Post: #1
Title: مرارات الروح - في رثاء ابونا محجوب شريف
Author: rani
Date: 04-16-2014, 08:10 AM
Parent: #0
مرارات الروح
.
.
حضر الفرح ولم يجدنا
كتب بي فحم الوجع
علي باب بيتنا
النور طفا
طقيت راسي
من شح االاحتمال
خرجت ولن أعد
.
.
من صرخة غافلة
كانت نضاج
إحتمالات الرمل
نعاس الحن
فوبيا الانين
زيف
ضحكة
وما ترتب من
تجهيز العروس
ليوم القيامة
مشيت يا الغمامه
ذي الحلم
الي خوابي الذاكرة
نطً الحنين في النيل
اتلايق الصبر ضلام
اتبشتنت جوانا بسمة
ما.. اهو
جينا وكنت مافي
.
.
ما.. اهو
جينا وكنت مافي
طلعنا مشينا برانا
لقيناك نفاج
بتتونس معانا
وكان داك يوم أربعين
الوالدة بينا
وبنات كتار
متشتتات
يرضعن
في شارع البيت العام
طول البال عيال
وكان حضورك
الباهي
جنون الحظه
اجمل ما يكون
يا صدق الحنين
انين والله
ما.. اهو
جينا وكنت مافي
.
.
وانا
انا كنت جعان،
بفلي الروح بقولك
وكان مفروش بروش
حزن الشارع الشعبي
انتكيت
عندو
لقيتو
منكمش
جنب سني
ثدي امي
ناديتو اللبن
اباني
ستفت الروح
بالشم والشوف
شربتو احمر
بالقرقوش شاي
و الخمج ساده
في الصيوان
كان
مهدي منتظر
كبايه ساي
ياخ
ساكت ساي
ما.. اهو
جينا وكنت مافي
طفش حلمي
حلمي طلع حفيان
يفتش
جوه مساكن الروح
عن همهمات الذات
وكان اللون
للقلب شواف
وصف
بيت دمعتها
وفات الطريق
ليك ليل
منشرق
وثبة
و حسره
وكان القمر
عصفور يتيم
و الشمس ترجف برد
وفوق ضلام الفوضى
فوضة سودنة
لمعت انت هناك هنا
بياض نجوم
اخضر بهارها
ما.. اهو
جينا وكنت مافي
وكان سواد الموت
طريق مفتوح
بين باب السماء
وشوارع الضئ
لون احمر شريف
ولعته فجأة
يالمحجوب نضيف
كلام
هتاف
هتاف
هتاف
هتاف
نقاوم لا نسأوم
كلام
كنار العتمه
ورغم الكتمه
لبست بيوت الطين
ملامحك توب
محل الطرحه
ختت دوكه
عاست تفاصيل حلمك
المبروكه
لقت
روحك
فيها
امي
بتي
اختي
ابوي، اخوي، جدي
وذاك الحزين صاحبي
مسطرة وكراس
طبشيرة لي استاذ
سبورة مشخبطه طيبة
لقتك حوش
اي نعم حوش
بابو كان مفتوح شجن
جداول روح
بين العتبه والعتمه
هناك
مجري لمويه المطر
وكيس شايلو الهواء
اتشتت منو انت رزاز
حب
شتلات
امل
وعى
غبش
دراويش
يوم نصيح لبكره
تطبيق صاح
لراس كتاب العمله
روضه
ونفره
وفكره
يا الحزب جواك
شمس
سنويه
شتويه
وفطره
.
.
لو تعرف
لو تعرف
اتفتحت عندنا كيف
وكيف عرفنا نصاحبك كم
وكم
يا زول محموم بسحب الهم
يا زول مصنوع من طينة دم
بنحبك ياخ
بنحبك يا الفتحت بالاحساس رؤانا
زح الجشع بعيد
من عيون منانا
قلنا نرتب فينا الزول
الهوامش
نخش المدارس
نبرد حشانا
نقنب برانا
نمشي منك
دار المايقومه معانا
يفرحوا
شفع شمعات القلب بيك هناك
يا بصمة في الروح الملاك
وما بين حساب فائض القيمة
وصغير الغيمه
تكبر كراع
قيم هميمه
نتهدا قيف
نصبح رغيف
لاطفال حفايا
لاطفال ورنيش
حلمهم حلمنا
تكريس الحب
تستيف الروح
بحن الام
يا زول
يا ام
شكرا عناق
شكرا رد جميل
يا رعشة الحس الرفض
ابداً يميل
شكرا
شكرا
شكرا حضورك
شكرا عوالمك يا وريف
شكرا ليك
يااااخ
ما.. اهو
في الاخر جينا
ولقيناك فينا
……..
راني السماني
ابريل 2014
|
Post: #2
Title: Re: مرارات الروح - في رثاء ابونا محجوب شريف
Author: أبو ساندرا
Date: 04-16-2014, 08:16 AM
Parent: #1
راني السماني :
Quote: ابوي، اخوي، جدي
وذاك الحزين صاحبي |
أحر التعازي ، راني .. حار نار الفقد
العزاء لك ، للحزب ،، للشعب
أتطلع لبكائية عاصم الحزين
فقد كان محجوب
لديه محبوب
|
Post: #3
Title: Re: مرارات الروح - في رثاء ابونا محجوب شريف
Author: rani
Date: 04-16-2014, 08:36 AM
Parent: #2
Quote: أحر التعازي ، راني .. حار نار الفقد
العزاء لك ، للحزب ،، للشعب
أتطلع لبكائية عاصم الحزين
فقد كان محجوب
لديه محبوب |
البركة فيكم والشعب السوداني عزيزي ابو ساندرا، وربنا يصبر الجميع..
هو فعلا كما ذكرت، قد كان (المحبوب) لديه محجوب.. احر التعازي للصاحب حزين.
صورة تجمع الصديق عاصم الحزين وابونا المحجوب نضيف..
|
Post: #4
Title: Re: مرارات الروح - في رثاء ابونا محجوب شريف
Author: rani
Date: 04-16-2014, 08:42 AM
Parent: #3
محجوب ود شريف
(لسارة راني السماني ولراني ومحمد السنهوري.. ذات يوم سوداني عادي ما بين ايهاب الشريف ود. عبد القادر الرفاعي والأستاذ محجوب شريف).
زُرتُو مَعَاى صِحاب
ولقيتُو مُستَنينَا
هَاظرنَا وضِحِك
وضِحكنَا من الفِينَا
المحجوب تَمام
والعَركَه في إزيَّك
يَنفضلَك حَشَاك
والطَامنُوك في كيَّك
ما نَقَص الحَنين
في قلبُو أو إتليَّك...
وَد مريم تَمام
مَرَّ عليهُو سلَّم
زَىْ كمّين حَمَامْ
ود مريم حَبابُو
دَا الشرَّف المَيّويَه
والزوجه التي
بي كِسرَه أو بي مُويَه
والمريم تَصحِّي
في القلب مليون ضَحكَهْ
تَنسجم الملامِح
بِت أمَّهَا وأبُوهَا
تَحكِي عن البَسَاطَه
السَاكنَه جُوَّه النِيَّه
يَوم غَنَّى الأبُو
صافي وحُب سَمِح
ما نقَّص الكميَّهْ...
مَا حَرَن الشِعِر
بالجُملَه أو بي فَكَّه
زَى طيراً غزَال
من روحُو ما بِنفكَّ
يا هذا النَشيد
وَضَّبتَ ليهُو لِهاتُو
سَرَّحتَ الأنامِل
بالمفردَات السَمحَهْ
غَنّيت للضَفايِر
جَات أدَّتَك شَبَّالا
غَنّيت للوَطن
من حزنُو لي شَاييهُو
مسرور بالغَناوِي
والأم تقهوِج فيهو
محجوب يا أحَنْ
من أيِّ فِعلاً قَاسِي
رَاسِي كَما النَسيم
عِطرَك يَرفرِف هَاشِّي
حَيَّرتَ الفَراشْ
الجَاكَ يُوماَ غَاشِي
هَلْ يَسمَع غُنَاك
أم يَستَلِف مِن لونَك
بَمبِي الأمنيات
الرقَّص الوِزِّينَهْ!؟
ما أعتَى الحَنين
إنتَ الأبو الفي كُونَك
مَقلَبتَ الوَكِت
إصرارَك البيمينَك
هَنضَبتَ الرِئات
بيسَارَك الفي عينَك
وَطنَك عَادِي فيك
وإنتَ الوَطن يا أبوىْ
يا أبوى يا وَطَن
ما عَادِي هذا الفِيكْ
إنسان يا شريف
والكيَّه للمابيك...
كُل الإحترام
تَاكيت بَاب قِليبَكْ
خَشّوك الأنَام
الكَيتَه والوَازَا
نُقَّارَه وكِرَن
طَنمبور وجَر النَمْ
حَتَى فَرنقبيَّه
جَرَّارِي والصَفقَهْ
كَمْ رقَصَت عروس
غَنَّاى ولمّيتنَا
مِن نمولي لي حلفا
من حلفا لي نمولي
بار والجنينه
بور وبورسودان
هَى سُودَانَّا بُكرَه
مِن سودَانَّا نَاوْ
هَى سُودَانَّا بُكرَه
مِن سودَانَّا نَاوْ.
يناير 2014.. الخرطوم —عاصم الحزين
|
Post: #5
Title: Re: مرارات الروح - في رثاء ابونا محجوب شريف
Author: rani
Date: 04-16-2014, 06:51 PM
حنتقدم محجوب ووردي
الحرامي القاء محجوب
يباب مع السلامة محجوب وشمت محمد نور
ياشعبنا محجوب ومجموعة معتقلين
.
.
|
|