|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: omer osman)
|
واقع الحال يقول في المنبر ده يا تكتب الكلام البعجب الناس البكرهو المؤتمر الوطني والا انت ماشي في الاتجاه الغلط وبالتالي
يمكن استهدافك والاساءة اليك عادي وتوصم بالانتهازية .......الخ ونقول البكرهو المؤتمر الوطني ولانقول المعارضةلان بعض الاحزاب
المشاركة في الحكومة مثل الحركة الشعبية والاتحادي الديمقراطي الاصل لا يمكن ان تصنف في خانة المعارضة وتجد منسوبيها في المنبر
من اشد الناس كرها للمؤتمر الوطني.
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: omer osman)
|
وتبقي الحكاية ده يشيل وده يخت ويا تشيل وتخت معاهم والا انت غير مرغوب في وجودك ليس بالضرورة ان نتفق وليس بالضرورة
ان نختلف لكن بالضرورة بمكان اعمال صوت العقل في اتفاقنا او اختلافنا والبعد عن اسلوب المهاترات والمضايقة بقصد دفع
الاخرين على المغادرة مثل ماحدث من قبل للاخ محمد فرح.
بالطبع لاندعو الى الجمود وقليل من المشاغلات يكسر جمود وحدة النقاشات السياسية او غيرها كما يجب ان نحسن الظن ببعضنا
البعض ليس كل من ينتمي الى المؤتمر الوطني انتهازي او شمولي ...... الخ وليس كل من ينتمي الى الحزب الشيوعي او الحركة
الشعبية كافر ويجب قتله .........الخ
احترم وجهة نظرك ويكون لي في ذات الوقت حق تفنيدها و انتقادها بالعقل والمنطق لا بالعاطفة فحسب.
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: omer osman)
|
مثال انا شخصيا عندي رأي ايجابي جداً في الاخ ياسر عرمان لسبب اساسي انو الزول ده اختار في حياتو خيار غريب وعجيب
بمعايير الزمان والمكان عندما اختار الانضمام للحركة الشعبية في وقت لم يكون مثل هذا الاختيار مقبولاً او طبيعياً
وصمد على اختياره حتى تحقق السلام يعني باختصار ده بكشف عن انو الزول ده عندو رؤية وارادة تستحق الاحترام.
لكن بصراحة ومن خلال كثير من المعطيات واقعة القنبلة تطرح الكثير من علامات الاستفهام خصوصا عندما يسارع بعض
الاخوة لالصاق التهمة بالمؤتمر الوطني قبل ان تصل الشرطة الى مكان الحادث ، بالتالي رأي الايجابي في الاخ ياسر
عرمان ورفضي لاستخدام العنف في تصفية الخلافات السياسية لايمنعاني من إبداء رأي في قصة القنبلة دون تجريح
او تقليل من قدر احد او جهة.
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: omer osman)
|
omer osman
صباح/مساء الخير سعادتك ...
أنا شخصِياً ما إشتركت في ها المِنبر لِغرض سِياسي ... لكِن ... لامِن تحصل حاجات ضِد مبادئ وقِيَمي بعبِر عنها ... طبعاً المفروض أعبِر عنها بِأدب وإحْتِرام ... يعني مثلاً جيب لينا أكتر زول في المنبر ده مؤيِد لِحكومة البشير وخليهو يِقول لي إنو الكلام التِحِت ده ما حقائِق : (1) سِياسة التمكين خربت الإقتِصاد (2) الصالِح العام دمر الخِدمة المدنِية (3) الخِطاب الرسمي أفاد بِقتل (10) ألف مدني في دارفور < المحكمة الدولِية بِتقول القتلى 300 ألف > أنسى قول الكُفار ديل وخلينا بس في الـ(10) ألف (4) قتل < مجدي الحلفاوي > و< الطيار بطرُس القبطي > كان جريمة لأنو بعد شهر واحِد بس أجاز صلاح كرار عمل الصِرافات (5) قتل عدد < 4 > شباب في كجبار كان جريمة وليها (2) سنة الحكومة رافضة التحقيق فيها (6) التجارُب الإنقاذِية كانت خطأ < البِكور > < تغَيير السلم التعليمي > < التعريب > < فتح الجامعات بِدون توفير أُستاذ وكِتاب ومقعد > (7) قتل عدد < 28 > ضابِط صباح يوم العيد كان خطأ (8) فشل < النهضة الزِراعِية > (9) فشل < النفرة الزِراعِية > (10) فشل حفر ترعتي < كِنانة والرهد > (11) تحويل حرب الجنوب إلى حرب مُقدسة < تديين السِياسة > (12) الإعتِراف - أخيراً - بِبيوت الأشباح والتعذيب (13) إتُهِم < هارون > بِمُمارسة أعمال ضِد الإنسانِية ، فتم تعيينِهِ < وزير الشؤون الإنسانِية > (14) عِند تفاقُم الأمر في دارفور شكلت حكومة الخُرطوم لجنة بِرِئاسة مَولانا دفع الله الحاج يوسُف التي أقرت بِأعمال القتل والإغتصاب ، لم تفعل حكومة الخُرطوم شئ ... فتفاقم الأمر ، فشكلت لجنة بِرئاسة مَولانا نِمر التي إعتمدت تقرير لجنة مَولانا دفع الله الحاج يوسُف ، وعلَيهِ تشكلت ثلاثة محاكِم في دارفور لم تستطيع هذِهِ المحاكم مِن العمل لِعدم توفير قُوة تنفيذِية < عساكِر/سيارات/أسلِحة ... إلخ > تفاقم الأمر في دارفور وأصبح عدد القتلى بِالمِئات ، رفع أهل دارفور الأمر إلى < محكمة العدل الإفريقِية > فتَبَين لهُم بِعدم وجود محكمة بِهذا الإسم في كُل إفريقيا ، فرفعوا الأمر لِمحكمة العدل الدُولِية ... وطبعاً هُم غلطانين كانوا مفروض يصبروا شوية خصوصاً إنو القتلة سودانِيين ومُسلِمين وما مِن الوطنِية أن يشتكوا لِلكُفار (15) تسليح الجنجويد < كوشيب > (16) تزوير الإنتِخابات الأخير لِرئاسة الجمهورِية < الإنتِخابات الإترشح فوقا كيجاب >
أها يا سعادتك بعد ده عاد كيف بشكِر لي راكوبتاً في خريف ... أي بند مِن البنود أعلاه مُستعِد مُناقشتو وبِالأدِلة ...
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: عزام حسن فرح)
|
الاخ عزام لك التحية
معك حق تسرد قائمة طويلة بماتراه اخفاقات او فشل ينسب للمؤتمر الوطني وليس لي او لغيري مصادرة هذا الحق ويكون لي او
لغيري الحق في ايراد قائمة طويلة بما نراه انجازات ونجاحات تنسب للمؤتمر الوطني لاغضاضة في ذلك لكن يجب ان يتم كل ذلك
في اطار من الحوار الديمقراطي الشفاف. يحمد للمؤتمر الوطني انه الحزب الوحيد الذي قدم نقد ذاتي لتجربته وهو لايزال على
سدة الحكم وقضايا مثل الصالح العام وبيوت الاشباح تم الاعتراف بها على اعلي مستوي قد يكون هناك بطء او تراخي في المعالجات
لكن على الاقل تجاوزنا مرحلة الانكار بالطبع لايمكن اعادة عقارب الساعة الى الوراء لتلافي كل او بعض هذه الاشكالات ويبقي الامل
في عدم تكرارها والتعويض المناسب للمتضررين والشعوب لا تتقدم بالنظر الى الوراء وانما بالنظر الى الامام.
اخي عزام المؤتمر الوطني تجربة انسانية وليست وحي منزل وبالتالي هي خاضعة لكل ما يعتمر تجارب البشر من فشل واخفاق ونجاح
لكن استسهال مشكلة السودان وتعليقها على شماعة المؤتمر الوطني لن يورثنا الا مزيدا من الفشل والصراع اين اعتراف الاحزاب
التقليدية بدورها المقدر في اضاعة زمن البلاد والعباد في معارك وهمية وجعجعة بلا طحين اين دور الحركة الشعبية في اضعاف
الديمقراطية الثالثة باصرارها على مواصلة الحرب ماهو دور حركة العدل والمساواة في تاجيج نيران الصراع في دارفور برفضها
لاتفاقية ابوجا .... الخ بل اين اعترافنا نحن كافراد لهذا الشعب السوداني فيما يحدث في بلادنا اين اهتمامنا بالعمل والانتاج
صدمت يوم ان علمت ان اهلنا في الشمالية يستوردون الخضروات من الخرطوم !! مشكلة السودان ليس في المؤتمر الوطني فحسب وانما
تبدا من الانسان السوداني نفسه.
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: عمر صديق)
|
الاخ عمر عثمان سلام
Quote: ما اظن انو في زول جاء اشترك في المنبر ده عشان يتشتم ويسمع كلام فارغ واذا اصل الحكاية كده شنو البجبرني على
قبول وضع زي ده وتبقي المغادرة افضل اما البقاء والصمت على الشتائم فغير مقبول كذلك البقاء والصمت عن الافصاح
عن وجهة نظرك المخالفة لاتقاء الشتائم غير مقبول.
فيا نقعد ونقول رأينا ونسمع رأي الاخرين دون شتائم يا نتطلب الله ونتخارج |
ياعمك في ناس جو عشان الشتايم والكلام الفارق وماعندهم غيركده!!!!
هنا تقول رايك وتكابر عليه حتي ولو كنت علي غلط وليس عليك الاعتذار مهما كبر خطأك!!!
لا مكان للمثاليات في هذا البورد !!!!!!!!!
دي القوانين الساريه هنا ولوداير غير كده بتبقي زي البحفر في بحر!!!!!!!!!!
لك من الود أكثره
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: السيد المسلمي)
|
Quote: صباح/مساء الخير سعادتك ...
أنا شخصِياً ما إشتركت في ها المِنبر لِغرض سِياسي ... لكِن ... لامِن تحصل حاجات ضِد مبادئ وقِيَمي بعبِر عنها ... طبعاً المفروض أعبِر عنها بِأدب وإحْتِرام ... يعني مثلاً جيب لينا أكتر زول في المنبر ده مؤيِد لِحكومة البشير وخليهو يِقول لي إنو الكلام التِحِت ده ما حقائِق : (1) سِياسة التمكين خربت الإقتِصاد (2) الصالِح العام دمر الخِدمة المدنِية (3) الخِطاب الرسمي أفاد بِقتل (10) ألف مدني في دارفور < المحكمة الدولِية بِتقول القتلى 300 ألف > أنسى قول الكُفار ديل وخلينا بس في الـ(10) ألف (4) قتل < مجدي الحلفاوي > و< الطيار بطرُس القبطي > كان جريمة لأنو بعد شهر واحِد بس أجاز صلاح كرار عمل الصِرافات (5) قتل عدد < 4 > شباب في كجبار كان جريمة وليها (2) سنة الحكومة رافضة التحقيق فيها (6) التجارُب الإنقاذِية كانت خطأ < البِكور > < تغَيير السلم التعليمي > < التعريب > < فتح الجامعات بِدون توفير أُستاذ وكِتاب ومقعد > (7) قتل عدد < 28 > ضابِط صباح يوم العيد كان خطأ (8) فشل < النهضة الزِراعِية > (9) فشل < النفرة الزِراعِية > (10) فشل حفر ترعتي < كِنانة والرهد > (11) تحويل حرب الجنوب إلى حرب مُقدسة < تديين السِياسة > (12) الإعتِراف - أخيراً - بِبيوت الأشباح والتعذيب (13) إتُهِم < هارون > بِمُمارسة أعمال ضِد الإنسانِية ، فتم تعيينِهِ < وزير الشؤون الإنسانِية > (14) عِند تفاقُم الأمر في دارفور شكلت حكومة الخُرطوم لجنة بِرِئاسة مَولانا دفع الله الحاج يوسُف التي أقرت بِأعمال القتل والإغتصاب ، لم تفعل حكومة الخُرطوم شئ ... فتفاقم الأمر ، فشكلت لجنة بِرئاسة مَولانا نِمر التي إعتمدت تقرير لجنة مَولانا دفع الله الحاج يوسُف ، وعلَيهِ تشكلت ثلاثة محاكِم في دارفور لم تستطيع هذِهِ المحاكم مِن العمل لِعدم توفير قُوة تنفيذِية < عساكِر/سيارات/أسلِحة ... إلخ > تفاقم الأمر في دارفور وأصبح عدد القتلى بِالمِئات ، رفع أهل دارفور الأمر إلى < محكمة العدل الإفريقِية > فتَبَين لهُم بِعدم وجود محكمة بِهذا الإسم في كُل إفريقيا ، فرفعوا الأمر لِمحكمة العدل الدُولِية ... وطبعاً هُم غلطانين كانوا مفروض يصبروا شوية خصوصاً إنو القتلة سودانِيين ومُسلِمين وما مِن الوطنِية أن يشتكوا لِلكُفار (15) تسليح الجنجويد < كوشيب > (16) تزوير الإنتِخابات الأخير لِرئاسة الجمهورِية < الإنتِخابات الإترشح فوقا كيجاب >
أها يا سعادتك بعد ده عاد كيف بشكِر لي راكوبتاً في خريف ... أي بند مِن البنود أعلاه مُستعِد مُناقشتو وبِالأدِلة ... |
*** يا عمر محمد عثمان :
المنبر ده ( TwoWays ) مافى شـك .. و الشارع حقك .. ياخ كلام أخونا عزام ده واااااضح
أداك 600 بند و قال ليك ياتو بند عايز تناقشو ؟ بكل بساطه وليت وجهك شطر المدح الحرام و تساءلت عن
إنجازات المؤتمر و عن تضييع الاحزاب الأخرى لوقت الشعب السودانى دون أن تتساءل عما ضيعه المؤتمر لنفس الشعب
*** ببساطه الرجل لم يسألك عن إنجازات أو إخفاقات الاحزاب الاخرى .. القائمه الفوق دى أسمكها بند بند وورينا رايك فيها
........... يلا الشارع حقك أها
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: الطيب عثمان يوسف)
|
الاخ عمر عثمان سعاتو الظريف والله عرفنا ظرافتك من يا سعاتو من سعادة الاخ الطيب يوسف
نحن اشد حبا للانقاذ منك اذا استمرت على نهجها التصحيى الذى مات يوم ان تولت السلطه ولكننا اشد حبا للسودان وسوف نموت بهذا الحب مهما فعلت القيادات المتتاليه على السودان بختلف الوانها واطيافها . كما اننا نبحث دائما على النقد البناء والمبنى على الاسس والقيم السليمه وفى كثير من المواضيع التى تمس سيادة وكرامه البلد كنا جنبا الى جنب مع الانقاذ على الرغم من اننا على قناعه تامة ان اليد الطولى فى هذة الامور هى يد الانقاذ ولكن عملا بمبدأ اناوود عمى على القريب . فالان انفتح الباب وجنابو الطيب خبير فى المرور وبدوريه مروريه اصبح لك احقية السير فى كل الاتجاهات فالطريق لك وحدك اعكس او سير بس عاوزين ردود للا خ عزام
فى انتظارك
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: الطيب عثمان يوسف)
|
سعادتو / عُمر عُثمان ...
صباح/مساء الخير
سعادتك قُلت :
Quote: واقع الحال يقول في المنبر ده يا تكتب الكلام البعجب الناس البكرهو المؤتمر الوطني والا انت ماشي في الاتجاه الغلط وبالتالي يمكن استهدافك والاساءة اليك عادي وتوصم بالانتهازية ...الخ ونقول البكرهو المؤتمر الوطني ولانقول المعارضةلان بعض الاحزاب |
وأنا كتبت ليك أسبابي البكره بيها المؤتمر الوطني كحِزب سِياسي ، بِالرغم مِن إنك إتهمت كُل مُعارِضي المؤتمر الوطني بِالـ< نِفاق > في الجُزئِية التِحِت دي :
Quote: واقع الحال يقول في المنبر ده يا تكتب الكلام البعجب الناس البكرهو المؤتمر الوطني والا انت ماشي في الاتجاه الغلط |
أنا كتبت ليك عدد (16) بند - والله قطِع أخضر ساي - وكانت دي بعض أسبابي البتخليني أقيف في القيف التاني ... شوف يا سعادتك إنت حاجة مِن تلاته : (1) يا إما عارِف الـ(16) بند الكتبتهُم ليك ، لكِن ما عِندك ليها مُخارجة (2) يا إما عارِف الـ(16) بند الكتبتهُم ليك ، ومُوافِق عليها (3) يا إما كمان ما عارِف أصلو الإنقاذ عملت حاجات مِتِل دي
أها سعادتك إنت رقم (1) ولا رقم (2) ولا رقم (3)
Quote: ان نختلف لكن بالضرورة بمكان اعمال صوت العقل في اتفاقنا او اختلافنا والبعد عن اسلوب المهاترات والمضايقة |
نحنا يا سعادتك ما بِنهاتِر عِلا البِهاتِر
إحتراماتي ،،،
| |
|
|
|
|
|
|
Re: تقطة نظام : ياجماعة المنبر ده One Way والا TwoWay فهمونا عشان مانسوق غلط ؟؟؟؟ (Re: عزام حسن فرح)
|
الأخ العزيز عمر عثمان... تحياتي وشكراً على هذه النافذة...
صراحة كدة حالك يحنن...وده في نظري لأنك زول نضيف الدواخل وحساس تجاه الحق...!
أول مرة أشوف لي منسوب مؤتمر وطني معصور زي عصرتك دي...صراحة وأقولها للتاريخ..! فدحين يا الحبيب، يا إمّا تتخن جلدك وتخليهو عُشاري زي هيل ناس محمد فرح وآخرين.. يا إمّا أنزل من الباص المنفسه لساتكو ده الأسمو المؤتمر الوطني ...وخليك سوداني!
كونو الجميع يجمعوا على كره المؤتمر الوطني...فدي إشارة إيجابية يجب أن تتحسس مكانك منها... ودع عن العواطف جانباً.
المنبر ده مركب بدون مجاديف...مرة يمين ومرة شمال ومرات مكانك سرّ... نحن الآن أمام محاولة إغتيال سياسي وأسلوب دخيل علينا في السودان (المحروس ربانياً)... ولا أظن أن محاولة الإلتفاف على الحدث ستكون في مصلحة أي منّا...فالقنبلة دي عمت من ياسر عرمان، البعدها ممكن تركب في علي عثمان أو ود البشير أو غيرو... ودرب القنابل للعراق قريب، والشاطر بشوف في القبلو...
كفاية وزير دفاعنا الهُمام (وأعتقد أنك تتفق معي على أنه أفشل عسكري على الإطلاق)، ما يزال يرجح في الإحتمالات ، ما بين إسرائيل وأمريكا...وتمت مرمطة بلدنا بالعجاج...
كيف تريد مني أنا المواطن المسيكين ده...أن أحترام مثل وزير دفاع المؤتمر الوطني هذا؟؟؟؟
والأهم...
كيف تريد مني أن أحترمك وأنت لا تقدم نقداً واضحاً وفاضحاً لمثل هذا الفاشل في وضح المنبر... بدعوى أن حزبكم واحد؟؟؟
الإحترام يا عزيزي عمر يُنتزع...وقد أنتزع بعض منسوبي المؤتمر الوطني الإحترام منّا عند وقوفهم مع الحق...فقط لا غير...
فهل نبلع كم كبري...على كم ماسورة بترول ، مقابل بقاء السودان نفسه بسبب غشامة المؤتمر؟؟؟؟
يقول المثل:
ILL gotten gains never prosper
تحياتي أنور
| |
|
|
|
|
|
|
|