لما يغني الهامــــش

لما يغني الهامــــش غنوه

تلقي المركز أطرش و ابكم

و لما الهامش ( إتبِن) سيفـو

دابو المركز يسمع و يفهـم

ناس آماله تقـــرِّي عيالـــــه

مــــدرسه فيهــا .. تتعلـــــــــم

ناس عطشانه جمب النيــل

ناس بي مويه نضيفه بتحلم

ناس مرهونه و مديونــــه

ناس مبيوعه و ما بتعلـــم

شوف كم عالم منسيـــــه

و من العوجه ما بتسلــــم

ناس مظلومه بالإهمــــال

و مافي حكومه يوم تهتــم

ناس لاكوهو صبر أيـوب

ناس عشمانه يوم تنجــــم

تخت تعب السنين الطـــال

لو راعيها يوم يرحـــــــم

كم غشاها بي خطبــــــو

و كم عشاها غش و وهـم

ما رفضولو مره طلـــــب

و كل ما نادي قالوا نعــم

ساسه همومه بس ناســه

بي خير البلد تنعــــــــم

تسكن أسمح الأحيـــــــاء

ماله و مال حياة الغـــــم؟

كيف بتحس عـذاب الناس

وهـي الفي باله بس الخم؟

تمص دم الخلوق بالــروق

و ما بتقول حسابم كــــــم؟