على كيفي و بى مزاجى

عايز ابقى شاعر
مش انا مزارعى و عندي ثقافة .. وكمان كيس تمباكى مليان و السجاير مالبورو

يبقى على كيفى و كمان بى مزاجى

مع الصباحية الجميلة دي وعنقريبى ملصق مع حيطة الجيران الرامية فوقى ضل الضحى
و النسام يداعب اطراف الملاية المدلدلة و هى تتراقص ليهو و تهمس ليهو هف هف هف
ياخى ما دى اللحظة السريالية المنعتقة ذاتا

و مع همس الملاية اللذيذ ده مش من خقى ابقى شاعر

يا سلاااااااام ياخ لما الواحد يمتطى شهوة الشعر و ترتاده رعشة الابداع

و يا سلاااام تانى على المقدمة التى جرت على لسانى كجرى الدم من النخرة الرعفانة
ما بين تلألؤ نخلتنا و تأتأة ثمرتها .... بتلقي سبيط و شخلوب
كأفك مدينتنا و صدق مومستها ... في تعريها قبل ان تتوب

... يا ولد قوم و كفاية نوم
... شنو يا امى ما قطعتى سلبة افكارى
... سلبة افكارك وللا حبال حميرك قوم قامت قيامتك الفطور قدام ابوك
.... اها و الفطور بى شنو
.... بى رشوشة
... رشوشة !!! طيب ما كان تسوى لينا ملاح نعيمية
... ىعمية !! انتا قايل نفسك النعيم . قوم اترشى بالرشوشة دى
النعيم .. وده منو كمان .. ابن كنعان . وللا ابن منذر..لالا غايتو و بعدين
هو النعيمية دى ملاح وللا مصطلح
الظاهر امى دى بقت مثقفة

و من فوق الحيطة و صوت جارتنا نفيسة يلعلع
... يا بت انا ما قلتليك قومى على الغسيل ده قبل الواطا ما تحر
... يا امى الليلة ما يوم غسيل انتى ما سمعتى النشرة الجوية
... اها مالا النشرة الجوية قالت شنو
... قالوا الليلة فى كتاحة رملية
... يا بت انا لا بعرف كتاحة رملية و للا ود رملية .. تغسلى و تقشى و ترشى

اهاااااا ..
كتاحة رملية و رشوشة و غسيل و قش و رش
ظاهراليوم ده بايظ من صباحو
ده يوم داير تبقى فيهو شاعر !!!
يا ود قوم اتخارج من هنا و كان الله فى عون ابوك وعم حسن
عم حسن ده راجل خالتى نفيسة جارتنا
بس كمان النعيم و ود رملية ديل منو؟

جلالدونا

كدي اشرح لي جلالدونا دي معناها شنو

وبعدين

محل ما مشيت غي الارض دي ما لاقاني صباح بشبه صباح بلدي السودان

Quote: جلالدونا كدي اشرح لي جلالدونا دي معناها شنو وبعدين محل ما مشيت غي الارض دي ما لاقاني صباح بشبه صباح بلدي السودان

مرحباب اخونا الصادق
لقب شايلو معاى من سبعينيات القرن الماضى
و مرتبط بالكورة
انا توم ماردونا مع انى ما زول كورة بس لما ألعب كنتا بسوى البدع
صباحات السودان و ما ادراك ما صباحات السودان
ما تقلب علينا المواجع .. دي صباحات ريانة و ندية

غايتو لملمتا شتات افكارى و قلتا اعيش و اسرح في ما احفظ من شعر
باللهى الشعر طار من راسى الا بيت واحد كلما ازوغ منو يمشى و يجينى

زى الدعاية الفيى منبر بكرى دي ... تنق يو هاف ميل

اها هاكم ليهو .. عسى و لعل يتخارج منى

Quote: مين سكرك يا حبيب ومن السقاك عسلية

ومع انى ما بحب القوقلة
قوقلت ليكم مصطلح ملاح النعيمية ده
اصلو القوقلة و القوالة عندى واحد
و شعارى فى الدنيا دى ..
القوقلة بنت عم القلقلة برررضو بتغتس الحجر

Quote: النعيمية : نسبة للمدرسة التي اسسها الاستاذ عثمان النعيم لمجابهة التيار الهمجي الذي سطا علي الواقع الثقافي.

النعيمية : نسبة للمدرسة التي اسسها الاستاذ عثمان النعيم لمجابهة التيار الهمجي الذي سطا علي الواقع الثقافي
________________________________

يعنى زى حالتى دى و حال بوستينى ده
الذى تمشى فيهو الهمجية على قدم وساق
يعنى الواحد لو فكر يكتب ليهو بيت شعر وللا يجى جنب الثقافة يلقى نفسو مرشوش
و كمان بعد الكعة الشفتها بى غادي ..توبة عديل من الشعر و الثقافة

و بعد ما عرفنا النعيم القالتو امى و ود رملية القالتو
جارتنا مع الرشوشة والكتاحة و الغسيل و القش و الرش
بى كده عناضر موضوعنا اكتملت و...
بسم الله نخش عليهو

هي كانت كعة نصاح هى
ال عضا طرف جلابية ثقافتو و قال يا فليل
ال لقوا عندو اربعة صلايب ثقافة و شالو المستشفى
ال اندسى و را الكراسى و تحت الترابيز
و عيييك




المصدر "الكتاحة" "الخليلكيكية"

شكرا استاذنا خليل مفترع البوست و شكرا لكل الاساتذة الذين شاركو و ضنعوا هذا الجمال
ودي اول مداخلات البوست

Quote: مثلما اراد لكم الاستعمار البريطاني يتخرج جيل منفصل عن واقعه انتو كدة شابكننا نورس ونحن عندنا ود ابرق وام قديلو وشابكننا مرافي ونحن عندنا ميناء بورتسودان لم تقدمو حاجة للسودان ولا للمنبر الكاشف ما منكم ابوصلاح ما منكم عثمان حسين الترزي ما منكم جكسا ما منكم الشفيع احمد الشيخ ما منكم هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة بتاعة عثمان الشفيع بعد السكر والشفيع وود القرشي برضو ما منكم وانتو يا مثقفي سودانيز برضو سائرين علي الدرب بوستاتكم بائرة وكلامكم ما فيهو جملة مفيدة فعليكم الله ما تقدونا

و الجمال و المتعة دي هنا

مثقفاتية سودانيز ما عندكم حاجة وبوستاتكم (بورندي)