هدية رمضان / زيادة سعر السكر

أعلنت الحكومة زيادة أسعار السكر

تثبت الحكومة بعناد تحسد علية أنها تقف لهذا الشعب بالمرصاد , تقف لتنغص عليه حياته ومعيشته , فلا يسؤ وضع المواطن حتي تزيده هي سوءا ,, كما يقولون
ركوب الفزرة

قالو الدولار 9.8 ج عشرة إلا دقداقة والسوق جن
الزيت زايد
الصابون
اللحمة
الفحم
الاسمو شنو داك
مشيت اشتري شرابات لبتي 8 شهور ,, ليه اصلو ,,, ياخ الدولار بقا عشرة جنية
والدخل ياهو زاتو
ف الدولار حق الحكومة والحكومة زادتو و باي ديفنيشن هي زادت الاسعار , يبقي خلاص
يا تمسك الاسعار
يا الدولار
ومع التذكير
انو رفاهية المواطن مسؤولية الحكومة

اهم تجهيزات رمضان لشعب يصوم في نهار يقلي الحبة
العيش ل زريعة الآبري
اللحمة للشرموط
الزيت والبصل ل تحمير بصلة رمضان
السكر
وتتفاوت الكميات حسب القدرة المالية , وبل يستدين البعض
ف الفطور بائس
ياهو عصيدة ولا قراصة وبلحة وكباية آبري , ل زول صايم طول اليوم وشغال ,, ويعاني من نقص السكر الهايبوقلاسميا
ودي كلها في السماء فوق , ولا تبذل الحكومة جهدا في تخفيف حمل بل
تشيل وتخت في ضهرو المدبر

الاخ عبدالحفيظ سلام
كل يوم زيادة والمواطن هو الضحية مع العلم ان المواطن
السوداني يعتمد علي السكر في الفطور والسحور
ويعتبر اي شي للصائم لضيق زات اليد للفواكه والأشياء
الاخري الحكومة دي حقو الناس تخجل ليها

مرحبا المسلمي
وحبابك
ديل فاتو الخجل
الما بخجل من ذات نفسو يوقفوهو بس

سلام يا حفيظ ...

حقو الشعب السوداني السنة دي ما يصوم كيتن في الحكومه
ويخلوها ...تتدقس .....

انت عارف ..في ناس في الحكومه هي التي تتعمد في رفع سعر الدولار
ولا حياة لمن تنادي ...
لك الله يا وطني ...

تحياتي

Quote: حقو الشعب السوداني السنة دي ما يصوم كيتن في الحكومه

الاخ الاستاذ محمد مجيدو كلامك ذكرني نكتة الحلفاوي المغترب ورجع السودان وبناء مسجد في القرية وقال لناس القرية البصلي 40 وقت عنده هدية كبيرة المسجد اتملا كله من الصبح للعشاء وبعد تم العدد الجماعة منتظرين الهدية صعد المنبر ًورآهم فضل الصلاة في المسجد وآجر ال40 وقت حاضر ودي الهدية قام واحد قال ليه يامحمد صالح نحن عارفنك زول ملول كل الصلاة دي صليناها من غير وضوء (:

Quote: انت عارف ..في ناس في الحكومه هي التي تتعمد في رفع سعر الدولار

كل المواد الأساسية بيد بعض الحيتان يكدسوا وفى الوقت المناسب يرفعوا السعر
والمتضرر هو المواطن الغلبان الذي أصبح لا حول له ولا قوة.

الأخ العزيز \ ابو سن ... صباحك زين .. وضيوفكم الافاضل ..

غايتو جابني اقتباس المسلمي ده !!!!!!!!!!!

Quote: كل يوم زيادة والمواطن هو الضحية مع العلم ان المواطن السوداني يعتمد علي السكر في الفطور والسحور ويعتبر اي شي للصائم لضيق زات اليد للفواكه والأشياء الاخري الحكومة دي حقو الناس تخجل ليها

غايتو يا المسلمي الما بخاف منك من الله الخلقو ده ما يخاف يا رجل خلي عندك
مبدأ وكلمة وما ترهقنا في اخترام كلامك !!!!!! دي موش الحيكومة البتساكك في
الضدها ونافخ كيرك للموالين ليها !!!!!؟؟؟؟ ياخي اتقي الله في نفسك قبال الشعب

Quote: الحكومة دي حقو الناس تخجل ليها

واطمنك نحن خجلانييييييييييييييييييييين البخجلك انت شنو !!!!!!؟؟؟؟؟

الأخت العزيزة مني عمسيب سلام وتحية
عقيدة السلف الصالح تلزم المسلم عدم الخروج علي الحاكم المسلم وهذا مانومن
به وفق الشرع اما النصح فسنقوله الحاكم ومعاونيه انت بعد ده تفهمي علي كيفك


-------------------
قصرت معاك (:

مجيدو يا دفعة
ستفطر الناس مجبرة وخسرانة كمان
تصوم وماتلقي البتاكلو فتمرض فتعذر
وانا في وانت في وتابع
كرتونة الصايم
والافطار الجماعي

الأخ ول أبا المسلمي سلام
من فضلك ورينا كيلو السكر كان بكم؟
والحيكومة رفعت السعر لكم؟ عشان نفهم حاجة.
تحياتي.

كبـّاشي الصـّـافي
(العوج راي والعديل راي)

Quote: الأخ ول أبا المسلمي سلام من فضلك ورينا كيلو السكر كان بكم؟ والحيكومة رفعت السعر لكم؟ عشان نفهم حاجة. تحياتي. كبـّاشي الصـّـافي (العوج راي والعديل راي)

ول أبا كباشي سلام
سعر الجوال سعة 50كيلو كنانة 270 جنيه وسعر جوال 10 كيلو كنانة 57 جنيه دي أسعار امس وده من تاجر القطاعي في الخرطوم الزيادة كم يحول الي صاحب البوست

بكوستي
سعر الجوال عسلاية من الشركة 249.5 ج
والآن
269.5‏ ج
دون رسوم ولائية
سكر كنانة يتم شراؤه بتصاديق من الخرطوم
جوال السكر 10 كيلو مستورد وتعبئة محلية كان
57‏ ج
واليوم
65‏ ج قطاعي
سكر كنانة اغلي سعرا
للتأكد من الاسعار يمكن مراجعة شركة توزيع السكر
او
عموما يمكن مراجعة الصحف في اليومين الفائتين لمن اراد التأكد
ولمن هو بالسودان يمكنه سؤال تاجر دكان الحلة

نستاهل اكتر من كدة طالما ساكتين .

شبكة,,,,,,,,,

سلام استاذ عبد الحفيظ ابوسن

خبر محزن لكل السودانيين

الناس تربى نحل بعد ده ولا ايه ؟

تحياتى

شكرا
مني عمسيب
المسلمي
كباشي
للمرور

مرحبا ميرغني
وحبابك
صدقت
الاحتكار المربوط بالفساد السياسي والتنفيذي
قفل السوق لبعض المحاسيب دون رقابة وتسهيلات جبائية
تعرف دخل السوق المستورد ونزل السعر ,, المستورد ارخص من المحلي , لأنو المحلي الحكومة خاتا فيهو اكتر من سعرو

مرحبا محمد
وحبابك
لا ياخ
بالغت
ده شعب ما بستاهل المرمطة والبهدلة
شعب فقير ومريض
والناس مشغولة بتوفير لقمة العيش
وخايفة
وفاقدة القيادة

مرحب نعمات
ههههههه
تربي نحل تدفعي للحياة البرية
ودايرة تصديق
ورسوم

كلما انبت الزمان قناة
ركبت الانقاذ للقناة سنانا
مع الاعتذار للمتنبئ