Post: #1
Title: المزارعين بولاية نهر النيل مصيرهم الحراسات بسبب انهيار اسعار البصل
Author: علم الدين الخواض
Date: 05-04-2014, 00:13 AM
بدات بعض ادارات مشاريع ولاية نهر النيل باستخراج اوامر الفبض لتضع المزارعين في الحراسات .. وكان مشروع كلي بولاية نهر النيل سباقا لاخذ المزارع من خقله وابقاءه بالحراسات لحين السداد وقد وصل سعر جوال البصل لمبلغ 30 جنيها بينما تزيد تكلفة الجوال عن الثمانين جنيها
|
Post: #2
Title: Re: المزارعين بولاية نهر النيل مصيرهم الحراسات بسبب انهيار اسعار البصل
Author: cantona_1
Date: 05-04-2014, 00:51 AM
Parent: #1
يا علاء الدين مش المثل بقول بيع البصل بما حصل؟
وين إتحادات المزارعين في نهر النيل وخلافه؟ لأننا سمعنا أن البصل بار في كل من كسلا والجزيرة وريف أم درمان الشمالي!
الناس تعمل لجان مكوّنة من مزارعي كل هذه المناطق ويقابلوا وزير الزراعة ومدير عام البنك الزراعي بالخرطوم ومحافظ بنك السودان ووزير المالية. من غير كدا حيروحوا السجن بالمزيكة.
ربنا يفرجها عليهم جميعاً.
تحياتي.
كبـّاشي الصـّـافي
|
Post: #3
Title: Re: المزارعين بولاية نهر النيل مصيرهم الحراسات بسبب انهيار اسعار البصل
Author: nazar hussien
Date: 05-04-2014, 04:00 AM
Parent: #2
علم الخواض
ازيك يا صديق
انصحوهم بأن يتحركوا كاتحاد واحد واقيفوا معاهم ...وما تخلوا زول يدحل السجن ابدا...
عينكم لي الناس يتحللوا من ملايين الدولارات غالبكم تحللوهم من شوالات بصل؟؟؟
|
|