نجوم الغد - في هذه المرة - لا ينبئ بنجوم من الوزن الثقيل

حتى الان اصوات عادية وما فيها اي اضافة حقيقية بالاضافة للفرقة التي فقدت اهم اعمدتها والشغل في كتير من الاحيان بيديك احساس انه ما معمول ليهو بروفات
وعوض صديق ما زال يمارس في تقل الدم والكلام الخارم بارم ..... شاهدت الحلقتين الاخيرتين باهتمام بالغ علني اجد ما يدهش او اي شي يكون علامة
فارقة فلم اجد لا صوت لا اعداد لا تقديم برامجي ولا ايييييي شي .... صراحة نجوم الغد ماشي في طريق اغاني واغاني في الهبوط المريع لاسهم البرامج

في الحلقة التالتة الثالثة بابكر صديق طبز ليهو طبزة كبيرة وترت الجو العام وكادت لجنة التحكيم ان تقحم في مغالطات واشياء اصلا مافي ليها داعي
ما زلت عند اعتقداي القديم بان بابكر صديق مقدم غير حصيف وفقط هو زول موفق توفيق كدا للان ما قادر القى ليهو مبررات معقولة ..... بابكر قال
جاتو رسالة من احد متابعي البرنامج محتج علي كلام لجنة التحكيم الكتير وانه اللجنة بتقول كلام كبار كبار وغير مفيد .... الكلام دا اغضب الصافي عضو لجنة
التحكيم والموسيقي الحصيف جدا في تقديري..... كدي شوفو الطبزة :)