Post: #1
Title: كنت في مناطق البحث عن الذهب
Author: ياسر بيناوي
Date: 04-10-2014, 05:33 PM
سأكتب عن تحربتي في التعدين الأهلي وسأحكي عن كل التفاصيل بقدر ما تسعفني ذاكرتي الخربة
خالص الود
|
Post: #2
Title: كنت في مناطق البحث عن الذهب
Author: ياسر بيناوي
Date: 04-10-2014, 06:01 PM
Parent: #1
مثلي ومثل معظم ابناء منطقتي استقلينا عربة أحد الأقارب ( بوكس ) وكنا اربعة افراد لكل منا جهاز ( gbx ) ولدينا خيمة ومستلزمات الميز ما يقضي حاجتنا لمدة شهر وكانت بصحبتنا عربتان تحمل نفس العدد و العتاد
واتجه ركبنا شرقا من مدينة ابوحمد مسافة ستين كيلو متر حيث مناطق ( أب نيران - والعانج - وفتوح السكران _ النجيم - وكتمت )
= نواصل =
خالص الود
|
Post: #3
Title: Re: كنت في مناطق البحث عن الذهب
Author: قصي محمد عبدالله
Date: 04-10-2014, 06:06 PM
Parent: #2
| Quote: ( أب نيران - والعانج - وفتوح السكران _ النجيم - وكتمت |
هههههههههه
كلها أسامي توحي بترنح واختناق الأماكن!!!
واصل راكبين معاكم في البوكس....
|
Post: #4
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 07:06 PM
Parent: #3
شكرا علي المرور يا قصي
خالص الود
|
Post: #5
Title: Re: كنت في مناطق البحث عن الذهب
Author: Hassan Makkawi
Date: 04-10-2014, 07:40 PM
Parent: #4
| Quote: واصل راكبين معاكم في البوكس.... |
فرقة معاكم يا شباب .....
|
Post: #7
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 07:56 PM
Parent: #5
اووو حبيبنا مكاوي
حبابك الف ياخي
وحجزنا ليكم المقاعد القذام مع السواق انت و قصي
خالص الود
|
Post: #6
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 07:47 PM
Parent: #4
وبمجرد وصولنا منطقة اب نيران قمنا بنصب الخيام ومن ثم بدأنا رحلة البحث واخذ كل منا جهازه واخذ اتجاها يختلف عن الاخرين
وبدأ رفاقي في العثور علي القطع الصغيرة من المعدن النفيث ( نواميس -وتسالي - جنزبيل ) علما بأن ( الناموسة تزن اقل من نصف _ والتسالية تزن حوالي جرام - اما الجنزبيلة فتزن ما بين جرام ونصف الي عشرة جرامات )
في الايام الأولي كلهم عثروا علي تلك القطع الثمينة عدا العبد لله والذي ظل يبحث بكل جد ومثابرة ولكن دون جدوي
د
ظلت الوضع بهذا الحال لمدة عشرين يوما بالتمام والكمال الرفاق (ملقطين) ومن من كان حصاده قرابة الاربعين او الخمسين جراما والعبد لله ولا ( ناموسة )
وفي اليوم الواحد والعشرين وتحديدا في الخامسة عصرا اذا بالجهاز يصرخ باسعد صرخة سمعتها في حياتي وعندها حفرت مكان الصرخة حفرة لايتجاوز عمقها العشرة سنتمتر وقطرها كذلك و اخذت ( انسب ) التراب الذي اخذته من الخفرة اذا بي اجدها قطعة من الذهب الخالص تزن مائة وسبعين جراما بالتمام والكمال
= نواصل =
خالص الود
|
Post: #8
Title: Re: كنت في مناطق البحث عن الذهب
Author: عبدالعزيز عثمان
Date: 04-10-2014, 08:05 PM
Parent: #6
يازول كفي،،،باقي القصة البحضره ليك منو،،يمين اعمي شايل مكسر،،اها ام نيران،والنجيم جيناك،،،استعدي ساي.
|
Post: #9
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 08:29 PM
Parent: #8
حبابك الف يا عبد العزيز
ودي المناظر بس الفيلم لسه
خالص الود
|
Post: #10
Title: Re: كنت في مناطق البحث عن الذهب
Author: Abd Alla Elhabib
Date: 04-10-2014, 09:05 PM
Parent: #9
Quote: وفي اليوم الواحد والعشرين وتحديدا في الخامسة عصرا اذا بالجهاز يصرخ باسعد
صرخة سمعتها في حياتي وعندها حفرت مكان الصرخة حفرة لايتجاوز عمقها العشرة
سنتمتر وقطرها كذلك و اخذت ( انسب ) التراب الذي اخذته من الخفرة اذا بي
اجدها قطعة من الذهب الخالص تزن مائة وسبعين جراما بالتمام والكمال |
والله يا ياسـر سعـدت لك فتجارب كهذه تصنع الرجال
وحقاً من كـّد وجـد ... المداخلة الجاية يا ريت صفير الجهاز
يكون بشارة لقطعة تزن خمسـة كيلو ذهباَ خالصاً عالي العيار
أخـوك مهاجر منذ التسعينات لو كنا عارفين فيها دهـب كان
دقشنا الصحرا زمان ... أقرب إجازة سننضم لكم !
بالتوفيق لك ولرفاقك الميامين
|
Post: #13
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 09:30 PM
Parent: #10
حبيبنا عبد الله تحياتي
وسعيد جدا بمداخلتك
وحقيقة ما جنيته من هذة التجربة أغلي من الذهب بكتير
تعلمت حقيقة ان الصبر مفتاح الفرج وفعلا الحاري ولا المتعشي
غير معرفة الرجال وتحمل المعاناة
خالص الود
|
Post: #11
Title: Re: كنت في مناطق البحث عن الذهب
Author: معتصم سليمان
Date: 04-10-2014, 09:18 PM
Parent: #6
Quote: وفي اليوم الواحد والعشرين وتحديدا في الخامسة عصرا اذا بالجهاز يصرخ باسعد صرخة سمعتها في حياتي وعندها حفرت مكان الصرخة حفرة لايتجاوز عمقها العشرة سنتمتر وقطرها كذلك و اخذت ( انسب ) التراب الذي اخذته من الخفرة اذا بي اجدها قطعة من الذهب الخالص تزن مائة وسبعين جراما بالتمام والكمال
|
صدق اولا تصدق يا أخ ياسر وياكل القراء رغم اني لم أتشرف بمعرفتك ياياسر حتى اللحظة غير أني وصلت الان وبديت معاك من النقطة دي الفوق دي صدق لو قلت ليك في اللحظة دي انا اتخيلتك لدرجة اني مستعد اوصف شكلك ولولا أني مقيد وعارف قيدي حدو وين كان اتجرأت ووصفتك يا أخي ربنا يوسع ليك دنيا وآخرة واصل وانا مستمتع بالسرد والمناظر
|
Post: #12
Title: Re: كنت في مناطق البحث عن الذهب
Author: abas
Date: 04-10-2014, 09:23 PM
Parent: #11
الحبيب بنياوي
ورينا الكيلو وديتو وين سريع
|
Post: #15
Title: Re: كنت في مناطق البحث عن الذهب
Author: خالد المبارك
Date: 04-10-2014, 09:56 PM
Parent: #12
الاخ بيناوي تحية و احترام
سرد ممتع ياخ ولا افلام جيمس بوند
ورينا كيف بلدنا جميلة وفيها الخير بالله
ياسسلام ياخ انا مغرم حتى الثمالة بهذا النوع من المغامرات و خاصة لما تكون في سوداننا العجيب ده و اعشق التوثيق
وثق يا بيناوي لكل حركة و كل سكنة و كل قطعة من هذه الارض المعطاءة
السودان ده زي ما بيقول حسين خوجلي لم يكتشف بعد
احبك ياسودان
ولا عزاء لغير السودانيين
و ربنا ييسر الارزاق لينا و ليكم
|
Post: #20
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 01:39 AM
Parent: #15
الاخ خالد المبارك
فعلا السودان جميل واجمل
ما يكون
ولكن الله يجازي الكان سبب
كان سلطة ينسلط ينسلط عليها
وكان حسين خوجلي يلجنو
يا عزيزي السودان لكل السودانين
عدا الما بيشبهونا خلقة واخلاق
خالص الود
|
Post: #19
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 01:27 AM
Parent: #12
حبيبنا عباس
تحياتي واشواقي ياخ
الكيلو قرب يجي واكيد حقك محفوظ
خالص الود
|
Post: #14
Title: Re: كنت في مناطق البحث عن الذهب
Author: ياسر بيناوي
Date: 04-10-2014, 09:39 PM
Parent: #11
حبيبنا معتصم
اولا حاجة مرحب بيك بيننا
وسم سانيا ياخ انا سعيد جدن جدن بمعرتك
وان شاء الله نتلاقي فريب
تسلم ياخي تسلم
خالص الود
|
Post: #16
Title: Re: كنت في مناطق البحث عن الذهب
Author: معاوية المدير
Date: 04-10-2014, 10:07 PM
Parent: #14
Quote:
المستنير وهبة · الأكثر تعليقا · Khartoum, Sudan
اتاريك كنت مختفي من الساحة ههههههههه ان شاء الله ربنا يديك من وسع يا ياسر |
وإنت كمان يا يا حبيب،
و إن شاء الله ربنا يكلل مسعاك بالنجاح.
ياسر طبعاً أنا صاحبك، مُش، هههههههه.
يا أخي ايما سعادة هي !!!. والله صحي ...
|
Post: #17
Title: Re: كنت في مناطق البحث عن الذهب
Author: nour tawir
Date: 04-11-2014, 00:11 AM
Parent: #16
يا بيناوى سيبك من الفيلم...
أنا فى انتظار الغويشه..
|
Post: #22
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 01:53 AM
Parent: #17
الغالية استاذة نور
شوق وسلام
معقول غويشة بس . . ؟
انتي تستاهلي غويشة وخاتم وسلسل واحفظ مالك
خالص الود
|
Post: #52
Title: قبل ان تصبح بوردابي
Author: ياسر بيناوي
Date: 04-14-2014, 03:19 PM
Parent: #22
.
|
Post: #21
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 01:46 AM
Parent: #16
اووو حبيبنا معاوية المدير
ياخي انت مش صاحبي وبس
انت ابو النسب عدييل كدة
انت قايل المجازفات كلها عشان منو . . ؟
والله صحي
خالص الود
|
Post: #67
Title: Re: كنت في مناطق البحث عن الذهب
Author: ياسر بيناوي
Date: 04-26-2014, 07:12 AM
Parent: #16
.
|
Post: #28
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 05:03 PM
Parent: #6
وتتعدد طرق التعدين الأهلي
مثل التعدين بواسطة الاجهزة الكبيرة ( gbx )
والتعدين بواسطة الاجهزة الصغيرة ( gmt ) وهذا يتطلب وجود تزاكتور او لو در او بوكل
وهناك التعدين بواسطة حفر الآبار ( وهذا اصعب و اخطر )
واخيرا ظهر التعدين بواسطة الغرابيل
وسنعود لشرح كل طرق التعدين ونتحدث عنها بالتفصيل
= نواصل =
خالص الود
|
Post: #53
Title: Re: كنت في مناطق البحث عن الذهب
Author: ياسر بيناوي
Date: 04-15-2014, 11:28 AM
Parent: #28
حذف للتكرار
|
Post: #18
Title: Re: كنت في مناطق البحث عن الذهب
Author: Tahani Shatir
Date: 04-11-2014, 01:03 AM
Parent: #1
الف مبروك لغاية هسى, اكيد كان الناتج اكتر, فى إنتظار باقى الجرامات
السرد ممتع , جعلنا نحس بالصحراء و نتذوق ذرات التراب مع الاكل
شجاعة منك للاعتراف بكمية الجرامات, اى زول عرفناهو مشى الدهب نسالو والرد الثابت هو ( الحمدلله ), نعمة بالله لكل باحثى الرزق فى كل مكان, لكن ما بيعترفوا
مع تحياتى
|
Post: #23
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 02:13 AM
Parent: #18
الاخت تهاني شاطر
مرحب بيك والله
بالمناسبة انا لسه ما اعترفت بالكمية الحقيقية ( وجهة بدأ يتغاتت ويعمل حركات الدهابة )
لكن الحمد لله
خالص الود
|
Post: #24
Title: Re: كنت في مناطق البحث عن الذهب
Author: محمد الطيب محمد
Date: 04-11-2014, 02:58 AM
Parent: #23
تحياتي لك
وربنا ينورها عليك
تجربة جميلة
اتمني ان تواصل في هذا السرد
مودتي
|
Post: #25
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 03:13 AM
Parent: #24
اخونا محمد الطيب
يديك العافية ياخي
واكيد ح نواصل
خالص الود
|
Post: #26
Title: Re: كنت في مناطق البحث عن الذهب
Author: محمد عبدالله مختار
Date: 04-11-2014, 02:52 PM
Parent: #25
يا سلااااام يا ياسر الف مبروك وان شاء الله المرة الجاية بدل الجرامات ربنا يديك بالكيلو ..
رجعتنا لي ذكريات جميلة رغم إننا ما اتوفقنا لكن ان شاء الله متفاءلين انو الجايي يكون أحلى
عارف يا ياسر نحنا عندنا مشكلة واحدة ، زي السمك من غير موية ما بنعيش عشان كده لمن قررنا نمشي الدهب مشينا المحس
رغم اننا عارفين انو الخلايا في وادي المعقل ونوراية وغيرو.
المسافة قريبة من النيل والبرنامج ثابت ، بنشتغل من بعد الفجر لغاية الساعة 11 بعد داك بنفطر ونشرب الشاي وعلى البحر طوالي
بنستحما ونغسل ملابسنا ونشتري السمك ، بنعمل أكلنا بي مزاج وبنقيل في (الجنينة) لغاية العصر
بنرجع ونواصل شغل لغاية المغرب وإذا في قمر بنشتغل بالليل يمكن لغاية 12 وهكذا .. برنامج رحلة جميلة لكن ما بتخلو من مخاطر
التمساح في البحر والعقارب والعناكب السامة والثعابين في الجبال خاصة ما يعرف بـ(أب درق) ويوجد أيضاً ضب سام .. الحافظ الله .
أجهزتنا بالإضافة للجي بي أكس ، عندنا الألماني لورينز ديب ماكس أكس 6 - الصورة من الإنترنت
في منتصف الصورة الخيمة بتاعتنا ، عربة بوكس وعربة جيب وبعض براميل الماء
نهر النيل ، الماء والخضرة .. والسمك 
الكيلو بي 2 جنيه ، ومرة اشترينا نص شوال سمك بي 15 جنيه
سمك مبالغة .. حاجة ما بتتوصف والله
الكبسة .. أسهل وجبة يمكن إعدادها في الرحلات ، لكن الناس ما جايبين خبر
أخيراً .. التحلية ..
قطعة من الذهب الخالص عيار 1000، 12 جرام
معليش يا جماعة رداءة الصور بسبب الموبايل المخستك الكنت شايلو لكن عندي صاحبي مصور كمية من الصور بي آي فون بحاول اتحصل عليها ان شاء الله.
التحايا من على البعد لأهل (كويا) الطيبين خاصة عم موسى (صاحب الجنينة) . ان شاء الله ربنا يقدرنا ونرد ليك جميلك
تحياتي ..
|
Post: #27
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 03:30 PM
Parent: #26
محمد عبد الله مختار
تحياتي ياخي طلعت زميلة بورد
وزميل مجازفات
ياسلام علي الصورة الجميلة
زكرتني ( سمنة - وعكاشة - والبير حيث كافتيريا فكرية )
تعرف يا صديق انا لفيت معظم مناطق الدهب في نهر النيل والشمالية ولكن تظل ايامنا في
منطقة المحسة هي الاجمل
خالص الود
|
Post: #29
Title: Re: كنت في مناطق البحث عن الذهب
Author: ذواليد سليمان مصطفى
Date: 04-11-2014, 05:41 PM
Parent: #27
حمدلله على السلامة
قول لي مختفي في الدهب
ربنا يسهل عليك
الصابرات روابح
بس اتذكر اخوانك الكنت تأكل معاهم البوش في دكاكين الخرطوم
|
Post: #30
Title: Re: كنت في مناطق البحث عن الذهب
Author: سيف النصر محي الدين
Date: 04-11-2014, 06:15 PM
Parent: #29
| Quote: سرد ممتع ياخ وand#65275; افand#65276;م جيمس بوند ورينا كيف بلدنا جميلة وفيها الخير بالله ياسسand#65276;م ياخ انا مغرم حتى الثمالة بهذا النوع من المغامرات و خاصة لما تكون في سوداننا العجيب ده و اعشق التوثيق وثق يا بيناوي لكل حركة و كل سكنة و كل قطعة من هذه اand#65275;رض المعطاءة السودان ده زي ما بيقول حسين خوجلي لم يكتشف بعد احبك ياسودان وand#65275; عزاء لغير السودانيين و ربنا ييسر اand#65275;رزاق لينا و ليكم |
ههههه ....ما ناقص الا المنعطف الخطير و الظرف التاريخي عشان يكتمل البيان.
سلامات يا بيناوي
|
Post: #33
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 07:50 PM
Parent: #30
مرحب بيك ياسيف النصر ياخي
خالص الود
|
Post: #31
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 07:39 PM
Parent: #29
الصديق الرائع
الشاعر ذو اليد
ياخي مشتاقين والله
بس معقولة انسي اصحابي ياخ ؟
خالص الود
|
Post: #32
Title: Re: كنت في مناطق البحث عن الذهب
Author: cantona_1
Date: 04-11-2014, 07:41 PM
Parent: #31
الإخ ياسر بيناوي بعد السلام
خلاص خلينا متابعتك.. خليت الحكي وبقيت ترد على المداخلات .. عندك باقي حكي ولا ما ندخل ساكت ونطلع بخفي حنين؟
تحياتي
كبـّاشي الصـّـافي
.
|
Post: #34
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 08:29 PM
Parent: #32
عذرا حبيبنا كباشي
ولكن لن استطيع تجاهل الاخرين
ولك العتبي يا عزيزي
خالص الود
|
Post: #35
Title: Re: كنت في مناطق البحث عن الذهب
Author: ياسر بيناوي
Date: 04-11-2014, 08:54 PM
Parent: #34
نواصل
المهم بعد ربنا أكرمني بالمائة وسبعون جرام وطبعا جري تقسيمها حسب العرف السائد تلت للعامل وتلت للجهاز وتلت للعربة
اها مجرد ما استلمت نصيبي طوالي اشتريت جهازي الذي لم يفارقني حتي اللحظة
و بقيت دهابي اصلي شهر في الخلا واسبوع في الحلة
ثم اصبحت الرحلات تأخد فترات زمنية اطول والي مناطق ابعد ( النفايات - وادي الشيخ - قبقبة - المعقل - المرات - نصب الحصان - تلة عابدة - ام طباق ) وغيرها من المناطق
= نواصل =
|
Post: #36
Title: Re: كنت في مناطق البحث عن الذهب
Author: ياسر بيناوي
Date: 04-12-2014, 10:04 PM
Parent: #35
كنا في البداية ننقب عن طريق الاجهزة وحدها ثم انتقلنا بعد ذلك للتنقيب بمساعدة وابورات التراكتور
ثم اخيرا انتقلنا لمرحلة التنقيب بمساعدة البوكلن وهذا الاخير يتيح الفرصة للعثور علي كميات أكبر
واعرف الكثيرين من من عثروا علي مائة كيلوجرام وعلي مائتين وعلي ثلاثمائة واكثر
= نواصل =
خالص الود
|
Post: #37
Title: Re: كنت في مناطق البحث عن الذهب
Author: ياسر بيناوي
Date: 04-12-2014, 10:40 PM
Parent: #36
ومن القصص المثيرة ان الميسورين من منطقتنا ( سأجري معه حوارا مطول خاص بالمنبر ) جهز البوكس والأجهزة واشتري الميز ودفع سلفيات للعمال ما يقارب العشرة الف جنيه ولكن العمال عادوا بعد شهر بخفي فكرر المحاولة واشتري الميز ودفع السلفيات وايضا عادوا ولم يجدوا ولا جرام واحد
وايضا كرر المحاولة ثم كررها حتي وصل مبلغ مادفعه لهم حوال خمسون الف جنيه قال لهم ( امشوا المرة برضو لو لقيتو الحمد لله ولو ما لقيتو انا عافي ليكم لوجه الله ) فذهبوا
ولكن بعد عشرة ايام فقط عادوا ومعهم قريب العشرين كيلو وقالوا انهم عثروا علي حفرة ويريدون بوكل وفعلا دهبوا وبمعيتهم البوكلن واصبحوا كل عشرة او خمسة عشر يوم يعودون محملين بكميات كبيرة حتي فاقت جملة ما عثروا عليه اكثر من ثلاثمائة وتسعين كيلو
= نواصل =
خالص الود
|
Post: #38
Title: Re: كنت في مناطق البحث عن الذهب
Author: Tragie Mustafa
Date: 04-13-2014, 03:10 AM
Parent: #37
ياسر بيناوي يا اخوي
الف حمدا علي سلامتك من هذه الرحله.
ومبروك اجتهاداتك…..ومحمد مختار
وكل زملاءنا المجتهدين.
متابعين معاك.
|
Post: #39
Title: Re: كنت في مناطق البحث عن الذهب
Author: عبدالعزيز عثمان
Date: 04-13-2014, 03:26 AM
Parent: #38
اها دخلت الغريق دابك،،
ياهو جنس الكلام ده البفرح هو الخلا عثمان موسي هسع تحت الجبال ديك..
وبي تحت تحت قالو قريبو ود المدير لاحقو...
الله ابشرك بالخير وياغني اغني بفضلك عبادك الكادحين
متوكلين علي رحمتك وراجين من خزاين دهبك..
|
Post: #40
Title: Re: كنت في مناطق البحث عن الذهب
Author: ولياب
Date: 04-13-2014, 08:22 AM
Parent: #39
الأخ / ياسر
ربنا يوفقك ويوسع في رزقك ، ولكل مجتهد نصيب .
البحث والتنقيب عن الذهاب من الأعمال الشاقة ويحتاج لمرء بذي صبر وجلد وتحمل الصعاب ، حيث أن الانسان معرض للخطر في أية لحظة ولكن الحافظ هو الله أحفظ الله يحفظك من كل سوء .
الحبيب محمد عبد الله لكم التحايا وايامك إن شاء الله ذهب .
|
Post: #41
Title: Re: كنت في مناطق البحث عن الذهب
Author: احمد التجانى احمد
Date: 04-13-2014, 12:50 PM
Parent: #40
| Quote: واصبحوا كل عشرة او خمسة عشر يوم يعودون محملين بكميات كبيرة حتي فاقت جملة ما عثروا عليه اكثر من ثلاثمائة وتسعين كيلو |
الاخ ياسر الف حمد لله على السلامة وربنا يرزقك من فضله على اجتهادك وصبرك وتحملك للصعاب
لكن يا اخوى الكلام الفوق دة لو مظبوط البشير القاعد ليها شنو فى القصر الجمهورى
|
Post: #45
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 02:05 PM
Parent: #41
حبيبنا احمد التجاني
سلاماتي ياخي
الكلام دا مظبوط وهناك من عثروا علي اكثر من ذلك
ويمكنك ان تسأل عن
بابكر عباس ( ابوديس _ ابوحمد )
وازهري ( العفاض ) صاحب الحفرة التي تسمي بنك السودان
وياسر كليب (ابوحمد )
والكثيرين من الذين عثروا علي ما يفوق المائتين والثلاثمائة كيلو
وبعدين القال ليك منو عمر البشير ووزراءه قاعدين في الخرطوم وما عندهم شركات او اسهم في شركات تعمل في التعدين
يا عزيزي تابع البوست وستقرأ الكثير و المثير
خالص الود
|
Post: #44
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 01:49 PM
Parent: #40
الغالي ولياب
شكرا علي المرور ياخي
وفعلا واجهنا العديد المخاطر وشاهدنا الكثير من الحوادث القاتلة ولكن قل لن يصيبنا الا ما كتب الله لنا
خالص الود
|
Post: #57
Title: Re: كنت في مناطق البحث عن الذهب
Author: ismeil abbas
Date: 04-17-2014, 02:27 PM
Parent: #44
ألأخ/ياسر...ألف حمداً لله على سلامتك...وربنا يوفقك ويرزقك الرزق الوفير من خيره..وبحقق أمانيك...
|
Post: #58
Title: Re: كنت في مناطق البحث عن الذهب
Author: ياسر بيناوي
Date: 04-18-2014, 00:37 AM
Parent: #57
حبيبنا اسماعيل عباس
يديك العافية يا غالي
وربنا يرزق الجميع
خالص الود
|
Post: #59
Title: Re: كنت في مناطق البحث عن الذهب
Author: nour tawir
Date: 04-20-2014, 07:57 PM
Parent: #44
معتصم سليمان..
سلام...
ياسر بيناوى دا سودانى أصيل..
زول بسيط جدا وأخو أخوان للطيش..
وبعدين النوع البيبّسط ليك الآمور و ما بيعقدها..
ورغم كل المعاناة الحاصلة فى السودان..
يا أخى تلقاه متفائل شديد..
وعنيد..
وساخر بأدب وتهذيب..
وعنده أصرار على النجاح..
وكريم كرم حاتمى...
تلقاه ما عنده التكتح..
لكين يعزمك على فطور فى السوق العربى..
ولا كباية شاى تحت شجرة نيم..
وبعدين ما عنده كبير غير الله..
وما بيخاف من الجن الآزرق..
وأنت لو لاقيته حتحلف انك بتعرفه من ايام الطفولة وكورة الشراب..
وممكن يكون من أى بلد فى السودان..
دا وصف عام لى ياسر بيناوى.....
لمّتنى بيه ظروف الحزب الليبرالى فى الخرطوم..
وأفترقنا على هذا الاساس..
|
Post: #64
Title: Re: كنت في مناطق البحث عن الذهب
Author: ياسر بيناوي
Date: 04-21-2014, 09:34 PM
Parent: #59
يا سلااااام يا استاذ نور
والله مداخلتك دي تفوق اعلي الشهادات وارفع الاوسمة
حقيقة يا استاذة انا عاجز تماما عن الشكر و التقدير
كتر خيرك كتير وربنا يكتر من امثالك
خالص الود
|
Post: #42
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 01:41 PM
Parent: #38
الغالية تراجي
تسلمي ياستي
وخليكي متابعة فهناك الكثير من الاحداث التي تهمك
خالص الود
|
Post: #43
Title: Re: كنت في مناطق البحث عن الذهب
Author: عبدالعزيز عثمان
Date: 04-13-2014, 01:48 PM
Parent: #42
يااحمد التجاني قال ليك 390 كيلو جرام مضروبة في الف جرام مضروبة في 300 الف ج،،،،،وووووك،ده اعمر مشروع الجزيرة،،،نص طن دهب..
ياسر ات بي صحك...
|
Post: #46
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 02:16 PM
Parent: #43
والله العظيم الكلام دا حقيقة يا عبد العزيز و سبب واحد يخليني اكذب مافي and#1632;
ولسه الغريق قدام
|
Post: #65
Title: Re: كنت في مناطق البحث عن الذهب
Author: ياسر بيناوي
Date: 04-22-2014, 02:29 PM
Parent: #38
.
|
Post: #55
Title: Re: كنت في مناطق البحث عن الذهب
Author: ياسر بيناوي
Date: 04-17-2014, 01:34 PM
Parent: #37
|
Post: #47
Title: Re: كنت في مناطق البحث عن الذهب
Author: Medhat Osman
Date: 04-13-2014, 08:28 PM
Parent: #1
سلام لصاحب البوست وضيوفه.
في تجربتك و تجربة غيرك من الضيوف خاصة الكانوا في المنطقة النوبية
ممكن تكتبوا لينا عن اي مشاهدات او لو حصل شفتو ناس بيسرقوا اثارات او بيخربوا المناطق الاثرية في المنطقة
سواء افراد او من شركات وعن حرائق النخيل في المنطقة وعن ما يذهب للمحليات من اموال من المنقبين العشوائين
وعن استخدام المواد الخطرة في عمليات ما بعد التنقيب وعن المناطق السكنية للوافدين للمنطقة .
و ممكن تشاركوا في البوست ادناه.
اذا عاوزين تكتبوا هنا عن ايجابيات التنقيب العشوائ.
http://www.sudaneseonline.com/board/460/msg/1396371433.html
|
Post: #48
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 09:39 PM
Parent: #47
حبيبنا مدحت عثمان
سلامات ياخي
وأكيد سأكتب اولا عن جمال ورعة المناطق النوبية التي زرتها
سأكتب عن عكاشة والبير و وادي حلفا وغيرها
وساكت ايضا عن الشركات التي تعمل في غسيل الكرتة عن طريق سيانيد البوتاسيوم
وسأكتب عن الدهابة وتأثيرهم الايجابي في مناطق النوبة ومناطق نهر النيل
وسأكتب عن الشركات الاجنبية وعلاقة رجال الدولة
والكثير الكثير
خالص الود
|
Post: #49
Title: Re: كنت في مناطق البحث عن الذهب
Author: ياسر بيناوي
Date: 04-13-2014, 09:55 PM
Parent: #48
نواصل
في رحلاتنا للعديد من المناطق ( شقر - هويد _ ام فتفت _ نمرة تلاتة ونص _ والمنجم-وبعض المناطق في المحس وغيرها من المناطق ) وجدنا بعض المناطق الممسوحة لشركات بعضها عالمية وبعضها محلية والمحظورة تماما علي التعدين الأهلي
ولكن من المؤسف حقا ان معظم هذة لاتعمل حاليا
= نواصل =
|
Post: #50
Title: Re: كنت في مناطق البحث عن الذهب
Author: Mannan
Date: 04-14-2014, 02:39 AM
Parent: #49
سلام يا ياسر
نهارك دهب
هل سمعت بهذا الإكتشاف الأثرى الضخم واين وما مصيره؟؟؟؟؟
ونتابع فى بوست منفصل لأهمية الموضوع
|
Post: #51
Title: قبل ان تصبح بوردابي
Author: ياسر بيناوي
Date: 04-14-2014, 06:53 AM
Parent: #50
حبينا منان
سلامات يا غالي
سمعت عن العثور علي الاثار كثيرا
ولكن بصراحة لم اشاهدهان
خالص الود
|
Post: #54
Title: Re: قبل ان تصبح بوردابي
Author: ياسر بيناوي
Date: 04-16-2014, 12:22 PM
Parent: #51
عزرا سنعود للمواصلة
خالص الود
|
Post: #56
Title: Re: قبل ان تصبح بوردابي
Author: ياسر بيناوي
Date: 04-17-2014, 01:40 PM
Parent: #54
حزف للتكرار
|
Post: #60
Title: Re: قبل ان تصبح بوردابي
Author: علاء سيداحمد
Date: 04-20-2014, 08:49 PM
Parent: #56
تحياتى اخى بيناوى
سرد رائع وتوثيق جميل وربنا يرزقك ويسعدك ..
واصل ونحن منداحين فى سردك الجميل ..
|
Post: #61
Title: Re: قبل ان تصبح بوردابي
Author: شهاب الفاتح عثمان
Date: 04-20-2014, 09:24 PM
Parent: #60
حباب الدهب والناس الطلتها اعلى من الدهب
سعيد بتجربتك واخبارك, وثق في سودانيز وبعدها وثق في كتاب سيجد القبول ! ..
الاثار المفقودة او التي يتعامل معها عشوائيا الم وجريمة واكثر ,,
للامام وياليت في المستقبل استعين ببعض الصور ,, التصوير مهم , وابقى عشرة وياحافظ
تحياتي
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #63
Title: Re: قبل ان تصبح بوردابي
Author: ياسر بيناوي
Date: 04-20-2014, 09:48 PM
Parent: #61
حبيبنا دكتور شهاب
سلامات يا غالي
و اكيد الصور جاية
خالص الود
|
Post: #62
Title: Re: قبل ان تصبح بوردابي
Author: ياسر بيناوي
Date: 04-20-2014, 09:38 PM
Parent: #60
تسلم يا علاء ياخي
وحبابك ألف
خالص الود
|
Post: #66
Title: .
Author: ياسر بيناوي
Date: 04-24-2014, 05:30 PM
Parent: #62
من وادي حلفا سلام
|
|