Post: #1
Title: الكائن الخرافي عبد الرحيم برشم
Author: حمد عبد الغفار عمر
Date: 04-26-2014, 07:32 AM
Parent: #0
معروف طبعا زول نجر سااي ما عند كورة ولاحاجة
أيام دورة أبها كنا لاعبين مع الهلال السعودي والهلال معاه لاعب برازيلي غالي الثمن
المهم
اللاعب البرازيلي دخل بخشونة في لعبة مشتركة مع برشم
لما برشم قام اتكلم مع البرازيلي وأشر ليهو في وشو بأصبعو
سألت واحد جنبي قلت ليهو برشم دا يكون قال للبرازيلي دا شنو قال لي بكون قال ليهو:
اسمع هوي انت لاعب مشهور ومحترف وسعرك غالي وأنا ولا مشهور ولا غالي
لو خبطتك تاني ما بتساوي دولار واحد
|
Post: #2
Title: Re: الكائن الخرافي عبد الرحيم برشم
Author: حمد عبد الغفار عمر
Date: 04-26-2014, 10:14 AM
Parent: #1
في نفس اليوم وبعد نهاية المبارة
مذيع القناة الرياضية سألو قال ليهو يا برشم رأيك شنو في التحكيم ؟
قال ليهو "كعب" ، وكعب دي طبعا كلمة سودانية ما وقعت للمذيع قال ليهو يعني ممتاز
برشم قال ليهو لا لا كعب عديييييل كدا
|
Post: #3
Title: Re: الكائن الخرافي عبد الرحيم برشم
Author: Kabar
Date: 04-26-2014, 11:05 AM
Parent: #2
حمد حبابك يا صديقي
ياخي انت عندك فتاوي كده بتعرفها براك؟؟؟
التحية لأخونا عبد الرحيم برشم..ومن قبل قالها احد كتاب الصحافة الرياضية في دار ام سودان عن عبد الرحيم..حيث قال:الما عندو ضهر ينضرب على قفاه..!!
الوالي كان حريف ،ولم يبذه حرفنة الإ واحد نادر من عيال مدني اسمو (حداثة)..!!..
لكن ،كمان للقدر احكام ، حتى لو كانت الأحكام شلوت من اخونا عبد الرحيم برشم وقامت سقطت حجر الوالي..!!!!!!
اكثر ما يدهشني في اخونا الفنان عبد الرحيم برشم انو..اتجاوز محنة ضربة الوالي..وواصل طريقو واطرب جماهير الموج الأزرق..والسودان ظاطو..!!
تحية لأخونا الكابتن عبد الرحيم برشم..
وتحية..لعيسى صباح الخير وول ابا الحمش بدر الدين بخيت (ياخي الزول ده ،كم تمنيت اني اكون لاعب في مباراة وهو لاعب معاي..!!)..لأنهم حرفاء ، والحرفاء بيعجبوا الله..!!
كبر*
ـــــــــــــــــــ
*عمك هلالابي من زمن شواطين حتاها قرض مع العظيم بليا ، وعندو شواطين اعظم من بليا ، لأن العظيم مافي حاجة بتوقفو الإ تكون اعظم منو..!!..والسلام موصول لقرعم ،الإسيد..، القانون ، جكسا ،سبت ، الصقر الأسود (حارس الموردة لمن شالت كاس 1968 ولاقيتو مسطح معاي في قطر الأبيض لمن الموردة شالت كاس 1988 بي قونين مغربي..!!!!!)..
|
Post: #4
Title: Re: الكائن الخرافي عبد الرحيم برشم
Author: Kabar
Date: 04-26-2014, 11:09 AM
استدراك مهم..
يتخيل لي الصقر الأسود هو كابتن سبت دودو..!!
ويا ناس الموردة الحقونا بلقب عمنا فضل..حارس مرمي الموردة 1968..!!
النداء موجه لأخونا خالد الجزولي...!!
كبر
|
Post: #5
Title: Re: الكائن الخرافي عبد الرحيم برشم
Author: حمد عبد الغفار عمر
Date: 04-27-2014, 06:20 AM
Parent: #4
مولانا كبر يا هداك الله
تماما بالضبط هذه هي الفذلكة التاريخية على أصولها ضرب وفن وهندسة
Quote: لوالي كان حريف ،ولم يبذه حرفنة الإ واحد نادر من عيال مدني اسمو (حداثة)..!!..
لكن ،كمان للقدر احكام ، حتى لو كانت الأحكام شلوت من اخونا عبد الرحيم برشم وقامت سقطت حجر الوالي..!!!!!!
اكثر ما يدهشني في اخونا الفنان عبد الرحيم برشم انو..اتجاوز محنة ضربة الوالي..وواصل طريقو واطرب جماهير الموج الأزرق..والسودان ظاطو..!!
تحية لأخونا الكابتن عبد الرحيم برشم..
وتحية..لعيسى صباح الخير وول ابا الحمش بدر الدين بخيت (ياخي الزول ده ،كم تمنيت اني اكون لاعب في مباراة وهو لاعب معاي..!!)..لأنهم حرفاء ، والحرفاء بيعجبوا الله..!! |
ذكرتنا الوالي وقونو في الهلال السعودي
أما حداثة فهذا فأمره عجب لا أتذكر حداثة إلا ويحضرني الديبة الشفت
وشواطين الرقم الصعب
البوست قد يستمر ليشمل لعيبة وكتاب رياضيين وملاكمين ومشجعين
حسب مآلات الحال
سوف نعود إليه حتما
ونتمنى دخول خالد الجزولي
اتمنى أن تكون ومن معك بخير
|
|