أقسى ما قيل في حادثة " سوداني المدينة" - صورة

لم اتمكن من النوم ليلة امس وانا اتابع مايقال في تويتر حول حادثة سوداني المدينة"
كان الألم يعتصرني مع عبارات على شاكلة " دعهم يضربون العبد " و " 10000 ريال وصير مثل الحصان ويبوس اللي ضربوه"
واخرين " نعم يضربونه ليصير عبرة لكل الاجانب " ..
كانت تعليقات تعبر عن حقد غريب
والفديو أمامي واشاهد القسوة التي به والتي لايوجد لها مبرر ابدا ..
وكانت هنالك تعليقات وهي الغالبة " والحمد لله " تنتقد هذا التصرف المشين وترجعه للهمجية واحيانا المخدرات



ولكن أقسى تعليق هزني وجعلني اسرح قرابة الساعتين
هو ...!!!

قال :
حدثونا عن المجازر التي تقع في جنوب السودان ودارفور قبل أن نحدثكم عن سوداني المدينة
الشعوب التي تدمر بلدانها لانفع منها لبلدان غيرها ..!!!

وخلال الساعتين " تلكم "
توصلت الى انه محق تماما
فلا يحق لنا ان نحفل بضرب سوداني المدينة
او كيف لنا ان نصمت عن قتل المئات يوميا في داخل وططنا
ونقيم ضجة في ضرب احدنا خارج الوطن
قيل " من يهن يسهل الهوان عليه "
وطنك يعبر عنك
احترامك في كل البلدان والمطارات والمواني يتولد من احترام الجميع لوطنك
وإذا كان وطنك لا يحترمك لماذا احترمك " انا " الغريب ...!!!

Quote: الشعب هو الدمر السودان . .؟؟؟ قوم لف يا عريبي يا وهم . . يعني الود فقري و بيقول حكم . .

الاخ خالد
هو على ما اعتقد لايقصد ان الشعب هو من دمر السودان
بل ينتقد صمتنا لجرائم مريعة تجري داخل وطننا
ونرفع عقيرتنا بالتنديد لجريمة صغيرة " مقياسا على ماذكره" تجري خارج وطننا


ومشكور للمشاركة عبر الفيس بوك ياغالي

يا ناصر ....

معليش ..انا ما شفت بوستيك دا
وقمت فتحت بوست في نفس الموضوع ..

المعذره ... والله ياخد حق السوداني من الجناه ..

تحياتي ,,

Quote: يا ناصر .... معليش ..انا ما شفت بوستيك دا وقمت فتحت بوست في نفس الموضوع .. المعذره ... والله ياخد حق السوداني من الجناه .. تحياتي ,,

الحبيب مجيدو .... مثلك لا يستأذن ياغالي ...

ان شاء الله طيب ...

Quote: انا سعودي ويعلم الله كم المني هذا المقطع كما الم كثييييييييير من السعوديين وهو لا يمثل ابناء المملكه ابداا .. ولا يمثل اي مسلم وللعلم اثبتت التحقيقات ان اثنين منهم ليسو سعوديين على الاقل وانتم يا اهل السودان اهلنا واحبتنا ويعلم الله ان لكم معزه واحترام في قلوبنا ونحبكم كما نحب اهلنا

تسلم ياغالي

Quote: دا الفالحين فيهو نحن بس نعلق !!!!! اخيرا انتبهتوا انو انتو ليكم حقوق يا سودانيين , شوفوا رضيتم ام قبلتم انتو اوضع فيئة عند العرب . لانو الواحد عندنا يكون عندو شهادة يمش يششتغل برة بتاع غسيل صحانة ولا .....وفي النهاية الجماعه اتفلسفوا عليك ويقول ليك اها نسوي شنو البلد مافيها شغل -ياباشا البلد فيها اكرم من كدا حتي لو ما فيها شهادة , اسي دا ضربوه لانو عبد بقولوا عليهو ودي حقيقة عند السعوديين انحا عبيييييييييييييد عندهم . اقول ليكم زي ما قال الاعلامي المصري احسن السودانيين يلموا نصهم التحت قبل الفوق . يعني الجنوب لانو حكومتنا ال######## دي بقت ثالث حكومة من حيث الفشل غي العالم

عزيزي محمد كمال
نعم انتبه الجميع ان لهم حقوق
وحسب ماقيل .. خرجنا نبحث عن حقوقنا عند الاجانب وتركناها مهدرة في وطننا

Quote: الشعب العربي لن يتقدم شبراً حتى يعترف بقبول الآخر، يعتقد كل العرب أن الوافدين أتو واستولو على المناصب والوظائف والثروات ولولاهم لكانو نجوما، العكس تماما، لذا يضمرو في نفوسهم شيئاً فما ان آنت مناسبة إلا وبرز ذلك الحقد والتمييز، لم يعلمو بأن العرب هاجرت إلي السودان هجرات جماعية بحثاً عن الأمان في السودان أثناء حروب الجاهلية قبل صدر الإسلام فاحضنهم ملوك السودان بل أصبح السودان عربياً لغبة المهاجرين، وستبدأ الهجرات الجماعية مجدداً وسيحتضنهم السودانين هذه نبوءة الدكتور المؤرخ سهيل ذكّار.

العزيز فتح الرحمن ...
لا اوافقك
كل العالم لا يحترم من لا تحترمه دولته .. تعال من دولة محترمة وبتحترمك وشوف البحصل شنو

Quote: اي مواطن في المهجر هو طريد بلدة وليس الا ولولا الضيق والتعزيب لما خرج مواطن من السودان والله امر بذلك (افلم تكن ارض الله واسعة ) وماذا فعل العرب لدارفور او الجنوب غير الشماته

نعم أخي صهيب في حالنا نحن طرائد ومطرودين من بلدانا

Quote: فعلا الخبر مبتور ولا نعرف ماهى جريرته التى عوقب عليها لكن ايا كان فهذا الضرب الوحشى لا نقبله لسودانى

عبد الناصر يا اخوي
العريبي السعودي قال ليك ماتساله من ضرب السوداني لانك انت عملت رايح من ضرب المئات في دارفور
وفعلا هذا مايحدث

Quote: ;كل يوم فضيحة جديدة قولوا لينا سبب الحادث شنو !!! ولماذا ضربوا السوداني ؟؟؟

السبب بائن الغالي شريف
الدولة غير محترمة .. وهذا بلا شك ينعكس على انسان هذه الدولة

Quote: انا محتارة السودانيين عايشين فى السعودية كيف.. أرض الله وآسعة بدل المذلة والاهانة دى..

بالنسبة لي هذا أقسي ما قيل في هذه الحادثة