يا سيف اليزل يا ول عمي حلف برب المهدي الذوق عندك. تحياتي.
كبـّاشي الصـّـافي
Post: #3 Title: Re: القطار دور حديدو: أجمل فيديو كليب إثيوسودانى سو فار Author: خالد المبارك Date: 04-26-2014, 01:46 AM Parent: #2
شكرا سيف اليزل
الابداع ليس له وطن
دائما ما يحس الاثيوبيون بأن هناك شئ ما ينقص الاغنية السودانية شئ صغير فقط هو ما ينقص فيبادرون بتقديم اغنياتنا في قالب قد يصل حد الكمال ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحرالذي يضيفونه للاغنية فيجعلك كلما انتهت الاغنية تعيد سماعها مرات و مرات؟
Post: #6 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-26-2014, 09:03 AM Parent: #2
Quote: يا سيف اليزل يا ول عمي حلف برب المهدي الذوق عندك. تحياتي.
كبـّاشي الصـّـافي (العوج راي والعديل راي)
تسلم أستاذنا كباشي الصافي ده من زوقك انت يا حبيب وزوق هذا الشعب السودانى المعلم..
Post: #7 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-26-2014, 09:19 AM Parent: #6
Quote: دائما ما يحس الاثيوبيون بأن هناك شئ ما ينقص الاغنية السودانية شئ صغير فقط هو ما ينقص فيبادرون بتقديم اغنياتنا في قالب قد يصل حد الكمال ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحرالذي يضيفونه للاغنية فيجعلك كلما انتهت الاغنية تعيد سماعها مرات و مرات؟
فعلا يا خالد المبارك ليس للأبداع وطن.
في إعتقادي أن الاحباش بيضيفوا بهارات وشمارات علي الاغنية السودانية ثم يعيدوا تصديرها الي المستمع السودانى بطعم جديد. واحدة من هذه البهارات هي تقديم الاغنية في فديو كليب بهيج، فيه إحترافية، راقص، فيه قصة، فيه نواحي جمالية كثيرة. يعنى في الاغنية الموضوع بقي أكبر من القطار دور حديدو وبس. أنا أطالب الاخوة الإثيوبيون بإعادة تأهيل كل القطارات السودانية، قطار الشوق متين ترحل والقطر بتاع من الاسكلة وحلا. وكمان لو شافوا لينا معاها سودانير بالمرة بكونوا ما قصروا.
ما يفعله الغناء السودانى في أهلنا الأحباش لم تفعله السياسة.
Post: #8 Title: Re: القطار دور حديدو: أجمل فيديو كليب إثيوسودانى سو فار Author: مجاهد محمد الهادي Date: 04-26-2014, 09:26 AM Parent: #1
ذوقك جميل
ما في كلام
شغل ممتع
شكرا سيف اليزل
Post: #10 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-26-2014, 11:37 AM Parent: #8
الأخ منصور مفتاح كيف ننسي القطار المرّ فيهو مر محبوبي!! مداخلتك دي نبهتى لحاجة مهمة أتمنى أن ألقي ليها كتابات أو توثيق لأنها للأسف بدأت تتلاشي في ذاكرة وثقافة الشعب السودانى وهي موضوع "القطار في الغناء السودانى". قطارو حلي يا ناس قطارو حلا والقطر الشالك إنت يتكسر حتة حتة والثلاثة بنات بتاعن قطر الروصيرص وكتير وكتير. للأسف الدمار الذي لحق بقطاع السكة حديد من أيام جعفر نميري مسح معاه كل هذا الإبداع القطاري وبقينا في أغانى علي شاكلة "مسكول".
نحي الوحدة الاثيوبية السودانية ونؤيد بناء سد النهضة .......
Post: #12 Title: Re: القطار دور حديدو: أجمل فيديو كليب إثيوسودانى سو فار Author: Abd Alla Elhabib Date: 04-26-2014, 02:49 PM Parent: #11
ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحر الذي يضيفونه للاغنية فيجعلك كلما انتهت الاغنية تعيد سماعها مرات و مرات؟ ترى ماهو السر ? ______________ جينات حب وحنين وحميمية تأبي أن تسلم بحواجز الحدود واللغة والجغرافيا ... يقول التاريخ أننا كنا شعب واحد .. الشاب الجميل ده يشحن مقاطع هذا اللحن الحنين بحميمية دافقة أكثر مما يستطيعه أحمد الصادق أو أي مؤد آخر ...مثلما يفعل أبراهام سوداني ب علي الجمال
Quote: نحي الوحدة الاثيوبية السودانية ونؤيد بناء سد النهضة .......
الأستاذ سامي عبد المطلب .. بعد السلام نؤيدكم ونشد من أزركم ومعكم حتى تتحقق الوحدة السودانية الإثيوبية . أها أضمن صوتي أنا نمرة 1 عند إجراء الإستفتاء على الوحدة. تحياتي.
Quote: ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحر الذي يضيفونه للاغنية فيجعلك كلما انتهت الاغنية تعيد سماعها مرات و مرات؟ ترى ماهو السر ?
Quote: The United States of Kush, Its a mater of Time
أستاذ بشاشة بعد السلام يعني في مملكة كوش دي نحن عيال دار غرب ما معاكوا ولا شنو؟ الحاجات الحلوة دايرين تاكلوا وحيدكو ولمن شرككم يقبض ليا دابي تنادونا معاكو؟ يا زول دا ما ظلم عديل ولا كو؟ تحياتي.
إحقاقا للحق الفن السودانى سامى المقام عالى الكعب نافذ لأفئدة الشعوب من حولنا حتى المصريين أضحى يطربهم أقل جودة من فننا وصار تناولهم له كتناولهم لأم كلثوم والعندليب حليم وصاروا يتشبهون بنا فى أفراحهم ولا تكتمل إلا بملحنا ولحوننا وهى عودة لهم إلى الأثر الخافت فى ذاكرتهم الناكره أما الأحباش والصومال وآل تشاد وشمال نيجريا والنيحر فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى السودانيه وذلك لقوة موسيقانا التى إخترقت الجدر وسكنت فى أفئدتهم نعم نحبهم لأنهم هم الأقرب إلينا وإلى وجداننا وكانوا معنا منذ أمد مديد وما زالو ولكن ذلك لا يعليهم بفننا علينا ولا ينبغى لهم ومتى الصورة صارت أصلاً!! وقول بعض الإخوه هو من باب التشبيه المقلوب كقولك الأسد كالرجل فى الشجاعه إلا أننا يطربنا أكثر فنهم وبلغتهم التى لا نفهمها أصلا وننجذب لأستير فى أقرى أقرى أما موسيقانا فدققوا فى أى من اللنكات وتمعنوا ثم أصغوا إلى كيف يفعل بشير عباس فى العود وكيف يجعله يغنى ثم تغنى البلابل بقيادة هاديه قمة الأداء والتطريب والنغم وهذا ما نَصُرُ ويملأنا فخراٍ وزهواً وإعجاب وهذه هى أقل ما يقال عن الحقيقه التى لا ندركها لأن ثقافاتنا تمطرنا بفنان الحى لا يطرب الحى.
منصور
Post: #21 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-26-2014, 11:52 PM Parent: #20
الزملاء سامى عبد المطلب كباشي الصافي بشاشا مكى
أنا طبعا من المؤيدين لمبدأ التعاون والتكامل والوحدة مع دول القرن الافريقى وفي مقدمتهم أثيوبيا. بفتكر أن لدينا مصالح عديدة مع هذه الدول، منها ما هو تجاري وسياسي وثقافي.
التسمية ما بتفرق معاي. نسميها اية حاجة. سميها كوش، الإيقاد ، سميها مجموعة القرن الأفريقي سميها وحدة إثيوسودانية. المهم عندي الهدف.
بالطريق دي ندخّل حتى ودعمى ول أبا الصافي وكل الاهل غرب النيل الأبيض حتى حدودنا مع تشاد.
بالمناسبة ناس الحركة الشعبية أكلونا حنك في قصة كوش دي...
شكرا كتير لهذا الحوار
وآسف للتأخير
Post: #23 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-26-2014, 11:56 PM Parent: #21
مجاهد محمد الهادي والدكتورة الرقيقة وضاحة
المهم إنو القديو عجبكم
بس قالو الخيل تجقلب والشكر ليي حماد
أبينت قرما (تيلاهون) إتقطع في الغنية دي ولازم نشكروا كمان،.
أؤيد الوحدة مع الناس الشفيفين ديل.. بلا أدنى تحفظ..
Post: #24 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 00:03 AM Parent: #22
دبس
قالو سمح القول في خشيم سيدو
أحمد الصادق أبدع في الاغنية...
Post: #25 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 00:12 AM
الأستاذ عماد الشبلي
البلابل ثلاث نجمات في سماء أثيوبيا
حب الشعب الاثيوبي ليهن في السبعينيات والثمانينات فآيت الحدود
مشينا خاتم المنى شايل المنقة البنريدو تائه يا حليل البريدنا عشة صغيرة
قطار الشوق دي كان لموا فيها الحبش ببكونا ساي
تحياتى
Post: #26 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 00:17 AM Parent: #25
Quote: أؤيد الوحدة مع الناس الشفيفين ديل.. بلا أدنى تحفظ
الأستاذة نور تاور وكأني أسمعك ترددي كلمات ولحن القطار دور حديدو
مصالحنا مع أثيوبيا، خاصة بعد كل هذا الدمار
تحياتى الحارة
Post: #27 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 00:19 AM Parent: #26
ناس الفيسبوك علي بوب وسودان ريبل أبشروا بالخير
Post: #28 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 00:22 AM Parent: #27
منصور المفتاح
مرحب بيك وشكرا علي المداخلة
نرجع ليك بالرواقة لهذه المداخلة الدسمة..
تحياتى
Post: #30 Title: Re: القطار دور حديدو: أجمل فيديو كليب إثيوسودانى سو فار Author: فردوس جامع Date: 04-27-2014, 01:10 AM Parent: #28
يا سلاااام
يا حامل المسك و نافح العبير روعة !! أضفت الشاب ده لقائمة الفنانين الأثيوبيين البيمتعوني... مشكور على التبصير...
Post: #36 Title: Re: القطار دور حديدو: أجمل فيديو كليب إثيوسودانى سو فار Author: محمد بدوي Date: 04-27-2014, 06:52 AM Parent: #30
فعلا ممتع حد الثمالة الجميل انو الاحساس عالي و الجوانب الفنية كبيرة و السيناريو بسيط ومصور بي احترافية تعالوا نتعلم منهم فننا
Post: #38 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 09:49 AM Parent: #20
Quote: إحقاقا للحق الفن السودانى سامى المقام عالى الكعب نافذ لأفئدة الشعوب من حولنا حتى المصريين أضحى يطربهم أقل جودة من فننا وصار تناولهم له كتناولهم لأم كلثوم والعندليب حليم وصاروا يتشبهون بنا فى أفراحهم ولا تكتمل إلا بملحنا ولحوننا وهى عودة لهم إلى الأثر الخافت فى ذاكرتهم الناكره أما الأحباش والصومال وآل تشاد وشمال نيجريا والنيحر فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى السودانيه وذلك لقوة موسيقانا التى إخترقت الجدر وسكنت فى أفئدتهم نعم نحبهم لأنهم هم الأقرب إلينا وإلى وجداننا وكانوا معنا منذ أمد مديد وما زالو ولكن ذلك لا يعليهم بفننا علينا ولا ينبغى لهم ومتى الصورة صارت أصلاً!! وقول بعض الإخوه هو من باب التشبيه المقلوب كقولك الأسد كالرجل فى الشجاعه إلا أننا يطربنا أكثر فنهم وبلغتهم التى لا نفهمها أصلا وننجذب لأستير فى أقرى أقرى أما موسيقانا فدققوا فى أى من اللنكات وتمعنوا ثم أصغوا إلى كيف يفعل بشير عباس فى العود وكيف يجعله يغنى ثم تغنى البلابل بقيادة هاديه قمة الأداء والتطريب والنغم وهذا ما نَصُرُ ويملأنا فخراٍ وزهواً وإعجاب وهذه هى أقل ما يقال عن الحقيقه التى لا ندركها لأن ثقافاتنا تمطرنا بفنان الحى لا يطرب الحى.
منصور
الأخ منصور شكرا علي المداخلة مرة أخري. أتفق معاك في بداية ونهاية المداخلة حول سمو مقام الفن السودانى في المنطقة، لكن هذا لا يعنى أننا السقف الاعلي لما ذكرته من الدول. وترديدهم للأغاني السودانية لا يعنى أنها الأفضل وإنما عشق للفن والموسيقي ليس له حدود او وطن. عندما كان ثوار إريتريا يحاربون الجيش الإثيوبي لتحرير بلادهم كانوا في ذات الوقت يطربون لغناء الأمهرا الاثيوبي. أما الصوماليين فلهم إحترام كبير لبعض الأغنيات السودانية مثل أغنية الاستاذ صلاح بن البادية سال من شعرها الذهب. لكنهم في ذات الوقت يعتزون بسمو الاغنية الصومالية. ولولا تلك الحرب اللعينة لتطورت الاغنية الصومالية ولرأينا نماذج من أغانى سودانية بأداء أثيوبي. في أغنية لشابة، علي ما أعتقد إنها سودانية، تغنى أغنية لصلاح إبن البادية مع فرقة موسيقية صومالية أعتبرها مثال جيد للتلاقح الغنائي في المنطقة. سوف أحاول أرفعها من اليوتيوب.
المداخلة تقرأ مع مداخلة الأخت فردوس جامع..
تعرف يا منصور أنا كان علي كان فتحت فرع لمركز شباب السجانة في أديس أبابا....
Post: #31 Title: Re: القطار دور حديدو: أجمل فيديو كليب إثيوسودانى سو فار Author: فردوس جامع Date: 04-27-2014, 01:28 AM Parent: #29
الأخ منصور المفتاح السلام و التحية
Quote: فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى السودانيه وذلك لقوة موسيقانا
نقطة إختلاف هنا... أنا صومالية و بستمع لأغاني صومالية بأداء أثيوبي كما الحال هنا و إستغرب من آي نافذة أطلوا ليمنحونا ذاك البهاء الناقص!!!
الصومالي اللي ما سمع الأثيوبيين بيرددوا أغاني سودانية عادي ممكن يجي و يقول
Quote: فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى الصومالية وذلك لقوة موسيقانا
دعوة للقعاد في بنابر الله دي و رؤية العالم من منظار العالم و ليس منظار شلعوها الرباطاب (قرية نجرتها حسي دي و عشان الرباطاب أحلى ناس و ساخرين :)
Post: #35 Title: Re: القطار دور حديدو: أجمل فيديو كليب إثيوسودانى سو فار Author: محمد فضل الله المكى Date: 04-27-2014, 06:02 AM Parent: #34
. يا سيف .. أنا مداخلني شك إنو أخونا في أديس ( الطيب شيقوق ) ماااا طييب ! يااا اخوانا أتِّروا الزول شوفوهو الحاصِل عليهو شنو ؟؟
شوفوا لينا القطار المرَّ .. نشوف القطارات بتكمل ولا فيها باقي !! كامِل المحبة
Post: #37 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 09:14 AM Parent: #35
Quote: جينات حب وحنين وحميمية تأبي أن تسلم بحواجز الحدود واللغة والجغرافيا ... يقول التاريخ أننا كنا شعب واحد .. الشاب الجميل ده يشحن مقاطع هذا اللحن الحنين بحميمية دافقة أكثر مما يستطيعه أحمد الصادق أو أي مؤد آخر ...مثلما يفعل أبراهام سوداني ب علي الجمال
الحبيب عبدالله الحبيب زمان قبل سنين كنت قايل مقدرات الأثيوبين تقيف فقط عند حدود أغنية الأستاذ المرحوم سيد خليفة إزيكم أو رائعة الإستاذ المرحوم وردي خلاس كبرتى وليك 19 سنة. أبراهام سودانى أثبت وكتيرين غيره منهم تقيست أثبتوا العكس تماما وأظهروا أبعادا جديدة للأغنية السودانية لم تكن مسموعة أو مرئية من قبل.
والله يا بشاشة بعد السلام .. البنية دي أبوها غلطان ثم غلطان.. تحياتي.
كبـّاشي الصـّـافي
Post: #39 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 10:04 AM Parent: #32
Quote: وإنتى تكونى بألف خير يا فردوس إنتى هبرقدر واللاشنو هسع كلام المريان دا بغير النيجه كلنا صواميل
أخونا منصور أسمح لي أضيف معلومة بسيطة جدا في الحتة دي. القبيلة لاتنعنى شيئا كبيرا بالنسبة للمرأة الصومالية. بل هى الخاسر الأكبر من حروب الصومال القبلية. تفقد المرأة الصومالية إنتمائها القبلي بمجرد زواجها من رجل من قبيلة أخري. أدي هذا بالطبع لضياع حقوق المرأة الصومالية في المشاركة في السطلة والثروة حسب الانتماء القبلي والجغرافي للمرأة في كل الصومال. في الصومال في أربعة قبائل رئيسية وأقلية من القبائل المهمشة جعلها تمثل المجموعة الخامسة. أطلقت إحدي نساء الصومال وإسمها عائشة حجى، أطلقت مبادرة لاعتبار نساء الصومال قبيلة لوحدها أطلقت عليها إسم القبيلة السادسة.
تحياتى
Post: #40 Title: Re: القطار دور حديدو: أجمل فيديو كليب إثيوسودانى سو فار Author: سيف اليزل سعد عمر Date: 04-27-2014, 10:10 AM Parent: #39