Post: #1
Title: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 06:46 AM
|
Post: #2
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 07:31 AM
Parent: #1
بعد ما كنا بنقول البلد دي ماشه لي وين
بقينا نقول احنا حا نمشي وين...
|
Post: #3
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: محمد علي البصير
Date: 04-21-2014, 07:41 AM
Parent: #2
يا حبيبنا عبس مشتافين والله
والله أنت زول تحفة ـ الحاجات دي بتقلعا من وين
ياخ البشير دا لما النصيحة ما قبلا من الساسة والمثقفين والإعلام
خليه يسمع النصيحة من البسطاء ديل
البشير ياخ شتت ـ خلي الخير دا يدفق علينا بدل ينزل في إسرائيل
|
Post: #4
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: هشام كمال عبادي
Date: 04-21-2014, 07:53 AM
Parent: #3
يا عبس يا حبيب ..
تصدق امس انا قاعد اضحك براي لمن وصلني المقطع دا ..
قمتا طوالي رسلتو لي أخو شغال في دبي مهندس قال لي الغربة دي صعبة ..
وشابكني عايز ارجع عايز ارجع ..
يرجع وين ، عمك دا كلامو سمح ومنطقي البلد بقت في كف عفريت ..
ولو الحكومة دا ما مشت الحال عمرو ما ينعدل ..
مودتي ...
|
Post: #5
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: نور الدين عثمان
Date: 04-21-2014, 07:57 AM
Parent: #4
يقول أحد معتمدي ولاية الخرطوم: كان عندنا إجتماع برئاسة الولاية وبعد إنتهاء الإجتماع الوالي قال:كل الأخوة الصحفيين وغير الدستوريين وعمال الخدمات يطلعوا ،أقفلوا الباب واقفلوا المايكرفونات.
قال أنا يا جماعة كنت معتمد في الشغل في مكتبي علي بعض الأخوة إخترتهم بنفسي لثقتي فيهم ومعرفتي القديمة بهم ولكنهم خانوا الأمانة وإستغلوا السلطة والثقة التي منحتهم إياها فقاموا بالاحتفاظ بتوقيعي وإستخرجوا خطابات لمصلحة الاراضي ووزارة الزراعة وقاموا بإستخراج أراضي زراعية وسكنية بأسماء وهمية وباعوها لمصلحتهم وبلغ عائد فوائدهم and#1636;and#1634;and#1632; مليار
وأخذوا أموال من أموال الولاية بلغت and#1637;and#1632; مليار والآن هم محجوزين في نيابة الثراء الحرام وبلغ عدد المحجوزين and#1640; أشخاص
بعد انتهاء الاجتماع تقابل المعتمد مع أحد الوزراء وقال له أن الوالي كذب عليكم
كيف ؟!
أنا قبل يومين كنت مع الرئيس وشرح لي الأمر وقال أن الوالي في إجتماع أخبره بأرقام مختلفة حيث أن قيمة الفوائد بلغت and#1638;and#1632;and#1632; مليار والمبلغ النقدي من الولاية and#1641;and#1632; مليار وأن الرئيس قال للوالي انت علي علم بالأمر منذ أكثر من عام من الأمن الاقتصادي وبالرغم من ذلك لم تتخذ أي اجراء ضدهم
قال أنا ثقتي بهم عالية لأنني كنت أعتقد أنها وشاية ومكايدة
الرئيس : كان من المفروض تتحري حتي تتأكد من الأمر ،علي العموم أنا لن أضعك في خانة الاتهام والمواطئة معهم ، لكن فشلك في إدارة الولاية ومكتبك الخاص لا يؤهلك لإدارة الولاية
وكتب استقالته والآن استقالته مع الرئيس آنتهى كلام المعتمد
قلت : قول الرئيس : لن أضعك في خانة الاتهام والمواطئة
نحن مافي قنابير في رؤوسنا بل هي مواطئة ثم مواطئة
وبعد ده كله يا سعادة الوالي : ناس الفيس باعوا أنفسهم للشيطان.
********
عبس تحياتنا وخلى ضيوفك يتونسوا بخبر الوالى ده ..
|
Post: #6
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 08:10 AM
Parent: #5
Quote: يا حبيبنا عبس مشتافين والله
والله أنت زول تحفة ـ الحاجات دي بتقلعا من وين
ياخ البشير دا لما النصيحة ما قبلا من الساسة والمثقفين والإعلام
خليه يسمع النصيحة من البسطاء ديل
البشير ياخ شتت ـ خلي الخير دا يدفق علينا بدل ينزل في إسرائيل |
محمد علي اخبارك يا حبيبنا
من ديك وعيك...
انت في البشير و ل احنا نقبل وين لو عمك قعد لينا
مصيبه حكاية الراجل مكنكش وكل يوم اطلع لينا بي حاجة جديدة الخمنا بيها
غايتو البفكر ارجع ياكل نيم
تحياتي وتقديري
|
Post: #7
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 08:24 AM
Parent: #5
Quote: يا عبس يا حبيب ..
تصدق امس انا قاعد اضحك براي لمن وصلني المقطع دا ..
قمتا طوالي رسلتو لي أخو شغال في دبي مهندس قال لي الغربة دي صعبة ..
وشابكني عايز ارجع عايز ارجع ..
يرجع وين ، عمك دا كلامو سمح ومنطقي البلد بقت في كف عفريت ..
ولو الحكومة دا ما مشت الحال عمرو ما ينعدل ..
مودتي ... |
سلام يا هشام يا حبيبنا اخبارك
فيديو فيهو دراما طبيعيه عجيبه
خاصة عمك وقت بقول ليهو ما تسمع الله اكبر والتلفزيون.. والله هناي دي فارغه من الحلق بس
في حاجة عند نسوان الكيزان غايظاني بصورة غريبه رفعت الاصبع لما اكون في فنان من فنانيين الكيزان او حفله
عمك زول نصيحه وختاها ليهو علي بلاطه .. ما تجي ما تجي كان جيت انت مخير !!!!
تحياتي وتقديري
|
Post: #8
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: صديق الموج
Date: 04-21-2014, 08:51 AM
Parent: #7
عباس ياخى قطعت المقطع ليه وحات الله الزول ده بكون شال التلفون
وطلع من قدام الشفع ديل و قال أ...............ك البشير وأ................ك
ام عبد الرحيم وأ ..........ك ام السودان زاتو،،،
|
Post: #9
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 08:52 AM
Parent: #7
| Quote: عبس تحياتنا وخلى ضيوفك يتونسوا بخبر الوالى ده .. |
سلام يا حبيبنا نورالدين اخبارك والعيال
واحد عندو رقشه في السودان كل يوم خسرانه وناس المرور عذبوها ونسوان الجيران بركبن ما بدفعن باعها واشتري فيزا وتوكل علي الله جاء السعوديه
الراجل اول ما وصل جدة ومشي مع زول قريبو ودخل البيت كانت في صينية شاي الجماعه ناسينها في الصالون زولك وقع في السكر سف كمل السكريه كلها
بالمساء مشي لي ناس اسلم عليهم جابو الشاي اشتغل في السكر سف
تاني يوم ودعوهو وجاي علي الرياض بعد ما وصل هنا الجماعه اتصلو اها الراجل وصلكم ؟؟
يا زول الراجل وصل ليهو 5 ساعات بس ملاحظ عليهو حاجة غريبه من اشوف ليهو سكر اكتح في خشمو حكايتو شنو !!!
أسالو شوف الحكاية شنو برضو هنا كمل سكرنا كلو .... امكن الراجل جاي من هناك وفي ازمة سكر...
اخدتو بي جمبه وسألتو شنو يا زول حكايتك مع سف السكر ؟؟؟
ياخ انا طلعت من مدني غير حق الباخره ما عندي البصله اصل بوتسودان كيف كانت مشكله كبيره ربك رب الخير لقيت لي لوري فيهو دوم السواق راجل طيب اتفهم ظروفي شبيت معاهو.
أها من مدني لي بورتسوان اقرش في الدوم لما وصلت وقت تلبته من اللوري في الواطه بطني كركبت زي الشايل فيها راكوبه بي جوه واتفقع فيني حيرقان بالله تقول طالعه من جوه شطه قبانيت الناس قالو لي عليك بالسكر
ولي حسي الحيراقان ما عايز اروح.....
بلد بقت وجبتها دوم تاني ارجعو ليها كيف
|
Post: #10
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 09:00 AM
Parent: #9
Quote: عباس ياخى قطعت المقطع ليه وحات الله الزول ده بكون شال التلفون
وطلع من قدام الشفع ديل و قال أ...............ك البشير وأ................ك
ام عبد الرحيم وأ ..........ك ام السودان زاتو،،، |
ود الموج يا حبيبنا اخبارك
مشتاقين والله
ياخ ده لو لقي طريقه اعملها عدييييييييييييييل
ما فضل ليهو الي اقول ليهمو حكاية ... النمله...
حكاية البشير ما بعرفا بس عبدالرحيم ما صعبه شويه في مثل بقول ليك لا تنشبك في العوير لا تخلي العوير انشبك فيك بي رايلتو كان امرق منها الله
تحياتي وتقديري
|
Post: #11
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: يوسف أبو صالح
Date: 04-21-2014, 09:53 AM
Parent: #1
يا خى عمك دا فك آخرو وجهجهنا نحن معاه : لى كم شهر كدا قلت للمرة بعد كدى نمشى على اهلنا شابكانى ليك يا راجل انت ماك نصيح البلد الناس الفيها زهجانيين منها ماشى تسوى شنو ؟ اها هسى بعد شافت الفيديو دا حجتا بتكون قوية
استاذ عباس انت من جماعة الدسيس ناس المناقل ولا اسم على اسم
|
Post: #12
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 02:37 PM
Parent: #11
Quote: يا خى عمك دا فك آخرو وجهجهنا نحن معاه : لى كم شهر كدا قلت للمرة بعد كدى نمشى على اهلنا شابكانى ليك يا راجل انت ماك نصيح البلد الناس الفيها زهجانيين منها ماشى تسوى شنو ؟ اها هسى بعد شافت الفيديو دا حجتا بتكون قوية
استاذ عباس انت من جماعة الدسيس ناس المناقل ولا اسم على اسم |
يوسف سلام يا حبيبنا
امسك في كلام المدام قوي وما تفرط فيهو
النسوان ديل بشوفو لي بعيد
الفيديو تصبيرة ليك كان تقتنع وتهجس في محلك
تحياتي وتقديري
الدسيس المناقل وكمان حي في الفاو برضو مسمي علي الشريف الدسيس سيد الاسم بالجزيرة اتفرعت منو الاسامي كان عندو مسيد وخلوة قران
|
Post: #13
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: خضر صيام
Date: 04-21-2014, 02:54 PM
Parent: #12
ونحن كمان ادمرنا ... قوية ههههههههههههههههههههههههههههه
|
Post: #14
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: يوسف محمود
Date: 04-21-2014, 02:57 PM
Parent: #1
ههههههههههههههههههههاهاههههههاااااااااااااااااى الخير ينزل فى اثيوبيا واسرائيل !!!!؟؟عمك قنع قنعة مقنعة
يادسيس دى اسمها ضحكة نهاية الدوام
ههههههههههههههههههاهاهاههههاى
|
Post: #15
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 03:28 PM
Parent: #14
| Quote: ونحن كمان ادمرنا ... قوية ههههههههههههههههههههههههههههه |
حبيبنا خضر سلام
دمار ساكت ده ردم راسو عديل
عمك نصيحتو تستفيد منها كل الاجيال الاغتربت
اي زول اقعد في محلو وما اقول بغم
تحياتي
|
Post: #16
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: وضاحة
Date: 04-21-2014, 03:33 PM
Parent: #15
هاك شوف دا بعد التعديل قال شنو
|
Post: #17
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 03:39 PM
Parent: #14
Quote: ههههههههههههههههههههاهاههههههاااااااااااااااااى الخير ينزل فى اثيوبيا واسرائيل !!!!؟؟عمك قنع قنعة مقنعة
يادسيس دى اسمها ضحكة نهاية الدوام
ههههههههههههههههههاهاهاههههاى |
يوسف سلام
ضحكت نهاية الدوام لو كانت يوم الخميس ما اروعها
نص الاسبوع زي ما تمشي لي بتاع الفول وانت جيعان اقول ليك خلسنا بتكون ضحكه من نوع تاني
للحاري وعندو حاجة في البيت بتقبلا وبمشي
عمك مع التكنلوجيا الاتفكت بكون لمح ليك صورة الحبش والاسرائليين في النت ناس ملوس ومرتاحين بقت ليهو مثل اعلي
تحياتي وتقديري
|
Post: #18
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-21-2014, 03:47 PM
Parent: #17
| Quote: هاك شوف دا بعد التعديل قال شنو |
سلام يا دكتوره
خطير والله
كنت عايز اجيب ليك العسكري السب لي عمر البشير ونافع خوفتا الراجل طيارتو تقوم لو شافوهو في اليوتوب
تحياتي وتقديري
|
Post: #19
Title: Re: فيديو: بجد الناس وصلت للاخر .. يا عمك عمر البشير ياخ بعد كده شتت
Author: عباس الدسيس
Date: 04-22-2014, 12:40 PM
Parent: #18
Quote: ** عباس ..
** سلام..
## عمك ياقول ود الصايم :- أدانا النجيضه ,, طالما عباس الرقاص قاعد دقو الصاد وخليكم فى بكانكم ,, قرب يقول ليهو :- إجازات ذاتا سكو ماتجو بس رسلو قروش الإجازه ترقعنا وتنفعنا من الضنك النحنا فيهو دا ## |
سلام ابو محمد اخبارك يا حبيبنا
موضوع اجازات ما تجو دخلت معاهو مقولة جديدة...
يا ولدي رسل لينا المصاريف وكان اشتقته لي شوفتنا اعمل لينا زيارة نجي نقعد معاك شهر شهرين
بلغة العسكر كما كنت الي اجل غير مسمي
تحياتي وتقديري
|
|