Post: #1
Title: اختفاء شرطي بالنيل قرب المقرن ..........
Author: omer osman
Date: 01-24-2011, 10:32 AM
Parent: #0
الخرطوم: سلمى آدم: شرعت نيابة الخرطوم شمال في تدوين اجراءات أولية حول اختفاء أحد أفراد الشرطة الأمنية. وعلمت (الصحافة) من مصادرها ان أحد أفراد الشرطة الأمنية نزل إلى النيل بمنطقة المقرن ليتوضأ لأداء صلاة المغرب يوم الجمعة الماضية، إلا انه لم يعد ما جعل زملاءه يبحثون عنه لكنهم لم يجدوه، وفتحوا بلاغا بالحادث تحت المادة (51) اجراءات.
http://www.alsahafa.sd/details.php?articleid=21090#21090
|
Post: #2
Title: Re: اختفاء شرطي بالنيل قرب المقرن ..........
Author: omer osman
Date: 01-24-2011, 10:55 AM
Parent: #1
| Quote: وفتحوا بلاغا بالحادث تحت المادة (51) اجراءات. |
اعتقد ان ذكر المادة (51) المذكورة خطأ من الصحيفة ..........
فهي تتعلق بالوفاة في ظروف معينة وليس بالاختفاء حسب ماتشير الوقائع !!!
|
Post: #3
Title: Re: اختفاء شرطي بالنيل قرب المقرن ..........
Author: omer osman
Date: 01-24-2011, 11:07 AM
Parent: #2
| Quote: شرعت نيابة الخرطوم شمال في تدوين اجراءات أولية |
الاجراءات الأولية بواسطة النيابة تتم وفقاً للمادة (47) من قانون الاجراءات الجنائية وليس (51) كما اوردت الصحيفة ...
|
Post: #4
Title: Re: اختفاء شرطي بالنيل قرب المقرن ..........
Author: omer osman
Date: 01-24-2011, 11:35 AM
Parent: #3
ذكرتني هذه الحادثة حادثة اخرى جرت في (الباب الغربي)
وهو حالياً رئاسة شرطة ولاية الخرطوم شرق جامعة النيلين
في ذلك الوقت كان نقطة تجمع لعساكر شرطة الخرطوم شمال
وسرية الاحتياطي المركزي لمنطقة الخرطوم ومخزن سلاح شرطة
الخرطوم شمال ...... حيث يقيف ديدبان 24 ساعة امام باب المخزن
ذات يوم وبعد مغيب الشمس وقبل صلاة العشا وبينما كنا جلوس خارج
المبني مجموعة من الضباط بنتونس ...... نسمع هرج ومرج وشخص
يجي طالع من المبني وهو عارياً تماماً كما ولدته امه وهو يكورك بهستريا
غريبة جداً ومجموعة من العساكر تجري وراهو حتى تمكنوا من القبض عليه
واتضح انه الديدبان الذي كان في مناوبة الحراسة رمي سلاحه وخلع ملابسه
بدون اى اسباب ظاهرة او معروفة .... في المستشفي افاد الاطباء
بامكانية حدوث مثل هذه الحالات وفي القسم فسرها الجماعة بان الزول
ده بكون شاف ليهو شيطان والعياذ بالله ... زولنا ده ما كسب عافية بعد
ذلك ولا ادري ما حل به بعد ذلك ...........
|
Post: #5
Title: Re: اختفاء شرطي بالنيل قرب المقرن ..........
Author: Hisham Ibrahim
Date: 01-24-2011, 11:41 AM
هو ناس الشرطة ديل ما بعرفوا يعوموا ؟؟
نان هم في خدة الشعب كيف ؟
والبجدعوهـم من الكُبري ديكـ شنو ؟
والتاني دا عاوز يتخارج من الشرطة وتعبها وهمها
قام فكـ البيرق عريان ... وحولوهو ليـ مجنون ..
|
Post: #6
Title: Re: اختفاء شرطي بالنيل قرب المقرن ..........
Author: omer osman
Date: 01-24-2011, 12:01 PM
Parent: #5
Quote: هو ناس الشرطة ديل ما بعرفوا يعوموا ؟؟
نان هم في خدة الشعب كيف ؟
والبجدعوهـم من الكُبري ديكـ شنو ؟ |
كيف اى شرطي لازم يكون بعرف يعوم وده جزء اساسي من التدريب .........
بتاعين الكبري ديل ناس القوات الخاصة بكونوا .......
Quote: والتاني دا عاوز يتخارج من الشرطة وتعبها وهمها
قام فكـ البيرق عريان ... وحولوهو ليـ مجنون .. |
الزول ده بكون بقي مجنون بالجد لانو كان استهبل علينا صعب يستهبل على الدكاترة .........
ربنا يشفيهو في كل الاحوال ............
|
|