حيرتو ابليس يعني شنو فقه التحلل

حيرتو ابليس يعني شنو فقه التحلل


04-28-2014, 09:31 AM


  » http://sudaneseonline.com/cgi-bin/sdb/2bb.cgi?seq=msg&board=460&msg=1398673907&rn=0


Post: #1
Title: حيرتو ابليس يعني شنو فقه التحلل
Author: علي محمد الفكي
Date: 04-28-2014, 09:31 AM

يا كيزان حيرتو ابليس ذاتو
يعني شنو فقه التحلل
فقه يضفي صفة البرأة للافعال الاجرامية ما سمعنا بيهو
الحرامي يسرق ويطلع بدون عقوبة ؟
دا في ياتو قانون وياتو شرع .. ؟

Post: #2
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 09:39 AM
Parent: #1

هل ارجاع المال يلغي المسؤولية الجنائية على السارق ؟

Post: #3
Title: Re: حيرتو ابليس يعني شنو فقه التحلل
Author: د.محمد حسن
Date: 04-28-2014, 09:41 AM
Parent: #2

يعني ان تحل تكة السروال

Post: #4
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 09:51 AM
Parent: #3

في قضية شركة سودانير وبيع خط هيثرو تم تكوين لجنة لاستقصاء الحقائق
وتم تلجين الامر ولم نسمع بمحاكمة حتى الان
قضية شركة الاقطان الوساطات طرقت الابواب المتنفذه
واجبر رئيس القضاء على الاستقالة ..
وتجري الان التسويات لتحليل المال المستولى عليه للمتهمين
ثم جاءت قضية موظفين مكتب والي الخرطوم
وبدل ان يتم فتح بلاغات واجراء التحريات بواسطة الشرطة
والتحقيق بواسطة النيابة تم تشكيل لجنة
واللجنة اكيد مهمتها الاساسية لملمة الموضوع
وقد كان حيث تجري الان تسويات بصور ملتوية
وعندما كثر الامر عليهم
اطل الكيزان علينا بفقه جديد اسموهو فقه التحلل
حتى لا يحتاجوا لتكوين لجان مرة اخرى

Post: #6
Title: Re: حيرتو ابليس يعني شنو فقه التحلل
Author: عبدالعزيز حسين عبدالرحيم
Date: 04-28-2014, 10:03 AM
Parent: #4

علي محمد الفكي


السلام عليكم ياخ

يا علي معليش ياخ قبل كم يوم فتحت ليك بوست وانحذف والله محتار منك شديد


يا سيد علي ياخ أنت قاعد تنبذني وتسيئ لي شديد وما تلقى فرصة للأساءة لي إلا وتستغلها وتكيل لي السباب والشتم راجعت نفسي ياخ ما لقيت نفسي غلطت عليك في حاجة ولا حتى زاتو بعرفك

فيا علي يا أخوي لو سمحت ياريت توريني وين أنا غلطت عليك عشان أعتذر ليك وأبدي الندم والاسف ويرتاح ضميري لانه الموضوع دا بي صراحة معذبني شديد والواحد أخير يقابل ربه نضيف

وبصراحة أنا ما أنتبهت لي وجودك هنا إلا بعد ما بديت في مطاردتي بالشتم وأرحب بيك وبي وجودك وأتشرف بي معرفتك وليك كل التحية

Post: #5
Title: Re: حيرتو ابليس يعني شنو فقه التحلل
Author: صديق الموج
Date: 04-28-2014, 10:00 AM
Parent: #3

هوى يا بتاعين المعارضة انتو الحيرتو بت ابليس زاتا...
ما بتعرفو التحلل انتو؟ هم قصدهم الانحلال بس كم حرف اتغيروا ما بفرق ياخى..
بالعربى ما سمعتو بى ناس منحلين يعنى؟ اها النوريكم انا..
يعنى الزول يحل تكة سرواله ويقابل بى ط........زو شمش الله
تلاته يوم ويتوضأ فى سبع حصايات ويعود فهل يبقى من فساده شى؟
قالوا بلى يا عبد الرحمن الخضر!!
هسه زمان كان فى قزاز مخصوص للزيت؟ مش ياهو اماتنا بلقوا ليهم
قزازة شرى واللا بيرة ام جمل مطرفة يرموا فيها كم حصحاصة صغيرة ويحلو
صابون ويكبوهم جواها ويرجوها رجاً رهيبا ويغسلوها ويقلبوها
فى عنقريب العدة فى الشمش كم يوم وعادى بعد داك يجيبوا فيها الزيت البنتحنطر بيه
من ولدونا؟ مش معناها حللوها؟ وتييييييييييييب!!!!
ود اختى ازيك التحلل ده حلحل اعصابى نسيت اقالدك،،،

Post: #7
Title: Re: حيرتو ابليس يعني شنو فقه التحلل
Author: mohmmed said ahmed
Date: 04-28-2014, 10:17 AM
Parent: #5

فقه التحلل
شرحو

يا زول لو انت معانا يعنى مشروع حضارى وكدا
وربنا يسر ليك وظيفة شحمانة بالتمكين

ولقيت ليك طريقة تسرق وما اتقبضتا
حلال عليك دا رزق ساقو ليك ربنا

ولو اتكشفتا
ترجع ربع القروش
وبرضو حلال عليك
ودا تحلل يسرو ليك ربنا

Post: #8
Title: Re: حيرتو ابليس يعني شنو فقه التحلل
Author: د.محمد حسن
Date: 04-28-2014, 10:22 AM
Parent: #2

يعني ان تحل تكة السروال

Post: #9
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 10:55 AM
Parent: #8

محمد حسن
تحياتي
دي مرحلة تجاوزها من زمن هم مكشوفين امام الملأ ملطي

Post: #10
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 11:33 AM
Parent: #9

الخال صديق
حبابك
ومع ما ذكرت من حصايات وتعرض 3 ايام كاملة تامة للشمس
عليه ان يقيم افطار جماعي يدعو فيه كل قدامى المتحللين والمنحلين والمحللين
خاصة من شهد الوثبة الكبرى وبعد ان يلهطو ويشربو ما لذ وطاب يقف شيخهم
واعظاً ثم يبكون ويتعاهدون على انهم في ذات الدرب سائرون
وهكذا يكتمل التحلحل والتحيل
ويتفرقون ويندغم الجميع من اجل الوثبة القادمة

عارف ديل خلو حال البلد زي الغرفة المقفلة وما فيها شباك والجماعة شغالين فيها منافسة غازات
غايتو عشان تتعايش في الغرفة المغلقة مع الغازات لازمك القزازة تكون مليان بي المنتج الاصلي وارد حاجة تاركه السيئة
والما بقدر على القزازة يهج يسيب البلد


Post: #11
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 11:42 AM
Parent: #10

محمد سيد احمد
تحياتي
فعلاً من امن العقاب اساء الادب
ودا حال منسوبي مشروع السجم والفساد

Post: #12
Title: Re: حيرتو ابليس يعني شنو فقه التحلل
Author: باسط المكي
Date: 04-28-2014, 12:07 PM
Parent: #11

10259786_676030505795766_7698048656285854816_n.jpg Hosting at Sudaneseonline.com

sudan29.jpg Hosting at Sudaneseonline.com

يمهل ولايهمل شيلو الصبر الحساب راجيهم واحد واحد
نلم الدقون الكبيرة ونحدر فقر سمنتها الليالي الضليمة

Post: #13
Title: Re: حيرتو ابليس يعني شنو فقه التحلل
Author: علي محمد الفكي
Date: 04-28-2014, 12:45 PM
Parent: #12

باسط المكي
تحياتي
اذا سرق الضعيف اقاموا عليه الحد واذا سرقوا هم استخدموا فقه التحلل

10311917_653767941338919_1553927865470192974_n.jpg Hosting at Sudaneseonline.com


دا رئيس مجلس تشريعي يتحدث عن 10 مليار
دفعتها حكومة الولاية لشركة مقابل عمل خريطة هيكلية للولاية
ولم تنجز
كأن الشركة غير معروفة او من تعاقدوا معها غير معروفين
او كأن هذا المال الذي استعوض فيه الله هو ماله الخاص

Post: #14
Title: Re: حيرتو ابليس يعني شنو فقه التحلل
Author: وضاحة
Date: 04-28-2014, 04:02 PM
Parent: #13

سلام على

ديل مش يحيروا ابليس ديل حيروا ربنا زاتوا مجرمين اجرام ما طبيعي
هاك اضحك شوية

واحد قاعد مع مرتو قال ليها رايك شنو نختبر ولدنا ده
قالت ليهو: اها ونختبرو كيف؟؟
فقال لها : نخت ليهو قرأن و ورقة مئة دولار و زجاجة
ويسكي
فإذا أخذ القرأن، فهو متدين ويصبح شيخ.
وإن أخذ الورقة، فهو يحب المال ويصبح رجل
اعمال.
وإن أخذ زجاجة الويسكي، فهو سكير ويصبح
فاشل.
فوضعوا الحاجات الثلاث على مائدة أمام الباب
واختبئوا.
فلما دخل ولدهم. نظر الى القرأن وفتحه ثم وضعه
تحت إبطه ثم نظر إلى الورقة، فأخذها و وضعها في
جيبه .
ثم نظر إلى زجاجة الويسكي، ففتحها وشرب منها .
ثم اخذها بيده وذهب إلى غرفته ....
عندها ضرب الرجل على جبهته بيده .. فقالت
الزوجة، وهذا ماذا يعني ؟
فقال، هذا هو الذي كنت خائفاً منه ..
فقالت الزوجة: وما ذاك ؟
فقال لها : ولدك حيطلع " كوز

Post: #15
Title: Re: حيرتو ابليس يعني شنو فقه التحلل
Author: عبدالعزيز حسين عبدالرحيم
Date: 04-28-2014, 04:31 PM
Parent: #14

تمام يا علي كويس جداً مارديت علي يعني ما عندك سبب ونفهم أنك محرش والمحرش ما بكاتل

يا جـــبان بتلبد لمن يجوك عديييل اكيييد من طرابيد الرياض وطريطيط زي ناس مكابرابي وجميعابي والبشاري

Post: #16
Title: Re: حيرتو ابليس يعني شنو فقه التحلل
Author: وضاحة
Date: 04-28-2014, 06:22 PM
Parent: #15


Post: #17
Title: Re: حيرتو ابليس يعني شنو فقه التحلل
Author: علي محمد الفكي
Date: 04-29-2014, 03:47 AM
Parent: #16


وضاحة اللماحة البنت الوطن
تحياتي
اضافاتك للبوست ذكية وذات دلالات عميقة
فالكيزان اسواء من السؤ هذه هي الحقيقة التي رسخت في عقل الشعب السوداني
ورسوخ هذه الحقيقة يطمن بأن المستقبل سيكون خالي من الطفيليات الاسمها الكيزان
وباذن الله غداً ستشرق شمس الحرية في الوطن
وسيكون الفساد والسرقة والاختلاس حالات فردية شاذة
ويذهب نظام الكيزان الى مزبلة التاريخ كاسواء نظام حكم مر على الوطن
ومعروف ان الفساد المالي هو مولود شرعي للفساد السياسي وغياب شمس الحرية ..
ومعروف ان البكتريا والطفيليات لا تنمو في الاماكن التي يغمرها الضؤ ..


Post: #18
Title: Re: حيرتو ابليس يعني شنو فقه التحلل
Author: علي محمد الفكي
Date: 04-29-2014, 09:50 AM
Parent: #17


المشيــر البشيــر رئيس الجمهوريه : لقد (تمكــــــنّا) من محــــاصرة (الفساد) عبر (القوانيـــــن)
صحيفة الرأي العام

دي تصريحات الرئيس من مقر اجازته في بحر دار الاثيوبية
!!!!!!!!!!!!!!!!
يعني اسه الفساد محاصر اها ح يقبضوا عليهو متى
او ح يحللوا متى ؟
الزول دا واحد من اثنين يا عوير او عوير


Post: #19
Title: Re: حيرتو ابليس يعني شنو فقه التحلل
Author: علي محمد الفكي
Date: 04-29-2014, 02:08 PM
Parent: #18

Quote: خلته طبقاً شهياً ...مزيناً بكل أنواع الزينة والمقبلات .. مغلفاً ومحفوظاً حتى يظل ساخناً دائماً .. يجلس حوله العشرات من الناس ..لكل منهم نفسه الخاصة ..فالنفوس بعضها ضعيف ....وبعضها أبي ...وبعضها عصي على الصمود أمام الحرام.. ومن الناس ربما يفكر ملياً في ان يشارك الجميع هذه الوجبة التي دائماً ماتطبخ على نار هادئة وتقدم على أطباق راقية ..فالاختلاس لم يكن يوماً وجبة فقراء ليس لأنّ الطرق مسدودة أمامهم وليس لهم مدخلاً ودروباً لممارسته ولكن لو كان لهم فعلاً لخرجوا تلقائياً من ذمرة الفقراء ...

ومحدثي بالأمس يسألني سؤالاً غريباً كيف يمكنني الاعتداء على المال العام وقلبي يخفق مرتين ،ويستمر خفقانه ومالك (ياخوي ) والمال العام ، قال لي : اريد ان اهجم على المال العام واعتدي عليه (واخنقو واطلع روحو) واختلس اختلاسا يجعل السودان الدولة الأولى في نموذجية الفقر والازمات الاقتصادية ، وليتها لم (تخرج منها للابد) . تعجبني وتغريني تلك الاجواء القانونية المتسامحة ...أريد أن أشرع في هذه العملية اختلس المليارات وإن تم القبض علي ساعيد ربعها ، او جزءً بسيطاً منها ...أو سأتفق مع القضاء أن أعيدها بالتقسيط ...لا لا بأس ساعيدها بطريقتي الخاصة ...طريقة ترضي القضاء وترضي الحكومة ، وليس مهماً أن يرضى الشعب ...انتهى حديث ذلك (التربال) صاحب الفدان الواحد بالريف الحبيب ...وسرحت معه في خطته أفكر في هذه الخطة (الجهنمية) ياخي دي فكرة(خطيره) أسهل طريقة تخلينا نمزق ثياب الفقر وفاتورة الديون .....مالي أرى ان للفساد نكهة مغرية . نكهة تفتح شهيتنا

Post: #20
Title: Re: حيرتو ابليس يعني شنو فقه التحلل
Author: علي محمد الفكي
Date: 04-29-2014, 02:20 PM
Parent: #19

Quote: والأبواب لم تغلق في قضايا الفساد الأخيرة ....على العكس الأبواب فتحت ...نحن لانقلل من عمليات الفساد نحن نؤجج الرغبة فيه ...هذه الطرق لمحاربته ..ليست سبباً في هزيمته ...هي سبب لانتصاره ...وانتعاش سوقه ....
والبعض يعض أنامله على هذا المال (السايب) وكيف لايعلمه السرقة ...وقلوب ترتجف ليس خوفاً من جنح الحرام ولا من فضيحة مابعد الفساد ولكنها تتحسر كيف لها ان تفوت عليها فرصة ذهبية كهذه
واكاد اجذم أنّ هناك العشرات يتحسرون من الذين كان أمامهم ألف باب للدخول ويقولون ...(ليتنا) ...لكننا كنا أغبياء ..لأننا كنا نظن أن الجريمة كبيرة ....والعقاب أكبر ...الفضيحة بشعة ....والردع أبشع

Post: #21
Title: Re: حيرتو ابليس يعني شنو فقه التحلل
Author: علي محمد الفكي
Date: 04-29-2014, 02:40 PM
Parent: #20

Quote: وننسى اننا في زمن التعايش مع كل شيء بشع ...والتصالح حتى مع سوء الأخلاق وسوء التصرف ...وحسن التصرف في المؤسسات أصبح ليس امراً ضرورياً ...قد يكون أمراً غريباً يجلب لك السؤال ...أنت تشغل منصباً مهماً ...كيف لك ان تستمر فيه دون ان تقدم على أية عملية اختلاس؟ ...سيكون هذا هو السؤال الطبيعي من أسرتك وأهلك وعشيرتك .
ولطالما أنّنا تجاوزنا مرحلة (أن نشتم رائحة فساد) ودخلنا مرحلة أننا نراه على طبق من ذهب ....على طريقة الاكلات (الفريش) إذن لابد أن لايقول البعض شكراً أو أنني لا أحبذ مثل هذه الأكلات ...أو أنّ هذا سيضر معدتي ....أو أنه يسبب لي ألم القولون ...فالوجبة شهية للغاية ..وعلى طريقة أهلي في الريف ....(مد يدك ياخي ).الحالة واحده والبيت بيتكم .