Post: #1 Title: ناموسة في أضان فيل ... Author: omer osman Date: 02-08-2009, 07:40 AM
او هكذا قال .......
Post: #2 Title: Re: ناموسة في أضان فيل ... Author: omer osman Date: 02-08-2009, 07:52 AM Parent: #1
(1) السودان ليس طرفاُ في الاتفاقية التي أنشات المحكمة الجنائية الدولية (ميثاق روما).
(2) المحكمة الجنائية الدولية ليست واحدة من أجهزة الامم المتحدة.
(3) قرار الدولة عدم التعامل مع المحكمة الجنائية الدولية.
(4) وكما قال رئيس السودان المحكمة الجنائية (ناموسة في أذن فيل).
Post: #3 Title: Re: ناموسة في أضان فيل ... Author: ادريس خليفة علم الهدي Date: 02-08-2009, 07:54 AM Parent: #2
طيب وقت هي ناموسة في أضان فيل .. الجقلبة ليهو لزوما شنو ؟؟؟
Post: #4 Title: Re: ناموسة في أضان فيل ... Author: omer osman Date: 02-08-2009, 08:01 AM Parent: #3
Quote: طيب وقت هي ناموسة في أضان فيل .. الجقلبة ليهو لزوما شنو ؟؟؟
عليك الله المجقلب منو ؟؟
الجقلبة الشايفه انا كلام ناس قالو صدر لا ماصدر بصدر اليوم لا بصدر يوم 17 لا صدر لكن القاضي في
عطلة ......الخ
Post: #5 Title: Re: ناموسة في أضان فيل ... Author: omer osman Date: 02-08-2009, 08:04 AM Parent: #4
Post: #6 Title: Re: ناموسة في أضان فيل ... Author: ادريس خليفة علم الهدي Date: 02-08-2009, 08:11 AM Parent: #5
Quote: عليك الله المجقلب منو ؟؟
وحات سيدي الحسن المجقلب زولك المحل ما مشي دقوا ليهو دلوكة .. اها بعد ما يرقص (ودي ما غريبة) يقوم يجيب سيرة اللي ما يتسماش . مرة ود الكلب .ومرة الكلب .. الخ
تخريمة: يا الحبيب الاغنية الاخترتها دي ما موفقة لانو فيها شيئ من عنصرية كان الاولي ان تختار (وطن الجدود)
Post: #7 Title: Re: ناموسة في أضان فيل ... Author: omer osman Date: 02-08-2009, 08:16 AM Parent: #6
Quote: يا الحبيب الاغنية الاخترتها دي ما موفقة لانو فيها شيئ من عنصرية)
الاخ ادريس عنصرية شنو ؟؟؟ والعنصرية الفيها دي ماظهرت الا اسع والا شنو ؟؟ كفاية ابتزاز بأسم
التهميش والعنصرية وجنس الكلام ده هو الجاب للسودان المهانة وخلي صفيق زي اوكامبو يبتز السودان
Post: #8 Title: Re: ناموسة في أضان فيل ... Author: ادريس خليفة علم الهدي Date: 02-08-2009, 08:19 AM Parent: #7
Quote: الاخ ادريس عنصرية شنو ؟؟؟
أعد سماعها مرة أخري وانت تعرف العنصرية وين ... ركز يا الحبيب ... سمح
Post: #9 Title: Re: ناموسة في أضان فيل ... Author: omer osman Date: 02-08-2009, 08:37 AM Parent: #8
Quote: أعد سماعها مرة أخري وانت تعرف العنصرية وين ... ركز يا الحبيب ... سمح
الاخ ادريس سمعتها مليون مرة وعارف انت قاصد شنو وياتو مقطع بس رأي انو ده فتيش مشاكل وابتزاز
واكاد اجزم بأن الشاعر لم يقصد إعلاء شأن عنصر على اخر لكن زي ماقالوا المغني يغني وكل زول على
هواه.
ياخي في ناس عندهم رأي حتى في نحن جند الله جند الوطن .......
Post: #10 Title: Re: ناموسة في أضان فيل ... Author: ادريس خليفة علم الهدي Date: 02-08-2009, 08:59 AM Parent: #9
Quote: ناموسة
انتو رئيس السجم دا ما قاعد يقرأ قرآن ولا شنو ؟؟؟؟
Post: #11 Title: Re: ناموسة في أضان فيل ... Author: omer osman Date: 02-09-2009, 07:17 AM Parent: #10
Quote: انتو رئيس السجم دا ما قاعد يقرأ قرآن ولا شنو ؟؟؟؟
الاخ ادريس افصح اكثر ؟؟
اما اذا كنت تقصد ربط المقولة (ناموسة في أضان فيل) بقصة الملك النمرود التى وردت في القرآن
الكريم (سورة البقرة) فهذا ربط بعيد والرئيس على حد علمي لايمكن ان تفوت عليه قصة النمرود.
Post: #12 Title: Re: ناموسة في أضان فيل ... Author: omer osman Date: 02-09-2009, 07:20 AM Parent: #11
عجبي للذين يفرحون "بقرب صدور أمر قبض بحق رئيس السودان"
