ناجي امدرمان لا تحتاج لمن يرفعها،يكفي انها رفعت الثقافة السودانية مصاف . اتمني ان يكون البوست توثيقا لأمدرمان هذه العاصمة الانثي التي عشقتها منذ ان كنت حلما في عيني امي و ابي.. كما قال الدسوقي. اتمني لت اسمع تسجيلات د.علي المك بصوته السجي في قراءات قصصية تعيدنا الي أيام البرنامج الثاني في الاذاعة السودانية.
و امدرمان ستظل دوما فينا اينما حلننا، فهي التاريخ و الثقافة و السياسة و الرياضة،وهي فوق ذلك وادي سيدنا التي جمعت كل امدرمان في فصولها التسع.من هنا التحية لاستاذنا الشاعر مهدي محمد سعيد ولأسرة المرحوم الصول جابر و كل اساتذتها الاجلاء الذين اناروا طرق حياتنا بوهج من قبس المعرفة.
الاعزاء في سودانيزاونلاين إرتحت علي وسادة الامدرمانيات بنات طلسم وبديت احلم ومشيت بعيد أنا أم درمان كما يحلو لنا كتابتها الكلمات للشاعر عبدالله محمد زين لا اعرف اسم ملحنها وعلي ما اعتقدالقصيدة كتبت مُلحنة الفيديو رائع خصوصا وهو يحمل كل فناني المهجر السودانيين اسامة الشيخ، علي السقيد، احمد بركات، محمد ملاح، طلسم أخوات والانيق عمر بانقا اما بالعزف محمد بابكر و سعيد العاقب ونسبة لبعد الصورة لم اميز البقية اخي امجد شكرا علي الفيديو وتحية للقام بتسجيلة لان المسالة بتاعت التسجيل تحتاج لثبات ويصعب الثبات في حضور الإبداع لكم المني بالمشاهدة والاستمتاع مع الود
معذرة إخوتي ففي حضرة الابداع يصعًب الثبات حقيقة عندما كتبت الرد آعلاه لم احضر سوي دقيقة واحدة من الفيديو وعندما رجعت وحضرته كاملاً وجدت انني لم اذكر بعض المبدعين ولزم علي اضافتهم شارك بالغناء المبدع سامي المغربي وفي العزف ايضاً ماهر تاج السر وعبده السر الاغنية بدآت بالتوزيع القديم (طريقة الفرجوني) وهذا ما ثابر عليه كل المبدعين المشاركين وقبل ختامها دخل احد المبدعين-عفواٌ لا اعرف اسمه وهذا لا ينقص من قدره- بالتوزيع التاني للاغنية(طريقة ابوعركي البخيت) برضو كان تمام التمام ملحوظة محمد ملاح ده لقب محمد خليفه لزوم التنويه مع الود
أمجد يا حبيب لم نسكنها ولكن للقلب فيها تجارة وأصدقاء ويكفى إنها الدر البزين بلدى
التحايا وخالص الود
Post: #21 Title: Re: انا امدرمان Author: محمد عادل Date: 03-31-2007, 01:52 AM Parent: #20
انا امدرمان انا السودان انا الدر البزين بلدى الله اكبر ولله الحمد امدرمان التاريخ امدرمان الاصالة والعراقة امدرمان الفن امدرمان الكورة امدرمان الاذاعة امدرمان التلفزيون امدرمان عاصمة اول دولة اسلامية موحدة للسودان عاش ابناء امدرمان وتاريخ ابناء امدرمان اسمك عجيب يامدر ورسمك حلاتو كتر خليهو يسر وجر دا البجهل امدرمان