انجضو شوية وخلو المياتة البتسو فيها دي ..........

انجضو شوية وخلو المياتة البتسو فيها دي يامعارضي وكراهي السودان بلا اوكامبو بلا عبدالرحمن الراشد بلا زفت

حريقة فيهم كلهم يطلع منو اوكامبو والا الصفيق عبدالرحمن الراشد عشان نهلل ليهم ونكبر كلام يطمم البطن انتو

ما سودانيين والا شنو ؟؟؟؟؟

براحة يامان

في النهاية لايصح الا الصحيح

Quote: براحة يامان في النهاية لايصح الا الصحيح

الاخ حيدر تحياتي


براحة بي وين ياحيدر ؟ هو فضل فيها براحة دي حاجة تفور الدم.


بالمناسبة قريبك وين ؟ عامل لبتون مالو قول ليهو عاوزين نسمع صوتك.

من زمان ومن قبل صدور القرار فتحت بوست هنا وقلت فيهو الجنائية شمار في مرقة.

وتاني فتحت بوست بعنوان رئيس السودان الحوت مابهددوه بالغرق

وبوست اخر بعنوان رئيس السودان يسافر عادي قشة ماتعتر ليهو

وبوستات كثيرة من غيري من محبي السودان علها تعيدكم الى رشدكم

وتبث فيكم ولو القليل من الغيرة والاحترام للسودان ورمزه لكن

اسمعت اذ ناديت حيا لكن لاحياة لمن تنادي ....

او كما قال التعلمجي للطالب في كلية الشرطة


"انت ياطالب قلبك ده فيهو تلج"

Quote: انجضو شوية وخلو المياتة البتسو فيها دي

على مهلك .. ما يطق ليك عرق بس

عالم زعولجية بشكل .......

Quote: على مهلك .. ما يطق ليك عرق بس

الاخ حيدر ... مرة تاني ... الاخ حيدر تحياتي

التكرار ده لزوم تشحيم البلالي وكده ..........

بالطريقة دي وارد يطق لي عرق حاجة تغيظ وتفور الدم والله مرات بقرب اخش جوه الكمبيوتر انط للزول

في رقبتو.

بعض التعليقات من موقع الجزيرة نت

ابو احمد رامي
الاردن
ارجوا من السلطات القطريه الشريفه تامين حمايه الرئيس عمر البشير وذلك بارجاعه الى بلاده بعد القمه بطائره قطريه قطريه قطريه وذلك لاحتماليه الهجوم عليه من قبل اعدائه الرجاء خلوّا يبقى في هذه الامه من يقال له انه زعيم حقيقي ويفتخر به صدام راح رحمه الله ابو عمار راح رحمه الله وكل شريف راح ياريت يظهر شرفاء وشكرا


هشام الكاشف سودان
امدرمان
مشاركة البشير قويه فيها ثبات على المواقف ضد الاستعمار الجديد


Ahmed Elsidig mohmed
الخرطوم
الله أكبر الله أكبر ولانامة أعين الجبناء سير ياالبشير وعين الله ترعاك وكلنا فداء للوطن وحسبنا الله ونعم الوكيل



الشيخ عربي إسماعيل
Sudan
مبروك يا البشير يا بطل وأنت تصل الدوحة رغم أنف أوكامبو ومن يقف وراء هذه المؤامرة وذلك يثبت أنك لا تخاف في الحق لومة لائم ونحن في انتظار ما تسفر عنه هذه القمة رغم أننا لا نتفاءل بهذه القمة لأن سابقاتها تغنينا عن أن نتفاءل إيجاباً. وعن عدم حضور رئيس مصر للقمة فهذا يعنى أنه لا يريد المصالحة مع الدول العربية التي بينه وبينها علاقات فاترة نرجو من الرئيس حسني استدراك الأمر لأن في الاتحاد قوة.

حَكِّم سُيوفَكَ فـي رِقـابِ العُـذَّلِ وَإِذا نَزَلـتَ بِـدارِ ذُلٍّ فَـاِرحَـلِ

وَإِذا بُليـتَ بِظالِـمٍ كُـن ظالِمـاً وَإِذا لَقيتَ ذَوي الجَهالَةِ فَاِجهَلـي

وَإِذا الجَبانُ نَهاكَ يَـومَ كَريهَـةٍ خَوفاً عَلَيكَ مِنَ اِزدِحامِ الجَحفَـلِ

فَاِعصِ مَقالَتَـهُ وَلا تَحفِـل بِهـا وَاِقدِم إِذا حَقَّ اللِقـا فـي الأَوَّلِ

وَاِختَر لِنَفسِكَ مَنزِلاً تَعلـو بِـهِأَ و مُت كَريماً تَحتَ ظُلِّ القَسطَـلِ

فَالمَوتُ لا يُنجيـكَ مِـن آفاتِـهِ حِصـنٌ وَلَـو شَيَّدتَـهُ بِالجَنـدَلِ

مَوتُ الفَتى في عِزَّةٍ خَيـرٌ لَـهُ مِن أَن يَبيتَ أَسيرَ طَرفٍ أَكحَـلِ

Quote: انتو ما سودانيين والا شنو ؟؟؟؟؟

سؤالك غريب يا عمر !!

إنت ما عارف الجماعة ديل ما سودانيين ؟

ديل جدعوا جنسياتم وشرطوا جوازاتم ومشوا يتبكوا زى النسوان ..

كتلونا ودقونا وجلدونا وإغتصبونا ..

وعملوا لينا شنو كده ما عارف بالزردية والمفك !!

لغاية ما أدوهم اللجوء !

تانى ما تسأل سؤال زى ده !

الاخ صلاح ابودية تحياتي

اذا عرف السبب بطل العجب لكن فليدعو رئيس السودان لاهل السودان

لاشأن لهم بسفره او عودته ........



تحياتي للنجوم الصغار ..............

Quote: بالمناسبة قريبك وين ؟ عامل لبتون مالو قول ليهو عاوزين نسمع صوتك.

والله ياجنابو الزول ده لازم تعملوا ليهو كركون

حانكلم سيد الحوش بسحب الباسويرد

ويديهو لمناضل يفق وحيدا خارج السور

الاخ عمر عثمان
تحياتي

ياخ براحة علي الجماعة
الفيهم مكفيهم

ابوعمير
الجماعه راسهم شطب لمن شافوا قدلة البشير في الدوحه
مامتخيلين إنو في زول في العالم عندو رجاله قدر دي
عارف ليه
لأنهم جبناء
وعملاء

الاخ محمد فرح

تحياتي ... يااخي دي عالم وهم عايشة في عالم وهمي من الامال الوهمية

وخداع النفس وتبقي الحقيقة ان هناك بلد اسمه السودان ذو سيادة وله

رئيس شرعي معترف به من كل العالم قرر ان يتحدي الصلف العالمي ويرسي

ادب جديد للشعوب المستضعفة.

الاخ عمر صديق

تحياتي ... بعد ده الكيمان اتفرزت وتاني براحة مافي

ويقعدوا يباروا البشير ده لو ماطقعو في الشوارع اضحك علي.

مقال البوني - نقلا عن الراي العام
قلنا في آخر تحليل سياسي نشر لنا في هذا المكان يوم السبت الأول من أمس إن هناك ثلاثة عوامل يمكن لاي منها ان يخرج القمة العربية رقم (21) المنعقدة في قطر اليوم من اطار إدمان الفشل القممي، وهو حدوث مصالحة عربية، او ظهور وحدة فلسطينية صلبة، او حضورالفريق البشير، والآن قد تأكد حدوث هذا العامل الاخير بوصول البشير للدوحة عصر امس ولعل صحة ما ذهبنا اليه قد وضح فمحمد الكبير الكتبي موفد قناة الجزيرة لمطار الدوحة قال في تغطيته للحظة ظهور البشير في الدوحة إن كل الصحفيين صفقوا لمقدمه وهذا بالطبع لم يحدث لرئيس غيره مذيعة الجزيرة من داخل الاستديو تهللت أساريرها الجميلة وقالت بعد الكتبي: إن البشير هو نجم القمة. اما الصحفي والمحلل السياسي عبد الوهاب بدرخان فقد قال في ذات الاستديو (الان أصبح للقمة حدثها). وانا أكتب هذا المقال بلغني من الصديق أحمد المصطفى ابراهيم الذي كان على النت مع صديقنا عادل الباز الذي ابلغه قائلا(على الطلاق الدوحة كلها تصفق).
الذين يدركون الابعاد النفسية في السياسة السودانية موقنون أن السيد رئيس الجمهورية سوف يذهب للدوحة، اللهم الا اذا كان هناك اعتذار من جانبها. وبما ان السيد حمد بن جاسم رئيس الوزراء القطري قد جاء خصيصا لدعوة البشير ولم يكتف بدعوة وزير الدولة للخارجية التي عممت على كل الرؤساء فهذا يعني ان الكرة اصبحت في ملعب السودان ولانستبعد ان تكون هناك نصائح للبشير من بعض العرب بعدم الذهاب، ولكن منطلقها الخلافات العربية اكثر من اي شئ آخر كما ان الجدل الذي ثار داخل السودان حول ذهاب البشير من عدمه كله يصب في خانة دفع البشير للذهاب 0 ولكن القدح المعلى في هذا الامر يرجع «لاوكامبو» فهذا الرجل كان ينبغي بعد صدور قرار المحكمة في الرابع من هذا الشهر أن يشكم نفسه عن الكلام ولكن في ذات منصة القرار قال إن البشير لن يخرج من السودان وهو يعلم ان محكمته ليست لديها آليات تنفيذ قراراتها الا بعد الرجوع لمجلس الامن لقد استفز اوكامبو السودان وبهذا يكون هو الذي جنى على المحكمة
إن هذة القمة قمة السودان(كدا بدون لف او دوران) فالشئ الوحيد المجمع عليه عربيا هو دعم ومساندة السودان في مواجهة الجنائية الدولية وان قرار توقيف البشير مرفوض عربيا ولكن يبقي السؤال كيف يتحول الدعم العربي الى رصيد قابل للتدوال في سوق السياسة الدولية؟؟ في تحضيرات ذات القمة وعلى مستوى المناديب طرحت اقامة قمة عربية طارئة في الخرطوم لدعم البشير والسودان عندما تحول الامر الى المجلس الوزاري للقمة راى وزراء الخارجية ان يصدر قرار بتكثيف زيارات الرؤساء العرب للسودان بدلا من القمة ويبدو ان هذا الامر لم يرض علي كرتي ولكن تم اقناعه بان الامر سوف يرفع للرؤساء ليقرروا فيه، في تقديري الخاص ان الدعم الثنائي للسودان احسن وابرك الف مرة من دعم الجامعة العربية كمؤسسة للعمل العربي المشترك فالدول العربية فرادى يمكن ان تقدم للسودان الكثير اذا عرف السودان توظيف علاقاته معها وعلاقاتها مع الاخرين فالرهان على العرب فرادي خير من الرهان عليهم مجتمعين لاهتراء النظام الاقليمي العربي ويتواصل الحكي إن شاء الله.