Post: #1
Title: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-26-2009, 11:08 PM
بين يديكم مشروع إبتدائــي عـــن منهــج تعامل مع محكمة الجنائيات الدوليـــة ( بأكثر من هدوء )
على ان تكون المشروعات محــل اجماع وطنــــى :
• عقد الإنتخابات في موعدها .
• توحيد الخطاب الإعلامي .
• تحريك العمل الدبلوماسي والقانوني والإتصال بالمؤسسات السياسية والإقليمية والدولية .
• مخاطبة الدول الصديقة .
• تفعيل المؤسسات والنقابات .
• توحيد التصريحات الإعلامية بين الحكومة والحركة .
• الحفاظ على الأمن بشكل أكبر وحماية المنظمات .
|
Post: #2
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-26-2009, 11:12 PM
Parent: #1
ويتواصــل المشروع :
• عمل الإتصالات الإيجابية مع أعضاء مجلس الأمن .
• عدم الإضطراب وأن يكون دولاب الحكم كما هو .
• إحكام تنفيذ برامج ومشاريع الدولة مع قليل من المعالجات في الخطط .
• المزيد من الإهتمام بقضايا المواطنين للتقرب منهم ومشاريعهم التنموية .
• الإلتزام بإتفاقيات السلام والإتفاقيات الأخرى والمواصلة في الحوار مع الفصائل الحاملة للسلاح .
|
Post: #3
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: esam gabralla
Date: 03-26-2009, 11:15 PM
Parent: #2
مشروعك ده لمنو؟ للمؤتمر الوطنى و لا جهة تانية؟
|
Post: #4
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-26-2009, 11:15 PM
Parent: #2
ومــزيد من المشروعات :
• المزيد من التركيز على مشكلة دارفور والعمل على حلها وحل المشاكل والخلافات الداخلية .
• مواصلة الرفض القانوني لأن السودان ليس عضواً في المحكمة الدولية .
• تسيير دولاب العمل الحكومي بصورة طبيعية .
• إعلان حالة الطوارئ .
• إستنفار القوى الأمنية .
• جعل حكومة الوحدة الوطنية أكثر تماسكاً .والعمل على تطويرهــا الى حكومة قوميــة .
|
Post: #5
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-26-2009, 11:21 PM
Parent: #4
اخى الكريم هذا المشروع لكل من لا يريد وضع عربة محكمة الجنائيات الدولية امام الحصــان
| Quote: مشروعك ده لمنو؟ للمؤتمر الوطنى و لا جهة تانية؟ |
|
Post: #6
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-26-2009, 11:40 PM
Parent: #5
العمل على تماسك الجبهة الداخلية ، وتنوير الشعب بمــألات قرار محكمة الجنائيات الدولية
واثر ذلك على الاستقرار السياسي للبلاد ..
|
Post: #7
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: عزام حسن فرح
Date: 03-27-2009, 05:55 AM
Parent: #6
بدرالدين إسحاق ...
صاحبي ونسيبي ونِدي ...
لو مِن الأول قبل أن تسيل بعض الدِماء (مجدي/بُطرُس/كجبار) ... كُل الدِماء (دارفور) ...
قبل حُقن القلِب تِتملي وِعا (إعلاء القبلِية) أكان مُمكِن < المانشيتات > الكتبتها فوق دي
تبقى لينا قِبله وطَوطم ...
الناس يا خوي ما أكانت صابره مِن زمن وقِية السُكر الإسبوعِية وكتين شدينا الحِزام لامَن
المخروقة إتعطلت مِهنتا ... لامَن كُنا نُحاف وعُروقنا ظهرت بره مِتِل مسار النيل راسمه خطوط ...
بعد عشرين سنة تجو بِكُل سهولة تقول < أنسو الفات > السودان اليَوم في مُربع < يكون أو لا يكون >
هو السودان ده يا صاحبي ونسيبي ونِدي ما بِكون إلا والجبهة حاكماهو ... البلد عِقرت ... الوِلادة
نِدمت ...
ناسك بِحقنا إتَورمت أطرافُم ...
إتعلو وإتدنقرت أشرافُم ...
يِمَه حتو إتباخلو بِإسرافُم ...
كيف حال العِيال علهُم بِخير ... الله يِخليهُم ليك ويِسعدو ...
|
Post: #8
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-27-2009, 10:43 AM
Parent: #7
جعل حكومة الوحدة الوطنية أكثر تماسكاً .والعمل على تطويرهــا الى حكومة قوميــة
من الممكن عند الاحزاب السياسية السودانية التسامـــى فى حضــرة الوطــن والبدء فى
مشروع التوحد الوطنى .
|
Post: #9
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-27-2009, 11:15 AM
Parent: #8
عزام ود حسن ود فرح
تحيات طيبات مباركات
يعنـــى بالدارجـــى كــدى قربنا نخــش الزون ( مرحلة الخطر كامــة )
لقد زرت رواندا / بورندى / جنوب افريقيا (ايام الفصل العنصرى ) ورايت كمية الكراهية
التي كانت سائدة بين المجموعات السكانية ..استدعاء هذه النماذج الى بلادنا هو اكبر خطر
يهدد وجودنا ليــس حكومة وحزب بل استمرارية وجودناافراد وجماعات سكانية فى شكل دولــة .
وسيصبح الاسلام كمكون عقدى يجمع بيننا كمسلمين ( لا محل له من الاعراب ) فى نموذج الغـــد .
إسقاطات الفشل والتعثر والاستهداف للنظام السياسى والمشروع النهضوى الاسلامى فى السودان
يجــب ان لا ينسينــا البحــث عن استقرار السودان كجغرافيا سياسيــة لابنائنا ..
|
Post: #10
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: عزام حسن فرح
Date: 03-27-2009, 11:32 AM
Parent: #9
بدرالدين ...
يا حبيبي ... الوصل البلد ( لِمرحلة الخطر الكامِلة ) دي منو
ما تقولي لي بِالله ومِن فضلك ( قوي الإستِكبار ) والحاجات دي
أنا في 1989م كُنت واقِف مُحايِد لا مع البشير ولا عندي شغله بِالسياسة
حاربوني في لُقمة عيشي ... هاجرت لِلبُطانة بعد ما بِعت كُل أثاث بيتي
وإشتريت لي (8) عِجول وحِمار وأكان عِندي كلِب بينوم الليل كلو ويصحى
بِالنِهار تقول وارِث ... بعد شِوَيتين قتلو لينا مجدي محجوب محمد أحمد
في دولارات حقتو وبعد أقل مِن شهر صلاح كرار فكا التعامُل بِالدولار
بعد كام سنة قتلو لينا (4) في كجبار ... وقتلو (10) ألف في دارفور
حسب الخِطاب الحكومي ... وأطلقو يد الجنجويد في الغرب ... ووقعو مع
المصرِيين إتفاقِية ( الحُرِيات الأربعة ) وحلاِيب مُحتلة والمصرِيين هسِع
ماليين البلد مُش رِجال أعمال سَوقه وعمالة غير ماهِرة ... ديل فارشين
في سوق واو ...
( مرحلة الخطر الكامِلة ) البشير وجماعتو هُم الوصلونا ليها ...
عاوِزنا نقيف معاهُم ... بِياتو منطِق ... يا بدرالدين خليك عادِل وحقاني
الآلف الأحالوهُم لِلصالِح العام ديل تفتكِر مشو وين ... أولادُم وين ...
بناتُم وين ... الأولاد النقول إغتربو ودخلو السوق ... البنات وينِن في
ظنك ... يا أخي أنا بدفع شهرِياً لِصندوق علشان نأكِل بنات أبواتُم كانو
مِن كِبار مُوظفي الدولة وإنتهى بيهُم الحال خدم في المنازِل ...
يا بدرالدين ... إنت ما عارِف أو ما عاوِز تعرِف ...
|
Post: #11
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-27-2009, 12:42 PM
Parent: #10
يا عمــــك عزام ( هذه لا ينتطح فيها عنزتين ) ..
وكان ما عارف الالاف ديل ما انـــنا زاتــى معاهـــم ..
والله مشكلتى الوحيدة انو انا عارف ومعرفتى زايدة عن اللزوم..
لذلك رفــع التقرير بمن اوصلنا الى مرحلة الخطر لا يفيد حتى امريكا ..
التنظيمات السياسية هــى التى اضعفت النظام وهـتو الان فى اضعف حلقاتـــه
من حيث الامن القومى لبلادنــا ...
الامــر ليــس حراك داخلى للاحزاب والجماعات السياسية وكلها حادبة على امر
ومصلحة البلد ...الموضوع طــلع من الحراك الداخلى بين ابناء الوطن الى
الاصطراع الدولـــى والمصالح لدول ( شنو كدى ما عارف ) ..
حالـــنا يقول :
السلطة المركزية فى اضعف حالاتها على مدى اكثر من الف عام ..
تحالف الدويلات والممالك الاسلامية تاريخا اصبح نموذج نبحث عنه بكل ما نملك ..
اصبح سؤال مثل ماهــى مهددات الامن القومى السودانى لا تجد من يجاوب عليها
ولن تجد من يملك الاجابة عليها ..
اخــى الكريم نبحــث عن ملاذات امنــه لاهــل بلادى فهل من معيــن .
نترشــة :
اجل الله بيجينى وبيجيك وبيجى لعمر البشير ( بعد داك شنــو المسار ..)
Quote: ( مرحلة الخطر الكامِلة ) البشير وجماعتو هُم الوصلونا ليها ...
عاوِزنا نقيف معاهُم ... بِياتو منطِق ... يا بدرالدين خليك عادِل وحقاني
الآلف الأحالوهُم لِلصالِح العام ديل تفتكِر مشو وين ......
يا بدرالدين ... إنت ما عارِف أو ما عاوِز تعرِف ... |
|
Post: #12
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-27-2009, 06:14 PM
Parent: #11
• عقد الإنتخابات في موعدها .
كــم من التنظيمات السياسية ترى فى انعقاد الانتخابات فى أجالهــــا الزمانية جزء من
إعادة ترتيب البيت السياسي السودانى من الداخل ...
وإضفاء واستمداد الشرعية الجماهيرية لقيادة البلاد فى الراهن السياسي ..
|
Post: #13
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-30-2009, 00:02 AM
Parent: #12
تتواصـــل مساعى الحكومة فى وضع العربة امام اليـــات محكمة الجنائيات الدوليــة العاجزة
عن انفاذ قراراتها ..
فى ظـــل مساندة معلنة وغير معلنة من كثير من الدول حتى الموقعة على ميثاق روما
|
Post: #14
Title: Re: وضع الحصــان امــام عربة محكمة الجنائيات الدوليــة ( مشــروع المواجـــهة )
Author: بدر الدين اسحاق احمد
Date: 03-30-2009, 01:16 PM
Parent: #13
نماذج مشاريع وضع الحصــان امــام عربة محكمة الجنائيات الدوليــة :
الطائرة الرئاسية المتجهة الى الدوحـــــة
|
|