قصة حقيقية بمناسبة التهريب بالحاويات .. كوز كبير جداً

والله على ما أقول شهيد
(س) الذي يعمل بالميناء - وهو كوز تائب - حدثني أنه في أحد أيام عمله العاديه في تكملة اجراءات تخليص المعاملات الجمركية في الميناء؛ إتصل مدير الميناء شخصياً بزميله لكي يقوم باجراءات تخليص عدد من الحاويات القادمة من قطر والتي تتبع لأحد المنظمات الخيرية المعروفة في السودان والتي يرأسها في ذلك الوقت كوز كبير جداً - كلكم تعرفونه وهو مقبور الآن - فتحرك الزميل لتكمله الاجراءات الا أنه ما لبث أن عاد أدراجه سريعاً على غير العادة !، مما أثار استغراب (س) وجعله يتساءل عن سبب العودة السريعة.
اتضح انه رفض تكملة اجراءات التخليص وعاد سريعاً بسبب عدم السماح له بمعاينة - التمر - الذي يفترض أن يكون في داخل الحاويات للتأكد على الأقل من صلاحيته.
بعد مرور ساعة من الزمن ورده اتصال مرة أخرى ولكن هذه المرة من الكوز الكبير جداً - شخصياً - يطلب منه تكمله الاجراءات ويؤكد له ان الحاويات تتبع للمنظمة التي يرأسها ويجب أن تتم اجراءاتها بأسرع وقت ممكن، مما اضطره للاذعان والعودة لتكملة الاجراءات ولكنه أصر هذه المرة على فتح حاوية واحدة على الأقل ... وكانت المفاجأة !

المفاجاة كانت ان الحاوية - الحاويات الاربعة - كانت معبأة على آخرها بالعطور الباريسية ( الأصلية)
من الواضح انها مستجلبة لطبقة كاملة تستخدم وتستطيع أن نتشتري العطور الباريسية الأصلية !

وهذا دليل آخر على حرص الكيزان على الاقتداء بالهدي النبوي الشريف في جميع نواحي الحياة، حتى في أحد خير ما حابب اليه من دنيانا هذه .... العطر

الأخ أيمن بعد السلام
بركة الما طلعت مخدرات ولا حبوب هلوسة.. العطور هينة.
تحياتي.

كبـّاشي الصـّـافي
(العوج راي والعديل راي)

يا أستاذ أيمن ،
لمتين نحن نغطغط وندسدس؟
الناس ديل لازم يتفضحوا ويتعروا للآخر
ديل ما ناس بينستروا
الكوز التايب دا منو ؟
والمقبور ، لعنة الله عليه ، دا منو ؟؟
ومدير المينا دا منو ؟؟
بغير كدا الكلام يصبح مجرد ونسة
ونحن ما جايين هنا عشان نتونس.
الناس ديل لازم يتفضحوا ،
وبعد كدا كفاية.

تحياتي

Quote: لكوز التايب دا منو ؟ والمقبور ، لعنة الله عليه ، دا منو ؟؟ ومدير المينا دا منو ؟؟ بغير كدا الكلام يصبح مجرد ونسة ونحن ما جايين هنا عشان نتونس. الناس ديل لازم يتفضحوا ، وبعد كدا كفاية.

تحياتي

Quote: : لكوز التايب دا منو ؟ والمقبور ، لعنة الله عليه ، دا منو ؟؟ ومدير المينا دا منو ؟؟ بغير كدا الكلام يصبح مجرد ونسة ونحن ما جايين هنا عشان نتونس. الناس ديل لازم يتفضحوا ، وبعد كدا كفاية.

ياكباشى ماتنسى إنه أيمن بيتكلم عن محتويات حاوية واحدة تم تفتيشها , يعنى احتمال كبير إنه فى واحدة من باقى الحاوبات كان فيها (الصنف)البتتكلم عنه ويمكن يكون أسوأ . وكلو وارد لأن هؤلاء القوم لا وازع دينى ولا أخلاقى لهم .

Quote: لمتين نحن نغطغط وندسدس؟ الناس ديل لازم يتفضحوا ويتعروا للآخر ديل ما ناس بينستروا الكوز التايب دا منو ؟ والمقبور ، لعنة الله عليه ، دا منو ؟؟ ومدير المينا دا منو ؟؟ بغير كدا الكلام يصبح مجرد ونسة ونحن ما جايين هنا عشان نتونس. الناس ديل لازم يتفضحوا ، وبعد كدا كفاية.

الاخ درديري الصافي
لا توجد غطغطة ولا دسدسة
كل ما هنالك أن ذكر الاسماء يتطلب أن يكون مدعوماً بمستندات وأدلة قانونية. وهذا غير متوفر الآن

الأخ كباشي تحياتي

Quote: بركة الما طلعت مخدرات ولا حبوب هلوسة.. العطور هينة.

في هذا العهد ابتدعت الانقاذ العشرات من المنظمات الوهمية للتغطية والتهرب الجمركي وهذا من الاسباب الرئيسية لانهاك الاقتصاد السوداني المنهك أصلاً، ويبدوا أن الشغلة وارة شديد والطمع بلغ حد النقلة النوعية الأخيرة !

فيلم هندي ... شفناه قبل كدة.
جيب الدليل والمستندات وتعال صادي.

السلام عليكم اخي غريبة

Quote: جيب الدليل والمستندات

لكن انتو بتخلوا ادلة واراكم؟

عناية الرحمن بالشعب الفضل هي القاعدة تفضحكم .....

يفتن بينكم الشيطان وبخليكم تتخاصموا ومن ثم يظهر المسروق ويظهر الفساد والمفسدين.....الخ

Quote: فيلم هندي ... شفناه قبل كدة. جيب الدليل والمستندات وتعال صادي.

هو فسادكم عايز ليه دليل ومستندات
قال جيب الدليل والمستندات
وجود الحاويات ببورتسودان كل هذه الفترة وعدم الكشف عن محتوياتها
الا بعد تدخل السلطات بدول الخليج اكبر دليل على ان هذه الحاويات مملوكة لقبيلة بني كوز
وموجودة تحت حمايتهم
ولم تكن وجهتها للسودان الا بمعرفتهم وبمحتوياتها

كل اهالي بورتسودان يعرفون ان هناك حاويات لاتخضع للكشف والفحص .
وتتعدد الحجج تارة باسم منظمات واخري باسامي شركات بترولية .

وظابط الجمارك البتجراء ويصر علي الكشف ياجاهو تلفون يا الصالح العام .

Quote: فيلم هندي ... شفناه قبل كدة. جيب الدليل والمستندات وتعال صادي

انت لو قالوا ليك في كوز نزيه تقول ليهم جيبو الدليل لانه شاد عن القاعدة.

يا أيمن سلام ومشكور على البوست لكن برضو مفروض نفضح الناس ديل ..

وعن اذنك عايز ارد على صلاح غريبة دا ..

Quote: فيلم هندي ... شفناه قبل كدة. جيب الدليل والمستندات وتعال صادي.

يا زول هوي عايزنا نجيب الدليل بنجيب ليك تسجيلاتك المعفــنة ديك "متذكرا" ..
دي اكبر دليل انك زول و س خ و ع ف ن وما محترم وهي اكبر دليل انو الكيزان هم ارزل الناس ..
انت الزيك دا مفروض يدقوهو 100 جلدة لأنك هاتك اعراض ناس يا بتاع المغامرات الليلية ..
ارعى بي قيدك قبل ما اساسكك من بوست لي بوست بي تسجيل الصوت الإنتا عارفو ..

بلا قـــرف معاك ..


معليش يا أيمن يا اخوي الزول دا حرق روحي ..

غريب الدليل بسيط موجود طيلة عهد والي الخرطوم وسنار
ايه حصل ايه عملتوا وايه حتعملوا دي احدث نماذج ليكم ممكن تورينا ايه عملتم
ناهيك عن موضوع النفايات المشترك فيه عدد من الوزراء عنك ما تعلمه عن الاقطان
عندك ما يختص بعضو المحكمة الدستورية
اتريد مزيد من فساد وفضائح ومستندات
اعطونا حكمكم فيما هو امامكم مدبوغ بالمستندات