Post: #1
Title: هذا بيان للناس : عمر عثمان ينفي ولا يكذب
Author: omer osman
Date: 12-07-2009, 09:05 AM
وشتان ما بين الاثنين ...... لا اخلاقي ولا تربيتي تسمحان لي بالكذب ولم اعتاد على ذلك ...........انفي نعم وسااظل انفي كل ما وجدت في المنبر كلام لايمت الى الحقيقة بصلة ليس دفاعاً عن جهة أو حزب وانما قياماً بواجب تفرضه على ادبياتي ومسئوليتي كعضو في هذا المنبر مقيم في الخرطوم حيث موقع معظم الاحداث الهامة ...... عضواً في هذا المنبر وامتلك ذخيرة طيبة جداً من المعلومات والعلاقات والمصادر تمكنني من تحري الصدق من الكذب ........... من حق بقية الاعضاء على الاقل الذين يبحثون عن الحقيقة لا عن الاثارة ان يجدوا من يملكهم هذه الحقيقة وهذا عهد قطعته على نقسي .............
|
Post: #2
Title: Re: هذا بيان للناس : عمر عثمان ينفي ولا يكذب
Author: هشام آدم
Date: 12-07-2009, 09:12 AM
Parent: #1
جنابو عمر عثمان
تحيّة طيّبة
هل لكَ أن تشرح لنا الفروق الإجرائية بين كل من:
/ الاعتقال
/ الاحتجاز
/ التوقيف
من الواضح أن عرمان (على الأقل الآن) ليس معتقلاً ولكنه محجوز في مكان ما
حيث يعقد مؤتمره الصحفي في اللقاء الذي بثته قناة العربية قبل قليل
تحياتي
|
Post: #11
Title: Re: هذا بيان للناس : عمر عثمان ينفي ولا يكذب
Author: omer osman
Date: 12-07-2009, 09:36 AM
Parent: #2
تحياتي ياهشام .........
طبعاً في تشويش شديد في استخدام المصطلحات القانونية لتوصيف حالة (الحد من حرية شخص ما) وخلط يحدث عادة بين المواطنين نتيجة لغياب الثقافة القانونية ويعمد إليه الساسة لتصوير الامور على غير حقيقتها ............ الاعتقال مصطلح لايستخدم ابداً من قبل الشرطة ويرتبط دائماً بقانون الامن وإجراءات جهاز الأمن ويشي دائماً بعلاقة الواقعة بالسياسة اما الشرطة فتستخدم كلمة قبض او استيقاف او طلب حضور ...... والقبض حق مشروع للشرطة في بعض البلاغات لاتحتاج فيها الى الرجوع الى النيابة لاستخراج امر قبض وتعرف في القانون بالجرائم المطلقة ومنها اثارة الشغب او الاعتداء ... الخ ويستتبع في اغلب الاحوال وضع الشخص في الحراسة لحين اطلاق سراحه اما الاستيقاف فهو اقل درجة من القبض ويمكن ان ينتهي في مكانه بعد زوال الشكوك التى من اجلها تم استيقاف الشخص او ربما استدعي الامر نقله الى قسم الشرطة لمزيد من الاستيثاق ويطلق سراحه بعد ذلك دون ان يوضع في الحراسة اما مصطلح الاحتجاز فهو توصيف لجريمة وذلك عندما يقوم شخص غير مخول ولايملك السلطة القانونية بالحد من حرية شخص فيسمي ذلك احتجاز ولايستخدم هذا التعبير في مصطلحات واجراءات الشرطة .........
|
Post: #3
Title: Re: هذا بيان للناس : عمر عثمان ينفي ولا يكذب
Author: العوض المسلمي
Date: 12-07-2009, 09:15 AM
Parent: #1
لم نعهدك الا صادقا صدوقا ,,,
تضارب الاقوال هو من جعل الشك يسيطر علي الجميع ,,,
|
Post: #5
Title: Re: هذا بيان للناس : عمر عثمان ينفي ولا يكذب
Author: عمر عبد الله فضل المولى
Date: 12-07-2009, 09:22 AM
Parent: #4
نعم لا تكذب ولكنك تنحاز بصورة سافرة للشمولية الانقاذية وتاتي بالذي يصب في صالحها وتسكت سكوتا مريبا عن ما ينال منها
|
Post: #7
Title: Re: هذا بيان للناس : عمر عثمان ينفي ولا يكذب
Author: صبري طه
Date: 12-07-2009, 09:30 AM
Parent: #5
لك التحية أخي عمر ...
طيب ممكن توضّح لنا لماذا تمت مصادرة أشرطة قناة الجزيرة ...
ودي طبعاً سمعناها على قناة الجزيرة نفسها ... يعني ما بتحتاج نفي أو كذب ...
والأشرطة دي حتوضِّح لينا الخيط الأبيض من الخيط الأسود ...
ولك ودي ،،،
|
Post: #6
Title: Re: هذا بيان للناس : عمر عثمان ينفي ولا يكذب
Author: صلاح ليون
Date: 12-07-2009, 09:27 AM
Parent: #4
| Quote: هذا بيان للناس : عمر عثمان ينفي ولا يكذب |
قالوا الفي راسو بطحة ...
| Quote: عضواً في هذا المنبر وامتلك ذخيرة طيبة جداً من المعلومات والعلاقات والمصادر تمكنني من تحري الصدق من الكذب |
حننتني .. وذكرتني بوستك بتاع أنا وأنا داك
وحليل ست الشاي !!
كونك تقعد تحفر وتجيب المعلومات من تحت تحت ده زاتو مرفوض
ليه المعلومة ما دام انت بتجيبها ماتكون للكل (شفافية) ويتم
إعلانها عبر الاعلام أو خلافو .. ليه ياعمر ليه
| Quote: وبكل تاكيد يا عمــر لا اشكك في اخلاقك ولا صدقك البتة بل نتساءل !! |
هسه ياحيدر الزين كان جا وقال ليك مصادري زاتا ما ازكيها على نفسي تقول شنو
انت ما دام مقتنع بيهو كده .. ما تخلي عندك ثقة في مصادرو
|
Post: #8
Title: Re: هذا بيان للناس : عمر عثمان ينفي ولا يكذب
Author: علاء الدين يوسف علي محمد
Date: 12-07-2009, 09:34 AM
Parent: #6
عثمر يا جنابو أيُّها الصادِق الصدوق
أرمي قِدّام
إنت شغّال بسياسة أسمع كلام مبكِّيك و لا تسمع كلام مضحِّكك
و ديل عايزين يضحكوا و ضِحِك بدون سبب للأسف
|
Post: #10
Title: Re: هذا بيان للناس : عمر عثمان ينفي ولا يكذب
Author: HAIDER ALZAIN
Date: 12-07-2009, 09:35 AM
Parent: #6
Quote: هسه ياحيدر الزين كان جا وقال ليك مصادري زاتا ما ازكيها على نفسي تقول شنو
انت ما دام مقتنع بيهو كده .. ما تخلي عندك ثقة في مصادرو |
صدقوا هو في نقل المعلومة البتجيهو من مصادرو بضبانتها يا صلاح بيجي يكبها بدون تحريف
حتي ولو مقلبوهو زي مقلب نفيو بتاع الليلة اعتقال باقان وعرمان وهسع بقي في اني لا اكذب ولكن اتجمل ..
أها لو قال لا ازكي مصادري على نفسي يبقي داقس في حق نفسو زاااتو لانه من يوم الليلة مفروض
يشوف ليهو مصادر تانية والا يشجع المريخ بس
|
Post: #13
Title: Re: هذا بيان للناس : عمر عثمان ينفي ولا يكذب
Author: omer osman
Date: 12-07-2009, 09:40 AM
Parent: #6
!!!!!!!!!!!! ده منو أنا والله يسمعن !!!!!!
|
Post: #14
Title: Re: هذا بيان للناس : عمر عثمان ينفي ولا يكذب
Author: حاتم علي
Date: 12-07-2009, 09:41 AM
Parent: #6
يا جنابو عمر عثمان
القصة لا تتعلق بمصداقيتك الشخصية و لا أحد يشكك فيها
أنت إخترت أن تكون ناطقاٌ بإسم نظام كذاب و مدعي و فاسد
ولا يطبق القانون و انت رجل قانون و يفترض بك ان تدري قانونياٌ
ماذا يعني أي تصرف سواءً أكان إعتقال أم ضرب متظاهرين ام غيره
كدي جاوب لي قانونياٌ
1. هل يوجد مبرر قانوني لإعتقال طاقم قناة الجزيرة و مصادرة أشرطتهم ؟
يمكن للشرطة السودانية أن تدعي أن باقان أموم و ياسر عرمان ووزير الدولة الداخلية نفسه قد قاموا بالتظاهر بدون أخذ (إذن) على الرغم من أن : حق التجمع السلمي هو الحق الوحيد الدستوري الذي لم يأت مقيدا بأي قيد
2. هل يوجد مبرر قانوني لضرب ناصف صلاح مراسل قناة الجزيرة امام البرلمان كما أورد عبد البافي العوض مراسل الجزيرة قبل قليل؟
راجع هنا يا جنابو ، نريد رأيك القانوني:
هل يوجد مبرر قانوني لإعتقال طاقم قناة الجزيرة و مصادرة ...د تغطيتهم للتظاهرة ؟
|
Post: #19
Title: Re: هذا بيان للناس : عمر عثمان ينفي ولا يكذب
Author: محمد فرح
Date: 12-07-2009, 09:56 AM
Parent: #6
وهل في ذلك شك؟!
لا أسكت الله لك حساً
|
Post: #20
Title: Re: هذا بيان للناس : عمر عثمان ينفي ولا يكذب
Author: Mohamed Yassin Khalifa
Date: 12-07-2009, 10:03 AM
Parent: #6
لاع يا لاع...!
ده إسمه كذب ونشر معلومات كاذبة... إن كانت منك أو من مصدرك أو من ناطق معتمد للشرطة
وأكيد إصرارك على ترويج نفي... كل الناس قالو ليك سمعناهم كلهم بيتحدثوا في الجزيرة مباشرة
باقان وعرمان وفريق الشرطة بيأكدوا في الأعتقال... وإنت مصر على النفي وتكذيب سماع إضنينا الكبار ديل
فريق كذاب وإنت جيت تكذب الناس بناءا على كذبة... ده إسمو شنو؟!
يا عمر دي لحظات صعيبة على البلد... وديل ناس خرجوا للتظاهر وليس للخراب
وممكن تصرفات الشرطة و(نفاينها) تخلي الناس تخرج من طورها وتعمل ليها حاجات تندم عليها البلد كلها.
يعني هسع في داعي لده كله؟
وكان كنتا سكتا ولا جبتا كلام صاح ... كان في زول حا يسألك متل السؤال ده؟
يا أخوي إنت دي حالتك خارج الخدمة... أمال لو كنتا جواها كان سويت شنو؟!!
وأظنك ممكن توافقني إنو ما كان في داعي للبوست ده يا عمر
لأنه نحنا عارفينك ... إنتا زول معروف بس نفاي!
وتسلم...
|
Post: #9
Title: Re: هذا بيان للناس : عمر عثمان ينفي ولا يكذب
Author: الشفيع وراق عبد الرحمن
Date: 12-07-2009, 09:34 AM
Parent: #1
أصيل يا عمر عثمان
ما عهدناك كاذباً ولا منافقاً ولا دجالاً ولا مداهناً
واصل التوثيق
أنت الأقرب للأحداث
|
Post: #12
Title: Re: هذا بيان للناس : عمر عثمان ينفي ولا يكذب
Author: esam gabralla
Date: 12-07-2009, 09:36 AM
Parent: #9
ناقل الكذب كذاب يا عمر ... لا تستدر عطف الناس بالحديث عن اخلاقك و تربيتك , انت تنقل متعمدآ كل ما يصب في مصلحة جهة بعينها دون ان تبذل اي مجهود للتأكد من صحة او خطأ ما قيل لك , المضحك قولك :
| Quote: ليس دفاعاً عن جهة أو حزب |
احترم عقول الناس شوية و حاول احترم عقلك نفسه
|
Post: #15
Title: Re: هذا بيان للناس : عمر عثمان ينفي ولا يكذب
Author: عمر عبد الله فضل المولى
Date: 12-07-2009, 09:44 AM
Parent: #12
| Quote: ليس دفاعاً عن جهة أو حزب |
هذه في حد ذاتها كذب فاضح اخي عمر فانت تدافع عن جهة معينة وحزب معين ولا تستطيع ان تنكر ذلك الا اذا كنت مكابر وحسب .
|
Post: #16
Title: Re: هذا بيان للناس : عمر عثمان ينفي ولا يكذب
Author: omer osman
Date: 12-07-2009, 09:45 AM
Parent: #12
| Quote: لا تستدر عطف الناس |
دي بالذات ما بتلقاها عندي ..........
والله ياهو بس ده الفضل ............ جابت ليها حنين ناس واستدرار عطف .........
|
Post: #17
Title: Re: هذا بيان للناس : عمر عثمان ينفي ولا يكذب
Author: حمزاوي
Date: 12-07-2009, 09:49 AM
Parent: #12
الصفوة عمر
أيها الحبيب
مسكاقمي
وانا اشهد انك لا تكذب
فقط جاتك معلومة من جهة تثق فيها وانت مجرد ناقل
وانت غير مسئول من صحتها من عدمها
عمر اخوي خليك معانا في الكورة وسيبك من السياسة
|
Post: #18
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 09:55 AM
Parent: #17
*** أرجو من الاخوه المتداخلين عدم تحويل هذا البوست عن مساره و أن لا نستصحب خلفياتنا السياسية ،
فاعتقال باقان و ياسر عرمان أو عدمه عاجلا أم آجلا سوف يثبت و لا نحتاج الى اثبات أو نفى منى أو من عمر محمد عثمان بينما حجر زاوية هذا البوست هو سرعة التقاط المعلومة و نشرها سواءا كان اثباتا أو نفيا و يجب لا تفوتنا تلك المهنية الصارخة التى يتمتع بهاأخوناعمر و التى تجعل منه فى كثير من الاحيان عرضة للضرب تحت الحزام من قبل بعض الاخوه أمثال دينق و حيدر الزين و ابوكدوك .
*** و هاهو بعد أن نفى الخبر يتراجع عنه بطريقته المعهوده ( فتح بلاغ بدلا من اعتقال) و مداخلتو القادمة سوف تتضمن نوع من العناد ممزوج بنسايم الاعتذار .
... فرفقا به و بنا إن شئتم.
*** هذا بعض مما كتبنا فى البوست الأصلى لذات الموضوع
................................................... الطيب عثمان يوسف
|
Post: #21
Title: Re: هذا بيان للناس : عمر عثمان ينفي ولا يكذب
Author: HAIDER ALZAIN
Date: 12-07-2009, 10:05 AM
Parent: #18
Quote: عرضة للضرب تحت الحزام من قبل بعض الاخوه أمثال دينق و حيدر الزين و ابوكدوك .
|
يا معلم والله التلاتة القلتهم ديل زول بيعمل كدة مافي !!
كدي راجع الحاصل مننا دا أو راجع تعريفك لمصطلح الضرب تحت الحزام ..
** بعدين يا جنابو الطيب بتنكر انه عمر عثمان دا مرات قاعد يسويها حااامضة عديييل
|
Post: #22
Title: Re: هذا بيان للناس : عمر عثمان ينفي ولا يكذب
Author: Nader Abu Kadouk
Date: 12-07-2009, 10:39 AM
Parent: #21
| Quote: عرضة للضرب تحت الحزام من قبل بعض الاخوه أمثال دينق و حيدر الزين و ابوكدوك |
الطيب
والله عمر ده حير الكضب زاتو
و كل مره إجي اقول ده كلام المصادر ما كلامي
لو هو ما متأكد من الكلام الجبرو شنو
|
Post: #23
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 10:40 AM
Parent: #21
| Quote: ** بعدين يا جنابو الطيب بتنكر انه عمر عثمان دا مرات قاعد يسويها حااامضة عديييل |
*** يا سيد حيدر ( الحااااامضة ) دى مابتجيك مقنطرة ، وعلاجها أكيييد واحدة كاربة تحت الحزام.
و الزول لو ما صاحبى و بعرفو( كويييس أنا زااااتى ) كنت ركبت معاكم عربية باقان ، البتمتع ( بكااااامل) الحرية ده .
*** و أعمل حسابك ياعريس انت فى طريقك للبلد فى مهمة حساسة ، قد تحتاج مصادرو دى زاااتها .
|
Post: #24
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 10:59 AM
Parent: #23
| Quote: لو هو ما متأكد من الكلام الجبرو شنو |
*** الأخ نادر ابوكدوك : كيفك و كل سنة وانت طيب
*** و الله عمر ده قاااعد فى محلو اتصلت بيه أنا قلت ليه قناة الجزيرة جابت كذا كذا بالله اتأكد و بسرعه ورينا الحاصل من الخرطوم . فقام بالاتصال باحد مصادروا ( الخفاف ) ديل و قام نزل البوست الأول
وواضح إنو من معلومة لم تكن دقيقة وواضح استعجال عمر فى نشر المعلومه من أجل الخبطة الصحفية وليس لأى مصلحة سياسية كما اعتقد البعض . و الدليل على ذلك قلة الوقت بين اتصالى التلفونى به و وقت نشر البوست الأول . لأنو بمجرد نشر البوست كان هناك لقاء فى الجزيرة مع الناطق الرسمى باسم الشرطة أكد من خلاله القاء القبض على باقان و عرمان .
|
Post: #26
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 11:09 AM
Parent: #24
*** يا أخونا ... عمر محمد عثمان ما قادر يدخل البوست بقول ليكم عندو مشكلة فى النت .
*** يا محمد يس خليفة يا فاضل ... كل عام و انت بخير
أرجو اعادة النظر فى مداخلتك الأخيرة ... فالرجل لا يقل عنكم فضلا .
|
Post: #25
Title: Re: هذا بيان للناس : عمر عثمان ينفي ولا يكذب
Author: عوض محمد احمد
Date: 12-07-2009, 11:00 AM
Parent: #23
| Quote: يجب لا تفوتنا تلك المهنية الصارخة التى يتمتع بهاأخوناعمر |
اللة يرحمك يا ست الشاى
|
Post: #27
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 11:18 AM
Parent: #25
| Quote: اللة يرحمك يا ست الشاى |
*** الأخ عوض محمد أحمد /
.... أخونا عمر يجيد الدفاع عن نفسة إلا أنه لا يستطيع الدخول الآن لأسباب تقنية .
لذلك أدعوك لإعادة قراءة مداخلاتى فى هذا البوست . و شكرا
|
Post: #28
Title: Re: هذا بيان للناس : عمر عثمان ينفي ولا يكذب
Author: أسامة عبد الجليل
Date: 12-07-2009, 11:21 AM
Parent: #27
| Quote: كضـــــاب كضـــــاب .. يا البعيـــــــو يمين كضـــــاب .. |
|
Post: #29
Title: Re: هذا بيان للناس : عمر عثمان ينفي ولا يكذب
Author: الطيب عثمان يوسف
Date: 12-07-2009, 11:22 AM
Parent: #27
*** حرق مكاتب المؤتمر الوطنى بمنطقة بحر الغزال ( قناة الجزيرة )
|
Post: #30
Title: Re: هذا بيان للناس : عمر عثمان ينفي ولا يكذب
Author: Nader Abu Kadouk
Date: 12-07-2009, 01:43 PM
Parent: #29
| Quote: وواضح إنو من معلومة لم تكن دقيقة وواضح استعجال عمر فى نشر المعلومه من أجل الخبطة الصحفية وليس لأى مصلحة سياسية كما اعتقد البعض |
سعادتك الكلام الفوق ده إلا يكون مبني على معرفه شخصيه
هنا في البورد نقيس الزميل على حسب كتاباتو
عمر شغال تطبيل طول الفتره السابقه
معليش مابنقدر نبلعه
|
Post: #31
Title: Re: هذا بيان للناس : عمر عثمان ينفي ولا يكذب
Author: ASHRAF TAHA
Date: 12-07-2009, 04:59 PM
Parent: #18
| Quote: و التى تجعل منه فى كثير من الاحيان عرضة للضرب تحت الحزام |
لا متين لكن
|
Post: #32
Title: Re: هذا بيان للناس : عمر عثمان ينفي ولا يكذب
Author: ASHRAF TAHA
Date: 12-07-2009, 05:09 PM
Parent: #18
| Quote: أرجو من الاخوه المتداخلين عدم تحويل هذا البوست عن مساره و أن لا نستصحب خلفياتنا السياسية |
ما استصحبت ردي هنا غير اعتذاره الاخير رغم اني لم اقرا له جديا غيره وتعاطفت معه
| Quote: و التى تجعل منه فى كثير من الاحيان عرضة للضرب تحت الحزام |
لي بتين
|
Post: #33
Title: Re: هذا بيان للناس : عمر عثمان ينفي ولا يكذب
Author: على محمد على بشير
Date: 12-07-2009, 05:38 PM
Parent: #32
| Quote: لم نعهدك الا صادقا صدوقا ,,, |
|
Post: #34
Title: Re: هذا بيان للناس : عمر عثمان ينفي ولا يكذب
Author: Mohamed Yassin Khalifa
Date: 12-07-2009, 07:09 PM
Parent: #33
Quote: *** يا محمد يس خليفة يا فاضل ... كل عام و انت بخير
أرجو اعادة النظر فى مداخلتك الأخيرة ... فالرجل لا يقل عنكم فضلا . |
بل يذيد فضله ولبعيييد يا الطيب يا طيب!
تعرف أنا عشمي في عمر كبير وماليهو حد... وأملي في الشرطة السودانية غير محدود
وبصراحة ده يوم عصيب... والناس في حالة من (التنشن) العالي كان حكومة كان معارضة...
نحنا هنا ساهرنا حتى الصباح (لفرق الوقت) علشان نطمئن على الجميع
وسمعنا كل القنوات... ويمكن كنا عارفين ومتابعين بالحاصل أكتر من الناس جوه البلد
التظاهر شئ حضاري... ومنعه غير دستوري ولا إنساني
وطبعا أدوات منعه دايما بتكون البوليس (*)
البلدنا بتتعامل الناس فيها بقانون جنائي مع المظاهرات لغاية هسع!
والحكومة في وضع صعب... بس هي عندها ناسها الممكن ينفوا الكلام كان صاح كان كذب
وده طبيعي ومفهوم... ذي كلام فريق الشرطة الناطق بأسم الشرطة أو مدير البوليس في أمدرمان!
يعني ديل ناس عندهم مصلحة في نفي الحقائق... وده غلط لابد مراجعته يوما ما...
أما عمر عثمان فما عنده مصلحة في نفي الحقائق لأنه ما مصلحجي ولا طبال
وإحنا قلنا ليه على السمعناه
كلام سمعناه من مصادره الحقيقة وبلسانها... وهو جاب كلام من مصادره البيثق فيها وأصر عليه
وأكده كم مرة... وكذب سماع إضنينا
والكذب والتكذيب متباريات... ووجهان لعملة واحدة لو معناهم الإبتعاد عن الحقيقة!
والحقيقة أنا مستغرب من نظام يكذب وشرطة تنفي الحقائق بالطريقة دي!
الـ BBC أعلنت اليوم أن فرنسا ستطلق قمر صناعي بعد يومين عشان تتجسس علي دارفور
وطبيعي يجي واحد إنقاذي ناطي ويقول ده قمر تجسس تابع لحركة عبدالواحد المقيم في باريس
وإنو أقنع ساركوزي علشان يكون ليه يد طولى في دارفور
وإنه ده إعادة لمعركة الكرمك الفيها الجيش قال إنو قرنق ضرب خنادقهم بأحكام
لأنو عندو صواريخ ومدافع شغالة بالأقمار الصناعية!
أنا يالطيب عندي إحترام لعمر عثمان غير محدود وعندي ثقة فيهو كاملة
وعشان عشمي فيهو طلبتا منو إنه ما يساير الناس ديل في كلامهم
لأنهم عندهم غرضا هو بعيد منه... وممكن يتراجعو عن كلامهم بس هو ممكن يتضرر!
وتسلم...
|
Post: #35
Title: Re: هذا بيان للناس : عمر عثمان ينفي ولا يكذب
Author: محمد عادل
Date: 12-07-2009, 09:47 PM
Parent: #34
ههههههههههههههه
طيب خلينا من ياسر
قيادات شرطتك قالت طلعتنا بتعهد فحين نحنا طلعنا بضمانه شخصية
|
|