شيري والجندرية وبت فاطنة وهوزي أمي قالت ليكم تجوا تعوسوا الحلومر معاها

بعد ما كترن القعاد في البورد قلت لازم نشوف حل للجماعة ديل
حل سريع يناضلن بيه مع المناضلين وشيري تسيب الهترشة
أمي قالت لازم البنات ديل يجن يعوسن معانا الحلومر اصلو رمضان قرب

تذكرت هذه الايام سيساقة النسوان في البلد وشغل الحلومر
الله يرحم زينب جارتنا ماتت بسرطان الفم
وأم الحسن برضو ماتت بسرطان
وواحدة ثانية نسيت اسمها
كان يتلموا في البيوت ويعوسوا ويعملوا منتدى لافضائي

واشوقي الى امي والبيت الكبير وناس الحلة لكن ما في اليد حيلة

عماد
قول لي امك هسي دي جاين
رغم اني ما بعرف اعوس الكسرة وقدر ما حاولت غلبتني
تماضر جابت لي قرقريبة من السودان واحاتك لا دخلت ولا مرقت
بعدين ابو ساندرا قال لي اعوس بي كرت الكوتشينة
لقيت الحكاية دايرة ليها واحدة حريفة هو انا بالقرقريبة ما عرفت ليها
لكن الحلو مرا بظبطو بس هي كتالتا تكون كبيرة عشان نقدر نمسك كويس ونكتل الطرقة نلحقها امات طه
بس اتخيل لي شيري دي الا تسوي لينا الشاي بس
لوووووول
ربنا يجمع شمل الجميع يا عماد
ويحفظ ليك الوالدة

الحلا لي بكري مشكلة السيرفر والبورد يحل لي مشكلة ورقة الكربون دي

ياعماد
عليك الله كلم لى الحاجة الوالدة تعزمنى اعوس معاهن يمكن اقدر اتعل عواستو
الشى دا غلبنى تب بعرف اعوس الكسرة وحريف جدا فيها لى درجة انى بعوسها فى الطوة لكيين الحلومر دا ابى يركب فى مخى كلو كلو وقدر مالمرحومة امى واخواتى البنات حاولو يعلمونى غلبنى كلو كلو
وسلم لى علبها يدييها ليك طولة العمر وراحة البال وشيلة جنا جنا الجنا
منعم الجزولى

سلامات
ياعمدة والله دا ابري دا
لكن علي قول الجندرية شيري تسوي الشاي وهوزي تصفيهو وبت فاطنة تطعموا لانو الله يعلم يكونن بيعرفن العواسة والتفين في نص التكل
لكن اختي الجندرية دي بت رفاعة بتعوس يايابا عواسة السرور اسعلني انا
اها شفتا كيف
بعد مايختو الشاي تكبو بت فاطنة وفي نفس اللحظة وفجاءة تخش شيري في كتاب الهترشة لحدي الجماعة مايقولو شبعنننننننننننننننننا كفانا اها يجو يهضمو بعداك بي هوزي عاد يايما شفتو الدميعات والله عاد تبكي بس هوزي يايما جاهلة وسغيرة لكن الحزن رابط في زريبتم
وتجي بت فاطنة تخش ليهم بالباقي وتتم الجوقة الاصلية ....ياعمدة ناس شيري وهوزي وبت فاطنة مابقدرن علي العواسة ونار التكل ديل ناس البتوجاز والفرن الكهربائي
اسمعن ماتزعلن
انشاء تبرا وتستبرا
اها قلت رمضان قرب
والله ياعمدة نحن في رفاعة طقوس الابريي دي كتاب قايم بي ذاتو لانو كل حلة بتلق فيها برنامج قائم بي ذاتو اها نسوان الفريق يتلمن في البيت الاول يعوسن الابري بتاع الاولي ويتقلقلوا للبيت التاني وهكذا بالله شفتا التآلف دا كيف
اكيد
نحن سجلنا التالف
وطبعا كل بيوتات الفريق بيوتنا تخش تضوق الابري قبل سيد البيت وملاح الروب والويكاب ياشير دي مصطلحات بتوريك ليها صاحبة الجندر كويس
غايتو ياعمدة جهجهتنا الف والله
طريتنا الحلة وعيال الحلة رجال الحلة بنوت الحلة وكلاب الحلة وكل شجرة ضل من ديم لطفي لي ديم العوض ومن الجناين لي الحلة الجديدة غايتو شكيت محنك
يسلم الابري ويتكركر الفقر الحمان حضورو

انا قاعدة حارسة
البت الدخلت السجن مع امها
عاوزا اشوف
الحياة بتكون كيف لما تطلع تاني

وانت ترجع تتجدع
لووووووووول

قال حلو مر

وهو في حلومر غير البورد ده زاتو
وقاعدين نعوس فيه اليوم كله ماكفاية؟؟؟؟؟
!!!!!!!!!!!!!

الجندرية
تاريك كتالة كتلا
أم صاحبتك هوزي
دي والله صرصاراية ما بتقدر تكتلا

وبعدين يا هوزي
نحن سم الحلومر دا زاتو عندنا فيهو رأي
وذي ما قال ليك ود رفاعة ودرملية دا
إسمو الآبري الأحمر والأبيض
وده ياهو البتسموهو عصير التشوز
(TISSUES)

ويا عمدة يا أخوي
إنت مالك عايز والدتك تتعبها زيادة
أخير ليها البنيات ديل يقعدن بعيد وما يجن بجنب التكل
وبالمناسبة يا هوزي اسألي الجندرية من التكل دا يطلع شنو

بالغت ياعمدة هسع هوزي وشيري ديل بقدرن على شيل الكنش الكبير دا

سلام مربع

يعني عليكم الله ياجماعة
كوني انقع طرقاته في جردل
باااااارد في الثلاجة
واجي اقوم اصفيهو
واطعموا
موش كفاية

مالنا وعواستو
على فكره يا ود رمليه
انا في اجازة سعيدة حضرتها في السودان
وانا موش صغيره ولا كبيره عويره زي هسع كده
شفت ليك (ذره طالعه ليها صفقات صغيرة)..شنو ياشباب ورونا
انت بتزرعوا الذره في السراير ولا شنو؟
طبعا
اكيد وروني
وعرفت الحاصل شنو
وانو موش اسمها ذره قائمه
انما اسمها زريعه
بس للاسف لم انتظر حتى تتم (معالجتها)كمايقول اهل
االعلم (صناعيا) وتحولت بقدرة قادر
الى مشروب خفيف ولذيذ
لكن حظي التعيس لم اشهد هذه اللحطات
الا وكنت قد هريتكم هترشه بهذه الخبرة التي كنت سوف امتلكها
عشان كده انا بعرف بس
اصفي الابري ، واصوته واطعمه
واشربه
غير كده
الله يفتح

ولا يهمك يا عمدة بس حضر ليك كنشا تقيل عشان الكر ، وانشا الله تجيبو من فريق الحدبة الفي رفاعة وود رملية بوريك الدرب ، وكان ما ودرملية البت الجندرية بت الجودلية ، بتوصف ليك و وكان ما لقت في فريق الحدبة خليها التشوف نا س خالتي السرة في فريق البهلة ، كنشتن سوبر غليضة ووماكنة، والعجب المقاشيش ، وبالمرة حضري السفنجات عشان الكتل ، وكان ما عندكم سفنجات شيل سوق ام دفسو وجيب ليك شباشب تموت تخلي ، وصراحة يا شيري ما عايزين منك غير الشاي واللقيمات انشا الله ترميهن بالملعقة ، واها ودرملية دا لازم تعلمنو العواسة ، ما عواسة البورد ، الحلو مر ، اها والله ادينا الصبر لابري ام عماد عشان نشرب ابري احمر وابيض وحتى اخضر برؤية جندرية .

سلامات
عاد يابت فاطنة لو العواسة عليك اها رقدنا قفا
كيفن عاد مابت الحيشان التلاتة عزة ومهلا
والله رفاعة دي ناسا علم وفهم وطبيخ وتدبير منزلي انتي يابت فاطنة قايلة اهلنا هملونا هسي في زمتك مابتعوسي
حرم بتعوسي الابري الابيض والاحمر والكسري وطباخة نعم انو ماشفتك لكن بحلف غيابيا انو ماممكن زولة من رفاعة مابتعرف الفلكلور الراقي دا
بالله رايك شنو في فلكلور دي شديدة صاح
اها موش لو سكنتي الاردن زاتو والله لكن
شيري دي يابت فاطنة لو كانت بتعرف الحاجات دي اكان فقعت هترشاتنا زاتو لكن ربك رب الخير وهي هسي كدا مشلهتانا شلهتا شديدة
المهم طالما جيتي انتي حرم ياعمدة ابريي امك اتعاس قبل النعاس مازمنو يجي
ابشري انا اخووووووووووك يابت فاطنة