Post: #1 Title: facebook توجد صورة Author: omer osman Date: 12-05-2011, 10:58 AM Parent: #0
Post: #2 Title: Re: facebook توجد صورة Author: أيمن الطيب Date: 12-05-2011, 11:08 AM Parent: #1
ركوبنا زاتو بقى فيس بوك يا جنابو,,
Post: #3 Title: Re: facebook توجد صورة Author: omer osman Date: 12-05-2011, 11:13 AM Parent: #2
Quote: ركوبنا زاتو بقى فيس بوك يا جنابو,,
شعب مواكب جداً ياايمن .....
لكن بيني وبينك مع ثورات الفيس بوك دي
الزول ده ممكن يتقبض بتهمة توزيع منشورات
Post: #4 Title: Re: facebook توجد صورة Author: معاوية المدير Date: 12-05-2011, 11:26 AM Parent: #3
Post: #5 Title: Re: facebook توجد صورة Author: الفاتح شلبي Date: 12-05-2011, 11:34 AM Parent: #4
جنابو عمر وضيوفه الكرام
تحياتي ,,,
يعني الواحد يغيب ويجي يلقى جنابو ما تغير كله كله ولا الربيع العربي أثر فوقه فى شئ ؟ Smile
Post: #8 Title: Re: facebook توجد صورة Author: omer osman Date: 12-05-2011, 11:57 AM Parent: #5
Quote: جنابو عمر وضيوفه الكرام
تحياتي ,,,
يعني الواحد يغيب ويجي يلقى جنابو ما تغير كله كله ولا الربيع العربي أثر فوقه فى شئ ؟ Smile
هو ياالفاتح الربيع الجد في السودان تلاتة يوم بس
عشان كده نحن ناس صييييييف وبس
وزي ما بقولوا اخوانا المصريين يلا ماحدش واخد منها حاقة ...
Post: #6 Title: Re: facebook توجد صورة Author: عبدالله ود البوش Date: 12-05-2011, 11:36 AM Parent: #4
الكتابة على المركبات هي صوت الشارع . . سلام عمر
Post: #10 Title: Re: facebook توجد صورة Author: omer osman Date: 12-05-2011, 12:03 PM Parent: #6
Quote: الكتابة على المركبات هي صوت الشارع . . سلام عمر
سلام ودالبوش ....
صوت الشارع المخنوق ياعبدالله
Post: #12 Title: Re: facebook توجد صورة Author: أيمن الطيب Date: 12-05-2011, 12:08 PM Parent: #6
يا ود البوش,,
Quote: الكتابة على المركبات هي صوت الشارع
زمان كنا نقرأ:
هجام فريق أم زين.. الهبرو ملو.. دابى الكر.. ابكريق فى اللجج. الحلاوي,, البعشوم.. عشميق حبل الوجج,, أسد الخشاش أسد البرارى.. نحن كدا إنتو كيف,, الهبباى,, تور الخلا.. أب شقة قمر السبوع.. ود شلعى.. العركى... دباسين يا رسول الله,, ود الماجدى.. جبل الرجاف,,, تيتل الجبال,, ود بنده..
إلخ....
وآلاف من الجمل والتعابير المشابهة والتى غالبا ما تحمل مضمونا قد لا يفهمه كل الناس أو تعبيرا قد لا يخص إلا سواق اللورى أو البص وحده ولكن يبقى التعبير قويا والمعنى أكثر عمقا..
ولك أن تقارن بين زمن الفيس بوك وزمن الجماعة الداقين سيستم وذاك الزمان.. الكتابة على المركبات تشابه أغانى البنات وهى دائما ما تكون إفرازات واقع ومرحلة محددة ..
وصوت الشارع إن مرق ببقى زلزال كلامو براهو,,
تحياتى,,,
Post: #15 Title: Re: facebook توجد صورة Author: عبدالله ود البوش Date: 12-05-2011, 01:03 PM Parent: #12
Quote: هجام فريق أم زين.. الهبرو ملو.. دابى الكر.. ابكريق فى اللجج. الحلاوي,, البعشوم.. عشميق حبل الوجج,,
ايمن سلامات ياخ من اشهر العبارات على اللواري يا عظيم . . ياتور البرزن . . الوسيم بتكون مكتوبة على باب سواق اللوري سترك يا رب .... بتكون مكتوبة بورا تحت باب الشبك زمان نميري طلع قرار بمراقبة الكتابة على اللواري والبصات والبرينسات عشان جاتو خوفة من صوت الشارع
Post: #7 Title: Re: facebook توجد صورة Author: محمد المرتضى حامد Date: 12-05-2011, 11:41 AM Parent: #4
عوافي يا جنابو
كما تعلم ، في بعض الدول يمكن أن تكون اللوحة بدون أرقام ، أي مجرد حروف ربما تشكل كلمة أو إسما كما في الصورة أدناه إذا لم تكن منحت لغيرك ، يعني ممكن تدفع رسما في كندا أو أمريكا وتخصص لك لوحة مكتوب عليهاJANABO حاجه كدا زي اليوزرنيم وإذا تم تطبيق ذلك في السودان ممكن واحد زي الطيب شيقوق يختار SHEEGA وترجمتها بالعربية (عنكوليب)..
درءا للمعاكسة
Post: #9 Title: Re: facebook توجد صورة Author: omer osman Date: 12-05-2011, 12:00 PM Parent: #7
Quote: عوافي يا جنابو
كما تعلم ، في بعض الدول يمكن أن تكون اللوحة بدون أرقام ، أي مجرد حروف ربما تشكل كلمة أو إسما كما في الصورة أدناه إذا لم تكن منحت لغيرك ، يعني ممكن تدفع رسما في كندا أو أمريكا وتخصص لك لوحة مكتوب عليهاJANABO حاجه كدا زي اليوزرنيم وإذا تم تطبيق ذلك في السودان ممكن واحد زي الطيب شيقوق يختار SHEEGA وترجمتها بالعربية (عنكوليب)..
يعني يامولانا كان لقيت عربية بلوحة مكتوب فيها (جمكسين) اعرفه طوالي عربية طارق جبريل
Post: #11 Title: Re: facebook توجد صورة Author: محمد المرتضى حامد Date: 12-05-2011, 12:06 PM
Quote: يعني يامولانا كان لقيت عربية بلوحة مكتوب فيها (جمكسين) اعرفه طوالي عربية طارق جبريل
بالضبط كده، رغم أن سيارة المساء والسهرة سيختار لها NAKHAJI
Post: #13 Title: Re: facebook توجد صورة Author: الفاتح شلبي Date: 12-05-2011, 12:13 PM Parent: #11
هو ياالفاتح الربيع الجد في السودان تلاتة يوم بس --------------------------------------------------
تلاتة يوم شنو يااااااااااااخ عمك لسه ما بيكون طلع البيان الاول ذاتو ولا يكون قال من انتم
Post: #14 Title: Re: facebook توجد صورة Author: الطيب شيقوق Date: 12-05-2011, 12:54 PM Parent: #13
وحاة النبي مشتهي تكون عندي عربية (اتوس) اكتب في جنباتا الاربعة ( كنوز محبة) ياخ دي خطيييرة فاتت على الناس ديل كوووووووووووولهم تقول لي married للمعاكسة؟
جنابو عمر عفوا جيت راكب ساى نسيت ما سلمت عليك
Post: #16 Title: Re: facebook توجد صورة Author: محمد المرتضى حامد Date: 12-05-2011, 01:04 PM Parent: #14
Quote: وحاة النبي مشتهي تكون عندي عربية (اتوس) اكتب في جنباتا الاربعة ( كنوز محبة) ياخ دي خطيييرة فاتت على الناس ديل كوووووووووووولهم تقول لي married للمعاكسة؟
يا ود يا كنوز يا محبه، إنت بالذات كان ركبت أتوز حاتكتب عليها (البردانه) لكن بتركب (لاندي كاروزر) وتكتب عليهو هييييييييييييع ويجي واحد يشطبا ويكتب ليك مسنوووووووح
Post: #17 Title: Re: facebook توجد صورة Author: صلاح غريبة Date: 12-05-2011, 01:41 PM Parent: #16
Post: #18 Title: Re: facebook توجد صورة Author: omer osman Date: 12-05-2011, 01:45 PM Parent: #17
Quote: واحد سالني قال لي الحافلة دي شافها في اركويت
كلامو صاح لاني صورتها في الشارع الواقع شمال عفراء مول
وعفراء مول تعتبر هي ذاته في اركويت .....
Post: #19 Title: Re: facebook توجد صورة Author: willeim andrea Date: 12-05-2011, 01:49 PM Parent: #16
Quote: لكن بتركب (لاندي كاروزر) وتكتب عليهو هييييييييييييع ويجي واحد يشطبا ويكتب ليك مسنوووووووح
ياخي الواحد مصارينو وجعتو .... غايتو جنس كرات مرتده
ياخي اكتشفنا حاجه جديده في الثنائي المرح :)
Post: #20 Title: Re: facebook توجد صورة Author: willeim andrea Date: 12-05-2011, 01:49 PM Parent: #16
Quote: لكن بتركب (لاندي كاروزر) وتكتب عليهو هييييييييييييع ويجي واحد يشطبا ويكتب ليك مسنوووووووح
ياخي الواحد مصارينو وجعتو .... غايتو جنس كرات مرتده
ياخي اكتشفنا حاجه جديده في الثنائي المرح :)
حبي واحترامي
Post: #21 Title: Re: facebook توجد صورة Author: SILVER MOON Date: 12-05-2011, 02:17 PM Parent: #20
والله الموضوع تحفة ياعمر زمان فى واحد من بصات العشش بتذكر عبارة الحب جزمه و الغرام ورنيش فى الاجازة قبل سنتين لاقانى بتاع حافلة كاتب قصتي مع نانسي عجرم كانت غلطة
Post: #22 Title: Re: facebook توجد صورة Author: قيقراوي Date: 12-05-2011, 03:11 PM Parent: #21
Quote: ولك أن تقارن بين زمن الفيس بوك وزمن الجماعة الداقين سيستم وذاك الزمان.. الكتابة على المركبات تشابه أغانى البنات وهى دائما ما تكون إفرازات واقع ومرحلة محددة ..
----------
شايف "رمش العين " دي حاشرا وين!؟
صاحبن لينا من اولاد الاشلاق كوستي اسمو قرشي عباس، و امو اسمها العافية كان مصر انو لقا في لوري مكتوب:
سمحة العافية .. و شين عباس
Post: #23 Title: Re: facebook توجد صورة Author: فردوس جامع Date: 12-05-2011, 06:06 PM Parent: #22
الأخ عمر السلام عليكم
أخبار تويتر شنو :) آي بتاع أمجاد يوري زبائنه يتابعوه وين... فكرة حلوة وقريباً في الركشات و الأمجادات. شوف لينا منهج الروضة دي كيف بالله ... روضة مبالغة.
Post: #24 Title: Re: facebook توجد صورة Author: الطيب شيقوق Date: 12-05-2011, 06:38 PM Parent: #23
Quote: إنت بالذات كان ركبت أتوز حاتكتب عليها (البردانه) لكن بتركب (لاندي كاروزر) وتكتب عليهو هييييييييييييع ويجي واحد يشطبا ويكتب ليك مسنوووووووح
(ثمح) على صندوق الزوادة الفي تندة اوستن نادية عثمان
Post: #25 Title: Re: facebook توجد صورة Author: طارق جبريل Date: 12-05-2011, 10:18 PM Parent: #24
Quote: بالضبط كده، رغم أن سيارة المساء والسهرة سيختار لها NAKHAJI
Quote: يعني يامولانا كان لقيت عربية بلوحة مكتوب فيها (جمكسين) اعرفه طوالي عربية طارق جبريل
آمنا ذاتو
Post: #26 Title: Re: facebook توجد صورة Author: محمد عبدالرحمن محمد Date: 12-05-2011, 10:42 PM Parent: #25
بوست بي نكهة،
خٌدرتك ليمونة تينه بيي الزيتونه
Post: #27 Title: Re: facebook توجد صورة Author: ماضي ابو العزائم Date: 12-05-2011, 11:07 PM Parent: #26
شوف الشاحنة دى يا جنابو
Post: #28 Title: Re: facebook توجد صورة Author: قيقراوي Date: 12-09-2011, 09:27 PM Parent: #27