انك انت شخصيا عارف انها تتبع للنظام فاذاكان كل موظفي الدولة تبع تنظيم واحد فما بالك باهمم الاجهزة النظامية من قوات مسلحة واستخبارات وشرطة
( عرفت ليه اسرائيل عارفة عننا كل كبيرة وصغيرة وتخش تضرب في عمق الاراضي السودانية ولا تتصدى لها القوات النظامية كلها؟)
ولانك بتحب الحكاوي احكي ليك من واقع ما قرأته في السوداني الدولي قبل اعتقال محجوب عروة واتهامه بالتخابر لمصلحة دولة شقيقة في مهزلة بائسة عرضها التلفزيون السوداني
في تلك الصحيفة ايام نضارتها الاولى كتب احد كتاب الاعمدة انه ذهب الى احد التنفيذيين لتعيين ابن اخته
فساله التنفيذي هل ابن اختك ملتزم فاجابه بانه ملتزم دينيا واخلاقيا فكرر التنفيذي سؤال هل ابن اختك ملتزم فاجابه الكاتب بانه يصلي كل اوقاته في المسجد فسال التنفيذي مرة ثالثة هل ابن اختك ملتزم معانا تنظيميا
فاجابه الكاتب لا فقال له التنفيذي لو شايل الكعبة على كتفه وما ملتزم معانا ما عندنا ليه وظيفة
اما عن الامن فما تمشي بعيد اسال د. عبد الوهاب الافندي عن تجربته مع الجهاز
اما كلامك عن الدستور والعلمانية واراءك انا زمان في بمبر بكري ده كتبت مقال اسمه
علمانية حسين خوجلي المتدينة

http://www.sudaneseonline.com/board/450/msg/1381163747.html

Quote: شاءت الظروف ان اتواجد أمام التلفاز بعد الثانية عشر مساء امس واشاهد نصف عمود على الهواء الذي يذيعه حسين خوجلي على الهواء وكان عن محاورة جبريل عليه السلام مع الرسول صلى الله عليه وسلم وكيف ان الرسول صلى الله عليه وسلم اخبر الصحابة ان هذا جبريل اتاكم ليعلمكم امور دينكم وخلص العمود ان امور الدين لا خلاف عليها وان امور دنيانا هي التي نختلف فيها جميل يا حسين خوجلي ما هو ده سبب اختلافنا معاكم من قبل الانقاذ الجد شنو اليوم خلاكم تغيرو رايكم بعد ربع قرن من الحكم؟ كنتم في الجامعات في حلقات النقاش كل من ياخذكم للنقاش الغلمي تتهمونه بالكفر والعلمانية لم تحاولو ان تأخذو من الجانب الاخر مجرد راي قد يحتمل الصواب وها انت اليوم تخرج علينا بعلمانية صريحة ان الدين لله والوطن والدنيا للجميع[/QUOTE Quote: هل تجرؤ على اقامة حوار على الهواء في قناتك بين منسوبي الاسلام السياسي وبين آخرين عن مفهوم الدين والدولة وما اكثرهم وتقييم تجربة الاسلاميين في الحكم Quote: بعد ربع قرن من الحكم اين مفكري الحركة الاسلامية في مشارق الارض ومغاربها ليخرجو لنا مجرد مسودة ما كان يطالبون به 80 عام كان قمة ابداع الحركة في الدستور الاسلامي ما جادت به قريحة الشيخ حسن وما عرف بدستور التوالي اما قصة التمثيل النسبي فالحركة الاسلامية منذ 64 وهي ترفض قانون التمثيل النسبي فما الذي استجد الان والذي يجعل حسين خوجلي يستنجد بالقانون النسبي عارفين ليه؟ لانه لما تكون في ديمقراطية كل احزاب الامة ستصبح حزب واحد وكل احزاب الاتحادي الديمقراطي ستصبح حزبا واحدا لان الاختلاف في الاحزاب دي اختلاف ظاهري واختلاف على الغنائم وكان لمصلحة ذاتية ومن المعروف ان حظ الحركة الاسلامية في ان تنال اي مقعد بعد ربع قرن من اذلال الشعب السوداني لذلك تقسمو في عدد من الاحزاب ليضمنو عدد اكبر من المقاعد واديك هدية كانت الحمامة حزينة فمر بهاابو مركوب وقال لها لما ذا تبكين فقالت له ان الثعلب ياتين كلما سمع صوت فراخي ويقول لي اما ان ترمي لي فراخك او اطلع ليك في الشجرة آكلك انت وعيالك فارمي له صغاري فقال لها ابو مركوب لو هددك مرة اخرى قولي له اطلع لي في الشجرة وفعلا حينما افرخت الحمامة جاءها ابو مركوب كالعادة وهددها فقالت له الحمامة اطلع لي وكرر تهديده وكررت الحمامة قولها فسالها الثعلب من علمك فقال له ابو مركوب فذهب الثعلب قبلة النهر ووجد ابومركوب فقال له يا ابو مركوب لو جاءتك الريح من المام فماذا تفعل فقال ابو مركوب التفت للخلف وان جاءتك اليمين التفت شمالا وان جاءتك من الشمال اتجه يمين وان جاءتك من كل الاتجاها قال المركوب اضع راسي بين جناحي فساله الثعلب متعجبا كيف؟!!! فقال له ابو مركوب هكذا وادخل راسه بين جناحيه في هذه اللحظة هجم عليه الثعلب واكله والسلام عليكم ورحمة الله

---

Post: #167 Title: Re: مواصلة Author: د.محمد حسن Date: 04-09-2014, 09:07 AM Parent: #165 Quote: يا دكتور .. يمين الله هريتنا بــ مع حسين خوجلي! ياخي أنا أتعجب ما الذي يجبرك على ذلك أيها البطل؟ اخي سيف ياخ اعفي لي اني هريتك لكن واحدة من اساليب اتوعية وغرس الادراك متابعة الهراء الذي يبثه حسين خوجلي يوميا وهو من دون ان يدري منحني انا شخصيا فرصة لتوثيق للافعال الحركة الاسلامية متمثلة في حكومة الانقاذ وشكرا انك بتقرا لي

---

Post: #168 Title: Re: مواصلة Author: د.محمد حسن Date: 04-10-2014, 07:54 AM Parent: #167 حلقة الامس الاربعاء 1- قناة امدرمان 2- الشخصية السودانية 3- المزارعية والرعوية وهرطقا ت ادبية عن اقوال الصحف كل يوم بتبتدرنا ياحسين انو قناتك دي مستقلة ولا تتبع الا للسودانيين .ز حكايتك دي ذكرتني بالراجل جا يخطب البنت ابوا البينت سالو شغال شنو فده قال ليه شغال جزار زوجوه البت ومرت الايام والسنين يوم ابو البت قال ي رااجل بتو ياخ انت قلت جزار يوم واحد ما شفنا ضبيحة والا ضلع والا شية ولا حتى كوارع جزارتك دي شنو الراجل رد عليه ياحاج انا جزار ببيع الجزر اها انت شابكنا قناة كل السودانيين ونحن غير الجزر ما شفنا شي .. كلها دقون ما في تويق لاي سياسيين عبر قناتك .. شخصي الضعيف فتحت بوست في بمبر بكري ده قلنا ليك افتحها للذين لا صوت لهم لكن انت عايز تختزل السودان كله حكومة ومعارضة في شخصك زي اخونا المذيع محمد سليمان في برنامج تلفزيوني اعتاد يقدمه زمن نميري مرة استضاف البلابل وبامانة اليوم داك غنو بي مزاج فانعل الضيوف وقامو هزو ولحسن الحظ الملقة كانت على الهوا فاعترض محمد سليمان ومنهعم وقام هز هو وقال يا جماعة زول يقوم يهز مافي ا انا لانو البوش ده بوشي... بالله اعمل ليك كم حلقة مع ابو عركي البخيت .. ود. ياسر مبيوع الود فيه مساحات طرب هائلة وشوف باقي المبدعين المنتشرين في اصقاع الارض هنا ما حتكون جزار نجي للشخصية السودانية والحمدلله ان من الله على اخونا حسين خوجلي ان يكتشف بعد ربع قرن ان شعار ( خير من استاجرت الغوي السمين) دمر البلد وتحدثت كثيرا عن شمائل السودانيين ونسيت انو حبوباتنا زماان قالو ( ارجى سفيه ما ترجى عاطل) وفي رواية اخرى ب ا ط ل والعاطلين ديل يا حسين هم اعضاء الحركة الاسلامية بينتظرو ا الاوامر والتعليمات ( اطاعة ولي الامر) ونسوا ذلك الاعرابي الذي قال لعمر لا سمع ولا طاعة مكنتوهم من كل مفاصل الدولة ففكرو يكونو قريبين للسمع والطاعة فاستعمرو الخرطوم سكنا ومزارعا اجمل الشخصيات السودانية ابداعا فكريا وعمليا يجوبون اصقاع الارض بعد ان تم تهجيرهم قسرا بدعوى التمكين يا حسين ... الحساب كبييييييييييييييير الزراعة والرعي : هل سمعت بكويت السودان يا ود خوجلي ؟ كويت السودان يا حسين دي قرية في طريق الخرطوم بورتسودان تبعد مسافة 45 كيلو او اقل من القضارف حيث يتركز فيها اغنى اغنياء السودان من المزارعين وبما انك بتحب الاغاني اهديك اغنية وردي كده اسال نفسك بينك وبينا عن اخلاصنا تعرف لماذا هجر الناس الزراعة اما الرعي عليك باستضفة حيدوب رئيس اتحاد الرعاة وخليه يحكي ليك عارف يا حسين لما صاحبك عبد الرحيم حمدي طلع قرار تغيير العملة وعدم صرف اي فلوس لاصحاب الاموال الا في حدود 5000 جنيهظ عارف الايام ديك انت عندك شيك بي مليون توديه البنك يدخلو ليك في الحساب ويدوك 5000 ( انتو بتنسو سريع يا حسين ) في تلك الايام كان اتخن شيك بتفك في سوق الناقة غلى عنقريب مقدود قبل ان تطال يد الانقاذ الرعاة فحولتهم من اصحاب ثروة الى متسولين غايتو الذ ما في قراءتك للصحف بطريقتك ابيات شعر البطانة البتدخلها في نص الكلام والسلام عليكم ورحمة الله

---

Post: #169 Title: Re: مواصلة Author: د.محمد حسن Date: 04-10-2014, 08:48 AM Parent: #167 حلقة الامس الاربعاء 1- قناة امدرمان 2- الشخصية السودانية 3- المزارعية والرعوية وهرطقا ت ادبية عن اقوال الصحف كل يوم بتبتدرنا ياحسين انو قناتك دي مستقلة ولا تتبع الا للسودانيين .ز حكايتك دي ذكرتني بالراجل جا يخطب البنت ابوا البينت سالو شغال شنو فده قال ليه شغال جزار زوجوه البت ومرت الايام والسنين يوم ابو البت قال ي رااجل بتو ياخ انت قلت جزار يوم واحد ما شفنا ضبيحة والا ضلع والا شية ولا حتى كوارع جزارتك دي شنو الراجل رد عليه ياحاج انا جزار ببيع الجزر اها انت شابكنا قناة كل السودانيين ونحن غير الجزر ما شفنا شي .. كلها دقون ما في تويق لاي سياسيين عبر قناتك .. شخصي الضعيف فتحت بوست في بمبر بكري ده قلنا ليك افتحها للذين لا صوت لهم لكن انت عايز تختزل السودان كله حكومة ومعارضة في شخصك زي اخونا المذيع محمد سليمان في برنامج تلفزيوني اعتاد يقدمه زمن نميري مرة استضاف البلابل وبامانة اليوم داك غنو بي مزاج فانعل الضيوف وقامو هزو ولحسن الحظ الملقة كانت على الهوا فاعترض محمد سليمان ومنهعم وقام هز هو وقال يا جماعة زول يقوم يهز مافي ا انا لانو البوش ده بوشي... بالله اعمل ليك كم حلقة مع ابو عركي البخيت .. ود. ياسر مبيوع الود فيه مساحات طرب هائلة وشوف باقي المبدعين المنتشرين في اصقاع الارض هنا ما حتكون جزار نجي للشخصية السودانية والحمدلله ان من الله على اخونا حسين خوجلي ان يكتشف بعد ربع قرن ان شعار ( خير من استاجرت الغوي السمين) دمر البلد وتحدثت كثيرا عن شمائل السودانيين ونسيت انو حبوباتنا زماان قالو ( ارجى سفيه ما ترجى عاطل) وفي رواية اخرى ب ا ط ل والعاطلين ديل يا حسين هم اعضاء الحركة الاسلامية بينتظرو ا الاوامر والتعليمات ( اطاعة ولي الامر) ونسوا ذلك الاعرابي الذي قال لعمر لا سمع ولا طاعة مكنتوهم من كل مفاصل الدولة ففكرو يكونو قريبين للسمع والطاعة فاستعمرو الخرطوم سكنا ومزارعا اجمل الشخصيات السودانية ابداعا فكريا وعمليا يجوبون اصقاع الارض بعد ان تم تهجيرهم قسرا بدعوى التمكين يا حسين ... الحساب كبييييييييييييييير الزراعة والرعي : هل سمعت بكويت السودان يا ود خوجلي ؟ كويت السودان يا حسين دي قرية في طريق الخرطوم بورتسودان تبعد مسافة 45 كيلو او اقل من القضارف حيث يتركز فيها اغنى اغنياء السودان من المزارعين وبما انك بتحب الاغاني اهديك اغنية وردي كده اسال نفسك بينك وبينا عن اخلاصنا تعرف لماذا هجر الناس الزراعة اما الرعي عليك باستضفة حيدوب رئيس اتحاد الرعاة وخليه يحكي ليك عارف يا حسين لما صاحبك عبد الرحيم حمدي طلع قرار تغيير العملة وعدم صرف اي فلوس لاصحاب الاموال الا في حدود 5000 جنيهظ عارف الايام ديك انت عندك شيك بي مليون توديه البنك يدخلو ليك في الحساب ويدوك 5000 ( انتو بتنسو سريع يا حسين ) في تلك الايام كان اتخن شيك بتفك في سوق الناقة غلى عنقريب مقدود قبل ان تطال يد الانقاذ الرعاة فحولتهم من اصحاب ثروة الى متسولين غايتو الذ ما في قراءتك للصحف بطريقتك ابيات شعر البطانة البتدخلها في نص الكلام والسلام عليكم ورحمة الله

---

Post: #170 Title: Re: مواصلة Author: د.محمد حسن Date: 04-11-2014, 08:11 AM Parent: #169 كالعادة حلقة الخميس بتكون فاترة .. ما لاحظت كده معليش اعذرني اني اقتبس احدى طرفك .. وانا منتظر البرنامج اول ما ظهرت قمت انا قلت بدون ما اشعر ( اهو فني ديكور الانقاذ وصل) طبعا اتجدعت في الاحزاب وحنكشتها ونها ما بتصادم وعايزاها باردة .ز كدي بالله يا حسين ارجع كده 25 سنة وشوف الحاصل شنو بدءا من بيوت الاشباح مرورا بالتجمع الوطني وسلسلة الايقاد والمطاردات والسجون والفقدان والحرب على اطرف السودان الاربعة امتثالا لقول الرئيس نحن بنفاوض الشايلين سلاح ولما المعارضة تحتكم لصوت العقل تقول عليها معارضة حنكوشة طيب يا حسين ما لحد قبل كم شهر نيران الانقاذ دي ما حصدت ارواح شباب السودان في المظاهرات جد والله ياحسين بقت عليكم المقولة المشهورة نكورك ليكم ما تجو نجيكم تكوركو تاني عرجت على اصحابك ناس علماء السلطان باللفة السادة ترزية الفتاوى والسلم التعليمي انت كنت وين من زمن سبدرات ما فصل التوب التعليمي الفاسد ده بعد مرات بيخيل لي انك من رجالات قالو وليتلطف ولا يشعرن بكم احدا ارجع للاراشيف بتاعة الصحف قبل عشرة سنوات ونيف بتلقى انو كلامك القلتو ده العلماء والمثقفين والصيع قالوه للانقاذ ما تختي مراهق/ه مع طفل/ه تاني جيت لمسال بري وشايفك اتفرعنت من مفرعين ما فرعومن في الزول الاشتكى ليك انت يا حسين ما قاعد في السودان؟ الناس المصادمين كلهم توزعو ما بين مقابر بيوت الاشباح او المنافي ومازالت السفائن تحمل الفارين الى الحقيقة والحرية عليك الله ما تهرش الراجل ساي ده لو مشى اشتكى ناس الحكومة بكرة اولاده بتيتمو ات ما نصيح قال حمرة عين هو في حمرة عين مع الجمرة الخبيثة؟ وتصبحون على خير

---

Post: #171 Title: Re: مواصلة Author: د.محمد حسن Date: 04-13-2014, 12:03 PM Parent: #170 حلقة السبت والسبت اخضر ( اخدر) والحديث عن السهلة السودانية وشراب الشاي باللقيمات ( هو في دقيق او حتي حق الدقيق وعشنا وشفنا في زمن الانقاذ الزيت بتباع في الكيس زي ود عماري .. وينو الزيت البسوو بيه اللقيمات) في بلد كل اطرافها تنتظر الاغاثات.. ما علينا الظاهر انو الاستاذ حسين فني ديكور الانقاذ اما اليومين ديل بقعد مع الناس الخيالها واسع او فقد البوصلة لانو في الحلقة الواحدة بتكلم عن شي ويجي طوالي بعد فقرة ينقضو محاور الحلقة 1- فسيفسا المجتمع السوداني 2- افتقار الاحزاب للكوادر 3- الصراع في المؤتمر الوطني في الشمالية 4- الطريق للامام والاعذار للانقاذ تحدثت عن انو الوطن محتاج للجميع جاهلهم ومتعلمهم مختلف سحاناتهم وامزجتهم ولهجاتهم علمانيتهم ودينيتهم الخ وان زمان الحزب الواحد تلى وعن التمثيل النسبي وجيت طوالي لحزن السودانيين وشبكتهم ابعدو من الاحزاب والاحزاب كيسها فياضي وما قادرين يعملو ندوات لانو ما عندهم كوادر تخاطب الجماهير وياحليل زمن الكوادر الخطابية طيب يا فني الديكور ما تنتظر شوية لانو 25 سنة لم تقام ندوة ومين قل ليك الناس ما بمشوا الندوات عشان المسلسلات التركية .. المسلاسلات التركية بحضروها نسوان المتنفذين لانو بنات الغبش بكونو جاريات ور ا المواصلات يحصلو اهلهم لانهن شغالات من الصباح للمسا عشان يوفرو حق الدقيق لزيت اللقيمات عشان يقعدو يسمعو لكلامك والدلي على ذلك كل ندوات حزب الامة او الاحزاب الاخرى والتي تنتهي دائما بالغاز المسيل للدموع فعليك الله ما تبقى لينا مخذل خلي السودانيين يمارسو حزنهم دونما وصاية وصدقني ديمقراطية نزيها ياهم حزب الامة والاتحادي والشيوعي ترضى او ما ترضى .. الوثني قد وقد لا الا في حالة التمثيل النسبي .. لكن انتخابات ديمقراطية كالتي عهدناها كل احزان السودانيين ستتقسم للاحزاب التي ذكرتها لك اعلاه وخلي الندوات تدور يا حسين وحتمرق ليك كوادر تسد عين الشمس .. الاسلاميين وينها كوادرهم بعد 25 سنة تعذيب لخلق الله وفساد وافساد .. نجي لقصة صراع حرامية المؤتمر الوطني في انتخابات الشمالية والتي انتهت بموت منسوب المؤتمر الوطني وسايفك عملت اضان جلد الحمد لله في تاريخ الاحزاب السياسية التقليدية الثلاثة الامة الاتحادي والشيوعي سمعنا بانشقاقات بينهم وتلاسن لكن يقتلو بعض دي جديدة على ثقافة اسياسة السودانية ما ترمو رزايا المؤتمر الوثني على بقية القوى السياسية انت حقكم اشتر قتل مباشر باستعمال سلاح الشعب وفي افراد حزب الدولة الحكم .. يعني لو كان فيها اي واحد من الاحزاب التانية لكانت الابادة جماعية .. تانيا عدت لفرتيق الندوات من قبل الامن وذكرت الندوات التي اقيمت بعد خطاب الرئيس وان جهاز الامن فرتقها وانه انكر مصادرة الميدان وشفعت انو في ناس عايزين يفرملو الحوار من الانقاذيين وفي ناس من المعارضة عايزين يزيلووا الانقاذ واقولها ليك عديل انت بتغطي فيها اي انسان خارج دائرة المؤتمر الوطني يسعى لازالة هذا النظام لكن كونك تبرر للانقاذ سلوكها انه العالم بادر بعدائها فيا حضرة الفني دي انت اتعاميت فيها الم تكن الاناشيد الجهادية امركا روسيا قد نا عذا بها فالتفت ذلك الدبلوماسي الاجنبي للمتنفذ الجالسب بجواره وقال له مستغربا Both? يعني يا حسين انت بادرتو بالعدا للجميع .. حسني مبارك الذي سوقكم للعالم الربي والعربي حاولتم اغتياله انت بتتناسى مالك؟ وبيوت الاشباح دي كانت منذ بداية الانقاذ وقبل مجزرة شهداء رمضان فما تقفز فوق احاث يا حسين ذاكرة احزان السودانيين مازلت متقدة لم تخرف بعد ييلا متين بدا التعارض المسلح؟ بدا التعارض المسلح بعد فشلت كل القوى في ايجاد صيغة للاتفاق وعندما اعلن الرئيس جهارا ان الانقاذ لن تفاوض الا من يحمل السلاح يعني الانقاذ قتلت ابناء الشعب السوداني في البدء ثم رمتهم بالرصاص في ليلة العيد ثم سرقت كل اموالهم بدعوى تغيير العملة ثم بالضرائب الباهظة ثم عملت مؤسساتها الخاصة بعد ان اصبح كل السوق تحت سيطرتها واتخمت واكرشت وبدا الشعب كله يعاني انيميا الفقر في كل شي والسلام عليكم ورحمة الله

---

Post: #172 Title: Re: مواصلة Author: د.محمد حسن Date: 04-14-2014, 08:26 AM Parent: #171 حلقة الاحد كانت ناعمة جدا ابتدرها برومانسية المتصوفة ومر على فاشر السلطان وتحدث عن مائد مدورة للعلماء وخاطب ناس القوات النظامية مهددا ايهام بان يفلقهم بالمنديل ثم الصحف ومر عليها سريعا تحدث عن صفاء المتصوفة وفقرهم المادي وغناهم الروحي وعن حرية الزمن .. ولكن هناك فرق كبير يا حسين بين الفقر والافقار ما فعلته الانقاذ تجاوز الافقار لادخال كل السودانيين حالة الضنك الشديد والعوز .. الفقر ليس بعيب ولكن سرقة اموال الناس ووقتهم وجهدهم با يكونو هائمين في الشوارع منذ صلاة الفجر الى مابعد العشاء بحثا عن لقمة العيش هذا هو الحرام والظلم ثم تاتي لتدعو هؤلاء المنهكين ان يستمتعو بحرية الزمن ويتفرغو للعبادة ياخ بتبالغ الم يقل رب العزة حين طالبهم باعبدة والايمان به ( بانه اطعمهم من جوع وأمنهم من خوف) اها الانقاذ ديل الاتنين ما عملتهم لم تطعمهم ولم توفر الامان يلا نجي للود صلاح الذي اختطف مرتين ( زي ما قال عادل امام بقى متعهد الخاطفين) ما وريتنا المرة الاولى الخطفو منو ... ومنو ود العمدة المقصود في حلقة مفقودة يا حسين في الاختطاف الاول انت عملت منها زغبير لانك اتمطيت في الاختطاف التاني وخاطبت كل الحركات المسلحة وقلت عايزين كبر يعمل مؤتمر صحفي لا كبر يقدم استقالته الفوضى الضاربة باطنابها حلها بيد الحكومة .. كدي بالله يوم قبل ما تجي عشان تقول لينا انو ده كلام مباشر على وانو بيبث على افم وقناة امدرمان التي يتابعها الملايين داخل وخارج السودان اقعد مع الطيب سيخة ومع امين بناني واختف رجلك لي موسى هلال واستجلى حقيقة صراع الاسلاميين في دارفور تاني شايفك ردحت زييييييييين في انتحال الشخصية .. القوات النظامية والشرطة تم افراغها بمنهجية عالية من الكوادر الشريفة وتم تصعيد الكوادر الاسلامية ثم بدأ تجنيد الاراذل في الافراد وقليل جدا جدا من الاطهار والذين هم حقيقة عماد ما تحس به من قليل امن وامان الخبر الانت مريت فيه سريع ( الحركة الاسلامية تطالب باقامة العدل والديمقراطية) ياربي الحركة الاسلامية دي جات البلد جديد والا كانت قاعدة معانا من القرن الفات ؟ 25 سنة حكم ويقولي اقف يا حليلك يا عادل امام ده انت بتقول حكم عدل ايه اللي انت جاي تقول عليه هل الاسلاميين ديل بغشونا والا يادوب استفاقو من نشوة 25 سنة قصر جمهوري لانو اهو علي عصمان قال في اختلال بين الحكومة والشعب غايتو يا حسين الواحد من العين الا ختى ليكم كمون والسلام عليكم ورحمة الله

---

Post: #173 Title: Re: مواصلة Author: mohmmed said ahmed Date: 04-14-2014, 02:09 PM Parent: #172 فى حلقة يوم الخميس قال فى بعض الاجزاب مصرة على الحكومة الانتقالية حتى تحصل على منصب وزير وفى حلقة يوم السبت قال كل الاحزاب السودانية من اقصى اليمين الى اقصى اليسار تريد الحوار دون النظر لمكاسب حسين يقول الفكرة ونقيضها يفك كلام فى الهواء كيفما اتفق دون ضابط كلام اختيارى يركز على موضوع هامشى ويمر على خبر مهم يونس وينكت فارغة ومقدودة ويدى شوية نقد للحكومة والمؤتمر الوطنى ويبقى الى فى القلب فى القلب

---

Post: #174 Title: Re: مواصلة Author: اخلاص عبدالرحمن المشرف Date: 04-14-2014, 09:54 PM Parent: #173 د / محمد حسن كيفك غايتو الليله ضحكت لما عيوني دمعت = لو وقعت يشيلوها كيف = قلت لي يدي المعارضة فرصة في قناتو !! الله اعلم

---

Post: #175 Title: Re: مواصلة Author: د.محمد حسن Date: 04-15-2014, 06:17 AM Parent: #174 دوك حبابك الف مابدي البخل كاتلو والقصة ونسة

---

Post: #176 Title: Re: مواصلة Author: د.محمد حسن Date: 04-15-2014, 06:38 AM Parent: #174 حلقة الاثنين امس والله يا حسين نصيحة لوجه الله شيل الثيرمس الاصفر الليموني ده ورتب اوراقك قبال تجي لانك بقيت لافي صينية والله بقى اخير منك اب رزقة .. وابرزقة ده يا سادتي واحد يعاني من الفصامية او مجنون اتعودنا ونحن اولاد يعني بين الطفولة والصبا و على مدى سنوات طويلة جدا بجي الراجل ده من اعلى الثورات بشارع الوادي ولا يلوي على شيء يصل سوق امدرمان اتجاه واااحد ويرجع بنفس الصورة لابعاين يمين لا بعاين شمال متجه للامام جيئة وذهابا وفي حاله لابناضم لا بناضمو وبسرعة منتظمة الله يرحمه حيا وميتا لاي نجي نشوف محاورك وكيف عالجتها 1- البيت القديم 2- عبقرية الانقاذ 3- خواء الاحزاب 4- شيلة الرئيس انت بي كلامك بتاع البيت القديم عايز الناس المشو برة يرجعو والاحزاب تجي تعمر فيه وانتو تمشو وين؟ اولا الناس المرقت برة دي المرقها منو انت عارف يا حسين انا كمغترب حسابي مع الانقاذ عسير لانها سرقت مني الما بتعوض سرقت مني العمر والزمن والاحساس النفسي ببيئتي دي الحيرجعها لي منو؟ وحتعوضني بي شنو وهي زمني وعمري ونفسيتي السرقتها دي اضافت بدلها للوطن شنو؟ هل انت فاكر الاغتراب ده كندشة وسوبر ماركت وحليب المراعي؟ لا يا حسين الاغتراب ده عبر عنو مصطفى سيد احمد بي مقطع واحد في اغنية رائعة ( يا قلنا نبيعك يا نسرق اخترنا النار الضلها بحرق) فنحن قاعدين في النار الضلها بحرق وتركنا الوطن للبئعين والسارقين اما لو تقصد انو الاحزاب ترجع البيت .. الاحزاب هي الامة ( وشايفك اليومين ديل متحمي عليهم شديد ) الاتحادي الديمقراطي الحزب الشيوعي السوداني مؤتمر المستقلين الناصريين والبعثيين ( المتر الشعبي والاصح والوطني هم احمد وحاج احمد) بقية الاحزاب طفيليات تتجه بوصلتها تجاه الفائوز عشان كده لا للمتثيل النسبي على الاقل في الانتخابات القادمة ومين قال ليك انو الاحزاب ما عندها شي ؟ كوادرها تسد عين الشمس .. وزي ماقال الفنان ( حركتك ########ة ) التخذيل الذي تمارسه بابعاد الناس عن الاحزاب الوطنية مكشو ف يا حسين هبة سبتمبر قوامها الشبا وكل المظاهرات في عهد الانقاذ قا م بها شباب نشأو في عهد الانقاذ ( اعمارهم بين 18- 25 عام) اي ان الانقاذ لم تستقطب الا ذوي الضمائر المنحرفة اما الشباب الواعي لقضايا وطنه فلم تعرف لهم الانقاذ سبيلا وانت في غمرة انفعالك بديت تتحدث بلسان الحكومة هاكم حرية هاكم ديمقراطية حسين انت مو بصاحي ؟ لانك قبل خطابات الرئيس كنت تنادي باطلاق الحريات والصحف وتحفز في الاحزاب واول ما الحوار بقى جد الجقلبة بدت ورجعت الوان لعادتها القديمة في الهجوم على الاحزاب بس المرة دي شفاهة وعبر قناة تلفزيونية وعلى الهواء مباشرة وعلى اذاعة المسا101 وشتيمة لا تتبع لحزب او لسفارة او لاي جهة انها شتيمة فقط لحزن السودانيين وعبقرية الانقاذ التي مكنتها من المكوث 25 عام ان وراءها رضيت ام ابيت ( ايران ، قطر ، الحركة الاسلامية العالمية ، عصابات غسيل الاموال وديل هم اليهود والامريكان) فما تعمل فيها رايح .. الانقاذ اضعف من ان تواجه كتاحة اول الصيف بدليل ان او ل توجه نحو الديمقراطية باتو يقتلون انفسهم ( يخربون بيوتهم بايديهم ) ولسة يا ما حنشوف فليس للانقاذ عبقرية وانت تتحدث ع ان هناك بعض الاخطاء في الممارسة وسرقتك السكينة ونسيت نفسك وانت تتحدث عن شيلة الرئيس فلم تلبث ان جملت كل الاخطاء الكبيرة التي قامت بها الانقاذ حكومة وافرادا وانهم ورطوك ولكنك كموسى بيننا تحمل عصاك لتنقذ السودان مرة اخرى تعرف اليومين ديل احلا ايام الواحد يتابعك فيها ومع صابون اصيل نهائي ما حنشيل هم الغسيل والسلام عليكم ورحمة الله

---

Post: #177 Title: Re: مواصلة Author: د.محمد حسن Date: 04-16-2014, 10:19 AM Parent: #176 حلقة الثاء امس حسين ده مالو .. الراجل براه دخل بي حمد ومرق بي خوجلي .. يتخيل انت نفسك يا حسين غلبك التقولو القصة ما قصة دخولك السجن ولا شطارة محاميك القصة انو الحكومة وليدة ومولود خديج واشياء كتيرة ما مفهومة لانو الانتقال من قوانين الفرد الى حالة لا قوانين اي انسان بيفهم مجرد فهم في المرافعات بكسب لكن المحيرني انت بتطلب من منو يحافظ على حق الدولة ده اداني احساس بتاع انك جواك بتغني ( داير قربك لكن محتار) ياخ صاحبك المبتسم دائما الوالمتنفذ طويلا تناهى لاسماعنا انه طلب من اخيه ان ياخد قطعة في موقع معين بملاليم القروش واتضح بعد كم سنة ان كبري الدويم سيمر من هذه القطعة وعليه يرتفع التعويض على جزء من القطعة الى ملايين بالجديد ده غير ارتفاع سعر المتر بعد ان شاء الكبري اها ات قايل السودانيين ديل انقسمو فريقين فريق للنضم وفريق للسلاح من ساهل؟ لانو تنظيم كامل قال اسلامي طلع حرامي انت يا حسين ما تكلمنا نحن المشاهدين ناس قريعتي راحت نحن بنقعد ونزغلل عيونا بالثيرموس الليموني الفاقع وفاقع للمرة ونسمع ليك ونتفرج في لف العمة لكن كلم الرئيس قول ليه يا اخي عمر البشير كل الناس ديل حرامية شيلهم وصادر ممتلكاتهم وطالب الانتربول يجيب ال 45 مليار دولار الموزعة في البنوك الاسيوية والاوروبية غير كدة بيبقى زي ما قلت ونسة سهلة نجي لي قصة الندوات والصحف انت ما لاحظت انو عدد الحضرو للندوة حسب كلامك اكتر من الف؟ يعني ما سمعو كلامك بتاع المسلاسلات والمواصلات وجوا؟ حسين النسا مليانة غباين شديدة اتيمت اسر واترملت نساء وشرد أباء ونهب مال الدولة واراضي الدولة وممتلكات الدولة تم قسرا تهجير كل الكفاءات والشرفاء من ابناء الوطن وحتى من الذي رضعو من ثدي ما يسمى افكا بالحركة الاسلامية واحتكرت الوظائف فقط لابناء الحكومة فكثر الفساد الاجتماعي المخدرات والتي يروجها ابناء المتنفذين عاسلي الامواي كثرت الدعارة بكل اشكالها كثرت نسبة الطلاق للاعسار بصورة لم يسبق لها مثيل في كل المجتمعات الكافرة والتي تدين بشتى الاديان القصة ما ندوات تقول للاحزاب هاكم ليها حتعملو بيها شنو القصة في هذ الفساد الذي استشرى سرطانا اكل كل خلايا الوطن عشان كدة انا بحب سمية عبد اللطيف وعبارتها الجميلة مع صابون (اصيل) ما بنشيل هم الغسيل والسلام عليكم ورحمة الله

---

Post: #178 Title: Re: مواصلة Author: د.محمد حسن Date: 04-17-2014, 07:05 AM Parent: #177 حلقة اربعاء امس وزي ما بقولوا اهلنا اربعت فرعون لانه ما خليت حاجة في نفسك ما قلتها لاسلاف الفراعنة وباختصار شديد ( من يهن يسهل الهوان عليه ) ومشكلتي يا حسين ما بنسى ربع القرن من الاذلال والممارسة الطفولية للحكم ومحاولة اغتيال حسني مبارك حتى الان نخن بندفع في تمنها دي انت بتنساها ليه ؟ وكنتو بتفتكرو انو بزوال حسني مبارك بتكونو اتخلصتو من التبعة ونسيت انوو حسني مبارك عمل على مدى 25 عام يضعف في دولة السودانحتى اصبحت اضعف الدول في العالم تتحرش بها ( حلوة تتحرش بها) يلا نجي نشوف اهم محاورك 1- الفقر 2- الحرية النسبية 3-حزن السودانيين في القرى والمدن تحثت يا حسين عن بيوت الطين وعن حالات الطلاق نتيجة للاعسار او الهروب الخ طبعا في العلوم الطبية ما بتكلمو عن تفشي المرض لكن ببحثو اول حاجة عن السبب ومن ثم العلاج الناجع ومن بعده ال eradication فالحاصل يا حسين يا ود خوجلي افقار بمعني الكلمة الا اذا انت عندك ليه تسمية تانية اول ماجات الانقاذ عملت ما اسمته بالتمكين فاخرجت الالاف ن وظائفهم وجعلت مكانهم الاسلاميين ثم الجيش ثم القوات النظامية الاخرةى وتوسيع ماعون الامن مش كده وبس نجد ان الواحد من الاسلاميين بيكون ماسك 3 وظائف رسمية و4 وظائف في هيئات وجمعيات ومنظمات وربما اكتر ( الكاروري مثالا) يعني البوش بوشكم براكم ابتداع عدد كبير من المنظمات الوهمية مثل ايه كدة ماع رف الشهيد والقران الكريم وشباب الون الخ ودي ملك خااااص لمنسوبي الحكومة اغلاق وتحجيم المنظمات الاجنبية وبالتالي قفل باب رزق لكثير من الاسر يلا نجي للسوق : اول حاجة عبد الرحيم حمدي شال القروش من الناس بدعوى تغيير العملة اما سوق الله واكبر ده عدمتو نفاخ النار كل من لا يمت للانقاذ بصلة افقرتموهو بالضرائب الجزافية وانت شيخ العارفين بالله احكي لينا واحدة ممن قصص جيرانكم في سوق امدرمان وكيف اصبحو بياخدو الزكاة بعد ما كانو بدفعو الزكاة ما تخجل انا شخصيا عاذرك الزراعة وما إلك الا بروفسور قنيف وليه حولوه من وزير زراعة لوالي في الشمالية ما تنظر ساي نخن ناس في الواقع وعاصرنا المآسي الم تسمع بمأساة معسري الزراعة في السجون؟ كدي اخد ليك قعدة مع د. تاج السر مصطفى واساله عمن كيفية بدء التدمير الممنهج لمشروع الجزيرة توطئة لبيعه لافراد بعينهم او لدولة بعينها بحيث تتحكم في الغذاء والماء مشروع الكناف وهو واحد من اهم مشاريع الصناعة التي تعتمد على الزراعة بالله رسل واحد من اولادك الصحفيين يمشي يعمل تحقيق عنه عشان تقرا العجب وهيثم مصطفى مشاريع الاعاشة بالنيل الابيض والتغول الجبائي على المزارعين البسطاء فاصبحو باعة متجولين يستبدلون الملابس بالعدة او يبيعون ملابس النساء الداخلية في الشوارع والاحياء اها ياحسين ازيدك عارف انو التوظيف لغير المنسوبين موجه فقط لتعيين البنات وانت عارف الشروط شنو لان كثير من مكاتب التنفيذيين او السيارات المعتمة النوافذ وليست المظلله عي معابر النجاح للوظيفة انت قايل انتشار الفشاد الاخلاقي ده من ساي انها الحكومة افقار وافساد انت بتخاف تقول ليهم الحقيقة دي ليه .. خايف يقفللو ليك قناتك وجريدتك وزي ما بتقول علوية جارتي لو انت على حق ما ود مقنعة بخوفك يلا نجي لمحور الحرية النسبية ودي شايفك فكيتها كده ومشيت .. يا خ انت جد حريف يا حسين يا حسين انتو كلكم رغم شعار قناة الحرية والجمال .ز بتخافو من الحرية ليه حرية منقوصة يا حسين الحرية ما منحها تدونا ليها بالجمرة الخبيثة ولانو انت حتى الحرية عايزين تستثمروها ناس الجبهة الثورية وكل حملة السلاح ليهم حق نحن يا حسين ناخد حريتنا ونتجدع بيها زي ما عايزين مش ربنا سبحانه وتعالى قال لكم دينكن ولي دي وقال قد تبين الرشد من الغي فمن شاؤ فليوؤمن ومن شاء فليكفر والكفر لغة هو الرفض ودي اعلى درجات الحرية تجي انت على لسان الحكومة تقول الحرية دي باقصوها؟ ليه يباقصوها.. والله انت زول غريب يلا نجي لي لحزن السودانيين العايزهم في ام فششوية وطوكر يزيلو الفقر انت قايل الناس ديل عنهم عصا موسى انت ما تكلم الرئيس مباشرة وقول ليه : يا ريس انت قبل كده هددت المستشارين وقلت ليهم انا بشيلكم لانو مرتب الواحد فيكم بعين لي 4 اطباء فعليك الله ياريس شيل الولاة والمدراء مكاتب الولاة والمعتمدين ومدراء مكاتب المعتمدين ووزراء الولايات الكتااااااار واستبدالهم بمدراء اداريين والوزراء الاتحاديين ووزراء الدولة ( ديل يا حسين انا مسميهم مساعد الياي ومساعد الياي عمره ما ببقى ياي ) وبعد مايشيل العطالة السياسينن يوحد الجهات الامنية الكتيرة في جهاز واحد ويشيل اكبر عدد من الضباط والافراد لانو ديل بشيلو مرتباتهم ومخصصاتهم قبل اي زول وشوف الفايض الحيكون في الميزانية ده غير انو بيخفالضغط الضريب على المواطن وبيحصل استقرار في السلع بعدها حزن السودانيين حيتحول لانتاج والانتاج كلما زاد كلما خرجنا من الفاقة لانه بيتيح فرص عمل بتزيد بزيادة الانتاج وبكدة بنقضي على البطالة هسة دي دايرة ليها مؤتمرات او لجان؟ نشن على الفيل يا حسين نحن مقدور علينا والسلام عليكم ورحمة الله

---

Post: #179 Title: Re: مواصلة Author: اخلاص عبدالرحمن المشرف Date: 04-17-2014, 12:56 PM Parent: #178 د/ محمد حسن كيفك الزول ده ما عصرت علي شديد. يعني عاوزه يقوم بعمل المعارضه غايتو لو جاب كبح 20 دقيقه يكون ما قصر ويوم تأتي يجيب بنت ناس المهدي الشاطره ال في البنك الدولي والعافية درجات

---

Post: #180 Title: Re: مواصلة Author: د.محمد حسن Date: 04-19-2014, 08:07 AM Parent: #179 حلقة الخميس اول امس قبل ما اخش في تفاصيلها بعد ما انت انتهيت من بكائيتك الطويلة التي استغرقت ساعة الا شوية اتذكرت قصة الراجل المظلوم وعايز يرفع شكوى فنصحوه يمشي للعرضحالجية جمب المحكمة ، العرضحالجي ساله غن مشكلته وابرز جوابها المهمة ،العرضخالجي بدا بدا بي خطه الجميل يكتب لمن ملا 4 ورقات اداها لصاحب المشكلة عشان يقراها .. المظلوم وهو بقرا انفجر بكا شديد بتاع العرضحالات استغرب يا زول مالك الراجل رد عليه من بين الدموع الغزيرة ( ما كنت قايل نفسي مظلوم قدر ده) اها انت بعد ما انتهيت من مناحتك انا قعدت ابكي لاني ما كنت متخيلكم ظلمتو السودان قدر ده ودون الخزض فيماذا فعلن انا استوقفتني في كل تساؤلاتك كلمة ( نحن) نحن دي قاصد بيها باقي الشعب السوداني الفضل؟ مادا فعلنا نحن طيب انا بة عن الشعب السوداني الفضل لاني جزء منهم وكل الذين اعرفهم من اهلي واقربائي وزملاء الدراسة وزملاء العمل لايؤيدون هذه الحكومة منذ30 يونيو ( الا من ابى) فكل الغملناه اننا تركنا هذه العصابة الانقاذيو تعيث في السودانا فسادا وافسادا بكل انواع الفساد اما اذا كنت بتقصد بنحن الحركة الاسلامية او العصابة الانقاذية؟ فسمي الاشياء مباشرة ما تدسى ورا الشعب المسكين الفضل ده لانه زي ما قلت ليك على مدى ربع قرن 25 سنة الخدمة المدنية عموما والاجهزة النظامية ومفاصل الدولة غير الولائيين ما فيها شي امشي لاخوك الرئيس واشيل ليه الحلقة وشوف رايه لو بكى يكون طيب ومسكين وعارف ناسو عملو شنو ولو اعتقلك بعد الاعتقال انضم لحركة العدل والمساواة اصلهم ناسك وباقي الحلقة ونسة سائ والسلام عليكم ورخمة الله

---

Post: #181 Title: Re: مواصلة Author: اخلاص عبدالرحمن المشرف Date: 04-20-2014, 04:32 AM Parent: #180 د/ محمد حسن كيفك حين كانت الحريات مكفولة للجميع كان لدينا اقوي حزب شيوعي في المنطقة واكثر حزب اسلامي مستنير في المنطقة وحتي = طائفيتنا = ما بتشبه الطائفية , كان لدينا شيخ علي عبدالرحمن الشيخ الاحمر = ودي مناسبة للترحم عليه واللهم اطرح البركة في ذريته = وفي الدنيا دي كلها ما سمعت لي بطائفية بترسل الطلبه للدراسة بالخارج وكثير من السودانيين درسو ( قوائم شيخ علي عبدالرحمن ) وحتي الانصار كفل لهم حزب الامه في مناطقهم ان تكون حياتهم كريمة موفوري العزه ( وازعم ان الختميه متقدمين في طرحهم علي الانصار ف رغم التبجيل للمراغنه الا ان ناسهم ( top vip الذي ظن ان الامر جديد ) وحين العتب عليهم يردون انتم كمثمر الشجر يرمي بالحجر لنيل الثمر ونحن (اولادكم الصعاليك ). هبة سبتمبر وما أل له = ربيع العرب = ارعبت الكثيرين وببساطة ان لم تبسط الحريات ف نهر الدماء المنسكب الان سيكون دمارآ لكل المنطقة , من يظن انها ندوة ولا عشرة والناس تزهج واهم لان ما دفع ثمنآ لهذه الندوات من ذل ناله الجميع وفقر تفشي حتي اكلت الحره ب ثدييها لا ينسي في تاريخ السودان ولن يفرط احد فيه فقد وصلنا الي نقطة استوي الموت والحياة فيها . حين اطلب من حسين خوجلي فتح قناته للمعارضة اعرض عليه خيرآ كثيرآ . لما حسين خوجلي ذكر تصدير الضان وكفاح الضان ال ساترنا ضحكت واتذكرت كفاح الطلبه ال كان ساترنا وشكرآ للبعثين

---

Post: #182 Title: Re: مواصلة Author: د.محمد حسن Date: 04-20-2014, 07:53 AM Parent: #181 حلقة السبت والسبت اخضر تحدث العرضحالجي عن 1- اقامة الندوات 2- الاستعداد للخريف 3- فساد الانشاءات من فساد المسئولين 4- الاحزاب التي شاخت انتو مالكم مجلقبين من الندوات.. شايف في بنبر بكري ده المؤتمرجية والكيزان مجقلبين شديد من قصة الندوات وغالبم البسوو ذكرتني نكتة اخونا البجاوي سمع الناس بتزيد اللبن موية فعمل زيهم ، واحدة من زباينة استغربت من شكل اللبن قلت ليه لبنك ده مالو كدة قال ليها ما تلاوزي موية من الخور شوية نكب فيه فانت ما تلاوزو اي حبة كلام من الواقع شوية نكبو ليكم اما قصة النسا في الاحياء تلم اسمنت وزبالة وتراب وتشتغل طواعية من العواطلية اتاكدت حقيقة ياحسين ان ماري انطوانيت خالتك الشباب القاعدين عطالة ديل العطلهم منو بالله شوف ابناء المؤتمر الوطني الواحد فيهم تلقاه ماسك على الاقل اربع وظائف وظيفة في الحكومة ومستشار في هيئة شيلني واشيلك عضو في مؤسسة تاكل وتقش خشمك رئيس جمعية تاكل براك اها اولاد ناس قريعتي راحت ديل يشتغلو وين وبعد ده ياحسين تجي تشتم فيهم عطالة وعطالة طيب العطالة ديل يا حسين منو البجيب ليهم اسمنت وطن الاسمنت بقى بي كم ومنو في الاحياء الشعبية عنده حق الزبالة للجيران او التراب للجيران انت من خليت ودنوباوي بقيت رومانسي شديد كدي بالله يوم اختف رجلك وامشي السوق الجديد هل ياهو السوق الجديد الزمان؟ والناس رجلها خفت منه ليه؟ خش للقرشاب والااقول ليك امشي ناس شيتا وادخل بيوت الحلة وشوف هل بقدرو يزبلوا البيت للخريف حسين الناس ما لاقية تاكل تقول لي يجيبوا اسمنت وجيت تكحلها عميتها قلت الموسرين تتخيل ضحكت حتى بانت نواجزي الموسرين ديل كانو قبل الانقاذ والباشبزق عبد الرحيم حمدي .... ناس مركز صحي عبد المنعم ومستشفى البلك ومدارس قنجاري زمن الرجال بترد فلستو بيهم واديتوها لي ناس زقلونا ومرزوق فكدسوها ونسو ثورة ابي ذر والذين يكنزون الذهب والفضة -- بس نحن بنقول المابتشوفو في بيت ابوك بخلعك نجي لانجازات حكومة القوي السمين .. ناس هي لله شايفك بتضحك يا حسين لانه شر البلية مايضحك الجد شنو اليومين ديل ساكين الفساد؟ الترابي زمان في التسعينات الناس اختلفو في النسبة بتاعة الفساد التي قالها هل هي 90% ام 99% طبعا انت بتعرفهم من ايام الجامعة لما بتجيبو البوش وبتعزموهم معاكم لانه ما عندهم حق الفطور .. والفقر يا حسين ما عيب وكثير من ابناء الفقرا الان هم اشرف اغنياء الناس بس ديل الواحد فيهم لحد ما قبل الانقاذ كان اقل من عادي الانا يمتلك القصور والضيع والاموال خارج الحدود ولو اتكلمت انت يا حسين عنه يرسل ليك ناس الامن لانو الحركة الاسلامية استباحت اموال الدولة وياريت اموال الدولة بس او زي ما انت قلت اموال الارامل والشهداء ديل ياحسين استباحو اموال الاوقاف يعني مال الله يعني اتحدو الله فديل قوة عينهم خوفت ابليس خلتو مرق من السودان ياخ زماااان لمن عملو ضكر باعوض وقالوا يقدمو علي الحاج لمحاكمة قال ليهم ما عندي مانع بس احسن تخلو الطابق مستور اها من ديك والحكومة بغم وانت ماشي بعيد لي نائب رئيس الجمهورية والذي كان مجرد عضو بالبرلمان هرب بالاموال واستقر في لندن وخرجت الصحف تحمل صورته بامر قضائي عن مجرم هارب مطلبو القبض عليه جا وبقى نائب رئيس والباقي انت عارفه نجي للاحزاب التي تقول عنها انها شاخت ياخ حرام عليك الاحزاب دي عمرها كله 9 سنوات والباقي من السنوات كانت فيا حاضنة الانظمة الشمولية من مايوية الا الاسلاموية وصدقني بي عمرها الصغنوني ده انتو خايفين منها خوف شديد وبتحاولو تخذلوا الناس عنها وانهم ما يحضروها يارااااجل والسلام عليكم ورحمة الله

---

Post: #183 Title: Re: مواصلة Author: mohmmed said ahmed Date: 04-20-2014, 08:03 AM Parent: #182 فرمالات (((ام درمان-ود نوباوى - الشرفة)) ((من اقصى اليمين الى اقصى اليسار)) (( لمن كنا فى الاتحادات ولمن كنا فى الجامعة )) ا((اتصل بى وقالى يا استاذ-قابلنى وقال لى يا استاذ)) ((جريدتى الوان-قناتى ام درمان-اذعتى المساء)) ((ضانقيل ضانقيل وشارع مدنى))

---

Post: #184 Title: Re: مواصلة Author: د.محمد حسن Date: 04-20-2014, 08:56 AM Parent: #183 Quote: فرمالات (((ام درمان-ود نوباوى - الشرفة)) ((من اقصى اليمين الى اقصى اليسار)) (( لمن كنا فى الاتحادات ولمن كنا فى الجامعة )) ا((اتصل بى وقالى يا استاذ-قابلنى وقال لى يا استاذ)) ((جريدتى الوان-قناتى ام درمان-اذعتى المساء)) ((ضانقيل ضانقيل وشارع مدنى)) ههههههههههههههههه فرمانات او فرامات محمد اخوي حبابك الف في السهلة السودانية

---

Post: #185 Title: Re: مواصلة Author: د.محمد حسن Date: 04-20-2014, 09:58 AM Parent: #181 Quote: لما حسين خوجلي ذكر تصدير الضان وكفاح الضان ال ساترنا ضحكت واتذكرت كفاح الطلبه ال كان ساترنا وشكرآ للبعثين تعرفي يا بت المشرف الضان ده قصته قصة لانو اشتغلنا فيه قبل ما نسافر مع مصدرين لا يشق لهم غبار اول ما جو هم احتكرو لي نفسهم وتاني احتكرو لشخص وااااااحد وتاني ادوهو المستثمر العربي وده سنتين ما صدر ضنب خروف لانه عنده شان في اماكن تانية غزا بيها سوقو وخلينا من كلام حسين خوجلي المن منازلهم

---

Post: #186 Title: Re: مواصلة Author: اخلاص عبدالرحمن المشرف Date: 04-20-2014, 04:27 PM Parent: #185 ساطع الحاج 1

---

Post: #187 Title: Re: مواصلة Author: mohmmed said ahmed Date: 04-21-2014, 05:42 AM Parent: #186 ندوة الحزب الشيوعى كانت اهم الاحداث السياسة فى الايام الماضية كتبت عنها كل الصحف وتناولتها المواقع الالكترونية وحسين يشيل و يلف ويدور وعندما بدا فى قراءة الصحف اورد حديث يوسف حسين عن العمل على تفكيك حكومة المؤتمر الوطنى علق ما تصرح يا شيخ والمرة التانية برضو لم يتوقف امام الخبر وتوقف مع اخبار وفاة ابن صديقة فى حادث سيارة وحكى عن مجموعة من حوادث السيارات امس بطنو كانت طامة ودى بشارة كويسة

---

Post: #188 Title: Re: مواصلة Author: د.محمد حسن Date: 04-21-2014, 11:28 AM Parent: #187 Quote: امس بطنو كانت طامة ودى بشارة كويسة ولسة حتطم اكتر

---

Post: #189 Title: Re: مواصلة Author: د.محمد حسن Date: 04-21-2014, 12:00 PM Parent: #188 حلقة الاحد مساء الامس وشكلو اخونا حسين بدا العد التنازلي . لانه ضيع فرصة الانفتاح الاعلامي للمعارضة غايتو تاني الا يشكوها والحكومة تدس الكوتشينة لكن مع الندوات دي ضيع فرصة اظهار نفسه بالديمقراطي يلا نشوف قلت شنو يا حسين 1- المكاجرة 2- تغيير سلم سبدرات 3- شوارع الزلط والموت المبذول حكوميا تعرف يا حسين مكاجرة الاهالي مقدور عليها ولو كانت حكومة الانقاذ عندها سلطة فعلية وما ######انة كان موضوع المستثمر ده اتحسم بقرار زي قرار سيدنا عمر ولكن لان عمر ليس بعمر حصلت المكاجرة نجي نشوف مكاجرة الكيزان دخلو انتخابات 86 قعدو في المعارضة شالين مكاجرة دخلوا مع الصادق في الحكومة اشتغلو مكاجرة الميرغني عمل اتفاقية جميلة في البرلمان كاجروها في وجرايدكم كاجرتوها مكاجرة السنين مكاجرة لامن قلبتوها اها جوكم الناس بمختلف مذكراتهم كاجرتوهم عملتو مؤتمر الحوار الوطني جوكم علما من مختلف انحاء العالم وقالوا كلامهم كاجرتو التوصيات مع انكم دعيتوهم ناس مجلس الثورة القالوا ليكم خفو على الخلق شوية كاجرتوهم وطاغيتوهم منهم من قضى نحبه ومنهم من ينتظر قلت للناس ازرعو زرعوا ما قصروا جاكم قنيق ولدكم قال ليكم عبد الرحيم حمدي ده كعب للبايع والشاري كاجرتوهو ومرقتو من الوزارة جدعتو والي اتعمل التجمع وقال ليكم نحلها وديا كاجرتو وقلتو ليه شيل البنقدية وقد كان عملتو اتفاقية نيفاشا للسلام وقالوا ليكم اوكي ربي يباركها بس نصلحها منفعة للناس كاجرتو قرنق قال ليكم نوسع الماعون .. كاجرتو ولي هسة بتكاجرو نفسي اعرف انتو عايزين شنو وانت شنو وجيتو من وين ؟ اما قصة انو قناتك دي كان ليها السبق في تغيير السلم التعليمي ... لا يا حسين يا بتاع الدائرة المستديرة انت عايز تسرق جهود علماء كثر منذ بداية اقرار هذا السلم كانو بيعارضو فيه لكن الحكومة مكاجرة اي نعم انت عندك منبر اعلامي تتجدع فيه زي ما عايز لكن اولاد المقنعات الغبش برضو وصلوا رايهم للحكومة وكم مرة قلت ليك جيب صاحبك سبدرات واساله قول ليه عملت كده ليه؟ شارع الزلط اتحفر عشان المسئولين اكلو القروش بعدين بالمناسبة انت ما بتتكلم عن غسيل الاموال ليه ؟ والسلام عليكم ورحمة الله

---

Post: #190 Title: Re: مواصلة Author: د.محمد حسن Date: 04-22-2014, 08:35 AM Parent: #189 حلقة امس الاتنين والامعان في الفصامية ( وبعدين بطنك طامة مالها .. بقى دمك تقيل لا بتجيب نكت لا طرائف وكانك كاره اي حاجة) اتكلمت عن 1- فيتنام 2- معندس الكويت والباقي ونسة مع انو في اخابر استحقت تقيف فيها فيتنام .. انت نسيت يا حسين انو فيتنام دي ملحمة من اروع ملاحم التاريخ الانساني في القرن العشرين شعب اعزل فقير بقيادة خليط من ماركسيين وبوذيين قهرو امريكا فخرجت ذليلة ومازالت تعاني اثارها حتى اليوم عارف انو ربنا نصر هؤلاء الكفرة ليه؟ لانهم مظلومين وربنا قال اني حرمت الظلم على نفسي وجعلته بينكم محرما لم ينظر الى لحاهم او تشدقهم بالعبارات او دهابهم للمساجد متعطرين بافخر العطور الباريسية ولكن نظر الى مسغبتهم وارادتهم في قهر الظلم فكان الرؤوف الرحيم بهم وانتصر الكفار على المسيحين المؤمنين وصمتو طيلة القرن الماضي وخرجو للعالم يف الاعوام الحالية من القرن الواحد وعشرون دولة عظمى مما في جعجعة ما قالوا امريكا تحت الجزمة ولا قالوا للامريكان ليكم تسلحنا ولا قالو حنشيد نحن بلادنا ونفوق العالم اجمع وما قالوا عملنا طيارة بدون طيار وما قالوا صنعنا دبابات ولا قالو اكتفينا من الاكل صمتو قربة الخمسون عاما يكدون في صمت حتى انا العالم نسي ان هناك شعبا عظيما يسشمى الفيات كونغ والان يبهرون كيزان السودان ومن ضمنهم حسين خوجلي تعال شوف الاسلاميين العندنا خلو اسمنا على خشم اليسوى والمايسوى وياريت لو اكتفو باشانة سمعتنا سرقو قروش الدولة وغسلو القروش بتاعة المافيا العالمية وسرقوها سرقو قروش الحج والعمرة والاوقاف ما خلو قرش طاير دخلوا المخدرات الخطيرة ( زمان ناسنا حنينين ياهو البنقو ده) فتحو البلد لتجارة الدعارة بمختلف اسمائها ياربي دينهم ده اتعلمو وين؟ الا في فارس رود لانو ما عرفنا الركشات الا مع الكيزان ده الفرق بين الناس البتؤمن بقضاياها ايا كانت توجهاتها الفكرية وبين من يلتزمون التنظيمات حبا في المال نجي نمسك حكايتك بتاعة مهندس الكويت والقلت انها بتشبه الحكومات والدول لا ياحسين دي ما بتشبهنا دي بتشبهكم انتو الاتنكرتو للوطن لصالح الحركة الاسلامية العالمية فلفظتم الشعب السوداني ابوكم في غرفة الخدم انت بدون وعي منك بتسترجع مساويء الاسلاميين لمن لحاجة في نفسك بتقوم تلصقها فينا يازول مالك علينا والله نحن شعب نضيف بالله اقرا كتاب الاسلام الشعبي لدكتور يوسف فضل بيوريك قيمنا ضرب مثل بانو الواحد يجي لبتاعة العرقي ويقول ليها ( يا حاجة) امبارح العرقي بتاعك مغشوش وبدون ارادة منها تنتفض بائعة العرقي ( الحاجة ) وباستنكار تقول ليه : بري يا ولدي انا ما باكل حرام وعندنا امثلة كتيرة للناس الكانو بختلسوا او بلعبو قمار القروش الاختلسوها او كسبوها في القمار بسكرو بيها ويعربدو بيها وما بشيلو منها للبيت وفلسفتهم انهم ما بأكلوا اولادهم حرام وعندهم العبارة المشهورة ( يذهب الحرام حيث اتى) وجوني ناس بني مسلمان وحيروا ابليس مجاهرة بالحرام مش المعصية وتظليل السيارات لدرجة الاعتام ياخ انتو اسوأ من السوء من الاخبار التي مريت عليها حوفا خبر غسيل الاموال ياخ ادي شوية اهتمام على الاقل الناس الغبش القاعدين ليك في السهلة من اعضاء حزن السودانيين يفهموا شي ويمكن يتفتح ملف محمد طه محمد احمد الراجل كان صاحبك ورفيق نضال والسلام عليكم ورحمة الله

---

Post: #191 Title: Re: مواصلة Author: cantona_1 Date: 04-22-2014, 02:21 PM Parent: #190 أضرب يا دكتورنا العزيز بالحتة الفيها الحديدة. ولا تأخذك فيهم رأفة ولا رحمة ولا ترعى فيهم إلّاً ولا ذِمّة. تحياتي كبـّاشي الصـّـافي (العوج راي والعديل راي) .

---

Post: #192 Title: Re: مواصلة Author: د.محمد حسن Date: 04-23-2014, 08:13 AM Parent: #191 اخي الكريم كانتونا اشكرك لك هذه المؤازرة الحماسية

---

Post: #193 Title: Re: مواصلة Author: د.محمد حسن Date: 04-23-2014, 08:43 AM Parent: #192 حلقة الثاثاء ودي حقو نسميها حلقة الحصاد المر ( يا حسين وشك ينعل قفاك واعمل حسابك من الضغط وحاول تنزل وزنك لانو الضغط النفسي الحاصل ليك من ناسك بالاضفة لضغوط اخرى حيوديك التوج) استرعى انتباهي في حلقة امس 1- اقرار الذمة 2- ذكريات نميري 3- التكالب على الحركة الاسلامية 4- الاسئلة بتاعة هل اي نعم الاخوة السعودين عملو برنامج وجميل لتنقية الذمم وبدأ الناس يودعو فيه ودي بادرة جميلة وانت اثنيت على فكرة الشباب بس يا حسين الفرق كبير بيننا وبين الاخوة في السعودية لانو ديل مقرين باه الشالوهو ده دون وده حق وانهم سرقو وعايزين يصفو نفوسهم لكن ناسكم يا حسين اعتبرو السودان ده كله غنيمة ( شوف زي جماعة الوالي ديل .. عارف قعدت اسال نفسي السرقو الاراضي والقروش الكتيرة دي عايزين يعملو بيها شنو؟) وما نحن الا يهود خيبر مش شعارهم خيبر خيبر يا يهود جيش الوالي سوف يعود ناسكم ديل متهم اوسع من رحمة الله اموال السودانيين خارج السودان 45 مليار دولار يا حسين وانت عارف والله عارف والبشير والحكومة كلهم عارفين يا حسين الحرامية السرقوا القروش وختوها برة ديل قالو دي خاتنها للزمن عشا ن يقروا بيها اولادهم ما قريت اللقاء بتاع عبد الرحيم حمدي في الراي العام لما قال عايز يعمل بنك عشان ما يخلي اولادده فقراء انت بتحلم يا حسين ديل ريال ما برجعو وبعدين شركة الاقطان المحامي فيها منو؟ ات ماك نصيح؟ بس الخلاني احس بي وجعك اختيارك لسوار الدهب وشمو مشيت ورجعت لاهلنا الغبش نس هي لله كفرت بيهم من ناحية الامانة عليك الله مش يخجلو؟ نميري والشهامة دي ما بتغالطو فيها اتنين . الله يرحمو حقيقة كان ود بلد وانتو السبب في فساده وتدهور السودان ويستحضرني كاريكاتير الراحل العبقري عز الدين لذلك الاغبش الذي يمر امام البنك رافعا يد بالتحية ( السلام عليكم با بتاعين العيش) اوريك الفرق بين اخلاق نميري واخلاقكم نميري فك الراجل من قبضة الامن المصري اما ناسكم يا حسين بعد المصالحة الشهيرة كانو اخطر على الطلاب السودانيين من الامن المصري كانو احسن ذراع للامن المصري داخل السودانيين وشخصي الضعيف اكتوى بنارهم حيث تم اعتقالي بواسطة الامن المصري للتحقيق او زي ما بقوا هم قرصة ودن وكان الاتحاد العام للطلاب السودانيين هو الذي قام بالوشاية على عدد كبير من الطلاب السودانيين يا خ انت فيكم خسة ما سمعنا بيها قبل كده تاني شايفك قعدت تردح ردحي شديد في انو العالم بدا يحارب الاسلاميين وتكالب العلمانيين واليساريين على الاسلاميين كدي خلينا من العالم البرة خلينا في السودان المسكين ده انت رايك شنو في العملو الكيزان في السودان؟ واسال نفسك بينك وبينا عن اخلاصنا كيف تتجاهل شوقنا البينا ديل مارسو فينا ارهاب ما انزل الله به من سلطان مارسوا فينا فساد .. سبحان الله انا عجبني الكاريكاتير بتاع الراجل الجايبينو النقطة وهو ضعيف والشاكي سمين ملتحي وهو بيشرح للضابط قال ليه ( والله يا جنابو سمعت النسوان بزغردو افتكرتها اتقلبت بدون ما اشعر اديتو كف) ما تشكر الراكوبة في الخريف الحركة الاسلامية والاخوان في مصر قبل ما تهاجم العلمانيين واليساريين شوف اخطاءهم شنو الخلتهم بقوا منبوذين اسئلتك الختمت بيها الحلقة بتاعة هل وهل كل الاجابات ليها باذ ن الله نعم بس انتو انكشحو والسلام عليكم ورحمة الله

---

Post: #194 Title: Re: مواصلة Author: د.محمد حسن Date: 04-24-2014, 00:13 AM Parent: #193 حلقة الاربعاء اولا اشكر ليك انك غيرت التيرمس تانيا تعلمت ان اعطي الناس حقوقها اهنئك على هذه الحلقة من مقدمتها وجتى خاتمتها رغم اختلافي معاك في بعض جزئياتها ولكن لانها اتفقت مع كثير طرح ادليت به وادلى به غير عن ان الثالوث المدمر غسيل الاموال والمخدرات والدعارة قمة هرمها التخابر وللاسف كثير من مؤسسات الدولة ضالعة في هذا الثالوث لاني على قناعة تامة ان كل من وقع في شراك غسيل الاموال تم تجنيده واصبح لا فكاك له الا بالانتحار في مؤتمر الدوحة لمكافحة غسيل الاموال في الاعوام الاولى للالفية الثانية اضطلعت على المؤسسات الحكومية الضالعة في عمليات غسيل الاموال ذهلت مما قرأت قرابة اللاثون مؤسسة او يزيد ومن العيار الثقيل احسست لاول مرة منذ متابعتي لحلقات هذا البرنامج بنبرة صدق في كثير جدا مما قلت خاصة تساؤلك الذي كان يجول بخاطري من الذي احضرها وهذا هو السؤال لانه اذا لم يعدم سيأتي باربعة حاويات اخر وما تبقى من الحلقة فيه اتفاق واختلاف ولكن ليس بذي خطر فقط نامل ان تاتينا الديمقراطيات القادمات بقيادات ذات كاريزما والسلام عليكم ورحمة الله

---

Post: #195 Title: Re: مواصلة Author: د.محمد حسن Date: 04-24-2014, 08:33 AM Parent: #194 جب تكثيف الدعوات والحملات بصورة لم يسبق لها مثيل للتصدي للخطر القادم

---

Post: #196 Title: Re: مواصلة Author: د.محمد حسن Date: 04-27-2014, 11:21 AM Parent: #195 حلقة السبت الامس اولا حمدالله ع السلامة ونسال الله ان تكون لك اجر وعافية ( لو كنت ما جيت كان غلب علي سوء ظني الدائم بالانقاذ وقلت وقفوا برنامجك) طب اتكلمت عن 1-الترهل 2- من وين 3- الفساد تعرف يا حسين انت زي ود القلباوي ده مثل كانت بتقولو لي الوالدة الله يرحمها وبما انك لسة بتحب امدرمان بالرغم من تخرطمك وتريضك فاكيد بتعرف المثل ده وللناطقين بغيرها ( القلباوي يفلق ويداوي ) يعني انا زمان شبهت الانقاذ دي بي مرة سمينة قاعدة في بنبر في التكل وترسل في البجيها كله .. عليك الله ناولني ده .. وعليك الله ناولني ده ولما تحس انو الناس زهجو منها تكريهم بشوية حاجات او تغض الطرف لو شالو شي من وراها كتير اتكلمنا انو آفة النظام الترهل الكبير وكترة الولاة ونواب الولاة يا حسين ديل بلهطة 70 من الفصل الاول يلا نجي لي من وين من الطبعة والذرة الرفيعة اصلو ما اختلفنا بس في الاول ومن غير اي (دائرة مستديرة )زي ما بتقول علوية جارتي من غير اي مائدة مستديرة او مؤتمر حوار وبما انو نحن في حالة استعداد لمرحلة جديدة 1- الغاء كل المجالس التشريعية 2- اعفاء كل الولاة ودمج الولايات في بعضها االبعض 3- اعفاء كل وزراء الغفلة وتسريحهم يشوفو ارزاقهم بعيد عن اموال الدولة 4- تعيين وزراء جدد من ذوي الكفاءة والنزاهة وطهارة اليد والمعففين ومن بيوت ليها وزنها وان لا يزيد عددهم عن 15 وزير 5- اغلاق كل بنود الاحتفالات والصرف البذخي 6- تحويل كل اموال شركات الحكومة للخزينة العامة وتجميد هذه الشركات وتسريح جيوش موظفيها يتبع هذا تخفيض الضرائب لانو الدولة صغرت دعم الزراعة دعما حقيقيا وليس سياسيا استمالة مصدري الماشية الذين ابعدتهم الانقاذ بدعوى التمكين تقديم تسهيلات للمصانع اعادة هيكلة البنوك لانها كلها فاسدة وهي سبب ارتفاع الدولار الوهمي تقليل الجمارك تقليل تعرفة الكهرباء وبعد كدة حتشوف العجب صدقي يا حسين لان ما سبق اعلاه سيغري الحركات المسلحة بوقف القتال والاحتكام للحوار لكن لو عايزنا نقبل بالحكومة دي ونشتغل بتكون واهم الفساد ابدا من فوق التحت بنضف وبس

---

Post: #197 Title: Re: مواصلة Author: د.محمد حسن Date: 04-28-2014, 09:08 AM Parent: #196 حلقة الاحد مساء امس غايتو يا حسين مرات بحس انك تقدمي ضل طريقه للكيزان فلا اسلاما بلغ ولا تقدمية ترك محاورك 1- الاسرار 2- التسويق لزراعي 3- الترحم على شهداء سبتمبر 4- الفساد في مسام المؤتمر الوطني تعرف يا حسين السودان ده البلد الوحيد المافيه اشاعة لكن فيه الاسرار مشاعة وخاصة في عهد الكيزان الميمون لانو الجابوهم مسئولين كلهم جو من اصقاع المجتمع النائية قبل ما يككونو كيان اجتماعي خاص بيهم نتيجة التطور الطبيعي للمجتمعات فجأة انتقلوا من بيوت الطين والمدافرة في الحافلات الى بيوت فارهة دون المرور بالحالة الوسطية وركبو اخر الموديلات دون المرور بالسكند هاند في وقت فيه قدامى الموظفين في دائرتهم الذي كاتنت تظن الانقاذ انهم مستحضرات نباتية تفيد ولا تضر وهي لا تعلم انهم آفة المجالس فتناقوا اخبار الهكسوس والسودان يا حسين بلد يتناول اخبار الرئيس كما يتناول كباية الشاي وكل ما تناولته جلسات الانس والبكيات ودار الرياضة امدرمان فيه الكثير من الحقائق لان التغتغت الديكتاتوري لايمنع تناقل الاخبار فصحف الشفاهية الشعبية فما بتحتاج لزهمرة وانت شخصيا تعرف الكثير مما تظنه اسرارا وهو مبذول للعامة .. عارف يا حسين السرية في شنو .. في انك ما بتقدر تكتبو او تذيعه رغم قناعتك التامة جدا والامانة المهنية تفرض عليك انك تكتبه حتى يصير دامغا لو عايزين السودان يمشي لي قدام سؤال صغير تقدر تلمح فقط الى ( اين ذهبت اموال المنظمات الاجنبية التي طردت بليل من الخرطوم؟) لماذا لا تدخل اطباق البيض الى مدينة بورتسودان؟ الديمقراطية ميزتها انها بتقضي على الشائعات وبالتالي تقل الاسرارا المشاعة وبعدين شوف يا حسين السودانيين ديل خبرما بهمهم او بدخل في معاشهم ما بشتغلو بيه يلا نجي نشوف التسويق الزراعي تعرف بعد مرات بتكون رومانسي اكتر من اللازم فبتغيب عنك الحقائق اول حقيقة هي انو القوة الشرائية محرك لاي انتاج والقوة الشرائية في السودان عايشة في حالة انيميا 24 عام تتذكر السوق الجديد ( سوق ودنوباوي) كان الخضرجية بجيبو خضارهم من كرري العجيجة وبفرشوا في السوق الجديد الساعة 10- 11 كان خضارهم بكون انتهى وخضار طازج ونضيف ومعروفين وفي الصيف الصفيحة بتاعة الطماطم نسوان الحلة بتشاركوها اول ما تبقى بين 10 قروش و 5 قروش ويتقاسموها وينشفوها صلصة والنفوس متطايبة جونا الهكسوس اول حاجة مرقو الناس من الشغل فاصبحو مفلسين وسعو الجهاز التنفيذي لدرجة لا تطاق فضاقت الخزينة بما رحبت فتفننو في الضرائب والجبايات احكي ليك قصتي واحتمال اكون قلتها ليك بس الشيء بالشيء يذكر كنت فاتح عيادة بيطرية ( لو كنت عارف انو الدنيا دوارة كان حبت عبد الرحمن الخضر على الاقل بحكم الزمالة كان عملني نائب نائب) في امبده السبيل اترزق الله من عرقا حلال فجاة يوم الساعة 8 مسا عربتين بوكس وعساكر وضباط بلدية وموظفين دهمو علي ( تقول داسي لي اربع حاويات فياجرا) ؟ اها بعد السلام والضيافة وعشان انا زول زوق جبت ليهم حاجة باردة الضبط الاداري قال لي انت اوراقك وين قلت ليه انا جيتكم كذا مرة في المكاتب ما بلقى ولا زول . قال لي ايوة بنكون شغالين ميداني ، المهم نحن هسة جيناك قلت ليه حبابكم قال لي تدفع 25 الف ( سنة 96) قلت ليه بكرة ان شاء الله اجيكم وادفع ليكم قال لي لا تدفع الان قلت ليه ياحخ هسة ما عندي خليني الملم اطرافي وباكر باذن الله اجيكم ادفع قال لي يا تدفع يا نقبضك ونشمع المحل قلت ليه اقبضني وشمع .. وطبعا الجيران اتلموا وبقيت فرجة المهم واحد من جيراني ناداني وادني المبلغ اديتو ليه ، فتح الشنطة ودخل المبلغ ووقف على حيله قلت ليه ماشي وين قال لي ما خلاص قلت ليه ما خلاص اديني ايصال قال لي تعال بكرة المكتب شيل الايصل وساق عساكره وطلع وحتى الان ما اداني الايصال .. نهب مصلح ومسلح بالعساكر عليك الله في افقار اكتر من كده وزي كتيرين ونجي للزراعة وكمية الرسوم والاتاوات البدفعها المزارع وازيدك في الشعر بيت اخر اجازة جيت عندي صديقي زراعي وعنده مكتب في سوق بحري قلت ليه عايز اعمل مزرعة دواجن قال لي اوعك قلت ليه شايف لسوق كاشف قال لي ايوة لكن السوق متحكم فيه بواسطة تلاتة اشخاص واحد في بحري وواحد في الخرطوم وواحد في امدرمان والباقين سماسرة تبع النسا ديل والموضوع ده في كل الانتاج الزراعي والحيواني ( طبعا الجماعة المتحكمين في السوق معروفين تابعين لي وين) فعشان اقدر ابيع بسعر مجزي لازم اكون تحت واحد من التلاتة ديل واكون معروف انا زول فلان غير كدة ابقى زي بتاع التمك ( البطيخ) نحن بنعيش عصر الكيزان لمن زيتنا كمل ونشفنا ان تاتي متاخر خير لك من ان لاتاتي ابدا اثمن لك تحيتك لشهداء سبتمبر لاني احسستها صادقة جدا وكأنك احسست بفداحة الظلم الذي حاق بهؤلاء الشباب في وقت يسرق فيه من هم في اعمارهم 900 مليار هي اموال كل الفقراء والارامل اما صديقك عبد الرحمن الخضر ولاني لا اعرف عنه شيئا وانت تعرف عنه الكثير الم تلاحظ وانت تقرأ الخبر انك في معلومة مريت عليها سريع اللي هي معلمة استرداد 9 قطع اراضي مميزة ، ووجدت المحكمة انو عدد ال 24 قطعة الاخرى انهم تمملكوها قبل ان يعينو في مكتب الوالي نفرين يا حسين عنده 24 قطعة مميزة كانو وين شغالين واخدوها كيف والاداها ليهم منو واذا افترضنا جدلا انهم عندهم 24 قطعة ممتازة البجيبهم يشغلهم موظفين شنو؟. يرجوا الراتب اخر الشهر بالله يا حسين ادونا كلام يخش العقل اما كلامك للمؤتمر الوطني انو يعمل حسابه من الكوادر الشابة انت عارف وانا عارف والله عارف والترابي عارف انو من يوم حصلت المفاصلة المؤتمر الوطني فقد الرأس المرشد الموجه الحركي التنظيمي وفقد القدوة لانه الجبهة الاسلامية القومية هي الترابي فكرا وقيادة وتوجيها وتنظيما وكان الولاء للترابي اكثر منه للتنظيم مع المفاصلة الانتهازيين لبدوا مع الحكومة ( طبعا انت اخدت منزلة بين المنزلتين ) والمتمسكين بالفكرة ظلو مع الترابي ولانو التنظيمات الطاليبة فقدت الموجه كان الاستقطاب للذين يريدون سلطة ومناصبا وتسهيلات عشان كده عضوية المؤتمر الوطني من الشباب كلهم دخلو المؤتمر للنهب المصلح ودي ما دايرة ليها درس عصر عشان كده المؤتر الوطني بقاؤه مرهون بوجوده في الحكم والله يسقط في الانتخابات باكر محمد محمد خير بتاع تورنتو يجري لابو هاشم والسلام عليكم ورحمة الله

---

Post: #198 Title: Re: مواصلة Author: mohmmed said ahmed Date: 04-28-2014, 09:42 AM Parent: #197 اقاوم فى النعاس وحسين ذاتو بقى بطنو طامة وما قاعد يحكى الطرائف منتظر اقوال الصحف وحسين حيقول شنو عن قضايا الفساد وخاصة قضية الاقطان فاصل ثم نعود وننتظر يعود حسين والمانشيتات كلها اخر لحظة-السودانى-اخبار اليوم-الوان-الراى العام كلها عن فضيحة التحلل اها الليلة وين يا حسين بتزوغ كيف اها بعد القراءة رفع كم الجلابة ونزل الشال لفتحة الصدر ومصمم الشفة الناس دايرين تعليق على الاخبار دى اها قول اول حاجة تحية لهبة سبتمبر والشهداء تمام بداية موفقة بعد داك نشكر الخضر لانو شجاع كشف القضية وقدم شهادة لانو اعلامى وعندو خبرة فى الصحافة الجامعية والمحكمة ذات ما قصرت حسمت المحاكمة بسرعة والناس لو تمت محاكمة ليهم ما حيرجعو القروش ويترمو فى سجن الهدى والمال تلتو ولا كتلتو وصدق الله العظيم ويلا فرقتو قصرتا معاكم

---

Post: #199 Title: Re: مواصلة Author: د.محمد حسن Date: 04-29-2014, 09:07 AM Parent: #198 Quote: ويلا فرقتو قصرتا معاكم حاشاك يا با محمد سلام عليك في الدارين

---

Post: #200 Title: Re: مواصلة Author: mohmmed said ahmed Date: 04-29-2014, 09:18 AM Parent: #199 فى مثل مصرى عوير كدا بيقول علمنى الرزالة يا بابا تعال فى الهيافة واتصدر حسين مرات يمسك له موضوع صغير ويبتدى يصرخ ويرفع اصبعه محذرا نحنا ما بنسمح ونحا ما حنقيف ونحا والله والله امس فى موضوع ساحة امام مسجد فى بيت المال هرج ومرج وهدد الحكومة ذاتا وقدام موضوع التحلل كان زى الحمل الوديع او فلنقل الثعلب المكار

---

Post: #201 Title: Re: مواصلة Author: د.محمد حسن Date: 04-29-2014, 09:31 AM Parent: #199 حلقة الامس الاثنين وقبل ما ندخل في المحاور يبدو اننا مع هذه الانقاذ سنالف في كل حقبة فقها جديدا فقد بدأت بفقه التقية والذهاب للسجن رئيس والاخر للقصر حبيسا ثم فقه التمكين والذي من خلاله نهبت اموال الرأسملية الوطنية وتم بها تمويل من لم يشاهد العشرة جنيهات في حياته ناهيك ان يحلم بها فكان هذا السفه المقيت في التصرف في الاموال وعديل بقولها ليك الشعب السوداني عنده مثل بقولو على جماعتك ديل ( الما شفته في بيت ابوك .. بخلعك) ثم فقه القرين وما ادراك ما القرين .. واظن يقينا حى لا يكون لي بعد هذا الظن اثم لو مشيت لي ظريف امدرمان بملاك نكت عن هذا القرين وفقه السترة والذي بموجبه تمت التسوية مع الحاج ادم وحضر من لندن بعد ان كان مطلوب القبض عليه عاد نائبا للرئيس والان نحن نعيش فقه التحلل ويبدو ان لوثة هذا الفقه اصابت اخونا وود حلتنا حسين خوجلي ( والله يا حسين شدة ما بطنك طامة ليمون الشرفة كله ما يفكها ليك ) طبعا يا حسين بعد بقيت مراقب من بعيد لقيت جماعتك ديل فاقو سوء الظن العريض بدليل ان حلقة الامس كانت موت ثم قتل ثم موت الموت الاول تزامن معه البتر ولاني اقرأك بكل رمزياتك فما عارف هل انت خايف من بتر الوطن جزءا فجزءا كانما توجه رسالة شديدة اللهجة للماكسين بزمام البتر وكأنك بما لديك من معلومات بحكم قربك من ابناء تنظيمك تحذر هذا الشعب السوداني الفضل كنوع من التحلل الخجول المستتر ام هي رسالة لمن تبقى من الاسلاميين الذين تظن فيهم الشرف والامانة والعفة والقوة ان يقوموا ببتر هؤلاء الفاسدين ممن تلبسو لبوس الدين وادخلو البلاد في دين وكانك قد ضاعن منك ( الطاسة) كما يقول الناطقين بهيك .. وشو .. اعلم يقينا ومن خلال حديثك ان تظن في الوالي خيرا وتحاول ان تجد له ما يبرئه بحكم علاقة خاصة قد تكون تربطك به .. ولا تريد ان لقلمك مزاولة الشطط لان ما رشح من هذه التسوية يظهر ان ما ووراء الاكمة ماوراءها .. وان حرب الملفات القذرة قد بدأت وكلما قرب الحوار من الوصو ل نقاطه المنطقية كلما احس الكثيرين بزلزال المحاكم وبدأت تتبلور في الاذهان الحكمة الشمشونية الخاصة بالمعبد القتل الذي اصبح سمة اكثر من عادية في الاخبار انه الضغط من الفقر الهاااااااائل الجاثم على نفوس الناس والبحث عن لقمة حلال ما عندي اي تفسير غير كده ام الطفلة لولا الحاجة لما تركت وحيدتها ست الشاي لولا الحاجة لما جلست امام العاطلين يتغزلون فيها وهي جالسة على مضض وانه عهد الانقاذ 25 عام لم يتذكرو شيئا مما تقوله عن الاطفال والارامل واشراف الموتى حسين هذا عصر غسيل الاموال وتسلط الوضعاء وتهميش العلماء وبس ورجعت للموت النبيل عبد الماجد عثمان رحمه الله رحمة واسعة هكذا هم الافذاذ من ابناء بلادي يموتون خارج وطنهم في بلد حينما هب شبابه المستنير توضيحا للظلم تم نعتهم بناهم شذاذ افاق وهانت في حلقة الامس توضح من هم شذاذ الافاق اولئك الذين يستبيحون ارض التنفس والتمتع بهواء الله الوااااحد عشان يسثمروهو اكالا حراما بعد ان كانت هواء حلالا وشتان ما بين عمر وعمر خلي عمر ما يجيب الدقيق ولا يطبخ للصغار خليه يشيل ابل ولده عبد الله السمينة التي ترك لها الفقراء من الشعب الفضل المرعى لترعى وحدها والسلام عليكم ورحمة الله

---

Post: #202 Title: Re: مواصلة Author: اخلاص عبدالرحمن المشرف Date: 04-30-2014, 09:06 PM Parent: #201 د/ محمد حسن والاخ المحترم Mohamed Saed Ahmed الاستاذ حسين خوجلي شكلو تعبان خفو عليه شويه بجد والله عيونو واقعه اتمني له الشفاء = اختلف معه بود = والحريات ان شاء الله تزداد ولا زلت اتمني ان يفتح قناتو للمعارضه ده الصحفي احمد البلال الطيب سبقو وجمع كمال عمر ويوسف حسين الحريات تزداد وهي تكشف ضعف المعارضة وقلة مواردها الماليه قناة ما قادرين عليها

---

Post: #203 Title: Re: مواصلة Author: mohmmed said ahmed Date: 05-01-2014, 04:58 AM Parent: #202 صاح يا اخلاص بطنو طامة وعيونو واقعة وزى الداير يدمع لكن برضو منتبه لدوره ويعمل لتشتيت الكورة يعنى حكاية ميلودرامية عن الشاب الذى دمرته المخدرات ودمر شقيقته طيب دا المهم ولا الشحنات المهولة المهربة والمجرمين الذين يدمرون شباب البلد وتقول لى مؤامرة من الخارج

---

Post: #204 Title: Re: مواصلة Author: د.محمد حسن Date: 05-01-2014, 12:02 PM Parent: #203 حلقة امس الاربعاء زي ما قالت اخلاص جارتي بقيت تحنن وزي ماقال محمد سيداحمد ميلودراما لكن ورغم اتفاقي مع اخلاص جارتي ومع الاخ محمد سيداحمد انا شخصيا بايدك في الميلودراما كرسالة اعلامية واهنيك على تراجيدية السرد وده جانب اعلامي طلوب فلا غبار عليه لكن الطالب او الفئة العمرية المستهدفة والمستهدفة هي فئة ابناء الانقاذ جدا 18-22 عام يعني ابنائ المشروع الحضاري والذين يمتلكون المال هم اباطرة المال الجدد لان الراسمالية الوطنية تم انهاءها تماما في عهد الانقاذ والطبقة الوسطى والتي تعمل ( كبفر زون) للمجتمعات لانها التي تحمي قيم ومثل المجتمعات تم سحقها وبالتالي فقد المجتمع قيمه يعني الفساد الاخلاقي والانحلال هو صنيعة انقاذية 100% والذي ازكى هذه الصناعة واججها هم غاسلو الاموال ولننظر من الذي يقوم بغسيل الاموال وكما سبق وذكرت ان ثالوث الفساد يبدأ بغسل الاموال القذرة مضاف اليه مال الشعب المسلوب اختلاسا وتجنيبا وتسهيلا وده المخليك يا حسين بطنك طامة وعينك واقعة لانك ما كنت ابدا تتخيل في يوم من الايام ان يسوء لوضع للدرجة طبعا بترجع لايام الاهلية والجامعة وانت تحلم باليوتوبيا جوك الهكسوس ديل ورو البرجوبيا اختلاسات سرقات غسيل اموال اغتصابات مخدرات عربات مظللات بنات في الخيران في نهار رمضان مع ملتحين ياخ دي حاجة مش تطمم البطن خلي ساي الله يطراه بالخير صديقي الذي كان دائما يقول القذارة هي تلك التي لايمكن للصابون ان يزيلها واضم صوتي اليك من هم شياطين الانس باسم الدين الذين ادخلوا حاويات المخدرات

---

Post: #205 Title: Re: مواصلة Author: د.محمد حسن Date: 05-03-2014, 07:41 AM Parent: #204 حلقة الخميس او حلقة احتطاف بانة ولست ادري هل اسمي هذه الحلقة حلقة بانة ام حلقة الابانة ادلف مباشرة الى رمزية القصة لا ازعم اني من النتابعين لحسين خوجلي في برامجه ولكن الفترة الاخيرة كنت احاول جهدي ان اتابع عموده على الهواء في قناو امدرمان ولعمري لم اشاهد حسين ده دمستاء كما لحظته في الفترة الاخيرة من اصعب واقسى الهزائم هو هزيمة الفكرة والمبدأ لان هزيمة المبدأ تعني اهيار امال واحلام واخلاق نعني البحث عن جذور جديدة شعرت بالاسى يكسو وجهك يا حسين وان تنعي بذكاء وفاة ما اطلق عليه المشروع الحضاري ضياع عمر كامل تبشر فيه الناس بمخاوة الذئب والخروف واذا بك فجأة تكتشف بعد 25 عام من الممارسة ان ذئاب الحركة الاسلامية اكلو نعاج وخراف وحملان السودان وكانك استحضرت في لحظة مقولة الراحل يس عمر الامام ( اصبحت اخجل ان ادعو احفاد للحركة الاسلامية) احساسك بالغبن لا يوازيه احساس لان اعلانك الوفاة يعني عدم وجود سرادق لتقبل العزاء وما اقسى ان تحمل فجيعتك وحد تتجول بها في الاماكن التي كنت تحلم يوما بان تصير آمنة وتناولته من اقوال الصحف كانك تزيل الوجع بمزيد من اجتراه الاسى والسلام عليكم ورحمة

---

Post: #206 Title: Re: مواصلة Author: د.محمد حسن Date: 05-04-2014, 09:17 AM Parent: #205 حلقة امس السبت حابداها ليك بالقلبة وانت بتقرا في صحافة الخرطوم انت مريت على خبر ( الحركة الاسلامية تحاور اليسار) وجدعت الجريدة ولسان حالك بقول ( هو فضل فيها حركة اسلامية ؟!!!!!) اتكلمت عن تسامح الشخصية السودانية وانو الحرب اولها دماء والحرب اخرها هواء تعرف يا حسين انو الانقاذ دي اول ما جات اتبجحت في الناس تبجح ما عادي وما رامبو عنك ببعيد ( الزول ده موقعه وين في حرب الملفات اليومين ديل) والعنجهية في التعامل مع الشعب البسيط وبيوت الاشباح وان كلمة الله هي العليا وانهم رسل الحق والاصلاح وحينما بدأت المعارضة انبر الرئيس قائلا نحن بنفاوض حملة السلاح وانتهى التفاوض بانقسام الجنوب وربما انقشام دارفور وغيرها ولاننسى ذلك التنفيذي الذي صرح قائلا نحن جبناها بالسلاح العاوزها يشيلها بالسلاح ورفضت هذه المجموعة كل محاولات الاصلاح والحوار الجاد بدليل ان الحوار الحالي بدأ يتعثر والمشكلة ليست في الاحزاب التقليدية لان بها من المشاكل الداخلية ما يصرفها عن الهم العام الحكومة تخاف من احزاب اليسار ومؤتمر المستقلين وهذه رغم عضويتها المحدودة ولكن عيارها يدوش لانها تتحدث بنبض الشارع بدليل ان اعضاء البعث تم اعتقالهم وجلدهم لمجرد مخاطبتهم الجماهير في الشارع الكلام حار الحكومة تحب الحوار في الفنادق والصالات المكندشة وتخاف من حديث الهجير نجي للمافيا يا حسين انا لي زمن بقول انو دي عصابة ما دولة مؤسسات ديل ازالو كل اهرامات الجمال والقيم وبقي آخر هرم وهو التخصصات الطبية بالله يا حسين انظر حولك وشوف انجازات الانقاذ خلال 25 عام اكبرها سد مروي والذي اصبح معبرا اسمنتيا للدواب والسيارات وبس شوارع اسفلت وانهارت في ازمان وجيزة حيرت جينيس للارقام القياسية مطار امدرمان لسة قاعد بقايا هوجة انقاذية المدينة الرياضية وما ادراك ما المدينة الرياضية ( ما تعمل حريف وتكلف 2 من محرري الوان يبحبتوا ليك يشوفوا ليك خبر المدينة الرياضية الجزية اهيار الفاو انهايار تمر الشمالية ما لاقي البشتريه البركة في قافلة امس التي اشترت 1000 شوال تمر لدارفور ( طبعا ناس قريعتي راحت ما اشترو منهم) هل عايزهم يهتمو ليك بمجلس التخصصات الطبية ديل بتاعين كونتينرات مليانة مخدرات والسلام عليكم ورحمة الله

---

Post: #207 Title: Re: مواصلة Author: mohmmed said ahmed Date: 05-05-2014, 05:05 AM Parent: #206 امس يا دكتور شهدت الجزء الاخير من الحلقة وانا اقاوم النعاس تكلم عن المجلس الطبى ومحاولة وضعه تحت وصاية الصحة وقال ابو القاسم محمد ابراهيم وهو وزير صحة نميرى حاول ولكن نميرى كان حصيف ورفض لمن سمعتا وصف نميرى بالحصيف قلتا والله يا حسين استحملناك كتير تفتى وتشرح وتحكى وتهضرب وتجمل القبيح لكن دى واسعة اوى

---

Post: #208 Title: Re: مواصلة Author: د.محمد حسن Date: 05-05-2014, 10:49 AM Parent: #207 حلقة الاحد .. الظلم والظلمات من اجمل الاشياء انك اخذت موقف المراقب للاحداث لذا بدأت ترى بعضا من الظلم الذي حاق باهل السودان تخيل ربع قرن من الظلامات من اخذ اموال بالباطل لاعدامات لقتل وسجن وتعذيب فقط لنهم قالوا ياحكومة البتعملي فيه غلط وللاسف هذه الاموال التي نهبت والتي تجاوزت ال 45 مليار دولار اين ذهبت يعني لا عمرو بيها جوة لا مرقو برة استمتعو بيها ودي ذكرتني الاقصوصة الشعبية حينما سئل الفا يا فار انت بتاكل البصل ده ليه ما مر قال ليهم انا عارفو مر بس باكلو ضر وكنت في الحلقة السابقى تحدثت عن التحلل جدا خليهم يتنازلو من الحكم ويرجعو ال45 مليار دولار وقشة ما تعتر ليهم نحن ساهلين وطيبين ويستمر مسلسل الظلم في مهزلة مجلس التخصصات الطبية ده شغل مشاطات يعني حكومة بتدار بالمشاط يا حسين ويمكن امهات الاولاد الابواتهم نافذين قالوا للرجال اننتو قاعدين تسوو شنو فاستاسدو على مجلس التخصصات الطبية عشان يرضو زوجاتهم عشان الزوجات يرضو الاولاد ازعلانين ك.....م دي حكومة والسلامة عليكم ورحمة الله

---

Post: #209 Title: Re: مواصلة Author: د.محمد حسن Date: 05-06-2014, 12:43 PM Parent: #208 حلقة امس الاثنين اسميها حلقة المشكلة الدائرية بالنسبة لحزن السودانيين بعد مرات يا حسين بتذكرني ماري انطوانيت القصة ما في الزراعة القصة في القروش البزرعو بيها زمان الناس كانو بطلعوا زكاتهم معاها مدة ايد اها ديل الحكومة مرقتهم من السوق وجابت سماسرة الاراضي وخير مثال صبيان مكتب الوالي والجمعيات الخيرية الوهمية وغاسلي الاموال ديل ما بدو ابوهم خلي يدو زول فقران عشان يزرع نحن في زمن التخطيط العلمي الممنهج لصياغة الحياة الكريمة للانسان تقول لي ضراع اخضر وضراع دمورية هذه الفتريتة تحتاج لتمويل وتحتاج لمرشدين زراعيي ووو الخ الحكومة شالت القروش وحولتها دولارات ختتها برة وقعدت تتلفت كل المغتربين ديل هجروا الزراعة وهجرو السودان تاني تقول ليهم تعالوا ادو الناس يزرعو بالله اخد ليك سفرة وتعال اقعد مع المغتربين اولاد التربالة خليهم يحكو ليك المآسي هل تفتكر عا########ا الغربة والبهدلة نجي كيف وواحد لسة خريج عند 24 قطعة ممتازة في قلب الخركطوم بتذكرني رائعة الحلنقي بصوت عافية حسن ( يا الشلت حلاة كل الحلوين ما سبت وراك زول يتحب) العنف هو سمة الاسلاميين من قبل ما يكونو حكومة وما تشكر لي ومنكم لانو هو زمنا في زمن نميري كانو احد روافد الامن السوداني والمصري وفي كل الدول التي لديهم فيها نفوذ وانت عارف ونحن عارفين في باكستان ضربو زميل لينا بليل وهم عصبة وهو واحد وتركوه بين الميتة والحياة وممكن تسال منها القنصل احمد التيجاني والسفير محمد المكي ابراهيم ما تشكر لينا الراكوبة في الخريف مسالة المجلس الطبي حلها عند الرئيس لو يقدر يحلها والسلام عليكم ورحمة الله

---

Post: #210 Title: Re: مواصلة Author: د.محمد حسن Date: 05-07-2014, 09:49 AM Parent: #209 حلقة الثلاثاء يبدو انو عاودك الحنين لتواشيح النهر الخالد .. خطاب في منتهى الرومانسية رغم سخونة الاحداث وده دليل على انو خلاص يا حسين قنعت من خيرا فيها او عايز تعمل ليك تنظيم براك وفي الحالتين انا الضايع ( لسان حال حزن السودانيين) اهم حاجة كان ممكن تتكلم فيها باسهاب هي منع تسجيل الحزب الجمهوري ورغم مقارنتك بتسجيل الحزب الماركسي وعدم تسجيل الجزب الجمهوري الاسلامي الاشتراكي ( طبعا ده اسمه الاول يا حسين وانت عارف طبعا الكيزان عندهم عقدة من حاجة اسمها الجمهوريين لانو بتعاملو مع كل التنظيمات بالعنف والضرب والسيخ واقفال العجلات وكتائب الجهاد ولكن منذ حادثة الدالي الشهيرة في بداية الثمانينات في جامعة الخرطوم ويخشى الكيزان مواجهات الجمهوريين لامن الفرق واضح بين الذي يناقش بعضلاته والذي يستخدم المنطق والحجة في الاقناع ومن المعروف عن الاخوة الجمهوريين سعة صدرهم واستيعابهم لما يقومون به بينما يعتمد الاخوان على الاسلوب الترابي في تحوير المواضيع واستخدام الاجابات الدائرية دون الخوض في اصل المسالة وبعدين هي ياحسين عايزة دين وايمان العملو الكيزان في السودان خلال 25 سنة ما عملو الاستعمار طيلة وجوده في السودان ياخ لصوصية تخجل ابليس القصة وما فيها يا حسين لا الحكومة عايزة تفكها والا المعارضة عايزاها يقعدو كدة الكيزان يتفسخو جملة وقطاعي وما ادل على ذلك الا استهزاءك بنافع والاسد لما يكبر العنزة على كل حال نحن حزن السودانيين قاعدين تحت الحيطة باقي الحلقة ونسة في مختلف اشكال الفساد بس بيني وبينك سؤال رئيسنا وين من المعامع الحاصلة دي ؟

---

Post: #211 Title: Re: مواصلة Author: د.محمد حسن Date: 05-08-2014, 09:14 AM Parent: #210 زي ما بتبدا بالدعايات خليني ابدا ليك بالدعايات عجبتني جدا حليب قلبي لانك اليومين ديل يا حسين حليب قلبي حلقة امس الاربعاء اظنها دي اربعاء فرعون ولا ادري ليه اهلنا بقولو اربعات فرعون ! هل هي الاربعاء التي حشر فيها الناس ضحى والا الاربعا التي سار فيها عاريا على كل الدلالة الرمزية نجدها في المتون واحياني في الحواشي اهتميت فيها بمحورين 1- قصة الريدة القديمة 2- وبيان الوالي تعارف استرجاعك للحكايات القديمة انا بعتبره دليل عافية ومعليش يا حسين اعفى لاني بقراك بتفكيرك انت ما بتفكيري ( اجارك الله تفكيري شين) دكرت قصة البنت التي رات حزنها القديم فعرفته على حقيقته ورات ان ماكنت ترفضه هو الافضل .. انت ما كنت بتحكي عن قصة البنت والماضي الذي كانت تظنه رائعا كنت تحكي عن قصتك مع الحركة الاسلامية والتي كانت تتطهر .. انت كنت تسترجع بعقلك الباطني سنوات زاهرة من عمرك عشتها عشقا عنيفا جدا للحركة الاسلامية وبتغبيش السنين لم تكن تراها الى ان وقفت يوما على تلة حزن السودانيين فوجدت محبوبتك تاخذ ليس فقط فتات البواقي بل تاكل في نهم الفول والكوارع والبوش وكلما تقع عليه عيناها وبدأت تسرجع ذاكرتك انت ابن امدرمان وسليل الاشراف الخ من المعاير الاجتماعية السائدة على مر الازمان وكأنك الان ترى ان حزن السودانيين هو الانبل والانقى والاطهر الم اقل لك يوما انك تقدمي ضل طريقه للمتأخرين نجي لي بيان اخونا الوالي الطبيب ابيطري عبد الرجمن الخضر كاني به يستبق اربعاء فرعون وخلاصة البيان بتقول ( بري يا يمة لا بعرفهم ولا خلطتهم) طالما ياسيادة الوالي الجريمة في يد القضاء ( الجقلبة لزومها شنو ) عشان ما تجقلب وزي ماقلت ليه ( اركز) اول بداية الركزان تقديم استقالتك طلعت نضيف خير وبركة اتلوثت القضاء كفيل بيك بس في حاجة انا ما فهمتها وانت يا حسين مشيت فيها حوفا مسالة تزوير التوقيع الكلام في البيان فيه دغمسة يعني انا لافهمت انهم زوروا توقيع الوالي والا زوروه لو زوروه ( ووب ) ولو ما زوروه ووبين) الظاهر عليك انت الوالي ده كه لله بتريده يا حسين واعجبتني عبارتك المريرة بانه من المفترض في ظل برنامج المشروع الحضاري يكون الشباب ( لانو انت الشيوخ قانعان منهم ) رساليين لا يأتيهم الباطل من اي اتجاه ما قلت ليك يا حسين انت اليومين ديل حليب قلبي والسلام عليكم ورحمة الله

---

Post: #212 Title: Re: مواصلة Author: اخلاص عبدالرحمن المشرف Date: 05-09-2014, 06:47 AM Parent: #211 د/ محمد حسن كيفك نعم و نعم ولا نعم لتقصير الظل الاداري نعم لنصائح حسين للامام لا للدعوة للتصالح مع الفساد = المال العام لا تنفذ فيه الحدود يعني ما بنقطع يديهم ولكن يعزروا ال هو السجن والغرامه والمصادرة والتغريب ال هو سجن انفرادي من غير زيارة , فترنا فترنا فترنا الشعب كلو في حالة توهان التعزير حسب الجرم , المهم الا يظن احدهم انه س يتحلل ان قبض ولو ما قبضو ينوم بما سرق , المال العام حرمته يقررها حال البلد وهي تظهر حال البلد .

---

Post: #213 Title: Re: مواصلة Author: د.محمد حسن Date: 05-09-2014, 01:12 PM Parent: #212 با دوك سلامات اتفق معك فبما ذكرتيه بس مشكلة حسين انه عمره كاه عاشو مغترب عن السودان في سياج الحركة الاسلامية يادوبو رجع السودان عشان كده احساسه بالوجع ما زال ناقص نعذره شوية حليب قلبي ده

---

Post: #214 Title: Re: مواصلة Author: د.محمد حسن Date: 05-11-2014, 09:17 AM Parent: #213 حلقة المسي والسبت 2X1 حليب قلبي مكنته خفت تحدثت عن الجو السخن والعرق والعرقي والناس الماتو في الصحارى طيب ما الخليج ده باستثناء العراق صحراء جرداء ######انة تفتل ضهر الكلام لكن النسا وجهو الموارد ونمو بلادهم والان الرياض وهي حاضرة اقليم نجد الصحراوي لو عاينت ليها من قوقل تقول جنة عدن لانو وجهو الموارد للنماء يلا اسالك السؤال الما بتقدر تقولو قروش البترول والدهب مشت وين ؟ والسفن الحربية الجات ميناء بورتسودان دخلت شنو؟ وشالت شنو؟ سفن حربية ايرانية تجي الميناء تلاتة مرات في غضون فترة قليلة عشان تتمون؟ ليه نحن ارامكو؟ علامات استفهام كتيرة اموال اتهربت للاخر تبلغ قرابة الخمسين مليار وزراء اتفه من توافه اي زول حرامي والغريبة كلهم مؤتمر وطني وتنفيذيين وتلقاهم في المساجد في الصف الاول فكيف ما يموت الرجال في الصحارىى نتيجة للعطش يا حسين اذا كان مجرد ملازم ثروته 40 مليار لما يكون لوا يخم السودان كله ؟ القصة ما قصة ندوات القصة ثورة عارمة تقتلع هذا العفن الشباب عطالة قدام ستات الشاي لانه ما في شغل لانه الدولة عطلت وسدت كل منافذ العمل يا حسين القصة ما قصة سهلة نحن الشعب الوحيد في العالم الفيه هذا العدد الهائل من ستات الشاي بالله اقرا كتاب المحبوب عبد السلام الجديد واعمل لينا يوم لقاء مع غازي صلاح الدين يتكلم فيه عن العفن داخل الانقاذ التهبش من فوق فوق ما بجيب حاجة امس هربت من قراءة الصحف بتهويماتك البلاغية هي ما بطالة لذيذة لكن ما معقول زول عاملينن ليه عمليه في خشمه تقول ليه هاك الايسكريم ده وبصراحة كدة انت حليب قلبي والسلام عليكم ورحة الله

---

Post: #215 Title: Re: مواصلة Author: mohmmed said ahmed Date: 05-12-2014, 05:38 AM Parent: #214 امس حسين عيونو منفخة ووشو محمر زى الداقنو طالب المؤتمر باصدار صحيفة حتى تحمل راى الحزب وتقول رايه فى قضايا الفساد السؤال هل تنقص حزب المؤتمر الوطنى المنابر الاعلامية لديه صحف برؤساء تحرير وملاك من اعضاء الحزب قنوات فضائية بالاصالة مثل الفضائية السودانية والنيل الازرق والخرطوم والشروق وبالوكالة قناة امدرمان المؤتمر الوطنى يمنعه الشديد القوى الفساد بيصل الرؤس الكبيرة وبيفضح عشان كدا كضمو هدايا حسين كلها من مضارب بنى امية وبنى عباس وبنى قريش هل عدم السودان الحكايات الموحية والحكم لم نسمعه يوما يهدى شى من حكم النوبة او الهدندوة او الزغاوة او الفلاتة او حتى الشوايقة

---

Post: #216 Title: Re: مواصلة Author: د.محمد حسن Date: 05-12-2014, 08:32 AM Parent: #215 اخي الكريم محمد سيد احمد سبحان الله كنت عايز اكتب الكلام .. انت سبقتني كل الصحفيين والاعلاميين زبالين مؤتمر وطني وولاة لكن اظنو ثاصد جريدة عديل تدافع باسم الحزب مباشرة جريدة شنو البتدافع هو كان الجداد الاليكتروني ومعاهم على الكرار وصلاحات غريبات وود الباوقة والشفيع واخونا الزمان الاسمه السيدح اليومين ديل عاملين رايحين ديل قعدو في السهلة يا محمد نجي نشوقف حليب قلبي ده امس رايحة ليه حركة قال نحن واقفين على ارض متحركة نحن منو؟ هل تقصد نحن الشعب السوداني الفضل الا نحن تقصد بيها الحركة الاسلامية البقيت تخجل تجيب اسمها لا نحن يا حسين رغم ما حصل لينا من كوارث من الاسلاميين من 89 ما زلنا ثابتي ما بتهزنا ريح لان اتجاه التريخ للمستقبل انتو الرمالكم متحركة رمال الفساد وغصبا عنك اتكلمت عن العناصر التي تظن انها رسالية في المؤتمر الوطني وطالبت انهم يتولوا ادارة الصحيفة الخاصة بالمؤتمر الوطني يا حسين سفينة الانقاذ مشت لاتبالي بالرياح تكتسح كل مال امامها حراما وعنوة واغسيلاا ومخدرات وحتى لما تحدثت ولاول مرة تذك احداث جامعة الخرطوم وتسمي الاشياء باسمها انها صراع بين طلبة المؤتمر الوطني والجبهة الديمقراطية طيب يا حسين هل سمعت يوم بطالب جبهة ديمقراطية او حزب امة او اتحادي اتشكل في كتائب واتسلح بي طوق قفل العجلات؟ والان بما انه السلطة في يدهم فهم الماسكين السلاح وعارفين ما بتجيهم عوجة جامعة الخرطوم دي من قمنا هي المحرك للفعل السياسي الفساد شايه في كل شي حسين يا حليب قلبي مارد الديمقراطية انطلق من عقاله والسلام عليكم ورحمة الله

---

Post: #217 Title: Re: مواصلة Author: اخلاص عبدالرحمن المشرف Date: 05-12-2014, 07:53 PM Parent: #216 د/ محمد حسن كيقك 2- اسماء محمود محمد طه حاجة الهديه ومصطفي عثمان اسماعيل شكرآ , ونقول لكل الامهات امي الله يسلمك بس ما يغشوك ويتدهنسو

---

Post: #218 Title: Re: مواصلة Author: د.محمد حسن Date: 05-13-2014, 08:40 AM Parent: #217 حلقة امس والاقتراب الحاد من دائرة الحرج والخطر غايتو ياحسين اليومين ديل جماتك القدام بشوفوك صبأت بس اتريض لانك قابل للجلطة وبصراحة يا حليب قلبي لو وقفوا برامجك ده حتعوقني ادارة الدولة من غرف النوم وبرندة شاي النغربية تمدد المتبطلين في اروقة الدولة دهنسة وتدليسا .. غايتو حيرتنا ياحسين ذكرتني بي نكتة الراجل العامل فيها بعرف انجليزي لي ناس القرية وهم ما فاهمين اي حاجة لحد ما جا يوم خواجة جرو نادوه الخواجة يتكلم معاه واخونا يبرطم كلام لا في السما لا في الواطة الخواجة زعل ورصاه كف الجماعة قالو هع والله الخواجة غلبو المنطق ولدنا جيهو تب .. بعد الخواجة مشى الجماعة سالو زولهم انت الخواجة ده قلت ليه شنو لمن زعل وفقد المنطق قال ليهم الخواجة قال لي وكت انت بتعرف انجليزي قدر ده المقعدك مع الناس الطير ديل شنو اها انت وكت بتعرفي حاجات قدر كده البقعدك مع الكيزان الطين ديل شنو؟ على كل هناك الكثير الخطر من امهات المسئولين وزوجات المئولين واين ذهبت اموال المنظمات الاجنبية وما هي علاقة زوجة ذلك المسئول بماحاولة تهريب اموال المنظمات لسيدة اعمال خليجية واجلي النظر يا صاحي عشان يبقى السلاح صاحي ونكتة ذلك المسئول الذي لحقه عند امه شنو يا اخ مشيت لي امي عايز ارضع والا زوجات المسئولين واستباحة افخم الفنادق والشقق المفروشة في دبي بحجة التسوق يا حسين انت ركبت درب لا فيه يمين لا فيه شمال لي قدام بس ترجع الاشواك تطرشق لساتك عربيتك تحدثنا على مدى ربع قرن عن ان الحركة الاسلامية وضعت في الواجهة عاطلي الموهبة عشان يبصمو ومع تطاول الامد استقوى هؤلاء العاطلين بضعف القيادات ودخلوا فيهم بكل السبل المتاحة فامتلكوهم وامتلكوا اسرهم عشان كده ياحسين فترة الحكم 4 سنوات وبعدها دورة انتخابية حتى لا يستوطن العفن كان الاكرم لوكيل وزارة العدل الاستقالة بعد المؤتمر الصحفي ما تبقى من حديث ونسة لا ضير منها

---

Post: #219 Title: Re: مواصلة Author: د.محمد حسن Date: 05-14-2014, 01:01 PM Parent: #218 حلقة الثلاثاء بديت بالشريف وانتهيت بمدنا بحالة قرف خرافية خلينا من الحكي بتاعك ده طالما اننا الان نعيش حرب الملفات القذرة رايك شنو تفتح ملف الجهاد والشهداء وكيف استشهدو وهل كان في خيار وفقوس في الاستشهاد وهل اولاد المصارين البيض بيقعدو في الكنات في القيادة واولاد الغبش هم مفجري الالغام وهل القيادات من الاسلاميين الاستشهدت كانت رافضة الشكل ده من التمييز وقوات الدفاع الشعبي ومعسكرات الدفاع الشعبي وماذا يجري فيها والتموين والصرف وووو الخ على الاقل نعرف اولادنا ماتو كيف وقروشنا مشت وين والسلام عليكم ورحمة الله

---

Post: #220 Title: Re: مواصلة Author: اخلاص عبدالرحمن المشرف Date: 05-19-2014, 03:43 AM Parent: #219 الديش الديش الديش يعيش الديش او كما فالت غاده من نواحي ام در الديش يضم كل السودانيين عرب وزرقه , رطانه والناطقين بها و الناطقين بغيرها , بكري والزبير- عمر والتجااني ادم الطاهر وابراهيم نايل والامين خليفه واروك وابوكدوك , ناس الجبال وناس البوادي اما ناس حميدتي ف يفرقون ولا يجمعون , مخترق من الاجزاب نعم لكن كلهم جربوا وندموا . جيش قومي لا يسيطر عليه ابناء المركز هو ما يحفظ السودان ود المهدي - اولاد المهدي سيد صادق خلوق محبوب , حصيف فصيح , والانسان يتغير بحكم السن والضغوط ومع هذا لم يتجاوز الا مرة = اثناء هبة سبتمبر = اما الدراويش ف يديهم ولسانهم اسرع , ما اغضب دكاترة ابريل عمر نور الدائم عليه الرحمه حين هددهم بعصاه والان يضربون الجميع دون فرز صحفيين ومتصفحين والماشي في الشارع = وقد عدنا الي يوم ان تهجموا علي نادي الخريجين ,, ويوم جاهم سيدي الهادي وكدي كسروهو النادي التلفون والرادي رموهم بره غادي ,,, ا لم شمل حزب الامه وابناء المهدي احسبه جهاد في سبيل السودان = اولاد الامام الهادي والسيد مبارك الفاضل لهم يد سلفت اما ابناء الامام الصادق ف العجله في شنو السودانيين ما بنسو ( لو بنسو ده كان حالهم ) الحريه للسيد الامام ولكل المعتقلين اللهم احفظ السودان

---

Post: #221 Title: Re: مواصلة Author: د.محمد حسن Date: 05-19-2014, 09:21 AM Parent: #220 يا حسين خوجلي كلام بت ناس المشرف ده اقراه كويس حلقة امس كانت سمك لبن تمر هندي اقرا اعلانات الطلاق للعسر في الجرايد اليومية يا حسين ده سببه بئر معطلة وقصر مشيد بي قروش الناس الاحالة للصالح الخاص 25 عام من تدمير الانسان السوداني بالله ياحسين ارجع كدة وشوف على مدى 25 عام ما في اي مشروع قام لتشغيل الناس كلها كم شارع زلط وكبري او كبريين واتقلعوا مع اول خريف مشروع الجزيرة وكل مشاريع الزراعة والتي من المعروف انها تستقطب اكبر عدد من القوى البشية في محتلف الدرجات الوظيفية كلها معطلة فليه حق المعسور يطعن ويعمل السبعة وذمتها ده نتاج المشروع الحضاري انت اتكلم عن المجتمع ونحن بنتكلم عن سوء فعل الحركة الاسلامية وانتهت باربع حاويات مخدرات حسبنا الله عليكم نجي لدعمك لقوات الدعم السريع وفدسية القوات المشلخة والقوات الصديقة من دفاع شعبي وشرطة شعبية شوف يا حسين قد اكون جاهل لكن في كل قراءاتي المتواضعة في السيساة وفي ممارسات الشعوب جهاز الامن بيجمع المعلومة وبيديها لاجهزة الدفاع عن الوطن لكن يكون مليشيات تابعة ليه ويستقوى على الجيش بل يسخر من القوا ت المشلخة ده مما سمعنا بيه الا عندك بنعرف حاجة واحدة دمج كل المليشيات المسلحة في القوات المسلحة القومية بمعنى كلمة قومية ومهمتها الدفاع عن الوطن طيب يا قوات الدعم السريع لما انتو احسن من القوات الميلحة .. رجعو لينا حلايب بعدين ما ممكن تبدا لينا تشكر في قوات الدعم السريع في اشارة واضحة لخطأ الامام وتجي تاني تشكر لينا الامام ووطنيته ما هو ده زاتو لبن سمك تمر هندي الهدية انت داير ناسك ديل يبقوا زي معاوية والله ديل اخطر من معاوية البرير والسلام عليكم ورحمة الله

---

Post: #222 Title: Re: مواصلة Author: د.محمد حسن Date: 05-20-2014, 08:56 AM Parent: #221 انا لله وانا اليه راجعون حلقة الاثنين امس كانت نعي للانقاذ جهرا ونعيا للحركة الاسلامية سرا واظهار الحيرة الكاملة على حسين خوجلي السؤال الذي لم يطرحه حسين في هذه الحلقة ما الذي اتى بثلاثة الوية من مناطق العمليات لتامين الخرطوم؟ طبعا انت على استحياء قريت الخبر وقلت هو ليس بتامين ولكنه قلق ( لانك راجل رومانسي ) الحاصل يا حسين انو في صراعات داخل الجسم الحاكم والاشاعات الانت بتتكلم عنها طالعة من الجسم الحاكم ولماذت تاخر البيان الهام لان الامن استخف بمقدرة القوات المسلحة واساء اليها عندما سمح لقوات الردع السريع ان تكيل الاستخفاف للقوات المسلحة ولانه فيما يبدو ان جهاز الامن الذي شرع في الانقلاب لم يستطيع ان يمضي في الطريق الى النهاية لان حادثة والي كردفان احمد هارون والذي امر بطرد قوات الدعم الدعم اسريع او الجنجويد في نسختها القديمة بضغط من المواطنين لا تبشر بترحيب المواطنين بان يحكم السودان متفلتون يحملون ذخيرة مجنونة واعتقد ان هذه اكبر اخطاء جهاز الامن فان هو سار في الانقلاب للنهاية خسر وان هو تراجع خسر والسؤال تأمين العاصمة ممن؟ الم تكرر الحكومة كل يوم ان المعرضة اضعف من ان تقلب صحن فول؟ هل التامين من تيارات في الجسم الحاكم هل لشيخ الترابي دور واين الرئيس؟ كل ماذكرته يا حسين عن عدم اعطاء الفرصة هو ذر للرماد اخذت الانقاذ والحركة الاسلامية فرصتهم كافية غير منقوص سبعة سنوات مع النميري و25 سنة منفردين والنتيجة تحيط قوات الجنجويد بالعاصمة شي يخجل قوات متهمة بارتكاب جرائم في الانسانية تشكرها لينا ياحسين باعتبار حالة حرب وضربت اغبى الامثلة مثال امريكا في افغانستان وفرنسا في افريقيا والله قعدت اضحك عليك قلت ياربي ده حسين خوجلي الرجل انيق العبارة والقاري جدا؟ والا عبد الرحيم محمد حسين بتبالغ يا حليب قلبي لو كانت القوات المسلحة الامريكية او اي فصيل وجه بنديته لابناء الامريكان والله كان قلوهم قلي او لو كانت اي قوات فرنسية قتلت فرنسيين ايا كانت توجهاتهم السياسية لما ظل في فرناسا جندي يا حسين دي دول بتخاف على مواطنها والمواطن عندهم غالي معارض او موالي فمقارنتك فاشلة بعدين كاود الانت بتكرها دي الخلاهم يرفعو السلاح شنو؟ والناس الظلت تحاور في الحكومة دي 20 سنة لقو شنو؟ فيا حسين الله يخليم ونسنا بي حزن السودانيين ما تحاول ان تقنعنا بان مليشيات تم تكوينها لضرب ابناء الشعب الواحد يجب ان تحظى بالاحترام احترمها لما تقتل لي في حلايب والفشقة لكن ما تدخل لي الخرطوم تقول تأمنها ؟ والله والله احترمهم جدا عندما يذهبو لحلايب ويأمنوها الخرطوم بتامن براها ولكن الذي حدث هو ان هذه القوات الجنجودية الان ادخلت الرعب في قلوب سكان الخرطوم سؤال يا حسين ماذا سيحدث لو رفضت القوات المسلحة والقوات الشرطية وجود قوات الجنجويد في الخرطوم؟ والسلام عليكم ورحمة الله

---

Post: #223 Title: Re: مواصلة Author: اخلاص عبدالرحمن المشرف Date: 05-21-2014, 00:20 AM Parent: #222 حين يسنعين العسكري بمدني فاعلم انه فاشل وحين يستعين السياسي بعسكري فاعلم انه فاشل

---

Post: #224 Title: Re: مواصلة Author: د.محمد حسن Date: 05-21-2014, 08:58 AM Parent: #223 حسين خوجلي حلقة الامس تتنافي تماما مع حلقة امس الاول هل هو ارتداد ام اصابتك عدوى الحكومة بمرض باركينسون علما بان هذا الداء لا يعدي باركينسون دزيز بيصيب الملاكمين بما يعرف بالشلل الرعاشي نتيجة لتعرضهم للضرب في الراس ولان الحكومة هذه الايام كثرت عليها الضربات من كل انواع الفساد فهي تعيش حالة من الشلل الرعاشي اصاب كل الدولة بالعاش بدءا من غياب الرئيس مرورا بمحاولة الانقلاب التي فشل الانقلابيون في اعلان بيانهم رقم واحد ليس لانه انقلاب اصلاحي ولكنه انقلاب استباقي ولكن لماذا ينقلب الاسلاميون على انفسهم؟ ذبحتنا على مدى نصف ساعة تتكلم عن القوات المسلحة والقوات النظامية الاخرى وتحاول ان توهمنا اننا في حالة حرب لسنا في حالة حرب ولتعلم يا حسين خوجلي عندما كانت القوات المسلحة قومية لم يكن احد ليرضى ان تمس بكلمة ولكن الم تسمع خطاب قائد الجنجويد او قوات الدعم السريع ماذا قال عن القوات المسلحة؟ ثم الم تعترف الحكومة قبل سنوات ان قوات الجنجويد تمارس خروقات وتقوم بعمليات غير مقبولة اولم يطرهم احمد هارون من ولايتهبضغط من الجماهير المتضررة خليك عقلاني نحن بنعرف حاجة واحدة قوات مسلحة وشرطة اي مليشيات تانية عندها قيادة مستقلة معناها بتنفذ اجندة خاصة بمن انشأها ولم تجيب على الاؤال الذي ارعب كل العاصمة احاطة القوات الجنجويدية للعاصمة بغرض التامين تامين ضد ماذا او ضد من؟ ثم عرجت على ان المعارضة تريد ان تفكك الانقاذ يا حسين انت امس قلنت ما في انقاذ ذاتو مالك؟ قرصوك؟ المعارضة مهمتها واحدة اي تفكير غير كده معناها ما معارضة ممكن يكون معارصة الا وهو تفكيك دولة الحزب الى دولة مؤسسات يعني دفها ازالة الانقاذ بالتراضي او بالجماهير وما تحاول تقول انو اولادنا ما بطلعو حيطلعو يا حسين سيب اسلوب التخذيل البتعمل فيه نعم نحن ضد العنف وضد اراقة الدماء ولكن عندما يكون الحكم به شيئا من الرشد والوطنية لكن ده حكم غير الفساد لم يجلب شيئا وتطالب الصحف ان تكف قليلا عن الفساد باعتبار ان البعض فاسد والبعض غير لا يا حسين هذا نظام من قمته وحتى قاعه فاسد والفساد لا يذهب للمحاكم لانه اذكى من ان يترك دليل لذا مهمة الصحافة هي التشهير ةتشهير الاسر الفاسدة وتشهيير ابناء الفاسدين هذا هو القصاص الجماهيري انت مالك رخيت ؟ ايوة نحن برة السودان لكن متابعين من الذي اصدر القرار باعتقال الصادق المهدي؟ نجي لاولاد الصادق المهدي وكلامك غير المسئول اسرتهم طالبت عبد الرحمن بالانسحاب من الرئاسة وليس من القوات المسلحة وانت عارف الكلام ده لكن لونت المسالة واظهرت الجانب الذي يجمل كلامك ويخليك ترسل الرسالة الانت عايزة لا يا حسين ما تلعب اللعب القذر انت من بديت وقلت امدرمان قناة الحرية والجمال الا تعلم بان القذارة تشوه الجمال اسرة الصادق المهدي رسالتها لابنها عبد الرحمن وليس بشرى ومن حقها ان تسعى لاخراج ابنها من مستنقع العفن فاذا كان الرئيس يطالب بالحوار وصقور الانقاذ تكسر كلامه بغض النظر عن راي في عبدالرحمن الصادق المهدي لكن رؤية اسرته سليمة واعتذر لعدم التطويل والسلام عليكم ورحمة الله

---

Post: #225 Title: Re: مواصلة Author: د.محمد حسن Date: 05-22-2014, 08:56 AM Parent: #224 حلقة امس الاربعاء كانت واااااااااااااضح فيها انك مرتبك وكنت تشيل وتشكر في الجنجويد يا حسين في فرق بين قوات مسلحة تمثل الوطن وبين مليشيات هداك الله

---

Post: #226 Title: Re: مواصلة Author: اخلاص عبدالرحمن المشرف Date: 05-22-2014, 09:46 AM Parent: #225 د/محمد حسن كيفك. صدقني صفرجت ، مصر سقطت ، ليبيا سقطت ، تشاد اتخنقو نيجيريا- الأمريكان والصعايده وصلوا- مالي وإفريقيا الوسطي -قفلت ما فاضل الا الصومال

---

Post: #227 Title: Re: مواصلة Author: د.محمد حسن Date: 05-24-2014, 10:17 PM Parent: #226 حلقة السبت امس حسين شتت قصبه طرش حقيقتو كلها وهو بارع في الاسقاط فاسقط كل شي على الانظمة العربية وهويتحدث بلسان الحركة الاسلامية في العالم وكان واضحا خوفه من الانتخابات المصرية لدرجة انه بدلا من ان يقول السيسي قال مرسي ياحسين زي ما انت بتقول الفاتك اسرع فوتو والان مصر تتجه لحقبة جديدة سمها انت ما تشاء ولا تفترض مستقبلا لمصر نابع من خيالك او خيال اخوان مصر المأزومين مصر اختطت طريقها وهي عليه تسير وسبق ان كتبت في بنبر بكري ده موضوع بعنوان انا ما كسبته الحركة الاسلامية خلال 80 عاما فقدته في عام مشكلتكم يا حسين ما عايزين تعترفو باخطاءكم نجي للحزن العربي والاسلامي القال ليك منو شعوب الخليج حزينة الحزن في البؤر التي فيها الاسلاميين وبس باقي العالم مرتاحين شوف زي ناس بوكو حرام انت ما قادر تقول انو المشروع الاسلامي فشل فشلا ذريعا الاحزاب ممكن تقول عليها في خالة ضعف لكن الحركة الاسلامية ماتت لانها استنفذت شعاراتها نزلت من جبل احد لتجمع الغنائم والحوار في يد الحكومة وانقاذ السودان من التمزق في يد المؤتمر الشعبي الدول الخليجية يا حسين ما عندها عداوة مع الشعب السوداني عندها راي في حكومة الانقاذ فبالله سمي الاشياء باسمها الحقيقي سيب تغبيش الحقائق وخلينا من الهدايا الحكومة عايزة الهداية ويبقى السؤال يا حسين الجنجويد عايزين يامنو العاصمة من منو؟ والسلام عليكم ورجمة الله

---

Post: #228 Title: Re: مواصلة Author: اخلاص عبدالرحمن المشرف Date: 05-25-2014, 06:44 AM Parent: #227 والحل الهبوط الناعم بس هبوط حقيقي نعم صفرجت بس الفرق الناس بتذكر القوميين باحترام , ما في واحد سلم للراسماليه المتوحشه = ناصر , صدام , القذافي , الاسد = اما الاخرون بن علي شرد والباقيين اخير الشراد , داخليآ لا زال المصريون والعراقيون والليبيون يترحمون علي زمان مضي , حمدين والسيسي يتنازعان علي تراث ناصر من يتذكر مرسي - لا يذكر الا ويذكر التفجير واحتقار الازهر والقلاقل في الجامعات .- لابد من انقاذ السودان من الاسلاميين . لابد من قيام نقابات حقيقيه تدافع عن اعضائها وحقوقهم و روابط تدافع عن ناسها واحزاب تقوم علي مصالح وامال وبرامج , لا بد ان تتأنسن الراسماليه المتوحشه ولا يتم هذا الا بالمدافعه والتنظيم لخلع اسنانها .

---

Post: #229 Title: Re: مواصلة Author: اخلاص عبدالرحمن المشرف Date: 05-25-2014, 07:05 AM Parent: #228 النفيدي 100% ازهري محم علي 100%

---

Post: #230 Title: Re: مواصلة Author: mohmmed said ahmed Date: 05-25-2014, 12:10 PM Parent: #229 حسين بيحب ستخدم كلمات كبار كبار مرات تصدق ومرات تجلى امس قال بورقيبة استخدم المنهج التغريبى واتجه للفرانكوفونية المنهج التغريبى دا يعرف فى المسرح ينسب لبريخت هو قاصد بورقيبة توجه للغرب ومع بورقيبة تونس اصبحت تونس لا قيمة لها فى الاقتصاد وفى الفكر وفى السياسة حسين لاقيمة لها من العبارات التى يكثر قولها

---

Post: #231 Title: Re: مواصلة Author: د.محمد حسن Date: 05-25-2014, 07:24 PM Parent: #230 تعرف اخي محمد حسين مشكلته رغم قاموسو الغني لكنه فاقد للبوصلة عشان كده الكلمات ما تركب في مكانها جد والله الاحداث بقت اكبر منه بيشكر في قوات الدعم السريع في نفس الوقت في جزء كبير من الحكومة عنده فيها راي الضربات الموجعة الحصلت للاخوان المسلمين في مصر هازاه جدا عشان كده بيحاول يذكر الناس بالنكسة الناصرية مع انه نكسة ناصر تجاوزها الزمن وكأن حقبة ناصرية جديدة بدأت تظهر في مصر القرن ال21

---

Post: #232 Title: Re: مواصلة Author: د.محمد حسن Date: 05-26-2014, 10:01 AM Parent: #231 حلقة الامس الاحد سمك لبن تمرهندي تعرف يا حسين انت محتاج تاخد اجازة يومين تلاتة من الرنامج لانو بقيت تعيد وترجع وتلخبط في الكلام وبقيت ذاتك ما عارف تقول شنو والحاصل شنو يعني نحن الان في بلد ما فيها حكومة بمعنى كلمة ما فيها حكومة بمعنى ما فيها حكومة وانت تقول الخريف جا والناس تزرع ومع نك قلت الكلام ده بنفس المفردات تلاتة مرات قبل كده ورديت عليك هنا في المحل ده غايتو الدخلت فيكم يا الكيزان ما هينة نجي لتساؤلاتك عن التحاور الفكري والتساؤل الجهري للتجارب الاسلامية والماركسية وغيرها كل هذا ممكن يا حسين في جو ديمقراطي معافى حيث الرأـي والرأي الاخر حيث النقاش في الهواء الطلق يعني انت الوحيد العنده قناة اعلامية يقول العاييزو الباقين لو اتكلمو في ميدان جاكسن تحت الهجير يودوهم السجن ويجلدوهم يعني الاحزاب دي تطير ؟ وشوف زي صاحبك احمد بلال ده .. ياخ ده حير ناس الانقاذ ذاتهم الان المسالة ما مساة طرح فكري او ايديولوجي الان هل توجد حكومة في الخرطوم ومن يحكم؟ هل هو الرئيس ام الامن بالجنجويد ام من؟ انت نفسك ما بتقدر تجاوب عليها اذا كان البصدر امر القبض على الصادق المهدي قائد مليشيا والصحف تقول انو وفد من لجنة الحوار قابل نائب الرئيس ( بترجاه) عشان يطلق سراح السيد الصادق وشوف رد النائب الاول قال الاعتقال ده جانئي وماخد مراه القانوني وبعدين اللجنة تحنس نائب الرئيس ليه في حاجة اسمها مطالبة ما اتكلمت عن دي ليه؟ الاسئلة الصعبة تحتاج الى رجال اقوياء لما يكون في حكومة في البلد يبقى ناس المعارضة يكونو ليهم لجنة للحوار والسلام عليكم

---

Post: #233 Title: Re: مواصلة Author: اخلاص عبدالرحمن المشرف Date: 05-27-2014, 03:11 AM Parent: #232 ود خوجلي هل عاجبو الصاريه - المثل بقول كل زول عاجبو الصاريه = احكي لك دي يا استاذ حسين , بعد دخول الجزيره ابا مباشرة واحد من الضباط دخل الجنينه = جنينة الامام الهادي = الحارس وقفو - انصاري سبعيني قال له دي جنينة سيدي سألو لك كم سنه فيها رد اكثر من 50 سنه سألو عنبها ده حلو قال ليه ما ضقتها الضابط استغرب وقال له كيف الكلام ده ما في شئ بقع في الواطه قال له يقع ويبوظ = تقول لي امانة الراعي = الضابط اصر الا الجنايني ياكل من العنب ال حارسو 50 سنه قال له بنادي الجنود ويخربوها حتي الزول ضاق العنب = يعني الجماعة بطبقو في فكرهم ضد الرجعيه ومع الطبقه العامله المستغلينها الطائفيه و تجار الدين , الجماعة ديل عملوها بيوت اشباح وسرقه - الخطير انو الشباب ظنو ده الدين - ناس مايو اممو حتي المفروشات المصريه ناسك ديوان الزكاة سرقو .

---

Post: #234 Title: Re: مواصلة Author: اخلاص عبدالرحمن المشرف Date: 05-27-2014, 06:43 AM Parent: #233 الانسانيات اللهم ارحم السودانيين الاحياء منهم والاموات فهم شعب طيب , احببنا ناصر اكثر من اهله , وقرنا الفيصل , اعجبنا ب كندي واوباما وكرهنا شرير الشاشه بوش الابن , اللهم نسألك ان تلطف بسكان المخيمات واهل الجبال اللهم احفظ السودان

---

Post: #235 Title: Re: مواصلة Author: د.محمد حسن Date: 05-27-2014, 07:06 AM Parent: #234 اللهم آمين يا دوك حلقة 25 مايو ولم تخيب ظني يا حسين كنت متوقعك تاخد قفزة تاريخية وتدلف الى مايو مباشرة وتتجاهل السبب التاريخي الذي من اجله كانت مايو ابو الزهور خرق الدستور يا حسين بعض من الاسلاميين ايام عز الانقاذ وفي ذروة النشوة بالتمكين صرحو بان حادثة معهد المعلمين مفتعلة وان من افتعلها كان غواصة للكيزان داخل الحزب الشيوعي ولان هذه الحادثة مفصلية في تاريخ السدان الحديث واثارها تصيب الشعب السوداني حتى هذه اللحظة كنت اتمنى ان تتحلى بالشجاعة الكافية وتذكرها لان الحزب الشيوعي كان مكون طبيعي من مكونات الاحزاب السودانية وله تمثيل في البرلمان عكس الاخوان المسلمين الذي لم يكن ليحلم بمقعد في البرلمان فكان طرد الحزب الشيوعي من البرلمان اكبر كارثة حلت بالبلاد من هعد بعانخي لما ذا قفزت فوقها لتظهر بطولات اولاد خوجلي معلومة صغيرة ليك الحاج علي نميري ( ابوطراف) هو الشاعر المجيد والاستاذ العلامة والعلم في ودنوباوي وهو مثال للزهد الحقيقي والورع الصادق وليه نسيت مطرق صديق وعلى صديق ما اصحابك؟ على كل مايو كانت نتيجة لكارثة صنعها الاخوان ومن غرائب الاشياء جاءو وتحالفوا معها وكان فعهدهم ترحيل الفلاشا ، والمجاعة وعودة الكوكاكولا وما تبقى من الحلقة ليس بذي قيمة والسلام عليكم رحمة الله

---

Post: #236 Title: Re: مواصلة Author: mohmmed said ahmed Date: 05-27-2014, 10:39 AM Parent: #235 اكثر من نصف ساعة يتغزل فى نميرى الضابط العظيم الطويل الوسيم وتاريخ من خلال انا ال خوجلى ونميرى عندو اخو اسمو عبد المجيد كان نظرو ما كويس اها نستفيد شنو يعنى وكلام خارم بارم وورجغة عشان يعمل ما شايف الحال الحاصل هسا

---

Post: #237 Title: Re: مواصلة Author: د.محمد حسن Date: 05-29-2014, 10:49 AM Parent: #236 حلقة الثلاثاء نميري فارس الحوبة حسين بالغت عدييييييييييل قربت تطرش طبعا مقارناتك بتاخد البعد النفسي اكثر من كونها تتبع التحليل السياسي العلمي تعرف بقيت زي سيد الرايحة اتكلمت عن الدماء في عهد نميري اول الدماء كانت في يوليو واعدادها معروفة امن نميري كان قاسي الى حد ما ولكن امن الانقاذ مرعب اشابح واذى نفسي وجسدي لا قبل للناس به تاني مافي دم الا محمود محمد طه في عصركم وشايفك استنكرته يلا نجي للانقاذ بس اذكرك شهداء رمضان مجدي جرجس قتلى بيوت الاشباح جسديا ومعنويا حرب الجنوب حرب الشرق حرب كردفان حرب دارفور دم شهداء سبتمبر الانقاذ كلها دماء وما زالت مستمرة دم حتة داخل الانقاذ بدءا بالموت بنيران صديقة كما حدث في حرب الجنوب ودم الطائرات والسيارات ومص دم الفقراء شايفك مريت على خبر اسامة ده مرور سريع منظمته الغنية دي جابت القروش من وين؟ غايتو وانا بتابع اخبار غسيل الاموال قبل كم سنة تقريبا كان في مؤتمر اقيم بالدوحة بغرض مكافحة غسيل الاموال وعرضت قائمة بالمنشآت الضالعة في غسيل الاموال في السودان كن على رأس القائمة وحدة تنفبذ السدود بالاجمالي اكثر من عشرين وحدة حكومية

---

Post: #238 Title: Re: مواصلة Author: اخلاص عبدالرحمن المشرف Date: 06-02-2014, 06:38 AM Parent: #237 نحن عملنا شنو !!!!!!!! عملتو شنو ~؟!!!!!!! ال ما عملتو شنو وبعدين اقسم بالله كرتي تاجر الاسمنت ظفرو ولا الشيفون كلو علي الافل بنت قرناص الشاطره بتشففو

---

Post: #239 Title: Re: مواصلة Author: اخلاص عبدالرحمن المشرف Date: 06-02-2014, 09:22 AM Parent: #238 ووسط كل هذه الضجه عرض علاقات مع اسرائيل !!!!! هو نحن مشكلتنا اسرائيل ؟ اي حاجة بتطول عمرهم ما عندهم قشه مره = هم لا حاربو اسرائيل ولاح يحاربوها اسرائيل دوله عندنا كدوله مصلحة فيها ده السؤال اما ما تفعله الانقاذ فهو كنكشه في السلطة وبس

---

Post: #240 Title: Re: مواصلة Author: د.محمد حسن Date: 06-02-2014, 02:32 PM Parent: #239 لظروف قاهرة لم اتمكن من مشاهدة الحلقات الاخيرة كنت قد حضرت حلقة حاجة صلحة والطريفي زول النصيحة والاحدب وعن تباكي حسين لغيابهم احكي ليك قصة حاجة صلحة اولاده ا قدموها لوتري في امريكا واللوتري وقع ليها مشت امريكا واتلمت مع اولادها واحفاده وتركت السودان لصبية الانقاذ يعبثون فيه كما يشاؤون وبعد كم من السنين اتصلت عليهم - ازيك يا حاجة صلحة اخبارك - الحمدلله في امان الله اها نفيسة بت الطاهر كيفنها - - الله يرحمها ماتت بالسرطان - وفتح العليم ود حاج محمد ؟ - الله يرحمه مات في طريق الخرطوم مدني عايز يتفادي حفرة دخل في قندران - الله يرحمو ويغفر ليه اها علوية بت كلتوم - الله يرحمها ماتت في الوضوع في مستشفى الخرطوم - الله يرحمها خلاص عليكم الله بيتي وطيني الفي البلد بيعوهم ورسلو لي قروشن - يا حاجة صلحة انت تانية ما جاية - Sudan? No more فياحسين دي قصة حاجة صلحة وزيها قصة الطريفي زول النصيحة والاحدب ديل الناس النضيفين العفيفين القلبهم على البلد هجرتهم الانقاذ بشتى السبل انت كنت وين يا حسين اي زول عارف الانقاذ كانت بتعمل في شنو؟ انت زول فاهم يا حسين غريبة تكون ما عارف المهم خليك مفتح ما تلحق امات طه

---

Post: #241 Title: Re: مواصلة Author: اخلاص عبدالرحمن المشرف Date: 06-03-2014, 08:30 PM Parent: #240 د/ محمد حسن كيفك استاذ حسين خوجلي شاعر ضل طريقة للسياسه والله شعرت انو رقيق الحاشية حتي خجلت من انتقادو = يعني نسوي شنو لو انتقدناه بنشعر به انجرح ولو خليناهو الامر ما بنعدل = الانتقاد ده هو عصف ذهني مرات بكون رد لحظي , المهم انا اعتقد انو حلقة = امريكا نحن ما سوينا ليها شئ = حلقة مهمة ليه ؟ لانها اعتراف بفشل السياسه الخارجيه - امريكا دي خلت دولة في العالم , السعوديه ما بتضمن صداقة امريكا , اوروبا ما بتضمن امريكا , الصادق امريكا ما اشتغلت به لما انقلبو عليه , نميري باعته في يوم , دي راسماليه متوحشه , الوزير مصطفي عثمان اسماعيل قعد في الوزاره دي وكل مؤهلاته عدم الصدام - ينتظر كلينتون ويقتنصو وهو بغسل يديه !!!! المشكلة واضحه المحكمة الجنائيه ودي الا تقايض بها مشكلة دارفور , السادات وبيجن الاثنين قتله ( منظمة اارجون واغتيال امين عثمان ) وعملو سلام , مصطفي عثمان غالبو يقول ده للرئيس عمر , لو من الاول قبلو بمحاكمة كوشيب ما كنا وصلنا اللحظة دي وبعد ما وصلناها مفروض يقول الحل الصعب , هل وضع الرئيس عمر يدل علي سيادة غير منقوصه ~؟ المهم

---

Post: #242 Title: Re: مواصلة Author: اخلاص عبدالرحمن المشرف Date: 06-04-2014, 01:16 AM Parent: #241 بعض ذلات اللسان والقلم يصعب اصلاحها واظن بل اجزم ان اضافة المهنة او ما شاع انها مهنة دون اضافة وصف تاجر قد تكون تعريضآ بصاحبها - اعتذر عن وصف هو تعريض = وكما قال احدهم حين سقطت اسنانه = هو اللسان ده بخلي ليه سن معاه , اللهم اجعل السنتنا واقلامنا عفيفة وجنبها الذلل ورطبها بذكرك

---

Post: #243 Title: Re: مواصلة Author: mohmmed said ahmed Date: 06-04-2014, 04:49 AM Parent: #242 سارة بنتى طلبت منها معلمة اللغة العربية فى المدرسة اختار برنامج تلفزيونى والكتابة عنه بطريقة نقدية عملت الموضوع فى بوربوينت صور وجزء حى من البرنامج وتحدثت اشادت بها المعلمة والطالبات فى الصف المعلمة الاماراتية كانت ملاحظتها لماذا هذا الايقاع البطىء من مقدم البرنامج اجابتى انا للمعلمة دى حاجات انت ما بتعرفيها شفتنة اولاد ام درمان وفلهمة عرب الجزيرة

---

Post: #244 Title: Re: مواصلة Author: د.محمد حسن Date: 06-04-2014, 10:38 AM Parent: #243 حلقة الامس الثلاثاء ما عارف يبدا من وين والا ينتهي وين عطالة الشباب ###### العاصمة استجداء عواطف دارفور وكترت المحلبية في الانفاق 25 سنة ناسكم الشرفانين ديل ما انفقو نهبو المال العام والخاص وافقروا المحسنين كا السودانيين بيدفعة بسخاء من غير جمعيات خيرية وجاءت الانقاذ وابتدعت الجمعيات الخيرية التي تشح من الدول الخليجية وتعمل المؤسسات ونسمع بالقروش سرقوها في دبي في رحلة تسوق ياحسن ناس عبدالمنعم والبلك وعثمان صالح وقنجاري والسلمابي وغيرهم دفعو بسخاء وعلمو ناس كتيرة جدا وخرجوهم من الجامعات وبهدوء من غير اي استثناءا في جمارك وضرايب بدفعو للدولة حقها من الرسوم وبدفعو للمجتمع وبدفعو الزكاة عشان كده كانت البركة وهسة بدل البركة جاتنا حاويات المخدرات يعني عك ما بعده عك القصة يا حسين ما عايزة اجتهاد حكومة انتقالية محاسبة المفسدين ودستور نتوافق عليه على كل ونستك بقت مسيخة

---

Post: #245 Title: Re: مواصلة Author: د.محمد حسن Date: 06-05-2014, 12:35 PM Parent: #244 حلقة الاربعاء ( اربعا فرعون) غايتو برنامجك بقى قنوات ال إم بي سي دقيقتين كلام وربع ساعة اعلانات بعدين بقيت تمر في الصحف حوفا ساي لا بتعلق لا بتدقق ( مقطعو في حشاك) غايتو انا نصحتك قبل ده قلت ليك كتر من الرياضة وابعد من السفسفة في العشا وقاطع الكيزان نهائي نجي لي كلامك بتاع امس اولا في حقيقة انت كانت غايبة عليك ولما صحيت افتكرت انو ال###### ده عامي السودان كله الانت شايفهم في الادارات المختلفة وفي الواجهات وفي الاعلام وفي التلفزيون ديل كوووولهم كيزان وحرامية وعاطلي موهبة يعني ديل الانتو بليتونا بيهم فما تعمم لانو الاطهار والعلماء والمواهب طفشو وبنو خارج السودان وهم البدعموا اهلهم الصامدين جوة يعني يوم ان شاء الله التتار ديل ينقلعو حتشوف السودان النضيف الغفيف ياخ كيزانكم ديل مش هجرو الاطهار بس ديل هجرو حنى ابليس وبديت تحكي ليناحكاوي عمك الباشا وابو خوجلي ما ابوك براه ولا عمك براه معظم رجالات الوسط في الزمن الجميل علمونا اشياء جميلة والسوق الجديد ما بعيد منك هل حصل قعدت سمعت ونسة النسوان الفي السوق ديل؟ ما في حكم من عهد بعانخي اذى السودان زي ما اذته الانقاذ يعني انت ذاتك لما جاتك شبه صحوة الضمير لم تصدق عيناك حجم الفساد والافساد القدامك ولما بديت برنامجك ده كنت متحمس هسة بنزينك خلااااااااااااااص على الحركرك لدرجة انك رجعت التيرمس الاخضر الليمونني النشاذ انت قايل الثيرمس ده شنو الثيرمس ده انعكاس لنفسيتك المضطربة تجاه انتماؤك الذي اهتز ورغبتك الداخلية الحقيقية ودي انا جد متاكد منها في الاصلاح ولانك فقد الدرب بقيت تسترجع الحكايات القديمة وتحاول تغلف كلامك وتلبسه الحكمة الان يا حسين الصفوف اتمايزت شديد يا حكومة يا معارضة غير كده حتبقى زي الله يرحمه برعي احمد البشير مع جبريل تولع ليك كل الانوار وانت واقف في الصينية وبعدين انت بتمشي بعيد في التوثيق مالك ما تجيب قربك الهادي ظريف امدرمان يوثق ليك لي كل زول وجا من وين وعايز شنو والسلام عليكم ورحمة الله

---

Post: #246 Title: Re: مواصلة Author: اخلاص عبدالرحمن المشرف Date: 06-05-2014, 08:45 PM Parent: #245 الانتخابات الغاؤها هو الاسلم ليه~؟ انت يا استاذ حسين وصفت الوضع صحيح , الاحزاب الشماليه تردف مع الوطني والمتمردين يعاملو زي نيفاشا من دون تقرير مصير ولو قامت مظاهرات حميدتي في , بس الما عارفنو انو البند السابع ح يطبق وقبل ما تبدأ الحدوته وكما قال سعد زغلول غطيني يا صفيه واطفئ النور .

---

Post: #247 Title: Re: مواصلة Author: د.محمد حسن Date: 06-06-2014, 01:06 PM Parent: #246 بت المشرف حبابك ما في حوار في كوار ةانتخابت العجبو عجبو

---

Post: #248 Title: Re: مواصلة Author: د.محمد حسن Date: 06-06-2014, 01:33 PM Parent: #247 حلقة الخميس وخميسك ولو تبيع قميصك وبقيت اغني عليك يا حسين واقول يا محيرني ومتحير واحد من اتنين يانت بتتكلم ساي يا بتتكلم ساي ياخ انت قبل كم اسبوع مسحت بالمؤتمر الوطني ده الارض وانه عاطل الموهبة وانو وانو جيت في ذكرى مايو وقلت واحدة من عبقريات نميري انه بيعرف اختيار الكوادر والوزرا وذكرت حادثة القيادي الانشق من حسن الترابي وانه الشيخ كان زعلان وانت بي نفسك قلت طيبنا خاطره وقلنا ليه الزول ده زق ساي وانو الشيخ ضحك حتى بانت نواجزه وقال ليكم طيب من زمان ما كلمتوني ليه؟ واليوم بي قدرة قادر اصبح المؤتمر الوطني هو الاذكى والاقوى والاكثر تنظيما وانو الاحزاب دي عفا عليها الزمن وفي بداية الففورة الديمقراطية والحرية بعد مؤتمر ( الدائرة المستديرة) انت راهنت على انو الاحزاب ما في زول حيجي لنداوته عشان المواصلات وعشان الناس قنعانة ا وفاجؤك يا حسين فكانت الندوات قوماها عشرات الالاف وذكرتني بي عبيد كمال لما قال نحن ما خايفين من الانتخابات لانو عضويتنا 5 مليون مراهنا على تسجيلات اخر انتخابات ديمقراطية والتي كان قوامها 4.8 مليون وفوجي المؤتمر الوطني بان التسجيل للانتخابات فاق ال 16 مليون فكان ابشع تزوير لانتخابات في العصر الحديث بعد مقاطعة الاحزاب يلا نجي للاغلبية الصامتة بعد فرز الاصوات اتضح انو الناخبين كانو 5 مليون يعني عضوية المؤتمر الوطني والمقاطعين 11 مليون يعني الوعي الجمعي فياحسين خليك مرة واحدة امين مع نفسك قبل ما تكون امين مع المشاهد ومنو الثقال ليك الاحزاب ما قدمت هي حكمت كم؟ 3 +3+3 والتلاتة الاخيرة بتاعة الديمقراطية ماتنسى اسهامك الكبير في تقويضها وانا اديك القراية الانت ما قاريها للاحداث العصر القادم للاحزاب التالية الاتحادي الامة وتجمع اليسار وحزب المؤتمر السوداني ( ابراهيم الشيخ) وانت قبل غيرك تدرك تماما فشل المشروع المتأسلم وشعاراته وتدرك انكم بايديكم حفرتم قبر الحركة الاسلامية عشان كده رجعت لاداء ادوارك القديم في التخذيل وتشتيت الكورة المؤتمر الوطني يا حسين حزب حكومة بنتهي مع اول سقوط طوبة من بناء الدولة والامثلة عندك كتيرة الحزب الشيوعي الروسي بعد غورباتشوف الاتحاد الاشتراكي العربي الاتحاد الاشتراكي السوداني حزب البعث العربي ( صدام) الحزب الوطني ( حسني مبارك) واغرب حاجة رفم سلمية الثورة المصرية لم نشاهد مظاهرة واحدة مؤيدة لحسني مبارك قبل انهايره يا حسين المؤتمر الوطني وجوده مرهون بوجود الدولة التي صنعته وابلغ دليل على هشاشته ما صرح به بروف غندور الاسبوع المنصر م( ارفع راسك انت مؤتمر وطني ) بعد الانهزام الكبير والكسير الذي ضرب المؤتمر الوطني بعد انكشاف ستار الفساد يا حسين ده حزب من قزاز جميل المنظر والسلام عليكم ورحمة الله بالله غير التيرمس الاخضر الشين ده

---

Post: #249 Title: Re: مواصلة Author: اخلاص عبدالرحمن المشرف Date: 06-06-2014, 03:38 PM Parent: #248 د/ محمد حسن منذ الوثبه توصل الكثيرون ان الغرض هو اعطاء الرئيس عمر فترة رئاسيه جديدة رغم مخالفة ذلك لنصوص قانونهم ال بحدد فترتين وسمعنا انو الفترة تبدأ بعد الانتخابات الاخيرة وان الغرض هو تمكين الاسلاميين من السلطة ومن رقاب السودانيين وان تردف احزاب الشمال تحت مسمي = اهل القبلة او ما يعن لهم = ويردف حملة السلاح ان لم يستطيعوا هزيمتهم بنسب معلومة مثل اتفاق نيفاشا , وفات عليهم ان تشبثهم سيؤدي الي استئصالهم ك ابشع ما يكون ويعرض الوطن لخطر لا قبل لنا به ما ارأه مئيس ومحزن ولا اري حل سهل اللهم الطف بالسودان

---

Post: #250 Title: Re: مواصلة Author: اخلاص عبدالرحمن المشرف Date: 06-07-2014, 08:24 PM Parent: #249 ما معني الحكومه ؟ و ليه في حكومه ؟ التخطيط وظيفة منو وحاكمننا ليه ؟ الفشل ده كيف والنهبنا منو وال خلي الاجانب يسرقونا منو ؟ لا نكتب ارضاء لاحد ولا طلب شهرة ولكن البلد وقع ودار ابونا ما دايرين الا عمارها , بعض النشطاء من نرجسينهم يظنون ان الدنيا تدور حولهم

---

Post: #251 Title: Re: مواصلة Author: د.محمد حسن Date: 06-08-2014, 10:06 AM Parent: #250 حلقة السبت والسبت اخضر حسين بتبالغ محاورك - انقطاع الموية من الخرطوم - النهب النهاري في قلب الخرطوم - الدوائر المستديرة !!!! انقطاع الموية من العاصمة وتكدس العاصمة ده شغل الدولة التي مهمتها تقديم الخدمات للمواطنين دخل الاحزاب في الموضوع ده شنو بتتكلم منظمات المجتمع المدني منظمات المجتمع المدني يا حسين في ظل غياب الدولة وانعدام الخدمات تعمل شنو؟ دي قضايا اساسية جوهرية لا تقوم بها الا الدولة انت عينك للفيل وتطعن في الجداد الاحزاب خلي الاحزاب في حالها تتلملم تتفرتق ما عندك بيها شغلة عندك حزب واحد ماسك الدولة قلت هو الاذكى والاكثر تنظيما وعنده المقدرة المالية طيب ما يتحرك يجيب الموية انت خايف تقول ليه يا حزب المؤتمر الوطني بي قروش الدولة الخاتيها في حسابك جيب الموية؟ وبعدين السكليب لزومو شنو وانو زمن النصيحة انتهى وانو البلد سياسيا وصلت الحد واقتصاديا وصلت الحد الوصلها منو؟ برضو الاحزاب؟ انت زول عجيب ما تخليك شجاع وتسال اين ذهبت اموال البترول؟ واين تذهب اموال الذهب ؟ وكم حجم الاستثمارات السودانية في ماليزية؟ وكم مدخرات السودانين في البنوك الماليزية؟ لان 1/8 من اموال السودانيين في ماليزيا كافية لانعاش الوضع الاقتصادي السوداني فما كل مرة تقعد تخذل في الناس وترمي اللوم على الاحزاب اما مسالة النهب النهاري دي مسالة امنية بحتة بدل ما يصوبو نيرانهم على مظاهرات الاطفال العزل ما يصزبزها على الحرامية النهاريين ؟ نشكر لك ان اوضجت لنا الخرطوم في عهد الانقاذ انعدم فيها كل شيء الماء الهواء والامن والامان وبعدين عايز تحمي ثغورك والحكومة على مدى 25 عام بتجند في القوات النظامية فئتين الموالين واصحاب العاهات الاجتماعية حتى تستخدمهم في ضرب فئات المجتمع قواتنا المسلحة تم تدميرها بالكامل واستعاضت الحكومة بالجنجويد طيب قوات الدعم السريع ما بتعرف الواطة القاعدة في السهلة جياة تامن الخرطوم؟ مالكم كيف تحكمون؟ نجي لي مسالة الداوائر االمستديرة بتاعتك شوف ياحسين انا شخصيا داير لي دائرة مربعة من اربعةاضلاع دولة حقيقية احزاب فاعلة امنظمات مجتمع مدني ومهنيين على ارضية اقتصاد معافى قابل للنمو لكن ما تقول لي دوائر مستديرة في ظل وجود حكومة بالامؤسسات بل عبارة عن مجموعة افراد يهرفون بما لايعرفون الم لاتحظ ان كل تصريحات التنفيذيين تاتي بنتائج سالبة؟ فعليك الله ياحسين انسى الاحزاب وخليك في حزب المؤتمر الوطني الذكي القادر المافي ليه مثيل والسلام عليكم ورجمة الله

---

Post: #252 Title: Re: مواصلة Author: د.محمد حسن Date: 06-09-2014, 08:40 AM Parent: #251 حلقة ا لاحد... عيد النصار قناة امدرمان قناة عصية على السفارات والاحزاب الا للمؤتمر الوطني وحزن السودلنيين خطاب مأساة د. عبد القادر .. من الايجابيات انو د. عبد القادر بقى كاتب في صحيفة الوان الحمدلله اتفتح ليه باب رزق بعيدا عن المسالة الامنية وامان الخرطوم وجنجويد تأمين الخرطوم بالمسمى الجديد قوات الدعم السريع المطرودة من كردفان والمنتشرة في العاصمة ده موضوع احرى ان يتكلم فيه صاحب قناة الحرية والجمال لكن انا اخدته من زاوية تانية قد يكون هذا الحادث كفارة ليك لان ما تفعله الضرائب بالمواطن هو نفس الذي فعله الحرامي بالدكتور الارهاب والاذلال وترويع النفس في حقها الذي اكتسبته عبر سنين طويلة فكانت النتيجة ان خرج الشرفاء من التجار من السوق واستوطن العابثون من الخيرين والمؤسسات التي تسمى خيرية فكان الامعان في اخذ المزيد من المال من الذين لا يعرفون سبل الغش بالمؤسسات التي تسمى خيرية فهرب منهم من هرب ولاذ بالاغتراب او الهجرة وبقي منهم من بقي واصبج يتجول بالركشات او كداري لا هذا شماتة حاشا لله ولكن تذكير لان يتبصر القائمون بالضرائب حال الشعب السوداني ولان اعلاه مرتبط بتظاهرة الشباب ام مكتب الوالي والذي وصفته يا حسين بالحضاري والذي كنت تتمنى ان يكون العدد اكثر من الف .. ديل يا حسين شريحة بتمثل مئات الالاف عارف سبب البطالة شنو احتكار السلطة والمال بطريقة شرهة لان دولة الاسلام هذه خلال 25 عاما لو كانت قد سوت الطريق للبقرة لما عترت دولة الاسلام يا حسين حاربت الرأسمالية الوطنية بشراسة والتي كان من الممكن ان تتطور لمؤسسات وشركات ضخمة تستوعب كل الخريجين ولكنها حوربت وتم احلالها بابطرة مال جدد لايعرفون ادارة المال فقامو بتهريب ثرواتهم خارج السودان مستفيدين من ريع الفوائد الربوية عليها ففقدت الخزينة العامة مليارات من الجنيهات كان يمكن ان تسهم في توظيف الاطباء على الاقل لان 70% من الميزانية تذهب للجيش فماذا تبقى يا حسين واختم بسخريتك من البرلمان والذي هو 90% من حزب المؤتمر الوطني الذكي الغبقري القوي المنظم والهيكلي .. تخيل انك طالبت بتسريح المؤتمر الوطني فعلا قناة امدرمان قناة الحرية والجمال اما هديتك بتاعة الواتس اب وقول المستشرق بانك اذا اردت القضاء على امة اعمل على هدم التعليم تدمير الاسرة وكسر القيادات والقدوة وهذا ما فعلت الحركة المتأسلمة بالسودان هدمت التعليم بسلمها الثماني دمرت الاسر بالمخدرات والفساد الاخلاقي استدرجت القدوات ففاحت رائحة الفساد والتي طالت كل المتطهرين والمتحللين وتصبحون على خير

---

Post: #253 Title: Re: مواصلة Author: اخلاص عبدالرحمن المشرف Date: 06-10-2014, 04:34 AM Parent: #252 د/ محمد حسن كيفك الشباب , الحرب اللعينه ومتي تضع الحرب أوزآرها الشباب بعضهم يتحدث 6 لعات ناس الخارجيه ما بجيدوها زيهم , ودايرينهم يفكروا زيكم , تفتيش الضمائر ومحاولة السيطره عليهم وادعاء معرفة الحقيقة المطلقة لم ينتج عنها الا بعدهم , ماذا قدمتم لهم , لا شئ . الحرب اللعينه ضد من ضد كوكو وادم وتيه , بعضهم مسلم والبعض ملحد او وثني او اهل كتاب او كريم المعتقدات ما الذي يجعلك صاحب حق اكثر منهم , وطني اكثر منهم ؟اخر دوله اسلمت في العالم كلوووو هي السودان الاسلام دخل الاندلس وخرج حتي اسلمتو يا السودانيين الف سنه وندفع في الجزيه من اموالنا واولادنا , مرات كده الواحد بجيهو شعور انو الناس اتحاسبت والكيزان دخلو الجنه والسودانيين الباقين ودوهم النار . متي تضع الحرب اوزآراها السؤال هو كيف تضع الحرب اوزآرها . الأليه التنازلات , يا جماعة اتعلمو من تونس اتنازلو وانزلو عذبتونا

---

Post: #254 Title: Re: مواصلة Author: mohmmed said ahmed Date: 06-10-2014, 04:58 AM Parent: #253 لم ينسى حسين ركوب العجلة حسب العبارة الشائعة امس اسرف فى الكيل للمعارضة واتهم قادتها بتعمد الدخول للسجن الطريف قال انا ما قاصد زول وفى النهاية قال ابراهيم الشيخ صديقى اشهر لنا خطوط الانقاذ الحمراء وقال الجيش خط احمر وسوف يقف معه حتى لو كان من يتولى الحكم شيوعى ونسى قواتهم التى زحفت من ليبيا وقاتلت الجيش الغريبة ابراهيم الشيخ والصادق المهدى يدافعون عن الجيش وحديثهم ينصب حول قوات الدعم السريع غير النظامية والتى تحارب بالوكالة وهذا هو الخلط الخبيث تتحدث عن قوات غير نظامية تتهم بالهجوم على الجيش تتحدث عن الفساد تتهم بالاساءة للاسلام والمسلمين من هرطقاته قال ان مشاكل السودان لن تحل والحرب فى دارفور لن تتوقف لذا علينا التعامل مع الحرب كواقع ونعمل تعليم حرب واقتصاد حرب وزراعة فى الحرب وما معروف تتعمل كيف اهو كلام والسلام

---

Post: #255 Title: Re: مواصلة Author: د.محمد حسن Date: 06-10-2014, 08:24 AM Parent: #254 حلقة الاثنين ونعي مبكر لنهاية حلقات ( مع حسين خوجلي) ويبدو اما انه يحاول ان يحافظ على شيء من شعبية فيها نكهة بطولية او ان من يديرون الامر الان في الخرطوم يمارسون عليه ضغطا هائلا ام السير في خطهم او توقيف البرنامج مما يعني فقدان نصف ساعة من الاعلان هي الاغلى بين القنوات السودانية نقفز فوق حكاية الاساتذة الاحلاء في الزمن الجميل فنحن الان في زمن العساكر الاعلاء في زمن الجنجزيد وساتجاوز مشكلة الخدمات الاساسية والحرب الضروسية وادلف للخطوط الحمراء لاي دولة تحترم نفسها هي القوات المسلحة التي تحتفظ على الوطن من الاعداء الخارجيين وليس المليشيات المسلحة التي تحارب المواطنين حسين انت قاصد شنو الجنجويد او قوات الدعم السريع ليست قوات نظامية بل مليشيات تم تكوينها في ظرف معين فلماذا تريد ان تلبسها ثوب القوات النظامية لا يا حسين ما في وطني غيور على وطنه بيرضى بي قوات بديلة لقواته المسلحة وانت بتهدد بالخطوط الحمراء منو؟ الصادق المهدي وابراهيم الشيخ؟ وتطالب بان يحاكوما قانونيا طيب احمد هارون طردهم عديييييل من الولاية وخرجت جمياهير كردفان في مظاهرات فرح ليه ما اعتقلوا احمد هارون وهو نفس الكلام القالوهو الصادق المهدي وابراهيم الشيخ ياحسين ما تجمل لينا القبيح نعم نحن مع القوات المسلحة القومية التي تستوعب كافة ابناء الوطن بروح وطنية وليس باحسابات حزبية الا ترى ان الوطن تم اختزاله في المؤتمر الوطني؟ وان الذين ينعمون به هم منسوبي الوطني وان قوات الدعم السريع التي تركت مسارح العمليات وتركت حلايب وشلاتين لقمة سائغة اتت للخرطوم لتأمنها من ماذا ؟ وضد من حين تجيب لي يا حسين على هذا السؤال عندها اعلم تماما صدق نواياك تجاه الوطن والقوات المسلحة

---

Post: #256 Title: Re: مواصلة Author: د.محمد حسن Date: 06-10-2014, 10:39 AM Parent: #254 اخي محمد حسين ضاع ليه الدرب في الموية ما شايفه زاغ من الحوار وبقى ما بجيب سيرة اخي الرئيس ؟ كان كل مرة شابكنا اخي السيد الرئيس ونامل من الاخ الرئيس الرئيس ده بقى ما رئيس؟

---

Post: #257 Title: Re: مواصلة Author: د.محمد حسن Date: 06-11-2014, 02:34 PM Parent: #256 حلقة الثلاثاء المرتدة لم تكن تستحق كل هذه الضجة غباء الجهات العدلية تمت المتاجرة بها من قبل كل الجهات الحكومة تاجرت بها ليك تحدث ضجة اعلامية تصرف بها النظر عن الفساد المعارضة تاجرت بها لكي تعري الحكومة الغبية والخاسر الوطن

---

Post: #258 Title: Re: مواصلة Author: اخلاص عبدالرحمن المشرف Date: 06-11-2014, 08:29 PM Parent: #257 النقرز - حكومه انتقاليه النقرز هم رد علي موت الضان ال لاقو الشماسه ورد العشوئيات علي حرق قراهم الاصليه وهم تنظيم العطاله لتوزيع الثروه , من قتل الشماسه ؟ وهل اقتنع رفاقهم بان البراميل المحتويه علي محلول خطأ هي السبب في وفاتهم حكومه انتقاليه كيف ورؤساء الاحزاب في السجون

---

Post: #259 Title: Re: مواصلة Author: د.محمد حسن Date: 06-12-2014, 10:15 AM Parent: #258 حلقة الاربعاء اولا مبروك التيرمس الجديد .. ايوة خليك كده زول انيق في اختيارك امدرمان قناة الجمال وخير الاعمال اخيرا في عهد الانقاذ احد اصدقائك وجد رجل يفعل الخير لاجل الخير نسال الله ان يجعلها في ميزان الحسانات نجي لخطاب اخونا عبد الباقي من الخبر وحادثة ابنه ذي ال17 عام يا حسين من تبينا قمنا ربينا بنعرف انو في قسم الحوادث في مكتب شرطة فيه شخص مناوب بياخد البيانات الاولى وبيحول المصاب للعلاج بعد كده يكمل تحرياته بعد العلاج لكن في زمن العصبة المتاسلمة كل شي بالمقلوب القصة ما قصة مؤتمر صحفي وموائد مستديرة القصة انو بالضبط بعد 25 عام والنتيجة عاصمة بين 3 انهار تعاني العطش الحركة الاسلامية عايزة تصل لي شنو؟ بجد والله ياحسين عايزين توصولو السودان ده اكتر من كده وين استحلفك بالله يا حسين في حلقة اليوم اعمل مقارنة في الحالة الامنية والنفسية للمواطن في عهد اخر حكومة ديمقراطية وبين المواطن السوداني الان وقارن بين اعيان السودان وموظفيهم في ذلك الوقت والبراح والتسامح الاجتماعي وبين الحالة اليوم ال(.........)ز افراز طبيعي للغبن الاجتماعي ولغياب الدومة هل تملك الجرأة في ان تتحدث عمن يحكم السودان الان؟ لا توجد حكومة الان يا حسين تدهور في كل المرافق الخدمية انعدام تااام للامن الرعب مسيطر على كل النفوس حتى الحاكمين مسيطر عليهم الرعب المواطن مرعوب من الحكومة الجنجويدية ومن العصابات المتفلته الحكومة مرعوبة من الجنجويد ومن الوصايا الدولية ومن انفجار الشارع ديل يا حسين ناسك الانت عاشرتهم من المتوسط يدعون عضويتهم بالخلافة الراشدة وحين دخلوا المكاتب المكندة بداو يحثون الاخرين على الحياو الزهدة وينعمون بالاموال الرافدة والزوجة الجديدة الوافدة نصيحة لوجه الله خلي برنامجك ده مرة في الاسبوع لانو كيسك فضى نتيجة للضغوط الامنية العليك لانه بقيت تترك جسام الاحداث وتتكلم عن قضايا فردية ..ادناها توقف الحوار الوطني شايفك عامل حميل منه ويفضل ليلة السبت والسلام عليكم

---

Post: #260 Title: Re: مواصلة Author: د.محمد حسن Date: 06-15-2014, 12:43 PM Parent: #259 حلقة السبت والسبت اخضر كانت عن الترتيب والدقة والعفش الفي اللوري ومشروع الجزيرة حسين خوجلي لانو من حزب التعدد فقد عدد لينا الاشياء التي عاثت فيها الانقاذ فساد 1- مشروع الجزيرة وكل المشاريع المروية والمطرية 2- الخطوط الجوية السودانية 3- خطوط السكة حديد 4= الخطوط البحرية 5= ودي قالها زمان النقل الميكانيمي -6- الخطوط النهرية طبعا اي دولة بتحترم نفسها بتكون عندها الاشياء دي وطبعا كعادتك جردتنا من الوطنية مع انك انت عارف انو 25 سنة كل الموجودين في الخدمة العامة من الكيزان او اشياه الرجال ممن يتمسحون بالكيزان يعني هل كان بيضير الانقاذ انها تخلي شوية من رجالات الخدمة الوطنية الاتقياء الانقياء ان ينقلو الروح والخبرة للاجيال المستنسخة من الكيزان؟ وسبق ان قلت في اكتر من موضوع في هذا المكان ان الحركة الاسلامية لا تعترف بالوطن عشان كده منسوبيها ليس لديهم ادنى حس وطني الانتماء للجمع فقط فكان تقول يا حكومة ختي الكوز المناسب في المكان المناسب نحن منكم براء اها الليلة حتتكلم عن شنو؟ اتكلم عن وين الرئيس والاسلام عليكم ورحمة الله

---

Post: #261 Title: Re: مواصلة Author: د.محمد حسن Date: 06-16-2014, 10:26 AM Parent: #260 حلقة الاحد كانت عن اطلاق سراح الامام وعن لجنة الوساطة احمد عبد الرحمن الجزولي دفع الله دفع الله الحاج يوسف فيليب فاوث فرج طه على البشير يعني الكيزان يعتقلوا الامام والكيزان يتوسطو للامام والكيزان يطلقوا سراح الامام في حركة في السودان اسمها قرفنا وكمية من الغزل في الامام ابراهيم الشيخ مالو؟ مالو ما بتغزلو فيه؟ تعرف يا حسين انا شخصيا كنت عايز الامام يتقدم لمحاكمة عشان نشوف خصيم الصادق ده منو؟ بلد ما معروف السايقة منو او سايقها لي وين وعايز يصل لي شنو انتو حركتكم الاسلامية دي خلاص راحت شمار في مرقة؟ واغرب حاجة القسم المغلظ لغندور انو المؤتمر الوطني اقوى حزب رغما عن ايلا يواجه معارضة قوية جدا حرس والي يشهر السلاح لنائب الوالي في اجتماع الشورى ولايات دارفو فيها تناحر دخل المؤتمر الوطني عشان كده لما شافو الحراك الحزبي بدو تضييق الحريات وتعليق الحوار وانت ذاتك بقيت ما فاهم راح ليك الدرب في الموية وباين في وشك البقى مغمق بجد بحن عليك لا قادر بتقى كوز لاقادر تفارقهم والسلام عليكم ورحة الله

---

Post: #262 Title: Re: مواصلة Author: د.محمد حسن Date: 06-17-2014, 08:31 AM Parent: #261 حلقة الاتنين الفقر حزب المخربين مطر الالوان الجميل فيك يا حسيان انت بتزوق القبيح الذي كنت واحد من اركانه الفقر حالة والحالة لا تدوم بدليل القرآن والسنة وبدليل التطور التاريخي للافراد والامم الخليج كان يقتات من بيع اللالئ والان يصدر الخضروات لليابان ماليزيا وسينغافورة وغيرها من بلدان آسيا كانت تقتات من بيع السلال للسماكة الان هي نمور اقتصادية وكل هذا التحول حدث لهذه البلدان في عقد من السنوات يعني خلال 10 سنوات انتقلت من الفقر الى الرفاه وجاتنا الانقاذ في 30 يونيو وجثمت على صدورنا 25 عاما وواعملت فينا سياسة الافقار عارف يعني شنو الافقار؟ يعني احتكار السلطة والثروة قسرا لصالح فئة معينة من الناس وياليتهم بعد ان احتكروها افادو بها انفسهم خزنوها خارج البلاد يعني زي الك ل ب العايق لا يعضي لا يخلي ك لا ب الحلة تعضي ولان الشيء بالشيء يذكر كان الاستقطاب لحزب المخربين وانت صادق انو حزب المخربين ده فيه افراد من اقصى اليمين لاقصى اليسار فاستقطبت الحركة الاسلامية منهم سبدرات اسماعيل الحاج موسى ونفر قليل يدعون التقدمية منتفعي الاحزاب الذين ياكلون في كل الموئد باحتلاف الحكومات اسلامية كافرية امية اتحتدية المهم انهم موجودون وانت عارف يا حسين الحاصل فما تجمل لي سوء الحركة الاسلامية الباع خط هيثرو منو؟ وليه سكت التحقيق عنه؟ حسين حجم الدمار الحصل للبلد من الصعب جدا السكوت عنه او تجاوزو ببرنامج السهلة بتاعتك ده ده وطن تم تدميره بمنهجية عالية فيا اما تكون شجاع في طرح المشكلة وتشحيص الداء والتنادي للعلاج بالكي او خليك في مطر الالوان ولو عايز نصيحتي خلال شهر رمضان خلي سهلتك مرة في الاسبوع تكون على الاقل جمعت مادة جميلة وفيها حراك لانو شايفك في بداية برنامجك ده قمت سداري وهسة جنحيت والسلام عليكم ورحمة الله

---

Post: #263 Title: Re: مواصلة Author: د.محمد حسن Date: 06-18-2014, 10:59 AM Parent: #262 حلقة الثلاثاء حسين قال ليكم انتبهوا ايها السادة وكان مفروض يقول انتبهو من الانقاذ ايها السادة لانو نحن بنعرف الدين والكيزان ما بعرفو الدين نحن حافظين السورة التي فيها اطعمهم من جوع وآمنهم من خوف والكيزان حافظين ( العرف عزو مستريح) يعني شرط ربنا لناس قريش انه امتن عليهم بالاطعام والامنه طيب الانقاذ لا اطعمتنا ولا خلتنا ناكل من خشاش الارض ولا امنتنا ولا خلتنا نأمن انفسنا نصبر ليها ليه طيب اول مابدت في 89 اعدمت في ليلة العيد 28 ضابط اثكلت 28 اسرة سودت عيد 28 عائلة نزعت الامن من 28 قبيلة اعدمت مجدي في ماله اعدمت جرجس في ماله افتتحت سوبر ماركيت بيوت الاشباح اطلقت صبيانها ينشرون الفزع في كل حارة وانتهت في 2013 بقتل الطلاب العزل لانهم قالوا للحكومة انت غلط من اين ياتي الامن يا حسين الامن في ظل الديكتاتوريات يعني عدم الامن انت نفسك ما تأمن تمشي في الشارع براك والله يلمو فيك يزعمطوك ويشيلو العندك ويرموك ويقولوا ليك امشي اشتكي نحن في عهد الجنجويد يا حسين مش قالوا عايزين يامنو بيها العاصمة؟ حتشوف ما يحدث في نيالا في وضح النهار بدأ يظهر في الخرطوم في وضح النهار والتقل ور والسلام عليكم ورحمة الله تخريمة جمال الوالي مازلة لسان يا حسين ده جهل

---

Post: #264 Title: Re: مواصلة Author: د.محمد حسن Date: 06-19-2014, 08:58 AM Parent: #263 حلقة الاربعاء كانت ابداع عن القويمة واللقيمة والكليمة الاستوزار البقشيش مفوضية الانتخابات وما اجمل القويمة قبل الانقاذ جات الانقاذ بدت بشهداء رمضان مرورا ببيوت الاشباح احتكرت النهار وكسب العيش لمن يحملون صكوكها واحتكرت الليل لموؤتمر الشعبي العربي الاسلامي الذي كانت تعقد جلساته في الفيحا ولزوار الليل من رجالات الامن فخافت الطبيعة الربانية فان جعل النهار معاشا والليل لباس وسكنا فاصبح المواطن منهوك في النهار بحثا عن اللقيمة وياتي على أخر نفس فيها يتعشى وفيها ما يتعشى وينام خائفا من زوار الليل الرسميين او الشعبيين وبعد احتكار كل وسائل سبل العيش وخروج الاخيار من دائرة العمل الحكومي والخاص انقطعت اللقيمة التي كانت فيها شي من السهولة واليسر والبشاشة وبعدين انت قايل قدح الفول ده ساهل ؟ انا ال450 طالب المالاقين حق الفطور زمان الناس بتطلع في حصة الفطور لاقرب دكان بظبطو البوس وبياكلو كلهم وما في زول بعرف البدفع من الما بدفع شفت الانقاذ دي سيئة كيف يا حسيناهم اما الكليمة بدت الانقاذ بالزارعنا غير الله يجي يقلعنا ولما بدت الاحزاب بالكليمة عن التفاهم البشير قال نحن جبناها بالسلاح وما بنحاور الا الماسك السلاح والعايز يشيلها يشيلها بالسلاح؟ فانتفت الكليمة وحل السلاح بكل اشكاله مكان الكليمة عليك الله يا حسين ورينا نعمل شنو الافكار العظيمة يا حسين بتدي نتائج عظيمة والافكار الفطيرة بتدي نتائج بائسة فانت بتشجع سياسة البقشيش ولانك بتكره مصر السيسي فانت بقيت غير مواكب لانه مصر السيسي سنت قانون جديد يمنع البقشيش حسين والله بتبالغ معقول بلغ بيك اليأس انك بتدعو حزب السودانيين يتسولو بادعاء العمل؟ يعني شنو انا اكون شايف الاسانسير ويجي واحد يفتح لي الباب عشان اديه 500 جنيه انت ما صاحي .. شكلك مرقت من بيتك وانت ما شارب الشاي بتتكلم عن الاراضي البور وما بتتكلم عن الحكومة التي لم تسوي الطريق للبغلة يازول نحن هدفنا واحد الا وهو ازالة الانقاذ بكل عفنها فما تخذل الناس فساد وافساد وانت براك قلتها الاستوزار والمال الحرام سالو الوزير من وزرك قال البشير وليه وزرك وانت عوير قال لانو الحركة الاسلامية قالت ليه وزر اي عوير حتى لو دكتور حمير والظلم ليلته قصيرة اما دليل ياسك من انو مافي اصلاح نهائي لانك قريب من مصدر القرار فهو انك قنعت من الانتخابات ومن عوارة مفوضية الانتخابات بعدين شايفك مريت سريع على 300 من افراد قدس يواجهون محاكمات ديل 300 يعني 3 سرايا وما خفي اعظم لانو ديل ما عرفو يتصرفو والعسكرية تصرف الليلة انا ذاتي حأديك هدية سال زاهد ابليس من احب الناس اليك فقال ابليس ناس المؤتمر الوطني

---

Post: #265 Title: Re: مواصلةت الجماعة سالو Author: د.محمد حسن Date: 06-22-2014, 09:47 AM Parent: #264 السبت اخدر حسين بجلابيته المخططة .. حرمنا سالتني قالت لي الجلابية البيضا مكوية مالها قلت ليها يمكن خايف يسحروك ليا المهم ابتدر القول بالطرفة المعروفة بتاعة الزول القاعد في قرية وعامل فيها بعرف انجليزي وطالع بي ناس القرية الجو لحد ما جا يوم خواجة جابوهو للخواجة اها اخونا بطرش كلام الطير في الباقير الخواجة انفعل وصجاه كف صاموتي ومشى بعد فات ناس القرية سالوا ( انت قلت شنو للخواجة لمن زعل؟) قال ليهم لو كلمنكم بتزعلو مني ؟ اكدوا ليه انهم ما بزعلو قال ليهم ( الخواجة قال لي وكت انت بتعرف انجليزي قدر ده المقعدك مع الناس الطير ديل شنو!!) اها ياحسين وكت انت بتعرف اقتراحات نيرة قدر دي المقعدك مع الكيزان الطير ديل شنو ياحسين انت بتتكلم عن مشروعات رومانسية .. كيف عبد الرحمان الخضر يمشي يعمل ليه مشروع في كردفان وينقل ليه موظفين الخرطوم؟ انت بقيت تقعد مع ناس الجو الرطب؟ يا حبيبي اول حاجة هل والي كردفان حيسمح ليه يعمل مشروع في ولايته؟ والا حيخت ليه كل العراقيل وبعدين المكاتب تشيل منو من البنات ؟ والرياييل ياحسين لو في شغل هل كانو برضو يكونو طباعين انها ازمة نظام حلولك البنادول دي ما بتعمل حاجة يعني زي تكون عايز تنوم ليك فيل بي حبة فاليوم 10 ملغرام واحدة من اكبر العقبات هي مرتبات التفيذيين مش البشير مرة في غضبة مضرية قال للمستشارين قاعدين زي قلتكم انتو مرتب الواحد فيكم بشغل لي 4 اطباء والكلام ده تناولته القنوات الاعلامية الداخلية المقروءة والمشاهدة يلا شوف الانقاذ دي من 89 عينت كم مستشار؟ وبالتلي لم تعين كم طبيب وقس على ذلك عد الوزراء الذين بهم تفوقنا على الصين الشعبية انت عارف انو نحن دخلنا موسوعة جينيس للارقام القياسية في عدد الوزراء؟ ما في دولة سابقانا سودانا فوق وبعدين عبد الرحمن الخضر ده نبي الله الخضر اول حاجة في التصحيح قبال ما يزيل العوائق اليصحح مكتبه انت بتقفز ليه في الولويات وبعدين مش مفروض هو يقدم استقالته بغد فضيحة الشاب ذو ال24 عاما ويمتلك 40 مليار و 23 قطعة ارض يعني من يوم فطمو كل سنة عنده قطعة ارض وناس ترزح بالسنين في الغربة شان قطعة واطة وفي الاخر تبقى كايسة للشبر اكتب يا حسين اكتب كل كلمة بيقولها الراجل ده وكفاية لحد هنا في مقترحاتك للدكتور لانو مكبل ما بقدر يسوي شي نجي للكارثة الكبرى النظاميين اخيرا بعد 25 سنة انتبه حسين خوجلي انو من اولويات الحركة الاسلامية اختيار العناصر بمنهجية علمية واجتماعية واخلاقية اييييييييييييك اصحى يا حسين نحن عشنا ربع قرن نتحدث بلسان السلاح ابيض او ناري فعادي انو النظاميين يقتلوا اي زول لانو الرئيس قال نحن بنحاور الشايل السلاح عايز تجي في لحظة صفاء تكلم العصابة الحاكمة انو ممكن تفلقم بالمنديل ده؟ نحن يا حسين نعيش اسوا حلات الانحطاط الحضاري والسلام عليكم ورحمة الله

---

Post: #266 Title: Re: مواصلةت الجماعة سالو Author: د.محمد حسن Date: 06-23-2014, 10:11 AM Parent: #265 حلقة الاحد عيد النصارى ابتدرك بالطرفة المعروفة واحد احوص دخل المطعم طلب عدس واكل كباب جارر جارو قال ليه عرفناك ما بتشوف ما بتضوق وانت يا حسين عرفناك ما بتشوف ما بتضوق يغني عدم مهنية الانقاذ دي كلها ما شفتها تشوف عدم مهنية الاهالي المالاقين طريقة ياكلو عيش مع ناس الانقاذ تاهيل مهني بتاع شنو نبدا من 30/6/89 اعداد كبيرة من كوادر الكيزان قبل ما يخلصو الجامعة كانو اتوظفو وانت عارف والمتخرجين حتوهم في قيادات وسيطة وعليا اما في المجال السياسي حدث ولا حرج ومنسقيات الحدمة والدفاع الشعبي والشرطة الشعبية فاي كادر فاكي الخط ختو فيها واتدرجو وبعضهم بقى محافظ وبعضهم ولاة الى ان وصلت خريجي الثانوي اصبحو وزراء فيا اما تتكلم بكل الحقائق يا خليك في تواشيح النهر الخالد يلا نتكلم عن التأهيل معهد الكليات التككنولوجية احسن معهد فني اتحول لجامعة معهد التأهيل المهني اتلحس معهد القرش اتلحس مدرسة التجارة النجيلية اتجففت مدرسة الصناعة امدرمان ما عارفها مشت وين حسين ياخ الانقاذ دي اسوأ من السوء انا ما عارف العاجبك في صنم الانقاذ ده شنو اصلك ما بتقرب ليه وانت بتقرا في الصحف طفحت بقوة اسلاميتك وانت تقرا خبر حكم الاعدام في الاسلاميين وان الافكار لا تموت ياحليلك يا حسين عن اي فكرةتتحدث؟ الفكرة التي حكمت 25 عاما ولم تظهر؟ انتبه ايها المذيع مش ننتبه نحن السادة وريني ايجابية معاشية واحدة قامت بها الحركة الاسلامية طوال ال25 سنة التي حكمت فيها باطلاق السودان الحركة الاسلامية حفرت قبرها بيديها من خلال ممارستها يا حسين ما كسبته حركة الاخوان في مصر خلال 80 عام خسرته في عام لانها اتجهت للتمكين ونسيت ان التمكين يكون بالحكمة والموعظة الحسنة وتوفير معاش الناس لابالاستوزار والتوظيف انظر ماذا فعل التمكين في السودان يا حسين الانقاذ اتعلمت فينا الحلاقة وياريت لو اتعلمتها صاح سؤال واتحداك تجاوبني عليه في حلقة اليوم من يحكم السودان؟ والسلام عليكم ورحمة الله

---

Post: #267 Title: Re: مواصلةت الجماعة سالو Author: د.محمد حسن Date: 06-25-2014, 10:42 AM Parent: #266 امس حسين اختفى في ظروف غامضة لكن ما استوقفني في حلقة امس الاول انه تحدث عن صديقه مسئول الامن والسلامة الرجل الخبرة النزيه الامين وتحسر انو رجل في قمة عطاءه يحال للمعاش بس ياحسين ده معاش اجباري احالة للصالح العام وكنت اتمنى ان تسمي الاشياء بمسمياتها وتتحدث عن مأساة الصالح العام والتي احالت الوطن لملهاة دائما ما تتحاشى الخوض في السياسة

---

Post: #268 Title: Re: مواصلةت الجماعة سالو Author: د.محمد حسن Date: 06-26-2014, 11:08 AM Parent: #267 حلقة الاربعاء اليتيمة تعرف في اشياء رغم انها قد تكون خطأ لكن بتصبح مسلمات يعني هنا اذا حصل حادث وتم الاتصال بالشرطة بيتم الحوار التالي - في حادث - بتاع الليموزين غلطان - لا ما ليموزين - الاجنبي غلطان - الاتنين اجانب مصري وسوداني - المصري غلطان وهسة يا حسين في تفجيرات وموت وقتل عشوائي يبقو اسلاميين عشان تزال هذه الصورة القميئة على الاسلاميين عمل الكثير يلا نجي لملايين السودانيين خارج السودان قبل الانقاذ كان الاغتراب والسفر طوعي برغبة الافراد او ابتعاذ وغالبا ما يكون فيه رجعة او على الاقل المداومة في الاجازات وجات الانقاذ وزي ما انت قلت قلة الادب في بلادك نوع من الكرامة ودي اول مرة نعرفها انو قلة الادب فيها كرامة وعشان ما نمشي بعيد في بدايات الانقاذ جارنا و عمك على التوم البيته تكية للمسافرين على مدى 24 ساعة بابو ما بتقفل ولده الاستاذ والمربي الفاضل علم اولاده احسن تعليم وكانو نوابغ ودخلو كلهم جامعة الخرطوم مشكلتهم انهم بقو مع المحايدين وكان عندهم نشاط عشان يكسروهم الامن كان بيستدعي ابوهم الاستاذ المربي الفاضل يوميا من الصباح للمسا ومورس معه كل اساليب الاذلال حتى انه كان يستجدي للوضوء والصلاة اي امن هذا؟ تخرج الاولاد النوابغ وبتشجيع من ابوهم هم الان خارج السودان ومثلهم مئات الالاف مجبرين لان واحد خريج ثانوي بالكتير عايز يمارس فيهم قلة الادب التي تسميها كرامة ونجحت مزرعة هولندا الصغيرة ذات ال7 افراد في التصدير لان العملة الوطنية مستقرة واحكي ليك الام انت ما عايز تقولها صديقنا المرجوم نسال الله له الرحمة الطبيب البيطري وكاان واحد من انجح مربي الدواجن بشرق النيل التقينه في عام 96 بالرياض استغربت وقلت ليه انت بتغترب؟ ضحك شديد وقال لي دي الانقاذ وعمل مندوب مبيعات بعد ان كان من انجح الناس في بلده والامثلة كتيرة يا جسين الانقاذ هي التي عملت على تهجير الشبا والكفاءات عشان ما تعمل ليها خميرة عكننة وجابت اشباه المتعلمين وحملة الشهادات العليا بالواسطة ما في زول بسيب بلده يا حسين الا مكرها وبعدين انت فكيت كلمة ع الماشي قلت نحن بنتكلم بظاهر القول باطن القول مقطعنو في حشانا نحن ما عيزين منك انت كاعلامي ظاهر القول عايزين باطن القول عشان الناس تعرف بلدهم دي ما شة وين والسايقة منو وعايز يصل بيها لي شنو ما تتكتم لانو عليك رسالة وانت زول بتتكلم عن الرساليين الذ حاجة صاحبك غندور وتصريحه طبعا كل زول بصرح بالحاجة المترسبة في العقل الباطن وصاحبك البروف ما تفهمو غلط لما قال المنقاش هو ما قاصد المنقاش الصغير هو قاصد دلالة منقاش .. النس ديل يا حسين ما تستهون بيهم ديل عباقرة في البيع والشرا اما كلامك الكتير عن مريم اتفق مع شقك الفكري في حد الردة الباقين هرطقة قول منك والسلام عليكم ورحمة الله

---

Post: #269 Title: مع حسين خوجلي والفكر الذي فقد ظله Author: اخلاص عبدالرحمن المشرف Date: 07-04-2014, 02:46 AM Parent: #268 التهنئية برمضان ثلاثة اهدئهم التهاني وازف لهم بشريات بركات الشهر الفضيل د/ محمدحسن والعائلة الصغيرة والعائلة الممتدة = المدام والاميرات وبنت وهب التي شرفتنا بقدومها وباقي العقد الفريد = الاستاذ حسين خوجلي وما ضره همز ولا لمز الدبلوماسيه القديرة اميرة قرناص = فقد جنبتنا خيبات وضربات وليت جميع وزراء الانقاذ ثنوا بمن يستطعن ادارة وزاراتهم ف بعض الشر اهون من بعض اما الاتحاديون ابناء الشريف الهندي ف نحجبها عنهم ولنا عليهم ثلاثه الاولي القبه والثانيه الصوره = ال مع نميري وقد اعتذر عنها الشريف نفسه اما الثالثه ف توزير احمد البلال