الشوايعــة الضــد مرشح حزبهــم ديــل ( احســن ترفعو البوست ) قبال الحسم الثورى وكــدا "

الحزب لديــه مرشـح ..


المرشح سكرتير الحزب الشيوعــى ..


العــم / نقــد زاتــو ..


يا دوبـــك البوســت ( زى القائم من النوم )


والحملــة التدشين يوم السبت ..


اليــت على نفســــى رصــد الشوايعــة الذيــن

لــم يساهمو فى رفــع البوســت ..

وبعد داك نشوف لينــا طريقة ننشر بيها كشف الممتنعين ..

انشاء فى جريدة الميدان ذات نفسهــا ..




_______

ولا نــامـــت اعيــن المتفلتيــن حزبيـــاً ..



*********

البوســت بــه ( 34 ) مداخلـــة فقط ..

العنوان Re: السبت تدشين حملة الحزب الشيوعي السوداني الأنتخابية بميدان العلمين

اخر مداخلـــة باســم العضو محمد هشام

عفـــوا الحساب فرق :


قلنــا ( 34 ) - 3 مداخلات لبدر الدين + ا لدينق = 30

قائمــة الشرف الحزبيــة ..


* زهير الزناتي

* محجوب حسن حماد

* عفاف ابوكشوه

* sultan

* غادة مكى محمد

* عاطف مكاوى ( الشيوعى القــح )

* Egbal Elmardi

* Elmoiz Abunura

* عبد الحكيم نصر

*محمد هشام

* طلال عفيفي

* نبيل عبد الرحيم

*ياسر شبيكة

* سليمان الرفاعي

* abubakr salih

* عوض محمد احمد

* خضر حسين خليل

ويــن قادة الرأى الديمقراطـــى ..


ويــن كبير الشوايعة فى المنبر ...

وين الدكتور كادر الديالكتيك ..

وين ناس امريكا ..

وين ناس استراليــا ..

وين ..

وين ..




_______

الليلــة الجمعة صبحــت حترفعو البوســت دى متيــن ( يوم القيامــة )

معقولــة ..


ولا حتــى طـلــب ليــه سيــد الحوش بكرى


برفــع البوســـت عالــى فوق السحاب ...




_______

يا ريس بالله عليــك لتكافــو الفرص شعلق ليهم البوســت حقهم دى فــوق

انشاء الله فى سوق الناقــة ..

ويــن ناس ( الحــق والعــدل )


المحاميين بتاعين الجبهة الديمقراطيــة ؟

د. بيــان ...سؤال


انت ما قلتــى من قبل يوجد بورداب اعضاء لجنة مركزية للحزب


ديل وينم ..

ولا كمــان ديــل عندهــم رأى فى المرشــح ؟

العضو/ة المحترم/ة ..


البوســت دى قفلوهو بالشمع الاحمــر ..

TOO LATE

Salwa Seyam

ازيك يابدر الدين
وين الحي بيك مشتاقين يارجل



بخصوص الأسئلة الفوق ممكن أستعين بي زميل ؟
لأنو شافك ما خاتي خيارات
ولا الاستعانة بالكمبيوتر




يابدر أنت زعلان مالك قدر ده
انت عايز نقد يفوز
وبعدين كبير الشوايعة المعانا في المنبر ده منو ؟


شوايعة علي وزن توانسة
شوايعة شوايعة ولا نموت
الاسلام قبل القوت


أها فتك بعافية

ازيــك يا عريــس ...


يمكنك الاستعانـة بالحزب ذات نفســـو ..

Quote: بخصوص الأسئلة الفوق ممكن أستعين بي زميل ؟

كبيركــم الذى بدوحــة العرب ( خايف يجئ شايل ليهو اورنيك مرضى )


عندكم شباب ظراف جدا ( مهججين فى الموردة مــع مرشح حزب تانـى )

وما مهببنو ليــه عم / نقــد ..

ماي فير
ماي فير

خضر ... هل تسمعني حول
محاولة عبيطة للاصطياد في الماء الصافي
و بغم نقاء الماء لا يرى بعضهم السمك
الو خضر هل تسمعني
حول

ماي فير
ماي فير


الترجمة
كيزان ... يشمون خطر ما بعد الانتخابات

ألو أمجد



علم وينفذ
حول

الاخ بدر الدين
تحياتي



عاوز ساعدم في قبر ابوهم؟



ياخ استراتيجيتم كما قال فاطمة احمد ابراهيم في الفيدية الشهير مع ناس الحركة


حسب الخطة الشيوعية

الصادق مابشمها

والميرغني ما بشمها



وحسب واقع السودانيين نقد لن يجد ريحها



اذن الرفيق عرمان هو البديل

موش بس ما رفعو البوست
عندهم مرشح تاني
شغالين ليه تلميع..
من زمان عارفة الشيوعية دي لناس قشرة بس وما اكثر
ومن تجي فيها مصالح ينقطرو في الحتة الفيها الصمغ

مرشح الحزب هو ياسر عرمان مايكرفون...


بعدين قيل انه عضو اللنة المركزية دكتور صدقي كبلو
لم يسجل اصلا للانتخابات بالتالي حرم نقد من صوت..

الموضوع كلو تربية حزبية وعي نقابي.
ودي ما عندهم..

Quote: الترجمة كيزان ... يشمون خطر ما بعد الانتخابات

أنا كنت قايل الخطورة ح تكون في الانتخابات نفسها وشمرنا ليها


كان كده





شبااااااااااااب
استرح

وين الدكتور كادر الديالكتيك ..


عارفــك يا كادر وحــلان فى الديالكتيك بتجـــى متلــب ..


بــس الفراش ( البوســت ) خــلاص قفــل ..


طــلـب بيــه قربــك المعروف للقيادة المركزيــة


بكل شرف حزبــى ترفــع القائمــة الفوق دى لامنجيــة

حزبــكم ( برضــو عشان رصــد الكوادر المتفلتــه )




_______

ممـــكــن تستعيــن بصديق زى العريس الفوق ..

فوق

عمــر ..اخوى ..


حبوبــة فاطنــة ( متعها الله بالصحــة )

كانت اكثر حبــا/ حياءا / غيرة على راكوبـــة الشوايعة دى


الشباب الجدد ديــل ولا خجلــة ( طالعين من مؤتمر الحزب فى بحرى

وطوالى جرى على المنبر لرفع بوستات المرشح التانــى للحزب التانـى


(( عشــان صورتكم الوردية ديــك .. اسحبو عمكم نقد اكراماً لسنــه ))

Quote: حسب الخطة الشيوعية الصادق مابشمها والميرغني ما بشمها وحسب واقع السودانيين نقد لن يجد ريحها اذن الرفيق عرمان هو البديل

ابراهيم النعمــة ..

الشفيع ..

هبانــى ..


انتــو ما بتقومو الا ( دفــرة )

TOO LATE

شمعنــا البوســـت ( التقرير امنجية الحزب رفعــوهو ...)هههههههها

د. نجاة ( ليك كل السمــح وانت تزينين هذا الشــرك .. اقصد ( البوست )

الشوايعة ديــل بقو برجوزاية ولا شنو ..

وين الكادحين والعمال و....

صمغ الحركة الشعبية راقــد ( كعكول كعكول ) ..

Quote: عندهم مرشح تاني شغالين ليه تلميع.. من زمان عارفة الشيوعية دي لناس قشرة بس وما اكثر ومن تجي فيها مصالح ينقطرو في الحتة الفيها الصمغ

خسارة عمرك الضيعتو ساكــت يا عم نقــد ( مع عقوق الابناء ديل )

Quote: مرشح الحزب هو ياسر عرمان مايكرفون...

لا لا لا يا دكتورة دى موضوع بوســت عديل كــدى ..

ويصـلح لمشروع دراســة بحثية فى العلوم السياسية بعنوان

الوعــى الانتخابــى فى قيادات الاحزاب السودانية ( الحزب الشيوعى نموذجاً )

والباحــث / طوالـــى الاستاذه ميادة كمــال ..

ميادة عندك اسبوع ( دون الاستعانة بسودانيزاونلاين كمرجع معلومات ..

Quote: بعدين قيل انه عضو اللنة المركزية دكتور صدقي كبلو لم يسجل اصلا للانتخابات بالتالي حرم نقد من صوت..

الشفيــع اخــوى ..

نحـــن اصــلاً مرتاحيــن ..

Quote: شبااااااااااااب استرح

معاوية عوض الكريم

يا ( قــانون )

الليلة قالو في غــزوة ذات الانياب الى المتفلتين فى قندهــار

جاهــز موية ونور ولا يممت وجهك شطر البوادى والامهات ..

Quote: معاوية عوض الكريم

Quote: انشاء فى جريدة الميدان ذات نفسهــا

اسهل شئ..نحن حزب لا يوزع البندول لعضويتة

يا ود نيالا ..


كــدى امشــى ارمــى ليــك طوبــة فى البوســت الاحتفالــى حــق تدشين نقد


وبعد داك خــش هنــا ..


Re: يا كيزان المنبر وأذنابهم ...أرفعوا أياديكم....فأنتم...لي (نقد)....ولن تكون

حيــن يكتــب ابو بكر صالــح مــن اللاوعـــى مباشرة الى المنبر


انتو حزبكم دى ما فيهو امنجيــة ..

Quote: لماذا يدعم الشيوعيين عرمان؟ 1- لانه مرشّح المهمشين الذين اٍستبعدوا من الثروة و السلطة فى السودان لسنوات طويلة و متطاولة. الانحياز لجانب مرشّح المهمشين تمييز اٍيجابى لصالح تأمين الوحدة الوطنية. 2‫-‬ مساندة مرشح تعتمد على حسابات عملية لامكانية فوزه فى السباق الانتخابى. اذا سعى الحزب الى ترشيح شخص من بين افراده فان فرصة فوزه بالتاكيد ضعيفة فى ظل تعقيدات الواقع السياسى السودانى الحالية، اذ اختلط حابل السياسى بنابل العرقى و الدينى و الجهوى، هذا الاضافة لمحدودية الامكانيات المادية للحزب الشيوعيين. 3‫-‬ اذا يمكن دعم مرشح رئاسى قريب فى أهدافه لنا و الاحتفاظ بحق المنافسة فى مستوى البرلمان و الولايات. عرمان ويييي

: ميزانيات كبيرة مرصودة لامنجية المنابر وبنود صرف خرافيه.
خدمات انترنت مجانية علي مدار ال 24 ساعة

الامنجيه لن يبدو اطلاقا كمناصرين بشكل واضح للمؤتمر الوطني
بل ممكن عادي يبتكروا وسائل مختلفه,ان يسوقوا انفسهم كناس

بتوع مزيكا ومزاج الخ الخ

او ناس ونسات عاديه او بيتوع شمارات و ...المهم يصرفوا الناس عن المواضيع الجاده
و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست

Dear Badr

As an independent, you gave me an honor I don't deserve, the honor of being a member in SCP. I wonder what is your motivation, and intention to identify the members of SCP and to list people who are not memebrs of SCP to your list?. Do I share the ideas of working to achieve lastings peace in Sudan, democracy, sustainable development, secularism with SCP ( SCP doesn't use the term, but I use it)and respect for human rights in Sudan?
Yes. and will definitly support the candidate who stands for my ideas from SCP, or Umma party, or othe and patriotic factions.

Regards

الاخ المعز ... ليــك كل العتبــى حتى ترضــئ ...

... لــم امــل اى معايير لتحديد من هو الشيوعــى ..

... البوسـت فى اطار تشجيع الانتماء الحزبــى ..

... اذا كنــت عضو فى الحزب الشيوعى تأكد ان ذلك خيار كنت انا ساقبلــه ...

ود / ود / ود

Quote: As an independent, you gave me an honor I don't deserve, the honor of being a member in SCP.

يا ناس قلنــا البوســــت قفلوهــو ..

كم زول كدى رافعين البوســـت ( ما بينفع شمع التداخل



________

حتى مع حضور الام الكريمة .. سعاد ...( اللهم متعها بالصحة والعافية )

وكمــان مطنشين الزميــل عاطف مكاوى ...


ماليهم حــق ..

Quote: وبرضو............ مطنشانا !!!!!!!!!!!!

بالدفـــرة / باللــزة جاءكم خضر حسين


وانتشلكم مــن غفــوتكــم المنبــريــة


بوســـت تقعيـــل الولاء الحــزبــى جاب تعبــو ..

يا بدري
الموضوع كلوهمة وعي نقابي وحزبي

ودي منعدمة فيهم تب
مثلا انتو الكيزان بتجو من كل فج عميق لتسجيل بعداك كلكم بتصوتو

النفسا تجيبوها والحابسة والعيان والعندو عملية واحيانا الميت

المسعلة كلها همة وتربية حزبية
زول شغال نباذ باسم الحزب الشيوعي يمشي يدعم مرشح لحزب تاني دي
تفسرها كيف؟

Quote: المسعلة كلها همة وتربية حزبية زول شغال نباذ باسم الحزب الشيوعي يمشي يدعم مرشح لحزب تاني دي تفسرها كيف؟

يادكتورة
تحياتي



تفسيرها اذا قنعت من حزبك وخيرا فيهو


شوف البديل المناسب

نحن لسنا شوايعه.
نحن شيوعيين منظمين ملتزمين في صفوف حزبنا الشيوعي السوداني.
نحن أبناء وبنات حزبنا في الضراء قبل السراء.
وإن كانت تعصف بحزبنا الأنواء، فنحن ناسه والملتزمين بجمال أحلامه
وقوة مطلبه.
تعلمنا في مدارسه منهاجنا التنظيمية، وعاشت على مآثرة الطيبة
أفئدتنا يازول.
نفخر به فخر اللذين يا زول. نفخر بقوة شكيمة زملائنا السابقين
والحاضرين، وإن إختلفنا معهم فكرياً. فهم أبناء الحياة التمام.

وأدراجنا في قائمة شرف مسألة تعبانة وخايبة لكوننا محبين ومنافحين
عن روح الصدق والعدالة الإجتماعية وحسن الظن بالمستقبل.

الشيوعية عقيدة إنسانية طاهرة ومنزهة عن الإيثار، وهو ما ندعو له.
وهوالحزب الشيوعي حزب سوداني كبير الشأن في تنمية الوعي والقدرات
ومناهضة كبائر الإستبداد.

لسنا شوايعه يا زول،
نحن سودانيين من هذا الشعب، وقد رفعت هذه المؤسسة الإجتماعية من قدر
أحلامنا وتطلعاتنا منذ أربعينيات القرن المنصرم بالنضال العالي وحسن
السير والسلوك، ولا ماك داري؟

كنــت بــس باحــث عــن الشيوعيين الملتزميــن فى صفوف الحزب الشيوعى السودانى

Quote: نحن لسنا شوايعه. نحن شيوعيين منظمين ملتزمين في صفوف حزبنا الشيوعي السوداني. نحن أبناء وبنات حزبنا في الضراء قبل السراء. وإن كانت تعصف بحزبنا الأنواء، فنحن ناسه والملتزمين بجمال أحلامه وقوة مطلبه. تعلمنا في مدارسه منهاجنا التنظيمية، وعاشت على مآثرة الطيبة أفئدتنا يازول. نفخر به فخر اللذين يا زول. نفخر بقوة شكيمة زملائنا السابقين والحاضرين، وإن إختلفنا معهم فكرياً. فهم أبناء الحياة التمام. وأدراجنا في قائمة شرف مسألة تعبانة وخايبة لكوننا محبين ومنافحين عن روح الصدق والعدالة الإجتماعية وحسن الظن بالمستقبل. الشيوعية عقيدة إنسانية طاهرة ومنزهة عن الإيثار، وهو ما ندعو له. وهوالحزب الشيوعي حزب سوداني كبير الشأن في تنمية الوعي والقدرات ومناهضة كبائر الإستبداد. لسنا شوايعه يا زول، نحن سودانيين من هذا الشعب، وقد رفعت هذه المؤسسة الإجتماعية من قدر أحلامنا وتطلعاتنا منذ أربعينيات القرن المنصرم بالنضال العالي وحسن السير والسلوك، ولا ماك داري؟

تحياتى اخى بدر الدين ، سبحان الله خالد العبيد بتاع رشهم ما شاف بوستك ده و الله شنو ، نقد من زمان طمم بطنهم وقال المؤتمر الوطنى هو الفايز ، الجماعة عايزين زول يعيشهم فى الاحلام .

الحبيب هجو الاقرع : ود العبيد دى زول طيبان .. وينتابنــى الشك

دومــا فى انتمائــه الى الفكر الشيوعــى ( اكرر الفكر يا ود العبيد )


وبفضــل الله قبال كــم سنة كــدى ربنــا اكرمو بالحج الى بيت الله الحرام

يعنـى هو (( حاج خالــد )) ..

Quote: سبحان الله خالد العبيد بتاع رشهم ما شاف بوستك ده و الله شنو ، .

العقلانــى الاكبــر فى هــذا الحزب هــو العم / نقــد فهو ينظر بتجربــة

سنيــن عركتــه وعركها وتجلــت لــه الحقيقة ان الخيار لحكم السودان هو

خيار الهويــة وليــس الاحزاب ..لــذلــك لــن يجد لحزبه / فكرهـ موطــئ قدم

فى سودان الاصالة ..

Quote: .. ، نقد من زمان طمم بطنهم وقال المؤتمر الوطنى هو الفايز ، الجماعة عايزين زول يعيشهم فى الاحلام .

Quote: اليــت على نفســــى رصــد الشوايعــة الذيــن لــم يساهمو فى رفــع البوســت .. وبعد داك نشوف لينــا طريقة ننشر بيها كشف الممتنعين .. انشاء فى جريدة الميدان ذات نفسهــا ..

لا تكلف نفسك بمهام لست بوسعها، فمسألة الرصد والإنضباط لها مكاتب
وطريقة يعرفها أهل التنظيم؛
خليك في حزبك وفي كلامه الأعوج حول ترشيح القوي الأمين الذي لم تذق
بلادنا في عهده الميمون أمانة، ولا قوة.
إذ لم يات على اهل السودان زمن إستشرى فيه الفساد ولا عم بخلاف عهد
صاحبك الذي أغلق مشاريع الجزيرة المزارعة بقطنها وقمحها، وماتت
فيه مناهج التعليم على رخام المدارس الخاصة، وتسول التعليم العالي
منح البلاد الأجنبية ولا حياة لمن تنادي!
خليك من الحزب الشيوعي وفكر بنفسك وبمآخذ مؤتمرك الوطني يا ظريف،
وحدث القوي الأمين، بأن القوة فقدت شروطها، حين فقدت البلاد أهليتها
في الدفاع عن حلايب وعن جبال الشرق والغرب.. بل، إقبالها على الإنفصال
لتكون بلدين!

أما نحن، فلسنا شوايعه، كما سبق.
نحن أبناء حزب عتيد وسليم الصحة حسب التشخيص المحلي للمسألة الوطنية.
فتأمل!

طلال بن عفيفى .....


كنــت اثمــن مشاركتك فى البوســت الاصلــى بتدشين حملة مرشح الحزب ..

بدلا مــن هــذا البوســت التحريضــى للهمم التنظيمية ...


اليــس غريــب فى نظرك ( عضوية حزب عقائدى مثل الحزب الشيوعى ) لا تفرح ولا تساند

ولا تنشر حملة تدشين لمرشحــه لرئاســة الجمهوريــة ؟

اليس غريب فى نظرك ( عضوية حزبكم تدشن وتفرح بمرشح الحركة الشعبية الذى هو مرشح

ضــد مرشـــح حزبكــم لرئاسة الجمهورية ) ..

دونـــك نموذج ( د. امجد/ ابو بكر صالح )

ابحـث عن مساهماتهم فى نشر والترويج لحملة مرشح الحزب ) ثم

افيدنــى بمــا تجــد ؟






























----

شكرا ..

Quote: لا تكلف نفسك بمهام لست بوسعها، فمسألة الرصد والإنضباط لها مكاتب وطريقة يعرفها أهل التنظيم؛ أما نحن، فلسنا شوايعه، كما سبق.

اصــلا لا ينتابك شــك فى ان الحزب الشيوعى من احزاب بلادنــا ذات التجربة التنظيمية الثرة

ولا تنتطح فى ذلك عنزتان ..

Quote: نحن أبناء حزب عتيد وسليم الصحة حسب التشخيص المحلي للمسألة الوطنية. فتأمل!

واختــم قولــى بالصلاة معظمــا فيارب صلى وسلم


حقـق البوســـت جملــة من الفوائد ...


* ابراز تقاعــس عدد مقدر من عضوية الحزب الشيوعى عن مساندة

كرشح الحزب لرئاسة الجمهوريــة .

* هشاشــة الالتزام التنظيمى لدى عدد مقدر من عضوية الحزب الشيوعى

فى هــذا المنبــر .

* انحياز عدد مقدر من عضويــة الحزب الشيوعــى لمرشح الحركة الشعبية

ياسر عرمــان .

* تقاعــس قيادات واعضاء اللجنة المركزية من عضوية الحزب الشيوعى بالمنبر

مـن قيادة وتوجيــه عضويتهم بالمنبر .

* واخــرى تقال فى الندوات الداخليــة كمــا قال د. صدقى كبلو