Post: #1 Title: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هنا Author: omer osman Date: 05-24-2010, 08:40 AM Parent: #0
في حلتنا وحلتكم في مدرستنا ومدرستكم في كليتنا وجامعتكم في الخرطوم وفي مدني وفي الابيض والفاشر في دنقلا وبورتسودان في جوبا وفي ملكال في اى مكان وفي زمان كانوا موجودين يمتعون الناس بالدهشة لكن لسبب او لاخر لم يلعبوا في اندية الهلال او المريخ ...........
Post: #2 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 08:46 AM Parent: #1
عبدالله كسلا كما نسميه في حلتنا او عبدالله الجامعة كما هو اسمه عندما كان يلعب لفريق ام دوم و فريق هندسة الخرطوم ............ بجضم الكفر ويا ادبو ادب السنين ....... لعاب هداف يصنع الاهداف بسلاسة يحاورك في صينية ... ساهم في رفعة فريق ام دوم والقفز به الى مصاف الفرق الكبري في زمن مضي .......... اصيب اصابة بالغة في الركبة ابعدته عن الملاعب زمن طويل ............ لكنه يلعب حتى اليوم في الميدان امام بيتنا ...... يلعب على الواقف في اغلب الاحيان لكن اللمسة هي اللمسة لم يغير الزمن طعمها .........
Post: #3 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 08:51 AM Parent: #2
عبدالعزيز نبقة ........... ود حلتنا لقب بنبقة لصغر رأسه ...... الا ان هذا الصغر لم يمنعه من ان يكون رأس مليان كورة ....... بحاور بالجملة مابحب شغل القطاعي اصلو .... تجيهو خاشي براك ما بحاورك لمن يشوف مدافع تاني مشرك ليهو عشان يحاوركم اتنين في واحد ......... تحاول تضربوا يضحك ويخت ليك بيضة لمن انت ذاتك تضحك .......
Post: #4 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 08:58 AM Parent: #3
عماد النفيدي ........ ود حلتنا وصديقي .......... اختصاصي البيضة الاول في العالم يلعب الكرة فقط من اجل ان يبيضها للاعبي الفريق الخصم ....... لديه قدرة تحكم فريدة في الكرة وتوقيت عالي جداً ..... لا يحب اللعب النظامي والانضباط والتمارين ........ مدرب فريق الحلة لايغامر باشاركه كثيراً لانه يلعب لنفسه فقط ويستمتع لدرجة المبالغة عندما يمرر الكرة بين قدمي الخصم اكثر من استمتاعه باحراز هدف وهو قادر على ذلك ............. كانت لي معه مساجلات وتحديات مستمرة في انه لن ينجح في هوايته المعتادة لم اكسب ولا واحدة منها لكن على الاقل نجحت في تقليل العدد في التمرين الواحد الى الحد الادني .........
Post: #5 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 09:08 AM Parent: #4
الصادق التهامي ....... ودحلتنا .......... كان ممكن يكون احسن باك يمين في السودان زمن الباك حدو خط السنتر وقداموا الجناح قبل ماتجي نظريات الطرف اليمين ...... صبي قوي شجاع وحريف لديه توقيت انقضاض خطير جداً يقدم لجمهور المشاهدين مايطلبونه على الفور ......... ارقد ليهو ..... طوالي الزول وكورتو بره الميدان ...... يفتخر كخالد بن الوليد باثار الانقضاض والاحتكاك بالارض في شكل جروح مدورة كنا نسميها (الريال) وهو يفعل ذلك بوعي وادراك تام لمهام وظيفته واذا اراد ان يلعب الكرة النظيفة والاستخلاص من الخصم بهدوء ينجح في ذلك الى الحد البعيد .........
Post: #6 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 09:13 AM Parent: #5
ناجي ابورقة ود حلتنا قبل ان يرحلوا الى بحري ...... شقيق ياسر ابورقة لاعب الهلال السابق ......... ناجي كان ممكناً ان يكون خليفة حامد بريمة في السودان ....... رشيق وخفيف ويجيد اللعب داخل الميدان مثل حامد بريمة ... لديه تقدير جيد في شان الخروج من بين الخشبات او البقاء فيها ...... شجاع الى الحد البعيد لايخشي المهاجمين او الاحتكاك بهم ....... شغلته القراية والسفر للدراسة في المغرب عن مواصلة مسيرته الكروية .......
Post: #7 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: حمد فتح الرحمن Date: 05-24-2010, 09:22 AM Parent: #4
بدوي ابراهيم
لاعب بنادي سانتوس بالقولد ، صانع العاب حيقي منذ نهاية السبعينات ، حريف في المحاورة و صناعة الباصات القاتلة للمهاجمين ، غير كدا لياقة بدنية عالية تمكنه من قطع البحر في اوج فيضانه . المشكلة انه كان بلعب في بلدة ريفية تبعد عن الخرطوم مسافة يومين باللوري في ذلك الوقت
احمد التكروني لاعب نادي الشاطئ بالقولد حريف و سريع و لا يخطئ طريق الشباك ابدا ، يتمتع لياقة بدنية تمكنه من قطع البحر ذهابا و ايابا في اوج فيضانه ، حريف و خفيف لدرجة ممكن يدّبى للقمرى و هو راكب على دراجته المشكلة برضو انه كان بلعب في بلدة ريفية تبعد عن الخرطوم مسافة يومين باللوري في ذلك الوقت
و الله كانوا لعابين ما تقلوا ديل ناس اقاليم و ما بعرفوا الكورة الصاح ، ديل كورتم كانت صاح الصاح
Post: #10 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:03 AM Parent: #7
Quote: و الله كانوا لعابين ما تقلوا ديل ناس اقاليم و ما بعرفوا الكورة الصاح ، ديل كورتم كانت صاح الصاح
منو القال كده والله الاقاليم جو منها ناس متعوا ناس الخرطوم لمن فهمو حاجة ....... لكن بيني وبينك مرة الهلال سجل ليهو حارس مرمي اسمو مربوط باسم القرية الجه منها .... في التمرين
دخلو فيهو زي 50 قون ........ شطبوه بعد التمرين طوالي ........... واحد ثقيل قال لي هي قرية .......... دي فيها كم كورة عشان يجيبوا لينا منها حارس مرمي
Post: #15 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Fadl Karrar Date: 05-24-2010, 10:25 AM Parent: #4
Quote: كانت لي معه مساجلات وتحديات مستمرة في انه لن ينجح في هوايته المعتادة لم اكسب ولا واحدة منها لكن على الاقل نجحت في تقليل العدد في التمرين الواحد الى الحد الادني
الإعتراف سيد الأدلة يا جنابو ( قر قر قر ) لكن ما قلت لينا ( الحد الأدني ) عندكم كم ؟؟؟ نقول طبق يعني ؟
Post: #16 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:31 AM Parent: #15
Quote: الإعتراف سيد الأدلة يا جنابو ( قر قر قر ) لكن ما قلت لينا ( الحد الأدني ) عندكم كم ؟؟؟ نقول طبق يعني ؟
طبق شنو انت قايلني كيشة والا شنو ؟ ربع دستة مابتزيد بيضة واحدة
Post: #8 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: السيد أحمد إبراهيم Date: 05-24-2010, 09:38 AM Parent: #1
أحد اللاعبين القدامي من ناس حلتنا( التكينة ) يحكي أنهم كانوا مشاركين في الستينات
دوري يسمى دوري ( المكاتب ) تابع لمشروع الجزيرة وكان لديهم مباراة مع أحدى القرى
التي تبعد حوالي العشرين كلم . . تم ( تجميع ) اللاعبين من أعمالهم وكانوا يعملون
في أعمال شاقة وتجمعوا ليذهبوا ولكن ( اللوري ) الوحيد الذي يجب أن يقلهم تعطل
ولا توجد وسيلة غيره للسفر .. فتم الإتفاق على أن يذهب اللعيبة كداري ويسلكو طريق معين
على أن يلحق بهم اللوري في الطريق في حال إصلاحه ..
يقول الرجل : عندما تم إصلاح اللوري ولحق بنا لقانا غالبين تلاتة
Post: #9 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: ALZOLZATOO Date: 05-24-2010, 09:54 AM Parent: #8
حبيبنا
بس عاوز اقول ليك عندنا حارس انا ماشفت واحد بيشبهوا في لعبوا الا كازياس بتاع ريال مدريد مع انو حارسنا كان طويل شوية تصدق ممكن يطلع ليك اربعة ضربات جزاء من خمسة
بالمناسبة اللعبو من حلتنا في الهلال والمريخ ماكان في زول متوقع يلعبوا في درجة اولى طبعا بدون ذكر اسماء لووووووولز
تحياتي
زاتوووو
Post: #12 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:13 AM Parent: #9
Quote: بالمناسبة اللعبو من حلتنا في الهلال والمريخ ماكان في زول متوقع يلعبوا في درجة اولى طبعا بدون ذكر اسماء لووووووولز
والله صحي زي ديل كتاااااااار خلاس ......... والله في واحدين ديل مفروض مايمشوا جنب الاستاد ساي خليه يلعبوا .......
Post: #13 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: محمد عيسي محمد Date: 05-24-2010, 10:15 AM Parent: #9
الأخ عمر يبدو أن حلتكم يوما ما كانت مؤهلة لتكوين فريق قومي ربما كان قد أعاد مجد السودان التليد في هذا المنشط ..
علي ذكر أمدوم وأحد اللعيبة من حلتكم كان قد لعب بها... أذكر في منتصف الثمانينات وكنا طلبة بجامعة
الخرطوم نتابع دوري الكليات حيث كنت احد لعيبة فريق كلية القانون كان وقتها بكلية الأقتصاد لاعب يقل
أن يجود الزمان بمثلة وهو الأخ أنور وعلي ما أذكر كما سمعنا حينها كان مرشح للعب لفريق الهلال ولكن
انتقل الي فريق أمدوم ولقب حينها بأنور أم دوم وهذا الأنور كان لاعب حريف وفنان ويتمتع بأمكانيات
هائلة وأخوانا ناس أقتصاد الذين عاصروا عهدة بالجامعة من أعضاء البورد يمكن ان يتحدثوا عن
أمكانياتة بشكل أكثر
Post: #17 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:34 AM Parent: #13
Quote: كان وقتها بكلية الأقتصاد لاعب يقل
أن يجود الزمان بمثلة وهو الأخ أنور وعلي ما أذكر كما سمعنا حينها كان مرشح للعب لفريق الهلال ولكن
انتقل الي فريق أمدوم ولقب حينها بأنور أم دوم وهذا الأنور كان لاعب حريف وفنان ويتمتع بأمكانيات
هائلة وأخوانا ناس أقتصاد الذين عاصروا عهدة بالجامعة من أعضاء البورد يمكن ان يتحدثوا عن
أمكانياتة بشكل أكثر
اهاااا شفت يامحمد انور ده وعبدالله كسلا ودحلتنا الحكيت ليكم عنو هم الخلقوا اسطورة ام دوم
Post: #11 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:07 AM Parent: #8
Quote: يقول الرجل : عندما تم إصلاح اللوري ولحق بنا لقانا غالبين تلاتة
Post: #14 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Emad Ahmed Date: 05-24-2010, 10:22 AM Parent: #11
Quote: ناجي ابورقة ود حلتنا قبل ان يرحلوا الى بحري ...... شقيق ياسر ابورقة لاعب الهلال السابق ......... ناجي كان ممكناً ان يكون خليفة حامد بريمة في السودان ....... رشيق وخفيف ويجيد اللعب داخل الميدان مثل حامد بريمة ... لديه تقدير جيد في شان الخروج من بين الخشبات او البقاء فيها ...... شجاع الى الحد البعيد لايخشي المهاجمين او الاحتكاك بهم ....... شغلته القراية والسفر للدراسة في المغرب عن مواصلة مسيرته الكروية .......
سلام
ناجي أبورقة لعب لفريق السواح برابطة الدناقلة ببحري
وشاهدته كثيرا وكل ماذكرته عنه عين الحقيقة .
Post: #18 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 10:39 AM Parent: #14
Quote: سلام
ناجي أبورقة لعب لفريق السواح برابطة الدناقلة ببحري
وشاهدته كثيرا وكل ماذكرته عنه عين الحقيقة .
شكرا ياعمدة ........ كثيرين لايعرفون ان بداية ياسر ابورقة وشقيقه ناجي كانت في الخرطوم 2 وتحديداً بدنا اللعب في النجيلة البقت اوزون حالياً ثم ميدان الرابطة كان قدام بيتنا جنب مدرسة
النيلين التجارية الشهيرة (مظاهرة مافيها النيلين او الخرطوم الشعبية ما بتنجح اصلوا) ........ بعد ذلك رحلوا الى بحري ولعب ياسر في اشبال الهلال ثم الزهرة ثم الهلال وسافر ناجي للدراسة
في المغرب والان مغترب في السعودية ...........
Post: #19 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Fadl Karrar Date: 05-24-2010, 10:57 AM Parent: #18
تحياتي جنابو
أكتر إتنين حرفاء شفتهم في حياتي إسماعيل مركز ( أخو زاهر مركز ) ومحمد حسن نوبة ( كارلوس ) إسماعيل مركز لعب في أبو فروع ثم مريخ الحصاحيصا ثم هلال الحصاحيصا أنضف ثيردباك والعجب العجيب أحرف مهاجم محل ما التيم يكون محتاج هو بيلعب لعاب بشكل خيالي وحيَر كبار مدربي أندية الخرطوم ومنهم حسن المصري بس ما بتدي حريف
محمد حسن نوبة لعب للأهلي الحصاحيصا ثم العامل الحصاحيصا موسيقار بحق وحقيقي في الكورة وفي عزف الجيتار ما بيشبه في طريقة لعبو إلا بلاتيني سيد الإسم والله لما كان يجع ليك الباص تقول إلا تبروزا ،،، لوحة عدييييل كدا
الله يطراهم بالخير ويديك العافية
Post: #20 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: haroon diyab Date: 05-24-2010, 11:29 AM Parent: #19
ياجنابو
سلام
وسعيد بي شوفتك
صدقني ياجنابو انا بعتبر اخطر مهاجم سوداني في فترة
التسعينات ومالعب للهلال او المريخ هو النجم رياض عبد الله
لاعب الموردة السابق والذي غادرها وهو في قمة العطاء
رياض كان يمكن ان يكون مشروع اخطر واحرف مهاجم سوداني
لكنه ولانه لا ينتمي لاحدي القبيلتين فقد انزوي في منتصف المشوار .
اتجه الان للتدريب ....اتمني له التوفيق .
خلينا نشوفك
Post: #21 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: زهير الزناتي Date: 05-24-2010, 11:55 AM Parent: #20
يا جنابو وباقي الشباب سلام ...
علي ذكر أم دوم لا بد من ذكر هاشم كجر أحرف لاعبي تلك الفترة ولم يلعب لهلال مريخ ... هاشم كجر حكاية تحتاج لراوي فهو من أحرف اللاعبين الذين أنجبتهم الملاعب وأكثرهم بقاءً في الميادين ... عمر في الميرغني كسلا كثيراً ما لا يقل عن عشرين عاماً ... وأعتقد بأنه أكثر لاعبي الميرغني إرتداءً لشعاره ... .. عدا الفترة القليلة التي لعبها في أمدوم .... هاشم كجر هو أسطورة الميرغني وكسلا ... الآن في الجهاز الفني للميرغني ...
Post: #22 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Mohammed Ibrahim Othman Date: 05-24-2010, 12:04 PM Parent: #21
موسى العجب (لاعب فريق التحرير )..
Post: #23 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: حمزه بابكر الكوبي Date: 05-24-2010, 12:53 PM Parent: #22
جنابو لك الحيه
تعرف ميدان عقرب كان فيه ناس والله اكتر من منقطنها لكن ماسلطت عليهم الاضواء ليذهبوا الي القمه ازكر في بداية الثمنينات محمد بخاري (الاملاك )ومحمد (الكوكب) وماهر الصول (الشعب) وكذلك في نهاية الثمنينات الضو (الشعب) وفي بداية التسعينات شوقي عبدالحميد (التعاون) .........والقائمه طوييييييييييله .
Post: #47 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 07:34 AM Parent: #23
Quote: تعرف ميدان عقرب كان فيه ناس والله اكتر من منقطنها لكن ماسلطت عليهم الاضواء ليذهبوا الي القمه ازكر في بداية الثمنينات محمد بخاري (الاملاك )ومحمد (الكوكب) وماهر الصول (الشعب) وكذلك في نهاية الثمنينات الضو (الشعب) وفي بداية التسعينات شوقي عبدالحميد (التعاون) .........والقائمه طوييييييييييله .
ميدان عقرب وليق الخرطوم في ميدان المولد وغيرها من ميادين الشمس الحارة خرجت افذاذ اللاعبين بل حتى المشجعين المهتمين بفرقهم اكثر من اهتمامهم بالهلال والمريخ
رحمة الله عليه (عبدو السمين) مشجع فريق جلاس في ليق الخرطوم لايقبل هزيمة فريقه واذا قرر ان يخلق مشكلة يبداء بشرطي السواري الذي يحفظ النظام في الميدان يسحبه
من حصانه الى الارض وبعد ذلك عينك ما تشوف الا النور ....... في النهاية يتدخل العقلاء والجودية ويتصافي الجميع.
Post: #27 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:16 PM Parent: #22
Quote: موسى العجب (لاعب فريق التحرير )..
الكلام كمل ......... العارفين بامور الكرة يقولون بانه افضل بكثير من شقيقه فيصل العجب لاعب المريخ
Post: #26 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:08 PM Parent: #21
Quote: هاشم كجر هو أسطورة الميرغني وكسلا
متمكن وحريف ويبدو ان ارتباطه بالميرغني كان اقوي من اغراءات اندية القمة ...........
Post: #25 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:06 PM Parent: #20
Quote: رياض عبد الله
لاعب الموردة السابق
بتذكروا زول فنان جداً ..... لكن في فترة ظهرت حكاية قطر دي وجهجهت لاعيبة كتار طبعا فيهم ناس عملوا اسماء هناك زي لاعب الهلال البقي يلعب في الفريق القومي القطري ما بتذكر اسمو
منو .......
Post: #24 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:01 PM Parent: #19
Quote: أكتر إتنين حرفاء شفتهم في حياتي إسماعيل مركز ( أخو زاهر مركز )
زاهر زاتو ما كان هين ....... لكن عندي ملاحظة غريبة ليه اغلب اولاد الحصاحيصا ما بعمروا في الهلال والمريخ وسريعاً مايعودون الى الحصاحيصا وخير مثال حي كرنقو وعلاءالدين طيارة
Post: #28 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: طارق جبريل Date: 05-24-2010, 01:26 PM Parent: #24
دفعتي وصديقي عصمت الامتداد مجنون كفر عديييييييييييل
عمر كيفنك
Post: #29 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:29 PM Parent: #28
Quote: دفعتي وصديقي عصمت الامتداد مجنون كفر عديييييييييييل
عصمت الفنان المهذب ......... صنع مع عصام عباس والجقر وحسن حامد وبريش .......... امجاد لفريق الموردة
انت يا طارق عصمت ده دحن ما قرنا معانا في الخرطوم الجديدة والا انا غلطان ؟
Post: #31 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: طارق جبريل Date: 05-24-2010, 01:44 PM Parent: #29
Quote: انت يا طارق عصمت ده دحن ما قرنا معانا في الخرطوم الجديدة والا انا غلطان ؟
كيف ياخي كان ملازمني انا ونسيبك ودكتور طارق محمد حسين وبدر الدين الطاهر ومحمد بلو
Post: #32 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 01:52 PM Parent: #31
Quote: كيف ياخي كان ملازمني انا ونسيبك ودكتور طارق محمد حسين وبدر الدين الطاهر ومحمد بلو
لكن اخو محمد بلو (عباس عبدالله) دفعتي وهو الان مقدم في الجيش ................................
Post: #30 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عبداللطيف محجوب Date: 05-24-2010, 01:42 PM Parent: #24
فريني ود حلة خوجلي يا جنابو عمر .. هو أفضل لاعب الآن موجود على مستوى السودان
Post: #33 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Medhat Osman Date: 05-24-2010, 02:02 PM
سلام ياخي فريني ده لعاب عديل الظاهر... هلال مريخ شنو؟؟؟ ده يمشي برشا طوالي..
Post: #40 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عبداللطيف محجوب Date: 05-24-2010, 02:17 PM Parent: #33
Quote: سلام ياخي فريني ده لعاب عديل الظاهر... هلال مريخ شنو؟؟؟ ده يمشي برشا طوالي..
والله بالجد يا مِِدحت،
بتذكر مرة كتبو عنو صفحة كاملة في الرأي العام ولا السوداني ما عارف .. وفي الهيدر بتاع الصفحة قالوا فريني أفضل من هيثم مصطفى ومن فيصل العجب ..
Post: #34 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: صلاح أبودية Date: 05-24-2010, 02:02 PM
معقول يا جنابو لسه ما جبتو سيرة فائز نصر الدين ؟؟ ده عاوز ليهو بوست براهو !!
Post: #37 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 02:09 PM Parent: #34
Quote: معقول يا جنابو لسه ما جبتو سيرة فائز نصر الدين ؟؟ ده عاوز ليهو بوست براهو !!
والله يستاهل ياسيادتك ........... وتعرف المشكلة انو نكهة ناس فائز ستختفي من الملاعب باعتزال فيصل العجب الا اذا ظهر لاعب جديد والساحة لاتبشر بذلك
Post: #35 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: محمد عبدالرحمن Date: 05-24-2010, 02:03 PM
Quote: كرنقو وعلاءالدين طيارة
تحياتى ياعمر ...
كرنقو من مدنى والهلال سجله من فريق درجة تانية من اندية مدنى ..ولم يعلب للحصاحيصا الا بعد شطبه من الهلال..علاء الدين طياره من الكاملين ..ولم ياتى للهلال من الكاملين اعتقد انه اتى للهلال من بورسودان ..ولعب للحصاحيصا بعد شطبه من المريخ ...
لاعبى الحصاحيصا الذين لعبوا للقمة وتركوا صيت ..عروه وابوالعز لعبوا للهلال اعتقد فى السبعينات ...كندورة لعب الهلال قادما من النيل الحصاحيصا ..ونميرى لعب للمريخ قادما من الهلال الحصاحيصا ..زاهر مركز لعب للهلال قادما من الهلال الحصاحيصا .. وجمال سانتو انتقل للهلال قادما من المريخ الحصاحيصا ..
اللاعبين الذين لم يعمروا كثيرا متوكل احيمر ووجدى دفع الله وطارق جاديكا وثلاثهم قدموا للمريخ العاصمى من المريخ الحصاحيصا .. محمد جاد كريم ومناوا وايوب وعكاشه واربعتهم قدموا للهلال العاصمى من الهلال الحصاحيصا ....
ملاحظتك صحيحة لحد ما وليس على اطلاقها ..فعدد ليس بالقليل من لاعبى الحصاحيصا لم يعمروا كثيرا باندية القمة ...
حمدى كرن لو قدر له الانتقال من مريخ الحصاحيصا الى واحد من اندية القمة فى الثمانينات اعتقد انه كان سيترك اثر وسمعه طيبة .
Post: #38 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 02:12 PM Parent: #35
شكراً يامحمد على هذه الافادة القيمة .......... بالمناسبة طارق جاديكا ده فلتة من فلتات الكرة السودانية لكنه مسكون بداء عدم الالتزام او الانضباط الذي يصيب الكثير من الموهوبين
ومثال لذلك اولاد ابوالجاز ....... احمد وامير وعمار ......... كلهم حرفا ولعابين لمن يحيروك لكنهم لايستمرون كثيرا .........
Post: #42 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: ALGARADABI Date: 05-24-2010, 03:05 PM Parent: #35
عبد المحمود أبو شريعة لاعب ساردية شندي أسطورة من أساطير الكرة
حينما دفع فيه الهلال و المريخ ما لم يدفع للاعب قبله عزّ الحلف وقعد في شندي
Post: #36 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-24-2010, 02:06 PM
Quote: فريني ود حلة خوجلي يا جنابو عمر ..
ده فريني الكان في فريق الناشئين والا واحد تاني ........... داك مجنون كورة عديل كان فريق الناشئين جاء لعب في دورة نادي الوحدة ابوظبي وفيها فرق ناشيء فرق اوربية كبيرة ، فاز السودان
بهذه الدورة بمجهودات فريني وغازي كرار الاخير لعب في الهلال فترة بسيطة جداً .............
Post: #39 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عبداللطيف محجوب Date: 05-24-2010, 02:15 PM Parent: #36
Quote: ده فريني الكان في فريق الناشئين والا واحد تاني ...
ما متأكد والله، لكن سمعت إنو الزول ده إتقدمت ليهو عروض من أندية إنجليزية .. بس ما عارف الحاصل شنو !
Post: #41 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: إدريس البدري Date: 05-24-2010, 02:20 PM Parent: #36
عمر عثمان..........ســـلام
في حلتنا (الدرادر - النيل الابيض) في بداية التسعينات كان عندنا لاعب اسمو فيصل عمر مشهور فانسو ده ممكن يحاورك في فنجان.....حريف لامن غلط... اي باص ممكن تتخيلو بلعبو
لعبنا مع الموردة في كاس السودان سنة 93 وكان وسط الموردة حسن حامد واعتقد عصمت - الموردة ايام العز مسك ليك حسن حامد لما رقدوا واطة بي تحت وبي فوق ......حسن حامد قال ليهو: شوف العرب الوهم علمناهم الكورة بقوا يستعطبوا عينا هاهاهاهاهاهاها
كان ممكن يكون يكون لاعب محترف بحسابات الزمن ده
بس تقول شـــــــــنو؟
وتاني في بس ده كان أشهرهم
تحياتي
Post: #44 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عماد الدين عبدالله Date: 05-24-2010, 03:36 PM Parent: #41
عزالدين الصبابي
كورة وعلم واخلاق احسن من كل لعيبة
الهلال والمريخ في زمانه
تحياتي اخي عمر
Post: #46 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 07:29 AM Parent: #44
Quote: عزالدين الصبابي
كورة وعلم واخلاق احسن من كل لعيبة
الهلال والمريخ في زمانه
تحياتي اخي عمر
ولمن لا يعرفون مولانا عزالدين الصبابي عمل قاضياً قبل ان يتحول الى المحاماة حالياً.
Post: #45 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 07:26 AM Parent: #41
Quote: لعبنا مع الموردة في كاس السودان سنة 93 وكان وسط الموردة حسن حامد واعتقد عصمت - الموردة ايام العز مسك ليك حسن حامد لما رقدوا واطة بي تحت وبي فوق ......حسن حامد قال ليهو: شوف العرب الوهم علمناهم الكورة بقوا يستعطبوا عينا هاهاهاهاهاهاها
والله يا ادريس .... البرقد حسن حامد واطة ده زول ما هين تب ..... لانو حسن حامد لاعب مميز وصاحب لياقة ومجهود وافر
Post: #43 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: walid taha Date: 05-24-2010, 03:33 PM Parent: #1
وليد عبد اللطيف
Post: #48 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Elsamani A.Malik Date: 05-25-2010, 07:50 AM Parent: #43
اللاعب الفنان الموهوب عمر ملكية لاعب النادي الأهلي مدني.
لعب للأهلي قرابة العشرين عاما وهو الان عضو بالجهاز الفني.
Post: #51 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 09:56 AM Parent: #48
Quote: اللاعب الفنان الموهوب عمر ملكية لاعب النادي الأهلي مدني.
كيف ياخي عمر ملكية زول لعاب ومعروف .... حليل ايام كانت اندية مدني وبورتسودان بعبع للهلال والمريخ
Post: #49 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Mahmoud Mustafa Mahmoud Date: 05-25-2010, 07:59 AM Parent: #43
اسماعيل الطيب (ود جابر)..ود حلتنا..
يعمل حالياً مهندس مساحة بالسعودية..
لعب في دوري الدرجة الأولى بالكاملين لفريق النصر أبو عشر وكان فردته خليفة الجيلي..
الكلام دا كان في نهايةالسبعينات ومطلع التمانينات..
عيييييييييك..
أحرف من سكسك وعز الدين الدحيش..
شوات أكتر من صبحي ولد الشاطي أبو عشر ودوري الكاملين...
Post: #52 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 10:00 AM Parent: #49
Quote: أحرف من سكسك وعز الدين الدحيش..
شوات أكتر من صبحي ولد الشاطي أبو عشر ودوري الكاملين...
صاحبك ده ضيع روحو بقراية الهندسة ........ كان ممكن يلعب في برشلونة
Post: #64 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Mahmoud Mustafa Mahmoud Date: 05-26-2010, 07:08 AM Parent: #52
Quote: صاحبك ده ضيع روحو بقراية الهندسة ........ كان ممكن يلعب في برشلونة
ود جابر ده يا جنابو ضيعتو الإصابة برضو.. وفي ناس قالوا عين وأصابتو..
ياخ زول قاعد يجبد ليك الميدان كلو لا يترك حتى الحكم زاتو.. لاقاك حكم قاعد يجبدو لما يقع على خشمو ويقوم يضحك؟؟
بعدين الشوتة بتاعة صبحي في الزمالك ديك عارفها؟؟ ود جابر كان بيشوت زيها في التمارين زي سبعة كدا..
شكراً يا جنابو على البوست الوفي دا..
Post: #50 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-25-2010, 09:51 AM Parent: #43
Quote: وليد عبد اللطيف
يا وليد طه ......... صاحبك لعاب لكن شايفو مكبر اللفة من البوست ده عاوزنو يخلي التواضع ده شوية ويجي يحكي براهو
طبعا قريبك ربيع قالوا برضوا كان لعاب جداً بس ما شفناهو ......
Post: #53 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Emad Ahmed Date: 05-25-2010, 01:42 PM Parent: #50
أبو عبيدة عبد الرازق أسم له وقع خاص في رياضي بحري
ومن شاهدوه ذكروا بانه عبقري في عالم المجنونة وإن شغلته
دراسة الطب عن الكرة ,, لعب لفريق الكفاح البحراوي ابان
لعبه في دوري اندية الدرجة الثانية في منتصف السبعينات
وهو الشقيق الأكبر للاعب الهلال الأسبق جعفر عبد الرازق ..
Post: #54 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-25-2010, 03:06 PM Parent: #53
Quote: Quote: وليد عبد اللطيف
يا وليد طه ......... صاحبك لعاب لكن شايفو مكبر اللفة من البوست ده عاوزنو يخلي التواضع ده شوية ويجي يحكي براهو
طبعا قريبك ربيع قالوا برضوا كان لعاب جداً بس ما شفناهو ......
هههههههههههههههههههههههههههه يازول كيف الكلام دا لم احكي عن نفسي ولكن سوف احكي عن (فريني ) تلميذي وكيف كانت بداياته وانا اسعد اسعد اسعد انسان لما اشوف فريني وصل الى هذا المستوى لاني كنت من يرعاهم في النادي هو ومحمد موسى لاعب المريخ السابق فريني تم تسجله صغير جدا معنا واحببته لانه كان يحب كرة القدم فأستلمته وعلمته بعض فنون المجنونه بل اوصلته لدرجة يقوم بقيادة الفريق وعمل الاحماء في وجودنا حتى يتعلم القياده .. فريني شاب مطيع يتقبل النقد عكس محمد موسى عندما ننتقده كان يبكي وكان هذا لمصلحته وبعدها كبر وذهب للمريخ العاصمي عمر جنابو في شيء لم تعرفه (بحري ساكنها جان ) وعماد الموثق ممكن يحكي ليك في ذلك وهذا الجان بلعب مع اولاد بحري عشان كدا تجد افضل لاعبي المهارات من بحري اضفنا مهارات الكنترول من مدربنا سيدها (عماد خوجلي ) لاعب الهلال السابق والاهلي السعودي الذي يحمل الجنسية السعودية وبعدها لكل واحد فينا بصمته ومدرسته وسوف اذكرهم بالترتيب مع الحديث عنهم .
وليد طه
Quote: وليد عبد اللطيف
شكرا ياراقي بس ما احرف من ربيع محمد علي (النصيحه )
سوف نواصل
----------------------------------------- العفو ياعمر جنابو لم اشاهد هذا البوست الممتع وبوستاتك بالزات لها عندي مزاق خاص
Post: #55 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عبدالمجيد المقابل Date: 05-25-2010, 04:29 PM Parent: #54
جنابو عمر سلام
أولا" دكتور محمد أدم غانم لاعب منتخب طب الخرطوم والجامعة ,لعب في أهلي مدني في منتصف التسعينات ولقبه الدكتور
ثانيا" دسوقي لاعب اهلي الابيض و منتخب بنك السودان في نهاية التسعينات ولقبه دسكا للأسف اصيب في ركبته و اعتزل مبكر
ثالثا" نوار إبراهيم نوار شقيق كمال نوار, لعب بالموردة الابيض و الفريق القومي
تسلم أخي عمر
Post: #56 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: طارق الكوتش Date: 05-25-2010, 04:54 PM Parent: #55
عبد الكافى > برى شرف > النيل الصياد > المورده سنطه > اهلى مدنى سعد زكريا > اهلى الخرطوم محمد متوكل لم يعمر مع الهلال كثيرا ولكنه من احرف اللاعبين الذين شاهدهم
جنابو سلام .... وراجعين ليك تانى
__________
يا وليد الخرطوم و امدرمان و مدنى برضو جابو صواقع فى كرة القدم قاقا و الدحيش و جكسا و طارق احمد آدم و الديبه و سانتو و كمال عبد الوهاب وووو اما الابيض فيكفيها الفتى الابنوسى تنقا
Post: #65 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 07:09 AM Parent: #56
Quote: محمد متوكل لم يعمر مع الهلال كثيرا ولكنه من احرف اللاعبين الذين شاهدهم
راقي ولعاب ومهذب من اللاعبين الذين شغلتهم القراية عن الكورة واعتقد انه الان يعمل مهندس بدولة الامارات العربية - ابوظبي
Post: #57 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: أسامة البلال Date: 05-25-2010, 05:00 PM Parent: #55
هلال مريخ ساهموا مساهمة كبيرة في تدمير الكتير من اللاعبين الموهوبين وبالتالي الكرة عامة طبعا بالتعاون مع الأتحادات التي أدمنت الفشل
ياخي ديل ما عارف حسادة والله شفقة أول ما يظهر لاعب ويبدأ يثبت أقدامو يجرو يخطفوهو ويجيبوهو لمقابرهم التي قبرت مئات المواهب الواعدة
جففوا كل الانديةالتانية من اللاعبين وغريبة البينضم لمقابرهم أقصد أنديتهم تاني ما بشوف عافية حتي لو شطبوهو في نفس السنة
أما الأتحاد فإهماله للناشئين والدرجات وتركيزه علي الكبار ساهم في عدم أعطاء الفرص لمواهب كتيرة كان ممكن تصبح أسماء في حياتنا
=================================
أكبر فلتتين من الأقاليم هما عبد المحمود سارديه(شندي) والطاهر حسيب بورسودان
سمعت عنهما الكتير. كانا عملاقين في زمن الكبار كما يقال عنهما
ياريت لو زول عاصرهما يحكي لينا عنهما
Post: #58 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: حيدر بشير Date: 05-25-2010, 08:07 PM Parent: #57
الاخ عمر لك التحايا و الشكر
فريق قرية حسينارتى
كان مشهورآ فى المنطقة التى تشمل منطقة مروى و الدبة و نال كاس الرياضية الجماهيرية عن ريفى الدبة حينما اعلن عنها نميرى
ابراهيم احمد
لاعب لم اشاهد من يستطيع التحكم فى استلام و تمرير الكرة مثله
محمد الرشيد اكراب
لاعب جوكر يجيد اللعب فى كل الخانات و دائمآ يحتفظ بلياقة عالية عمل فى البنك الزراعى بالدبة و انضم الى احد فرقها فكانت المحصلة ان زاد عدد المشاهدين حتى فى التمارين لمشاهدته و هو يتلاعب بالكرة
هاشم ابراهيم الجراب
هذا لاعب خارق ينتمى الى اسرة رياضية كل اخوته لعبوا فى فرق عطبرة بدأ من سيداحمد و محمد ثورة و الرشيد و يحيى بعد انتهائه من امتحانات الشهادة السودانية جاء للخرطوم و نزل ضيفآ مع اخيه فى الصحافة و ذهب للتمرين مع اولاد الحلة
شاهده احد الكشافين المنتشرين فى ذلك الزمن و جاء بوفد كامل من نادى الاهلى الخرطومى يعرضون عليه التسجيل للفريق وعرضوا عليه مبلغآ يسيل له اللعاب فى ذلك الزمان و وظيفة جاهزة فى البنك و لكنه رفض لارتباطه بعطبرة و رجع يعمل موظفآ فى السكة حديد و يلعب لفريق الاتحاد و هو فريق الحلة
سيداحمد عبدالرحيم
كان توأمآ لمحمد حسين كسلا و كان محمد حسين يصر ان لا يلعب الا بجواره و حينما انتقل محمد حسين الى الهلال ذهب سيداحمد الى مدنى و عمل بالمؤسسة الفرعية للحفريات احرز هدفآ قى احدى مبارياتنا مع قرية منصوركتى فى بداية سبعينات القرن الماضى ما زال حديث الناس الى يومنا هذا
اما اللعب الاخير فهذا ليس من حسينارتى و لكنه هو الصديق و الزميل عضو البورد طه سورج
هذا لاعب فنان بكل ما تحمل هذه الكلمة من معانى و بفضل موهبته فقد استطاع ان يحتل مكانآ فى الفريق الاول لمدرسة كورتى الؤسطى و هو فى السنة الاولى
مرة اخرى لك الشكر على هذه المساحة
Post: #59 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: keiga2000 Date: 05-25-2010, 08:20 PM Parent: #58
ممكن الواحد يرشح نفســو... والله مابتدي حريــف
نزار حسون والمرحوم شوكـه لاعبي الاتحاد مدني
ابومصطفى
Post: #60 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-25-2010, 08:53 PM Parent: #59
عمر جنابو
Quote: ناجي ابورقة ود حلتنا قبل ان يرحلوا الى بحري ...... شقيق ياسر ابورقة لاعب الهلال السابق ......... ناجي كان ممكناً ان يكون خليفة حامد بريمة في السودان ....... رشيق وخفيف ويجيد اللعب داخل الميدان مثل حامد بريمة ... لديه تقدير جيد في شان الخروج من بين الخشبات او البقاء فيها ...... شجاع الى الحد البعيد لايخشي المهاجمين او الاحتكاك بهم ....... شغلته القراية والسفر للدراسة في المغرب عن مواصلة مسيرته الكروية .......
ناجي ابو ورقة درس الثانوي العام في الاميرية (2 ) وهو في سنة اولى عام يرتدي كدارة في سن مبكره وكان حارس منتخب الفصل وكان ممتاز جدا ولكن ياسر ابو ورقة عندما كان صغير وذهب بورتسودان ابدع وسحر من شاهدوا ملك الكنترول وبلا منازع (الطاهر حسيب ) فحمل جمهور برتوسودان ياسر ابو ورقة وطافوا به حول الملعب حبا في مغازلته للمجنونه بفكر اكبر من عمره
نواصل
-------------- عمر جنابو لاحظت اسماء كثيرة هنا يجب ان نقف بها ( ممكن )
Post: #62 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 07:00 AM Parent: #60
Quote: ولكن ياسر ابو ورقة عندما كان صغير وذهب بورتسودان ابدع وسحر من شاهدوا ملك الكنترول وبلا منازع (الطاهر حسيب ) فحمل جمهور برتوسودان ياسر ابو ورقة وطافوا به حول الملعب حبا في مغازلته للمجنونه بفكر اكبر من عمره
ونحن صغار وياسر ابورقة يكبرنا بسنة واحدة ......... كان اولاد الحلة الكبار وعندما تكون لديهم لعبة مهمة يستعينون بخدمات ياسر برغم صغر سنه وحجمه لكنه كان قادراً على صناعة
الفارق بكل سهولة .............
Quote: عمر جنابو لاحظت اسماء كثيرة هنا يجب ان نقف بها ( ممكن )
وده المطلوب يا وليد ......... قصدت من هذا البوست ان نوثق لهولاء المبدعين ونعطيهم حقهم
Post: #70 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 10:03 AM Parent: #59
Quote: ممكن الواحد يرشح نفســو... والله مابتدي حريــف
طوالي ياعمك تعال فتو هنا .......... ما تبقي غتيت زي وليد عبداللطيف
Post: #67 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 07:13 AM Parent: #58
تعرف ياحيدر بشير ......... الارتباط العاطفي للسوداني بمدينته او منطقته كان سبباً في عزوف كثير من اللاعبين المهرة عن القدوم الى الخرطوم واذا جاء تجده سرعان ما يرجع
ونظرة الناس للكرة لم تكن نظرة مادية او وسيلة لكسب العيش حتى يلهثوا وراء مغرياتها المادية وانما كانوا ينظرون لها باعتبارها متعة ووفاء لفرقهم ومدنهم الصغيرة.
Post: #61 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 06:53 AM Parent: #55
Quote: ثالثا" نوار إبراهيم نوار شقيق كمال نوار, لعب بالموردة الابيض و الفريق القومي
الغريبة يا عبدالمجيد لا ادري السر في تخصص الابيض في لعيبة الدفاع و اغلب من جاء للخرطوم من فرق الابيض كانوا مدافعين كمال نوار وفتحي فرج الله وتنقا ، كمال نوار لعب في دفاع المريخ
وكان جيداً لكنه لم يعمر مع المريخ طويلاً
Post: #63 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 07:05 AM Parent: #61
Quote: عبد المحمود أبو شريعة لاعب ساردية شندي أسطورة من أساطير الكرة
ايام لم تكن هناك صحف رياضية كنا نقرا عن عبدالمحمود من خلال صفحتي الرياضة في الصحافة والايام او نسمع اخباره في نشرة الرياضة على الاذاعة الساعة 3 م
Post: #66 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: عبدالله ابوشوارب Date: 05-26-2010, 07:12 AM Parent: #61
سلام جنابو وسلام ياوليد ياحريف
انتظرت كثيرا ان يذكر احدكما معتصم الجمري ولكن طال انتظاري ارجو ان تفردا له مساحة بقدر فنه الراقي كما ارجو ان تحدثنا يا وليد عن رابطة الشعبية الكرابيج ونزار ويوسف المفك وفناني فريق الكتيبة وفريق الصداقة
ابوشوارب
Post: #68 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 07:25 AM Parent: #66
ابوشوارب
Quote: سلام جنابو وسلام ياوليد ياحريف
انتظرت كثيرا ان يذكر احدكما معتصم الجمري ولكن طال انتظاري ارجو ان تفردا له مساحة بقدر فنه الراقي كما ارجو ان تحدثنا يا وليد عن رابطة الشعبية الكرابيج ونزار ويوسف المفك وفناني فريق الكتيبة وفريق الصداقة
والله ماطالبني حليفة امس بالليل اتذكرت الجمري وكنت منتظر شويه كدا واتحدث عنهم هو وصديقة ربيع محمد علي الجمري لاعب انيق وفنان وكان افضل من قاد فريق الزومة ياخي زمان ندك المحاضرات عشان نمشي نتفرج على هذا اللاعب الانيق الذي ابدع وتفنن بخياله الواسع في جميع المستطيلات واذا شاهدته إلا يقدم لوحات فنيه لم تستطيع ان تنساه وهكذا حال الدنيا وسنة الحياه وصل الى درجة الجمهور يهتف بدخوله عندما كبر في السن ويزج به المدرب قبل نهاية المباراه بربع ساعة عنددما الشمس تقع يدخل و مخاطبا الكره لو انتي الزمن نساك انا مابنسى عضو المنبر معتصم الجمري فنان فنان فنان
---------------------- ابوشوارب الاسم ماقريب على تب اوعي تكون شقيق التجاني الحريف وعبد الرحمن اولادنا
Post: #69 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 09:59 AM Parent: #68
Quote: انتظرت كثيرا ان يذكر احدكما معتصم الجمري ولكن طال انتظاري
تعرف ياوليد في فترة عملنا لينا فريق عواجيز مجموعة من ضباط البوليس + شوية ملكية منهم الجمري والبربري ..... المدرب صاحبك ربيع
الفريق كان ابداع عديل كده ناس حرفا منقطنها وناس (مافي معلوم) ...............
صاحبك البربري مرة مسك ليهو كورة بلاين وهاك ياجري وارسو في الواطة لمن وصل راية الكورنر عكس الكورة وطواااااالي طلع بره يستفرق
معانا ودعمتي وصديقي اسمو ماجد عطا ........ بقول انو لعاب لكن في تقديري لا ...... مرة كورة في دائرة السنتر قمبر ليك الكورة دي فووووووووق في السماء ....... الجمري وهو بضحك
قال للحكم يا زول انهي الكورة دي كورة ماجد دي ما بتجي نازلة قريب ......
Post: #71 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 10:13 AM Parent: #69
شفت كيف ارشيفنا رايك شنو عمر
Quote: صاحبك البربري مرة مسك ليهو كورة بلاين وهاك ياجري وارسو في الواطة لمن وصل راية الكورنر عكس الكورة وطواااااالي طلع بره يستفرق
انت صاحبنا دا راكب طياره ولا شنو طوالي يستفرق مره برضو الجماعة شبكوني دافوري في الحله (سهلة شؤون المغتربين ) واشتغلنا في البربري انا وربيع برضو صاحبك بقى يستفرق تعرف الزول دا بكون بضرب العرقي وبتمرن
Quote: معانا ودعمتي وصديقي اسمو ماجد عطا
معقول ياعمر ماجد صاحب ناس الجمري وربيع
اها صاحبك ربيع لابس بنطلون و قميص وتم توقيفة في هذه المباراه قبلها بساعات وبسبب هذا القرار خسرنا كاس الدوره (ربيع معلم ولو لا الكسور والبواقي للعب في هلال مريخ ) ياخي ربيع كان بيتحكم في ايقاع الكره سريعة بطيئة يعني ضابط ايقاعها
------------------------ هوي ياعمر جنابو الصور دي للبيع ادفع عشان نكتر ليك من التوثيق
Post: #73 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: ارصد محمد جلال Date: 05-26-2010, 10:23 AM Parent: #71
خالد راكوية
لاعب الحاج يوسف في التسعينات .. الزول ده كان لعااااااب شديد
Post: #75 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 10:54 AM Parent: #71
Quote: ياخي ربيع كان بيتحكم في ايقاع الكره سريعة بطيئة يعني ضابط ايقاعها
ربيع ما لايوق وبالو طويل ......... ممكن تقعد معاهو يكون بيتونس معاك وليهو تلاتة ساعات بنضف في خاتمو بتاع الفضة داك بالليمون
Post: #72 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Mahassin Ibrahim Date: 05-26-2010, 10:19 AM Parent: #68
عزيزيى عمر : لك التحيه. زى ما قلت وذكر كثير من المتداخلين ان ارضنا الطيبه دى انجبت عباقره لم ينالو نصيبهم من الشهره والتمجيد لانهم لم يكونو من نجزم فريقي القمه. ليست لدى علاقه كبيره بالكوره ...لكن هذا العنوان حفزني لاكتب عن صديق زاملته خلال العمل ...لكني تقييمي له وابسط ما يمكن ان اكتب عنه انه ((قامه)) : أخلاق وأنسانيه بجانب مهنيته العاليه في اللعب والتي لايختلف عليها أثنان. حيو معي الللاعب الفذ(( عصام عباس)) الذى كان نجم في الموره ايام تالقه ولم يلعب لاى من اندية القمه بالرغم من سعيهم نحوه. لعب للمورده بكل اخلاص فاخلص لها واخلصت اليه.
Post: #74 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: omer osman Date: 05-26-2010, 10:38 AM Parent: #72
Quote: حيو معي الللاعب الفذ(( عصام عباس)) الذى كان نجم في الموره ايام تالقه ولم يلعب لاى من اندية القمه بالرغم من سعيهم نحوه. لعب للمورده بكل اخلاص فاخلص لها واخلصت اليه.
ياسلام يامحاسن ..... عصام عباس بخلاف الموهبة العالية كانت اخلاقه كذلك يلعب الكرة النظيفة يذكرني في المريخ بعادل أمين
لعيبة الموردة تحديداً زمان كان من الصعب عليهم مغادرة فريقهم ويرتبطون بالموردة بروابط عاطفية عميقة ...........
عصام عباس اظنه كان يعمل بالجمارك لا ادري اذا ما كان لايزال هناك ام لا ؟
Post: #76 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: almulaomar Date: 05-26-2010, 11:53 AM Parent: #1
عمر عثمان خالص تقديري لشخصك الكريم كثيرون هم من لم تتاح لهم الفرصة لكي يثبتوا مهاراتهم وإبداعاتهم في فنون كرة القدم على وجه الخصوص ، لكين هذا الباب الذي فتحته هو باب أجد فيه وأنا أتاوق مختلساً النظر المثل السوداني القديم "يا عجوزاً ما ليهو نديد يا كضاباً أهله بعيد" عشان كده ممكن أى واحد يجي ويصور ليهو إسكتش ويقول فيهو ود الحاجه والله كان منقطه وكان يضقل ليك بالكورة من بعد صلاة العصر لغاية المغرب ما يؤذن والسبب أنه لا يوجد توثيق مؤكد إضافة إلى أن النجم المفترض لم يصل لأندية القمة حيث الشهر والخبر ببلاش ، هذا لا يمنع أن هناك كثير من النجوم والمواهب التي لم ترى النور. شكراً ولك تقديري
Post: #77 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 12:24 PM Parent: #76
almulaomar
Quote: لكين هذا الباب الذي فتحته هو باب أجد فيه وأنا أتاوق مختلساً النظر المثل السوداني القديم "يا عجوزاً ما ليهو نديد يا كضاباً أهله بعيد" عشان كده ممكن أى واحد يجي ويصور ليهو إسكتش ويقول فيهو ود الحاجه والله كان منقطه وكان يضقل ليك بالكورة من بعد صلاة العصر لغاية المغرب ما يؤذن والسبب أنه لا يوجد توثيق مؤكد إضافة إلى أن النجم المفترض لم يصل لأندية القمة حيث الشهر والخبر ببلاش
انت بتقصد الناس بتخترع بطولات وهيمة يازول هنا في ناس زي الكوتش ( محمد حسن نقد ) اي واحد ضقل بكورة شراب بتلاقي واحد وللا اتنين بيعرفوه المعايير عملوها لاشنو في المنبر ما لي جنس دا --- ارصد محمد جلال : قال
Quote: خالد راكوية
لاعب الحاج يوسف في التسعينات .. الزول ده كان لعااااااب شديد
انا ما من الحاج يوسف لكن بضيف ليك في نفس المنطقة وزملان هذا اللاعب حسبو . محمد .محمد شعيب .. كورتكيلا .. عبد اللطيف .. طارق .. محي الدين كورتكيلا الصغير .. احمد عجة .. الشاهر شعيب الشاهر عبد الله قورو ---- طريقة تكذب هنا مافي وفعلا كلام ارصد محمد جلال صاح هذا اللاعب كان مميز جدا وهذا على سبيل المثال ياخي يامُلا عمر ماتخلي البوست يمشيء ومن راقب الناس مات هماً والكتابه هنا مجاني والعايز يحكي يحكي
--------------------------- عمر جنابو لو سمحت رجع الصورة مكانها دي من ضمن ارشيفي بنحولك لمحكمة (بسرعة لصقتها في بروفايلك )
Post: #78 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: معتز زيزي Date: 05-26-2010, 12:40 PM Parent: #77
(سمبلا سمبلا سمبلا)
ثلاثي منتخب كلية الهندسة جامعة الخرطوم " منتصف التسعينيات" مرضي سر الختم (مساحة) - تعرفه جميع الكليات لاعب خلوق وفنان ... محمد ود العشا (مساحة) - لاعب محور لم أشاهد لاعب يجيد هذا المركز غيره ... مجدي النسر (ميكانيكا) - لعب للمريخ لفترة قصيرة - حرمته الأصابة من مواصلة المشوار ما أظن الملاعب السودانية حاتجيب مدافع مثله ... أنتقل للمريخ من فريق بري .... . . كان لي شرف تدريب منتخب الهندسة والجامعة إبان تلك الفترة زكريات حلوة
Post: #79 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 12:42 PM Parent: #77
عمر جنابو صورة عضو المنبر طارق ميرغني (ابو الفن ) حديثة
صورة طارق ميرغني قديمة
اها طارق دا زمان كان بنقطها الصورة دي بمليون ريال ما بنبيعها
---------------------------------- يا الـ almulaomar كدا كيف
Post: #80 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: Mahassin Ibrahim Date: 05-26-2010, 12:54 PM Parent: #77
شكرا يا عمر علي تحيتك الراقيه لعصام الانسان المهذب الفنان بكل ما تحمل الكلمه. فعلا عصام كان بالجمارك ...لكن هذه الايام ببنك السودان. ندعو له بالتوفيق وتمام الصحه والعافيه.
لماذا لايتم جمع هذه المعلومات النادره عن هذه النجوم المتلالقه من خلال هذا السرد ووضعه في كتاب. وسيكون لك سبق في هذه الفكره وتخلده لك الايام.
ليتنا نهتم بمبدعينا كما تفعل مصر لكل شخص قدم اى مساهمه او ابداع في اى مجال اى كانت حجم المساهمه تجاه الوطن.
قبل ان يفوت الزمن ونفقد من نفقد .....نبد في تمجيدهم وذكرهم بالجميل وهم احوج اليه وهم احياء يرزقون .
Post: #81 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 01:05 PM Parent: #80
محاسن يا اختي
Quote: شكرا يا عمر علي تحيتك الراقيه لعصام الانسان المهذب الفنان بكل ما تحمل الكلمه. فعلا عصام كان بالجمارك ...لكن هذه الايام ببنك السودان. ندعو له بالتوفيق وتمام الصحه والعافيه.
اضيف ليك عن عصام عباس كان يلعب لمنتخب جامعة القاهره فرع الخرطوم ووقتها كان المنتخب يعج بنوجوم كرة القدم من هلال ومريخ وباقي الاندية وزاملوه في تلك الفتره من النجوم جعفر عبد الرازق لاعب الهلال + بسام عبد الله (شمبات ) + عبد النور لاعب المورده السابق وهود بشير الهلال + قاقرين المريخ وكثيرا من النجوم ومنهم من سقط من الذاكره وعلو كعبه كان واضح وسط هذه الكوبه المتفرده في عزف فنون كرة القدم تسيد وسطها وكان قائد اوركسرتها عصام عباس فنان عصام عباس قمة التهذيب عصام عباس رجل محبوب من الكل
Post: #82 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: almulaomar Date: 05-26-2010, 02:43 PM Parent: #81
Quote: ياخي يامُلا عمر ماتخلي البوست يمشيء ومن راقب الناس مات هماً والكتابه هنا مجاني والعايز يحكي يحكي
وليد عبد اللطيف تحياتي أنا لا أقدح في كل ما يكتب هنا ولست كذلك قيماً على تصحيح مفاهيم أو غيرها لكن أحياناً قد يجبرك الخبر على أن تقول رأيك بتجرد وقد فعلت ، كما أنني لم أنفي نفياً قاطعاً وجود مواهب لم ترى موهبتهم النور من خلال منابر معينة سواء في مجال كرة القدم - موضوع البوست - أو أى مجال آخر لأسباب كثيرة ، ولأن الكلام هنا بلاش كما تفضلت قلت كلامي هذا وولم أقل ولن أفعل أن أقف حاجزاً بين من يريد أن يكتب أو يحكي أو يكذب فكل شاة معلقة من عصبتها كما يقول شيخ الجزارين. وما بين مداخلة ومداخلة أخرى في هذا المنتدي تظهر المبالغة ومحاولة تضخيم الموضوع من بعض الأعضاء بالقدر الذي يصبح فيه مسخاً ويتغير كلية وهو ما يعرف مجرد بالكذب أو الكضب. المهم في النهايةالبوست ماشي وحا يمشي بالكضب أو بدونه
Post: #83 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: وليد عبد اللطيف Date: 05-26-2010, 03:09 PM Parent: #82
almulaomar
Quote: وما بين مداخلة ومداخلة أخرى في هذا المنتدي تظهر المبالغة ومحاولة تضخيم الموضوع من بعض الأعضاء بالقدر الذي يصبح فيه مسخاً ويتغير كلية وهو ما يعرف مجرد بالكذب أو الكضب. المهم في النهاية البوست ماشي وحا يمشي بالكضب أو بدونه
مُلا ياحبيبي يظهر فهمت فكرتي خطا وانا اعتذر لان ممكن تكون صيغة (ياخي ) جات في مكان غير سليم وانا اقصد الطلب بطريقة مهذبه وهو ( يا اخي ) ولو اني ماشايف سبب واحد عشان الناس تكذب هنا وامكن في نظري فلاني الفلاني منقطها وانت في نظرك فلاني الفلاني درويش حلقة ومثل هذه الاشياء حسب راي اي واحد وحسب فهمه لذلك بندع اي انسان يشارك بما عنده ومن غير حسابة اذا كذاب او صادق
------------------------ اخي مُلا عكن جميلا تر الوجود جميلا (مشيها ياعم ) ويدي تصافح يدك بكل طيب خاطر
Post: #84 Title: Re: كتار كانوا لعابين ومنقطنها لكن لم يلعبوا للهلال أو المريخ ....... خلدوا اسمائهم وتجاربهم هن Author: خالد عبد الحليم سعيد Date: 05-26-2010, 04:28 PM Parent: #83
الاخوه الكرام
كما زكر البعض ان مدينه بحرى راكبا شيطان السنتر ( حريفيييين )
ساذكر لكم بعض منهم
عبد المنعم بخيت او ( منعم بخيت ) من الحاج يوسف
لاعب الفريق الناشيئين
ولعب لاغلب انديه الخرطوم بكل درجاتها
اخرها ديم سلمان على ما افتكر
زاكى الدين من اولاد الحاج يوسف لاعب الصبابى لاعب مهاجم
من الطراز الما استحدثوهو لسه ( ببالغ عديل كدا والله ) والدبل كيك دا بمتعك فيهو متعه
عماد على ( عمده) لاعب الحاج يوسف ( زمن العمالقه) لما كان فريق الحاج يوسف متلتل
وايضا هنالك
صابر على الشهير بصابر سكسك ( بالمناسبه العب من سكسك زاتووووووو) لعب للكفاح بحرى والحلفايا
وكم فريق كدا ما متزكرم ( ممكن تقول الابداع مسكون بى سكسك )
، حريف و خفيف لدرجة ممكن يدّبى للقمرى و هو راكب على دراجته
