بمناسبة جلاس دي ياجماعة فريق جلاس قدم للسودان والمريخ واحد
من اعظم المدافعين (كمال عبدالغني) و (سليمان) حارس الهلال ...
Post: #5 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: عبدالمجيد المقابل Date: 12-06-2010, 06:04 AM Parent: #4
مرة موسي الزومة سدد تسديدة قريبة من دي, طوالي عمل فيها مصاب وقاعد يعرج ( نظام مراقة )!
Post: #7 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 06:08 AM Parent: #5
Quote: مرة موسي الزومة سدد تسديدة قريبة من دي, طوالي عمل فيها مصاب وقاعد يعرج ( نظام مراقة )!
موسي الزومة ده اتوقع منو اى حاجة ...... مرات تقول الزول بس روبيرتو كارلوس
ومرات تقول الزول ده جاء ماري جنب الاستاد لقي ناس لاعبين خشه لعب معاهم .........
Post: #8 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: عبدالكريم أحمد الامين Date: 12-06-2010, 06:14 AM Parent: #5
** جنابو عمر.. ** صباحك خير.. ## ياخوى اللاعب دا فرقو شنو من المواسير التوانسه العندكم .. ## غايتو اللاعب دا ماسوره وإنت عارف منو البيلم المواسير .. ## فى إحدى أندية بحرى لاعب عامل مُهاجم زى زولكم الكدارتو معوجه وكان جايب للفريق فنايل من السعوديه ,, الحكم حسب لفريقم بلنتى ,, قال ليهم :- خلوها لى عندى فيها وجهة نظر ,, زولك شات البلنتى الكوره ضربت فى البيرق بتاع الكورنر وطلعت أووت .. ** سألوهو :- يازول دا شنو .. ** قال ليهم :- ماقلت ليكم عندى فيها وجهة نظر.. (ودام الود بيننا) (ابو محمد فؤاد)
Post: #9 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 06:31 AM Parent: #8
Quote: فى إحدى أندية بحرى لاعب عامل مُهاجم زى زولكم الكدارتو معوجه وكان جايب للفريق فنايل من السعوديه ,, الحكم حسب لفريقم بلنتى ,, قال ليهم :- خلوها لى عندى فيها وجهة نظر ,, زولك شات البلنتى الكوره ضربت فى البيرق بتاع الكورنر وطلعت أووت .. ** سألوهو :- يازول دا شنو .. ** قال ليهم :- ماقلت ليكم عندى فيها وجهة نظر..
هههههههههه .....
بيني وبينك عمليتو دي صعبة خلاس ......
Post: #6 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: عاطف نورالهدى الطاهر Date: 12-06-2010, 06:06 AM Parent: #4
Quote: بمناسبة جلاس دي ياجماعة فريق جلاس قدم للسودان والمريخ واحد
من اعظم المدافعين (كمال عبدالغني) و (سليمان) حارس الهلال ...
والمعلم وهبة..
Post: #10 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 06:36 AM Parent: #6
Quote: والمعلم وهبة..
وصابر جلاس ........ لعب في الهلال فترة بسيطة
ميرسلاف مدرب الهلال وقتها كان بجي الليق مخصوص عشان يتفرج في صابر ده
وهو الذي طلب تسجيله ..... لا ادري لماذا لم يعمر في الهلال
Post: #11 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: أمين يحيى Date: 12-06-2010, 06:38 AM Parent: #6
صباح الخير يا جنابو ، تصدق لو سجلنا اللاعب دة برضو ح نجي نغلبكم بيه (ياخ نحن غلبناكم بي إيفياني الحفياني)
كسرة: أيام الجامعة كان عندنا زميلنا ما عنده شغلة بالكورة لكن مجبور يتفرج معانا مباريات دوري السودان - في الوقت داك - وكان عبد الرحيم برشم في الهلال عامل لينا وجع قلب ... فصاحبنا دة بعد كورتين تلاتة قال والله يا أخوانا برشم دة براحة ممكن يكون هداف السودان بس مشكلته إنو المرمى دة تحت وفي نص الميدان ، لكن لو رفعوا ليه المرمى دة شوية وزحّوهو ناحية الكورنر زولكم دة ما عندو عوجة تب .
كل الود
Post: #12 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 07:01 AM Parent: #11
Quote: لكن لو رفعوا ليه المرمى دة شوية وزحّوهو ناحية الكورنر زولكم دة ما عندو عوجة تب .
برشم ده لو عملو ليهو القون زي بتاع كورة الامركان داك برضو ممكن يشوته بره الخشبات ...
تعرف اللعب في هلال مريخ ارزاق بس .....
Post: #13 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: ابراهيم محمد الحسن Date: 12-06-2010, 01:42 PM Parent: #12
جنابو،،
Quote: ارشح هذا اللاعب للعب في الهلال ..
أثني ،،
Post: #14 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: Nader Abu Kadouk Date: 12-06-2010, 01:52 PM Parent: #13
إنت عارف يا جنابو كان عندنا واحد في الحلة بلعب رجاله و مافي زول بقدر يقول حاجه..
مره في الرابطه فريقنا مزنوق قام الحكم حسب لينا بلنتي اها زولك ده شال الكور و قال مافي زول غيري حيشوته....
الحكم صفر الكوره طارت في السما و كدارة اخونا ده دخلت قون...
Post: #17 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 02:15 PM Parent: #14
Quote: الكوره طارت في السما و كدارة اخونا ده دخلت قون...
مووووبالغة يانادر ......
غايتو (جميل) مدافع الهلال زمااان في كورة كده كدارته طارت بس مافي بلنتي ...
Post: #15 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: وليد عبد اللطيف Date: 12-06-2010, 02:11 PM Parent: #13
Quote: ومرات تقول الزول ده جاء ماري جنب الاستاد لقي ناس لاعبين خشه لعب معاهم .........
هههههههههههههه انعل شيطانك ياعمر جنابو تعرف كل ما ارجع وادخل البوست دا اضحك لانه يذكرني بطرائف كثيرة في كرة القدم مره يازول في دوري الروابط بالجامعة عندنا صاحبنا حارس المرمى (عبود صالح ) هلال بورتسودان مشيت بيهم مباراة تحدي وانكسر (شفت اللعب العشوائي ) اها تاني يوم عندنا مباراة في جامعة الخرطوم الاستاد الشرقي وانا كنت حزين لاخونا عبود ولم اشارك المهم انتهت المباراة بضربات الجزاء واحد اسمو مبارك تمو بيهو الحداشر لاعب لان معظم اللاعبين رفضوا اللعب يقوم يشوت ليك ضربة الجزاء وتطلع جدعه مع نهاية راية الكورنر . هههههههههه . .
احكي ليك دي حصلت معي في يوم مع سلاح المظلات طبعا تعرف محمود ابوصلعة (الموردة ) كنا لاعبين دورة في امدرمان ومحمود انفرد من نص الملعب وانا جاري معه واقول ها ها ها العب وصاحبك جاري ويحاور في الخصم ويحاورني وانا اقول ها ها العب نقوم ندخل الاتنين جوه المرمى وصاحبك يلعبها لي في خط المرمى اقوم اكفي ليها كراعي تطلع خارج المرمى بالجد شيء يضحك وعندي اخي كان من ضمن الحضور كل مره يعيد ذكرى اغبى هدف ضائع ونضحك عليه ههههههههههههههه غايتو شكيتهم على الله محمود ابو صلعة وبريش السنه كلها قاطعين نفسنا . . . لاعبك دا انا برشحوا للمريخ لانه افضل من موسى الزمه شويه نفس يوم ياعمر اشاهد مباراة للمريخ وموسى يدور او يعكس كما كان يدور ويعكس تنقا وفاروق جبرة عكساته كلها اما ضاربه في الخصم اما خارج الملعب
Post: #16 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 02:11 PM Parent: #13
Quote: أثني ،،
شفتوا ياهلالاب ........ الصفوة بحبوكم كيف
Post: #18 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 02:21 PM Parent: #16
Quote: هههههههههههههه انعل شيطانك ياعمر جنابو تعرف كل ما ارجع وادخل البوست دا اضحك لانه يذكرني بطرائف كثيرة في كرة القدم
هلا ياولي .............
عالم الكورة كلو طرائف في الميدان وفي المعسكرات .......
ياخ انت عندك كنوز من القصص عليك الله ماتبخل علينا بيها ..........
حكاية صاحبك الجاري ده ذكرتني قصة الحكم الطاهر محمد عثمان ....
كورة الهلال وهلال بورتسودان ... كان عندهم مهاجم خطير اسمو عادل ...
ضرب مصيدة التسلل وجري ليك بي مدافعين الهلال كلهم وراهو ......
انفرد بالقون .. لحظة التهديف ... الطاهر صفر صفارة طويلة ... انهي المباراة ..
عادل ولعيبة الفريقين والاستاد كلو ماتوا بالضحك ... الطاهر عمله ظاهره ....
Post: #20 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: وليد عبد اللطيف Date: 12-06-2010, 02:34 PM Parent: #18
Quote: عادل ولعيبة الفريقين والاستاد كلو ماتوا بالضحك ... الطاهر عمله ظاهره ....
ههههههههههههه الطاهر بعمل اكتر من كده انت الهلال والمريخ بصلوا كيف كانوا يخوفوا الحكام عينك ياتاجر لكن قصة عادل دي مضحكه انت قصدك ياربي عادل فار . المهم هاك دي بمناسبة سرعة فار في مره جامعة شابكين واحد اطلع اطلع ماتغطي الاوف سايد وصاحبك حاضن العارضة واقف وقال ليهم ماطالع انا بشرك هنا لبريش كان انفرد البحصلو منو ههههههههههههههههههه عليك الله ياعمر كفاية خلي البوست دا يمشي الخور وماتضحكنا اكتر من كده لان كل مره بتذكر طرفه
بالجنبة ياعمر الطاهر عثمان دا صاحب صاحبك ربيع محمد علي
Post: #19 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: فايزودالقاضي Date: 12-06-2010, 02:28 PM Parent: #16
عندنا واحد في كسلا لو الفريق فيهو 10 لاعبين هو يكون في الاحتياطي ...مرة التيم ناقص وفوق ده ضربوا ليهم واحد فقام المدرب اضطر وقال ليهو ياخي سخن ...اخونا جرى كم جرية كده ولمن ناداه المدرب عشان يخش .. قال ليهو ياكوتش نحن شايتين وين ؟!!!هههههه
زي ديل مكانهم الهلال طوالي .
..
ـــــــــــــ عمر ...سلامات ...
Post: #21 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: Nader Abu Kadouk Date: 12-06-2010, 02:48 PM Parent: #19
جنابو جيناك تاني كان عندنا زول لعاب جدا لكن ما عندو اخلاق .....طوالي مطرود..مره في دار الرياضه الكورة مسخنه والكوتش محتاج لصاحبنا ده...تلاته اربعه انفار شغالين وصايا و تحنيس في الزول ده و الكوتش قرب إبكي ليهو..
الكوتش قرر يدخلو و قال ليهو زي ما إتفقنا كوره و بس... الزمن داك اللاعب بمشي للحكم عند الدخول....صاحبنا وصل للحكم والحكم طوالي اداهو كرت احمر...طبعا اتغلبنا..
عارفو قال للحكم....
شنو...
الشفوت وصلو ورينا حتحكما كيف........
Post: #22 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: وليد عبد اللطيف Date: 12-06-2010, 02:49 PM Parent: #19
Quote: عندنا واحد في كسلا لو الفريق فيهو 10 لاعبين هو يكون في الاحتياطي ...مرة التيم ناقص وفوق ده ضربوا ليهم واحد فقام المدرب اضطر وقال ليهو ياخي سخن ...اخونا جرى كم جرية كده ولمن ناداه المدرب عشان يخش .. قال ليهو ياكوتش نحن شايتين وين ؟!!!هههههه
زي ديل مكانهم الهلال طوالي .
هههههههههههه خلاص جيت انت كمان ياود القاضي
هاك دي ومن غير ذكر الاسماء في مره المدرب سليمان فارس فريقة لاعب والكورة جايطة قام دخل لاعب عشان يهدي الكورة ووصاحبنا قام جوطها ليك زيادة نقارة بس اول ما الكره طلعت جنب المدرب سليمان فارس صاحبك الدخلوه جاي جاري يشيلها عشان يجدعها مسكل ليك فيهو الكوتش وقال : ورحمة امي ماتخشش تاني ( باللهجه المصريه ) هههههههههه اها المدردب صلاح ليبيا و سليمان فارس اكثر مدربين ليهم طرائف مع اللاعبين
Quote: عندنا واحد في كسلا لو الفريق فيهو 10 لاعبين هو يكون في الاحتياطي
اوعي يكون صاحبي عاطف الامريكي
Post: #23 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: omer osman Date: 12-06-2010, 02:50 PM Parent: #19
Quote: ليهو ياكوتش نحن شايتين وين ؟!!!هههههه
ههههههههههههههههههه ........
حكي لي زول عن لاعب سابق مشهور لعب في احد اندية القمة ...
ههههههههههههههههه عمر عمر خلاص انا ماعيز معاكم تاني بوستيك دا بجيب لينا مشاكل في المكتب
--------------------------- بالمناسبة انا عرفت اسم اللاعب
Post: #25 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: عبدالمجيد المقابل Date: 12-06-2010, 04:35 PM Parent: #24
Quote: تعرف اللعب في هلال مريخ ارزاق بس .....
عليك يا جنابو حاول أحصر لينا الناس اللعبو في الهلال و المريخ صدفة أو رزق ؟ = غايتو ببدا ليك بحارس مرمي إسمه التاج العزيبية = يلا يدك معانا و رينا المحظوظين ديل
Post: #26 Title: Re: بمناسبة موسم التسجيلات ارشح هذا اللاعب للعب في الهلال ... فيديو Author: ياسر بيناوي Date: 12-06-2010, 04:55 PM Parent: #25
هههههههههههههههه والله ياعمر ما تستيعد الموضوع
لجنة تخرينا دي ممكن عادي تجيبو وتجيب الاشنر منو
ياخ دبل قالوا عايزين يودوا ناس يلعبوا في البرازيل ( محل نقطوها ذاتو ) ههههههههههههههه
