Post: #1
Title: لم أكن أخاً مسلماً ،،، أقدم نفسى للتهنئة العامة
Author: أيمن محمود
Date: 05-03-2014, 08:17 AM
أيوه نعم - دي حاجة بفتخر بيها وأي زول منكم لم يكن يوماً (أخاً مسلماً) مفروض يفتخر بالحاجة دي  ، كلنا أو أغلبنا و في عز معمعة التسلط الكيزاني لم يفكروا أو على الأقل لم ينضموا لعصابة الكيزان، رغم ان فترة التسعينيات مثلاً كانت فترة كيزانية خالصة ومن ليس معهم فهو ضدهم !.
ونحن طلبة انضم البعض للكيزان، لثلاث أسباب :
1. الكيزان كان بيدو الطلبة الكيزان (قروش شهرية) وقروش بطرق غير مباشرة.
2. في بعض الجامعات أكاديمياً كان للكيزان وضع خاص - يصل لمرحلة تزوير النتائج وامتحانات مجاهدين مخجوجة !
2. الكوز كان مدينو سلطة ؛ سلطة كبيرة - عادي ممكن أي كوز جربوع ممكن يخش أي مكان ويعمل العايزو بدون زول يقول ليهو بغم.
|
Post: #2
Title: Re: لم أكن أخاً مسلماً ،،، أقدم نفسى للتهنئة العامة
Author: أيمن محمود
Date: 05-03-2014, 08:34 AM
Parent: #1
أغلب الطلبة الكانو بينضمو للكيزان على زمنا كانو من الأقاليم، وكانو بينضمو لسببين:
1. كانو فعلاً عندهم حسن ظن في (الوهمات) بتاعة: نصرة الدين وجعل كلمة الله هي العليا .... الخ من الهراء الكيزاني !
2. بعضهم كانت ظروفو صعبة جداً (أغلب الناس في الأقاليم ناس بسطاء وصعب جداً عليهم يرسلو مصاريف كافية لابنائهم الطلبة)
ناس الخرطوم الانضموا للكيزان بعد وصولهم للسلطة كانت انتهازية وتسلق منهم أو رهبة !
|
Post: #3
Title: Re: لم أكن أخاً مسلماً ،،، أقدم نفسى للتهنئة العامة
Author: الجنيد حمد
Date: 05-03-2014, 08:51 AM
Parent: #2
تحية طيبة
العزيز / ايمن محمود - اسعد الله اوقاتك بكل خير
قبل اسبوع كنا في سيرتك وحبيبنا عاصم الشيخ (رأس الخيمة)
والف مبروك على أنك لم تكن يوماً منهم
.....
شوية انفرارة
ناس الحلال البعيدة ممكن تقول انغشوا بواسطة اهليهم
بتذكر في بداية التسعينات ونحنا في الابتدائي (شفت نحنا صغار كيف)
في كل حلة بجي زول من ناس الحلة الموالين وبعمل حاجة اسمها طلائع الجهاد
بسوق الشفع برة جمب الترعة وطوالي بشتغل صفاء انتباه مارش جكة كارتية ....الخ (عسكرية)
وفي الطابور (جلينا نشيد العلم وبقينا نقول بتاعت في حماك ربنا - واقسمت يا نفسي .. والله اكبر ياهو دي ...الخ (قصائد جهادية كما يسمونها)
ياخ نحنا قرينا قراية عجيبة (13) سنة بنقيف في الطابور وبنقول (قال رسول الله صلى الله عليه وسلم (النظافة من الايمان)
وفي النهاية طلع ما حديث طلع قول مأثور) ..... الخ ( مساوي تعليم )
والحاجة المفيدة الوحيدة من طلائع الجهاد (اشتروا لينا كورة فيفا مرتين واتقدن في شوق الكتر الجمب الميدان من اول تمرين)
اخيراً
نحمد الله الذي ثبتنا على دين ابائنا ولم يجعلنا من الكيزان
|
Post: #4
Title: Re: لم أكن أخاً مسلماً ،،، أقدم نفسى للتهنئة العامة
Author: ABUHUSSEIN
Date: 05-03-2014, 09:34 AM
Parent: #3
كدي ورينا التهنئة العامة دي كيفنها عشان ما نتلوم معاك ...
|
|