Post: #1
Title: رسالة الى كبار تجار الدين
Author: ذواليد سليمان مصطفى
Date: 05-02-2014, 06:42 AM
رسالة الى كبار تجار الدين
عاملين زايرين بيت الله
كل سبت..خميس واثنين
واعيظين في الامة
بصوت رقيق وحنين
فالحين في المسكين
وسارقين باسم الدين
بفتاوي يعجن عجين
والمسكين فيكم يسب الدين
ولو ما الانقاذ قاعدين في القيف
وبالانقاذ الناس فاسدين
والتائبين رفسوهم بالجنزير
وحروقهم بنار تنين
كفرتوا الناس بالانقاذ
ونار التوبة تكوي جبين
باسم الدين مريسة حلال
عملتوها شربوت وعجين
حتى زكاة الفطر
وزاعتوها لحور العين
والباني قصور
يدوها زكاة عامين
والمسكين مفجوع وكحيل
ينشق ضميروا لنصين
يلحس تراب الله
ودمعتوا يبلوا الطين
مجلس يخطط باسم الشعب
يهدد حياتنا باسم الدين
علماء الدين فالحين
يحللوا زي ما عاوزين
شوفوا السودان بلد قامة
هجر شبابو لعلين
وفي بلاد الكفر
بتلقى محنة رقيق وحنين
وعلماء الدين في السودان
اخر دعواهم
مؤتمر وطني يا مواطنين
|
Post: #2
Title: Re: رسالة الى كبار تجار الدين
Author: ذواليد سليمان مصطفى
Date: 05-02-2014, 01:13 PM
Parent: #1
الله ينتقم من تجار الدين والمصالح الشخصية
|
Post: #3
Title: Re: رسالة الى كبار تجار الدين
Author: ذواليد سليمان مصطفى
Date: 05-03-2014, 01:23 PM
Parent: #2
من الذي يحاكم تجار الدين
|
Post: #4
Title: Re: رسالة الى كبار تجار الدين
Author: علي دفع الله
Date: 05-03-2014, 01:44 PM
Parent: #3
| Quote: من الذي يحاكم تجار الدين |
يحاكمهم امين سر نقابة تجار الدين ،، تحللا هنيئا مريئا والعودة بتاجر الدين الى الصلاح كيوم ولدته امه ،،،
|
|