فرضية غريبة يدفع المريخ ثمنها كل يوم

عبدالحميد السعودي لايصلح في المباريات الافريقية !!!!!!!!!!!!!!!

كيف وصلوا عباقرة الكرة السودانية لهذه الفرضية الله اعلم

لغة الارقام التى لاتكذب ولاتتجمل تنافي هذه الفرضية تماماً

عبدالحميد السعودي هداف سيكافا للناشين خارج السودان وله العديد من الاهداف الافريقية داخل وخارج السودان

يا أ خي اعتقد ان عبد الحميد السعودي تمت تجربته في اكثر من مرة حتي بعد زعلته الاخيرة لكن لم يقدم ما يقنع , واري ان هذا اللاعب يجب ان يطلق سراحه رافة به وربما وفقه الله في فريق اخر

Quote: يا أ خي اعتقد ان عبد الحميد السعودي تمت تجربته في اكثر من مرة حتي بعد زعلته الاخيرة لكن لم يقدم ما يقنع

الاخ عبدالحميد العوض تحياتي

عبدالحميد لم يمنح فرصة مؤخراً الا لمدة دقائق معدوة في تلاتة مباريات على الاكثر ! بعدين عبدالحميد ما لاعب جديد عشان تجربوا ؟

واهدافه وافرة قبل كده ، انا بس ماعندي احصائيات دقيقة لكن شوف عدد الدقائق اللعبه عبدالحميد في 2009 قياساً بعدد دقائق ايداهور

وكلتشي وشوف نسبة الاهداف مقسومة على الدقائق وراجع كذلك في 2008 و2007

الأخ عمر عثمان

تحياتي لك

مازدا هو الســـبب في ركن عبد الحميد السعودي
وهو لاعب يملك الكثير ليقدمه للمريخ
ولكنه لم يجد فرصته الكافية في المريخ
وأنا شخصيا والله افضله على كليتشي
ولو كنت مكان الإدارة لسجلت مدافعا في مكان كليتشي


اتمنى أن يجد السعودي فرصته الكاملة

كن بالف خير

Quote: مازدا هو الســـبب في ركن عبد الحميد السعودي وهو لاعب يملك الكثير ليقدمه للمريخ ولكنه لم يجد فرصته الكافية في المريخ وأنا شخصيا والله افضله على كليتشي ولو كنت مكان الإدارة لسجلت مدافعا في مكان كليتشي اتمنى أن يجد السعودي فرصته الكاملة

كلام سليم ياالامين والغريبة مازدا في التلفزيون في تحليل لاحدي مباريات المريخ الاخيرة ايام رادان قال هو بستغرب لعدم

الدفع بعبدالحميد السعودي. !!!!!

يااخي هو عبدالحميد دا ما حقكم فكوا الواد خلوه يمشي محل بيشبهوه

تخيل عبدالحميد السعودي في الازرق الود هلالي المظهر والمخبر فكوه

هداكم الله .





.......................................................حجر.

Quote: يااخي هو عبدالحميد دا ما حقكم فكوا الواد خلوه يمشي محل بيشبهوه تخيل عبدالحميد السعودي في الازرق الود هلالي المظهر والمخبر فكوه هداكم الله .

تعرف ياحجر انا من شدة ما مقتنع بموهبة عبدالحميد مرات بقول انشاء الله يمشي الهلال ويجي يغلب المريخ عشان الناس البتردد في

الكلام ده تقتنع. وده نفس شعور الاستاذ الراحل ابوالعزائم وهو مريخابي ذكر الكلام ده في احدي الصحف.

اتهام مازدا بتعمد ابعاد السعودي غير صحيح لان المريخ دربه في الفترة الاخيرة اكثر من مدرب واجمعوا كلهم في رؤيتهم تجاه السعودي حتي في المنتخب الوطني لم يجد السعودي الفرصة الكافية رغم ان المنتخب ليس فيه كلتشي ولا ولا ايداهور

Quote: اتهام مازدا بتعمد ابعاد السعودي غير صحيح لان المريخ دربه في الفترة الاخيرة اكثر من مدرب واجمعوا كلهم في رؤيتهم تجاه السعودي حتي في المنتخب الوطني لم يجد السعودي الفرصة الكافية رغم ان المنتخب ليس فيه كلتشي ولا ولا ايداهور

كروجر اشتغل مع مازدا وردان اصلو فاشل والغريبة كروجر في مقابلة مع صحيفة المانية نقلتها وترجمتها الراي العام يوم الجمعة

قال احسن مهاجمين في السودان السعودي واحمد عادل ، والفريق القومي مدربو منو ما مازدا او الفاشل قسطنطين

سلام عمر .. والساده النظارة

الزول دقس براهو كانت الفرصه امامه في فك التسجيلات الاخير و كان با مكانه يوقع للهلال لكن ........... ((؟))...............

*
*
*
*

لكن عبدالحمبد مكانو الهلال وبس

Quote: الزول دقس براهو كانت الفرصه امامه في فك التسجيلات الاخير و كان با مكانه يوقع للهلال لكن

ياكع كمان يبقي عليهو عدم لعب وفلس اخير المريخ

سلامات يا عمر عثمان
رمضان كريم
لم أقرا أو أسمع أبدا أن عبد الحميد السعودي لا يصلح للمباريات الافريقية
واظنك افترضت هذه الفرضية بناء على غياب اللاعب عن تشكيلة المريخ في الفترة
الأخيرة .
كرة القدم يا عزيزي حظوظ واللاعب المحظوظ هو الذي يجد القبول من ناحية فنية
وبدنية و(مهامية) لدي مدربه .
أيام (البرشمان) خالد وعبد الرحيم كان غالبية الوسط الرياضي ( جمهور ، إداريين ، إعلام ، بعض الفنيين )
يري انهما لا يصلحان للعب في تشكيلة الهلال والمريخ بدعوي رواشتهماوضعف مواهبهما ومع ذلك كان مدرب المنتخب
الوطني واظنه ايامها كان الألماني هورست يضعهما اولا ثم يكمل عليهما باقي تشكيلة المنتخب
وكان مبرره منطقيا وقويا جدا اذ قال انهما يؤديان المهام المؤكلة اليهما باتقان
شديد أي انهما(لاعبامهام) وهو نفس الأمر الذي انطبق على لاعب المريخ (حبني )أيامذاك.
بالنسبة لعبد الحميد السعودي فهو لاعب موهوب ولديه خاصية ترجمة الفرص بالتسجيل في المرمي
ولا غبار عليه ابدا ولكنه كما اعتقد غير محظوظ مع المدربين ولذلك ظل أسير دكة الاحتياطي كل هذه الفترة.

Quote: تعرف ياحجر انا من شدة ما مقتنع بموهبة عبدالحميد مرات بقول انشاء الله يمشي الهلال ويجي يغلب المريخ عشان الناس البتردد في الكلام ده تقتنع. وده نفس شعور الاستاذ الراحل ابوالعزائم وهو مريخابي ذكر الكلام ده في احدي الصحف

** جنابو ود عثمان
** مساءك خير..
** هذا الإقتباس قد يكون مُلخصاً لماسأة هذا اللاعب الموهوب ,, ولذلك طالبت فى العديد من البوستات التى تداخلت بها والتى تخص الشأن الرياضى بالآتى:-
** وجود اخصائى إجتماعى فى كل فرق الدورى المُمتاز..
** وجود طبيب نفسى بكل الفرق لتهئية اللاعبين..
** وضع الملفين النفسى والاجتماعى بعهدة لجنة من ذوى الخبره الرياضيه لمُعالجة الجوانب السلبيه فى ملف كل لاعب..

## ولكن بما أن أغلب اللاعبين الحاليين ولربما يكونون فاقد تربوى وأن تعليمهم محدود ,, فهل نطمع بأن تكون هنالك مدارس كوره بكل الانديه لتخريج اللاعب الذى يُلم بفنيات الكوره وفهم التكتيك وكيفية التحرك بدون كوره وماهو الغذاء المُفيد الذى يقرره طبيب الفريق للاعب وماهى حقوقه وواجباته؟؟؟

## عندما كان للهلال والمريخ مدارس كره للاشبال لم تكن فى كل العالم العربى مدارس كره بالانديه فيما عدا الاهلى والزمالك..
## فلننظر الآن أين نحن ؟؟ وأين من علمناهم أبجديات الكره ؟؟
## السعودى كما ذكر المرحوم ابو العزائم مكانه ليس المريخ...
## يامازدا مايمتلكه السعودى من إمكانيات وفِكر كروى لم تمتلكه عندما كنت لاعباً واصبحت مُدرباً فاشلاً..
(ودام الود والاحترام بين الجميع)
(ابو محمد فؤاد)

Quote: ** وجود اخصائى إجتماعى فى كل فرق الدورى المُمتاز.. ** وجود طبيب نفسى بكل الفرق لتهئية اللاعبين.. ** وضع الملفين النفسى والاجتماعى بعهدة لجنة من ذوى الخبره الرياضيه لمُعالجة الجوانب السلبيه فى ملف كل لاعب..

كلام سليم يا ابومحمد وعين العقل تعرف مرة لقيت كلام في النت او في مجلة ما بتذكر عن انو التحليل النفسي لشخصية اللاعب

يمكن يكشف مدي استعداد هذا اللاعب لان يكون مهاجم او مدافع بحسب ميوله النفسية ........الخ

رمضان كريم يا عبد الكريم

Quote: يامازدا مايمتلكه السعودى من إمكانيات وفِكر كروى لم تمتلكه عندما كنت لاعباً واصبحت مُدرباً فاشلاً..

الحقيقة ان مازدا ليس وحده من ابقي علي السعودي في دكة الاحتياطي
فقد استن هذا السنة الالماني كروجر ومن بعده رادان واخيرا صلاح مشملة قبل ان يأتي
مازدا ويجد ان اللاعب وبوجوده في دكة الاحتياطي لفترة طويلة ربما قد فقد حساسية
اللعب التنافسي فلم يشأ وكإجراء بديهي ومنهجي ان يجازف باشراكه مباشرة .
بالنسبة لفشل مازدا كمدرب فلا اعتقد انك وفقت في ذلك لان مازدا كمدرب يعتبر الافضل من بين
المدربين السودانيين وبعض الأجانب كما تؤكد الارقام والحقائق التالية:
فوزه مع المريخ ببطولة مانديلا عام 89 كان مدربا فيما كان الالماني ردور مديرا فنيا
حصل مع المنتخب الوطني الأول ولاول مرة على بطولة سيكافا للامم وتاهل معه لنهائي بطولة
العرب ببيروت وهو النهائي الذي لم يقم حتى الآن .
اما الانجاز الأضخم لمازدا على الاطلاق فهو تأهل المنتخب تحت قيادته الى نهائيات امم
افريقيا بعد خمسة وثلاثين عاما او يزيد .
مدرب بهذه الانجازات الكبيرة لا يستحق ابدا دمغه بالفشل حتى ولو لم يكن موفقا فيما بعد .

Quote: بالنسبة لعبد الحميد السعودي فهو لاعب موهوب ولديه خاصية ترجمة الفرص بالتسجيل في المرمي ولا غبار عليه ابدا ولكنه كما اعتقد غير محظوظ مع المدربين ولذلك ظل أسير دكة الاحتياطي كل هذه الفترة.

ياطلحة لمن يبقي الموضوع خيارات مدرب يبقي عنصر الحظ انتفي ويبقي هناك احتمالين لا ثالث لهما يا المدرب ما مقتنع بالزول

ده يا مقتنع بيهو لكن قاصد ما يلعبو لشيء في نفسه. وبالمناسبة في لاعيبة عالمين زي فان نستلروي الهولندي فشل مع مانشستر

وكان عندوا مشاكل مع فيرجسون لحدي ما طفش مشي ريال مدريد ونجح 100%

طال ما مازدا موجود السعودي ما حيقدم حاجة
مازدا قاصدو عديل كدة الود لعاب وحريف ويساوي عشرة من البجيبوهم بملايين الدولارات ديل بس نقول شنو الله يجازي اللي كان السبب
هل عقمت حواء المريخ عن ان تنجب مدربا اخر ؟
مازدا منك لله منك لله منك لله منك لله منك لله منك لله منك لله منك لله منك لله

Quote: مازدا قاصدو عديل كدة الود لعاب وحريف ويساوي عشرة من البجيبوهم بملايين الدولارات ديل

ده الكلام الصاح ...... والان مشكلة عبدالحميد انه في الاوقات التى يسمح له فيها بمازدا بان يلعب يكون الوقت ضيق واللاعب

مضغوط جداً لاجل اثبات احقيته بان يكون اساسي.

راهني على عبدالحميد امنحوه نفس عدد الدقائق التى يلعبها ايداهور وكلتشي ولن تندموا

Quote: ياطلحة لمن يبقي الموضوع خيارات مدرب يبقي عنصر الحظ انتفي ويبقي هناك احتمالين لا ثالث لهما يا المدرب ما مقتنع بالزول ده يا مقتنع بيهو لكن قاصد ما يلعبو لشيء في نفسه

ابدا يا عمر عثمان كلامك دا ما دقيق خاصة لما يكون هناك اكثر من لاعب بذات
الامكانات والموهبة في الفريق الواحد .
اذا جاز لنا القول ان السعودي بذات امكانات طمبل مثلا فربما يري المدرب ان الاخير
افضل من ناحية تكنيكية وتكتيكية وبدنية في المباراة المعينة وبالتالي يشرك طمبل
ويترك السعودي بافتراض انو يحتاج لواحد فقط منهما وليس الاتنين .
المدربين الاربعة الذين تعاقبوا على تدريب المريخ أخيرا كروجر ورادان ومشكلة ومازدا
لا اعتقد انهم كلهم مجتمعين على ان لا يشركوا السعودي لحاجة في انفسهم واذا دا الحاصل
فاللاعب فعلا لا يستحق اللعب لانه وفي هذه الحالة ربما كان غير منضبط او غير ملتزم ..الخ .

Quote: يااخي هو عبدالحميد دا ما حقكم فكوا الواد خلوه يمشي محل بيشبهوه تخيل عبدالحميد السعودي في الازرق الود هلالي المظهر والمخبر فكوه هداكم الله

دا الكلام
ويديك العافية يارفاعي ياخ

Quote: دا الكلام ويديك العافية يارفاعي ياخ

ويريد ابو الدرداق ان يتزوج القمرا
قومو لفو كده مازدا نحن بنطيرو وبكرة انتو انكربو للصاروخ ده

Quote: دا الكلام ويديك العافية يارفاعي ياخ

اتاريهو قعاد عبدالحميد في الكنبة حارق الهلالاب اكتر مننا.

Quote: اتاريهو قعاد عبدالحميد في الكنبة حارق الهلالاب اكتر مننا.

عمر سلامات


الهلال مكانو الطبيعي


يلعب وين مع شللية ابو جريشة

Quote: اذا جاز لنا القول ان السعودي بذات امكانات طمبل مثلا فربما يري المدرب ان الاخير افضل من ناحية تكنيكية وتكتيكية وبدنية في المباراة المعينة وبالتالي يشرك طمبل ويترك السعودي بافتراض انو يحتاج لواحد فقط منهما وليس الاتنين .

ياطلحة مع كامل احترامي وتقديري لطمبل لكن صراحة في الموهبة والحساسية نحو الشباك مافي مقارنة طمبل ربما يمتاز بالحركة

اكثر لكن لايملك فنيات السعودي الذي يستطيع احراز الاهداف باليمين والشمال والرأس والكعب والباكورد ياخي من ما عملوا مريخ

هلال من سنو 1927م مافي زول جاب قون في الهلال بالباكورد زي بتاع السعودي.

Quote: وفي هذه الحالة ربما كان غير منضبط او غير ملتزم ..الخ .

في دي انا ما بقدر افتي لكن لو كانت حاصلة كان صرحوا بيها المدربين ديل والا ما كده.

على العموم انا لا اطالب باشراك عبدالحميد في اى زمان واى مكان لكن اطالب بانصافه ومنحه الفرصة المعقولة اسوة بزملائه المهاجمين

الذين اثبتت المباريات بانهم لايمتازون عليه باي شيء غير التفنن في اضاعة الفرص السهلة.

يا عمر انا والله معاك ومقتنع تماما انو الود لعاب وحريف ويستحق المشاركة
كاساسي في تشكيلة المريخ والمنتخب كمان لكن اذا دا ما حدث فلا يعني ان هناك
قصد ضدو او المدربين ما بفهموا .
ولو فعلا هناك اسباب تمنع المدربين من اشراك السعودي فليس بالضرورة الاجهار
بهذه الاسباب للشارع العام خاصة اذا كانت هذه الاسباب تتعلق بنواحي سلوكية مثلا.
مقارنتي للسعودي وطمبل هي للمثل فقط وليس على سبيل التأكيد رغم اختلافي معاك
في وجهة نظرك .

Quote: يا عمر انا والله معاك ومقتنع تماما انو الود لعاب وحريف ويستحق المشاركة كاساسي في تشكيلة المريخ والمنتخب كمان لكن اذا دا ما حدث فلا يعني ان هناك قصد ضدو او المدربين ما بفهموا . ولو فعلا هناك اسباب تمنع المدربين من اشراك السعودي فليس بالضرورة الاجهار بهذه الاسباب للشارع العام خاصة اذا كانت هذه الاسباب تتعلق بنواحي سلوكية مثلا. مقارنتي للسعودي وطمبل هي للمثل فقط وليس على سبيل التأكيد رغم اختلافي معاك في وجهة نظرك .

من حقنا كمشجعين ان نعرف لماذا لايلعب السعودي او عنتر او خلافه طبعا ما مدرب ممكن يجي يقول ليك انا قاصد الزول ده ودائما

بحاولوا يوجدوا المبررات بعدين ياطلحة في السودان مافي حاجة بتندسه ولا اظن ان السعودي غير منضبط بالشكل الذي يمنعه من ان يلعب

اغلب لعيبتنا في السودان كان المريخ والا الهلال غير منضبطين (بدون شرح لعدم الانضباط) ورغم كده بلقو حظهم في المشاركة بانتظام

بعدين ياطلحة مازدا زاتو عندو مرات تصرفات غريبة في ادارة المباريات وانا اتكلمت في بوست تاني عن ادارة مازدا لمبارة الامس مع

زيسكو كيف يخرج ايداهور المهاجم الصريح ليدفع بي وارغو الما معروف مهاجم والا صانع العاب وهو الفشل في احراز هدف في اضعف الفرق

في الدوري المحلي ، ويخرج قلق لاعب الوسط صاحب المهام الهجومية ليدخل سعيد السعودي صاحب المهام الدفاعية والطامة الكبري يدخل

العجب قبل تلاتة دقائق من نهاية الزمن الاصلي وبعد ان اخرج المهاجمين الاتنين ايداهور وكلتشي يعني نظام العجب ده يسوقه من يد حافظ

يمشي يجيب قون والا شنو ؟ دي مباراة مفروض يا تغلب فيها يا بلاش تطلع المهاجمين وتنظر وتدخل الماسورة وراغو والله الواحد مابعلم الغيب

لكن لو دخل العجب مبكراً مع بداية الشوط التاني ودخل السعودي في المقدمة الكورة دي ما كانت بنتهي كده.

يا عمر عثمان
حكاية انو السعودي لا يشارك في المباريات لسوء سلوكه دي حاجة افتراضية ساي
وانا شخصيا استبعدها تماما لكني اوردتها ليك كسبب من الاسباب التى يمكن ان
يستبعد على اساسا اللاعب (اي لاعب) من التشكيلة.
المهم في الامر ان مازدا ليس وحده هو من لم يشرك السعودي بل ثلاثة مدربين
اخرين فعلوا نفس الشىء وكونو نحن المشجعين نري انو اللاعب مظلوم ويستحق
المشاركة فهذا ليس معناهو ان المدربين علي خطأويستقصدونه لانه بالتأكيد هناك اسباب
فنية مقنعة تمنعهم من اشراك اللاعب .
شخصيا لو كنت انا الذي فنحت هذا البوست لتساءلت عن عدم اشراك السعودي
مقارنة باشراك لاعب غير مجدي مثل وراغو .
اري ان الاصرار على مشاركة وارغو خلال الفترة الماضية
اضرت بالمريخ اكثر كثيرا من فائدته .

Quote: مقارنة باشراك لاعب غير مجدي مثل وراغو .

هاهاهاهاهاهاي
شوفو الما بنفع معاكم ياتو
جيبو جاي بنديكم الفيها النصيب
الاتنين نحن البنعرف نلعبهم
يا ما مواهب اندفنت في كنبة احتياطي المريخ
هسه كدي خلونا من قصة السعودي دا
مشكلة سفاري بتحلوها كيف ؟
ياخ انتو حتترشوا رش

هلا يا وهبة
هسع عندك الاراجوز ايفوسا لو نفع مع الهلال
اعتزل المنبر والتشجيع واية حاجة .

ايفوسا دا يا وهبة ليس فقط مهرج ظل يهدر ببهلوانيته ونطيطه في الملعب
الكثير من جهود زملائه لكنه فوق ذلك فهو نحس النحس ذاتو ويقيني لو شارك
لاعب غيره في مباراة كانو الاخيرة لحقق الهلال نتيجة ايجابية .
لاحظ للزول دا من هنا ولي قدام .

Quote: اما الانجاز الأضخم لمازدا على الاطلاق فهو تأهل المنتخب تحت قيادته الى نهائيات امم افريقيا بعد خمسة وثلاثين عاما او يزيد . مدرب بهذه الانجازات الكبيرة لا يستحق ابدا دمغه بالفشل حتى ولو لم يكن موفقا فيما بعد .

** الاُستاذ طلحه
** صباحك خير..
** من وجهة نظرى المتواضعه كشخص مارست كُرة القدم قبل 30 عاماً ,, وتدربت على أيدى مُدربين مثل أحمد عبدالله ,, لايمكن أن أضع مازدا مع مُدربين دربوا المريخ أمثال منصور رمضان وودالعمده أو فوزى المرضى أو أحمد عبدالله ,, من وضعه للتشكيله تحس بعدم توفيقه فى وضع اللاعب المُناسب فى المكان المُناسب هذا اولاً ,, ثانياً لاتحس بأنه مُدرب يمتلك شخصيه وكارزيما المُدربين الذين يستطيعون قيادة الفريق وتعديل تكتيك وخطة اللعب على حسب مجريات المباراه ..
## اقول هذا الحديث ولاأخفى عليك بأننى عاشق للازرق لدرجة الثماله ,, ولكن تدهور مستوى المريخ التدريبى يؤثر فى الهلال بالسالب ,, لذلك ومع إحترامى لوجهة نظرك بأن مازدا مُدرب ناجح فأنا ومع كثيرون من جمهور الرياضه وبمختلف ميولهم يرونه لايصلح لهذه المهنه وأنه سبب نكسة المريخ والفريق القومى..
## وإذا كان لى حق إتخاذ القرار:- فالمريخ يحتاج لمُدرب يمتلك شخصيه ويرهبه اللاعبون ومن نجوم المريخ أراى أن الجدير بتدريبه هو اللاعب الدولى السابق جمال أبو عنجه ..
(ودام الود والإحترام بين الجميع)
(ابو محمد فؤاد)

عبد الحميد السعودى أحسن من يعرف طريق الشباك أمس واليوم وغداً
ولا يوجد أى لاعب وطنى أو أجنبى يتفوق عليه كهداف

وأحسن من عشرة كلتشى

ماذا فعل كلتشى فى البطولة الإفريقية مع المريخ الآن .. و سابقاً مع الهلال؟

وقفة كلتشى طوال المباراة مقبولة من قبل المدربين، و مرفوضة للسعودى

السعودى يدفع به فى وقت متأخر فى المبارايات .. ولا يجد تعاون من كلتشى!

Quote: عبد الحميد السعودى أحسن من يعرف طريق الشباك أمس واليوم وغداً ولا يوجد أى لاعب وطنى أو أجنبى يتفوق عليه كهداف وأحسن من عشرة كلتشى ماذا فعل كلتشى فى البطولة الإفريقية مع المريخ الآن .. و سابقاً مع الهلال؟ وقفة كلتشى طوال المباراة مقبولة من قبل المدربين، و مرفوضة للسعودى السعودى يدفع به فى وقت متأخر فى المبارايات .. ولا يجد تعاون من كلتشى!

كلام سليم 100% وتعرف يانادر السعودي يتفوق على كل هدافي المريخ والهلال بقدرته على صناعة الفرص لزملائه لو تذكر قون العجب في

الشلف الجزائري كورة من مافي عبدالحميد حصله وخلق منها فرصة على طبق من ذهب للعجب الذي قبل الهدية واسكنها الشباك ، مش كده

وبس مرة سفاري جاب ليهو قون في مباراة افريقية في السودان القون ده هدية من السعودي من غير ما يهبش الكورة بس اتحرك بي جسمه

Quote: اري ان الاصرار على مشاركة وارغو خلال الفترة الماضية اضرت بالمريخ اكثر كثيرا من فائدته .

طيب ياطلحة البشرك وارغو ده منو مش مازدا ؟ عشان كده بقول ليك مازدا عندوا مشكلة كبيرة في اختيار العناصر ، يمكن الى حد

بعيد هو مطالب باتاحة الفرصة لاورغو لاثبات وجوده لكن ما بالطريقة المضرة للمريخ زي ما انت قلت.