والله يا جنابو فعلا المقطع ده معذبني عذاب ما عادي يشهد الله بس عيبو انو مقطع قصير وما بيجيك واضح تماماً إلا تدقق شوية علشان تعرف باقي المقطع لكن الجد شي بديع ويا ريت لو كاتب المقطع يقدر يكمل القصيده وتصبح اغنية كاملة ،، تسلم يا زوق وذ ما قالو ليك انت اضانك دي حقو تديها لي ناس لجنة المصنفات الادبية والفنية يا جنابو علشان ا يجيزو لينا ناس من طرف ،، تحياتي : ياسر العيلفون
Post: #14 Title: Re: اجمل دعاية اجمل اغنية ... Author: omer osman Date: 08-25-2011, 10:51 AM Parent: #8
Quote: والله يا جنابو فعلا المقطع ده معذبني عذاب ما عادي يشهد الله بس عيبو انو مقطع قصير وما بيجيك واضح تماماً إلا تدقق شوية علشان تعرف باقي المقطع لكن الجد شي بديع ويا ريت لو كاتب المقطع يقدر يكمل القصيده وتصبح اغنية كاملة ،، تسلم يا زوق وذ ما قالو ليك انت اضانك دي حقو تديها لي ناس لجنة المصنفات الادبية والفنية يا جنابو علشان ا يجيزو لينا ناس من طرف ،، تحياتي : ياسر العيلفون
هلا يا ياسر يافنان ......... اتاريني ما براي
يااااخ الشيء السمح بعجب الناس ونادر ما يختلفوا حوله ....
بس ما عارف ليه الزول ده ما لقي شهرة في عالم الغناء ....
فعلا كلامك صاح يا عمر... إعلان سودابوست من أجمل الدعايات الظهرت في 2010 ولحدي هسي محافظة على نكهتها التنافسية لدرجة إنها بقت زي شعار ثابت للشركة....
ومحمد الفاتح راجل صاحب صوت جميل وخامة ممتعة (مع إني بس بعتب عليهو حاجة بسيييييطة كده وهي كثرة التطريب الأكتر من اللازم)... ولكن صوته ده إلتقى مع خبرة شركة طارق نور الطويلة في مجال الدعاية وقدر يعملوا شغل ظريف...
Quote: مع إني بس بعتب عليهو حاجة بسيييييطة كده وهي كثرة التطريب الأكتر من اللازم
الغ
معلم ... معلم ... معلم يا هائل ريحتني في حناني ذاتو ودي ملاحظة زول خبرة رسمي وصااااح مية في المية التطريب الزيادة بيخرب رسمي و ممكن تنتبه للكلام دا عند حبيبنا عمار السنوسي برضو عمار خامة صوت مهولة وجميل جمال غير طبيعي بس مبوظو بالتطريب الزيادة . في برضو نماذج اخرى ممكن يكون من ضمنها الطيب مدتر برضو ( انا هنا بتكلم عن الحلي الصوتيه المصاحبة للصوت عند الفنان لما تكون زيادة بتبيخ اكتر من تفيد) . (يا هائل كان في زول عاجبني جداً عندو تطريب زيادة و في صوتو في فايبريشن طبيعي اسمو محمد عتمان قالو اعتزل الغناء وبقى أمام وموذن أتمنى له كل الصحة والخير والعافية والمضي قدماً فيما اختاره).
الزول الوحيد الممكن ما تمل التطريب عندو زول واااااااحد وبس هو الجن المصرم الراحل العظيم عبد العزيز محمد داوود الراجل دا لو ما قال حرف و سنتو كلها عداها ليك آ ..آ .. آ .. آ صدقني حيكون في لحن وجمال وطرب بين كل آ و آ حاجة كدا جاية من مكان ما معروف .
شكراً يا هائل ياخ و الليلة الفطور .
يا جنابو معليش عملنا تلويشه.
Post: #12 Title: Re: اجمل دعاية اجمل اغنية ... Author: وليد عبد اللطيف Date: 08-25-2011, 10:32 AM Parent: #11
ابداع ياجنابو
Quote: دا الشاب محمد الفاتح بسم الله ما شاء الله صوت صوت مافى إي كلام.
بعااااااااااتى رسمى
الشاب محمد الفاتح من اكتشافات الاستاذ الاعلامي عوض ابراهيم عوض وهو شاعر وملحن لكثير من اغنيات الفنان الشاب الفاتح اتفق مع الاخوان بخامة صوته الجميلة ولكن احيانا يعمل اضافات اثناء الغناء تخرج من مسار المتعة صوت جميل وهادي وراقي مفروض يكون من قرية بحري منبع الاصوات الجميلة
Quote: الزول الوحيد الممكن ما تمل التطريب عندو زول واااااااحد وبس هو الجن المصرم الراحل العظيم عبد العزيز محمد داوود الراجل دا لو ما قال حرف و سنتو كلها عداها ليك آ ..آ .. آ .. آ صدقني حيكون في لحن وجمال وطرب بين كل آ و آ حاجة كدا جاية من مكان ما معروف .
ماقلنا بحري سر الهوى والطرب انت ماسمعت ياسفيان ان بحري ساكنها جان ابحث سوف تجد الحقيقة
Post: #13 Title: Re: اجمل دعاية اجمل اغنية ... Author: سامى عبد الوهاب مكى Date: 08-25-2011, 10:44 AM Parent: #12
فعلاً ..وبصورة عامة هناك نقلة كبيرة في مجال صناعة الإعلان في السودان بعد الإعتماد على الأصوات السودانية والوجوه السودانية..بدل يجيبو ليك مصري ليه كرش ضارب وشو بوهية ويتكلم بصورة سمجة تقلل من قدرنا كشعب.
بقينا نستمتع جد بمعظم الدعايات.
Post: #15 Title: Re: اجمل دعاية اجمل اغنية ... Author: إبراهيم عبد الحليم Date: 08-25-2011, 02:20 PM Parent: #13
اخى عمر
هذه مداخلتى ببوست اغانى واغانى قبل خمسة ايام
Quote: غايتو انا اكتر حاجة عا########ى سماع صوت صديقى الفنان محمد الفاتح يغنى فى الدعايات شاى الغزالتين وايه كده مافى احلى مكان من السودان
غايتو يا محمد الفاتح بتكون اتمليت قروش.
الاداك بالقفة انشاءالله يدينا بالابرة
محمد الفاتح تعرفت عليه لمن كان شغال بالاذاعة الطبية وهو كما ذكر الاخوان قدمه للناس د. عوض ابراهيم عوض
الرجل ده غير انو فنان لكن قلبه طيب وابيض لابعد حد.