Post: #1 Title: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-02-2009, 04:31 AM Parent: #0
Post: #2 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-02-2009, 07:39 AM Parent: #1
حتى المراية تصر ان عاينت في غيرو .........
Post: #3 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: عمر صديق Date: 12-02-2009, 09:00 AM Parent: #2
الاخ عمر كل سنة وانت طيب وشكرا لهذا التطريب الجميل
Post: #4 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-02-2009, 02:21 PM Parent: #3
Quote: الاخ عمر كل سنة وانت طيب وشكرا لهذا التطريب الجميل
شكرا ياعمر وكل عام وانت بخير
Post: #5 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: بكري عباس علي Date: 12-02-2009, 03:59 PM Parent: #4
شغل نضيف يا عمك
بالمناسبة اول مرة اسمع بالفنان الرائع دا انتو بتجيبوا الحاجات الحلوة دي من وين ياخي ؟
Post: #6 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-03-2009, 06:46 AM Parent: #5
Quote: شغل نضيف يا عمك
بالمناسبة اول مرة اسمع بالفنان الرائع دا انتو بتجيبوا الحاجات الحلوة دي من وين ياخي ؟
زول رائع وفنان بالجد وعندوا شغل كتير حلو ...........
شكرا لمرورك ياحكمدار البرالمة ............
Post: #7 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: وليد عبد اللطيف Date: 12-03-2009, 10:40 AM Parent: #6
ياخي اولاد اتنين دايما راقييييييييييييييييييين تخيل لم اسمع شي ولولا مداخلة بعض الشباب لكنت قلت عمر بدقسنا ولكن هذا الفنان ياعمر وقبل ظهورة في جلسه فنيا في امدرمان استمعت لصوته وحينها قلت هذا فنان من العيار التقيل وبعد فترة من السنين ظهر في الساحة وما اجمل صوته لما ياقمريه قوقي وروحي لحبيب قساي وقول ليهو راجياك عايزاك تكون معاي انت بالحب تغني وانا اشيل معاك يمين اليوم داك كل الحسان والعزابه عملوا ساتر بصوت قوي وحنين في نفس الوقت
عمر هناك في شمار في الامتداد شوفو
--------------------------- كلام بلغة العساكر شفت ( عيار تقيل + عملوا ساتر ) ولو لا الاحباطات في تلك الفتره كنا لم نترك العسكرية
Post: #8 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: سيف اليزل برعي البدوي Date: 12-06-2009, 06:34 AM Parent: #7
إبدااااااع
شكرا يا عمر
سيف
Post: #9 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-12-2009, 07:51 AM
الرمية في مقدمة الأغنية والتى استعرت منها عنوان البوست هي كلمات الأخ المبدع/ الطّيّب برير يوسف .............
وهذا هو النص الكامل الذي استعيرت منه الرمية ...............
مشوق القوام الما وجدت نظيرو خصامو معاي أخير لي من محنة غيرو جافاني العزيز الكنت ديمه نصيرو هو يسوي الغلت وانا سوي كتر خيرو بشتاقلو يوت ماني البدور تأخيرو ضامر الحشى وصاحب الخصير الزيرو إن عاينت شوف بلقاهو فوق للغيرو... وحتى المرايه تصر لو عاينت في غيرو. جال فكري في الزول العزيز تفسيرو قادل بالحسن الما في زيو نظيرو شاغل عقلي جد يا ريتني في تفكيرو يدّلل يتيه ويزيد كمان تأخيرو كان قصدي من قولة هواي أثيرو راشقني بي لحظًا عظيم تأثيرو في جوف القلب خطّ الحرف تسطيرو وقال لي كلام خلاني صرت أسيرو في قلبي الجريح خطط معالم سيرو وافر الحسن كمّل غناي تقديرو يحجاهو الكريم من المكاره يجيرو وكل القلتو فيهو ما بيوفي قط تصويرو
Post: #10 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: وليد عبد اللطيف Date: 12-12-2009, 09:15 AM Parent: #9
Quote: مشوق القوام الما وجدت نظيرو خصامو معاي أخير لي من محنة غيرو
اخي عمر خطا مطبعي يفقد البيت حلاوته ام عايز تعمل لي زي جمال فرفور وتقول لي السبب ناس المصنفات في يوم من الايام يقوم جمال فرفور صديقي وفنان زواجك اجد له شريط في السوق يكسر الدنيا وضارب السوق وبه يغني يازهرة تتحدى النجوم === ياغيمة فاج وسط غيوم فزعلت جدا واتصلت علية وقلت له لماذا تغير في غناء الفنان الكحلاوي وهو يقول هذا البيت يازهرة تتحدى النجوم === ياقمره فاج وسط غيوم ماهو السبب قال : ناس المصنفات قالوا كدا ياخي حاجة غريبة في السودان لم تتم متابعة الغناء في السودان بعد او قبل طباعة الاشرطه وزي ماقال العطبراوي : نحن ماعندنا مانع الشاباب يغنوا غنانا بس يغنوه بالطريقة الصحيحة (يادوموع الدم الجاريه في ميداني ) هههههههههههههههههههههههههه
--------------------------------------- ابوذر صوت دافي يا عمر
Post: #11 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: omer osman Date: 12-12-2009, 09:36 AM Parent: #10
Quote: اخي عمر خطا مطبعي يفقد البيت حلاوته
صاح ياوليد وشكراً للتنبيه ..............
Quote: ابوذر صوت دافي يا عمر
ده عبدالكريم الدافي عديل كده ..............
على ذكر صاحبك فرفور .......................
يوم لاقيتو امام احد المحلات في شارع المطار سلمت عليهو وكان معاي اولادي عبدالرحمن 7 سنوات و محمد عثمان 5 سنوات قلت ليهم سلموا على عمك فرفور البتشوفوه في التلفزيون
بعد مشينا من جنبو قالوا لي يابابا فرفور ده حقيقي ؟؟؟؟؟
Post: #12 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: وليد عبد اللطيف Date: 12-12-2009, 09:56 AM Parent: #11
Quote: بعد مشينا من جنبو قالوا لي يابابا فرفور ده حقيقي ؟؟؟؟؟[/QUOTE هههههههههههههههههههههههه فرفور نفسه كان يكون لاعب كورة مشهور اها اول اجازة كنا في مشوار وقال عندي حفلة في نادي واخزني معه .. يازول الحفلة اول ماانتهت تعال شوف الجمهور طلبوا منه التوقيع وان يتصوروا معه انا قربت اليه وقلت انت فاكر نفسك فان باستن ياعفن المالقيتو في الكورة لقيتو في الغناء
Quote: ده عبدالكريم الدافي عديل كده ..............
شفت صاحبك جمال السنوسي جفل وخاف من المريخاب ورفض الظهور في البوست
--------------------- طبعا زمان كنا معلمين وفرفور كان بقشر بينا وتخيل للان يحب الكورة اكثر من الغناء
Post: #13 Title: Re: قال شايف جفاهو اخير من محنة غيرو !! ... ابــداع بصوت ابوذر عبدالباقي Author: Hussein Mallasi Date: 12-12-2009, 10:25 AM Parent: #12
