Post: #1
Title: واحــدة من أغـرب الســرقات
Author: عبدالله احيمر
Date: 04-30-2014, 09:24 AM
Parent: #0
تكـررت ســرقة الأثــار من المتحـف القومي في الفـترة الأخـيرة
و لكن أغــرب ســرقة كانت عبـارة عن
( ســرقة شـــجرة صــندل من حديقـة المتحــف القـومي )
|
Post: #2
Title: Re: واحــدة من أغـرب الســرقات
Author: عبدالله احيمر
Date: 04-30-2014, 09:40 AM
Parent: #1
حســب علمي
يوجــد بحديقــة المتحـف القـومي شـــجرتا صــندل
قـبل فـترة و عند دخـول العاملين للمتحـف
وجـدوا إحـدى الشــجرتين تـم قطعها بالكامل ( ليس قطع فرع, فرعين لعمل البخـور )
ولكن احتثت الشــجرة من جذورها و لا أثـــر لهــا
|
Post: #3
Title: Re: واحــدة من أغـرب الســرقات
Author: عبدالله احيمر
Date: 04-30-2014, 10:12 AM
Parent: #2
* المتحـف به حراســـة على مدار الـ 24 ســاعة
كيف قطع اللص / اللصوص الشــجرة و لم يشــعر بهم الحرس
* كيف أخرج اللص / اللصوص الشــجرة
|
Post: #4
Title: Re: واحــدة من أغـرب الســرقات
Author: عبدالله احيمر
Date: 04-30-2014, 11:39 AM
Parent: #3
تـبدو هـذه الســرقة ابـرة في كـوم الفســاد الملياري المحمي بالســلطة
وقديما قال المرحوم ( شــاعر الشــعب )
حليلك بتســرق ســفنجة و ملاية
في واحـد تصــدق بيســرق ولاية
و لكنها ســرقة غريبـة تشــير الى ما صـل اليه حالنـا من تـردي
كم عمـر هاتين الشــجرتين و ما قيمتها المادية إذا عرفنا أن كيلو الصندل تجاوز ســعره الـ 2.5 مليون جنية ( بالقديم )
|
Post: #5
Title: Re: واحــدة من أغـرب الســرقات
Author: Tumadir
Date: 04-30-2014, 11:51 AM
Parent: #4
شهر تسعة الفات
ولمن بنحضر لي عرس سيرين بتي
وبصفتي أون أم عروس لأول مرة
حاولت ألتزم بعاداتنا السودانية وأعمل لي بتي ريحة وعطور سودانية
يللا قعدت أفتش في ناس الصندل والضفرة والصندلية والمحلب والمسك والرصة دي..
اها الصندل والصندلية ديل ..مافؤ أغلى منهم
ومشيت الانترنيت ولقيت أنك ممكن تطلب أعواد صندل رقيقونة كده من النيبال والهند وبخمة القروش ..والصندلية دي ما بعرفوها الا ناس دبي والسعودية والسودان
بس حسة الزول السرق شجرة الصندل بتسمع بيهو في الانترنيت ..
حيعمل مصنع لاستخراج زيت عود الصندل (الصندلية المزورة) ..
الزول يشيل ليهو شمامة ...(آلة شم حديثة) ..ويحوم في كافوري ويعرف غابة الصندل مزروعة وين ..والمصنع وين ...
ما تعرف في اللحظة ديك تجضمو ولا تفضحو في الصحف.المحلية والعالمية ....ولا تشتري منو لي عرس بتك الجاية..هههه حيرونا ..الناس ديل
وشر البلية ما يضجك
شلعوها الكوازنة ...
|
Post: #6
Title: Re: واحــدة من أغـرب الســرقات
Author: مها عبدالمنعم
Date: 04-30-2014, 12:23 PM
Parent: #5
عندي عملات قديمه كدا كان وجدتها في البلد فرحت فرحا عظيما صحبتي وريتهم ليها زولة اثار قامت اتصلت علي صاحبتها شغاله في المتحف اي المتحف الواحد دا فنصحتني نصيحه غريبه
العملات عندنا كتيره ولا بدوك فيها قروش كتيره بس كان لقيتي خواجات الجماعه ديل بدو قروش كويسه !!!
ففضلت عملاتي يقعدن في بيتنا مع اثرياتي
اها مافي عجب لو بكره لقينا مومياء متحف البركل مافي ..البلد دايره في حلقة فساد غريب غريب ...تلقي اجدادنا القدماء زاتن لو جو العصر دا حيموتو تاني بزبحات وجلطات
|
Post: #7
Title: Re: واحــدة من أغـرب الســرقات
Author: Bushra Elfadil
Date: 04-30-2014, 03:09 PM
Parent: #5
برشلونا
يا تماضر يا عزيزة مبروك زواج سيرين
عندكم حتت أسامي
الجماعة ديل
شلعوها نعم لكن في حلةإنت عارفاها وهي جنب حلتنا تبعد خمسة كيلو اسمها شلعوها منها الفنان عبدالمنعم الخالدي ناسها بيزعلوا عشان كدا أحسن اشوف ليك كلمة تانية مدينة مشهورة بتشبه كلامنا العامي ايه رايك نقول :
- الجماعة ديل برشلونا
|
Post: #8
Title: Re: واحــدة من أغـرب الســرقات
Author: ابوحراز
Date: 04-30-2014, 05:35 PM
Parent: #7
معقول متحف بهذا الارث العريق مايكون فيه كاميرات مراقبة ؟؟؟
معنى ذلك ممكن بدل شجرة الصندل تسرق ليك فرعون كامل
|
Post: #9
Title: Re: واحــدة من أغـرب الســرقات
Author: عبدالله احيمر
Date: 05-01-2014, 07:02 AM
Parent: #8
Quote: ولمن بنحضر لي عرس سيرين بتي
وبصفتي أون أم عروس لأول مرة
حاولت ألتزم بعاداتنا السودانية وأعمل لي بتي ريحة وعطور سودانية
يللا قعدت أفتش في ناس الصندل والضفرة والصندلية والمحلب والمسك والرصة دي..
اها الصندل والصندلية ديل ..مافؤ أغلى منهم |
تماضــر ســلام
صادق التهاني للك وللبنيـة
خـيرا فعـلتي ودا ماغريب على فنـانة و انسـانة ســودانية مرتبطة بالعادات و التراث
لو كان عندنا خـبر بالعرس كان رسـلنا ليك ( صندل مختوم )و صندلية ميســو الصـندلية
عارفة حدثني صديق كثير التردد على الهنـد بأن
الهـند بتتعامل مع ششــجر الصندل كثروة قومية , ترصد اشـجاره و تعـدها
و يمنع قطعها الأ بموافقة الحكومة حتى لو الشــجرة في ارضك تضع الحكومة يدها عليهاو تختمها
|
Post: #10
Title: Re: واحــدة من أغـرب الســرقات
Author: خالد حامد الجزولي
Date: 05-01-2014, 08:09 AM
Parent: #9
أستاذة تماضر
| Quote: شلعوها الكوازنة ... |
أنا ما عارفك بتعاعت جماز ولا لأ
لكن دي قلبتي فيها الهوبة عدي ي ي ي يل
ههههههههه
تحياتي
|
Post: #11
Title: Re: واحــدة من أغـرب الســرقات
Author: عبدالله احيمر
Date: 05-01-2014, 09:57 AM
Parent: #10
Quote: اها مافي عجب لو بكره لقينا مومياء متحف البركل مافي ..البلد دايره في حلقة فساد غريب غريب ...تلقي اجدادنا القدماء زاتن لو جو العصر دا
حيموتو تاني بزبحات وجلطات |
مها ســـلام
ســرقة الآثـار مدروة في البـلد التي بلا حســيب و لا رقيب
لدرجة أن أحــد مدراء المتحـف اضطـر في فـترة
أن يسـحب الآثـار من العرض و وضعها في مخـزن و طبلو
و لكن برضـو ما ســلم ,,, اســتمرت السـرقات من داخل المتحـف و من خارجه
الحفريات و الاكتشـافات مســتمرة و الآثـار كتيرة و في كل انحـاء الســودان
ولكن السـرقة برضــو مســتمرة
عملاتك ثــروة بجي يومهـا
لكن شــجر الصـندل دا الزرعـوا في المتحـف منـو ظ و متين ؟
وبالله يا مهـا لما الصندل دا ممكن يتزرع في السـودان
ناس الانقـاذ ديل بدل ما يوطنـوا المورينغـا و المشـروم براهم مش كان أحســن يوطـنوا لينـا الصـندل الغــالي دا
|
Post: #12
Title: Re: واحــدة من أغـرب الســرقات
Author: عبدالله احيمر
Date: 05-01-2014, 10:28 AM
Parent: #11
بشــرى ســـلام
برشــلونا دي جـديدة علينـا ,,, بنعــرف برشـــتونا ( من البرشــوت )
والانقـاذ برشـتتنا برشــتة جــد
|
Post: #15
Title: Re: واحــدة من أغـرب الســرقات
Author: الطيب عبد الرحيم خلف الله
Date: 05-01-2014, 12:38 PM
Parent: #12
Quote: عارفة حدثني صديق كثير التردد على الهنـد بأن
الهـند بتتعامل مع ششــجر الصندل كثروة قومية , ترصد اشـجاره و تعـدها
و يمنع قطعها الأ بموافقة الحكومة حتى لو الشــجرة في ارضك تضع الحكومة يدها عليهاو تختمها |
عبدالله،
خلينا من الهند بلاد العجايب الفيها كل شيء مقدس..
في تشاد الجارة العزيزة هنالك قانون معمول به منذ ايام الفرنجة.. "من يقع شجرة، تقطع يده".. ومن هنا نشأ وترعرع لدى أهلنا في تشاد وعي بالبيئة كبير تلحظه بسهولة لو حلقت في الجو من الخرطوم حتى حدود تشاد عند بحيرة شاري، سوف ترى الفرق.. الشجيرات داخل السودان تتنامى حول الأودية والخيران فقط.. بينما داخل الأراضي التشادية الصورة مغايرة حيث الأشجار نامية بكثافة.. وليحيا القانون..
نعود لشجرة الصندل،
Quote: لكن شــجر الصـندل دا الزرعـوا في المتحـف منـو ظ و متين ؟
وبالله يا مهـا لما الصندل دا ممكن يتزرع في السـودان
ناس الانقـاذ ديل بدل ما يوطنـوا المورينغـا و المشـروم براهم مش كان أحســن يوطـنوا لينـا الصـندل الغــالي دا |
لو تأملت كثيراً في موقع المتحف القومي ستجد أنه لا يفصله عن مشتل الخرطوم غير بضع أمتار بعرض شارع الجمهورية، وهو حسب علمي مصدر كل غرسة وشتلة تمخضت عن كل تجربة وجهد زراعي إبداعي جميل...
ويا ريت يكون المشتل قائم في مكانه لم تصبه آفة إستثمارات أراضي الخرطوم بسوء... وتكون السرقة اصابت شجرة الصندل ونجى منها مشتل الخرطوم.. ياريت..
تحياتي،،
|
Post: #16
Title: Re: واحــدة من أغـرب الســرقات
Author: Tumadir
Date: 05-01-2014, 12:55 PM
Parent: #10
| Quote: أنا ما عارفك بتعاعت جماز ولا لأ |
دي نبزة؟؟
ههههه
بس الاجابة من حسة...لأ !!!
يتخيل لي التعبير ده اتنشر قبل كده...في سودانيز
بعد سرقات المتاحف كمان نبقى في سرقات أدبية يا كافي البلا؟؟
هههه
بس متغير التعبير نبقيهو (برشلونا..الجماعة) ههههه
|
Post: #14
Title: Re: واحــدة من أغـرب الســرقات
Author: Tumadir
Date: 05-01-2014, 12:35 PM
Parent: #9
Quote: خـيرا فعـلتي ودا ماغريب على فنـانة و انسـانة ســودانية مرتبطة بالعادات و التراث
لو كان عندنا خـبر بالعرس كان رسـلنا ليك ( صندل مختوم )و صندلية ميســو الصـندلية
|
حسة ما فاتت حاجة
من ما انتهينا من عرس سيرين ..الجمهور بيسأل من عرس يسرى ..ههه لانه الحمدلله العرس طلع لذيذ لذاذة ما عادية بسبب الناس الحلوين الحضروه..
المهم العنوان بنرسلو ليك لمن تجهز الطرد ههههه
شكرا يا الاحيمر ..والبوست لذيذ بالرعم من الفيد الغالي الفقدناه من المتحف القومي ..شجرة صندلنا ياحليلها
|
Post: #13
Title: Re: واحــدة من أغـرب الســرقات
Author: Tumadir
Date: 05-01-2014, 12:30 PM
Parent: #7
Quote: برشلونا
يا تماضر يا عزيزة مبروك زواج سيرين
عندكم حتت أسامي
الجماعة ديل
شلعوها نعم لكن في حلةإنت عارفاها وهي جنب حلتنا تبعد خمسة كيلو اسمها شلعوها منها الفنان عبدالمنعم الخالدي ناسها بيزعلوا عشان كدا أحسن اشوف ليك كلمة تانية مدينة مشهورة بتشبه كلامنا العامي ايه رايك نقول :
- الجماعة ديل برشلونا |
العزيز بشرى الفاضل
البرشلة الهينة دي ..؟؟ برشلونا وأحرجونا وسط الأمم
حسة انا مثلا سرقت لي تمثال من متحف قومي بلدي..حأمشي أفتح بيهو متحف في البيت؟؟ ولا حأبيعو لمتحف بلد تانية ويكونوا عارفنو مسروق من متحف بلدي أنا؟؟ هههه
ولا شجرة الصندل دي مثلا؟؟ حيتبخر بيها براهو؟؟
مش نحن حنشمها؟؟..ما بخجل لمن يعرف اننا شامين ريحة شجرة صندلنا وهو بتبخر بيها؟؟
مبالغة ..والسرقات دي بعد تتم ..في تحقيقات ؟؟
ولا بس منتظريننا نحن نعرف ونقول: يا للهول!!
والموضوع يكون خلص...
بري بري بري ..حكومتكم وانتو اسيادا ..الكلام ده ما حجونا بيه...
|
Post: #17
Title: Re: واحــدة من أغـرب الســرقات
Author: عبدالله احيمر
Date: 05-02-2014, 01:16 AM
Parent: #13
Quote: معقول متحف بهذا الارث العريق مايكون فيه كاميرات مراقبة ؟؟؟
معنى ذلك ممكن بدل شجرة الصندل تسرق ليك فرعون كامل |
ابـو حــراز ســــــلام
الشـجرة طول في عرض و يقال ان عمـرها 50 ســـنة ,,, اتقطعت ( غالبا ) بمنشــار كهربة
الحرس ما ســمع الصوت ,,,,, الشــجرة طولها حوالي 6 امتار و قعــــت ررررررررب , و الحرس ما ســمع
شــجرة بالطول و العرض دا نقلوها كيف ,,,, الحرس ما شــاف
اها الكمرات دي يراقبها منو ؟؟؟؟؟؟؟؟؟؟؟؟ تصـدق ممكن الحرس يكون ما متورط
http://almeghar.com/permalink/19765.html
Quote: امدرمان ـ يمان عبدالباقي
استفسرت لجنة الثقافة والإعلام والسياحة بالبرلمان وزير السياحة عن السرقات التي تمت في الآثار ببعض المتاحف، في وقت كونت لجنة برلمانية لمراجعة الملاحظات التي أوردها تقرير المراجع العام عن الأداء المالي للوزارة.
وكشف مصدر برلماني عن مناقشات (حادة) تمت بين وزير السياحة "محمد عبد الكريم الهد" ووكيل الوزارة خلال الاجتماع مع لجنة الثقافة والإعلام والسياحة بالبرلمان أمس (الأحد). وقال إن الاختلاف بين الطرفين حول الصلاحيات، مشيراً إلى أن وزير السياحة كشف عن تشكيل لجنة للتحقيق في سرقة شجرة صندل من المتحف.
وأقر نائب رئيس اللجنة "عباس الفادني" في تصريحات للصحفيين أمس بان التعديات على حظيرة الدندر لا زالت مستمرة، وقال هنالك ممارسات تتم من بعض الجهات وتحتاج إلى مراجعة.
ونبه "الفادني" إلى أن الوزارة اشتكت من عدم توفر المعينات لتأمين المتاحف. وقال أن الوزارة أكدت وجود آثار بالبلاد مكانها غير معروف، وأضاف: (طلبنا من الوزارة مدنا بتقرير كامل الأسبوع المقبل عن الأثار) |
شـــوف بالله ,, وزير الآثار يكشــف عن تشـكل لجنة تحــقيق ,,,,,, طيب دور الشـرطة و المباحث شــنو ؟؟؟؟؟ لو حادث ذي دا تحقق فيهو لجنة
|
Post: #18
Title: Re: واحــدة من أغـرب الســرقات
Author: عبدالله احيمر
Date: 05-02-2014, 01:32 AM
Parent: #17
Quote: لو تأملت كثيراً في موقع المتحف القومي ستجد أنه لا يفصله عن مشتل الخرطوم غير بضع أمتار بعرض شارع الجمهورية، وهو حسب علمي مصدر كل غرسة وشتلة تمخضت عن كل تجربة وجهد زراعي إبداعي جميل...
ويا ريت يكون المشتل قائم في مكانه لم تصبه آفة إستثمارات أراضي الخرطوم بسوء... وتكون السرقة اصابت شجرة الصندل ونجى منها مشتل الخرطوم.. ياريت.. |
الطيب ســلام
بعـد كلامك دا قلت اقوقل فوجدت المعلومه التالية
http://www.sudaneseonline.com/news-action-show-id-84412.htm
Quote: سرقة شجرة صندل عريقة من داخل المتحف القومى بالخرطوم
سرقة شجرة صندل عريقة من داخل المتحف القومى بالخرطوم
02-05-2014 02:20 PM
تعرض المتحف القومي بالخرطوم لسرقة غريبة من نوعها حيث اقدم عدد من اللصوص علي قطع وسرقة شجرة صندل يقدر عمرها بحوالي خمسين عاما ويبلغ طولها حوالي 6 امتار وتعتبر جريمة سرقة غريبة من نوعها وبعد الزيارة الميدانية لموقع الشجرة المقطوعة اتضح جليا بانها شجرة صندل. بعد الاستعانة بخبير تصنيف الاشجار الدكتور الشيخ عبد الله الشيخ واتضح ان هذه الشجرة قد قام بزراعتها السيد امين ميخائيل عالم تصنيف الاشجار ومدير مصلحة البساتين الاسبق قبل اكثر من خمسين عاما كما تم عرضها علي خبير تشريح الاخشاب الاستاذ عبد اللطيف الطيب حيث اكد انها شجرة صندل. وحينما شعر اللصوص بان خشبها قد ظهرت فيه رائحة الصندل بصورة واضحة مما يدل علي انها قد وصلت مرحلة الانتاج استخدم اللصوص حسهم الاجرامي وقاموا بقطع الشجرة لان سعر الرطل قد وصل الي مبلغ 2 الف جنيه ونرجو املين من شرطة تأمين السياحة والتراث القومي والاستاذة سمية عمر عابدون مدير غابات ولاية الخرطوم الاتحادية بان يسعوا جاهدين للقبض علي اللصوص لان امثال هؤلاء يهدمون تراثنا القومي بسرقتهم للموروثات بقطع شجرة صندل عمرها يفوق الخمسين عاما. |
|
Post: #19
Title: Re: واحــدة من أغـرب الســرقات
Author: عبدالله احيمر
Date: 05-02-2014, 02:28 PM
Parent: #18
Quote:
الفقر المدقع دفع الناس للسرقة والنهب المسلح والاحتيال والقتل بدافع السرقة والاستيلاء على ممتلكات الغير- والسؤال هو: من المسئول وما هي الاسبا ب الأخرى لتردي الاوضاع المزرية في السودان؟ وماهي الحلول ومعالجة
الوضع قبل ان يستفحل المرض وينتشر ويصبح السودان ممزقا وآيل لسقوط مدوي يتبعه انهيار وتفكك ووصاية واستعمار جديد- قال رسول الله( صلعم) كلكم راع وكلكم مسئول عن رعيته- لانريد أن نقرأ في صحف الغد عنوانا في
الصفحات الاولى ( السودان في ذمة الله) -تحياتنا ليك يا عبدالله احيمر والله المستعان |
الأخ تاج
لك السـلام
الفقر المدقع و تلاشـي الطبقة الوســطى جعل البلد قلة من الحرامية فوق خالص و اغلبية ســاحقة مســحوقة
و مخازي الانقاذ بداية بالتمكين و ليس انتهاء بالتحلل خلى البلد في حالة غريبة من الفوضى , الاحتيال و الفساد
يمارس على اعلى مسـتوى
شــكرا لك و اعتذر عن تاخر الرد
|
Post: #20
Title: Re: واحــدة من أغـرب الســرقات
Author: عبدالله احيمر
Date: 05-05-2014, 12:02 PM
Parent: #19
غنى وردي ( وعطــر الصـندل المســتني يفــرح بيك )
|
Post: #21
Title: Re: واحــدة من أغـرب الســرقات
Author: عبدالله احيمر
Date: 05-05-2014, 09:58 PM
Parent: #20
Quote: الشجرة التانية لسه في يا عبدالله احيمر؟ عشان نقوم نمشي عليها بليلٍ بهيم -- أصلو قالو دار أبوك كان خربت شيل ليك منّها شلية -- أو كما قالوا. حسبي الله ونعم الوكيل!!
|
عوض ســلام
التانية اتحجزت ,,,,,, فتش احتمال يكون في اكتر من 2 ,,,,,,,,,,,,,,, يا زول دي بلد العجائب ,, منو كان يتصـور انو في شــجرات صندل في الســودان
الناس لو عارفنو ممكن ينزرع في الســودان كان لقيتو مزروع في كل بيت ذي النيــم
|
|