ربيع عبد العاطي يملك 14 قطعةسكانية في أنحاء العاصمة ؟

..



‏ربيع عبد العاطيand#8236; | امتلك 14 قطعة في الخرطوم ولا استعمل عبارات مثل (الحس كوعك)

ليس لدي راتب من الحكومه.

انا اعيش من مدخراتي لاني كنت 14 سنة خارج السودان، وفي كل سنة من هذه السنوات كان لدي قطعة ارض، ومن حسن الحظ ان الاراضي صارت اسعارها اضعافا مضاعفة ومن ضمنها قطعة إشتريتها في شارع الستين، ولم أمنح من حكومة السودان متر مربع واحد
=======


أهالينا مغتربين بالـ 20 سنه في السعودية ما عمولو قطعتين إنت كنت شغال وزير المالية في السعودية ؟؟ والغريبه بيققول من حسن الحظ الاسعار بقت أضعاف مضاعفة !!! ده راجل محترم ؟
.

قوووووووووووووول ليهو أحلف ... ولما يحلف بررررررررررررررررررررررضو ما ح نصدقو

Quote: أهالينا مغتربين بالـ 20 سنه في السعودية ما عمولو قطعتين إنت كنت شغال وزير المالية في السعودية ؟؟ والغريبه بيققول من حسن الحظ الاسعار بقت أضعاف مضاعفة !!! ده راجل محترم ؟

الزول دا قال الأراضي التي يمتلكها منطقتها وين؟
هل في الرياض والمنشية أم في الحاج يوسف وأمبدة والكلاكلات؟
حتى ولو في الرياض فالقطعة سعرها في حدود مليون جنيه للألف متر. ودا مبلغ ما كبير لزول مؤهل إغترب مدة طويلة في المملكة السعودية وما عنده إلتزامات كتيرة أي لا أسرة ممتدة له.. وهذا الربيع بكون من النوع الزي دا.
تحياتي.

كبـّاشي الصـّـافي
(العوج راي والعديل راي)

Quote: ‏ربيع عبد العاطيand#8236; | امتلك 14 قطعة في الخرطوم ولا استعمل عبارات مثل (الحس كوعك) ليس لدي راتب من الحكومه. انا اعيش من مدخراتي لاني كنت 14 سنة خارج السودان، وفي كل سنة من هذه السنوات كان لدي قطعة ارض، ومن حسن الحظ ان الاراضي صارت اسعارها اضعافا مضاعفة ومن ضمنها قطعة إشتريتها في شارع الستين، ولم أمنح من حكومة السودان متر مربع واحد ======= أهالينا مغتربين بالـ 20 سنه في السعودية ما عمولو قطعتين إنت كنت شغال وزير المالية في السعودية ؟؟ والغريبه بيققول من حسن الحظ الاسعار بقت أضعاف مضاعفة !!! ده راجل محترم ؟

يا راجل اختشى!!!!!!!!!!!
اول شى ربيع ده كان شغال موظف فى شقق مفروشة لا يتعدى راتبه الاربعه الف ريال
ثانيا : القطع الاربعتاشر منهم عشرة فى مدينة الشهيد طه الماحى كما يسمونها وربيع لما
رجع من هنا سنة 90 لم يكون طه الماحى قد مات لان طه الماحى مات فى الطائرة التى
كانت تقل الزبير محمد صالح وسقطت ومات فيها الزبير واخرون من ضمنهم العميد طه الماحى..
ربيع للذين لا يعرفونه فهو ابن عم على عثمان محمد طه وهذا هو كل الذى يتكل عليه..
ازيدك من الشعر بيت السيارة التى يقودها ربيع من نوع اوودى جماركها فقط اكثر من
800 مليون، ربيع اتزوج قبل سنتين بشابه فى عمر اولاده او يمكن اصغر، ويصرف صرف
من لا يخشى الفقر ،،،

Quote: ثانيا : القطع الاربعتاشر منهم عشرة فى مدينة الشهيد طه الماحى كما يسمونها وربيع لما رجع من هنا سنة 90 لم يكون طه الماحى قد مات لان طه الماحى مات فى الطائرة التى

نحن قلنا نطالبو بشهادة بحث تاريخية للقطع توضح تاريخ الإيلولة والملاك السابقين
تراهى المسألة ذاتها مما محتاجة .
غايتو ياصديق الموج الجماعة بقت تتحدث ألسنتهم بماعملت أيديهم من حيث لا يشعرون
مع التحية لصاحب البوست وضيوفه ،،،

Quote: ده راجل محترم ؟

أبداً و الله ..

.
.
.
.
الخابور الوطني ربيع عبد العاطي
.
.
مع التحيات الزاكيات
.
.
.
.
.

ربيع ده ما بختشى اصلاً
هو لو بختشى بقول متوسط دخل الفرد 1800 دولار ولما زروه قال انا اقصد
فى السنه والله فى سودانيين عمرهم كله لما ماتو دخلهم ما تم 1800 دولار
حرامى فاسد فى نفسه مفسد لغيره باع كل اراضى سونا عندما عين مديراً
لها وقبض عمولات بالمليارات والله ربيع ده شخصياً عايز ليه مفوضية
فساد لحاله، لكن كيف ذلك وهو ربيع عبد العاطى عبيد محمد خير ازيرق
وعمه على عقمان محمد طه ازيرق،،،

بس المشكلة اسمو ربيع وشتان ما بين ربيع المواسم والرجل
تحياتى

بس المشكلة اسمو ربيع وشتان ما بين ربيع المواسم والرجل
تحياتى

Quote: ازيدك من الشعر بيت السيارة التى يقودها ربيع من نوع اوودى جماركها فقط اكثر من 800 مليون، ربيع اتزوج قبل سنتين بشابه فى عمر اولاده او يمكن اصغر، ويصرف صرف من لا يخشى الفقر ،،،

يا صديق الموج ... سلام
يا أخي الزول جاتو ليلة القدر .. لاقى نبي الله الخّدِر .. ربنا وسّع عليهو بكوميشن كومشنين كدا.. ما فوكا حاجة.. ننتظر ربنا بعدين.
قلت لي شغال في شقق مفروشة .. مش في إحتمال يكون عنده دفترين؟ فهمتها ولا كو؟ أشرح ليك؟!
تحياتي.

كبـّاشي الصـّـافي
(العوج راي والعديل راي)

Quote: مش في إحتمال يكون عنده دفترين؟ فهمتها ولا كو؟ أشرح ليك؟!

يا زول وحات الخلقنى وخلقك لو ما عنده دفتر كلو كلو وبكب فى جيبه
ما يسوى 1% من السواهو ده يازول ده ثروته تقدر باكثر من 100 مليار
جنيه سودانى تقول لى دفترين؟ والله لو فى واحد من الدفاتر ديل بلف و
يبيع منه مايلم قروش قدر دى،،،