مسدار ( الحيييييكومة ) يوجد دواس وطني ..

ليك عشرين سنة ومزيودة خمسة عذاب
راكبين السروج عل الطــــريق ضهـــاب
حاكمين بالزند وفـــوق الســــلاح ارهاب
واكان قتو الرئيس دجاااااال كمان كضاب

بدلتو الحكم وجيبـــتولنا حكم الغــــاب
وقسمتو البلد واصبــح صلحنا سراب
تفتشوا للسلام وحارنـــو انتوا رهـاب
وعكرتو الوطن واصبح مناخنا ضباب

كع

البوست دا وقع لي في جرح

بت عمسيب حبابك .. ويا الباوقة أركز
----------------------

قالوا إنقاذ وجونا وما شفنا غير الشينة

فرتقوها البلد وشكوها زي كوتشينة

وفي قلوب الخلق شحنوا مرار وضغينة

الفارق دياره والكاتلنو فيها غبينة

دربك يا البشير السفلة ما بتقيسو
سودانك جنودك وانت ياك رئيسو
الموت كلما ذكرو بتحصل ميسو
جيت الدوحة دخلت ال######## في كيسو

احموهو الاضينات ناس (اقيف ما تسو)
قالولو الجماعية بيقبضوك في الجو
ردالم Practice كونو راجلا احو
ما بخاف من كلام ناس بينبحو هو

احموهو الاضينات ناس (اقيف ما تسو)
قالولو الجماعية بيقبضوك في الجو
ردالم Practice كونو راجلا احو
ما بخاف من كلام ناس بينبحو هو

العدل الإلهي ما بِبقى من كُفّار
من رِويس غردون شايلنو لينا التار
و إن فات عُمُر بِنسِل سيف علي البتّار
لو ندِّيهم رئيس نرجع لي لِعب ترتار

وطنِك مُصان يا بِت ملوك النيل
ما شان بشير ضميرنا أصلو بميل
لكن شان بلد فيهو مليون ميل
تفداهو النفوس تب ما بشيلو عميل

منعول أبوها ديمقراطية صفوف العيش
ورونا شِن سوِّيتو سيبو الكلام البِيش
ضاربين الفنادِق ناس قشرة و التحشيش
و إنشاء الله نحن معاكم أكِلنا يبقى حشيش

السودان جميع مُشكِلتو كُلّها واااحد
مافيش فروِق ما تقعُد تقوم و تناهِد
ما قلتو الإبادة جيب لينا بس فد شاهِد
دمّرتو البلاد بي عرمان و عبد الواحِد

توقيف البشير فى المحكمة الدوليه
لحست كوع وخمشة نار ولدغت حية
كان نزل السما واستخدمو الذرية
مابخاف الصقر من صفقة القمريه

كع

من عينة نِضالكم ما شُـــــفنا جِن بنداوة
فُتُّوهو الفســــوق و اصبح فجور و غباوة
حبُّوهو البشــــير من نمولي لي ود راوة
شوف عيني الكديس و الفار نسوها عداوة

عمر ود البشير شيخ العرب في الجمله
وفي الحرب الضروس دايماً بقود الحمله
اوكامبو الفطيس كان داير يعمل العمله
يخفس للسماء تلقاهو قابض قمله

حباب وطن الشموخ سودان وطنا حبابو
تفداك النفوس وتتبرا من الخابو
وكان جرب عدو يوماً وطنا خرابو
نحميهو الوطن وللرجم نحن شهابو

مليون ميل يا الباوقا قبل الجنوب ما يفوت

أدمنتوا الكضب تب ما طريتوا الموت

عزة وطنا نحنا وفي سبيلها نموت

يا الباوقة الغشيم قول للبشير دا يفوت

.

ود الباوقة الكضاب خليها الرزاله
حال البلد يحنن دماع عيونى اساله
الناس عايشيين ظروف بلحيل يمين بطاله
والغنم يقرشن فى العضام لا خلن كوشه لا زباله

اطراهو الشبر يا باوقة لاااااااا تنساهو
وفارق للضلال وادرس كمان معناهو
والراجل ان كضب اوعـاك لا تبراهـو
ولاتكون الاضينة الحق براك تختاهـو

بت عمسيب
واصلي بوستك ود الباوقة ما تباريهو
الرضى البشير سيدو وناسي الشبر الراجيهو
والبسوي الرذيلة ما بخليها مهما تغلظي عليه
والضرب على الميت حرام يبقى كيف تحييهو

يا .. راكب سرجين خاتي نضاره
وشيشك كما التفاحه
كرشك متروسه تقول نقاره
تبسبس تطلع ريح تعمل غباره
كل حرمه عاوز وتدوره
لافح حق الشعب خاتيه سفه ودقاره
شعب حافي كايس حق السجاره
تظـــرط يا الذمم عامل البلد وكاله

مليون ميل!!!!!!

فا الدهشة والاكتئاب وسيل لعاب. وأدركت ان الصبح ولي وما من مآب لصلاة أصالة او اعتياد وراسي المحمود محمول علي أعواد مشنقة بها وطن تدلي وتدنى ودنا عند سدرة المنتهي وما انتهي انه مليون ميل

ما بين فا الدهشة وتا السكوت تركض خيلي وتقطع الانفاس وبعض درويش مع الطار دار ايا وطن مسجي كبعض مسيح خنجر وما من جريح فعند التناول ذاب وانا التائه بين كنيسة وضريح


بالعربي يا ود الباوقة ما هو ده الماغصني انقسم الجنوب واتشالت حلايب وشلاتين والفشفة اتحدي لو في زول في حكومة السجم عارف مساحة السودان كم دي حكومه ما بتقال فيها مسدار دي حكومة لازم تتقلع
قوموا الي ثورتكم راشدين
بت عمسيب سلام وسلام وسلام

شوف بت المشرف جابت كلاما زين
ما زي قول ناسا تسمح للكضب والشين
قالت قومو النضال ما رجى للقاعدين
الراجيني هواها القاعة وفي البيوت نايمين
خليهم مع الناس الخوالف والبقية عوين

يا ود الباوقة ... شنو خاتي ليك مليون رباعية ؟
سيب البزار .. وخلي المسدار الابيض لليوم الاسود
نزل بشويش خلينا نفهم حاجة . ههههههههههه

Quote: بت عمسيب حبابك .. ويا الباوقة أركز ----------------------

حباب عصوم اخوي ...


يا عصوم اخوي الباوقة زول مخمـــــوم
طبـــال للبشير وعـــارف الفساد بالكــوم
جاري وراء الضلال جايب العتاب واللوم
ويعرض في الخراب وشايف الوطن مكلوم

المجرم عمر البشير يا ابو سفة
اكان راجل ما كان جابك الترابى و كبر اللفة
منك كل الناس محروقة و بتقول حفة
ويوما قريب تبقى للنا الناس محل تفة

ابنة عمى منى ..

لك التحايا الطيبة و الاشواق ...

البشير يا الباوقة من يومه كان فقران
عدمان الهديم وفي جلده كان جربان
علمناهو اللبس وطول عمره كان عدمان
مسكناهو البلد شبع ,, والليلة بقا بطران
نشفو البلد من خيرها وقفلو الدكان