لما يبقي الجرح عرضة يلانمشي الحزن سيرة (محجوب شريف الانسان رحيلك مر )

من دمانا الأرض شربت موية عذبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي باسمك للوطن رمز المحبة

قيرة قيرة يا مطيرة يا شهيد الشعب أهلاً

مش بتطلع كل يوم الشمس أجمل

و النخلة أطول جيد قامة

وياما شفتك ياما ياما

لما شفت البدر طالع فى سما الوطن ابتسامة

إنتّ فى النهر البسافر جاري طول العمر صاحي

طبعو منك يا الملامحك من ضفافو

واللي شافك مرة شافو

واسمك الختيتو فرهد عشب أخضر فى الجناين

فى الشوارع نيمة نيمة فى مصابيح المدينة

فى فوانيس الضواحي

تملا نادي الحلة سيرتك

اسمك الخلانا نقدر فى ظلام الليل نعاين

والبتسأل عنو ده الخليتو شافع

لسه دابو

يا ما حيعجبك شبابو
صوتو رن فيهو بحة

ود ملان اصرار وصحة

عندو قصة حب جميلة

جرب آلام الحراسة وحرض أولاد الدراسة

وهدّوا حيل العسكرية

البنية أم طرحة كبرت

يا سلام الفنجرية

ليها راية وبى كلامها وبى اهتماماتها الجديدة

دقت أجراس القصيدة وشدت أوتار الصلابة

الكتوف اتلاحقت فى السكة يابا

واحلالي القبلي شال شبال لمع برق المهيرة

قيرة قيرة يا مطيرة يارزاز الدم حبابك

لما يبقى الجرح عرضة

ولما نمشي الحزن سيرة.
الف رحمة ونور عليك استاذي محجوب شريف يامن علمتني القراية
في البدايات وحب البلد والناس وملح الارض وكيف ا طيرعبر الزمن ممدود
في سماء الوطن الللي مالو حدود حمامة جناها لاخائف ولامفقود

همبريب البلد عز الصيف
امل ممتدد في دواخل كل الشعب السوداني
علاقة الانسان بالوطن وخلفية كبييرة للبلد
في مخيلة معظم الشعب السودني احب البلد وعشق ترابها
ورحل كان بيحلم بوطن معافي وانسانه عايش في رفاهية ونعيم

صديقي العزيز \ ود المكي ..

سلام يغشاك ولعلك طيبة انت والعقاب ..



كل ما اقرأ موضوع عن حبيبنا المقييم بتذكر الرسالة دي يا باسط .
ربنا يرحمو قدر ما اعطي .

ولي قدام .