Post: #1
Title: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 05:11 AM
والا بماذا نفسر ظاهرة الاحتفاظ بماسنجرات قديمة أو في بعض الاحيان صور قديمة أو بوستات قديمة
|
Post: #2
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 05:13 AM
Parent: #1
وإعادة نشرها واستغلالها كمستندات اتهام في معارك تدور في المنبر.
|
Post: #3
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 05:17 AM
Parent: #2
القانون عرف سوء القصد بقوله
سوء قصد ": يقال عن الشخص أنه فعل شيئاً " بسوء قصد " إذا فعله بقصد الحصول على كسب غير مشروع لنفسه أو لغيره ،
أو بقصد تسبيب خسارة غير مشروعة لشخص آخر ، ....................
والكسب والخسارة في المنبر هنا بالطبع ليست مادية وانما هي خسارة او كسب معنوي بالانتصار على شخص اخر او فضحه او تشويه
صورته ......... الخ
|
Post: #4
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 05:20 AM
Parent: #3
والقانون كما عرف سوء القصد عرف المقابل له وهو حسن النية بقوله :
حسن نية " يقال عن الشخص أنه فعل الشيء ، أو اعتقده ، بحسن نية ، إذا حصل الفعل أو الإعتقاد مع سلامة المقصد
وبذل العناية والحيطة اللازمتين .
فهل يندرج مايقوم به بعض الاعضاء في اطار سلامة المقصد ام يندرج تحت باب سوء القصد ؟؟؟
|
Post: #5
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 05:25 AM
Parent: #4
شخصياً ارجح فرضية سوء القصد واذا حاولنا التخفيف من درجة سوء القصد يمكن القول بانهم يفعلون ذلك من باب
الاحتياط لليوم الاسود ......... وبالتالي خرج الامر عن اطار حسن النية وتكون النتيجة في النهاية عدم احساس
بالامان وان قضايا الاخوة والمحبة ........ الخ هي مظاهر ليس الا ولاتعبر عن مشاعر حقيقية اتجاه الاعضاء الاخرين
في المنبر.
على العموم هذا رأي وقد يكون للاخرين رأي اخر.
|
Post: #6
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: Salah Abdulla
Date: 06-17-2009, 06:14 AM
Parent: #5
جنابو عمر
سلامات
لا أتصور أن هناك سوء قصد في الاحتفاظ بما لديك من معلومات مُوثّقة
لأنك بتتعامل مع شخص لا تعرف عنه كثيراً ، وبالتالي فهو ما مضمون
وده البيخلي الناس تتخذ بعض ( التدابير الاحترازية ) بحسن نية
كالاحتفاظ ببعض الماسنجرات ، أو توثيق مداخلة ، أو بوست ، تحسباً لما قد يحدث في المستقبل
وأتصور أن القصد منها ليس استغلال ما في يدك من معلومات ( مهما كانت ) ضد شخص آخر
بل استخدامها (إن دعت الحاجة) لتبرئة ساحتك
وهو ( في نظري ) تدبير معقول ومقبول
الى جانب أن من يفعل ذلك هنا ( بسوء قصد ) سينكشف أمره بمنتهى السهولة
وصدقني الناس كلها هنا ح ينبذوه ويتجنبوه ، وسيكون كالمصاب بمرض معدي
غايتو الزول البيستخدم الوثائق العندو هنا ( بسوء قصد ) ح يخسر خسراناً مبيناً ، وأظنو هنا عندنا شواهد على الكلام ده..
|
Post: #7
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 06:39 AM
Parent: #6
الاخ صلاح عبدالله
تحياتي
بمجرد ان يحتاج العضو الى تدابير احترازية كما اسميتها في علاقته مع الاخرين فهذا يعني ان هناك بذرة شك
وبتبقي العلاقات ما على موية بيضاء زي ما بقولوا.
|
Post: #8
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: AnwarKing
Date: 06-17-2009, 07:48 AM
Parent: #7
Quote: بمجرد ان يحتاج العضو الى تدابير احترازية كما اسميتها في علاقته مع الاخرين فهذا يعني ان هناك بذرة شك
وبتبقي العلاقات ما على موية بيضاء زي ما بقولوا. |
بدأت أشك في أنك كوز، أو مؤتمر وطني؟
معقول يا عمر الطيبة دي؟
تحياتي...
|
Post: #9
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: HAIDER ALZAIN
Date: 06-17-2009, 09:27 AM
Parent: #8
Quote: بدأت أشك في أنك كوز، أو مؤتمر وطني؟
معقول يا عمر الطيبة دي؟ |
يا انور عمر دا من ناحية مؤتمر وطني فهو ما ناكرها ومعترف ..
لكنه طيب بالجد وزول انساني وبحترمه جدا رغم المناكفات..
ودا بيرجعنا لفرضية ود محجوب القالها .. انه الزول دا جديد مع الناس ديل ( الكيزان ) وماعارف
لسع اخلاقايتهم النتنة ومصيره يعرف واخلاقه حا تبعده عنهم .. فالطبع يغلب التطبع ..
يا عمر عثمان بالنسبة لاحتفاظ البعض بالرسائل الخاصة او الماسنجرات ليست سوء نية او تبيت المكسب مستقبلاً .. لكن ممكن تعتبرها نوع من انواع الاحتفاء بالخاص فعندما احتفظ بايميلاتي فأنا بالتاكيد
بفعلها تقديراً لمرسلها اذا كانت ودية وتعبر عن معزة او اهتمام خاص .. واذا كانت سيئة وغير محترمة
بالتاكيد ساكون رالست الطرف الاخر بالرد والاستهجان وبينت له سوء الرسائل حتي ولو بالتجاهل وبالتأكيد شخص كهذا لن آمن غدره او سوءه مستقبلاً فاحتفظ بها لعند الضرورة .. غيرها لا اظن في شخص سيحتفظ برسائل عادية وروتينية .. ايه رايك عندي بالياهو والهوتميل رسائل من 2004م وعامل ليها ملف خاص ..
** انتشار الشرطة خلص عاوز تقبل على فلسفة الاخلاق والا ايه ؟
|
Post: #11
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 09:59 AM
Parent: #9
Quote: لكنه طيب بالجد وزول انساني وبحترمه جدا رغم المناكفات..
|
ده من اصلك ياحيدر الزين.
|
Post: #13
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 10:16 AM
Parent: #9
Quote: يا عمر عثمان بالنسبة لاحتفاظ البعض بالرسائل الخاصة او الماسنجرات ليست سوء نية او تبيت المكسب مستقبلاً .. لكن ممكن تعتبرها نوع من انواع الاحتفاء بالخاص فعندما احتفظ بايميلاتي فأنا بالتاكيد
بفعلها تقديراً لمرسلها اذا كانت ودية وتعبر عن معزة او اهتمام خاص .. واذا كانت سيئة وغير محترمة
بالتاكيد ساكون رالست الطرف الاخر بالرد والاستهجان وبينت له سوء الرسائل حتي ولو بالتجاهل وبالتأكيد شخص كهذا لن آمن غدره او سوءه مستقبلاً فاحتفظ بها لعند الضرورة .. غيرها لا اظن في شخص سيحتفظ برسائل عادية وروتينية .. ايه رايك عندي بالياهو والهوتميل رسائل من 2004م وعامل ليها ملف خاص ..
|
تعرف ياحيدر انا ما ضد فكرة الاحتفاظ بالايميلات او الماسنجرات على اطلاقه لكن منذ لحظة اتخاذ قرار ال save النية كانت متجهة
لشنو ؟؟؟ ده مربط الفرس فاذا كان ال save لاجل الذكريات الحلوة ..... الخ فما في مشكلة لكن اتخاذ قرار ال save
لاجل اليوم الاسود ده المرفوض.
وده يمكن نسميه في القانون (الاعمال التحضيرية) ودي سابقة لمرحلة الشروع الذي يسبق الفعل التام. القانون لايجرم الاعمال التحضيرية
مثل شراء (حبل) لايعد جريمة رغم ان الشخص اشتراه بغرض خنق شخص اخر. اذن الضابط في الاعمال التحضيرية شخصي ولارقابة عليه عشان كده
مفروض الزول يراجع نفسه قبل ما يعمل save ويجاوب على السؤال التالي انا بعمل save ليه اذا كان للغرض الذي ذكرته فلامانع ام
اذا كان بغرض اليوم الاسود فده المرفوض واحسن ياخده من قاصره وما يكون عندوا علاقة مع الزول ده.
|
Post: #10
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 09:55 AM
Parent: #8
Quote: معقول يا عمر الطيبة دي؟
تحياتي... |
الاخ انور تحياتي
للحلم أوقات وللجهل مثلها لكن أوقاتي للحلم أقرب.
|
Post: #12
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: osman righeem
Date: 06-17-2009, 10:08 AM
Parent: #10
بوست جدا غير موفق
كيفك عمر و سلامات
مرات بترجعلك حاجاتك الزمان
يعني في أمل
اللحظة فتحت التلفزيون لقيت لك
القيقم يجعر في كجيلة شرق
و المشير منهمك
وحت
وحت
وحت
|
Post: #14
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 10:26 AM
Parent: #12
Quote: كيفك عمر و سلامات
مرات بترجعلك حاجاتك الزمان
يعني في أمل
|
عثمان رغيم تحياتي (ياشقيق)
القرقور قال لي امو ما تقطعي الامل فيني حتى وانا مودني على الصاج ............
|
Post: #16
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: الصادق عوض
Date: 06-17-2009, 10:29 AM
Parent: #12
جنابو عمر ....
هسي البوست بتاعك دا ذاتو ينضح بشيء مش ولا بد ....
هاديك ليها تيسير هناك ..أمشي عليها دوغري ...قليب دفاتر القانون و مواد الجريمة و الحبال دي مافي ليها داعي ....
إنتشر في واحد من البوستات الاتفتحت الليلة دي ....
تيسير دي صالبانها في أكتر من بوست ....
غايتو يا جنابو لو ما عارفك جديد هنا ...كان قلتا جنابو دا برضو عندو مسنجرات خايف عليها :)
تعظيم سلام لاخونا عمر
|
Post: #17
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 10:44 AM
Parent: #16
Quote: غايتو يا جنابو لو ما عارفك جديد هنا ...كان قلتا جنابو دا برضو عندو مسنجرات خايف عليها :)
|
ياالصادق يا اخوي اخوك بوليس قديم ما تخاف عليهو زمان علمونا في البوليس قالو الناس بتمشي والورق بقعد
اها باقي ليك بعد ده بنبقي ناس مسنجرات ...............
|
Post: #15
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: أحمد الشايقي
Date: 06-17-2009, 10:28 AM
Parent: #10
ســوء القصـد ؟؟؟
فقط سوء القصـد ؟؟؟
يا عم عمـر سوء الفعـل نفسه حاصـل والناس تقدل بيهو أنت داير تجي تتكلم في سوء القصـد بـس ؟؟؟
يا عـم عمر لو بتتذكر القانون الجنائي لا يعاقب على القصـد (الركن المعنوي)
لكنه يعاقب لو توافر الركنين (المادي والمعنوي) وارتبطا بعلاقة سببية ...
من قال لك يا عمر عثمان أن الاحتفاظ بالملفات سوء قصـد ؟؟؟؟
ياخوي في ناس وظيفتها نسخ وحفظ ورصد وحصر أنفاس الذين يكتبون في الإنترنت وتخريب بوستاتهم وإذهالهم عنها وشغلهم بمعارك جانبية أو فتح مواضيع انصرافية وقت الزنقة وتهكير كل ذلك لو لزم الأمر كما يحدث في كل مرة وأخرى
إذن فالاحتفاظ بالملفات هو من قبيل الاحتياط اللازم والواجب لمن يريد الحفاظ على (سمعته وكرامته) ويريد إثبات شئ أو نفي آخر مع هذا الكم المتزايد من الكتاب عديمي الحياء الذين يدينون بديانة (كلام الليل يمحوه النهار)
فليحفظك الله يا عمر عثمان
أحمد الشايقي
|
Post: #18
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: GamarBoBa
Date: 06-17-2009, 10:45 AM
Parent: #15
يا سعادتك
| Quote: وإعادة نشرها واستغلالها كمستندات اتهام في معارك تدور في المنبر. |
سؤال جدا بسيط...انتو كقانونين وشرطة وكدة
هل صورة من مسنجر ممكت تكون مستند اتهام؟؟؟
قول لي ايوا عشان اواصل معاك
قول لي لأ عشان اقتنع زيادة انو المواضيع المدورة دي فشنك ساي
|
Post: #21
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 11:05 AM
Parent: #18
Quote: سؤال جدا بسيط...انتو كقانونين وشرطة وكدة
هل صورة من مسنجر ممكت تكون مستند اتهام؟؟؟
قول لي ايوا عشان اواصل معاك
قول لي لأ عشان اقتنع زيادة انو المواضيع المدورة دي فشنك ساي |
اخونا قمر بوبا تحياتي
طبعا اخوانا احمد الشايقي اكثرة قدرة مني على الافتاء في هذا الموضوع لكن بصفة عامة المستندات تنقسم الى رسمية وغير
رسمية وهناك باب واسع دائماً للطعن في المستند بالتزوير وعلى حد خبرتي الصورة غير مقبولة في غياب الاصل طبعا ده بخلاف
ان موضوع اثبات الجرائم الالكترونية موضوع شديد التعقيد ويحتاج الى تطوير قوانين الاثبات ومشروعية ومقبولية مثل هذه الادلة
وهناك بالطبع علم قانوني جديد في هذا المجال.
و ياريت نشوف مداخلة قانونية من الاخ احمد الشايقي او احد الاخوة القانونيين خصوصا العاملين في الخارج تجيب على هذا السؤال.
|
Post: #19
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 10:54 AM
Parent: #15
الاخ احمد الشايقي
قصدت من ذكر التعريفات القانونية تقريب الفكرة للاعضاء من غير القانونين وانت بالطبع لست منهم لكني لست بصدد تجريم
احد على الاحتفاظ لكن كما قلت في ردي على الاخ حيدر الزين اذا كان القصد من الاحتفاظ اليوم الاسود فمن الاحسن ان تقطع
علاقتك بهذا الشخص خصوصا في موضوع الماسنجر لانه امر شديد الخصوصية والقرار فيه يرجع لصاحبه فقط قد يكون الاحتفاظ بالبوستات
ذو فائدة الى حد ما لانه على الاقل كلام اتكتب واصبح متاح للجميع لكن مايكتب في الماسنجر شأن خاص لايجوز نشره او الاحتفاظ به
لاغراض اخري بخلاف الذكريات الحلوة فقط. وسوء الفعل الحصل وسوء القصد القاعد يحصل برجعنا لعنوان البوست ان جل الكلام الذي
يدور عن الاخوة والمحبة هو محض مظاهر ليس الا.
|
Post: #20
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: الرفاعي عبدالعاطي حجر
Date: 06-17-2009, 11:02 AM
Parent: #19
نعم
ولكن المدخل حمال اوجه فبعض ما يحتفظ به الزملاء يمكن ان يصب في اتجاه التوثيق
لكن ان تحتفظ بماسنجر لتأتي تحاسب به شخص بأثر رجعي فذلك تبييت نية السوء وهنا
تكمن الخطورة فيجب ان نكون واضحين والماسنجر ليس لهذه الاغراض وسوء التعامل معها
يفسد روعة التاوصل بين الناس وعليه يترتب مفهوم جديد يعني لو سالت شخص عن انه هو
صاحب الاسم او شبيه فيمكن ان يُفسر عند البعض من اصحاب النفوس الخربة سوء نية ومن الان
يأتي بند جديد وهو الحذر عموما سعادة الاخ عمر لا اتفق على اطلاقك للمعنى ولكن يوجد من
يحتاط بسوء قصد ويوجد من يجب ان توثق له مثل الذين يتهربون مما يكتبونه وبعض ما يحتاج
الى تثبيت وتقصي فما من مجتمع بشري فاضل مطلقاً او مدان مطلقا بالسوء .
تقديري.
................................................................................حجر.
|
Post: #22
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: haroon diyab
Date: 06-17-2009, 11:10 AM
Parent: #20
عمر
سلامات
Quote: شخصياً ارجح فرضية سوء القصد واذا حاولنا التخفيف من درجة سوء القصد يمكن القول بانهم يفعلون ذلك من باب
الاحتياط لليوم الاسود ......... وبالتالي خرج الامر عن اطار حسن النية وتكون النتيجة في النهاية عدم احساس
بالامان وان قضايا الاخوة والمحبة ........ |
انا زاااااااااتي برجحوا معاكـ
سوء قصد
الاحتياط لليوم الاسود
سوء نية
عدم ثقة في الاخر
والاهم...
الظاهر العرفة الاسفيرية
دي الناس بتخاف منها شدييييييييييد
|
Post: #25
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 11:58 AM
Parent: #22
Quote: الظاهر العرفة الاسفيرية
دي الناس بتخاف منها شدييييييييييد |
الاخ هارون تحياتي
كلام سليم 100% وقد تكون بعض التجارب المريرة هي السبب في ذلك.
|
Post: #23
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 11:12 AM
Parent: #20
Quote: لكن ان تحتفظ بماسنجر لتأتي تحاسب به شخص بأثر رجعي فذلك تبييت نية السوء وهنا
تكمن الخطورة فيجب ان نكون واضحين والماسنجر ليس لهذه الاغراض وسوء التعامل معها
يفسد روعة التاوصل بين الناس
................................................................................ÍÌÑ. |
كلام سليم ياحجر
|
Post: #24
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: AnwarKing
Date: 06-17-2009, 11:52 AM
Parent: #23
| Quote: ياخوي في ناس وظيفتها نسخ وحفظ ورصد وحصر أنفاس الذين يكتبون في الإنترنت وتخريب بوستاتهم وإذهالهم عنها وشغلهم بمعارك جانبية أو فتح مواضيع انصرافية وقت الزنقة وتهكير كل ذلك لو لزم الأمر كما يحدث في كل مرة وأخرى |
شكراً يا استاذي أحمد الشايقي...
هذا بالضبط ما قصدته...
ياخي آخر مرة أتهكر الموقع ده هكرة كبيرة، لقيت لي كوز -عضو هنا- حايم
بالرسائل الخاصة بتاعة أختنا تراجي مصطفى في منتديات تانية...
أها يكون مصدرو منو للرسائل دي؟
بكري أبوبكر ولا الهكر؟
تحياتي مجدداً يا عمر...
|
Post: #26
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: حامد محمد حامد
Date: 06-17-2009, 12:32 PM
Parent: #24
| Quote: وبتبقي العلاقات ما على موية بيضاء زي ما بقولوا |
قليل منها تلك
يا جنابو الناس هنا على الهبشة ونسال الله السلامة
انا متاكد انه فى ناس حتعمل( حذر) فى التواصل بالمسنجر
وفى النهاية هى معظمها علاقة اسفيرية هشة
تخريمة
حيدر الزين الا توافقنى ان جنابو لما مزاجه يكون رايق بغير صورة البروفايل
|
Post: #27
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: omer osman
Date: 06-17-2009, 12:54 PM
Parent: #26
Quote: تخريمة
حيدر الزين الا توافقنى ان جنابو لما مزاجه يكون رايق بغير صورة البروفايل |
شكرا ياحامد
طبعا الفي الصورة ده بروق مزاج الصفوة ويعكر مزاج الهلالاب ........
اما ناس حيدر ديل غايتو محل مايقبلو مزاجهم معكر ........ بي جاي السعودي .. وبهناك نافع.
|
Post: #28
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: سارة كرودى
Date: 06-17-2009, 01:37 PM
Parent: #27
تحياتى ..
|
Post: #29
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: Muna Khugali
Date: 06-17-2009, 01:58 PM
Parent: #28
| Quote: برغم كل مظاهر الاخوة والمحبة ؟! ... المنبر ينضح بسوء القصد !!!!! |
ربنا يصلح النفوس!
| Quote: لكنه طيب بالجد وزول انساني وبحترمه جدا رغم المناكفات.. |
كلام صحيح وأضيف عليها برضه رغم لونه الرياضي..
|
Post: #30
Title: Re: برغم كل مظاهر الاخوة والمحبة ؟! ... المنبر ينضح بسوء القصد !!!!!
Author: Mohamed Elbashir
Date: 06-17-2009, 03:36 PM
Parent: #29
| Quote: برغم كل مظاهر الاخوة والمحبة ؟! ... المنبر ينضح بسوء القصد !!!!! |
و أحيانا قصد السوء
امين
تحياتى
محمد على
|
|