الهلال يفوق سوء الظن العريض

إن أكثر المتشائمين لم يكن يتوقع تلك النتيجة أو ذلك الأداء والصورة التي ظهر عليها فريق الهلال بالأمس وهو يتواضع وينبرش

ككوم الرمل (كلو مايرفعوه ينبرش) ، ومرد ذلك حالة الوهم الكبير الذي عاشت فيه ادارة الهلال ولعيبة الهلال وجماهير الهلال

بل حتى بعض جماهير المريخ الذين توهموا ان الهلال اصبح فريق كبير لايقهر وان كأس افريقيا اصبح مسألة وقت ليس إلا.

الهلال صعد الى دوري الاربعة على حساب مجموعة ضعيفة تضم فرق متهالكة اول المجموعة (كانو) انهزم بالاربعة بالأمس من ثاني

المجموعة الثانية هارت لاند ، والهلال انهزم بالخمسة من بطل المجموعة الاولي مازيمبي.

ظن لعيبة الهلال وبعض الظن هزيمة قاسية ظنوا انهم يلاعبون كانو او زيسكو او المريخ لم يحترموا ماذيمبي كفريق كبير احرج

المريخ وادخله في تجربة قاسية في بطولة سيكافا وزاد الطين بلة الهدف المبكر الذي احرزه الهلال فظنوا انهم فازون بعدد وافر

من الاهداف لامحالة. وظني انهم لم يصحو من هذا الحلم الجميل حتى الان فلعيبة الهلال دخلوا في غيبوبة كاملة باستثناء هيثم مصطفي

وايفوسا اللذان اجتهدا الى حد ما اما بقية اللاعبين فكانوا صفر اكبر من صفر الهلال الدولي.

كنا نعلم ان الهلال متهالك وانك ان اردت ان تحرز كأس افريقيا فابالتأكيد لن يحرزه لك لعيبة من شاكلة كابوندي وسادومبا

فالاول لاعلاقة له بكرة القدم نهائياً والثاني مهرجل في مدرسة المشاغبين ، في حصص الميدان العسكري هناك تحضيرات للدرس

مشمعات فرش وسلاح على قدر الجماعة وارض صالحة للطابور وفي حصص كيف تحرز كأس قاري هناك ايضاً تحضيرات للدرس اولها لعيبة

بقائمة المنافسة ومدرب ممتاز وادارة ممتازة والثلاثة في الهلال نسبة نجاحهم لا تتعدي 50%

الهلال وصل الى هذه المرحله بمساعدات خارجيه
وامس وصلت هذه المساعدات حدها الاقصى
واعطى الحكم الهدف الاول للهلال بكره ضربها سادومبا بيده واحرزوا منها
هدف تم اعتماده من الحكم ولم يحتج المازيمباب وفى دقيقتين بس درنوا
وتانى اتت مساعدة الحكم بضربة جزاء وهميه وبرضو المازيمباب لم يحتجوا
على الحكم وواصلوا رحلة المتعه والعزاب ودرنوا
وفى الشوط التانى غلبوا الهلال 3/صفر ونقوم نخت عليها اتنين الشوط الاول
تبقى خمسه .. نعم خمسه وخميسه فى عين اللى ما يسمى

جنابو

مسعول من الخير
انتا الهلالاب وينم ؟

منتهى الفضيحة ..
اتمنى منعهم من المباراة القادمة حرصا على صحة البعض وبقايا سمعة قد صنعها المريخ يوما في قياهب القارة
سلامات ياجنابو
ليس كل الظن اثم ..

انتو يا جماعة عيد الضحية بتين ؟

هاك الضحية دي يا وليد تستاهلها تيس بخمسة قرون اتنين نايمات وتلاتة قايمات

Quote: اتمنى منعهم من المباراة القادمة

ما محتاجين زول يمنعهم متعودين على كده وما مباراة الرد مع وفاق اسطيف ببعيدة عن الاذهان

Quote: الهلال وصل الى هذه المرحله بمساعدات خارجيه وامس وصلت هذه المساعدات حدها الاقصى

خطة الحكام الهجين نفعت

تعرف ياعمر ووليد
وبقية العقد الفريد
إنو إنتو بالذات مافي داعي تتكلمو (أقصد المريخاب عموما يعني ما إنتو بس)
يعني لو المورداب والله ناس حي العرب والله الجريف جو قالو حاجه علي العين والراس



وكلامهم كلو مقبول

لكن إنتو بالذات تحمدو سيدكم إنو الهلال جنبكم هزيمة لا تشبه كرة القدم ، بل تشبه كرة السلة، طرفاها الدريم تيم الأمريكي وفريق السجانه يعني زي 70 مقابل 2 والله 93 مقابل 1 (يعني زي ماجنبنا مازمبي هزيمه من برشلونه بي نفس المنطق)


يعني نحن ديل بي كل السوء الشفناهو أمس ده ملطشنكم 3 ، يعني بي نفس اللعيبه ديل، نفس ناس إيفوسا الجا طلحه طلعو مابعرف كوره كلو كلو
إتخيل معاي مازمبي ده كان عمل فيكم شنو



ياخي أنا مني ومنكم أجي أقول ده حال الكوره، دايما الفرق الكبيرة سقوطها مدوي، لأنها تقع من مكان عال (دي كيف دي والله عجبتني ويمكن أفتح بيها بوست منفصل)
أو أجي أقول إنو هذا هو حال بطولة الكبار هذا العام خرج كبارها - وتختو نفسكم مع كبارها دي - أمثال الأهلي ، النجم الساحلي ، والمريخ
لكن فريق ملطش من جميع فرق المجموعة
وحائز على ثلاثة نقاط والله إتنين ماعرف من ست مباريات، وطيش للمجموعتين،وجايين تشمتوا، البشمت دايما يجي يشمت بي حقو، يعني تكون ترتيبا فوق لينا لكن قاعدين في واطاة الله دي وتجو تشبكونا الهلال وااك واااك، ده الما مفهوم
عموما أكيد الإتحاد الإفريقي حا يغير (بناءا على نتيجة الفريقين الهلال والمريخ) قرارو بتمثيل السودان في بطولة الأبطال بي فريق واحد، وهو حاليا معروف، كان بي نتايج الفريق في البطوله الحاليه والله بطولة دوري السودان لهذا العام، وإنتو غايتو شدو حيلكم الكونفدراليه زاتها شكلها السنه دي ببح