اسرقوا فتحللوا ،، التائب من الذنب كمن لا ذنب له ،،

سؤال عبيط ،،
الانقاذ مش بتحكم بالشريعة ؟؟؟؟
طيب عاوز القانونيين وعلماء الدين والشريعة يورونا في الفقه الاسلامي الشرعي في حاجة اسمها (( التحلل))
يعني نص قرأني
حديث نبوي
اجتهاد ائمة وسلف صالح

هل توجد في المصادر اعلاه اي فقه او شيء اسمو (( التحلل))
وماهو مقدار التحلل في المال المسروق (( يعني المليار بتحللها كم))

الانقاذ ومشروعها الحضاري مبتكرين من الدرجة الاولى للفقه
فقه التمكين
فقه خلوها مستورة
واخيرا فقه التحلل
----------

كل هذا الفقه دائرته التي يدور حولها المال يعني شرعنة سرقة المال
في فقه التمكين (( اسرق حتى تشبع بطنك وتتمكن من اشباع رغباتك وبعدها ستكون عنصرا قويا للتبشير بالمشروع الحضاري
فقه خلوها مستورة(( اذا سرق الشريف تركوه ))
فقه التحلل (( اسرق ودور المال المسروق واغسله جيدا وبعدها رد بعضه الى خزينة بيت المسلمين فأنت في حل من عقاب القانون والله

-------------
في سؤال تاني اعبط من الاولاني
طيب كيف الواحد يتحلل من شغله لوظيفة كل مؤهله انه خريج مدرسة المشروع الحضاري وازاح شخص مؤهل اكثر منه غير منتمي لنفس المدرسة الرسالية؟؟؟؟

ولسع الاسئلة العبيطة حا تترادم

فاصل بسيط واستراحة

نكــــــــــــتـــــــة

Quote: واحد قاعد مع مرتو قال ليها رايك شنو نختبر الولد دا مرتو قالت ليه كيف ؟ قال ليها نخت ليه مصحف ،ومية دولار ، وقزازة ويسكي اذا شال المصحف حا يكون زول متدين واذا شال المية دولار حا يكون تاجر واذا شال قزازة الويسكي حا يكون سكير عربيد قاموا ختوا الحاجات التلاتة واختفوا دخل الولد وفتح المصحف قراء فيه وطبقو في اباطو شاف المية دولار وحشرا في جيبو خمش قزازة العرقي وقطع منها كاس طويل وعدل على غرفتو وهم لابدين يشوفوا ابوه ضرب جبهتو وقال دا الانا خايف منو المرة مالك يا راجل خايف من شنو قال ليها ولدك حا يطلع كوز

سنعود لكي نتحلل من اثامنا

قال تحلل قال
علي مين الشعب راصد وواعي لكل شئ
شكرا اخي علي دفع الله تقبل مروري

Quote: قال تحلل قال علي مين الشعب راصد وواعي لكل شئ

باسط مكي الشعب واعي ما في شك بس كمان الوعيان دا حدز متين 25 سنة
اظن دا ما شعب واعي دا شعب متنح

علي كيفهم يحللوا ومرة يخلوها مستورة

لكن ساعة الخلاص نحن بنحلل كروشهم واكيد كلهم حاملين بالحرام من دم الغلابة

تحياتي واحترامي

Quote: اسرقوا فتحللوا

على الأقل كان يسمحوا لنا نمتع ناظرينا بطلعتهم البهية فى الصحف

وكمان بالمرة نشوف صور القصور وقطع الأراضى التى نهبوها

والسيارات وأرقامها ومن هنا لا يسعنا إلا أن نبارك لهم مقدما الترقيات

والمناصب الجديدة التى سيتبوؤنها والتى تتناسب مع مؤهلاتهم الجديدة .

هنيئا للسودان وإنسانه بالأقوياء الأمناء الذين تربوا فى كنف الحركة الإسلامية

ونشكر القائد المؤمن عمر حسن البشير الذى إختارهم بعناية وأمانة وتجرد حتى

يقضوا حوائج الناس فى إطار سياسة التمكين التى إستأصلت شذاذ الآفاق والزنادقة

والملحدين وأتتنا بأولئك المتوضئين المتمضمضين حتى يعيدوا الهيبة للأخلاق والدين .

ولنردد بصوت عالى بعد أن نرفع السبابة فى عنان السماء لنغيظ الكفرة والمُرجفين

فى سبيل الله قمنا نبتغى رفع اللواء لا لدنيا قد عملنا نحن للدين الفداء فليعد للدين مجده أو تراق منا الدماء.

أخونا على دفع الله لك التحية والى الأمام دوما

التحلل من شنو ? الاحرام !
ازيك يا علي

Quote: طيب عاوز القانونيين وعلماء الدين والشريعة يورونا في الفقه الاسلامي الشرعي في حاجة اسمها (( التحلل))

فقه التحلل ويحلها الشربكة يا على دفع الله
موجود
والمساندين لفقه التحلل موجودين
وهسي بقروا في البوست ده وما عارفين يقولوا شنو
منتظرين ليهم كضبة او مدخل يودي ليك البوست في ستين داهية وبعد داك بتلقاهم
اتحلوا منك ومن بوستك المعلون ده
لو عايز تسمع نصحيتي امسك في تحلل البوست ده قوي واي واحد يجييك طائر بي كورة مشيوتة ضفاري
اعمل ليها دبل كيك
مع انها نصيحة صعبة التحقيق لكن لو مشيت بيها
امانة ما تحلل التحلل حلحلة
ولك احترامي

والانكى من (التحلل) هو ان يتم تصوير فساد الخضر والي الخرطوم كحالة فريدة رغم ان الكيزان غارقين في الفساد ولغف مال الشعب من ربع قرن كامل

فتزامن مع قصص
باخرة المخدرات
وفساد الاقطان
وفساد ولاية الخرطوم
و
سرق الاضواء
ثم
بدأ تكذيبه
وكشف حقيقته

من الواتساب .

Quote: تتزكر الشفع الكنت بتتشاكل معاهم زماان في زمن الاساس ويرمو ليك شنطتك في الواطة ولما تجي ترمي شنطتهم يقولو ليك حرام فيها كتاب دين وانت تخلي الشنطة ولما وانت بتاكل الساندوتش وتقع منو حتة يقول ليك خليها شماها الشيطان واول ما تمشي ينفضها وياكلها اها ديل لما كبرو بقو الكيزان .

وبعداك بقولما تبيع دولار يعدموك وهم يجو بي وراك ويبيعو الدولار المصادر
ولما تسرق انت يقطعو يدك ولا يسجنوك وهم يسرقو ويتحللو .

الاصدقاء الاعزاء:-
-----------
جمال خضر
عبد الحفيظ ابو سن
فرح ابو روضة
مهدي صلاح
محمد جمعة الخير

تحياتي واحترامي شاكر مروركم

----------
طبعا خلاص تم تدشين المصطلح القانوني الجديد(( التحلل من المال الحرام))
في صحف وقنوات المؤتمر العاهــر واصبح يردد بصورة دائمة و نتوقع انو بعد شوية حا يكون عااااااااااادي
حسين خوجلي امبارح اثني وثمن دور الوالي القرأني انو اتكرم وجاء برجليه للتحقيق معه
وقال حسين خوجلي المال تلتو ولا كتلتو
------------

القضاء اصبح زي جودية السالف في ضل شدرة
اها يا اخوي انت سرقت كم
وفضلك كم
وفي الختام اذهب وانت متحلل من اثام المال العام

-------------
تفوووووووووووووووووو علينا نحن
ونستاهل

المؤتمر الوطني
من جهاد نصر شهادة
الي
سرقة
ابادة
تحلل

*

الزملاء الاعزاء

ابو روضة
محمد المشرف

شاكر مروركم وما نجيكم في تحلل
اقعدوا عافية

-------------
بس المحيرني احمد هارون وبشة وابو ريالة و كوشيب وبقية القتلة بلقوا ليهم بصارة في التحلل من الزمم الكاتلنها دي كيف

و نقول لهم كما قال مجمود درويش

Quote: أيها المارون بين الكلمات العابرة احملوا أسماءكم وانصرفوا واسحبوا ساعاتكم من وقتنا، و انصرفوا وخذوا ما شئتم من زرقة البحر و رمل الذاكرة و خذوا ما شئتم من صور، كي تعرفوا انكم لن تعرفوا كيف يبني حجر من أرضنا سقف السماء أيها المارون بين الكلمات العابرة منكم السيف - ومنا دمنا منكم الفولاذ والنار- ومنا لحمنا منكم دبابة أخرى- ومنا حجر منكم قنبلة الغاز - ومنا المطر وعلينا ما عليكم من سماء وهواء فخذوا حصتكم من دمنا وانصرفوا وادخلوا حفل عشاء راقص .. و انصرفوا وعلينا ، نحن ، أن نحرس ورد الشهداء و علينا ، نحن، أن نحيا كما نحن نشاء أيها المارون بين الكلمات العابرة كالغبار المر مروا أينما شئتم ولكن لا تمروا بيننا كالحشرات الطائرة خلنا في أرضنا ما نعمل و لنا قمح نربيه و نسقيه ندى أجسادنا و لنا ما ليس يرضيكم هنا حجر.. أو خجل فخذوا الماضي ، إذا شئتم إلى سوق التحف و أعيدوا الهيكل العظمي للهدهد ، إن شئتم على صحن خزف لنا ما ليس يرضيكم ، لنا المستقبل ولنا في أرضنا ما نعمل أيها المارون بين الكلمات العابرة كدسوا أوهامكم في حفرة مهجورة ، وانصرفوا وأعيدوا عقرب الوقت إلى شرعية العجل المقدس أو إلى توقيت موسيقى مسدس فلنا ما ليس يرضيكم هنا ، فانصرفوا ولنا ما ليس فيكم : وطن ينزف شعبا وطن يصلح للنسيان أو للذاكرة أيها المارون بين الكلمات العابرة آن أن تنصرفوا وتقيموا أينما شئتم ولكن لا تقيموا بيننا آن أن تنصرفوا ولتموتوا أينما شئتم ولكن لا تموتوا بيننا فنا في أرضنا ما نعمل ولنا الماضي هنا ولنا صوت الحياة الأول ولنا الحاضر ، والحاضر ، والمستقبل ولنا الدنيا هنا .. والآخرة ْ فاخرجوا من أرضنا من برنا .. من بحرنا من قمحنا .. من ملحنا .. من جرحنا من كل شيء ، واخرجوا من ذكريات الذاكرة ْ أيها المارون بين الكلمات العابرة ْ!

Quote: التحلل الأصغر يكون بعد جمرة العقبة فيجوز له حينئذ أن يمس الطيب وأن يلبس الثياب ويزيل الإحرام وغير ذلك من الممنوعات إلا الصيد والجماع. - التحلل الأكبر يكون بعد طواف الإفاضة فإنه لا يصيد ولا يقرب النساء حتى يطوف طواف الإفاضة، ولو أخره أياما كما ذكرنا ذلك من قبل، فإن فعل بطل حجه ووجبت عليه الإعادة والهدي.

والله يا على دفع الله التحلل الانقاذ ما حبابو
لكن لو جيتنا في التحلل المقتبس اعلاه حبابك الف