Post: #1
Title: مكوه الفحم ؟
Author: مزمل خيرى
Date: 04-22-2014, 11:55 AM
الاشاعات مالية البلد والفيس تقول انو مكوة الفحم القديمة فى ناس بيشتروها بى ملايين الجنيهات ؟
أمس مشيت لى ناس لقيتهم فرحانيين ومبسوطين قلت ليهم مالكم ؟
قالوا لقينا لينا مكوه فحم قديمة ؟
قلت ليهم طيب .. المفرحكم شنو كدة ؟
قالوا انهم (سمعوا) ركزوا فى سمعوا دى .. انو فى تجار حايمين بيشتروا فى مكاوى الفحم القديمة
بمبالغ خرافية .. يعنى ممكن يشتروا المكوة الواحدة بى 20 مليون جنية !!!
قلت ليهم طيب ماهو اصلا موجود فى السوق راااقد !!
قالوا لالالا نوع معين قالوا ... تانى (قالوا) المكوة القديمة فيها عنصر اليورانيوم
ما اى مكوة بيشتروها ...!
قلت ليهم طيب بيعرفوها كيف ؟
قالوا لى بيدخلوا فيهو جهاز موبايل .. اذا عمل جرس معناها مكوة فالوصو
واذا ما عمل جرس واداك الجهاز مقفول معناة المكوة دى المطلوبة لانو عنصر اليورانيوم بيقطع
شبكة الاتصال ..!
الناس ديل جادين :)
|
Post: #2
Title: Re: مكوه الفحم ؟
Author: باسط المكي
Date: 04-22-2014, 12:00 PM
Parent: #1
مزمل خيري
سلامات سلامات ياخ الناس دي حيرونا بالاوهام
والاجتهاداد دي فاقدين هادي ودليل
وبيني وبينك
الحيرة وعدم الصدف بسوي الكتير
ناس فقدت الامل في الواقع واحسن تعيشو في الوهم
|
Post: #3
Title: Re: مكوه الفحم ؟
Author: مزمل خيرى
Date: 04-22-2014, 12:05 PM
Parent: #2
|
Post: #4
Title: Re: مكوه الفحم ؟
Author: مزمل خيرى
Date: 04-22-2014, 12:09 PM
Parent: #3
ياباسط
الناس ديل حار بيهم الدليل والله
الاشاعة مالية البلد
الله يكون فى عونهم غايتو !
|
Post: #5
Title: Re: مكوه الفحم ؟
Author: Tumadir
Date: 04-22-2014, 12:10 PM
Parent: #1
.زمان لما كنا اولاد وبنات اخوان واخوات وساكنين مع امنا وابونا في ام درمان ..الله يرحمهم
كان شقيقنا ابوعبيدة ملك الكوميديا والفن الاستعراضي في البيت ..كل يوم يقدم لينا عرض حديد ونحن ساكنو كم اوضة لاوضة ونضحك ونجدع معاه ونشيل غناه ..ونزيد نكتتو نبقيها مشهد
وهو بلا منازع كان النجم
خصوصا لمن يكون طالع ..وبيظبط في غيار ..وكان لبيس جدا جدا ..لكن ببدا الغيار من الغسلة والشرة والمكوة بعدين يستحم ويثشر ويطلع بنكون قضينا ساعتين من الضحك المتواصل
يوم بيكوي في الغيار طيب الزكر (معليش الحرف المناسب ما موجود) اها والدنيا كانت حر ومافي حتى نسمة هابة ..
المكوة دي عصلجت معاه عصلجة شديدة خلاص وأخرتو من المرقة ..
بقى ينبز في المكوة دي ..بي (مونولوج ) مسرحي كامل الاركان
انتي البفلهمك شنو؟؟ انتي مكوة ..مكوة لا اكتر ولا اقل..
طالعة في راسنا وعاملة روحك حاجة يعني؟
وانتي مكوة ..
الحديد المتلك ..يا يمة...سوووهو طيارات...وسوهو سواريخ يطيرن عبر البحار وعبر القارات ومن كوكب لي كوكب ,,
وانتي قاعدة لي هنا ..زرقة وشينة وملكدمة ..ومقددة ..ومكوة!! ما بتخجلي؟؟
وكمان تتقلهمي؟؟
الحديد المتلك ..يايمة ..سووه عربات وسووهو قطارات ..وسوهووو سكة جديد يايمة ..من اقليم لي اقليم ومن دولة لي دولة ..وانتي قااااعدة هنا ومطجوجة ..وشنو؟؟ مكوة...
سمح الفلهمة العليك شنو...؟؟؟؟
ونحن ..قرقرقرقرقرقرقرقرقرقر وساكنو
وهو يخلف ونحن نشتم
المكوة دي اليوم داك سمعتها بقت في الحضيض...
حسة قلت لي دايرة تحسن سمعتها وتسوي ليها يورانيوم؟؟
النجري نكلم ابوعبيدة اخوي كان كدي....
ونقول ليهو قالوا العشر قام ليهو شوك..
|
Post: #6
Title: Re: مكوه الفحم ؟
Author: مزمل خيرى
Date: 04-22-2014, 12:16 PM
Parent: #5
ياتماضر
الاشاعة دة كان طلعت صحيحة ابوعبيدة يكون هسع ندمان وسافى التراب فى الكلام القالوا فى المكوة
ههههههههههه
|
Post: #7
Title: Re: مكوه الفحم ؟
Author: عبدالعزيز عثمان
Date: 04-22-2014, 12:23 PM
Parent: #6
والدتنا ربنا يطول عمرها عندها غرام وثقة بالقديم ،زمانا ،ناسا واشياءا...
ما بتفرط ابدا في حاجات زمان...
مخزنها متروس ترس باشياء منذ الممالك القديمة،،،حتي الفراعنه...
دائما ما تقول لي،،،الزمن ما معروف...
شوف عيني،،،المكاوي القديمة عندها اشكال والوان...
في واحده لست اشك في ان حبوبتي كوت بها قنجة جدي حين ذهبوا للسلام علي المهدي حين بنا قبة جدنا...
الغني مبشرنا تب...
الله يبشركم بالخير...
الاباريق القدام ما طروهن؟
|
Post: #10
Title: Re: مكوه الفحم ؟
Author: مزمل خيرى
Date: 04-22-2014, 01:04 PM
Parent: #7
عبدالعزيز عثمان
| Quote: الاباريق القدام ما طروهن؟ |
ههههههههههه
الدور جاى عليهم برضو امسك فيكم قوى
|
Post: #8
Title: Re: مكوه الفحم ؟
Author: Tumadir
Date: 04-22-2014, 12:24 PM
Parent: #6
وانا من دربي ده اشيل البوست وأوديهو لمحل يعتر لي ابوعبيدة ويشوفو
وادنو الفيس بوك
لو سمحت
هههههه
شكرا الليلة اهديت ليك نكتة منزلية رهيبة
|
Post: #9
Title: Re: مكوه الفحم ؟
Author: خالد العبيد
Date: 04-22-2014, 12:46 PM
Parent: #8
قبل سنوات طلعت اشاعة يورانيوم ذي دي
ولو الذاكرة اتصلحت معاي اتخيل لي ايام كنت في السعودية
اها قالوا مكنات الخياطة القديمة ماركة سنجر فيها يورانيوم
وبيشتروها بي اي تمن والناس بدت تجري وتفتش
طلعت اشاعة ونكتة سخيفة
اها المكوة دي مكنته ما مقسمة .. خليهم يلعبو غيره
|
Post: #11
Title: Re: مكوه الفحم ؟
Author: مزمل خيرى
Date: 04-22-2014, 01:11 PM
Parent: #9
خالد العبيد
سلامات ، عساك بخير ..
المواطن المسكين بقى يصدق اى حاجة .. الظروف بقت ضاغطة شديد
والقصة خاصة لمن يكون فيها قروش بتنتشر بصورة سريعة جدا ..
ربنا يصلح الحال غايتو !
|
Post: #13
Title: Re: مكوه الفحم ؟
Author: مصطفى توفيق
Date: 04-22-2014, 01:18 PM
Parent: #9
خلصنا من قصة الزئبف فى مكنة خياطة السنجر طلع لينا كمتن يورانيوم فى المكاوى ؟ بكرة كمان نسمع بيبعو طشت الغسيل
|
Post: #14
Title: Re: مكوه الفحم ؟
Author: مزمل خيرى
Date: 04-22-2014, 07:23 PM
Parent: #13
ياتوفيق
اكتر بلد بتنتشر فيها الاشاعات سريع البلددى للاسف
|
Post: #12
Title: Re: مكوه الفحم ؟
Author: يوسف محمود
Date: 04-22-2014, 01:13 PM
Parent: #1
سلامات ياخيرى وضيوفو
الملكية الفكرية وجميع الحقوق محفوظة للاستاذ خالد العمدة اللذى غازلها واقسم بها
|
Post: #22
Title: Re: مكوه الفحم ؟
Author: مزمل خيرى
Date: 04-25-2014, 07:01 PM
Parent: #12
يوسف محمود
شكرا على الفيديو
بالمناسبة الشاب دة صوتو جميل
|
Post: #15
Title: Re: مكوه الفحم ؟
Author: عواطف علي
Date: 04-22-2014, 08:04 PM
Parent: #1
سلام ,,
انا عندي حبوبتي عميانة وخلاص بقت ما بتشوف ,,
عندها خمسة مكوات فحم ,,
من ما سمعت الكلام ده ,,
شلته هدومي وسافرت لي حبوبتي فشان اقعد معاها يومين كدي ,,
اخدت اجازة مفتوحه من غير مرتب ,, من الشقل,,
الكلام ده لو صاح ,, مافي عوجة تب ,,
ولو الكلام ده طلع خارم بارم ياني دقسته
كدي تعالوا اسألكم سؤال ,,
هي سرقة الحبوبات حرام ولا حلال ؟
لكم التحايا ’’
|
Post: #17
Title: Re: مكوه الفحم ؟
Author: على محمد على بشير
Date: 04-22-2014, 08:27 PM
Parent: #15
والله لكن جبت ليك كلام يا ود خيرى
كدى شوف الشازلى ما عندو حاجه كدا قديمه بتطفح فى المويه
ههههههههههههههههههه
بالجمبه كدا
مشتاغون
|
Post: #24
Title: Re: مكوه الفحم ؟
Author: مزمل خيرى
Date: 04-25-2014, 07:12 PM
Parent: #17
اوووة على يا الحبيب Quote: والله لكن جبت ليك كلام يا ود خيرى
كدى شوف الشازلى ما عندو حاجه كدا قديمه بتطفح فى المويه |
الشاذلى هو ذاااتو بيفتش فيها
كان لميت فى واحدة اديهو خبر بالله
بالاكتر يعلم الله
|
Post: #23
Title: Re: مكوه الفحم ؟
Author: مزمل خيرى
Date: 04-25-2014, 07:05 PM
Parent: #15
| Quote: عندها خمسة مكوات فحم ,, |
شكلك غنيتى تب ياعواطف
ههههههه
|
Post: #16
Title: Re: مكوه الفحم ؟
Author: عواطف علي
Date: 04-22-2014, 08:18 PM
Parent: #1
سلام ,,
العندو مكوة يبقي عشرة عليها !!
الله يقطع الانقاذ وسنين الانقاذ ,, رجعونا لي وراء !!
ما خلينا شيء ما بعناهو ,,
لكم التحايا ,,
|
Post: #18
Title: Re: مكوه الفحم ؟
Author: معاوية المدير
Date: 04-22-2014, 10:12 PM
Parent: #16
| Quote: اها المكوة دي مكنته ما مقسمة .. خليهم يلعبو غيره |
ههههههههههههههههههههه،
يا مزمل خالد العبيد دا حاسد.
والله صحي.
غايتو انا كان لقيت لي وآحدة طفّحت وكجنت الموبايل
وحات الله الحسا.
قدر ما فتشت البيت ما لقيت لي مكوة،
يا معتصم الشرغرغ كيف ؟؟؟...
|
Post: #25
Title: Re: مكوه الفحم ؟
Author: مزمل خيرى
Date: 04-25-2014, 07:19 PM
Parent: #18
ود المدير Quote: غايتو انا كان لقيت لي وآحدة طفّحت وكجنت الموبايل
وحات الله الحسا. |
كان لقيت واااحدة ياكا الخليت كندا ورجعت البلد هههههههههه
|
Post: #19
Title: Re: مكوه الفحم ؟
Author: Mohammed Abuzaid
Date: 04-22-2014, 10:18 PM
Parent: #16
هههههههههههه
المشكلة في الصدّق الإشاعة . .
مش في الأطلقها
مجتمع هش بصورة غريبة
تحياتي للجميع
|
Post: #20
Title: Re: مكوه الفحم ؟
Author: سيف النصر محي الدين
Date: 04-22-2014, 11:04 PM
Parent: #19
سلامات يا مزمل
الحكاية دي بالضبط زي ما قال خالد العبيد حصلت في السعودية قبل عدة سنوات بس بدل مكوك الفحم كانت ماكينات خياطة سنجر
و العملية كانت عبارة عن نصب و احتيال تمكن مخططوها من سرقة أموال البسطاء و السذج.
أطلقت الإشاعة ثم جمع مطلقوها عدد من الماكينات بسعر عالي نسبيا ثم باعوها بأسعار اكثر ارتفاعا حينما انتشرت الإشاعة و حققوا
أرباحا خيالية ، و من تورطوا بعد ذلك لم يتمكنوا من البيع بعد إن انكشف الامر.
|
Post: #21
Title: Re: مكوه الفحم ؟
Author: Ridhaa
Date: 04-22-2014, 11:18 PM
Parent: #20
المكوة أم ديك
|
Post: #28
Title: Re: مكوه الفحم ؟
Author: مزمل خيرى
Date: 04-25-2014, 07:52 PM
Parent: #21
يا Ridhaa
مكوتك دى ما مطابقة للمواصفات شيلة واتخارج بيها بالله
ههههههههه
|
Post: #27
Title: Re: مكوه الفحم ؟
Author: مزمل خيرى
Date: 04-25-2014, 07:36 PM
Parent: #20
قريبى دكتور سيف ...
لحدى الليلة الفيس بوك مليان بخبر الناس البيشتروا المكاوى دى
بس مافى زووول قال انا بعت وقبضت قروش .. اهو كلام والسلام
معقولة مكوة فى السوق بى 50 جنية تتباع بـ 300 مليون ؟
دة كلام بخش الراس بالذمة .!
|
Post: #26
Title: Re: مكوه الفحم ؟
Author: مزمل خيرى
Date: 04-25-2014, 07:25 PM
Parent: #19
Mohammed Abuzaid
| Quote: مجتمع هش بصورة غريبة |
هش بصورة ما ممكن يتخيلة زول ...
|
Post: #29
Title: Re: مكوه الفحم ؟
Author: Sameer Kuku
Date: 04-25-2014, 08:13 PM
Parent: #26
ديل يا زومبا نفس الناس الزمان طلعوا الاشاعات بتاع "الشريحة سحبوا" و "البردوبردو" و غيرها
لكن للضمان كده يا عمك أمسك المكوة ده معاك، رحتو يورانيوم يورانيوم، الظروف ما معروووفة
و السعر قالوا وصل 95 مليون.
|
Post: #30
Title: Re: مكوه الفحم ؟
Author: محمد مختار جعفر
Date: 04-25-2014, 10:18 PM
Parent: #29
ود خيرى سلام ..
غايتو المكوة أم ديك الحايمه في بوستك ده ، نحن ماحضرناها وما شفناها
لكن الكانون أبو لهبه ...كيف ..
وكدى كما شوف لينا ( السحاره ) في ليها طريقة ، والمفحضة .. كيف
والنطع ..حق الخان ، والمشلعيب ، والسروال أبو تكه ، ..
غايتو كلها حاجات مدكننها ، يمكن نغنى يوم .. الرزق مقسم ..
|
Post: #32
Title: Re: مكوه الفحم ؟
Author: مزمل خيرى
Date: 04-26-2014, 01:02 PM
Parent: #30
الفنان محمد مختار
| Quote: لكن الكانون أبو لهبه ...كيف .. |
ياخ نحن مواليد الثمانينات ابو لهبة
ما سمعنا بيهو زاتو :)
هههههههههههههه
|
Post: #31
Title: Re: مكوه الفحم ؟
Author: مزمل خيرى
Date: 04-26-2014, 12:20 PM
Parent: #29
سمير ياهندسة
هههههههههههه
والله كان يورانيوم ماعارف .. ياخ القصة لو كانت كدة الحكومة كانت كشت المكاوى الفى
السوق كللللها .. ههههههههه
انت من وقت كان بى 95 هسع قالوا حصلت 300 مليون
شوف الزول العارض المكاوى دى فى الفيس
|
Post: #33
Title: Re: مكوه الفحم ؟
Author: مزمل خيرى
Date: 04-26-2014, 03:02 PM
Parent: #31
تحية وشكر لاخونا ناس الفيس بوك وتحية خاصة لزميلنا المستشار ابو فؤاد
|
Post: #34
Title: Re: مكوه الفحم ؟
Author: مزمل خيرى
Date: 04-26-2014, 03:09 PM
Parent: #33
__
عن اليوم التالى الصادرة اليوم.
|
Post: #35
Title: Re: مكوه الفحم ؟
Author: يحي قباني
Date: 04-26-2014, 03:34 PM
Parent: #34
مزمل كيفنك يا حبيب ...
يعني دي طلعت فشنك؟
|
Post: #36
Title: Re: مكوه الفحم ؟
Author: مزمل خيرى
Date: 04-29-2014, 12:38 PM
Parent: #35
اخونا قبانى
ياخ مكوتك دى فشنك ومصدية كمان :)
|
|