Post: #1
Title: فرصة وضاعت ياجمال الوالي ؟!
Author: omer osman
Date: 05-05-2010, 08:14 AM
Parent: #0
كان مفروض ..........
|
Post: #2
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:15 AM
Parent: #1
تبيع وارغو في سوق المواسير .........
|
Post: #3
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:17 AM
Parent: #2
انشاء الله يدوك بدلو عجلة رالي ..... بس تكون دبل .... وراغو برضو ماهين
|
Post: #4
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:22 AM
Parent: #3
من أول يوم حسيت ان هذا اللاعب لن يفيد المريخ ...... بل من قبل ذلك شاهدت مباراة الاهلي المصري وانيمبا في نهائي كأس افريقيا لمشاهدة وارغو القادم للمريخ
لم يقنعني وتأكدت انه لاعب مستسلم ومغرور في ذات الوقت ............
|
Post: #5
Title: Re: فرصة وضاعت ياجمال الوالي ؟!
Author: فايزودالقاضي
Date: 05-05-2010, 08:23 AM
Parent: #3
او يقنصوه عسكر الحكومة ..
|
Post: #7
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:25 AM
Parent: #5
| Quote: او يقنصوه عسكر الحكومة .. |
اتاريك زعلان منو شديد يا ودالقاضي ............. 
|
Post: #6
Title: Re: فرصة وضاعت ياجمال الوالي ؟!
Author: محمد عبد الماجد الصايم
Date: 05-05-2010, 08:24 AM
Parent: #3
كاااااااااااااكـ ياخ!
نجيضة والله يا جنابو!
المشكلة ما كان ح يقبلو بيهو!
دا يعملوا ليهو إعادة تدوير كيف؟
|
Post: #8
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:28 AM
Parent: #6
Quote: المشكلة ما كان ح يقبلو بيهو!
دا يعملوا ليهو إعادة تدوير كيف؟ |
ياعمك ........ ديل شفوت مفتحين كان غلبم يتصرفوا فيهو ممكن يعملوا ليهو حركة مسلحة ويدخلو بيهو مفاوضات مع الحكومة
|
Post: #9
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:31 AM
Parent: #8
مرات يلمو فيك ناس كان في المنبر والا بره يقنعوك بانو وراغو ده صغير واصبروا عليهو تقوم تقنع نفسك وتحاول تتعايش مع الفكرة في اول مباراة كبيرة ينتظر منه فيها ان يقدم شيء
يرجع يلف ويدور ويقع ويقوم بلا فايدة ..............
|
Post: #11
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:34 AM
مرات ناس يقولو ليك يمين الزول ده مكتوب زي حكاية المرحوم يوهانس لاعب الهلال ......... ياجماعة في نيجيري بكتبوهو 
|
Post: #13
Title: Re: فرصة وضاعت ياجمال الوالي ؟!
Author: طلحة عبدالله
Date: 05-05-2010, 08:36 AM
يا سعادتو وارغو دا ناس الاهلي المصري قالوا
للمريخ بنديكم فيهم تلتماية الف مجاملة ليكم
وكلمة زايدة منكم بنديكم مية وخمسين بس .
المشكلة الكبيرة يا عمر أنو هذا المهرج مفروض
فرض على تشكيلة المريخ بدليل أنو كل مباراة يشارك
رغم انو المباراة القبلها بكون أزفت من زفت الطين .
لو كنت مكان جمال الوالي لدفعت لأي فريق حتى يقبل
بهذا الوارغو .
|
Post: #16
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:43 AM
Parent: #13
Quote: المشكلة الكبيرة يا عمر أنو هذا المهرج مفروض
فرض على تشكيلة المريخ بدليل أنو كل مباراة يشارك
رغم انو المباراة القبلها بكون أزفت من زفت الطين .
لو كنت مكان جمال الوالي لدفعت لأي فريق حتى يقبل
بهذا الوارغو . |
ياطلحة ده نفس الكلام القلتو لي حمزاوي .......... لكن لسه في ناس عندها امل انو وارغو ممكن يعمل حاجة للمريخ
|
Post: #21
Title: Re: فرصة وضاعت ياجمال الوالي ؟!
Author: طلحة عبدالله
Date: 05-05-2010, 08:52 AM
Parent: #16
يا عمر والله انا حمزاوي دا حيرني في صنقوري دا
كل مرة يجىء يقول وارغو النجم الاوحد لكن المريخ
ما قادريستفيد منو أو هو ما لاقي فرصة.
على كلامو دا المفروض وارغو المهرج دا يستمر شوكة
حوت لا ينبلع لا يفوت .
يا حمزاوي يا حبيب
لا إختلاف في موهبة اللاعب وصغر سنه لكنه لم يفد المريخ
منذ ان جاء إلى صفوفه ، بل وظل خصما عليه في كثير
من المباريات التى شارك فيها ، فضلا عن أنه يلعب
في التشكيلة على حساب مواهب أخري لديها ما تقدمه
للمريخ لكنها تعاني من زحمة وارغو لها.
بقاء اللاعب في كشوفات أي فريق بالعالم مرتبط بما
يقدمه من خدمات فنية وليس بأسمه وما كان يفعله.
|
Post: #10
Title: Re: فرصة وضاعت ياجمال الوالي ؟!
Author: حمزاوي
Date: 05-05-2010, 08:34 AM
Parent: #6
| Quote: تبيع وارغو في سوق المواسير ......... |
لا حول ولا قوة الا بالله
ليه كدا
حقيقة مشكلة المريخ في جمهوره
معقول واحد يقول كلام ذي دا في وراغو
وارغو هو النجم الاوحد حالياً في المريخ مع النفطي في مقدمة الفريق
المشكلة المريخ ما قادر يستفيد من وارغو
ودي ما مشكلة وارغو
وسيظل وارغو نجم
|
Post: #14
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:39 AM
Parent: #10
| Quote: المشكلة المريخ ما قادر يستفيد من وارغو |
كيف ياحمزاوي ؟ يعني يعملوا ليهو شنو بالضبط ؟
السنة كلها لاعب ولعب في اكتر من خانة جوه الملعب وياهو وارغو زاتو ...........
انا ما بقول ليك وارغو ما حريف لكن طريقتو في اللعب والمياتة والدلع والغرور البسوي فيهو ده ما بنفع ولا قايل نفسو مقطعه خليهو يتفرج في ناس سكسك وفايز نصرالدين وسعودي الموردة
والعجب ...............الخ
|
Post: #15
Title: Re: فرصة وضاعت ياجمال الوالي ؟!
Author: عبدالكريم أحمد الامين
Date: 05-05-2010, 08:42 AM
Parent: #10
** جنابو عمر .
** صباحك خير..
## هسه مافات شئ خليهو يقايضو بعده لكافتريا المريخ العائليه والوقت مُناسب ,, بعد كده لو عايز يتخارج منو إلا يدفع عشان يلقى ليهو جهه تقبلو..
(ودام الود بيننا)
(ابو محمد فؤاد) - الماكيكى..
|
Post: #20
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:52 AM
Parent: #15
| Quote: ## هسه مافات شئ خليهو يقايضو بعده لكافتريا المريخ العائليه والوقت مُناسب |
على قولك يا ابومحمد ........ بعد شوية بي قدرة فول ماينفع .....
|
Post: #12
Title: Re: فرصة وضاعت ياجمال الوالي ؟!
Author: tmbis
Date: 05-05-2010, 08:35 AM
Parent: #6
بدلوهو بي اي حاجة ..
إن شاء الله .. طقم اي حاجة .. أقوليك حاجة:
ادرعوهو في رقبة مخدر ابوالقاسم .. واعملو رايحين 
ملحق خاص عن مخدر ابوالقاسم:
لما يحب مخدر ابوالقاسم يشكر ليهو لاعب في المريخ جاي من بره وهو ماسورة ويعمل (بنج) لي الجماهير .. بي إنو يمسك ليهو اي لاعب من الهلال برضو جاي من بره .. ويمسك فيهو هاك يا معط .. وهاك يا دا ماسورة .. وهاك يا دا حفياني وهاك يا دا ركبتو الواحده فوقه ركبتين وكرعينو الاتنين شمال .. إلخ إلخ ..
يللا
هنا الجماهير المريخيه بتتبنج شديد .. والناس البتضرب قهوة ومويات البنج ما بيمسك فوقم .. تلقاهم بيلغلغو .. لكن لغلغتم ما واضحه لانو صوتم ما عالي شديد .. بعداك الفاس تقع في الراس .. يقوم الزول بتاع البنج الفي الهلال .. المعني من مخدر ابوالقاسم .. يطلع فلته كما الحال في سادومبا .. وبالمقابل .. (القزازة الفاضية) بتاعت البنج بتاعت مخدر ابو القاسم أو الماسورة التي يلوح بها .. تطلع بيش .. مع عامل التجربة.
غايتو يا ايداهور فقدك جلل ..
|
Post: #17
Title: Re: فرصة وضاعت ياجمال الوالي ؟!
Author: khaleel
Date: 05-05-2010, 08:47 AM
Parent: #12
عمر يا سعادتك
انا زمان قدمت ليكم عرض سامي عبدالله ومائتين الف دولار
وتدونا وارغو
وما زلت عند قناعاتي ان وارغو من اعظم المحترفين في تاريخ البلاد
عليكم بالصبر
ايداهور نجح بعد تلاتة سنين وقودوين بعد تلاتة سنين
حتي فلافيو في الاهلي القاهري نجح بعد تلاتة سنين
شيل صبر رفيق
|
Post: #22
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:56 AM
Parent: #17
Quote: وما زلت عند قناعاتي ان وارغو من اعظم المحترفين في تاريخ البلاد
عليكم بالصبر
ايداهور نجح بعد تلاتة سنين وقودوين بعد تلاتة سنين
حتي فلافيو في الاهلي القاهري نجح بعد تلاتة سنين |
ياهندسة الجواب من عنوانو ............ طريقة وارغو في اللعب غير مجدية وهو لن يستطيع تغييرها ابداً فايز نصرالدين لم يعمر في الملاعب مثل سكسك رغم انو الاتنين حرفا لكن فايز
فيهو شيء من عدم الجدية او الغرور بعكس سكسك الذي كان يخدم الكورة والفريق ولايعلب لنفسه
|
Post: #18
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 08:49 AM
Parent: #12
تعرف ياتمبس مزمل برضو لايخلو من غرور وظاهرة yes i know فهو يعرف في كل شيء كورة قانون طب ......
|
Post: #19
Title: Re: فرصة وضاعت ياجمال الوالي ؟!
Author: حمزاوي
Date: 05-05-2010, 08:51 AM
Parent: #12
| Quote: انا ما بقول ليك وارغو ما حريف |
أها انت جبت المفيد
وارغو حريف وعندو كورة صح وموهبة تمام التمام
أذن الباقي على مين
على إدارة المريخ ( الجهاز الفني والإداري )
وما تنسى وارغو لاعب صغير السن
ينتظر منه الكتير
|
Post: #23
Title: Re: فرصة وضاعت ياجمال الوالي ؟!
Author: نيازي عبدالله مرحوم احمد
Date: 05-05-2010, 08:57 AM
Parent: #19
الكلام موجه لعناية الخال فلورنتينيو بيريز رئيس نادي ريال مدريد الأسباني
كاكا وكريستيانو مواسير برضو
بمنطق اخونا عمر عثمان
مع كل الاحترام للخال فلورنتينيو
|
Post: #24
Title: Re: فرصة وضاعت ياجمال الوالي ؟!
Author: طلحة عبدالله
Date: 05-05-2010, 09:13 AM
Parent: #23
نيازي الحبيب
كاكا منو وريال مدريد شنو ..؟
الكلام عن المريخ ووضع المريخ .
وإذأ كانت المقارنات تتم بهذه الطريقة
فعلينا أن نخجل حتى من مجرد الكلام عن الكورة
السودانية مقارنة بمصر القريبة دي خليك من
ريال وبرشلونة وإنتر ميلان .
|
Post: #25
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 09:20 AM
Parent: #23
Quote: كاكا وكريستيانو مواسير برضو
بمنطق اخونا عمر عثمان |
لا يانيازي الامر ليس مربوط بنتيجة مباراة او فقدان كأس لان اى كأس في النهاية يفوز به فريق واحد وهذا لايعني ان الاخرين كعبين او مواسير
التقييم يتم من جملة مسيرة اللاعب وعدد المباريات التى لعبها ومتي تألق ومتي كان نجم المباراة ومتي احرز هدف ومتي صنع هدف ....... الخ
بهذه المعايير وراغو لم يقدم مايشفع له حتى الأن
|
Post: #26
Title: Re: فرصة وضاعت ياجمال الوالي ؟!
Author: البدري عبد الله
Date: 05-05-2010, 09:22 AM
Parent: #23
حبايبنا ناس العرضة جنوب
سؤال بسيط ...انتو وارغو ده سجلتوه من الدروشاب .؟ لانو البيسمع كلامكم فيهو يقول اصلو ما عندو علاقة بالكورة ..زول كان هداف بطولة زي دوري ابطال افريقيا ..وكان سبب اساسي في فوز فريقه بيها ...يعني ما عندو مشكلة مهارات ولا تكتبك ولا غبرو ... صاح لم يكتب له التوفيق طوال الفترة التي قضاها بالمريخ حتى الان (وخلوا بالكم من حتة التوفيق دي كويس ) لكن هذا لا يعني ان يتم اعدامه بهذه الطريقة .. حسب راي الخاص ان الظروف التي احاطت بصفقة شراء خدمات وارغو والظروف التي صاحبتها ..رفعت من سقف طموحات وتوقعات مناصري المريخ وخيل للبعض ان وارغو سيكون فريقا لوحده وانه النجم السوبر (زي كابتن ماجد بتاع الكرتون داك ) الذي يستطيع هزيمة جميع المنافسين بصورة خارقة ..وهنا تكمن المشكلة ..
.
.
.
الزول ده لعاب ويرجى منه ..نصيحة من زول هلالابي وبيعاين لي قدام وبدون نظارات تعصب وانكار للحقائق
|
Post: #27
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 10:19 AM
Parent: #26
| Quote: بصفقة شراء خدمات وارغو |
خدمات وارغو ده تعبير راقي ومعبر احسن من القول بشراء وارغو او اى لاعب
| Quote: .رفعت من سقف طموحات وتوقعات مناصري المريخ وخيل للبعض ان وارغو سيكون فريقا لوحده وانه النجم السوبر (زي كابتن ماجد بتاع الكرتون داك ) الذي يستطيع هزيمة جميع المنافسين بصورة خارقة ..وهنا تكمن المشكلة .. |
صاح ..........
| Quote: الزول ده لعاب ويرجى منه |
صاح وغلط ........... لعاب صاح يرجي منه غلط بحسب رأي الشخصي وارغو استنفذ فرصه مع المريخ عليهو يسهل وعلينا يمهل
|
Post: #28
Title: Re: فرصة وضاعت ياجمال الوالي ؟!
Author: طلحة عبدالله
Date: 05-05-2010, 10:32 AM
Parent: #26
البدري عبداللهQuote: وخيل للبعض ان وارغو سيكون فريقا لوحده وانه النجم السوبر
|
ياخ عايزنو يكون مفيد بس زيو وزي قلق والسعودي وغيرم خليك من فريق لوحدو.
الزول دا مجرد أنو يقدم حاجة تفيد الفريق ما قادر عليها رغم انو ليهو ثلاثة مواسم
بالمريخ .
لا يوجد في العالم كله نادي يصبر على محترف أكتر من موسم واحد مهما بلغ شان
هذا المحترف فمابالك بلاعب جائي من انيمبا النيجيري .
يا بدري أخوي المنطق منطق .
|
Post: #29
Title: Re: فرصة وضاعت ياجمال الوالي ؟!
Author: Hassan Senada
Date: 05-05-2010, 10:50 AM
Parent: #28
برضو احسن من إمبيلى والماسورة سادمبا والراكوبة بارى دمبا
|
Post: #30
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 10:57 AM
Parent: #29
| Quote: برضو احسن من إمبيلى والماسورة سادمبا والراكوبة بارى دمبا |
كلهم مواسير بس ديل قروشم شوية اما وارغو اول مرة نشوف غالي تمنو مافيهو .......
|
Post: #31
Title: Re: فرصة وضاعت ياجمال الوالي ؟!
Author: Al Sunda
Date: 05-05-2010, 11:05 AM
Parent: #28
| Quote: لا يوجد في العالم كله نادي يصبر على محترف أكتر من موسم واحد مهما بلغ شان |
جنابو وطلحة
انا مع خليل
ادونا ليه إعارة لغاية نهاية الموسم
كان ما جبنا كاس الاندية
صحيح هو اناني ويحتفظ بالكرة لدرجة الملل والعوارة (في بعض الاحيان)
ولكن زي
المالاقليه لاعب يديه الكورة
ادونا ليه ونجن بنقدر نخلق من الفسيخ شربات (بس مش أحمر )
|
Post: #32
Title: Re: فرصة وضاعت ياجمال الوالي ؟!
Author: omer osman
Date: 05-05-2010, 11:31 AM
Parent: #31
| Quote: ادونا ليه إعارة لغاية نهاية الموسم |
ادونا النعيم وحلال عليكم وارغو
|
Post: #33
Title: Re: فرصة وضاعت ياجمال الوالي ؟!
Author: محمد أحمد الريح
Date: 05-05-2010, 01:26 PM
Parent: #32
أفتكر تلبسوه قضية مقتل الطالب محمد موسى !!!!!
|
Post: #34
Title: Re: فرصة وضاعت ياجمال الوالي ؟!
Author: haroon diyab
Date: 05-05-2010, 02:30 PM
Parent: #33
| Quote: لكن لسه في ناس عندها امل انو وارغو ممكن يعمل حاجة للمريخ |
بالضبط كده ...انا اولهم
جنابو
سلام ياعمكـ
|
Post: #35
Title: Re: فرصة وضاعت ياجمال الوالي ؟!
Author: yasir Abdelgadir
Date: 05-05-2010, 03:28 PM
Parent: #34
سلام
وارغو ماقادر يتأقلم علي جو السودان ااناس
عليكم بالصبر ....ثم الصبر.....ثم الصبر
بعدين انتو ضايقين مالكم
إذا كان الزول الدافع خمسة مليون دورار....دورار ينطح دورار .ماهو ضايق
انتو متضايقين في شنو؟؟؟؟
|
Post: #36
Title: Re: فرصة وضاعت ياجمال الوالي ؟!
Author: yasir Abdelgadir
Date: 05-05-2010, 05:18 PM
Parent: #35
كل ما تكتر مصايبنا...نقوم نتذكر وارغو دا ونقول : من يشوف مصايب غيرو تهون عليهو مصايبو
غايتو لو وارغو دا في الهلال.....كان المغسة شقتنا
ياخي دا زي قصة قارئة الفنجان....ستفتش عليه طويييييييييلا يا ولدي
وارغو...والزمن طوييييييييييييل
طلحة صديقي: لقد قلت كلمة الحق التي رفضتها طويلا.....ولكن : أن تأتي منك متأخرة...خيرا من أن لا تأتي
اجاركم الله في مصيبتكم...وأبدلكم خيرا منها
|
Post: #37
Title: Re: فرصة وضاعت ياجمال الوالي ؟!
Author: حيدر بشير
Date: 05-05-2010, 06:01 PM
Parent: #36
الاخ عمر
لك التحايا
اوافقك الراى بانه وارغو ما عمل حاجة مما جاء المريخ رغم الضجة الاعلامية التى صاحبت تسجيله وانه هو المخرج و الامل لبلوغ الغايات المرجوة
لكن يا ربى يكون لانه وارغو لا يملك الامكانيات و الموهبة المطلوبة و الله فى عذر تانى
انا من راى انه جاء السودان و لم يجد الانضباط المطلوب من اللاعب المحترف و ما لقى العين الحمراء عشان يعرف واجباته ومسئولياته
لقاها هايصة هنا و الكل بما فيهم الاداريين ما عندهم شغلة بالانضباط و الذى يمثل اهم ركيزة لتجويد الاداء عشان كدة قل مردوده
راجعوا طريقة ادارة الاندية السودانية وتعرف ليه وارغو ما افاد المريخ
|
Post: #38
Title: Re: فرصة وضاعت ياجمال الوالي ؟!
Author: محمد الطيب يوسف
Date: 05-05-2010, 11:01 PM
Parent: #37
او كما قال سيد الشهداء محسن خالد في أمثاله السرية
وارغو كان شالوهو مابنشال وكان خلوهو سكن الدار
|
Post: #43
Title: Re: فرصة وضاعت ياجمال الوالي ؟!
Author: omer osman
Date: 05-06-2010, 09:28 AM
Parent: #38
Quote: وارغو كان شالوهو مابنشال وكان خلوهو سكن الدار
|
وفي رواية اخري جابوهو بالطيارة وباعوهو بالخسارة .........
|
Post: #39
Title: Re: فرصة وضاعت ياجمال الوالي ؟!
Author: طلحة عبدالله
Date: 05-06-2010, 08:18 AM
Parent: #36
Quote: طلحة صديقي: لقد قلت كلمة الحق التي رفضتها طويلا
|
ياسر يا صاحب
وماهي الحقيقة التى رفضتها كثيرا وقلتها أخيرا ..؟؟
لو بتقصد وارغو فعكس كلامك هو الصحيح يا حبوب .
|
Post: #40
Title: Re: فرصة وضاعت ياجمال الوالي ؟!
Author: معتصم دفع الله
Date: 05-06-2010, 08:46 AM
Parent: #39
الوالي هين ..
بس إنتو أقنعو مزمل أبوالقاسم ..
كيفك يا جنابو تحايا كتااار ..
تسلل ..
المشكلة كلها إنو اعلام المريخ وكتابه أقنعوا جمهوره بأنه وارغو فلتة زمانه ..
للأسف جمهور المريخ ما قادر يصدق إنو وارغو ما فلتة زمانه وإنه لاعب عادي ..
معادلة صعبة الله يحلكم منها ..
|
Post: #44
Title: Re: فرصة وضاعت ياجمال الوالي ؟!
Author: omer osman
Date: 05-06-2010, 09:33 AM
Parent: #40
Quote: المشكلة كلها إنو اعلام المريخ وكتابه أقنعوا جمهوره بأنه وارغو فلتة زمانه ..
للأسف جمهور المريخ ما قادر يصدق إنو وارغو ما فلتة زمانه وإنه لاعب عادي ..
معادلة صعبة الله يحلكم منها .. |
يامعتصم الامارتيين عندهم مثل بقول (الميدان ياحميدان) ........ اها نقعد نصدق كلام الجرايد والا نشوف حميدان في الميدان ....... حميدان ما سوى التكتح لحدي اسه
|
Post: #42
Title: Re: فرصة وضاعت ياجمال الوالي ؟!
Author: omer osman
Date: 05-06-2010, 09:26 AM
Parent: #35
Quote: وارغو ماقادر يتأقلم علي جو السودان ااناس
|
ليه ياياسر ......... ما ايداهور وكلاتشي ويوسف محمد ....... الخ نيجيريين زيو ونجحوا واتعودوا على جو السودان بس لانو وراغو حاسي انو حاجة كبيرة اكبر من السودان
|
Post: #41
Title: Re: فرصة وضاعت ياجمال الوالي ؟!
Author: omer osman
Date: 05-06-2010, 09:23 AM
Parent: #34
هارون ياصفوة ........
الامل في وارغو راودنا زمن لكن الان تلاشي ........ وبرغم ذلك نتمني ان ينجح ويعوض صبر المريخاب عليه
|
|