سؤال : هل يعرف اعضاء حزب (الخُضر ) بعضهم البعض ؟

من خلال ما قرأت في هذا المنبر

عرفت ان الاخت الاستاذه آمنه مختار هي مؤسسة او احد مؤسسي حزب الخضر ...

وأيضا عرفت ان الأستاذ تبارك شيخ الدين هو ايضا من اعضاء او مؤسسي حزب الخضر ...

ولكن استوفتني هذه المداخلات في بوست الأستاذ مالك الجاك وعنوانه

عمر الفاروق دا منو؟

الرد الأول للأستاذه آمنه حينما كتب الأستاذ مالك الجاك هذه الجمله في احدي ردوده

Quote: أنا لست معروفا أو مشهورا و لا أرغب تماما في ذلك

فجاء رد الاستاذه آمنه كما يلي :

Quote: صديقي الباشمهندس مالك .. كونك لا ترغب فى الشهرة هنا ..لأنك تمتعت بالشهرة فى ميادين أخر .. وصدق من وصفك بأنك عالم من علماء السودان ...ولكنه التواضع ..والإيمان بأن ليس كل ما يلمع ذهبا . ونفخر بأنك معنا فى حزب الخضر ..ومن أهم أعمدته

أعقب رد الأستاذه آمنه مباشرة رد للأستاذ تبارك كتب فيه :

Quote: ووجب التنويه أنه ليس: عمر الفاروق شيخ الدين جبريل ... (هسي التفاحة ولا النفاجة دي في زول قراها غيرك )

وهنا افترض ان الاستاذ تبارك قد قرأ رد الاستاذه آمنه ...

ثم في الصفحه رقم اتنين لنفس البوست جاء رد الاستاذ مالك الجاك كما يلي :

Quote: آمنة مختار السودانية النادرة ذات التفكير النقدي العميق الظاهر إنك برضو لخبطي بيني و بين واحد تاني زي صديقي الصادق..زفأنا و العلم بييننا بون شاسع أما عن الشهرة في أماكن أخرى ...فأتمنى أن تكون أماكن (كويسه) و شهرة برضو (كويسه)... غايتو مرات كده غصبا عنك يتتعرف و خاصة لما تفكر إنك ممكن تساهم مساهمة إيجابية (حسب ما تراه) و تقع ليها في جرح.

اذا كان المعني هو الواضح في المداخلات اعلاه

فسؤالي للأخت آمنه ...

كيف تنادين الاستاذ مالك بــ ( صديقي الباشمهندس مالك ) ... و تفخري بعضويته وانه اهم اعمدته ... وهو ليس منكم ؟ ( حسب رده لك ) ...

الا تعرفون بعضكم البعض في حزب الخضر ؟

اعرف يمكن وقوع الخطأ عن طريق تشابه الاسماء ...

ولكن الاستاذ مالك تم تعريفه بعالم الكيمياء ويعرفه الكثير من اعضاء المنبر ...

ارجو التوضيح لربما ان هناك خطأ ما مني في قراءتي ... ( اتمني ذلك بالفعل ) ...

كما أرجو ان لا يكون كلام أخونا ملاسي حقيقة ...

Quote: من يومك السويتي ليك فيهو حزب ودعيتي الناس للتأسيس برسايل الموبايل؛ استقر في يقيني انو الزلابية قد هانت تماماً!

اتمني مره أخري ان اكون قد اخطأت القراءه او فات علي ما فات ...

ولكن اعتقد ان من حقي ان اعرف ...

كل عام وانتم بخير مستر قباني وحزب الخضر

عادي يا سيدي؛ من كثرة العضوية يمكن اتلخبطت عليها الاسماء !

سلامات يحي وأمنياتي بسنة جديدة سعيدة
الباشمهندس مالك الجاك في نفيه لآمنه كان يقصد جزئية كونه (عالم) تواضعا منه
ولم يكن يتحدّث عن عضويته للحزب
اللخبطة جاءت في وصفه بعالم الكيمياء فالباشمهندس مالك خريج كهرباء و واصل في مجال الإتصالات وكما ذكر هو آخر علاقته بالكيمياء كانت في البرلم وتحديدا في الـ OLT

هذا و الله أعلم ثم مالك

سلام من الله عليك أستاذ يحيي قباني .

حقيقي ما عرفت أرد ليك أقول ليك شنو ..!!

لكن ما ترمي توضيح باشمهندس محمد البشرى دا الواطا ..
فهو الحقيقة بعينها .

الباشمهندس مالك الجاك رجل متواضع جدا .

وهو فعلا من أعمدة حزب الخضر ، ونعتز بوجوده معنا ..ونستفيد منه كل يوم الكثير .

.................

وواضح أنك لم تفهم مداخلاتي أنا وتبارك ومالك الجاك فى ذلك البوست ..
ولا بأس فى ذلك .

فدا ممكن تسميه راندوق أخضر ..:)

أما عن استفسارك لي عن ما كتبه ملاسي ، وتمنيك أن لا يكون صحيحا ..
فبصراحة لو تابعت مناكفاتي أنا وملاسي فى البورد دا ..حا تتعب شديد .

لأنه فى ضرب بأسلحة مشروعة وغير مشروعة ..
وفيهو تصفية حسابات قديمة فى البورد دا ..ربما لم تكن مطلعا عليها .

فقط أحب أن أنوه أن ملاسي لم يكن من ضمن المدعوين لتأسيس حزب الخضر ..
سواء كانت هذه الدعوة عن طريق الموبايل أو غيره .


_________

أما أنت يا أيمن محمود فأمرك عجيب !!
قبل انضمامك إلى البورد دا حسبناك من أصدقاء حزب الخضر
عندما صممت لنا شعارا وأهديته لنا ، وشخصيا إحتفيت به وإكراما لك وضعته كصورة لبروفايلي فى الفيسبوك شعورا عدة .

ولا أدري لمااذا مما ختيت رجلك فى سودانيزاون لاين دي ..بقيت خاتي نقرك من نقرنا بدون أى سبب معروف !

أوعى تكون إفتكرتنا ناس مساكين والغنماية تاكل عشانا ..
عشان جاملناك فى شعارك الذي إتضح أنه ملطوش ..

( شخصيا زولة طيبة جدا ..الأمر الذي يغري اللئام أحيانا بأن يتخذوا من إكرامي لهم سببا للحقارة ...لكن سرعان ما يندموا على ذلك أشد الندم ) .

وياهو طبع اللئام ..
كما قال الشاعر .

انا على اتصال شبه يومي بالباشمهندس مالك الجاك يا يحي قباني ... مداخلتي كانت بخصوص عمر الفاروق (وهي لحدٍ ما تدعم تساؤلات مالك الجاك) ...






... المهم ....

ياباشا
الخدار بقى عندو أجنحة
انت قصدك ياتو جناح فى الخدر؟

بعدين كثير من (هكذا) أحزاب لايصعب على عضويتها معرفة بعضهما,
فالحزب يجمعه اسكايب ويفرقه صاين آوت.

يا بله موسي ..

السودانيين ديل عندهم مشكلة مع أى حاجة جديدة ، ومحترفين فى تكسير المقاديف .

والسخرية دى ياما إتقالت على تنظيمات جديدة ..وهسه أثبتت نفسها على الساحة .
عشان كدا ما حا تهز فينا شعرة .

هسه بدل السخرية دي البتضحكنا نحنا ذاااتنا ..ما تنقدوا طرحنا ؟


عموما نحن بنتمع بحس فكاهة والحمد لله ..

ابننا ايمن ...

كل عام وانت بخير و اسرتك الكريمة ...

Quote: سلامات يحي وأمنياتي بسنة جديدة سعيدة الباشمهندس مالك الجاك في نفيه لآمنه كان يقصد جزئية كونه (عالم) تواضعا منه ولم يكن يتحدّث عن عضويته للحزب اللخبطة جاءت في وصفه بعالم الكيمياء فالباشمهندس مالك خريج كهرباء و واصل في مجال الإتصالات وكما ذكر هو آخر علاقته بالكيمياء كانت في البرلم وتحديدا في الـ OLT هذا و الله أعلم ثم مالك

كل عام وانت بالف خير يا هندسه ...

ينعاد عليك انت و الاسره الكريمه ...

يبدوا ان تحليلك هو الأصح ...

لك الود يا ود البشري ...

Quote: انا على اتصال شبه يومي بالباشمهندس مالك الجاك يا يحي قباني ... مداخلتي كانت بخصوص عمر الفاروق (وهي لحدٍ ما تدعم تساؤلات مالك الجاك) ... ... المهم ....

تحياتي تبارك ...

والتحيه للباشمهندس مالك الجاك ...

Quote: ياباشا الخدار بقى عندو أجنحة انت قصدك ياتو جناح فى الخدر؟ بعدين كثير من (هكذا) أحزاب لايصعب على عضويتها معرفة بعضهما, فالحزب يجمعه اسكايب ويفرقه صاين آوت.

دكتورنا يا جميل ...

مشتاقين كتير ياخي ...

لأ انا بتكلم علي الأخضر الأصل ...

ولا كمان دي جليت منها انا ؟

Quote: أما عن استفسارك لي عن ما كتبه ملاسي ، وتمنيك أن لا يكون صحيحا .. فبصراحة لو تابعت مناكفاتي أنا وملاسي فى البورد دا ..حا تتعب شديد . لأنه فى ضرب بأسلحة مشروعة وغير مشروعة .. وفيهو تصفية حسابات قديمة فى البورد دا ..ربما لم تكن مطلعا عليها . فقط أحب أن أنوه أن ملاسي لم يكن من ضمن المدعوين لتأسيس حزب الخضر .. سواء كانت هذه الدعوة عن طريق الموبايل أو غيره

كده طمنتيني يا آمنه ...

و في الحقيقه ما مطلع علي موضوع تصفية الحسابات القديمه ده ...

و خلاص الفات مات ...

اما بالنسبه للدعوه ... حتي حكومة الضُل برضوا اتخطوا الاستاذ في التشكيل الوزاري حقهم ...

اعتقد انو فقد كبير ... ليكم و ليهم ...

Quote: قبل انضمامك إلى البورد دا حسبناك من أصدقاء حزب الخضر

بغض النظر عن حسبناك - دي نقطة مهمة جداً حقوا حزب الخضر يعمل ليها اجتماع للاجابة على سؤال مهم جداً
كيف تكسب صديق للحزب وكيف تحافظ عليهو؟

Quote: أوعى تكون إفتكرتنا ناس مساكين والغنماية تاكل عشانا ..

يا آمنة مختار عليكي ان تفصلي بين آمنة مختار وحزب الخضر فلغة (تاكل عشانا) لاتليق بلغة خطاب لشخصية اعتبارية تمثل حزب سياسي ... ولكنها تليق بك!

Quote: عشان جاملناك فى شعارك الذي إتضح أنه ملطوش ..

كان تكوني أمينة وتقولي اني أنا أيمن محمود شخصيا من حذرك من استخدام الشعار بصورة رسمية مستقبلاً لأنو استعنت فيهو بصورة من النت !
ولو رجعتي للهيستوري بتاع الموضوع بتلقي الكلام ده في حدود 24 يوليو، 2012، ما علينا ... بتكوني نسيتي منو القال ليكي المعلومة دي أو غلبتك شهوة الانتقام!!

Quote: شخصيا زولة طيبة جدا ..الأمر الذي يغري اللئام أحيانا بأن يتخذوا من إكرامي لهم سببا للحقارة ...لكن سرعان ما يندموا على ذلك أشد الندم

مرة أخرى انوه لضرورة فصلك بين (الخاص) والعام
واود ان انوه ان لغتك في الخطاب غير (خضراء) ولا تتسق مع مبادئ حزب الخضر التى أعرفها

كما لايفوتني ان ادعوك لأخذ دورات في ضبط النفس وادارة الخلافات والوعي بتحديات العمل العام وتقبل الانتقادات والاستفزازات
-
يا اخي ما ممكن تنقليني من خانة الصديق للحزب لعدو الحزب بمجرد انتقاداتي !
وبعدين شنو حكاية السودانيين ديل !
وصديقي من أهدى الي عيوبي !

Quote: ..ما تنقدوا طرحنا ؟

طرحكم الما بحموكم من النظام العام ديل ينتقدوهن كيف؟