هل جربت طلعت الشارع؟!

عاطف خيري

الخرطوم
.
هل جربت طلعت الشارع
و شفت العالم كيف عايشين ؟
و شفت الشفع في الطرقات ؟
البيغسلو في العربات ؟
تلقى الواحد and#65275;بس هدمو
نصو مشرط و نص رقعات ..
عامل ورنيش ..
شافع يادوب
ما ربى الريش ..
شايل باغتو
و راصي الفيش ..
كش كش ورنيش ..
كش كش ورنيش ..
علشان إيه؟
علشان ما يعيش ..

ناس بتمسح قعر الجزمة ..
و ناس تتمردغ فوق النعمة ..
و ناس سنتين ماضاقو اللحمة ..
و ناس ضايعين مابين الزحمة ..
أسأل ديل .. كيف ..
كيف عايشين ؟
ديل الفطو فطور
الجمعة شان ما ..
شان ما يكلو غدا اand#65271;ثنين ..
يعني الواحد في بطن أمو
مكتوب ليهو يعيش مسكين ؟
يعني هو ربو وربك مختلفين ؟
يعني الحظ الشال وأداك
ما بديهو ولو بالدين ؟

يا إنسان بين الماضي
وحتى اand#65269;ن
قصة طويلة بدون عنوان ..
قصة كتبت فصولها زمان
لمن بنيت عليت بنيان ..
لمن سرقت حقوق الناس ..
وأتعاليت وبقيت تغيان ..
فكر .. فكر .. قلب أمرك ..
فكر يوم في ظلمك ..
قدرك ..
كيف ترتاح ..
شبعان في قصرك ..
وراقد تحتك زول جيعان ؟؟

يمه أظن كترت عليك
وكنت بوصفلك أكتر ..
وأكتر الخرطوم الماضي اand#65271;سواء
الخرطوم مستقبل أكبر ..
وشايفك تسألي عن سكانه
وغايتو وحاتك ما بتتشكر ..
ناس خرطوم ما جال في بالهم
لسع معشعش شبح العسكر ..
واي رئيس تنتخبو اand#65271;مة
شايل برضو طباع من جعفر ..

يمه دعاك بس كترو منو ..
ويمه جناك ما تسألي عنو ..
ماني براي الضايع وهامي
كل الناس الجنبي يأنو ..
وفي الخرطوم الحاله تبكي
وما فيش زول في فرحه أظنو ...!!