وداعـــاً سـودانيـزاونـلايـن

(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلانَا فَانصُرْنَا عَلَى الْقَوْمِ الْكَافِرِينَ) الآية 286 سورة البقرة

الاخوة الزملاء اجتمعنا هنا وتعارفنا واشهد الله اني احببتكم فيه لكن هكذا الحياة والوداع سنة ماضية الى ان يرث الله الارض وماعليها ، انتهت ايامي بينكم لم يدعوني احد لولوج عالم سودانيزاونلاين دخلته بمحض ارادتي وها أنا اغادر وفقاً لها.
هذه الرسالة ليست تحسساً لشعبيتي ولا هي دعوة لكم لإثنائي عن هذا القرار لكن كان لازماً على ان اعلمكم بأني ذاهب وهذا حقكم علي وان كنت قد أسئت لأحدكم فليسامحنى وان كنت قصرت مع أحدكم فليعذرني اغادر وزادي الذكريات الطيبة والمواقف الجميلة لا احمل غلاً ولا ضغينة وساظل اذكر دوماً أنني كنت واحد منكم.
ختاماً أسأل الله أن يعيننا على الاخلاص في القول والعمل وان يجعلنا ممن كانوا للحق اتباعاً وان يوفقنا لمافيه الخير.
اخوكم omer osman

يا جنابو

دا كلام شنو دا كدى قول بسم الله

لو ضاق عليك المكان
لك في القلوب منازل يا عمر

شنو يعني لو مشيت ولا جيت
هل هذا ينقص شيء من سوانيز

جنابو .. عدي أموركـ
وتعال تلقانا منتظرنكـ!



_____


وليد البرلوم
قل خيرا أو اصمت!

والله احزني فراقك لنا
انا زوله دمعتي في طرف عيني
مالك مبكيني يا اخوي .
اخد ليك فتره راحه وتعال راجع
الوداع كلمه قاسيه .

العزيز عمر ....
يؤسفنا أن تغادر ... قلم لم يبدر منه سوي الإحترام ، إجتمعنا بمحبة وإخلفنا بإحترام .. تباينت وجهات النظر وبقي الود ... لكل إنسان تقديراته .. ومقدرته علي الإحتمال . هذا المنبر ليس حكراً علي أحد أو علي رأي أو وجهة نظر محددة ، لن يتفق الناس مهما تقاربوا ..
نتمني أن تعود بعد إجازة قصيرة بروح جديدة ...

استقالة مرفوضة اذا كانت من سعادتو ,,
ومرفوضة اذا صدرت منك ايها الهكر اللعين ..

شوففوا حظي البائس دا كيف
يعني يوووووووم ما تهزر معاي
وقبل ما الحق ارد عليك في بوست الاخ عبد الناصر بخصوص محمود مصطفى
تجي انت تقول اعلن استقالتي
مرفووووووضة الاستقالة يا جنابو
وعلى قولة العساكر
كما كوت!!!!!!!!!!

الفاضل / عمر عثمان

إنت من الأقلام المحترمة هنا ونقدرك من وقت طويل

يحزنني الوداع ... ولكن هل من أمل ( أنت واجهة مشرفة تعكس عنوان الرجل الشّرطي وسفير هنا بين هذه الكواكب فلا تأفل ...

دخلنا لنسلم عليك

( خذها كاستراحة محارب ثمّ عد)

يا جنابو
معقولة بس !!!
ايه الحاصل نورنا ؟
على العموم القرفة دي عادية وبتحصل
اخد ليك يوميم وتعال




____
وليد ... كراعك من الابنص ياخ
عمر دا فردتنا وبفرق معانا

يعني يا عمر نقول البورد كده فقد واحد مريخابي
يا زول ماشي وين لسه جاييك يوم 2 ديسمبر ..
غايتو أنا المره دي حاضره معاكم جوووه الإستاد والسيرة لغاية البيت أها شن قولك ..


ضربة زاوية ..
والله يا عمر الواحد يغيب من البورد دا أيام ولا يكون عارف الحاصل فيهو شنو ..
وبرضو بنشتاق ليهو ولي ناسه المختلفين معاهم والمتفقين ..
مرات الكتابة زاتو تغلبنا أو ما تلقى ليك فرقه بتاعت دقيقتين تكتب فيها حاجة ..
بقينا نجي نبارك ونعزي ونشتت إلى قواعدنا سالمين ..
بالله عليك كان غلبتك الكتابة هنا تعال بارك وعزي زينا كده ..
الناس بالناس وس أون لاين دي دارنا كلنا ..
نختلف فيها ونتشاكل فيها والعوة تصل السماء ..
لكن مجرد ما نقفل الشاشة دي ننسى أي حاجة ..
ونرجع إلى قواعدنا سالمين ورحمة والله وبركاته ..

عمر من أهل النفوس السمحة في هذا المكان،
ربما رأى من الأولى أن يبتعد ، ولو إلى حين،
أتفق معه أنه يتوجب عليه إخطار أحبابه هنا
حتى لايقال أنه يهملهم بعدم رده عليهم في أمر
ساقوه إليه أو عدم مشاركته في أمر توقع الناس
أن يشارك فيه، فهناك من قرر المغادرة نهائيا
وما زال البعض يعتقد أنهم أعضاء.
يجب احترام إرادة الغير فكل منا يعرف قيمة
الوقت والأولويات رغم الحزن الذي تخلفه مغادرة
أي عضو هذه المساحة.
يا عمر كان تخلِّي لينا عنوانك مع هذا الشورت نوتِس.
تسلم وربنا يعدل خطوتك.

التعديل لتصحيح كلمة الأولويات

Quote: استقالة مرفوضة اذا كانت من سعادتو ,, ومرفوضة اذا صدرت منك ايها الهكر اللعين ..

ود المسلمي
قال انت السبب

جنابو عمر

ما زلنا ننتظر الكثير عن ذكريات الشرطة بأسلوبك السلس الجميل و التى اجزم بأنك لمتذكر منها الا اليسير

تقبل تحياتى وسنكون فى انتظارك بإذن الله

Quote: ومرفوضة اذا صدرت منك ايها الهكر اللعين ..

هو الهكر متجدع هنا من امبارح ولا شنو؟؟يا العوض؟؟؟

لا يا العوض يعلم الله هي كتابة عمر الرزين.


يا عمر عرفناك مستقلا هنا
وعرفناك وانت بكل شجاعه تعلن انك رغبت في الانتماء للمؤتمر الوطني

وفي كل الاحوال

كنت
رجلا سمحا اذا اشترى واذا باع واذا اقتضى.

نختلف ونتفق ولكن يبقى الاحترام و الوطن الذي جمعنا

ويعلم الله اننا نحبك ونحب الخير لك كما نثق في انك تحبنا وتحب الخير لنا.


فلا تغادر


ولا عايزني اكاويك شويه واقول لك انت عرفت بهزيمة المصريين بارك(وهنبكته)

قلت تتخارج قبل الغب يكتمل؟؟!!(هههههه)

صدقني انا ذاتي دموعي جرت ما عارفه ليه

لكن نوع انسحابك حسسني انك انجرحت هنا وانت رجلا رقيق الاحاسيس.

سامح وتأكد لو حصل هو ايضا انسان طيب
فقط رصاصنا يطيش احيانا من ضغوط هذه الحياة.\


الجوه مضغوطين يا عمر و البره مضغوطين.

لكن يبقوا سودانين وكفانا سلامة النيه الا من قلة طبعا,

وانت صدقني لست منهم

لذا نخاف عليك ان تقرن اسمك بكم الوسخ الذي في المؤتمر الوطني.

ربنا ينور بصيرتك يا اخي حيث نحن فشلنا.

.....لم نتواصل من قبل ولكن صدقني مرحبا بك على الصعيد الانساني

وياريت تلفونك وايميلك بالماسنجر قبال تغادرنا ده طبعا لو لم ننجح بثنيك.

أخي العزيز عمر عثمان
يعني ما كان ممكن تمشي في هدوء ودون وداع؟؟؟!!!!
وبعدين ليييييه؟؟؟


يا جنابو أخد ليك شهر راحة من المنبر وتعال راجع لأخوانك وأخواتك بالمنبر وهم كثر
يعزونك ويقدرونك كتير (رغم النفي الكثير)


أخد ليك شهر راحة وما تنسي تسوق معاك في الشهر دا أخوي حيدر الزين
عشان نشتاق ليكم وكدا .. وتعالو مرحبآ بكم



قرارك مرفوض مية المية و بالأغلبية





.

جنابو عمر...انشاء الله خير مالك يا اخوي

المكان ده بنتواصل بيهو معاكم خاصة انتو الجوة السودان بنخفف غربتنا معاكم، ولم نر منك الا كل خير..


امشي لو حبيت فترة وتعال راجع بعد الاسباب تزول...مكانك شاغر رغم اننا نتمنى الا تذهب....



انت ود ناس والزيك فقدهم ماهين، رغم اني مابتداخل معاك في البوستات لكن متابعة بوستاتك كلها...لك مني كل الاحترام والمودة لك وللمدام.

Quote: استقالة مرفوضة اذا كانت من سعادتو ,, ومرفوضة اذا صدرت منك ايها الهكر اللعين

نتمنى انو يكون الموضوع كلام هكر ساكت لانو القصة دى اتكررت قبل كده ... اما اذا كان صادر من الاخ عمر عثمان فنتمنى انو يعدل عن قرارو ده ويواصل ...

يا جنابو بطل زمزغة بالله .. المرة المضت فتـرت قمت اخدت فترة صمت لاسلكي
هسع بالله لو فترت اخدت صمتك اللاسلكي وتعال راجع .. منتظرنك

كلام العواطف والبكاء ما بنعرف ليهو لكن المنبر من غيرك بيفقد الكثير من بهجتو

ــــ
هسع بالله نكاوى منو تاني ود الصائم وبقي لافي ساي في الفارغة يبقي باقي لينا انت
وسيرة البواليص ...

أقول لو في زول قال كلام فارغ زي ما قالت ليك تراجي .. ادينا طرف الخيط عشان نكون في المفهومية


احترامي وتقديري

Quote: وليد البرلوم قل خيرا أو اصمت!

ود الصايم
شكلك عايز معاي مشاكل
اقول ليك شي برجع في كلامي
لو عمر فتح لي بوست به قصة كاربة
او لو انت فسحتني بالبرادو









----------
ود الصايم بطل المساخة ورجع الضحكه

Quote: ____ وليد ... كراعك من الابنص ياخ عمر دا فردتنا وبفرق معانا

وهبه العريس
شنو يازول شايف الناس تبارك
مبروك هبه
يازول اناقلت خلاص وهبه عملها
ودا شمار حار بندي خبر للجماعة
يرجوك بالعكاكيز
اها تدفعوا كم وارجع ليكم صاحبكم

ألأخ/عمر...السلام عليكم..

Quote: شنو يعني لو مشيت ولا جيت هل هذا ينقص شيء من سوانيز

ألأخ/وليد....السلام عليكم..

بالنسبة لك قد يكون لا..وهذا رأيك..لكن والله يشهد الله انه ينقص من سودانيزأون لاين..

شخص خلوق مؤدب.....وأستمتع بمشاركاته..

وبعدين ياجماعة خلو البينا عامرة دائمآ..قد نلتقى فى مكان ما فى وقت ما والله أعلم..

كلك جميل إلا مريخيتك ياعمر..لك التقدير أن مكثت أو غادرت....

اتصلت قبل قليل بالأخ العزيز عمر عثمان
وسألتة اذا كان مهكر فأكد لى بانة كاتب
البوست ، وانة قرر ترك المنبر بعد تفكير طويل
واليوم قرر تنفيذ قرارة وتقديم الاستقالة لعدة
اسباب وان قرارة لا رجعة فية ..!

والله انا حزين لفراقك لنا ياعمر ولكن لك ما اردت
طالما هى رغبتك ولكنك ستكون فى القلب دائما ..


وياوليد مافى داعى لكلامك السخيف دا
انت جيت متين كمان لمن تتكلم مع الناس
الاقدم منك كدة .. سخيف فعلا ..

يا جماعة لو في زول عنده تلفون وليد عبد اللطيف ارجو أن يتصل به ...

ياعمر يا ود الاهل والجيران والحبان..

حزنت جدا عنما قرأت البوست..
ولكن أملي أن ترجع غدا عما قررته اليوم..
لانك انشان جميل..
في أخلاقك وفي خلافك وفي علاقتك مع البورداب..
وعلي النطاق الخاص بي..
أكن لك كل مودة ورغبة متزايدة في مكاواتك يا مريخابي لابس قميض أزرق..

العيد قرب..ممكن تخليك علشان كلنا نعيد علي بعض؟؟

ياعمر يا ود الاهل والجيران والحبان..

حزنت جدا عنما قرأت البوست..
ولكن أملي أن ترجع غدا عما قررته اليوم..
لانك انسان جميل ومشرف..
في أخلاقك وحتي في خلافك وفي علاقتك مع البورداب..
وعلي النطاق الخاص بي..
أكن لك كل مودة ورغبة متزايدة في مكاواتك يا مريخابي لابس قميض أزرق..

العيد قرب..ممكن تخليك معانا علشان كلنا نعيد علي بعض؟؟

أخى مزمل..السلام عليكم...

كم تمنيت أن يكون ده الهكر...لكن أتيت بالخبر اليقين..والله إنى لهذا حزين..

Quote: وياوليد مافى داعى لكلامك السخيف دا انت جيت متين كمان لمن تتكلم مع الناس الاقدم منك كدة .. سخيف فعلا ..

عشان جا جديد يفترض نجد ليهو العذر..لايعرف قدر الناس...

وكما قال ود الصايم كان من ألأفضل ان يقل خيرآ أو ليصمت....

تقديرى للجميع...............

الأخ عمر عثمان
غايتو انا بحذرك لو اصريت و مشيت من البورد انا حاستهدف الشرطة السودانية و امسح
بسمعتها الارض...و حيكون ذنبك لأنك اديتني الفرصة العظيمة دى

وأنا أكرر كلام المعتصم دا

Quote: ضربة زاوية .. والله يا عمر الواحد يغيب من البورد دا أيام ولا يكون عارف الحاصل فيهو شنو .. وبرضو بنشتاق ليهو ولي ناسه المختلفين معاهم والمتفقين .. مرات الكتابة زاتو تغلبنا أو ما تلقى ليك فرقه بتاعت دقيقتين تكتب فيها حاجة .. بقينا نجي نبارك ونعزي ونشتت إلى قواعدنا سالمين .. بالله عليك كان غلبتك الكتابة هنا تعال بارك وعزي زينا كده .. الناس بالناس وس أون لاين دي دارنا كلنا .. نختلف فيها ونتشاكل فيها والعوة تصل السماء .. لكن مجرد ما نقفل الشاشة دي ننسى أي حاجة .. ونرجع إلى قواعدنا سالمين ورحمة والله وبركاته ..

جنابو النفاي ياخي تعال انفي كلام مزمل ده

لا نعرف الاسباب التي دعتك لاتخاذ القرار ولكن نرجو ان تكون استراحة محارب
حقيقي سنفتقدك كثيرا نحن نختلف معك ولكن نحترم ادبك وتواضعك وروحك المرحة

كنت اتمنى ان يكون عنوان بوستك وداعا المؤتمر الوطني

جنابو النفاي ياخي تعال انفي كلام مزمل ده

لا نعرف الاسباب التي دعتك لاتخاذ القرار ولكن نرجو ان تكون استراحة محارب
حقيقي سنفتقدك كثيرا نحن نختلف معك ولكن نحترم ادبك وتواضعك وروحك المرحة

كنت اتمنى ان يكون عنوان بوستك وداعا المؤتمر الوطني

جنابو عمر

استقاله غير مقبولة

نتمنى ان تبقى بيننا

أهـ كلام ساكت يا جنابو
من سنة الفين وواحد وبداية المنبر اتقدمت اعتزالات واستقالات وانسحابات من نص عضوية المنبر , اكتر واحد بياخد ليهو كم شهر وبيجي راجع , ياخي اننا براي اعتزلت واستقلت وانسحبت وحردت طيلة الفترة الماضية ما لا يقل عن العشرين مرة في النهاية الواحد بيلحس كوعه وبيجي راجع ويعمل رايح , اسع الواحد لمن يقرر انه عايز ينسحب بيسكت ليهو بالكثير اربعة خمسة شهور من الكتابة وبرجع براحة براحة , اها مداخلتي دي حافتشها بعد كم شهر وارجعها ليك في بوست عودتك ومن اسع انا بتحداك اني حانسخها تاني لو مد الله في اجلنا

Quote: من سنة الفين وواحد وبداية المنبر اتقدمت اعتزالات واستقالات وانسحابات من نص عضوية المنبر , اكتر واحد بياخد ليهو كم شهر وبيجي راجع

أخد لفتك وحا تجي غصباً عنك إمّا بتوجيهات وتعليمات من الحزب...وإمّا بتوجيهات داخلية!

المهم...

الاخ عمر

لك التحية

ان شاء الله خير

ارجو ان تعود قريبا

و اذا زعلناك سامحنا

يا زول كان مشيت و لا كان قعدت

يشهد الله أنكـ رجل محترم ولم يصدر منكـ ما يشين طوال وجودكـ هنا

أتمني لكـ التوفيق إينما ذهبت

Quote: أخد لفتك وحا تجي غصباً عنك إمّا بتوجيهات وتعليمات من الحزب...وإمّا بتوجيهات داخلية!

يا اخ انور كنج

قول ليك كلمة طيبة..... ولا احسن لينا وليك سكوتك

إنت غريب جدا..........
حالتك قلنا عليك افضل واعقل من الكرور بتاعينكم ديل

اخت ميادة واضح جدا ان الاخ انور يمزح فقط انظري الي ايقونة المداخلة

طولي بالك يا اخت

المحترم عمر

أرجوك لا تذهب

فهذا المنبر مثل المياه الدولية

تبحر فيه كل السفن

بلا قيد من أحد .....


هات سفينتك وابحر ... كما تريد

وسنبحر كلنا بسفننا ... كما نريد ....

نختلف في الرأي .... نتجادل ... يحاول بعضنا إقناع بعض ....

ويجمعنا وطن اسمه السودان ومساحته كانت مليون ميل مربع ولا ندري ما مستقبله

عمر عثمان

يا صاحب صاحبي,

يا جنابو مالك ؟؟؟

ما استمتعنا بالنقاشات الساخنة وانت تقول مغادر

بعدين ياخ البلد بتمر بي ظروف صعبة

وانت تنسحب من الساحة الاسفيرية

أنا مستعد أتفهم انسحابك, لو أدوك مهمة تانية , خلاص مافي مشكلة

بس لو الموضوع مخاشنة بسيطة في البورد , خليك رياضي وما تهتم

أحسن لينا انت بدل يجيبو لينا ناس تانين ما بنعرفهم ههههههههههههه


أحمـد

جانبو عمر .. شنو حكاية الاستقالات الملازماك دي
خليك هنا

الاخ عمر عثمان

تحياتنا

اثني علي كلام اخوتنا الفوق ديل ما تحرمنا من قلمك واذا تعبت

خد راحتك وتعال وستجدنا في الانتظار

اجعلها استراحة محارب


بكري