Post: #1
Title: معًا ... من اجل دعم كرار التهامي والياً لولاية الجزيرة
Author: Awad Omer
Date: 04-26-2014, 03:38 PM
نشهد له بالمثابرة والاجتهاد مع الكفاءة فى الادارة ...بالاضافة للتهذيب والاخلاق العالية والتضحية والإيثار ...
ومجهوداته فى جهاز المغتربين لا ينكرها الا متحامل...اخرها قتاله ضد ادخال ضريبة المغتربين التي كلفته منصبه ..مع انه يعمل تحت قيود وتيارات عالية من وزراءمن مجلس الوزراء امثال البكاي وغيره...
|
Post: #2
Title: Re: معًا ... من اجل دعم كرار التهامي والياً لولاية الجزيرة
Author: cantona_1
Date: 04-26-2014, 04:05 PM
Parent: #1
لن نوالي غير الوالي..
جمال الوالي .. والي طوالي..
جمال الوالي أحسن والي..
تصوروا دي مشوبرة ساي .. لا أنا من الجزيرة ولا بعرف جمال الوالي ولا من الجماعة البشاوروهم في الموضوع دا..
قلت إمكن لو الوالي بقى والى وقام بتقسيم مشروع الجزيرة يديني لي 10 ألف هكتار كدا ازرعها صمغ عربي عشان ناس الجزيرة الطيبين يستفيدوا معاي كمان بالله مش تمام؟ ولا كو؟
تحياتي.
كبـّاشي الصـّـافي
|
Post: #3
Title: Re: معًا ... من اجل دعم كرار التهامي والياً لولاية الجزيرة
Author: Awad Omer
Date: 04-26-2014, 04:36 PM
Parent: #2
Quote: لن نوالي غير الوالي..
جمال الوالي .. والي طوالي..
جمال الوالي أحسن والي.. |
و برضو راي...!!!!
شكرا كباشي
|
Post: #4
Title: Re: معًا ... من اجل دعم كرار التهامي والياً لولاية الجزيرة
Author: sadig mirghani
Date: 04-26-2014, 04:53 PM
Parent: #1
بالله انتوا المؤتمر الوطني بقي مافيهو ناس تمسك منصب والي الجزيرة لو الترشيحات علي شاكلة جمال الوالي وكرار التهامي فالمؤتمرالوطني قده انتهي قيادات الصف الاول والتاني كلها ضربها الفساد بالملفات
مسعولين من الخير انتو قطبي المهدي وين
|
Post: #5
Title: Re: معًا ... من اجل دعم كرار التهامي والياً لولاية الجزيرة
Author: خالد عبدالوهاب
Date: 04-26-2014, 05:44 PM
Parent: #4
Quote: نشهد له بالمثابرة والاجتهاد مع الكفاءة فى الادارة ...بالاضافة للتهذيب والاخلاق العالية والتضحية والإيثار ...
ومجهوداته فى جهاز المغتربين لا ينكرها الا متحامل |
هههههههههههههههههههههه
انا والله متحامل جدا، اذ انني انكر نكارا مبينا ان يكون لكرار التهامي أي كفاءة او ادنى مجهود ايجابي في جهاز المغتربين!!
كدى اذكر لينا انت واحدة من الانجازات او أي حاجة تدل على الكفاءة والاجتهاد؟
كدى سيبك من كرار او غير كرار، جهاز المغتربين كلو كده علي بعضو فايدتو شنو؟ حاول القى لينا فائدة واحدة لجهاز المغتربين وبعد داك بنشوف لو كرار كان عندو أي مجهود لتحقيق الفائدة دي!
اما التهذيب والاخلاق العالية، فدي يبلها ويشرب مويتها على الريق، لانني عن نفسي كمغترب لايهمني تهذيبه البتة ولم استفد منه أي شي
على كل حال فالياتي واليا للجزيرة! فما اظنه حايكون اسوأ من الفات ولا الجايي، فكلهم زي بعض مهذبين وذوو اخلاق عالية وحرامية ومتدينيين ويأكلون المال العام وزاهدين في الدنيا!
|
Post: #6
Title: Re: معًا ... من اجل دعم كرار التهامي والياً لولاية الجزيرة
Author: Awad Omer
Date: 04-26-2014, 06:03 PM
Parent: #5
Quote: انا والله متحامل جدا، اذ انني انكر نكارا مبينا ان يكون لكرار التهامي أي كفاءة او ادنى مجهود ايجابي في جهاز المغتربين!!
كدى اذكر لينا انت واحدة من الانجازات او أي حاجة تدل على الكفاءة والاجتهاد؟
كدى سيبك من كرار او غير كرار، جهاز المغتربين كلو كده علي بعضو فايدتو شنو؟ حاول القى لينا فائدة واحدة لجهاز المغتربين وبعد داك بنشوف لو كرار كان عندو أي مجهود لتحقيق الفائدة دي!
اما التهذيب والاخلاق العالية، فدي يبلها ويشرب مويتها على الريق، لانني عن نفسي كمغترب لايهمني تهذيبه البتة ولم استفد منه أي شي
على كل حال فالياتي واليا للجزيرة! فما اظنه حايكون اسوأ من الفات ولا الجايي، فكلهم زي بعض مهذبين وذوو اخلاق عالية وحرامية ومتدينيين ويأكلون المال العام وزاهدين في الدنيا! |
وبرضو راي......مشكور.
يا استاذ عبد الوهاب..
ماعندي مقياس وبرهان للكفاءة والاجتهاد ..لكن دي ملاحظة متواترة.....وفى المتاح له.
انا هنا لا احاكم وجود الجهاز من عدمه او فائدته ...لانه موجود وحقيقة من زمان بوجود كرار او بدونه...
|
Post: #7
Title: Re: معًا ... من اجل دعم كرار التهامي والياً لولاية الجزيرة
Author: ادريس خليفة علم الهدي
Date: 04-26-2014, 06:20 PM
Parent: #6
قنع من وزارة المهاجرين ؟؟
الانتهازي الايجابي ..!!!!
|
Post: #8
Title: Re: معًا ... من اجل دعم كرار التهامي والياً لولاية الجزيرة
Author: عبد الوهاب المليك
Date: 04-26-2014, 06:50 PM
Parent: #7
وتلك الكراسي نداولها بيننا
أي مسؤول يخرج من منصب يكون هناك منصب آخر في انتظاره بغض النظر عن انجازاته في موقعه الأول
الدكتور كرار التهامي كمغتربين نبصم بالعشرين أنه لم يقدم لنا شيئاً .. مثله مثل من سبقوه في هذا المنصب ومن سيلونه إن شاء الله ..
أما دعمه والياً لولاية الجزيرة فنتركه لمواطني الجزيرة ..
ويا مثبت العقل والدين
|
|