كلام الخطوبة يوم الطلاق ما بتلقي

عطفا علي الحكومة الانتقالية

عمك حاكه معاهو حكه شديدة , مفلس فلسة شديدة , مرتو ماتت ,,, والجماعة لمو فيهو
جيب حق الكفن
جيب حق الحنوط
جيب
جيب
خش علي ابوها قال ليهو
مش فطيسة حقتكم دي ? طلقناهو

المرة سألت راجلها
انت البرنامج الانتخابي ده شنو
قال ليها
تتذكر قبل العرس ايام الخطوبة قلت ليك بسوي ليك وبسوي ليك
قالت ليهو آي لكن ..
قال ليها بس ده زي البرنامج الانتخابي

اول طلب تقدمت به المعارضة كان الحكومة الانتقالية , فتعنتت الحكومة ,, ######رت من الاقتراح من خلال تصريحات الحكومة وخطبها ,, ######ر واستهزأ بذلك كتاب الاسافير من يدعمون الحكومة , وكان الوطن آخر همهم

ود أب سن سلام مربع ولكل ناس كوستي ...
إن شاء الله المطرة جاتكم والجو برد شوية؟
تفاصيل الحيكومة الإنتقالية حتكون القندول الفنقل الريكة.
عندك فكرة عدد الأحزاب التي حضرت اللقاء 83 .. وهناك 3 أحزاب معارضة لم تحضر .. وهنالك الجبهة الثورية بقضِّها وقضيضها ومن معها من أعضاء الأحزاب الخارجين على أحزابهم مثل نصر الدين الهادي والتوم هجو.
أها دي يحلُّوها كيف؟
ربنا يولِّي من يصلح.
تحياتي

كبـّاشي الصـّـافي
(العوج راي والعديل راي) .

أها يا كباشي ابو سن مازال متفن في الخريطوم
أسس الحكومة الإنتقالية هي تفكيك النظام الحالي
ما اطلق هو خدعة سياسية بهدف طرح النظام بصورة اكثر اشراق
لان الهدف من الحكومة الإنتقالية هو التفكيك وليس خلافاً له وليس تحت صور مشبوه ليس لها قرينة سياسية
نشوف احسن

مرحبا كباشي
وحبابك
وهل الحكومة الانتقالية حلا مقبولا للجميع , التعويل علي قواعد الاحزاب والاحزاب المؤثرة جماهيريا وليس تلك الاحزاب القايمة بروس
الحكومية الانتقالية حلا تم طرحه ورفضته الحكومة , فصار منتهي الصلاحية
وهذا يؤكد انه ليس حلا بل مناورة لإختلال ميزان القوي
كامل الود

مرحبا عادل
وحبابك
المناورات البائسة للسلطة تزيد شقاءنا بالداخل , لأنها لا تحل الأزمة بل تفاقمها
فالقضية عندنا هنا في الداخل ليس متعة ذهنية في النقاش , او قدرات بلاغية , بل حياة بمعناها البسيط والبدائي
بدأت الاسعار في الزيادات وزادت السلطة من الجبايات , ولم تحاسب المفسدين بل استقالوا وهم اثرياء وفتحت لهم اجهرة الاعلام للمماحكة
كامل الود

Quote: وهل الحكومة الانتقالية حلا مقبولا للجميع

الأخ ود اب سن بعد السلام
عند المطالبة بالإستقلال ذينك الأيام .. عرض الإنجليز الجمعية التشريعية.. قبلها الإمام عبد الرحمن ورفضها من رفضها. سؤل الإمام عبد الرحمن: كيف تقبل بالجمعية التشريعية ونحن نطالب بقيام جمعية تأسيسية كاملة لنعلن الإستقلال من داخلها؟
رد سيدي الإمام قائلاً: لو إنت طالب ليك زول 100 جنيه ( جنيه زمان طبعاً) وأداك 10 جنيهات، هل ترفضها؟ الصاح تأخذها منه وتقول له: طالبك 90 جنيهاً. الحاصل نقبض الجمعية التشريعية وبعدين نطالب بالجمعية التأسيسية.

الحال اليوم شبيه بما في تلك الأيام واليومين دول. بدل مستعمر برّاني بقى لينا مستعمر مننا وفينا. وعليه نقبل منهم الحيكومة الإنتقالية حتى يُدخِل الناس منكبهم في راكوبة الحيكومة وبعدين يشوفوا طريقة يوسعوا بها مواعين المشاركة. وكان غلبت أم غلّاب يخربوا من الداخل وعليّ وعلى أعدائي.
تحياتي

كبـّاشي الصـّـافي
(العوج راي والعديل راي) .

مرحبا كباشي
وحبابك
مثال جيد ويؤكد ما قلته هنا
http://www.sudaneseonline.com/board/460/msg/1397454297.html
فرق شاسع بين الحرية والديمقراطية وعقلية التاجر المال تلتو ولا كتلتو , بعض الحقوق لايمكن تجزأتها , تؤخذ كلها او تقاتل لاخذها او تستكين للضيم
وهكذا هي هذه السلطة من ابتدعت الكسر , تأكل كل اموال الناس , ثم تجلس للتفاوض يساعدك الطيبين من اهل السودان , ناس باركوها ,, فتعطي نصف او ثلث ما اخذته من الناس ويتبقي لك اكثر مالهم عندك في حرزك
تفاوض السلطة بعقلية ذات التاجر , اخذت كل السلطة من الناس ثم هاهي تفاوضهم لإرجاع جزء يسير منها , جزءا شكليا
كامل الودمرحبا كباشي
وحبابك
مثال جيد ويؤكد ما قلته هنا
http://www.sudaneseonline.com/board/460/msg/1397454297.html
فرق شاسع بين الحرية والديمقراطية وعقلية التاجر المال تلتو ولا كتلتو , بعض الحقوق لايمكن تجزأتها , تؤخذ كلها او تقاتل لاخذها او تستكين للضيم
وهكذا هي هذه السلطة من ابتدعت الكسر , تأكل كل اموال الناس , ثم تجلس للتفاوض يساعدك الطيبين من اهل السودان , ناس باركوها ,, فتعطي نصف او ثلث ما اخذته من الناس ويتبقي لك اكثر مالهم عندك في حرزك
تفاوض السلطة بعقلية ذات التاجر , اخذت كل السلطة من الناس ثم هاهي تفاوضهم لإرجاع جزء يسير منها , جزءا شكليا
كامل الود

قالو الزول قال
والله مرة ام فلجة ده إلا اعرسو
وعرسها
وبعد زمن قال
والله مرة ام ترمة ده لو ما طلقتها ما برتاح

Quote: قالو الزول قال والله مرة ام فلجة ده إلا اعرسو وعرسها وبعد زمن قال والله مرة ام ترمة ده لو ما طلقتها ما برتاح

ههههههههههه يا أب سن والله دا إياهو الوضع السياسي
معشّق في الوضع الاقتصادي
والحالة بالضبط كما صورتها
الجماعة قايلنها (أم فلجة)
وما عارفين الكيزان دايرين يتخارجوا بي أقل الخسائر


تحياتي مثنى وثلاث ورباع

اها الحكومة نطت من اقتراح الانتقالية والتجار بقولو
مية نطة ولا واحد بعبوص ( توجد علامة تعجب وحسرة )
اها كتاب الحكومة ال في الاسافير ديل بقت عليهم حكاية
واحد عندو شلل اهتزازي وشايل ليهو ملعقة جلي
شافو واحد قال ليهو
انت ترجف
والجلي يرجف
جننتو الملعقة جن

هههههههه صباحك عبد الحفيظ
أم ترمة مادايرة السترة
أبخروا فيها وهى ( تفسي )
بلادا كلما إبتسمت
حط على شفتيا الذباب


تحياتى يازول يارايق

هههههههه
يا بدر
قديمة لكن نحكيها
واحد ماسك ليهو مرفعين من اضنينو , جا ماري فيهو زول , ناداهو
تعال امسك لي هنا , ابول واجيك
الزول مسك المرفعين وداك بقا ماشي
صاحبنا عرف القصة ناداهو
يا زول مرفعينك
رد ليهو بدون ما يتلفت عليهو
لو حقي فكو

صباح النور جمال
وتحية ل عاطف خيري هناك
واجمل الناجين من الذبح
صار يعبد خنجرا

يوم الخطوبة
يوم التعين وزيرا او واليا
يوم الطلاق
يوم الاقالة